Tag: کھیل

کولمبو:ایشیا کپ ون ڈے سپر فور مرحلے میں بارش کی وجہ سے پاکستان اور بھارت کا میچ روک دیا گیا۔

باغی ٹی وی: ایشیا کپ ون ڈے سپر فور مرحلے کے بڑے مقابلے میں بھارت کی پاکستان کے خلاف دوسری وکٹ 123 رنز پر گری ایشیا کپ ون ڈے سپر فور مرحلے کے بڑے مقابلے میں پاکستان نے بھارت کے خلاف ٹاس جیت کر فیلڈنگ کا فیصلہ کیا ،بھارت نے 24.1 اوورز میں 2 وکٹوں کے نقصان پر 147 رنز بنالیے ہیں۔

بھارتی ٹیم کے کپتان 56 رنز کی اننگز کھیل کر شاداب خان کا شکار بنے ، جب کہ شبمن گل کو 58 رنز پر شاہین شاہ آفریدی نے آؤٹ کیا۔ بھارت نے اس وقت 19 اوورز میں دو وکٹوں کے نقصان پر 140 رنز بنالیے ہیں کریز پر اس وقت ویرات کوہلی اور کے ایل راہول موجود ہیں۔

ٹاس کے موقع پر گفتگو کرتے ہوئے قومی کرکٹ ٹیم کے کپتان بابر اعظم نے کہا کہ بولنگ کا فیصلہ پچ دیکھ کر کیا ہے، پلیئرز فارم میں ہیں ہر میچ کو نیا سمجھ کر کھیلتے ہیں بھارتی کپتان روہت شرما نے کہا کہ فرق نہیں پڑتا پہلے بیٹنگ کریں یا بولنگ ہمیں اچھا پرفارم کرنا ہے، ٹاس جیت کر پہلے بیٹنگ ہی کرتے۔

پاکستان کرکٹ ٹیم کے وکٹ کیپر بیٹر محمد رضوان کا کہنا ہے ہم نے بھارت کو ہرانے کے لیے بھرپور محنت کی ہے اور محنت کر رہے ہیں جو ہمارے ہاتھ میں ہے موسم ہمارے ہاتھ میں نہیں ہے لیکن تیاری سے فرق پڑتا ہے، ہمارے ہاتھ میں تیاری ہے، وہ زیادہ کرنے کی کوشش کرتے ہیں،ہم بھی اور فینز بھی بھارت کو ہرانا چاہتے ہیں اسی طرح بھارت والے بھی جیتنا چاہتے ہیں، ہمارا بینچ بھی بہت مضبوط ہے، بھارت کے خلاف ٹارگٹ اتنا آسان بھی نہیں تھا کنڈیشنز پر بڑا انحصار ہوتا ہے۔

پاکستانی ٹیم:

پاکستان بھارت کے خلاف اسی ٹیم کے ساتھ کھیلے گا جس نے بنگلا دیش کے خلاف آخری میچ کھیلا تھا، پاکستان ٹیم میں شاہین آفریدی، نسیم شاہ، حارث رؤف، فہیم اشرف، نائب کپتان شاداب خان، افتخار احمد، فخر زمان، امام الحق اور کپتان بابر اعظم،محمد رضوان اور سلمان علی آغا شامل ہیں۔

ایشیا کپ : پاکستان اور بھارت آج مدمقابل ہوں گے

بھارتی ٹیم:

پاکستان کے خلاف بھارتی ٹیم میں کپتان روہت شرما سمیت شبمن گل، ویرات کوہلی، کے ایل راہول، ایشان کشن، ہاردک پانڈیا، رویندر جڈیجا، شاردل ٹھاکر، جسپریت بمراہ، کلدیپ یادیو اور محمد سراج شامل ہیں۔

آئی سی سی ون ڈے رینکنگ، پاکستان عالمی نمبر ون نہ رہا

دبئی: آسٹریلیا نے انٹرنیشنل کرکٹ کونسل (آئی سی سی) ون ڈے رینکنگز میں پہلے پوزیشن حاصل کرلی۔

باغی ٹی وی: آئی سی سی کی جانب سے جاری کردہ نئی ون ڈے رینکنگز کے مطابق جنوبی افریقہ کے خلاف دوسرا ون ڈے میچ اپنے نام کرنے کے بعد آسٹریلیا 121 ریٹنگز کے ساتھ سرفہرست ہے پاکستان 120 ریٹنگز کے ساتھ دوسرے جب کہ تیسرے نمبر پر بھارت موجود ہے جس کی ریٹنگ 114 ہے۔

