گوادر پورٹ اتھارٹی کالونی میں دہشت گردانہ حملے میں شہید ہونے والے پاک فوج کے دونوں جوانوں کی نماز جنازہ ادا کردی گئی ہے
ڈی جی آئی ایس پی آر کے مطابق گوادر پورٹ اتھارٹی کالونی میں دہشت گردی کے حملے کو ناکام بناتے ہوئے جام شہادت نوش کرنے والے سپاہی بہار خان اور سپاہی عمران علی کی نماز جنازہ گوادر میں ادا کی گئی، نماز جنازہ میں پاک فوج، پاک بحریہ، بلوچستان پولیس اور سول سوسائٹی کے نمائندوں نے شرکت کی،نماز جنازہ کی ادائیگی کے بعد شہداء کے جسد خاکی آبائی علاقوں کو روانہ کر دیے گئے، جہاں انہیں مکمل فوجی اعزاز کے ساتھ سپرد خاک کیا جائے گا ۔
ڈی جی آئی ایس پی آر کے مطابق پاکستان کی مسلح افواج قوم کے شانہ بشانہ کھڑی ہیں اور بلوچستان کے امن و استحکام کو سبوتاژ کرنے کی دہشت گردی کی کوششوں کو ناکام بنانے کے لیے پرعزم ہے، ہمارے بہادر بیٹوں کی یہ قربانیاں دہشت گردی کی لعنت کے خلاف لڑنے کے ہمارے عزم کو مضبوط کرتی ہیں، مادر وطن سے دہشت گردی کی لعنت کے خاتمے تک دہشت گردی کے خلاف جنگ جاری رہے گی۔
گوادر پورٹ دہشت گردوں کا حملہ، سندھ اسمبلی میں مذمتی قرارداد جمع کروا دی گئی،پیپلز پارٹی کی رکن سعدیہ جاوید نے قرارداد جمع کرائی،قرارداد میں کہا گیا کہ ایوان گوادر بندرگاہ پر دہشت گردی کی بزدلانہ کارروائی کی شدید مذمت کرتا ہے۔ہم سمجھتے ہیں کہ ایسی حرکتیں ہمیں بحیثیت قوم خوفزدہ نہیں کر سکتیں۔ اس موقع پر ہم چوکس اور چوکس افواج کو خراج تحسین پیش کرتے ہیں۔ جنہوں نے بروقت دشمنوں کے ناپاک عزائم کو ناکام بنایا۔
واضح رہے کہ گزشتہ روز سکیورٹی فورسز نے گوادر پورٹ اتھارٹی کالونی پر حملہ کامیابی سے ناکام بنادیا۔ بروقت کارروائی سے تمام 8 دہشت گرد جہنم واصل ہو گئے۔ ہلاک دہشت گردوں سے اسلحہ، گولہ بارود اور دھماکا خیزمواد برآمد کیا گیا۔
گوادر حملہ، لاپتہ افراد کا ایک اور ڈرامہ بے نقاب
دوسری جانب لا پتہ افراد کا ایک اور ڈرامہ بے نقاب ہو گیا ہے،بی ایل اے کا دہشت گرد کریم جان جس کا نام لاپتہ افراد کی فہرست میں درج تھا گوادر حملے میں ملوث تھا۔کریم جان کو پچھلے دو سالوں سے ان دہشت گرد تنظیموں نے پہاڑوں میں دہشت گردانہ کارروائیاں کرنے اور بے گناہ لوگوں کو قتل کرنے کے لیے بھیجا تھا۔ دوسری طرف ان کی جبری گمشدگی کا ڈرامہ رچایا۔ جبری گمشدگی کا ایک وحشیانہ کھیل ہے جس میں ریاست کو ہر طرف سے بلیک میل کیا جا رہا ہے۔
گوادر جی پی اے کمپلیکس حملے میں مارے گئے دہشت گرد لاپتہ افراد تھے،جان اچکزئی
بلوچستان کے سابق نگران وزیر اطلاعات جان اچکزئی نے ٹویٹ کرتے ہوئے کہا کہ دہشت گردوں اور ان کے سہولت کاروں پر رحم نہیں کیا جائے گا۔ ہم ان چوہوں کو باہر نکالنے کے لیے ریاست کی پوری طاقت کے ساتھ ان کا پیچھا کریں گے۔ اور براہ کرم انہیں لاپتہ افراد یا "ناراض بلوچ” کہنا بند کریں۔گوادر جی پی اے کمپلیکس حملے میں مارے گئے دہشت گرد لاپتہ افراد تھے، جیسا کہ اسلام آباد کے اشرافیہ حلقوں میں کہا جاتا ہے۔ ان کے اہل خانہ ان کی گمشدگی پر ریاست کے خلاف احتجاج کرتے ہیں، لیکن وہ بی ایل اے اور دیگر دہشت گرد تنظیموں میں شامل ہونے کے لیے غائب ہو جاتے ہیں۔لہٰذا بلوچستان میں "لاپتہ افراد” کو دراصل ایجنسیاں نہیں لے جاتیں۔ وہ دہشت گرد بننے کے لیے غائب ہو جاتے ہیں۔
سابق گورنر پنجاب چودھری سرور کا کہنا ہے کہ گوادر جی ڈی اےکمپلیکس پر دہشتگردوں کے حملے کو ناکام بنانےپر سیکیورٹی فورسز کو خراجِ تحسین پیش کرتا ہوں۔ دہشتگردوں کے مذموم عزائم کو خاک میں ملا کر سیکیورٹی فورسز نےثابت کردیا کہ وطن کا دفاع مضبوط ہاتھوں میں ہے۔ بہادر جوانوں کی قربانیوں کو ہمیشہ یاد رکھا جائے گا۔ اللہ پاک شہداء کے درجات بلند فرمائے آمین
گوادر پورٹ اتھارٹی کمپلکس پر بی ایل اے کا حملہ ناکام بنادیا گیا، تمام 8 دہشتگرد ہلاک
پاک فوج کیخلاف مہم چلانے والوں کا پی ٹی آئی سے تعلق نہیں، زین قریشی
بیٹے نے میرے لیے اضافی بندوبست کردیا،شہید کیپٹن احمد کے والد کے جذبات
مبشر لقمان کے ساتھ احترام کا رشتہ ہے اور رہے گا، شیر افضل مروت
مبشر لقمان کو شیر افضل مروت کی جانب سے دیا گیا انٹرویو سننے کے لئے یہاں کلک کریں،
دعا اور خواہش ہے حالیہ انتخابات ملک میں معاشی استحکام لائیں،آرمی چیف
پاکستان آرمی کسی بھی خطرے کا موثر جواب دینے کیلئے ہمیشہ تیار ہے، آرمی چیف
پاکستان ہے تو ہم ہیں، پاکستان نہیں تو ہم کچھ بھی نہیں ہیں، آرمی چیف
غزہ سے فلسطینیوں کی جبری بے دخلی سنگین جرم ہے، آرمی چیف
نوجوان فکری وسائل بروئے کار لاکر درپیش چیلنج کا حل تلاش کریں۔ آرمی چیف
عمان کی رائل آرمی کے کمانڈر کی آرمی چیف سے ملاقات
مخصوص سیاسی جماعت شہداء کی بے حرمتی سے باز نہ آئی
