Tag: کے پی کے

ایس ڈی پی او شیخ ملتون سرکل ریشم جہانگیر کی نگرانی میں زیر قیادت ایس ایچ او بخت زادہ خان تھانہ شیخ ملتون پولیس نے سیکٹرشیخ ملتون میں چھاپہ مارا جہاں موجود 07 ملزمان کو گرفتار کرکے تھانہ منتقل کیا گیا، ملزمان کے قبضے سے 10بوتلیں شراب اور 525گرام چرس قبضہ پولیس ہوکر مروجہ ایکٹ کے تحت مقدمہ درج کر دیا گیا، سماجی و معاشرتی جرائم کیخلاف ضلعی پولیس کی مزید کارروائیاں جاری ہے

امیر جماعت اسلامی پاکستان سراج الحق نے پشاور کی تحصیل متھراکے عوام کو ضمنی الیکشن میں جماعت اسلامی کو ووٹ دینے کی اپیل کردی۔ انہوں نے عوام سے کہا ہے 6اگست کو تحصیل متھرا کے عوام ترازو کو ووٹ دیکر عملی خدمت سے سرشار چیئرمین کو منتخب کریں۔ جماعت اسلامی نے حاجی افتخاراحمد کو نامزدکرکے اہلیان علاقہ کو حقیقی عوامی نمائندے کے انتخاب کا سنہری موقع فراہم کیا ھے۔سراج الحق نے کہا کہ حاجی افتخار نے الخدمت کے پلیٹ فارم سے علاقے میں سیلاب متاثرین کی دن رات خدمت کی ہے، امیر جماعت اسلامی نے کہا کہ ہم سیلاب سے متاثرہ چھوٹے کاشتکاروں کو مفت بیج کھاد اور زرعی ادویات فراہم کرکے ہزاروں گھرانوں کے روزگار کا سلسلہ بحال کیا ہے۔جماعت اسلامی کے نامزدامیدوار افتخار احمد کی امانت اور دیانت کی گواہی ہمارے علاوہ حلقے کےعوام بھی دے رہے ہیں۔ انہوں نے کہا کہ افتخار احمد ایک ویژنری لیڈر ھے جس نے سینکڑوں بے روزگار نوجوانوں کو آن لائن کاروبار کے زریعے روزگار کے مواقعے فراہم کئیے ہیں۔

یمردان کے علاقے ساولڈھیر میں توہین رسالت کے الزام میں قتل کئے گئے مولوی نگارعالم کو جرگے نےبے گناہ قرار دیکر ان کے قتل میں ملوث ملزمان پر 35 لاکھ دیت رکھ کرراضی نامہ کرلیا۔آج ساولڈھیر میں ایک جرگہ کا انعقاد کیا گیا جس میں علاقے کے علماء اور مشران نے شرکت کی ۔مقامی جرگہ ممبر ظہور داد نے بتایا کہ علماء نےعلاقے کے قاضٰی مولانا محمد ادریس کی سربراہی میں متفقہ فیصلہ دیا کہ8 مئی کو مولوی حافظ نگار عالم کے منہ سے پی ٹی آئی کے احتجاجی مظاہرے میں غیرشرعی الفاظ نکلے تھے لیکن ان الفاظ پر نہ اسے گستاخ رسول ٹھہرایا جاسکتا ہے اور نہ وہ قتل کرنے کا حقدار تھا۔علماء نے کہا کہ اگر اس نے غیر شرعی الفاط ادا کئے تھے تو اسے قانون کے حوالے کرنا چائیے تھا لیکن اس کے خلاف اشتعال پیدا کرکے اسے قتل کیا گیا جو کہ ظلم اور زیادتی ہوئی ہے اورمولوی حافظ نگار عالم کا قتل ناحق ہوا ہے۔ مشتعل ہجوم کے ہاتھوں قتل کئے گئے نگار عالم کے خاندان نے جرگے کو بتایا کہ اگر ہمارا بھائی واقعی گستاخ ثابت ہوا تو ہم اپنے خاندان کی جانب سے ملوث لوگوں کو ہار پہنائیں گے، مولوی نگار عالم بے گناہ تھے اور علماء کی نگرانی میں تحقیق کرکے فیصلہ کیا جائے۔انہوں نے کہا کہ علاقے کے علماء کا متفقہ فیصلے آنے کے بعد نگار عالم کے خاندان والے راضی ہوگئے اور ملزمان کو معاف کردیا۔جرگہ ممبر کے مطابق کہ پولیس کی جانب سے ساولٖڈھیر سے تعلق رکھنے والے 104 افراد کے خلاف مقدمات درج کئے گئے تھے جس کچھ نے ضمانت قبل از گرفتاری حاصل کئے تھے جبکہ کچھ افراد جیل میں ہیں۔جرگے نے فیصلہ کیا کہ مرحوم مولوی نگار عالم کے بچوں کی کفالت کے لئے ملزمان 45 لاکھ روپے دیت میں دینگے جس میں مرحوم کے خاندان والوں نے دس لاکھ روپے جرگے کو واپس کرکے 35 لاکھ روپے رکھ لئے۔یاد رہے کہ رواں برس 8 مئی کو مردان کے علاقہ ساولڈھیر میں پاکستان تحریک انصاف کے ایک احتجاجی مظاہرے میں اختتامی دعاکے وقت مقامی عالم کے منہ سے مبینہ طورپر کچھ الفاظ اداہوئے جس کے بعد ان پر گستاخ رسول کا الزام لگا کر مشتعل ہجوم نے اسے بیدردی سے قتل کیا اور قتل کرنے کے بعد علاقے میں نہ اس کی نمازجنازہ کرنے دیا گیا جبکہ تدفین بھی صوبہ پنجاب میں کی گئی اور خاندان والوں کو تعزیت اور فاتحہ کرنے بھی نہیں دیا گیا۔بعدازاں واقعے میں ملوث افراد کے خلاف ریاست کی مدعیت میں قتل اور دہشت گری کے مقدمات درج کئے گئے جس میں جے یو آئی ف کے سابق ڈسٹرکٹ کونسلر مولانا عرفان اللہ سمیت 104 افراد نامزد کئے گئے تھے۔

