Baaghi TV

Tag: گرمی

  • شدید ترین لوڈ شیڈنگ ،بڑے پیمانے پر احتجاج کیا جائے گا،وارننگ

    شدید ترین لوڈ شیڈنگ ،بڑے پیمانے پر احتجاج کیا جائے گا،وارننگ

    قصور
    ضلع بھر کے بیشتر دیہی علاقوں میں شدید حبس اور گرمی کے دوران غیر اعلانیہ لوڈشیڈنگ کی انتہا، عوام سراپا احتجاج
    تفصیلات کے مطابق ضلع قصور اور گردونواح کے دیہی علاقے ان دنوں شدید حبس اور گرمی کی لپیٹ میں ہیں
    دن کے وقت درجہ حرارت 40 ڈگری سینٹی گریڈ سے تجاوز کر چکا جاتا ہے اور حبس زیادہ ہونے کے باعث گرمی کا احساس درجہ حرارت 46 سے بھی زیادہ ہوتا ہے
    ایسے میں لیسکو قصور واپڈا کی جانب سے غیر اعلانیہ لوڈشیڈنگ کا سلسلہ حد سے بڑھ گیا ہے خاص کر بیشتر دیہاتوں کے لوگوں کو شاید واپڈا والوں نے انسان نہیں سمجھ رکھا
    دیہاتیوں کے مطابق 18 سے 20 گھنٹے روزانہ بجلی بند رہتی ہے جس سے زندگی مفلوج ہو گئی ہے
    بجلی نہ ہونے کے باعث سرکاری و نجی ٹیوب ویل بند ہیں اور پانی کی شدید قلت پیدا ہو گئی ہے جبکہ گھروں اور کھیتوں میں شدید مشکلات کا سامنا ہے
    اہلیان علاقہ کا کہنا ہے کہ
    ہم گرمی اور پیاس سے تڑپ رہے ہیں جبکہ بچوں اور بزرگوں کی حالت خراب ہو رہی ہے
    بجلی کی بحالی کے لئے بار بار شکایات درج کرائی جاتی ہیں مگر کوئی شنوائی نہیں ہوتی
    رات کو مچھر اور حبس کی وجہ سے نیند نہیں آتی، دن میں دھوپ اور پیاس نے جینا مشکل کر دیا ہے
    واپڈا والوں کا اگر یہ سلسلہ نہ رکا تو ہم سڑکوں پر نکلیں گے

    عوامی نمائندوں اور مقامی تنظیموں نے لیسکو حکام سے فوری نوٹس لینے کا مطالبہ کیا ہے اور خبردار کیا ہے کہ اگر صورتحال نہ بدلی تو بڑے پیمانے پر احتجاجی مظاہرے کیے جائیں گے

  • تین دن سے ٹرانسفارمر خراب،واپڈا اہلکاروں کے حیلے بہانے،پانی کی بوند بوند کو ترس گئے

    تین دن سے ٹرانسفارمر خراب،واپڈا اہلکاروں کے حیلے بہانے،پانی کی بوند بوند کو ترس گئے

    قصور
    ٹبی کمبواںوالی نزد ڈیرہ سردار مختیار والا کا ٹرانسفارمر تین دن سے خراب،بارہا شکایات کے کوئی کاروائی نا ہوئی،شدید ترین گرمی و حبس کے لوگ پانی کی بوند بوند کو ترس گئے

    تفصیلات کے مطابق قصور لیسکو واپڈا کی لاپرواہی سخت گرمی میں بھی عروج پر ہے
    لیسکو واپڈا قصور لوگوں سے بقایا واجبات تو بندوق کی نوک پر حاصل کر رہا ہے مگر صارفین کا حق دینے سے نا صرف قاصر ہے بلکہ الٹا صارفین کو صاف جواب بھی دیا جاتا ہے
    قصور کے نواحی علاقے ٹبی کمبواں والی نزد ڈیرہ سردار مختیار والا ٹرانسفارمر عرصہ تین دن سے خراب ہے جس کی اہلیان علاقہ کی طرف سے بارہا واپڈا اہلکاران کو شکایت کی گئی تاہم عرصہ تین دن گزرنے کے کوئی کاروائی عمل میں نہیں لائی گئی ہر بار لوگ کو ٹرخا دیا جاتا ہے
    واضع رہے کہ اس وقت قصور میں اس سیزن کی شدید ترین گرمی و حبس ہے جس کے باعث لوگوں کا سانس لینا محال ہے اور ان تین دنوں میں اہلیان علاقہ پانی کی بوند بوند کو ترس گئے ہیں تاہم واپڈا اہلکاروں کو رحم نہیں آیا
    اہلیانِ علاقہ نے ارباب اختیار سے اس نا انصافی اور کھلے ظلم پر نوٹس لینے اور ذمہ دار واپڈا اہلکاروں کے خلاف کاروائی کا مطالبہ کیا ہے اور استدعا کی ہے کہ ان کا ٹرانسفارمر فوری مرمت کروا کر بجلی بحال کی جائے

