Tag: کے پی کے

نگران وزیر اعلیٰ خیبر پختونخوا محمد اعظم کی زیر صدارت اہم اجلاس منعقد ہوا جس میں خیبر پختونخوا کی آبادی سے متعلق 2023 کی مردم شماری کا تفصیلی جائزہ لیا گیا۔ وزیر اعلیٰ کے مشیر برائے خزانہ حمایت اللہ خان، ایڈیشنل چیف سیکریٹری زبیر اصغر قریشی، وزیر اعلیٰ کے پرنسپل سیکرٹری امجد علی خان، متعلقہ محکموں کے انتظامی سیکرٹریز، پراونشل کمشنر برائے مردم شماری، ڈائریکٹر ادارہ شماریات خیبرپختونخوا اور دیگر متعلقہ حکام نے اجلاس میں شرکت کی۔ اجلاس کو مردم شماری 2023 کے لئے اپنائے گئے طریقہ کار اور دیگر متعلقہ امور پر بریفنگ دیتے ہوئے بتایا گیا کہ ملک کی تاریخ میں پہلی دفعہ مردم شماری کے لئے جدید ٹیکنالوجی سے استفادہ کیا گیا۔ مذکورہ مردم شماری کے لئے صوبے کو 28 ہزار سے زائد بلاکس میں تقسیم کیا گیاتھا۔ اجلاس میں بتایا گیا کہ مردم شماری کے حتمی اعداد و شمار منظوری کے لئے مشترکہ مفادات کونسل میں پیش کئے جائیں گے۔ اجلاس میں مردم شماری کے نتائج کو پرکھنے کے لئے سیکرٹری داخلہ کی سربراہی میں کمیٹی تشکیل دینے کا فیصلہ کیا گیا ہے جو اس سلسلے میں صوبائی حکومت کو اپنی سفارشات پیش کرے گی۔اجلاس میں فیصلہ کیا گیا کہ صوبائی حکومت مردم شماری کے حتمی اعداد و شمار سے متعلق تحفظات سامنے آنے کی صورت میں معاملہ مشترکہ مفادات کونسل کے اجلاس میں اٹھائے گی۔ اجلاس کے شرکاءسے گفتگو کرتے ہوئے نگران وزیر اعلیٰ محمد اعظم خان نے کہا کہ مردم شماری مستقبل کے لئے منصوبہ بندی میں انتہائی اہمیت رکھتی ہے۔ مردم شماری کے حتمی اعداد و شمار کے قومی وسائل کی تقسیم پر گہرے اثرات مرتب ہوں گے۔ وزیر اعلیٰ نے واضح کیا کہ اس بات کو یقینی بنانا ہوگا کہ مردم شماری کے حتمی اعداد و شمار حقائق پر مبنی ہوں۔ انہوں نے اُمید ظاہر کی کہ اس مردم شماری کے حتمی نتائج میں خیبر پختونخوا کے عوام کے ساتھ کوئی زیادتی نہیں ہوگی۔

خیبر پختونخوا صوبائی حکومت کی جانب سے پی اے ایف بیس پشاور اور بڈھ بیر کیمپ سے متصل علاقوں میں پابندیاں عائد کر دی گئی ہے، محکمہ داخلہ و قبائلی امورخیبر پختونخوا نے ہوائی فائرنگ، پتنگ بازی،کواڈ کاپٹر اڑانے اور کبوتر بازی پر پابندی عائد کر دی ، اسکے علاوہ کبوتروں کی دکانوں، دکانوں یا اشتہارات میں ہائی بیم لیزر لائٹس پر بھی پابندی عائد کر دی ہے،سیکٹری محکمہ داخلہ کی جانب سے پابندی کا اطلاق چھ ماہ کے لئے ہوگا ۔ پابندی کا اطلاق محفوظ ہوابازی یقینی بنانے کے لئے کیا گیا۔محکمہ داخلہ کے مطابق خلاف ورزی پر پاکستان پینل کوڈ 1860 کی سیکشن 188 کے تحت کاروائی ہوگی۔ جس کے تحت محکمہ داخلہ و قبائلی امور حکومت خیبرپختونخوا کی جانب سے اعلامیہ جاری کر دیا گیا ہے،

