Tag: گورنر سندھ

گورنر سندھ کامران ٹیسوری کا کہنا ہے کہ ہمارے پاس روزانہ آئی ٹی کے 3 سیشن ہوتے ہیں جن میں 50 ہزار سے زائد بچے شرکت کرتے ہیں۔

باغی ٹی وی کے مطابق کامران ٹیسوری نے کہا کہ یہ جگہ جنگل تھی ہم نے یہاں آئی ٹی سینٹر بنایا ہے، یہاں بچوں کو جدید کورسز کروائے جا رہے ہیں، ان کورسز کے ذریعے بچے اب پیسے کما رہے ہیں۔اٴْنہوں نے کہا کہ ہماری حکومتوں نے ان بچوں کے لیے روزگار کے مواقع نہیں دیے۔گورنر سندھ نے کہا کہ کچھ لوگ کہا کرتے تھے حکومت میں آ کر گورنر ہاؤس کی دیواریں گرا دیں گے، ہم نے یہاں آئی ٹی سینٹر بنایا اور بچے تعلیم حاصل کر رہے ہیں، ان بچوں کو جامعہ کراچی اور گوگل سے سرٹیفکیٹ ملے گا۔اٴْنہوں نے کہا کہ یہ بچے ہمارا مستقبل ہیں، یہ آئی ٹی سے ملک میں پیسہ لے کر آئیں گے۔کامران ٹیسوری نے یہ بھی کہا کہ آج مفتی تقی عثمانی صاحب یہاں موجود ہیں، ان کا یہاں آنا ہمارے لیے باعث برکت ہے۔

سرکاری اسکولوں کے طالب علموں کو آئی فون اور لیپ ٹاپ مل گئے

کراچی: لائن سے تیل چوری کی کوشش، مقدمہ درج

گورنرسندھ کامران خان ٹیسوری نے کہا ہے کہ روس پاکستان کے ساتھ بہترین تعلق چاہتا ہے اس ضمن میں موجودہ معاشی صورتحال میں روس پاکستان کے ساتھ دوستی کا ثبوت بھی دینا چاہتا ہے۔

باغی ٹی وی کے مطابق ا ن خیالات کا اظہار انہوں نے گورنرہائوس میں روس کے سفیر Albert Khorev سے ملاقات کے دوران کیا ۔اس سے قبل جب روس کے سفیر Khorev Albert گورنر ہاؤس پہنچے تو انہیں گارڈ آف آنر پیش کیاگیا۔گورنر سندھ کامران ٹیسوری اور روس کے سفیر نے پرچم کشائی کی۔اس موقع پر روسی قونصلیٹ کے نمائندگان بھی موجود تھے۔روس کے سفیر نے مہمانوں کی کتاب میں اپنے تاثرات تحریر بھی کئے ۔گورنرسندھ کے ہمراہ روس کے سفیر نے قائد اعظم گیلری کا دورہ کیا۔ روس کے سفیر کی کراچی کے مشہور برگر اور مٹکہ چائے سے تواضع بھی کی گئی ۔گورنرسندھ نے مزید کہا کہ آج روس کے سفیر سے میری تفصیلی بات ہوئی ہے،انشاللہ پاک روس دوستی تجارت کے تبادلہ میں تبدیل ہوگی۔انہوں نے کہا کہ روس اور پاکستان کی بہت اچھے تعلقات ہیں۔کچھ عرصہ قبل روس کے ڈپٹی وزیر اعظم بھی پاکستان آئے تھے۔ انہوں نے کہا کہ روس کے سفیر کو صوبہ میں سرمایہ کاری کی دعوت دی ہے۔ بعد ازاں گورنر سندھ کامران خان ٹیسوری نے روسی سفیر اور قونصل جنرل کو عزازی ٹوپی اور شال دی۔رو س کے سفیر نے شجر کاری مہم کے تحت گورنرہائو س میں پودا بھی لگایا ۔