قومی کرکٹ ٹیم نے گزشتہ ماہ آئی سی سی ون ڈے رینکنگ میں آسٹریلیا سے عالمی نمبر ون کا ٹائٹل چھینا تھا افغانستان کو تین میچوں پر مشتمل ون ڈے سیریز میں کلین سویپ شکست دینے کے بعد پاکستان آئی سی سی ون ڈے رینکنگ میں پہلی پوزیشن پر آگیا تھاتاہم اب آسٹریلیا نے گزشتہ روز جنوبی افریقہ کو 5 روزہ ون ڈے سیریز کے دوسرے میچ میں 123 رنز کے بڑے مارجن سے شکست دی اس طرح آسٹریلیا نے پاکستان سے عالمی نمبر ون کی پوزیشن چھین لی۔

ایشیا کپ : پاکستان اور بھارت آج مدمقابل ہوں گے

دوسری جانب پاکستان کے پاس عالمی نمبر ون بننے کا ایک اور سنہری موقع موجود ہے قومی ٹیم آج ایشیا کپ کے سُپر فور مرحلے میں بھارت سے ٹکرائے گی بھارت کو شکست دینے کی صورت میں پاکستان دوبارہ ون ڈے فارمیٹ میں بہترین ٹیم بن جائے گی۔

پاکستان اور بھارت کے درمیان ایشیا کپ کے سُپر فور مرحلے کا میچ کولمبو میں دن ڈھائی بجے کھیلا جائے گا سری لنکن محکمہ موسمیات کے مطابق کولمبو میں آج 90 فیصد بارش کاامکان ہےایشین کرکٹ کونسل (اے سی سی) کی جانب سےمیچ بارش سےمتاثر ہونے کی صورت میں پاک بھارت ٹاکرے کیلئے ریزرو ڈے کا اعلان کیا ہے۔ میچ آج مکمل نہ ہونے کی صورت میں کل وہیں سے کھیلا جائے گا جہاں پر ختم ہوا ہوگا۔

بنگلہ دیشی ٹیم ایشیا کپ سے آوٹ

نئی دہلی: بھارتی کرکٹ بورڈ کے سیکریٹری اور ایشین کرکٹ کونسل (اے سی سی) کے صدر جے شاہ نے کہا ہے کہ ایشیا کپ کے تمام میچز پاکستان میں نہ کرانے کی بڑی وجہ براڈ کاسٹرز کی ہچکچاہٹ تھی۔

باغی ٹی وی: بی سی سی آئی کے سکریٹری جے شاہ نے منگل کو پی سی بی کے سابق صدر نجم سیٹھی کے حالیہ تبصروں کا جواب دیا جس میں انہوں نے ذکر کیا کہ انہوں نے اپنے دور میں 2023 کا ایشیا کپ سری لنکا کے بجائے متحدہ عرب امارات میں کرانے کی تجویز دی تھی۔

اے سی سی کے صدر جے شاہ نے بذریعہ ای میل تمام ممبران کو ایشیا کپ کے تمام میچز پاکستان میں نہ کرانے کے حوالے سے وضاحت دی انہوں نے کہا کہ اے سی سی صدر کی حیثیت سے وہ ٹورنامنٹ کروانے کیلئے پُرعزم تھے،ٹورنامنٹ کیلئے سری لنکا کو مشترکہ میزبان بنایا گیا اور ہائبرڈ ماڈل کے تحت پاکستان میں بھی میچز کروائے گئےتاہم یہ بات قابلِ ذکر ہے کہ پاکستان کرکٹ بورڈ (پی سی بی) کی قیادت میں ایشیا کپ سے قبل کئی تبدیلیاں ہوئیں-

ایشیا کپ:پاک بھارت میچ بارش سے متاثر ہونے کا امکان

انہوں نے مزید کہا کہ ان تبدیلیوں کے نتیجے میں کچھ مذاکرات آگے پیچھے ہوئے جس میں میچز کیلئے ٹیکس چھوٹ اور انشورنس جیسے اہم پہلو شامل تھے براڈ کاسٹرز، میڈیا رائنٹس ہولڈرز پاکستان میں ایشیاکپ کے تمام میچز کروانے سے ہچکچارہے تھے جبکہ سیکیورٹی مسائل اور معاشی حالات بھی ان کی بڑی وجہ تھی،مزید برآں، پاکستان میں جاری براعظمی ٹورنامنٹ کے تمام کھیلوں کی میزبانی نہ کرنے کا فیصلہ وہ تھا جو اس میں شامل اسٹیک ہولڈرز کے اتفاق رائے سے ہوا تھا۔

