Tag: کے پی کے

وزیراعلیٰ خیبرپختونخوا سہیل آفریدی نے پاکستان سٹیزن پورٹل کی کارکردگی کو مزید مؤثر بنانے کیلئے اس کی براہِ راست ذاتی نگرانی کرنے کا اعلان کر دیا ہے۔

پشاور میں اجلاس سے خطاب کرتے ہوئے انہوں نے کہا کہ شہریوں اور سمندر پار پاکستانیوں کو چاہیے کہ وہ اپنی شکایات پورٹل پردرج کریں، حکومت ان کے مسائل کے بروقت ازالے کو یقینی بنائے گی، صوبے کے تمام اضلاع میں مجموعی طور پر2354 ڈیش بورڈز قائم کیے جا رہے ہیں، جہاں شہری شکایات در ج کرا سکیں گے اورانکی پیش رفت کی مانیٹرنگ بھی ممکن ہوگی۔

وزیراعلیٰ نے واضح کیا کہ متعلقہ محکموں اور افسران کو شکایات کے بروقت حل کا ذمہ دار ٹھہرایا جائے گا اور کسی بھی قسم کی غفلت برداشت نہیں کی جا ئے گی،اگر کوئی شکایت ایک دن میں حل ہو سکتی ہے اور اس پر ہفتے لگ جائیں تو یہ ناقابل قبول غفلت تصور ہوگی، انہوں نے ای گورننس کے فروغ پر زور دیتے ہوئے کہا کہ صوبے میں واضح کی گئی مختلف سرکاری ایپس کو پاکستان سٹیزن پورٹل کے تحت یکجا کیا جائے گا تاکہ شہریوں کو ایک ہی پلیٹ فارم پر تمام سہولیات میسرآ سکیں،اس اقدام سے شفافیت، جوابدہی اور عوامی اعتماد میں نمایاں اضافہ ہوگا۔

پشاور:خیبرپختونخوا کے وزیراعلیٰ محمد سہیل آفریدی نے کہا ہے کہ ظلم اور فسطائیت کے نظام میں صرف سڑکیں بنتی ہیں، قومیں نہیں بنتیں،نظام کو اکیلے نہیں بدلا جا سکتا، سب کو مل کر ذمہ داری ادا کرنا ہو گی-

خیبر پختونخوا کے وزیر اعلیٰ محمد سہیل آفریدی نے پشاور میں پاکستان میڈیکل ایسوسی ایشن خیبر پختونخوا کے دو روزہ صحت آگہی کانفرنس میں بطور مہمان خصوصی شرکت کی اور خطاب کرتے ہوئے کہا کہ خیبر پختونخوا واحد صوبہ ہے جہاں 100 فیصد آبادی کو مفت علاج کی سہولت فراہم کی جا رہی ہے۔

انہوں نے کہا کہ پنجاب میں عمران خان کے شروع کردہ مفت علاج کے پروگرام کو ختم کر دیا گیا، آئندہ مالی سال کے بجٹ میں نیوٹر یشن کے شعبے کے لیے وسائل میں نمایاں اضافہ کیا جائے گا، صحت اور تعلیم براہ راست عوامی فلاح سے جڑے شعبے ہیں، ان پر ترجیحی بنیادوں پر سرمایہ کاری کی جا رہی ہے۔

وینزویلا کے صدر امریکی حراست میں،اسپین نے ثالثی کی پیشکش کردی

سہیل آفریدی نے کہا کہ نظام کو اکیلے نہیں بدلا جا سکتا، سب کو مل کر ذمہ داری ادا کرنا ہو گی، ہر فرد کو اپنی ذمہ داری کا احساس دلانا ضروری ہے، ذمہ داری سے انحراف بھی کرپشن کے ذمرے میں آتا ہےصوبائی حکومت گورننس اور سروس ڈیلیوری کے نظام کو مؤثر اور شفاف بنا رہی ہے، ڈاکٹر یاسمین راشد جس جرات اور استقامت سے مقابلہ کر رہی ہیں وہ قابل تحسین ہے، ڈاکٹر یاسمین راشد اپنے حصے کی جنگ لڑ چکی ہیں، اب وہ ہمارے حصے کی جنگ لڑ رہی ہیں۔

وینزویلا کےصدر اور اہلیہ پر مقدمہ کہاں چلے گا؟ امریکی اٹارنی جنرل نے بتادیا

وزیراعلیٰ خیبرپختونخوا نے کہا کہ ظلم اور فسطائیت کے نظام میں صرف سڑکیں بنتی ہیں، قومیں نہیں بنتیں، قومیں اس وقت بنتی ہیں جب امیر اور غریب کے لیے ایک ہی قانون اور عدل و انصاف کا نظام ہو، امیر و غریب کے لیے الگ الگ نظام کے خاتمے کی جدوجہد کا آغاز کر دیا ہے، عمران خان کے ساتھ شروع کی گئی جدوجہد آج بھی پوری قوت کے ساتھ جاری ہے، ہم سب مل کر پاکستان کو اقبال اور قائد اعظم کے خوابوں کے مطابق حقیقی معنوں میں مضبوط ریاست بنائیں گے۔

