Tag: گوجرانوالہ

کراچی: گوجرانوالہ کے علاقے جھنگی سے 2 روز قبل اغوا کی جانے والی 7 سالہ بچی کو قتل کردیا گیا، سندھ ہائیکورٹ نے کمسن بچی کےاغوا و زیادتی کےملزم کی سزا کے خلاف اپیل مسترد کرتے ہوئے ملزم امجد علی کی سزا برقرار رکھنے کا حکم دے دیا۔

باغی ٹی وی:پولیس کے مطابق شکایت ملنے پر پولیس نے کارروائی کی جس دوران پولیس نے ملزم کو پکڑ لیا بچی کو قتل کرنے والا ملزم اس کا پھوپھا نکلا جس نے بچی کو زیادتی کے بعد قتل کرنے کا اعتراف کیا ہے،ملزم کو سی سی ٹی وی فوٹیج کی مدد سے گرفتار کیا گیا، ملزم بچی کو اپنے اسکریپ کے گودام میں لےگیا جہاں اس نے زیادتی کے بعد بچی کو قتل کردیا ملزم نے جرم چھپانے کیلئے لاش بوری میں ڈال کر سیوریج نالے میں بہا دی، بچی کی لاش نالے سے نکالنے کیلئے آپریشن آج صبح شروع ہوگا۔

دوسری جانب سندھ ہائی کورٹ میں کمسن بچی کے اغوا و زیادتی کیس میں پھانسی کی سزا کے خلاف ملزم امجد علی کی اپیل پر سماعت ہوئی، پولیس نے عدالت کو بتایا کہ ملزم نے 2 فروری 2018 کو سکھن کے علاقے سے 8 سالہ بچی ماریہ کو اغوا کیا اور اس کے ساتھ زیادتی کی، پولیس نے ملزم امجد علی کو 7 اپریل کو ملیر کے علاقے سے ایک اور بچی کو اغوا کرتے ہوئے رنگے ہاتھوں پکڑا، اور ڈی این اے رپورٹس سے بھی ملزم پر الزامات کی تصدیق ہوئی۔

جناح ہاؤس کیس:اسد عمراورعلیمہ خان سمیت دیگر ملزمان کی ضمانتوں میں توسیع

پولیس حکام نے بتایا کہ ملزم کی سرگرمیوں سےعلاقےکےلوگوں نے لڑکیوں کو تعلیم کیلیے بھیجناچھوڑ دیا تھا، پولیس افسران کے اسکولوں اور مدرسوں کے دورے سے یہ بات سامنے آئی کہ والدین صورتحال سے خوفزدہ ہیں، اس لیے ملزم کے خلاف دہشت گردی کی دفعات بھی مقدمے میں شامل کی گئیں عدالت نےبچی کےاغوا و ذیادتی کے ملزم کی سزا کے خلاف اپیل مسترد کردی اور ملزم امجد علی کی سزا برقرار رکھنے کا حکم دے دیا۔

واضح رہے کہ ماتحت عدالت نے ملزم کوپھانسی اور جرمانے کی سزا سنائی تھی۔

بھارتی حکومت نے کینیڈین وزیر اعظم اور وزیرخارجہ کے دعووں کو مسترد کردیا

گوجرانوالہ : پیسوں کے لئے اغوا کے ڈرامے میں دوست کی جان چلی گئی-

باغی ٹی وی: پولیس کے مطابق افسوسناک واقعہ گزشتہ روز ایمن آباد کےقریب پیش آیا ،گوجرانوالہ میں گکھڑ منڈی کے رہائشی تین دوستوں احمد یار ، داؤد اور زبدیل نے گھر والوں سے پیسے بٹورنے کیلئے اغوا کا ڈرامہ رچایا احمد یار پہلے گھر سے دوستوں کے پاس آیا اور پھر اپنے گھر فون کروایا کہ اسے اغوا کر لیا گیا ہے اور رہائی کے بدلے 5 لاکھ روپے تاوان کا مطالبہ بھی کر دیا۔