  • اے سی پھٹنے سے 5 افراد کی موت، ایک زخمی

    اے سی پھٹنے سے 5 افراد کی موت، ایک زخمی

    اے سی پھٹنے سے پانچ افراد کی موت ہو گئی

    واقعہ فیصل آباد میں پیش آیا، حجام کی دکان پر لگا اے سی پھٹ گیا، واقعہ میں چھ افراد زخمی ہوئے جن میں سے 5 ہسپتال میں دم توڑ گئے، ایک زخمی ہسپتال میں زیر علاج ہے،اے سی پھٹنے والوں سے جان سے جانے والوں میں حسنین، علی انور، علی رضا، عثمان،اور نبیل شامل ہیں، شہری حکام کی دکان پر موجود تھے کہ اچانک اے سی پھٹ گیا تھا،اور آگ لگ گئی، مرنیوالے تمام شہریوں کا تعلق ایک ہی محلے سے ہے، تمام جاں‌بحق افراد کی نمازجنازہ ادا کر دی گئی ہے،

    پولیس حکام کے مطابق حجام کی دکان پر اے سی لگا ہوا تھا، شہری بال کٹوانے کے لئے دکان پر موجود تھے کہ اے سی پھٹا اور آگ لگ گئی، شہریوں کی موت جھلسنے سے ہوئی ہے،

  • کراچی میں بارش،پنجاب میں گرمی،تاہم بارش کی نوید سنا دی گئی

    کراچی میں بارش،پنجاب میں گرمی،تاہم بارش کی نوید سنا دی گئی

    لاہور میں گرمی کا راج برقرار،تاہم بارش کی نوید بھی سنا دی گئی

    لاہورسمیت پنجاب کے بیشتر اضلاع میں آج موسلا دھار بارشوں کا امکان ہے ، 22 سے 25 جولائی تک پنجاب میں مون سون بارشوں کی پیشگوئی کی گئی ہے۔ صوبے کے بیشتر اضلاع میں تیز ہواؤں کے ساتھ بارشوں کے امکانات ہیں۔ پی ڈی ایم اے کی جانب سے بتایا گیا کہ 23 سے 24 جولائی کے دوران جنوبی پنجاب کے بیشتر اضلاع میں آندھی اور تیز بارش کے امکانات ہیں۔ راولپنڈی، اٹک، جہلم، چکوال، منڈی بہاوالدین، گجرات، گجرانوالہ، حافظ آباد اور وزیر آباد میں بارشوں کے امکانات ہیں۔ مزید یہ کہ لاہور، شیخوپورہ، سیالکوٹ، نارووال، ساہیوال، جھنگ، ٹوبہ ٹیک سنگھ، ننکانہ، فیصل آباد، سرگودھا، بھکر اور میانوالی میں بھی بارشیں متوقع ہیں۔ جنوبی پنجاب کے اضلاع بہاولپور، بہاولنگر، ڈیرہ غازی خان، ملتان، خانیوال، لودھراں، مظفرگڑھ، کوٹ ادو، راجن پور، رحیم یار خان اور لیہ میں بھی بارشوں کے امکانات ہیں۔ ڈی جی پی ڈی ایم اے عرفان علی کاٹھیا کا کہنا تھا کہ وزیر اعلیٰ پنجاب کی ہدایات کے پیش نظر متعلقہ محکمے الرٹ رہیں۔ بارشوں سے گرمی اور حبس کی شدت میں کمی ہو گی۔ بارشوں سے پنجاب کے ندی نالے بپھر سکتے ہیں۔ بڑے شہروں کی انتظامیہ الرٹ رہے اور پیشگی انتظامات مکمل کریں۔ موسمی صورتحال کے پیش نظر متعلقہ انتظامیہ کو الرٹ جاری کر دیا ہے۔ نشینی علاقوں سے پانی کی نکاسی کو جلد ازجلد یقینی بنایا جائے۔ پی ڈی ایم اے کنٹرول روم 24 گھنٹے موسمی صورتحال پر نظر رکھے ہوئے ہے۔ عوام الناس سے التماس ہے کہ حکومتی ہدایات پر عملدرآمد یقینی بنائیں۔ پرانی عمارتوں، کھمبوں اور آسمانی بجلی کی گرج چمک سے بچاؤ کیلئے محفوظ مقامات پر رہیں۔

    لاہور میں موسم شدید گرمی ہے، حبس کم ہونے کا نام نہیں لے رہی،لاہور شہر کا کم سے کم درجہ حرارت 31 ڈگری سینٹی گریڈ ریکارڈ کیا گیا ہے، محکمہ موسمیات کے مطابق آئندہ چوبیس گھنٹے کے دوران بارش کی پیشگوئی کی گئی ہے