واٹس ایپ:تصویر فیکٹ چیک فیچر آزمائشی طور پر شروع

پاکستان کسٹمز میں گریڈ 10سے 18تک کی 69آسامیاں مستقل ختم

کراچی : پولیس افسر کے ساتھ ویڈیو بنوانے والی ٹک ٹاکر کیخلاف مقدمہ درج

ٹرمپ کی کامیابی کا پاکستان سے کوئی لینا دینا نہیں‘ آغا سراج

گورنر سندھ محمد کامران خان ٹیسوری نے کہا ہے کہ پاکستان اور روس کے درمیان دو طرفہ تعلقات وقت کے ساتھ ساتھ مضبوط ہورہے ہیں،دونوں ملکوں کے درمیان تجارت کے حجم میں اضافہ ہونا چاہیے روس نے پاکستان اسٹیل جیسا اہم صنعتی یونٹ قائم کرکے ہزاروں پاکستانیوں کو روزگار کے مواقع فراہم کئے۔

باغی ٹی وی کی رپورٹ کے مطابق وہ روس کے سفارتخانے میں یوم یکجہتی کی منعقدہ تقریب سے خطاب کررہے تھے۔ اس موقع پر وزیر اعلی سندھ سید مراد علی شاہ اور میزبان قونصل جنرل کراچی اینڈرے وی فیڈرآف نے بھی خطاب کیا۔ تقریب میں ترکی،چین،ملیشیا،بنگلادیش،قطر،بحرین اور سلطنت آف عمان کے سفاتکاروں کے علاوہ صوبائی وزیر سید ذوالفقار علی شاہ پیپلز پارٹی سندھ کے صدر نثار احمد کھوڑو،سینٹ کے رکن سرمد علی، رکن سندھ اسمبلی آغا سراج درانی، صوبائی مشیر وقار مہدی،رکن قومی اسمبلی ڈاکٹر فاروق ستار،کلیم فاروقی، ڈی جی فارن افیئرز آفس عرفان سومرو، مرزا اشتیاق بیگ،پیپلزپارٹی ریسرچ کوآردینیشن سیل بلاول ہاس کی سینئر ممبر فیضان حسین سہروردی،پی ٹی آئی کے مصطفی کرانی، یوسف کرانی اور اعلی شخصیات نے شرکت کی۔تقریب میں کیک کاٹا گیا اور روس کے فنکاروں نے فن کا مظاہرہ کیا۔ گورنرسندھ نے مزید کہا کہ پاکستان اور روس اہم ممالک ہیں روس کے قونصل جنرل کی کوشسوں سے دونوں ملکوں کے درمیان مختلف شعبوں میں تعاون میں اضافہ ہوگا۔وزیراعلی سندھ سید مرادعلی شاہ نے کہا کہ یوم یجہتی پر روس کے قونصل جنرل کو مبارکباد پیش کرتا ہوں۔روس کے سرمایہ کار سندھ میں مختلف شعبوں میں سرمایہ کاری کرسکتے ہیں عوام کے درمیان تعلقات بڑھانے کیلئے دونوں ممالک کے وفود کے تبادلوں میں اضافہ ہونا چاہیے۔میزبان روس قونصل جنرل فیدوروف نیکہا کہ عوامی اتحاد کا دن، ہر سال 4 نومبر کو روس کے عوام اپنی قوم کی بے مثال لچک کی یاد میں مناتے ہیں۔ روس پاکستان تعلقات اور شنگھائی تعاون تنظیم کے سربراہی اجلاس کے حوالے سے ایک سوال کا جواب دیتے ہوئے آندرے وی فیڈروف نے کہا کہ روس اور پاکستان کے درمیان تعلقات وقت گزرنے کے ساتھ ترقی کر رہے ہیں اور اس وقت دونوں ممالک کے درمیان 2 بلین ڈالر سے زیادہ کا تجارتی حجم ہے۔انہوں نے کہا کہ شنگھائی تعاون تنظیم کے تمام اراکین برابر ہیں اور اپنے بچوں کے مستقبل کو بچانے کے لیے مل کر کام کر رہے ہیں۔ انہوں نے کہا کہ ایس سی او خطے کو استحکام فراہم کر رہا ہے اور یہ اچھی طرح سے کام کر رہا ہے۔