پولیس کے مطابق احمد یار کے گھر والے تاوان کی رقم لے کر پہنچے تو ساتھ پولیس کو بھی لے آئے، ایک دوست داؤد رقم وصول کرنے آیا تو اندھیرے میں چھپے پولیس اہلکاروں نے فائرنگ کر دی جس سے وہ موقع پر ہی جاں بحق ہو گیا،داؤد کے موبائل فون پر دوسرے دوست کی فون کالز دیکھ کر پولیس اس تک پہنچی تو سارا سچ سامنے آگیا اور دونوں نوجوانوں کو گرفتار کرلیا گیا۔

سندھ کی 10 رکنی نگران کابینہ نے حلف اٹھا لیا

پولیس نے مجرمانہ غفلت پر دو اے ایس آئی گرفتار کرلیے اور ان کے خلاف اقدام قتل کا مقدمہ درج کرلیا گیا آپریشن میں پروفیشنل ذمے داریوں کا خیال نہیں رکھا گیا، مغوی کو بچانے سے پہلے اغوا کار کو گولی مار دی گئی، اگر یہ واقعہ اصل ہوتا تو مغوی اغوا کاروں کے ہاتھوں مارا جاسکتا تھا۔

اس سے قبل کراچی میں شہید بینظیر آباد میں دوست کے ساتھ مل کر اغوا کا ڈرامہ رچانے والے لڑکے کو بازیاب کرایا گیا تھا ایس ایس پی بینظیر آباد نے سوشل میڈیا پر لڑکے کے اغوا سے متعلق خبر پر ایکشن لیا لڑکے کو مورو ضلع نوشہرو فیروز سے بازیاب کیا گیا، مغوی نے دوران تفتیش دوست کے ساتھ مل کر اغوا کے ڈرامے کا انکشاف کیا، کہا کہ گھر والوں سے پیسے نکلوانے کے لیے اغوا کا ڈرامہ کیا۔

سابق گورنر خیبر پختونخوا شاہ فرمان نے سیاست کو خیر آباد کہہ دیا

گوجرانوالا سے پاکستان تحریک انصاف کے 2 قومی اور 2 صوبائی اسمبلی کے امیدواروں نے پارٹی چھوڑ دی۔

باغی ٹی وی: تفصیلات کے مطابق چوہدری صدیق، علی اشرف، سرفراز مہر اور سردار حق نواز نے پارٹی چھوڑنے کا اعلان کیا۔ پی ٹی آئی چھوڑنے والے رہنماؤں نے 9 مئی کے واقعات کی مذمت کی۔

علی امین گنڈاپور پی ٹی آئی خیبر پختونخوا کے صدر مقرر

خیال رہے کہ 9 مئی کے واقعات کے بعد 150 موجودہ اور سابق ممبران پارلیمنٹ تحریک انصاف کوچھوڑ چکے ہیں اب تک مجموعی طورپر220 اعلی عہدیداران نے پارٹی سے راہیں جدا کرلی ہیں۔

پارٹی چھوڑنے والوں میں 31 سابق وزرا، مشیران اور سابق معاونین خصوصی شامل ہیں،ان میں 50 موجودہ یا سابق ممبران قومی اسمبلی نے تحریک انصاف چھوڑ دی ہے 9 مئی واقعہ کے بعد پنجاب سے 77 سابق ایم پی اے نے پارٹی کو خیرباد کہا کے پی سے 11 سابق ممبران صوبای اسمبلی نے پارٹی چھوڑی۔

کوالالمپور میں روکا گیا پی آئی اے کا جہاز اسلام آباد پہنچ گیا

سندھ سے 8 ممبران صوبائی اسمبلی اور بلوچستان سے 3 ممبران صوبائی اسمبلی نے پارٹی چھوڑی 9مئی کے واقعات کے بعد 52 پارٹی عہدے داران اب تک پارٹی چھوڑنے کا اعلان کرچکے ہیں،تین سینٹرز نے بھی پارٹی کو چھوڑ دیا۔

گوجرانوالا : پاکستان تحریک انصاف کے صدر چوہدری پرویز الہٰی کو ایک اور مقدمے میں گرفتار کرلیا گیا۔