    کراچی میں شدید گرمی کے بعد موسلادھار بارش، موسم خوشگوار
    دوسری جانب شہر قائد کراچی میں آج بھی موسم شدید گرم اور مرطوب رہنےکا امکان ہے، کراچی کے کئی علاقوں میں بارش ہوئی ہے، جس سے موسم خوشگوار ہو گیا ہے،کراچی کے جنوبی علاقے کورنگی،گزری،کلفٹن، ڈی ایچ اے میں بارش ہوئی ہے،گلشن معمار، گلشن حدید ملیر تک بارش شروع ہو چکی ہے،محکمہ موسمیات کے مطابق آج شہر کا پارہ 40 ڈگری سینٹی گریڈ تک پہنچ سکتا ہے،محکمہ موسمیات کے مطابق مون سون ہواؤں کا سلسلہ سندھ میں مسلسل داخل ہو رہا ہے جس کے سبب آج اور کل سندھ کے مختلف مقامات پر گرج چمک، درمیانی اور کہیں موسلا دھار بارش ہوسکتی ہے۔

    پشاور میں سورج اور بادلوں کے درمیان آنکھ مچولی جاری، گرمی کی شدت میں کمی آگئی ،پشاور میں مطلع جزوی طور پر ابر آلود ہے، ہوائیں نہ چلنے کی وجہ سے حبس محسوس ہو رہی ہے تا ہم بادلوں کی وجہ سے گرمی کی شدت میں کمی آئی ہے، محکمہ موسمیات کے مطابق بارش کا امکان ہے،آئندہ 24 گھنٹوں میں پشاور سمیت دیگر اضلاع میں موسلا دھار بارش کا امکان ہے.

  • میرے مالک مجھے اٹھالے، میں زندہ نہیں رہنا چاہتا،اداکار راشد محمود

    میرے مالک مجھے اٹھالے، میں زندہ نہیں رہنا چاہتا،اداکار راشد محمود

    ماضی کے مقبول اور سینئر اداکار راشد محمود کے گھر کل بل 45 ہزار آیا تو وہ پھٹ پڑے، ویڈیو ریکارڈ کی، احتجاج ریکارڈ کروایا، ویڈیو سوشل میڈیا پر وائرل ہو گئی

    پاکستان میں موسم شدید گرمی، ہر طرف گرمی کی شدت، دوسری جانب سے لوڈشیڈنگ، اور پھر بلوں کی بھر مار، عوام ہر طرف پریشان ہیں،ایسے میں سینئر اداکار راشد محمود کا بجلی کا بل آیا تو وہ بھی بل دیکھ کر تڑپ اٹھے، موبائل اٹھایا اور بل کو ارباب اختیار کے سامنے لا کر دہائی دے ڈالی،راشد محمود کی ویڈیو سامنے آئی ہے جس میں وہ کہتے ہیں کہ "میرے 701 یونٹ کا بل 45 ہزار 368روپے آیا ہے ، میں 4 مرتبہ ہارٹ اٹیک کے باوجود اللہ کے کرم سے زندہ ہوں لیکن آج سوچتا ہوں میرے اللہ مجھے کیوں بچایا، میں نے اپنی ساری زندگی اس ملک کی نہایت ایمانداری کے ساتھ خدمت کی، ہمارے کاموں کے باعث یہاں اربوں روپے اکٹھا ہوئے لیکن پچھلے کئی سالوں سے لاہور میں ہمارے لیے کوئی کام نہیں، اب میں 45ہزار بجلی کے بل کی ادائیگی کیلئے پیسے کہاں سے لاؤں،میرے پاک پروردگار میں ایک غلط ملک میں پیدا ہوا، ہم نے زندگی رب کے خوف سے گزاری کیا یہی ہمارا قصور ہے؟ میرے مالک مجھے اٹھالے، میں زندہ نہیں رہنا چاہتا، میں باہر جاکر بہت کچھ کرسکتا تھا لیکن میں نہیں گیا، میرا دل دکھا ہوا ہے میں بیمار ہوں، مرنے کی دعا کرنے لگاہو ں،میں نے اس ملک کی ساری زندگی خدمت کرکے غلط کیا، اگر میں بھی چوروں کے ساتھ شامل ہوجاتا تو یہ چیخ وپکار نہیں کرتا”.