وینزویلا کی صورتحال تشویشناک، یورپی یونین کی فریقین سے تحمل کی اپیل

پشاور، خیبرپختونخوا کی کابینہ کا اجلاس کل صبح 11 بجے طلب کیا گیا ہے، جس کی صدارت وزیر اعلیٰ سہیل آفریدی کریں گے۔

اجلاس سول سیکرٹریٹ میں منعقد ہوگا، جہاں صوبائی کابینہ کے اراکین کے ساتھ ساتھ متعلقہ سرکاری اہلکار بھی شرکت کریں گے،کابینہ کے اجلاس میں صوبے کے اہم امور، ترقیاتی منصوبوں اورسرکاری پالیسیوں پرغورکیا جائے گا اس موقع پر متعلقہ حکومتی محکموں کے سربراہان کو بھی شرکت کیلئے دعوت نامے ارسال کئے گئے ہیں۔

ذرائع کے مطابق اجلاس میں تعلیمی، صحت اورترقیاتی شعبوں میں پیش رفت، بجٹ اورآئندہ کے منصوبوں پر تبادلہ خیال کیا جائے گا، وزیراعلیٰ سہیل افریدی اجلاس کے دوران صوبے کے عوام کیلئے مختلف پروگراموں اوراقدامات کا جائزہ لیں گے اورکابینہ ممبران کو ہدایات جاری کریں گے تاکہ ترقیاتی منصوبے وقت پر مکمل کئے جا سکیں۔

وزیراعظم شہباز شریف نے کہا ہے کہ نوجوان نسل قوم کے ہیروز اور معمار ہیں اور پاکستان کی ترقی کی کنجی بھی نوجوانوں میں مضمر ہے-

وزیراعظم شہباز شریف نے خیبر پختونخوا کے عوام کی بہادری اور قربانیوں کو خراج تحسین پیش کرتے ہوئے کہا کہ عوام دہشتگردی کے خلاف نبردآزما ہیں اور اپنی جانوں کے نذرانے پیش کر کے ملک میں امن و امان قائم کرنے میں کلیدی کردار ادا کر چکے ہیں، تاریخ آپ کی قربانیوں کو ہمیشہ یاد رکھے گی اور افواج پاکستان نے 6 اور10 مئی کی جنگ میں بھارت کو ایسا سبق سکھایا جو وہ کبھی نہیں بھولے گا،10 مئی کی فتح قوم کی دعاؤں اورافواج پاکستان کی بہادری کا نتیجہ تھی جس نے پاکستان کوعالمی سطح پرعزت دلائی، وزیراعظم نے تعلیم کے شعبے میں بھی کئی اہم اقدامات کا اعلان کیا۔

انہوں نے بتایا کہ پورے خیبر پختونخوا میں لیپ ٹاپ تقسیم کیے جائیں گے اورملک بھر سے میرٹ کے اصول پراعلیٰ ٹریننگ کیلئے نوجوانوں کو زرعی شعبے میں مواقع فراہم کیے جائیں گے نوجوان نسل قوم کے ہیروز اور معمار ہیں اور پاکستان کی ترقی کی کنجی بھی نوجوانوں میں مضمر ہے،بطور وزیراعلیٰ پنجاب وہ 600 بچوں کو چینی زبان سکھانے کے لیے بھی بھیج چکے ہیں اور تمام صوبوں سے بچوں کو تعلیم کے لیے بیرون ملک بھیجنے کا عمل جاری رہے گا۔

وزیراعظم نے ہری پورکے لیے بھی کئی ترقیاتی اقدامات کا اعلان کیا ان میں دانش اسکول کے قیام، خواتین کے لیے علیحدہ کیمپس، پل کی تعمیراورمعیاری تعلیم کی فراہمی شامل ہے پاکستان میکرو لیول پر مستحکم ہے اوراب اسے ترقی کی نئی بلندیوں تک لے جانا ہے شہباز شریف نے عوام سے اپیل کی کہ وہ چیلنجز قبول کریں اور آگے بڑھیں کیونکہ پاکستان جادو ٹونے سے نہیں بلکہ محنت، بھائی چارے اوراتحاد سے ترقی کرے گا۔

وزیراعظم نے چاروں صوبوں کے مشترکہ تعاون پر زور دیتے ہوئے کہا کہ اگر تمام صوبے مل کر ترقی کریں تو پاکستان عظیم بن سکتا ہے عسکری میدان میں جس طرح افواج آگے بڑھیں اسی طرح معاشی اور تعلیمی شعبوں میں بھی سب کو آگے بڑھنا ہوگا انہوں نے ماہم بتول کے حوصلے کی تعریف کی اور کہا کہ خیبر پختونخوا کے کلچر کا احترام بھی ہماری ذمہ داری ہے، اقدامات میں تعلیم، انفراسٹرکچر، خواتین کی ترقی اور نوجوانوں کو مواقع فراہم کرنا شامل ہے جس سے صوبے اور ملک کی ترقی میں تیزی آئے گی۔