باغی ٹی وی: اینٹی کرپشن حکام کا کہنا ہے کہ پرویزالہی کو پنجاب اسمبلی میں جعلی بھرتیوں کے کیس میں گرفتار کیا گیا ہے،اس حوالے سے مونس الٰہی نے سوشل میڈیا پربیان جاری کرتےہوئےلکھا کہ پہلےکرپشن کرپشن کی رٹ لگائی ہوئی تھی، لاہورکےایک اور گوجرانوالہ کے دونوں کیسز میں پرویز الٰہی بری ہو گئے۔

چودھری پرویز الہی کو دونوں مقدمات میں بری کردیا گیا

پہلے کرپشن کرپشن کی رٹ لگائی ہوئی تھی ۔لاہور کے ایک کیس اور گوجرانوالہ کے دونوں کیسوں میں چوہدری پرویز الٰہی بری ہوگئے تو اب پنجاب اسمبلی کی بھرتیوں کے بھونڈے کیس میں گرفتار کر لیا ۔ الحمد للہ چوہدری پرویز الٰہی عدلیہ سےسرخرو ہو رہے ہیں ۔صرف انتقامی ایجنڈے کے تحت مقدمات درج ہو…

— Moonis Elahi (@MoonisElahi6) June 3, 2023

مونس الٰہی نےلکھا کہ اب پنجاب اسمبلی کی بھرتیوں کے بھونڈے کیس میں پرویز الٰہی کو گرفتار کیا گیا ہےصرف انتقامی ایجنڈے کے تحت مقدمات درج ہو رہے ہیں، پرویز الٰہی عدلیہ سےسرخرو ہو رہے ہیں۔

خیال رہے کہ کچھ دیر قبل ہی گوجرانوالا کی عدالت نےسابق وزیراعلیٰ پنجاب و پاکستان تحریک انصاف کےصدر پرویز الٰہی کیس کا محفوظ فیصلہ سنا یا تھا اور گوجرانوالا کے ڈیوٹی جوڈیشل مجسٹریٹ محمد افضل نے پرویز الٰہی کو دونوں مقدمات سے بری کرنے کا حکم دیا تھا۔

شیخوپورہ: منت سماجت کے باوجود جیل انتظامیہ قیدی کوہسپتال نہ لے گئی ،قیدی جان …

گزشتہ روز لاہور کی اینٹی کرپشن کورٹ نے بھی پرویز الٰہی کو مقدمے سے بری کردیا تھا جس پر انہیں گوجرانوالا میں درج مقدمے میں گرفتار کیا گیا تھا پرویز الٰہی کے خلاف گوجرانوالا تھانہ اینٹی کرپشن میں دو مقدمات درج ہیں ان پر دونوں مقدمات میں گجرات میں سڑکوں کی تعمیر کے ٹھیکوں دوران کِک بیکس کے الزامات ہیں۔

گوجرانوالہ :عدالت نے پرویز الہٰی کو دونوں مقدمات میں بری کرنے کا حکم دے دیا۔

باغی ٹی وی : سابق وزیر اعلیٰ پنجاب اور پی ٹی آئی کے صدر چوہدری پرویز الہٰی کے جسمانی ریمانڈ کی درخواست پر عدالت نے محفوظ فیصلہ سنا دیا ڈیوٹی جوڈیشل مجسٹریٹ محمد افضل نے محفوظ فیصلہ سنا دیا۔

انٹرپول پاکستان کی یو اے ای میں کامیاب کارروائی، تین مطلوب ملزمان گرفتار

پرویز الہٰی کو 2 ارب روپے سے زائد کی کرپشن کے الزام میں گوجرانوالہ کی عدالت میں پیش کیا گیا تھا، عدالت نے پرویز الہٰی کو دونوں مقدمات سے بری کرنے کا حکم سنا دیا فیصلے میں کہا گیا کہ استغاثہ کے پاس ناکافی ثبوت ہیں۔