    اپنی ویڈیو میں راشد محمود کا مزید کہنا تھا کہ ارباب اختیار نے ہماری قوم کو ایک عذاب میں مبتلا کردیا ہے، ہمارے ملک میں عوام کیلئے کچھ نہیں ہے، یہ ساری جماعتیں ایک جیسی ہیں سب اپنے لیے کررہے ہیں عوام کیلئے کوئی کچھ نہیں کررہا۔

  • گرمی اور لوڈ شیڈنگ کا نیا ریکارڈ ،واپڈا حکام مثل جانور

    گرمی اور لوڈ شیڈنگ کا نیا ریکارڈ ،واپڈا حکام مثل جانور

    قصور
    شدید ترین گرمی،واپڈ کی بے حسی،5 منٹ بعد 30 منٹ کے لئے بجلی بند،گزشتہ روز بجلی و لوڈ شیڈنگ نے سارے ریکارڈ توڑ دیئے،واپڈا حکام کا جانوروں جیسا رویہ اور کام

    تفصیلات کے مطابق قصور میں گزشتہ دن گرمی و لوڈ شیڈنگ نے سارے ریکارڈ توڑ دیئے
    کل شدید ترین گرمی اور حبس تھی جس کے باعث لوگوں کا سانس لینا بھی محال تھی مگر واپڈا حکام نے غیر انسانی بلکہ جانوروں والا کام کرتے ہوئے کل بہادر پورہ فیڈر اور راؤخانوالہ فیڈر میں سارا دن لوڈ شیڈنگ کی اور لوگوں کو خوب اذیت دی
    5 منٹ بجلی کی تشریف آوری رہتی تھی اور 30 منٹ بجلی غائب رہتی تھی جبکہ وولٹیج بھی کافی لو تھے جس کی وجہ سے کل کا دن لوگوں نے سخت اذیت سے گزارا اور بیشر لوگ گرمی کی شدت اور لوڈ شیڈنگ سے بیمار ہوئے
    پانی کی کمی نے بھی لوگوں کو ستائے رکھا
    شہریوں نے واپڈا حکام کے جانوروں جیسے رویے پر اعلی حکام سے نوٹس لینے کی اپیل کی ہے

  • سعودی عرب،گرمی کی وجہ سے 577 حاجیوں کی موت

    سعودی عرب،گرمی کی وجہ سے 577 حاجیوں کی موت

    سعودی عرب میں شدید گرمی، مکہ مکرمہ میں گرمی کی وجہ سے 577 حاجیوں کی موت ہو گئی ہے

    غیر ملکی خبر رساں ادارے کے مطابق گرمی سے جاں بحق حاجیوں میں سے 323 کا تعلق مصر ،60 کا اردن ،35 کا تیونس، 144 کا انڈونیشیا،11 کا ایران اور 3 کا سینگال سے تعلق ہے،سعودی عرب کی وزارت صحت نے تصدیق کی ہے کہ حج کے دوران ہیٹ اسٹروک کے چارہزار سے زائد کیسز سامنے آئے ہیں.

    سعودی عرب میں حاجیوں کی ویڈیو سوشل میڈیا پر وائرل ہو رہی ہیں جس میں وہ گرمی سے بے حال ہیں،مصری حاجی 61 سالہ عزا حامد براہیم نے خبر رساں ادارے اے ایف پی کو بتایا کہ اس نے سڑک کے کنارے لاشیں دیکھی ہیںایسا لگ رہا تھا جیسے سعودی عرب میں قیامت آگئی ہو۔سڑک کنارے گرمی کی وجہ سے شہری بیہوش بھی ہوتے رہے جنہیں طبی امداد کےلیے ہسپتال منتقل کیا گیا،

    سعودی عرب میں گرمی کی وجہ سے بڑی تعداد میں اموات اور لاشوں کا سڑک پر موجود ہونے پر سوشل میڈیا صارفین سعودی عرب کو تنقید کا نشانہ بنا رہے ہیں، ایک صارف نے سوال کیا کہ کیا اس کے لیے سعودی حکومت کو ذمہ دار ٹھہرایا جائے گا؟ جبکہ سعودی اسلامی سیاحت کو فروغ دیتا ہے اور اربوں کماتا ہے۔

    سعودی محکمہ موسمیات کا کہنا ہے کہ مکہ کی عظیم الشان مسجد کا درجہ حرارت 51.8 ڈگری سینٹی گریڈ ریکارڈ کیا گیا۔ گرینڈ مسجد کے قریب واقع مینا کا درجہ حرارت 46 ڈگری تھا۔ ایک صارف نے لکھا کہ گرمی میں سعودی عرب کی عازمین حج کو ناقص سہولیات کے پیش نظر قیمتی جانوں کا ضیاع ہوا.