خیبر پختونخوا میں کانگو وائرس کے نتیجے میں چار افراد جاں بحق ہوگئے۔ رواں سال کے ابتدائی 7 ماہ میں کانگو وائرس کے 14 کیسز رپورٹ ہوئے۔بلوچستان کے بعد جانوروں میں پائی جانے والا خطرناک وائرس کانگو خیبر پختونخوا بھی پہنچ گیا ہے، اور اس بیماری سے صوبے میں رواں سال چار افراد جاں بحق ہوگئے ہیں۔محکمہ صحت کی جاری کردہ رپورٹ کے مطابق جاں بحق افراد میں سے 2 کا تعلق خیبرپختونخوا اور 2 کا تعلق افغانستان سے ہے، جب کہ کانگو سے متاثرہ 9 مریض صحت یاب بھی ہوئے ہیں۔
محکمہ صحت کے مطابق گزشتہ 24 گھنٹوں میں ایک مریض صحت یاب ہوکر اسپتال سے ڈسچارج ہوگیا ہے، اور اس وقت حیات آباد میڈیکل کمپلیکس میں کانگو سے متاثرہ ایک مریض زیرعلاج ہے۔

نگران معاون خصوصی سلمیٰ بیگم کی ہدایت پر انسداد گداگری ایکٹ کے تحت پیشہ ور گداگروں کے خلاف آپریشن جاری ہے ، پشاور اور گردونواح میں محکمہ سماجی بہبود دارلکفالہ کی انسداد گداگری سکواڈنے پیشہ ور گداگروں کے خلاف گرینڈ آپریشن کرتے ہوئے مذید 9 پیشہ ور گداگروں کو گرفتار کرلیا ہے نگران وزیر اعلیٰ خیبر پختونخوا کی معاون خصوصی برائے زکوٰۃ،عشر، سماجی بہبود وترقی خواتین سلمیٰ بیگم کی ہدایت پر دارلکفالہ کی ٹیم نے پشاور کے مختلف مقامات پر چھاپے مارے اور پیشہ ور گداگری میں ملوث مرد و خواتین کوانسداد گداگری ایکٹ کے تحت گرفتار کرکے اپنی تحویل میں لے کر دارالکفالہ منتقل کر دیا گرفتار پیشہ ور گداگروں میں 4 مرد اور 5 خواتین شامل تھیں جنکو کوہاٹ روڈ، رینگ روڈ، نشتر آباد، گلبہار، انم صنم چوک اور صدر روڈ سے گرفتار کیا اور انکے خلاف انسداد گداگری ایکٹ کے تحت مقدمات درج کرکے دارالکفالہ منتقل کیا مینیجر دارالکفالہ حناء کا پیشہ ور گداگروں کے خلاف کریک ڈاؤن کے حوالے سے کہنا تھا کہ پشاور اور گردونواح میں گداگری کے خلاف انسداد گداگری ٹیم کاآپریشن جاری رہے گا اور پشاور کو پیشہ ور گداگروں سے پاک کرکے دم لیں گے۔

تورغر ڈی پی او تورغر بلال احمد کی ہدایت پر ہیڈ کوارٹرز جدباء میں یوم شہداء کی مناسبت سے پولیس شہداء کے ایصال ثواب کیلئے قرآن خوانی کا اہتمام کیا گیا جس میں ڈی ایس پی ہیڈ کوارٹرفداخان اور ایس ایچ اوز اور دیگر پولیس افسران اور اہلکاروں نے کثیر تعداد میں شرکت کی۔ قرآن خوانی کے بعد باقاعدہ شہداء کے درجات کی بلندی کیلئے دعا کی گئی۔ ڈی پی او تورغر بلال احمد (پی ایس پی) نے کہا ہے کہ خیبر پختونخوا پولیس کی تاریخ قربانیوں سے بھری پڑی ہے پولیس شہداء کی قربانیاں تاریخ میں سنہری حروف سے لکھی جائیں گی۔ انہوں نے کہا کہ پولیس شہداء کے خاندانوں کے ساتھ دلی ہمدردی ہے وہ خود کو کسی طور پر تنہا نہ سمجھیں ان کے درد میں برابر کے شریک ہیں اور ان کو کسی صورت تنہا نہیں چھوڑا جائے گا،