ضلع خیبر میں مسجد کے اندر خودکش دھماکے کے 3 سہولت کار گرفتار خیبر پختونخوا کے ضلع خیبر میں علی مسجد کے اندر ہونے والے خودکش دھماکے کے 3 سہولت کاروں کو گرفتار کر لیا گیا۔محکمہ انسداد دہشتگرد (سی ٹی ڈی) نے ایک کارروائی کے دوران خودکش حملے کے سہولت کاروں کو گرفتار کیا۔ دھماکے کے نیتجے میں ایڈیشنل ایس ایچ او عدنان آفریدی شہید ہوئے تھے۔ترجمان سی ٹی ڈی کے مطابق حساس اداروں کی کوششوں سے 3 سہولت کاروں کو ٹریس کیا گیا، ملزمان میں دلاور خان اور اس کے دو بیٹے ضابطہ خان اور عارف خان شامل ہیں۔سی ٹی ڈی کے مطابق تفتیش میں ملزمان نے واقعے میں سہولت کاری کا اعتراف کیا، ملزمان کے گھر سلطان خیل سے خودکش جیکٹ، کلاشنکوف و دیگر اشیا برآمد کر لی گئیں۔گرفتار ملزمان سے تفتیش جاری ہے جس میں انکشافات متوقع ہیں۔

ضلع خیبر باڑہ سے تعلق رکھنے والے سابقہ ایم پی اے شفیق آفریدی کو اسلام آباد ائر پورٹ پرایگزٹ کنٹرول لسٹ میں نام شامل ہونے پر دبئی جانے سے روک دیا گیا ۔امیگریشن حکام کے مطابق سابقہ ایم پی اے شفیق آفریدی کا نام ایگزٹ کنٹرول لسٹ میں شامل ہے، اس لیے انہیں ملک سے باہر جانے کی اجازت نہیں دی جا سکتی۔سابقہ ایم پی اے محمد شفیق آفریدی دبئی میں ایک پرائیویٹ بزنس میٹنگ میں شرکت کرنے کے لئے جا رہے تھے۔

ضلع خیبر سے تعلق رکھنے والے سابقہ ایم پی اے کو وفاقی تحقیقاتی ادارے ایف آئی اے نے بدھ کی رات اسلام آباد سے دبئی جانے سے روک دیا ہے۔محمد شفیق آفریدی کو ایک گھنٹے تک ایف آئی اے نے اپنے آفس میں بٹھایا اور بعد میں پاسپورٹ واپس کردیا اور ایک نجی ائر لائین سےاف لوڈ کر دیا گیا ۔محمد شفیق آفریدی کو ایئر پورٹ حکام نے اس وقت روکا جب وہ دبئی کے لئے ایک فلائٹ میں سوار ہو رھے تھے ایف آئی اے حکام نے جب سابقہ ایم پی اے شفیق آفریدی سے پوچھا کہ آپکا نام کیوں لسٹ میں شامل کیا گیاہے ۔تو شفیق آفریدی نے کہا کہ میں پاکستان تحریک انصاف کا ممبر صوبائی اسمبلی رہ چکا ھوں ۔باقی میں نے کوئی جرم نہیں کیا ایگزٹ کنٹرول لسٹ میں نام شامل کرنے کیخلاف قانونی چارہ جوئی کرونگا ۔