    ایک صارف نے لکھا کہ ویڈیو میں حجاج کرام کی میزبانی میں سعودی_عرب کی حکومت کی نااہلی کو دکھایا گیا ہے۔ویڈیو میں کئی حجاج ہیں جو گرمی اور دیگر پریشانیوں سے مر چکے ہیں لیکن کسی کو انہیں منتقل کرنے کی جلدی نہیں ہے۔ جب تک حکومت نے ایکشن نہیں لیا ان لوگوں کی لاشیں کئی گھنٹے واک ویز پر پڑی رہیں۔

    واضح رہے کہ سعودی عرب میں حج کا عمل مکمل ہو چکا ہے.حج ایک عظیم مذہبی اجتماع اور مسلمانوں کے لیے ایک لازمی فریضہ ہے، دنیا بھر میں لوگوں نے عید الاضحیٰ منائی۔ تاہم، ہیٹ اسٹروک کے بعد متعدد حجاج کو اسپتالوں اور طبی مراکز میں داخل کرایا گیا، کیونکہ سعودی عرب میں شدید گرمی ہےحکام کے مطابق اس وقت سعودی عرب کے متعدد طبی مراکز میں 4,082 افراد داخل ہیں۔ خلیج ٹائمز کی ایک رپورٹ کے مطابق، وزارت صحت نے انکشاف کیا کہ ملک میں کئی حاجیوں کی اوپن ہارٹ سرجری، گردے کے ڈائیلاسز کے طریقہ کار اور کارڈیک کیتھیٹرائزیشن کی گئی تھی۔وزارت صحت نے 24 اوپن ہارٹ سرجریز اور 249 کارڈیک کیتھیٹرائزیشن کیں۔ 1,006 گردوں کے ڈائیلاسز کے عمل بھی ہوئے۔

    سعودی ولی عہد کا دورہ پاکستان،ابھی تبصرہ نہیں کر سکتے،ترجمان دفتر خارجہ

    دہشتگرد، سہولتکار اُن کے ساتھیوں کا پیچھا کریں گے،آرمی چیف

     ایک دوسرے کے تجربے سے زیادہ سے زیادہ فوائد حاصل کیے جاسکیں۔

  • آج سے 9جون اتوار تک بارشوں،آندھی کا امکان

    آج سے 9جون اتوار تک بارشوں،آندھی کا امکان

    مغربی اور پری مون سون ہواؤں کے ملاپ سے بارشوں کا نیا سلسلہ 4 جون بروز منگل سے ملک میں داخل ہو گا جو کہ 9 جون بروز اتوار تک وقفے وقفے سے جاری رہے گا.اس دوران ملک کے بیشتر علاقوں میں تیز ہواؤں آندھی جھکڑ چلنے اور گرج چمک کے ساتھ بارش اور چند مقامات پر ژالہ باری کا امکان ہے

    بلوچستان
    4 سے 9 جون کے دوران چمن پشین مسلم باغ زیارت ہرنائی قلعہ سیف اللہ قلعہ عبداللہ ژوب قلات صہراب کوہلو بارکھان ڈیرہ بگٹی موسیٰ خیل نوشکی خاران تربت پسنی گوادر اورماڑہ بیلہ خضدار سمیت بیشتر علاقوں میں بادل بنیں گے اس دوران کہیں کہیں تیز ہوائیں آندھی جھکڑ چلنے اور گرج چمک کے ساتھ بارش کا امکان ہے،بارش کے زیادہ تر امکان مشرقی بلوچستان کوہلو بارکھان ڈیرہ بگٹی موسی خیل اور جنوبی بلوچستان اور کچھ شمالی بلوچستان(و ملحقہ علاقوں) علاقوں میں رہیں گے،ان علاقوں میں کہیں کہیں اچھی بارش کا بھی امکان ہے

    خیبرپختونخواہ
    4 سے 9 جون کے دوران چترال دیر بونیر سوات مالاکنڈ مانسہرہ ایبٹ آباد ہری پور ہزارہ چارسدہ پشاور صوابی مردان ایبٹ آباد ہری پور ہزارہ تیمر گرہ بٹ خیلہ بٹگرام پارا چنار بنوں ہنگو کوہاٹ میرانشاہ شمالی اور جنوبی وزیرستان سمیت بیشتر علاقوں میں تیز ہوائیں آندھی جھکڑ چلنے اور گرج چمک کے ساتھ بارش کا امکان ہے.چند مقامات پر ژالہ باری ہو سکتی ہے.اس دوران ڈیرہ اسماعیل خان لکی مروت اور ٹانک میں بھی کہیں کہیں بارش ہو سکتی ہے امکان 60 فیصد رہیں گے

    پنجاب/اسلام آباد
    4 جون شام یا رات سے 9 جون کے دوران اسلام آباد راولپنڈی مری اٹک کلر سیداں جہلم چکوال تلہ گنگ پنڈی گھیب جنڈ میانوالی وادی سون کلر کہار گجر خان سہاوا پنڈدادنخان منڈی بہاوالدین سیالکوٹ نارووال شکر گڑھ گجرات گجرانوالہ لاہور فیصل آباد ننکانہ صاحب چنیوٹ سرگودھا خوشاب نورپور تھل بھکر لیہ کوٹ ادو ملتان ڈیرہ غازی خان تونسہ شریف راجن پور جامپور خانپور ظاہر پیر خان بیلہ جلالپور پیر والا بہاولپور رحیم یار خان صادق آباد فورٹ عباس ہارون آباد ڈونگا بونگا چشتیاں بورے والا عارف والا وہاڑی خانیوال بہاولنگر منچن آباد چیچہ وطنی میاں چنوں اکاڑہ ساہیوال پاکپتن چنیاں قصور کمالیہ ٹوبہ ٹیک سنگھ جھنگ دنیا پور حاصلپور دیپالپور حویلی لکھا سمیت بیشتر علاقوں میں تیز ہوائیں آندھی جھکڑ چلنے اور گرج چمک کے ساتھ بارش کا امکان ہے اس دوران اکا دکا مقامات پر ژالہ باری ہو سکتی ہے.اس دوران کچھ علاقوں میں موسلا دھار سے شدید بارش کا امکان ہے