ایس ایس پی آپریشنز پشاور ہارون الرشید خان کی سربراہی میں ورسک ڈویژن کے تحصیل متھرا کے ضمنی انتخابات کے سلسلے میں سیاسی جماعت کے نمائندوں کیساتھ خصو صی میٹنگ کی ، اس موقع پر ایس پی ورسک ڈویژن ارشد خان بھی موجود تھے ، میٹنگ میں ایس ایس پی آپریشن نے کہا کہ آنے والے تحصیل متھرا کے ضمنی بلدیاتی انتخابات کے موقع پرپولنگ اسٹیشنوں پر ان کی حساسیت کے مطابق سکیورٹی انتظامات کی جائینگے اورعوام کو پرامن ماحول میں الیکشن کی فراہمی کیلئے ہر ممکن اقدامات کیے جائینگے، میٹنگ کے دوران کہا گیا کہ الیکشن کمیشن کے ضابطہ اخلاق پر عملدرآمد کرتے ہوئے خواتین پولینگ سٹیشنوں میں کسی بھی امیدوار اورکارکن کے داخلہ پر مکمل پابندی ہوگی، تمام جماعتوں کے امیدواران اورورکروں کو بھی چاہیے کہ وہ پولیس اورانتظامیہ کے ساتھ سیکیورٹی انتظامات میں تعاون اورہرممکن مدد کریں،

پاکستان تحریک انصاف پارلیمینٹیرین کور کمیٹی کا اجلاس پرویز خٹک کے زیر صدارت پشاور میں منعقد ہوا ، اجلاس میں سابق وزیراعلی خیبر پختونخواہ محمود خان سمیت کور کمیٹی ممبران کی شرکت کی، اجلاس میں کور کمیٹی نے متفقہ طور پر پرویز خٹک کو پارٹی چئیرمین جبکہ محمود خان وائس چئیرمین منتخب کیا گیا، کور کمیٹی نے ضیاء اللہ خان بنگش کو پارٹی انفارمیشن سیکرٹری نامزد کردیا۔ اس موقع پر محمود خان نے کہا کہ میں تمام ممبران کو آج اس اجلاس میں شرکت کرنے پر شکریہ ادا کرتا ہوں۔ آج کا ہمارا اکٹھا ہونا اس بات کا امر ہے کہ ہم سب اس ملک اور خصوصا” خیبر پختونخواہ میں امن چاہتے ہیں اور امن اور خوشحالی کے لئے کام کرنا چاہتے ہیں۔
پارٹی چئیر مین پرویز خٹک نے کہا کہ آنے والے انتخابات میں پاکستان تحریک انصاف پارلیمینٹیرین تمام حلقوں سے اپنے امیدوار کھڑے کرے گی۔ ہماری پارٹی میں سب کے لئے دروازے کھولے ہیں پارٹی میں شمولیتی پروگرام شروع ہیں اس کے علاوہ باقی پارٹیوں کے ساتھ بھی ہم اتحاد کرسکتے ہیں۔ پرویز خٹک نے مزید بتایا کہ
انتخابات کی تیاری کے لئے 19 اگست سے نوشہرہ میں پہلا جلسہ منعقد کرکے ہم اپنی عوامی رابطہ مہم کا آغاز کر رہے ہیں۔ اسکے بعد مانسہرہ، کوہاٹ، ڈی آئی خان، سوات، کوہستان، ہنگو، پشاور، مردان، بونیر، ایبٹ آباد میں بھی جلسے منعقد کئے جائیں گے۔ جسکی کور کمیٹی نے منظوری دے دی۔ پارٹی کے آئین منشور اور اغراض و مقاصد کا بھی کور کمیٹی نے جائزہ لیا۔ مزید کام کے لئے کمیٹی کو ٹاسک حوالے کردیا گیا۔
پاکستان تحریک انصاف پارلیمینٹیرین کا سلوگن امن، ترقی اور خوشحالی ہوگا جسکی کور کمیٹی نے منظوری دے دی۔ پرویز خٹک نے کہا کہ ہمارا مقصد پاکستان اور خصوصا” خیبر پختونخواہ میں امن، ترقی اور خوشحالی کے لئے کام کرنا ہے۔ جس کے لئے ہم ریاستی اداروں کے ساتھ مل کر کام کریں گے۔ ریاستی اداروں کے ساتھ جنگ نہیں بلکہ ان کومضبوط کرنا ہے۔ اور ہم نے اس صوبہ میں پہلے بھی عوام کی خدمت بھرپور انداز میں کی ہے اور انشاءاللہ آگے بھی اپنی خدمات کا سلسلہ اس صوبہ اور ملک پاکستان کے لئے بھرپور طریقہ سے ادا کریں گے۔