پشاور میں وزیراعلیٰ خیبرپختونخوا محمد سہیل آفریدی نے سنٹرل جیل کا دورہ کیا اور 44 کروڑ روپے لاگت سے مکمل کئے گئے جدید سیکیورٹی سسٹم کا افتتاح کیا۔

وزیراعلیٰ نے صوبے کی تمام جیلوں میں قیدیوں کی سزا میں دو ماہ کی خصوصی معافی کا اعلان کیا اورسنٹرل جیل پشاور میں قیدیوں کی سہولیات بہتر بنانے کیلئے دو کروڑ روپے مختص کرنے کا بھی اعلان کیا،انہوں نے قیدیوں کی شکایات کے فوری ازالے کیلئے ڈیجیٹل کمپلینٹ سیل قائم کرنے کی ہدایت بھی دی اور صوبے کے تمام جیلوں کی سولرائزیشن کا اعلان کرتے ہوئے قیدیوں کے لئے جدید سہولیات فراہم کرنے پر زور دیا۔

جیل میں اسپتال کے قیام کے ساتھ کم عمر لڑکوں اور خواتین کیلئے علیحدہ خصوصی سیلزقائم کیے جائیں گے تاکہ قیدیوں کو بہتراورمحفوظ ماحول فراہم کیا جا سکے،سہیل آفریدی نے کہا کہ جیل کا مقصد صرف سزا نہیں بلکہ اصلاح بھی ہے تاکہ قیدی بہتراورمفید شہری بن کرباہر نکلیں،ان اقدامات کے ذریعے قیدیوں کی رہائش، سہولیات اوراصلاحی پروگراموں کو جدید اندازمیں بہتر بنانے کی کوشش کی جا رہی ہے، جو صوبے کی جیل نظام میں ایک مثبت تبدیلی کے طور پر دیکھی جا رہی ہے۔

پشاور: پاکستان تحریک انصاف (پی ٹی آئی) کی خیبرپختونخوا حکومت نے اپنے وسائل سے 63 میگاواٹ کے تین پن بجلی منصوبے کامیابی سے مکمل کر لیے۔

سیکرٹری توانائی و برقیات نثار احمد کی زیرصدارت پیڈو ہاؤس میں پن بجلی کے جاری 7 اہم منصوبوں پر پیشرفت کے حوالے سے جائزہ اجلاس ہوا نثار احمد نے کہا کہ سوات کوریڈور پر 40 کلومیٹر طویل ٹرانسمیشن لائن بچھانے کے کام میں تیزی لائی گئی، جو آئندہ سال مکمل کر لی جائے گی۔

چیف ایگزیکٹو پیڈو حبیب اللہ نے بریفنگ میں بتایا کہ رواں سال 63میگاواٹ کے 3پن بجلی منصوبے مکمل کیے،جن کی بدولت صوبے کو سالانہ 4.4 ارب روپے آمدن حاصل ہو گی ان منصوبوں سے صنعتی شعبے کو سستی بجلی کی فراہمی ممکن ہو سکے گی، جن میں 40.8 میگاواٹ کوٹو دیر، 11.8 میگاواٹ کروڑہ شانگلہ اور 10.2 میگاواٹ جبوڑی مانسہرہ شامل ہیں 300 میگاواٹ بالاکوٹ مانسہرہ، 157 میگاواٹ مدین سوات، 88 میگاواٹ گبرال کالام۔ 84 میگاواٹ ملتان سوات، 69 میگاواٹ لاوی چترال اور 6.9 میگاواٹ مجاہدین پاور پراجیکٹ تورغر پر بھی کام جاری ہے۔

سیکرٹری توانائی نے ضلع سوات میں توانائی کے 3 فلیگ شپ منصوبوں پر کام کی سست روی پر سخت برہمی کا اظہار کرتے ہوئے کہا کہ ان منصوبوں سے 330 میگاواٹ بجلی کی پیداوار آئندہ دو برسوں میں شروع کرنے کی ڈیڈ لائن مقرر کی گئی ہے،انہوں نے متعلقہ پراجیکٹ ڈائریکٹرز کو ہدایت کی کہ تمام منصوبے مقررہ مدت کے اندر مکمل کر لیے جائیں بصورت دیگر کسی بھی قسم کی تاخیر ناقابل قبول ہو گی، محکمہ توانائی موجودہ صوبائی حکومت کے گڈ گورننس روڈ میپ کے تحت گین چارٹ کے ذریعے تمام منصوبوں کی روزانہ کی بنیاد پر نگرانی کر رہا ہے اور پیڈو افسران کو ٹیم ورک کے تحت کام کرنے کی ہدایت کی گئی ہے۔