    سندھ
    5 سے 9 جون کے دوران سکھر لاڑکانہ شکار پور جیکب آباد شہدادکوٹ نواب شاہ حیدرآباد میرپور خاص ٹنڈو آدم دادو مورو نوشہرو فیروز سمیت مختلف علاقوں میں تیز ہواؤں گرج چمک کے ساتھ بارش کا امکان ہے.3 جون رات سے 9 جون تک روزانہ کی بنیاد پر کراچی ٹھٹہ سمیت سندھ کی ساحلی پٹی میں سمندری بادل بنیں گے کہیں کہیں ہلکی بارش یا بوندا ہو گی

    آزاد کشمیر+گلگت
    4 سے 9 جون کے دوران آزاد کشمیر اور گلگت کے تمام علاقوں میں تیز ہواؤں گرج چمک کے ساتھ بارش اور بعض مقامات پر موسلا دھار بارش کا امکان ہے

    تمباکو جیسی مصنوعات صحت کی خرابی اور پیداواری نقصان کا سبب بنتی ہیں

    تمباکو سے پاک پاکستان…اک امید

    تمباکو سے پاک پاکستان، آئیے،سگریٹ نوشی ترک کریں

    تمباکو نشہ نہیں موت کی گولی، بس میں ہوتا تو پابندی لگا دیتا، مرتضیٰ سولنگی

    ماہرین صحت اور سماجی کارکنوں کا ماڈرن تمباکو مصنوعات پر پابندی کا مطالبہ

    حکومت بچوں کو سگریٹ نوشی سے بچانے کیلئے ٹھوس اقدامات کرے، شارق خان

  • بھارت میں ساتویں ،آخری مرحلے کے انتخابات،شدید گرمی،پولنگ جاری

    بھارت میں ساتویں ،آخری مرحلے کے انتخابات،شدید گرمی،پولنگ جاری

    بھارت میں ساتویں اور آخری مرحلے کے انتخابات آج ہو رہے ہیں، آج انتخابات کے تمام مراحل مکمل ہوجائیں گے، چار جون کو کون بنے گا بھارت کا نیا حکمران اعلان کر دیا جائے گا

    بھارت میں آخری مرحلے کے دوران 8 ریاستوں اور مرکز کے زیر انتظام خطوں کی 57 لوک سبھا سیٹوں پر ووٹ ڈالے جا رہے ہیں، 10 کروڑ سے زائد ووٹر آج ووٹ دے رہے ہیں تو وہیں 904 امیدوارمیدان میں ہیں جن کی قسمت کا فیصلہ آج ہو گا، ووٹنگ کے لئے صبح سات سے شام چھ بجے تک کا وقت مقرر کیا گیا ہے، بھارت میں شدید ترین گرمی ہے، جس کی وجہ سے گرمی سے بچاؤ کے لئے انتظامات کئے گئے ہیں وہیں سیکورٹی کے بھی سخت انتظامات ہیں، گرمی کی وجہ سے پولنگ بوتھوں پر شامیانہ وغیرہ کی سہولتیں بھی دی گئی ہیں پولنگ مراکز پر پانی، بیت الخلاء، وہیل چیئر اور بجلی جیسی سہولیات بھی دی گئی ہیں.

    بھارتی انتخابات میں صرف دس فیصد سے کم خواتین امیدوار
    آج ہونے والے بھارتی انتخابات میں 904 امیدوار جن میں سے 328 پنجاب سےہیں،پنجاب کی 13،اترپردیش کی 13 لوک سبھا سیٹوں پر انتخابات ہو رہے ہیں،چندی گڑھ میں ایک سیٹ پر 19 امیدوار میدان میں ہیں ،ساتویں مرحلہ کے انتخاب میں 95 یعنی محض 11 فیصد خاتون امیدوار میدان میں ہیں،بھارت کے موجود لوک سبھا انتخاب میں 10 فیصد سے بھی کم خاتون امیدوار میدان میں آ ئی ہیں، سات مراحل کے انتخابات میں کل 8337 امیدوار تھے جن میں‌سے صرف 797 خواتین امیدوار ہیں۔