خیبر پختونخوا کے سابق صوبائی وزیر اقبال وزیر کی محکمہ پلاننگ اینڈ ڈیویلپمنٹ (پی اینڈ ڈی) میں سرکاری افسر سے ہاتھا پائی ہوگئی۔محکمہ پلاننگ اینڈ ڈیویلپمنٹ کے چیف رورل ڈویلپمنٹ حامد نوید نے کہا کہ سابق صوبائی وزیر اقبال وزیر سیکرٹری پی اینڈ ڈی آفس میں بیٹھے تھے کہ مجھے بلایا، اقبال وزیر ڈسٹرکٹ ڈویلپمنٹ پلان کے لیے فنڈز مانگ رہے تھے۔حامد نوید نے بتایا کہ ترقیاتی منصوبوں کے فنڈز پر الیکشن کمیشن نے پابندی لگائی ہے، اپنے وزراء اور حکام کے لیے بھی وہ فنڈز ہم نہیں فراہم کر سکتے ۔انہوں نے کہا کہ میرے معذرت کرنے پر اقبال وزیر سیخ پا ہوئے اور گالم گلوچ شروع کی، اقبال وزیر کے ساتھ 4 مسلح افراد بھی تھے جنہوں نے مجھ پر حملہ کیا۔حامد نوید نے بتایا کہ اقبال وزیر نے اپنے لوگوں کے ساتھ مجھ پر تشدد کیا ، میرا چہرا زخمی ہوا، اقبال وزیر نے سیکرٹری پی اینڈ ڈی کے ساتھ بھی تلخ کلامی کی۔
انہوں نے مزید بتایا کہ ہم پر تشدد کرنے پر ملازمین اور ایسوسی ایشن والوں نے احتجاج شروع کیا، جس کے بعد نگران مشیر تعلیم رحمت سلام خٹک، پولیس حکام اور سیکرٹریٹ ایسوسی ایشن کے عہدیداروں پر مشتمل ایک جرگہ بنایا گیا جس میں سابق صوبائی وزیر اقبال وزیر نے معافی مانگ لی۔
پولیس نے اس معاملے پر مؤقف دیا کہ سول سیکرٹریٹ میں سابق وزیر اقبال وزیر اور چیف رورل ڈویلپمنٹ کے مابین پہلے تلخ کلامی میں ہاتھاپائی ہوئی جس کے بعد اطلاع ملتے ہی ایس پی کینٹ اور ایس پی سکیورٹی سول سیکرٹریٹ پہنچ گئے۔پولیس نے بیان دیا کہ پولیس نے سالسی کا کردار ادا کرتے ہوئے دونوں فریقین کے مابین صلح کروادی۔دوسری جانب سابق صوبائی وزیر اقبال وزیر نے مقامی ٹی وی سے گفتگو کرتے ہوئے کہا کہ مجھے سیکرٹری نے ہی بات کرنے کے لیے بلایا تھا، اگر ترقیاتی منصوبوں کے فنڈز پر پابندی عائد تھی تو مجھے بلاتے نہیں۔انہوں نے کہا کہ مجھے کسی کے ذریعے بتایا گیا تھا کہ پی این ڈی حکام 12 فیصد کمیشن مانگ رہے ہیں، میں نے اس بات کی تصدیق کے لیے چیف آر ڈی کے سامنے بات کی تو وہ غصے میں اٹھ کر چلے گئے اور باہر میرے پی ایس کے ساتھ لڑائی کرنے لگے۔
اقبال وزیر نے کہا کہ میں اپنے حلقے کے عوام کی فلاح و بہبود کے لیے گیاتھا نہ کہ لڑائی کرنے کے لیے۔پی این ڈی حکام نے اس الزام کی تردید کرتے ہوئے کہا کہ اگر ہم نے کوئی کمیشن مانگا ہے تو وہ الزام تراشی کے بجائے ثبوت پیش کریں۔واضح رہے کہ خیبرپختونخوا کے سابق وزیر ریلیف اقبال وزیر پاکستان تحریک انصاف کے سابق ایم پی رہ چکے ہیں، اقبال وزیر نے 9 مئی واقعات کے بعد پاکستان تحریک انصاف سے کنارہ کشی اختیار کی، اقبال وزیر حال ہی میں پی ٹی آئی پارلیمنٹیرینز میں پرویز خٹک کے ہمنوا ہوئے ہیں۔