بعد ازاں تقریب سے خطاب کرتے ہوئے آندرے نے کہا کہ ”پیپلز یونٹی ڈی” وہ دن ہے جب ہمارا ملک راکھ سے اٹھا اور نام نہاد مصیبت کے وقت میں پولینڈ کے قابضین سے خود کو آزاد کرایا۔انہوں نے کہا کہ 16ویں صدی کے آخر اور 17ویں صدی کے آغاز میں روس نے سیاسی افراتفری، مغربی مداخلت، دھوکے بازوں، قحط اور دیگر بہت سے خوفناک واقعات کے ذریعے جدوجہد کی۔ ہماری تہذیب، ثقافت اور لوگ معدومیت کے دہانے پر تھے۔ اور اسی لمحے 1612 کے سال میں، ایک عام دکاندار کوزما منین اور ایک امیر ڈیوک دمتری پوزہارسکی نے عوامی رضاکار ملیشیا تشکیل دی جس نے روس کو اپنی حقیقی آزادی دوبارہ حاصل کرنے میں مدد کی۔مصیبت کے اختتام پر ہماری قوم نے بہت سے قیمتی اسباق سیکھے جو نسل در نسل گزرتے چلے آرہے ہیں۔ سب سے پہلے، ایک اور خانہ جنگی اور اشرافیہ کی اندرونی کشمکش کے بجائے روسیوں نے ایک نئے زار میخائل رومانوف کو منتخب کرنے کے لیے تمام خطوں اور سماجی طبقات سے ایک جمہوری کونسل کو اکٹھا کیا، جس کے خاندان نے 300 سال سے زیادہ روس پر حکومت کی۔ پاکستان روس تعلقات کا ذکر کرتے ہوئے آندرے وی فیڈروف نے کہا کہ حالیہ برسوں میں دونوں ممالک کے درمیان دوطرفہ تعاون میں تیزی سے اضافہ ہوا ہے۔روس اور پاکستان کے درمیان اعلی سطحی رابطوں کی سطح اور تعدد میں گزشتہ سال سے ڈرامائی طور پر اضافہ ہوا ہے، جب ہم نے روس پاکستان سفارتی تعلقات کے قیام کی 75 ویں سالگرہ منائی، روسی سی جی نے کہا اور مزید کہا کہ اس کی عکاسی خاص طور پر ہوئی ہے۔ 3 جولائی کو آستانہ میں شنگھائی تعاون تنظیم کے سربراہان مملکت کے اجلاس میں، جس کے موقع پر روسی صدر ولادیمیر پوٹن نے پاکستانی وزیر اعظم شہباز شریف سے ملاقات کی۔انہوں نے روس کے نائب وزیر اعظم الیکسی اوورچوک کے 18-19 ستمبر کو اسلام آباد کے دورے، یکم اکتوبر کو ماسکو میں روس پاکستان تجارتی اور سرمایہ کاری فورم کا بھی حوالہ دیا جس نے ہمارے اقتصادی تعاون کو ایک طاقتور تحریک دی، ایس سی او سربراہان حکومتوں کی میٹنگ۔ 15-16 اکتوبر کو اسلام آباد میں، جس کے سائیڈ لائن پر روسی حکومت کے سربراہ میخائل میشوسٹن نے وزیر اعظم شہباز شریف سے ملاقات کی اور دو طرفہ ایجنڈے کے تمام اہم امور پر تبادلہ خیال کیا۔انہوں نے کہا کہ حال ہی میں روسی سینیٹ کی چیئر مین ویلنٹینا ماتویینکو نے بھی پاکستان کا دورہ کیا۔انہوں نے امید ظاہر کی کہ ان تمام ملاقاتوں کے نتیجے میں ہمارے تعلقات میں مزید پیش رفت ہو گی، ہماری بات چیت کے دوران جن منصوبوں پر تبادلہ خیال کیا گیا وہ شکل اختیار کریں گے اور ہمارے تعاون کی حقیقی صلاحیت جلد ہی سامنے آئے گی۔