    انتخابات کے دوران گرمی کی وجہ سے عملے کو مشکلات کا سامنا، 25 کی موت
    بھارت کے ساتویں مرحلے کے انتخابات کے دوران الیکشن ڈیوٹی پر تعینات عملے کو گرمی کی وجہ سے کافی مشکلات کا سامنا کرنا پڑ رہا ہے۔ اتر پردیش اور بہار میں گزشتہ 24 گھنٹے میں گرمی کی وجہ سے انتخابی عملے کے 22 اراکین کی موت ہو چکی ہے، متعدد گرمی کی وجہ سے بیمار اور ہسپتال میں زیر علاج ہیں، گزشتہ شام اتر پردیش کے مرزا پور ضلع میں الیکشن ڈیوٹی پر جانیوالے 3 انتخابی اہلکاروں اور 6 ہوم گارڈ جوانوں کی موت ہوئی ہے جبکہ 17 اہلکار زیر علاج ہیں، سونبھدر ضلع میں تین انتخابی اہلکاروں کی موت ہوئی ہے ، اتر پردیش، بہار، جھارکھنڈ، راجستھان، دہلی اور مدھیہ پردیش سمیت کئی دیگر ریاستیں شدید گرمی کی زد میں ہیں 45 سے 48 ڈگری درجہ حرارت والی اس گرمی میں پولنگ اہلکار کو شدید پریشانی کا سامنا ہے۔ بہار میں گزشتہ 24 گھنٹوں میں جن 10 پولنگ اہلکاروں کی موت ہوئی ہے، ان میں سب سے زیادہ اموات بھوجپور میں ہوئیں۔ اب تک گزشتہ 48 گھنٹوں میں بھارت میں گرمی کی وجہ سے 74 افراد کی موت ہو چکی ہے، ہیٹ اسٹروک سےہلاک ہونےوالوں میں انتخابی عملےکے25 اہلکار بھی شامل ہیں۔ بھارتی محکمہ موسمیات نے آج 10ریاستوں میں ہیٹ ویو کی پیش گوئی کی ہےجبکہ مشرقی بھارت میں موجودہ گرمی کی لہر مزید 2 دن تک جاری رہنے کا امکان ظاہر کیا گیا ہے۔

    بھارت میں لوک سبھا انتخابات کے آخری مرحلے کے دوران ووٹنگ کے وقت مغربی بنگال میں تشدد ہوا ہے۔ہنگامہ آرائی کے دوارن سی پی ایم اور آئی ایس ایف کے کئی کارکن زخمی ہوئے ہیں۔پولیس نے اس موقع پر لاٹھی چارج بھی کیا ہے،

    ووٹر ریکارڈ تعداد میں اپنا ووٹ ڈالنے کے لیے آگے آئیں،مودی کی اپیل
    بھارتی وزیراعظم نریندر مودی نے بھارتی ووٹرز سے آخری مرحلے کے انتخابات کو لے کر اپیل کی ہے، مودی کا کہنا ہے کہ ” ووٹروں سے درخواست کرتا ہوں کہ وہ جمہوریت کے اس عظیم تہوار میں جوش و خروش سے شرکت کریں۔ مجھے یقین ہے کہ ہمارے نوجوان اور خواتین ووٹر ریکارڈ تعداد میں اپنا ووٹ ڈالنے کے لیے آگے آئیں گے۔ آئیے مل کر اپنی جمہوریت کو مزید متحرک بنائیں”۔

    بھارتی انتخابات ، مودی کی بے چینی،سادہ اکثریت حاصل کرنا مشکل

    ہم جنس پرستی کلب کے قیام کی درخواست پر ڈاکٹر فرید احمد پراچہ کا ردعمل

    بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا

    بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

    سماعت سے محروم بچوں کے لئے بڑی خوشخبری

    ایبٹ آباد میں "ہم جنس پرستی کلب” کے قیام کے لیے درخواست

    ہنی ٹریپ،لڑکی نے دوستوں کی مدد سے نوجوان کیا اغوا

    بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا

    طالبات کو نقاب کی اجازت نہیں،لڑکے جینز نہیں پہن سکتے،کالج انتظامیہ کیخلاف احتجاج

    امجد بخاری کی "شادی شدہ” افراد کی صف میں شمولیت

    مودی کی اگنی ویر سکیم،رشتے آنا بند،نوجوانوں نے بھارتی فوج میں جانا چھوڑ دیا

  • کے الیکٹرک نے ایسے حالات کردیے کہ لوگ خودکشی کرنے پر مجبورہیں،عدالت

    کے الیکٹرک نے ایسے حالات کردیے کہ لوگ خودکشی کرنے پر مجبورہیں،عدالت

    سندھ ہائیکورٹ، جمشید کوارٹر جہانگیر روڈ پر بجلی کی غیر اعلانیہ لوڈشیڈنگ کے خلاف درخواست پر سماعت ہوئی