واضح رہے کہ پی ٹی آئی کے صدر پرویز الہٰی کے خلاف گوجرانوالہ تھانہ اینٹی کرپشن میں 2 مقدمات درج ہیں، دونوں ایف آئی آرز میں گجرات میں سڑکوں کی تعمیر کے ٹھیکوں میں کِک بیکس کے الزامات ہیں۔

مقدمہ نمبر 6/23 میں الزام ہے کہ پل بنیاں سے چھتاں والا تک 10 کروڑ 30 لاکھ روپے کی لاگت سے سڑک تعمیر ہوئی، سڑک تعمیر کا ٹھیکہ دینے کے عوض 50 لاکھ روپے رشوت لی گئی۔

جناح ہاؤس حملے میں ملوث خواتین سمیت تمام ملزمان کو سزا ملے گی،عطا تارڑ

مقدمہ نمبر 7/23 میں الزام ہے کہ گجرات پرانا جی ٹی روڈ سے لکھن وال تک 10 ارب روپے کی لاگت سے سڑک تعمیر ہوئی، سڑک کی تعمیر کا ٹھیکہ دینے کے عوض 2 ارب روپے رشوت لی گئی دونوں ٹھیکوں میں رشوت پرویز الہٰی کے فرنٹ مین سہیل اصغر نے وصول کی۔

واضح رہے کہ گزشتہ روز لاہور کی اینٹی کرپشن کورٹ نے پرویز الٰہی کو مقدمے سے بری کردیا تھا جس پر انہیں گوجرانوالا میں درج مقدمے میں گرفتار کیا گیا تھا۔

بہو سے شادی کیلئے دادا نے 6 سالہ پوتے کو قتل کر دیا

کراچی : ڈکیتی کے دوران ڈاکو فیملی کو یرغمال بنا کر قیمتی سامان زیورات اور نقد کیش لے اڑے-

باغی ٹی وی: پولیس رپورٹ کے مطابق کراچی کے علاقے اسکیم 33 میں ڈکیتی کے دوران ڈاکو فیملی کو یرغمال بنا کر گھر کا صفایا کر گئے،واردات میں ڈاکو گھر سے 35 تولے سونا، نقدی اور دیگر سامان لوٹ کر فرار ہو گئے۔

پولیس کا کہنا ہے کہ ڈاکوؤں نے گھر والوں کو رسیوں سے باندھا اور مزاحمت پر تشدد بھی کیا، واردات کا مقدمہ تھانا سہراب گوٹھ میں درج کر لیا گیا ہے، سی سی ٹی وی کی مدد سے تحقیقات کا آغاز کر دیا گیا ہے۔

دوسری جانب قبل ازیں گوجرانوالہ میں ڈکیتی کے دوران خواتین سے زیادتی کرنے والے تین ڈاکو پولیس مقابلے میں ہلاک ہوگئے-

پولیس کے مطابق گرفتار تینوں ملزمان اپنے دیگر ساتھیوں کی مدد سے فرار ہوئے تو پولیس نےان کا تعاقب کرکے پکڑنے کی کوشش کی جس پر ملزمان نے فائرنگ شروع کردی،پولیس کی جوابی فائرنگ میں تینوں ملزمان ہلاک ہوگئےجن کی لاشوں کوضابطے کی کارروائی کیلئے اسپتال منتقل کردیا گیا ہے۔

پولیس کے مطابق تینوں ملزمان دوران ڈکیتی خواتین سے زیادتیاں کرتے تھے، ملزمان نے ایک گھر میں ڈکیتی کے دوران ماں بیٹی کو بھی اجتماعی زیادتی کا نشانہ بنایا۔ ملزمان میں دو سگے بھائی بھی شامل تھے، تینوں ملزمان کو پولیس نے گزشتہ دنوں گرفتار کیا تھا۔

دوران ڈکیتی خواتین سے زیادتی کے واقعات پر نگران وزیراعلیٰ پنجاب محسن نقوی نے بھی نوٹس لیا تھا اور آئی جی سے رپورٹ طلب کرتے ہوئے ملزمان کی فوری گرفتاری کی ہدایت کی تھی۔