دادو کی7سالہ بچی میں پولیو وائرس کا شبہ، کراچی کے ہسپتال منتقل

وزیراعلیٰ سندھ کا ملیر ایکسپریس وے کا دورہ، تجاوزات فوری گرانے کا حکم

کراچی:فائرنگ کے مختلف واقعات میں خاتون سمیت چار افراد زخمی
کراچی کو پانی فراہم کرنے والی لائن 40 سال بعد تبدیل

سندھ کے گورنر کامران ٹیسوری مسلم ممالک ایک ہوکر اتحاد سے دنیا کی معیشت میں حصہ لے سکتے ہیں۔فلسطین میں معصوم۔بچوں کو شہید کیاجارہاہے۔

باغی ٹی وی کی رپورٹ کے مطابق کراچی میں کجھور فیسٹول کی افتتاحی تقریب سے خطاب کرتے ہوئے گورنر سندھ کامران ٹیسوری نے کہا کہ کمزور ملک تجارت اور سفارت میں اپنا حصہ نہیں لے سکتا۔ دنیا سے تجارت میں حصہ طاقت کی بنیاد پر حاصل کرسکتے ہیں۔مسلم ممالک ایک ہوکر اتحاد سے دنیا کی معیشت میں حصہ لے سکتے ہیں۔انہوں نے کہا کہ فلسطین میں معصوم۔بچوں کو شہید کیاجارہاہے۔مسلمانوں کو کمزور سمجھ کر ملک اور تجارت پر قبضے کی تیاری ہورہی ہے۔ خلیجی ممالک کے سفارتی حکام اپنے ممالک کو لکھیں۔ عرب ممالک کے پاس پیسے کی کمی نہیں۔ کمزور ہونے کی بڑی وجہ اتفاق نہ ہونا ہے۔گورنر سندھ نے کہا کہ ہمارے کاشت کار معیار پر توجہ نہیں دے رہے۔

دنیا کے چار ممالک ایک کھجور کے درخت سی1500ڈالر پاکستان 50ڈالر کماتا ہے۔متحدہ عرب امارات کے قونصل جنرل نے اس موقع پر کہا کہ پاکستانی کاشت کار دیگر ممالک سے آئے مندوبین کے تجربات سے استفادہ حاصل کرے۔ پاکستانی کاشت کار دیگر ممالک سے کھجور کی پیداوار کے بارے میں آگاہی حاصل کریں۔ یو اے ای پاکستان کے ساتھ تعاون جاری رکھے گا۔

پاکستان میں تیار کی گئی سوزوکی ایوری کی لانچنگ تاریخ کا اعلان

کراچی میں بارشوں سے تباہ سڑکوں کا کام آئندہ ہفتے سے شروع ہو گا

گورنرسندھ کامران خان ٹیسوری نے کاروباری افراد بالخصوص چھوٹے کاروبار کو وسعت دینے اور انہیں ایکسپورٹ کے ضمن میں ہر ممکن تعاون فراہم کرنے کے لئے گورنرہائوس میں خصوصی سیل کے قیام کا اعلان کردیا ہے۔

باغٰ ٹی وی کی رپورٹ کے مطابق اس خصوصی سیل کے ذریعہ کاروبار ی افراد بالخصوص چھوٹے کاروبار کو درپیش مشکلات کے خاتمہ اور مسائل کے حل میں بھرپور معاونت فراہم کی جائے گی۔گورنرسندھ نے رائس ایکسپورٹ ایسوسی ایشن پاکستان کے دورہ میں ایسوسی ایشن کے نو منتخب چیئر مین فیصل جہانگیر ، سینئر وائس چیئرمین جاوید جیلانی کو مبارک باد بھی دی۔ بعد ازاں میڈیا سے بات چیت کرتے ہوئے گورنر سندھ نے کہا کہ گورنرہائوس میں قائم کردہ خصوصی سیل سے ایکسپورٹرز کے مسائل ترجیحی بنیادوں پر حل کئے جائیں گے جبکہ چھوٹے کاروبار کو ایکسپورٹ کے لئے بھرپور معاونت بھی فراہم کی جائے گی۔