    سندھ ہائیکورٹ کے جسٹس صلاح الدین نے سماعت کی، درخواست گزار اپنے وکیل کے ہمراہ، کے الیکٹرک اور سرکاری وکیل پیش ہوئے.دوران سماعت عدالت نے وکیل کے الیکٹرک سے علاقے میں لوڈشیڈنگ سے متعلق بیان حلفی طلب کر تے ہوئے کہا کہ ہمیں آپ حلفیہ طور پرلکھ کر دیں کہ کتنی لوڈ شیڈنگ ہو رہی ہے؟ وکیل کے الیکٹرک نے عدالت میں کہا ہمیں اس درخواست گزار پر اعتراض ہے، یہ کیس لڑتے ہیں اور فیس لیتے ہیں۔عدالت نے استفسار کیا کہ اس وکیل نے فیس سے کتنے پیسے کمائے ہوں گے ؟ کچھ لوگ ایسے ہوتے جو مفاد عامہ کیلئے ایسے کیسز کرتے ہیں۔ عدالت نے وکیل کے الیکٹرک سے استفسار کیا اور کہا کہ بتائیں لوڈ شیڈنگ کہاں کی جارہی ہے؟ وکیل نے کہا کہ جہانگیر روڈ پر لوڈشیڈنگ کا کیس ہے، عدالت نے استفسار کیا کہ جہانگیر روڈ پر رہنے والوں کی مالی حیثیت کیا ہے؟ درخواست گزار نے عدالت میں کہا کہ وہاں بہت غریب مڈل کلاس لوگ رہتے ہیں جن کے پاس اے سی تک نہیں، وہاں لوڈشیڈنگ ہوتی ہے۔

    عدالت نے ریمارکس دیتے ہوئے کہا کہ "جن کے پاس اے سی تک نہیں ہیں وہاں لوڈ شیڈنگ ہوتی ہے، جہاں لوگوں کے پاس کھانے کو کچھ نہیں وہاں لوڈ شیڈنگ کرتے ہیں”۔جسٹس صلاح الدین پہنور نے سرکاری وکیل سے مکالمہ کرتے ہوئے کہا آپ کو پتہ ہے یورپی ممالک شجر کاری کیلئے فنڈز دیتے ہیں، وہ لوگ یہاں ہزاروں ایکڑ پر درخت لگانے کیلئے پیسے دیتے ہیں، ان پیسوں سےلوگوں کو سولر لگا کردیں، ایسے لوگوں کے علاقوں کو سولر پر لے آئیں، اسکولوں اور لائبریریز پر تو آپ لوگ سولر لگائیں گے نہیں،عدالت نے کے الیکٹرک وکیل سے کہا آپ کی مجبوریاں اب نہیں چلیں گی، درخواست گزار کہتے ہیں کے الیکٹرک نے ایسے حالات کردیے کہ لوگ خودکشی کرنے پر مجبور ہوگئے ہیں

    کے الیکٹرک وکیل نے عدالت میں کہا سندھ حکومت کو حکم دیا جائے کہ کنڈے ہٹانے میں ہماری مدد کی جائے، اس پر عدالت نے ریمارکس دیتے ہوئے کہا آپ حلفیہ طور پر لکھ کر دیں کہ کتنی لوڈ شیڈنگ ہورہی ہے، درخواست گزارکی وجہ سے آپ کی وکالت پر کوئی اثر نہیں ہوگا۔

    پشاور،لوڈشیڈنگ کیخلاف احتجاج،عوام نے گرڈسٹیشن پہنچ کر خود بجلی بحال کر دی

    کراچی کے شہری بل ادا کریں تولوڈشیڈنگ نہیں ہوگی،کے الیکٹرک

    بجلی لوڈشیڈنگ کے ذمہ داروں پر صبح شام لعنت بھیجیں،وزیراعلیٰ خیبر پختونخوا

    چترال: مارخور کی تیسری ہنٹنگ ٹرافی، امریکی شہری رابرٹ مائلز نے کشمیر مارخور کا شکار کر لیا

    امریکی شہری نے ریکارڈ 232,000 ڈالر کا پرمٹ حاصل کر کے چترال میں مارخور کا شکار کر لیا

    چترال میں مارخور کا غیر قانونی شکار کرنے والا ملزم گرفتار

    بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

    سماعت سے محروم بچوں کے لئے بڑی خوشخبری

    سماعت سے محروم بچوں کے والدین گھبرائیں مت،آپ کا بچہ یقینا سنے گا

    چلڈرن ہسپتال کا کوکلیئر امپلانٹ کے تمام اخراجات برداشت کرنے کافیصلہ،ڈاکٹر جاوید اکرم

    سوتیلے باپ نے لڑکی کے ساتھ کی زیادتی، ماں‌نے جرم چھپانے کیلیے کیا تشدد

    کم عمر لڑکیوں کے ساتھ زیادتی کے شوقین جعلی عامل کو عدالت نے سنائی سزا