نئی دہلی: آئی سی سی کرکٹ ورلڈکپ 2023 میں پاکستان اور بھارت کا میچ ری شیڈول کیا جائے گا۔
باغی ٹی وی: بھارتی میڈیا کے مطابق آئی سی سی کرکٹ ورلڈ کپ کے شیڈول میں تبدیلیوں کا اعلان آج متوقع ہے، احمد آباد کی انتظامیہ نے سکیورٹی وجوہات اور مذہبی تہوار کی وجہ سے پاک بھارت میچ کو ری شیڈول کرنے کی درخواست کی تھی۔
بھارتی میڈیا کا بتانا ہے کہ 5 اکتوبر سے شروع ہونے والے ورلڈ کپ کے شیڈول میں چند تبدیلیاں کی جائیں گی، پاک بھارت میچ شیڈول سے ایک روز پہلے کھیلا جائے گا،دونوں ٹیموں کے درمیان میچ 15 اکتوبر کو احمد آباد کے نریندر مودی اسٹیڈیم میں ہونا ہے۔ اس دن نوراتری کا تہوار بھی شروع ہو رہا ہے۔ اس کے پیش نظر سیکورٹی ایجنسی نے میچ کی تاریخ یا مقام تبدیل کرنے کا مشورہ دیا ہے تاہم 15 اکتوبر کو شیڈ ول پاک بھارت میچ اب 14 اکتوبرکوری شیڈولڈ کیاجائےگا،14 اکتوبر کو انگلینڈ اور افغانستان کے درمیان ڈے نائٹ میچ 15 اکتوبر کو دن میں کرائے جانے کا امکان ہے۔
۔ شیڈول کے مطابق فی الحال 14 اکتوبر کو 2 میچ ہوں گے۔ نیوزی لینڈ اور بنگلہ دیش کے درمیان پہلا میچ بنگلورو میں اور دوسرا انگلینڈ اور افغانستان کے درمیان دہلی میں ہوگا۔ دہلی میں ہونے والا میچ دوپہر 2 بجے سے شروع ہوگا، پاک بھارت میچ بھی دوپہر 2 بجے سے ہونا ہے، اسی لیے اس میچ کی تاریخ تبدیل کی جاسکتی ہے۔ باقی میچوں کے وقت اور مقام میں کوئی تبدیلی نہیں کی جائے گی۔
شیڈول کے مطابق فی الحال 14 اکتوبر کو 2 میچ ہوں گے۔ نیوزی لینڈ اور بنگلہ دیش کے درمیان پہلا میچ بنگلورو میں اور دوسرا انگلینڈ اور افغانستان کے درمیان دہلی میں ہوگادہلی میں ہونے والا میچ دوپہر 2 بجے سے شروع ہوگا، پاک بھارت میچ بھی دوپہر 2 بجے سے ہونا ہے، اسی لیے اس میچ کی تاریخ تبدیل کی جاسکتی ہے۔ باقی میچوں کے وقت اور مقام میں کوئی تبدیلی نہیں کی جائے گی۔
میڈیا رپورٹس کے مطابق پاک بھارت میچ کے شیڈول میں تبدیلی نوراتری تہوار کی وجہ سے کی جا رہی ہے جبکہ بھارتی کرکٹ بورڈ کے سربراہ جے شاہ کا کہنا تھا کہ چند بورڈز نے میچز کے درمیان 6 روز کے وقفے کو کم کر کے 4 یا 5 روز کرنے کی درخواست کی تھی جے شاہ کا کہنا تھا ورلڈکپ میں میچز کے وینیوز میں تبدیلی نہیں ہو گی، صرف تاریخوں کو تبدیل کیا جائے گا۔
دوسری جانب ہندوستان اور پاکستان کے درمیان ورلڈکپ میچ کے دوران اشتہار کی فیس 30 لاکھ روپے فی 10 سیکنڈز ہوگی۔ رپورٹس کے مطابق براڈ کاسٹرز اس میچ سے 1 ہزار کروڑ روپے کمانے کیلیے پُرامید ہیں، نشریات دکھانے کے خواہشمند ٹی وی چینل کو 90 کروڑ کے قریب رقم ادا کرنا ہوگی جبکہ ’’پاورڈ بائی‘‘ اسپانسرز کا بجٹ 75 کروڑ رکھا گیا ہےجبکہ ورلڈکپ کے دیگر مقابلوں کیلئے 7 لاکھ روپے فی30 سیکنڈز مقرر کیا گیا ہے۔
15 اکتوبر کو شیڈول میچ کی وجہ سے ہوٹلوں کی قیمتیں آسمان پر پہنچ گئی ہیں جبکہ فضائی سفر بھی مہنگا ہوگیا ہے، ہند پاک میچ کے دوران ہوٹلز بکنگ کی معلومات میں بتایا گیا ہے کہ ہوٹلز کے ڈیلکس کمرے کی قیمت 5 ہزار 699 روپے سے بڑھ کر 71 ہزار 999 روپے تک پہنچ گئی ہے جبکہ ایس جی ہائی وے پر واقع رینیسنس احمد آباد ہوٹل نے میچ کے روز کمرے کی بکنگ 8 ہزار سے بڑھا کر 90 ہزار 679 روپے تک پہنچ چکی ہے۔
واضح رہے کہ میگا ایونٹ کا آغاز 5 اکتوبر سے شروع ہوگا، پاکستان ورلڈکپ میں اپنے سفر کا آغاز 6 اکتوبر کو حیدر آباد میں نیدرلینڈز کے خلاف میچ سے کرے گا 12 اکتوبر کو پاکستان کا سامنا سری لنکا سے ہوگا جبکہ روایتی حریف ہند پاک کے درمیان مقابلہ
احمد آباد کے نریندر مودی کرکٹ اسٹیڈیم میں ہوگا ورلڈکپ کا پہلا سیمی فائنل ممبئی، دوسرا کولکتہ میں ہوگا، فائنل 19 نومبر کو احمد آباد نریندر مودی میں کھیلا جائے گا-