گورنرسندھ نے REAP کو 4بلین ڈالرز ایکسپورٹ کا اہداف حاصل کرنے پر مبارک باد دیتے ہوئے کہا کہ ایسوسی ایشن نے 300 ملین ڈالرز سے 4ارب ڈالرز کا ہدف باآسانی حاصل کرلیا ہے۔آ ج اس تقریب میں ایسوسی ایشن کو مزید 2ارب ڈالر ز ایکسپورٹ کا ہدف دے رہاہوں۔انہوں نے کہا کہ پاکستانی چاول کی دنیا بھر میں زبردست مانگ ہے اسی طرح سندھ کا اچار بھی دنیا بھر میں اپنی نوعیت کا منفرد اچار ہے اس کی ایکسپورٹ کے لئے بھرپور اقدامات یقینی بنانے کی ضرورت ہے۔
انہوں نے کہا کہ ہم سب نے مل کر قومی معیشت کے استحکام کے لئے دن رات کام کرنا ہے اس ضمن میں وفاق یا صوبہ سے جو بھی مسائل ہوں گے اسے ترجیحی بنیادوں پر حل کیا جائے گا۔انہوں نے کہا کہ ایسوسی ایشن کویقین دلانے آیا ہوں کہ ہم ان کے ساتھ ہیں اورتمام کاروباری افراد کے لئے بھی گورنرہائوس کے دروازے کھلے ہیں۔جن کو کوئی مسئلہ درپیش ہے وہ گورنرہائوس آجائیں ان کے مسائل حل کریں گے۔
انہوں نے مزید کہا کہ تمام سیاسی جماعتیں ایکسپورٹ بڑھانے کے لئے متحرک کردار ادا کریں۔سیاسی اختلاف اپنی جگہ لیکن قومی معیشت پر یکجہتی دکھانا ہوگی۔انہوں نے کہا کہ آئی ٹی ایسوسی ایشن بھی جائوں گا ان کے مسائل بھی حل کریں گے۔گورنرسندھ نے کہا کہ آئی ٹی سیکٹر سے 10سے 15ارب ڈالرز ایکسپورٹ ممکن ہے۔ بلاشبہ ہمارے لوگوں میں جذبہ ہے ہمیں ا س کی قدر کرنا چاہئے۔ تقریب میں گورنرسندھ نے بزنس مین گروپ کے چیئرمین زبیر موتی والا کے ساتھ مل کر کیک بھی کاٹا۔ واضح رہے کہ کراچی چیمبر آف کامرس میں بزنس مین گروپ نے بھاری اکثریت سے انتخاب میں کامیابی حاصل کی تھی۔ گورنرسندھ نے نومنتخب چیرمین فیصل جھانگیر اور سینئر وائس چیئرمین جاوید جیلانی کو شیلڈ بھی دی۔

غیر ملکیوں سے فراڈ، 4 ملزمان ریمانڈ پر جیل روانہ

صارم برنی کی آئندہ پیشی پر ضمانت کے امکان روشن

وزیر اعلیٰ سندھ سید مراد علی شاہ کا بابائے قوم قائد اعظم محمد علی جناح کی 148 ویں برسی کے موقع پر پیغام مٰیں کہا ہے کہ قائد اعظم نے حکومت برطانیہ سے برصغیر کے مسلمانوں کے لیے ایک الگ ملک کے مطالبہ کو منوایا.

باغی ٹی وی کی رپورٹ کے مطابق وزیر اعلیٰ سندھ سید مراد علی شاہ نے گورنر سندھ اور صوبائی کابینہ کے اراکین کے ساتھ مزارِ قائد پر حاضری اور میڈیا سے گفتگو مٰیں کہا کہ بابائے قوم نے جس مقصد کے لیے اس مملکتِ عظیم کی بنیاد رکھی ، ہم اسی شاہراہ کے مسافر ہیں، قائد اعظم ایک کرشماتی شخصیت کے مالک تھے انہوں نے ایک ایسی سر زمین کی بنیاد رکھی جہاں تمام مذاہب کے پیرو کاروں کو مذہبی حقوق و آزادی حاصل ہیں، مساواتی ریاست کا قیام قائد اعظم کا ایک عظیم کارنامہ ہے.آج دہشتگردی کیخلاف ہم سب کو یک جان ہوکر اس ملک کی حفاظت کرنا ہوگی،یہ ملک ہمیں بڑی قربانیوں کے بعد نصیب ہوا ہے.ہم اس مملکت عظیم میں آزاد فضا میں سانس لے رہے ہیں.

وزیر اعلیٰ سندھ نے مزید کہا کہ ہمیں اگلی نسل کو اس ملک کی تعمیر و ترقی میں کردار ادا کرنے کے لیے تیار کرنا ہے، ہمیں مستقبل کے معماروں کو جدید دنیا کے تقاضوں کے مطابق ڈھالنا ہے،قائد اعظم کے حقیقی خواب کی تعبیر ہمیں ہی کرنا ہے،ہمیں سب سے پہلے پاکستانی بن کر سوچنا ہوگا، اقلیت و اکثریت ، ریاست کی نظرمیں سب برابر ہیں.ہمارے مفاد یکساں ہیں ، ہماری منزل ایک ہے، وہ ہے پاکستان کی ترقی و خوشحالی.قائداعظم نے قلم کو بڑا ہتھیار قرار دیااور اُس کی طاقت سے ہمیں یہ ملک عظیم بخشا.ہم ہمیشہ بابائے قوم کے احسان مند رہیں گے.آئیں!پاکستان کے حقیقی خواب کی تعبیر کریں، اسے مل کر سنواریں