پاکستان تحریک انصاف کے سابق صوبائی وزیر تیمور سلیم جھگڑا نے نگران وزیر اعلی کو ڈاریکٹر اینٹی کرپشن کو ہٹانے کے لئے خط لکھا ہے ،جس میں تیمور جھگڑا نے کہا ہے کہ ٹارگٹڈ ایف آئی آر پر ڈائریکٹر اینٹی کرپشن کو ہٹا کر کارروائی کی جائے۔نگراں وزیراعلیٰ اعظم خان کو لکھے گئے خط میں انہوں نے تحریر کیا کہ ڈائریکٹر اینٹی کرپشن کی ہدایت پر پی ٹی آئی اراکین کے خلاف مقدمہ درج کیا گیا۔
خط کے متن میں تحریر کیا گیا کہ مشترکہ تحقیقاتی ٹیم (جے آئی ٹی) کی سفارش پر ایف آئی آر درج کرنا غیرقانونی ہے۔ تیمور جھگڑا کی جانب سے خط میں بتایا گیا ہے کہ ٹارگٹڈ ایف آئی ار کی وجہ سے پی ٹی آئی کے ارکان پر دباؤ ڈالا جا رہا ہے،خط میں تیمور سلیم جھگڑا نے کہا کہ ڈائریکٹر اینٹی کرپشن انتخابات سے متعلق اثرانداز ہوتے ہوئے نظر آ رہے ہیں۔خط میں یہ بھی کہا کہ نگراں کابینہ جے یو آئی کے نمائندوں پر مشتمل ہے دیگر جماعتیں بھی تسلیم کرچکی ہیں۔پی ٹی آئی رہنما نے مطالبہ کیا کہ ٹارگٹڈ ایف آئی آر پر ڈائریکٹر اینٹی کرپشن کو ہٹا کر کارروائی کی جائے۔

جمعیت علامہ اسلام مولانا فضل الرحمن نے باجوڑ ورکر کنونشن میں جاں بحق اور زخمیوں کے لئے اپنی طرف سے مالی امداد کا اعلان کیا،انہوں نے کہا کہ جمعیت علماء اسلام کی جانب سے جاں بحق افراد کو 5 لاکھ اور زخمیوں کو 3 لاکھ روپے کی امداد دی جائے گی،اسکے علاوہ حکومت نے بھی جاں بحق اور زخمیوں کے لئے مالی امداد کا اعلان کر دیا ہے، پی ڈی ایم سربراہ مولانا فضل الرحمن کا کہنا تھا خطے میں عدم استحکام پیدا کرنے اور سی پیک منصوبے کو سبوتاژ کرنے کیلئے بے گناہوں کا خون بہایا گیا ۔ان خیالات کا اظہار جمیعت علمائے اسلام کے سربراہ مولانا فضل الرحمان نے سول کالونی جرگہ ہال میں شہداء کے لواحقین اور علاقے کے عمائدین کے ایک بڑے جرگے سے اپنے خطاب کے دوران کیا ۔انہوں نے کہا کہ ہم شہداء کے لواحقین کے ساتھ اس غم کی گھڑی میں شریک ہے،انہوں نے مزید کہا کہ کسی بھی مسلمان کا قتل تمام انسانیت کا قتل ہے ہم اپنا مقدمہ اپنے رب کے حضور پیش کردیتے ہیں ۔ہم نے ہمیشہ مثبت اور تعمیری سیاست کو ترجیح دی ہے ۔
صحافیوں کے سوال کا جواب دیتے ہوئے انہوں نے کہا کہ ریاستی ادارے مکمل طور پر ناکام ہوچکے ہیں ۔اتنے بڑے حملے کی منصوبہ بندی کا ان کو کانوں کان تک خبر نہ ہوئی ۔جس کے نتیجے میں 70 شہادتوں اور ڈیڑھ سو زخمیوں کا بدترین واقعہ رونما ہوا۔