ایشیا کپ: کیا بھارت پاکستان کے ساتھ کھیلنے اور شکست سے ڈرتا ہے؟،نجم سیٹھی

انڈین ایکسپریس کے مطابق شاہ نے ایک بیان میں کہا، "ایشیا کپ 2022 کا ایڈیشن یو اے ای میں ٹی 20 فارمیٹ میں کھیلا گیا تھا۔ “اس بات پر زور دینا ضروری ہے کہ ٹی 20 ٹورنامنٹ کی حرکیات کا براہ راست 100 اوور کے ون ڈے فارمیٹ سے موازنہ نہیں کیا جا سکتا۔ اس تناظر میں، اے سی سی کے اراکین نے ستمبر کے مہینے میں یو اے ای میں ون ڈے میچز کھیلنے کے بارے میں خدشات کا اظہار کرتے ہوئے اپنی متعلقہ اعلیٰ کارکردگی والی ٹیموں سے رائے حاصل کی اس طرح کا شیڈول ممکنہ طور پر کھلاڑیوں کی تھکاوٹ اور چوٹوں کے بڑھتے ہوئے خطرے کا باعث بن سکتا ہے، خاص طور پر سب سے اہم آئی سی سی کرکٹ ورلڈ کپ سے پہلے۔

ایشیا کپ سپُر فور مرحلہ:پاکستان اور بنگلادیش کی ٹیمیں ٹکرائیں گی

پاکستان اور بھارت کے درمیان 10 ستمبر کو سری لنکا کے شہر کولمبو میں کھیلے جانے والے میچ میں گرج چمک کے ساتھ بارش کا امکان ہے-

باغی ٹی وی: پاکستان کی میزبانی میں کھیلے جانے والے ایشیا کپ کے سپر فور مرحلے کا آغاز آج سے لاہور کے قذافی اسٹیڈیم میں ہورہا ہےاس مرحلے کے پہلے میچ میں بنگلہ دیش اور پاکستان کی ٹیمیں آپس میں ٹکرائیں گی،قومی کرکٹ ٹیم سپر فور مرحلے کا اپنا دوسرا میچ 10 ستمبر کو بھارت کے خلاف کولمبو کے پریمیداسا اسٹیڈیم میں کھیلے گی-

تاہم 10 ستمبر کوپاکستان اور بھارت کے درمیان سپر فور میچ کے دوران کولمبو میں گرج چمک کےساتھ بارش کا امکان ہے پاکستان اور سری لنکا کا میچ بھی واش آؤٹ ہوسکتا ہے موسمیاتی ماہرین کے مطابق میچ کے دن بارش کا امکان 75 فیصد جبکہ رات کے وقت بارش کا امکان 95 فیصد تک بڑھ جائے گا اس وجہ سے شائقین بہت کم ایکشن اور ممکنہ واش آؤٹ کی توقع کرسکتے ہیں۔

ایشیا کپ سپُر فور مرحلہ:پاکستان اور بنگلادیش کی ٹیمیں ٹکرائیں گی

پاک بھارت میچ بارش کے باعث متاثر ہونے کی صورت میں دونوں ٹیموں کو 1،1 پوائنٹ دیا جائے گا اس طرح دونوں ٹیموں کیلئے فائنل تک رسائی کیلئے اپنے بقیہ دونوں میچز جیتنا ضروری ہوجائیں گے۔

واضح رہے کہ پاکستان ایشیاکپ کے سپر فور مرحلے کیلئے کوالیفائی کرچکا ہے، قومی ٹیم نے اب تک دو میچ کھیلے جن میں سے پہلے میں نیپال کو شکست دی جبکہ دوسرا میچ بھارت کے خلاف تھا جو بارش کی وجہ سے بغیر کسی نتیجے کے ختم ہوگیا تھا-

ایشیا کپ: کیا بھارت پاکستان کے ساتھ کھیلنے اور شکست سے ڈرتا ہے؟،نجم سیٹھی