ماسکو:روس نے گوگل پر بھاری جرمانہ عائد کر دیا :کیا ایسا ممکن بھی ہے؟ ،اطلاعات ہیں کہ روس نے غیر قانونی مواد کے قانون کی مسلسل خلاف ورزی پر بین الاقوامی سرچ انجن گوگل پر 98 ملین ڈالر کا جرمانہ عائد کر دیا۔
اس حوالےسے روسی ذرائع ابلاغ کا کہنا ہے کہ ماسکو کی عدالت کی جانب سے جاری فیصلے میں غیرقانونی مواد کی تفصیلات تو فراہم نہیں کی گئیں تاہم مقامی میڈیا کا بتانا ہے کہ عدالت نے روس میں غیر قانونی قرار دیا گیا مواد نہ ہٹانے پر گوگل پر جرمانہ عائد کیا۔
عدالت نے مقامی قوانین کی خلاف ورزی پر گوگل پر 7 ارب 2 کروڑ روبلز (98 ملین امریکی ڈالر) کا جرمانہ عائد کیا جو معروف ترین سرچ انجن کے سالانہ ٹرن اوور کی بنیاد پر روس میں پہلا جرمانہ ہے۔
گوگل نے غیر ملکی خبر ایجنسی اے ایف پی کو بتایا کہ وہ عدالتی فیصلے کا بغور مشاہدہ کرنے کے بعد مستقبل کے لائحہ عمل کا اعلان کریں گے۔
غیر ملکی میڈیا کے مطابق روسی حکام کی جانب سے ٹیکنالوجی فرم پر ملکی قوانین کی خلاف ورزی پر مشتمل مواد ہٹانے کے لیے مسلسل دباؤ ڈالا جا رہا تھا۔
رواں برس مئی میں روس کے میڈیا پر نظر رکھنے والے ادارے نے گوگل کو خبردار کرتے ہوئے کہا تھا وہ اپنے پلیٹ فارم سے ڈرگ، تشدد اور شدت پسندی کے حوالے سے مقامی قوانین کی خلاف ورزی پر مشتمل مواد ہٹائے۔
دو روز قبل مائیکرو بلاگنگ سائٹ ٹوئٹر پر بھی قوانین کی خلاف ورزی پر بھاری جرمانہ عائد کیا گیا تھا جبکہ فیس بک کی پیرنٹ کمپنی میٹا پر بھی اسی قسم کا مقدمہ عدالت میں چل رہا ہے۔
مواد کی خلاف ورزی کرنے پر روس نے گوگل کو 98 ملین ڈالر جرمانہ کردیا ہے۔
باغی ٹی وی:تفصیلات کے مطابق روسی عدالت نے ملک کے ضوابط کی خلاف ورزی پر گوگل پر 98 ملین ڈالر جرمانہ عائد کیا ہے،روسی عدالت نے مواد کو حذف کرنے میں بار بار ناکامی پر جرمانہ کیا۔
روسی حکام کی جانب سے اس سال ٹیکنالوجی فرموں پر دباؤ بڑھایا ہے، ان پر الزام لگایا ہے کہ وہ مواد کو درست طریقے سے استعمال نہیں کرتے ، اور ملک کے اندرونی معاملات میں مداخلت کرتے ہیں۔
گوگل کے فیصلے کے اعلان کے چند گھنٹے بعد ہی اسی طرح کے مواد سے متعلق جرائم کے لیے فیس بک کی بنیادی کمپنی میٹا کو 2 بلین روبل جرمانہ کیا گیا۔
مواد کے قوانین پر روسی حکام کے ساتھ گوگل کا یہ پہلا مسئلہ نہیں ہے، مئی میں روس کے میڈیا واچ ڈاگ نے دھمکی دی تھی کہ اگر وہ غیر قانونی مواد کے 26 ہزار واقعات کو حذف کرنے میں ناکام رہا تو گوگل کی رفتار کم کر دے گا، جن کا تعلق منشیات، تشدد اور انتہا پسندی سے ہے۔
جبکہ گوگل کا کہنا ہے کہ روس کی جانب سے مواد کی وضاحت نہیں کی گئی تھی، عدالتی دستاویزات کو دیکھ کر آئندہ اقدامات کا فیصلہ کریں گے تاہم ناقدین نے روس پر الزام لگایا ہے کہ وہ آزادی اظہار اور آن لائن اختلاف کو روکنے کے لیے مہم کا استعمال کر رہا ہے۔
اس سے قبل اٹلی نے ایمیزون اور ایپل پرغیرمسابقتی رویہ اپنانے کے الزام میں 225 ملین ڈالر کا جرمانہ عائد کیا تھا اٹلی کی اینٹی ٹرسٹ اتھارٹی واچ ڈاگ نے امریکی ٹیک کمپنیوں ایپل اورایمیزون کو ایپل اور بیٹس کی مصنوعات کی فروخت میں مسابقتی مخالف تعاون کے الزام میں مجموعی طور پر 200 ملین یورو($ 225 ملین) سے زیادہ کا جرمانہ کیا تھا-
پاکستان کے عالمی شہرت یافتہ فنکار، میزبان اور مزاحیہ اداکار معین اختر کی 72 ویں سالگرہ پر گوگل نے اپنے ڈوڈل سے انہیں ایک شاندار خراجِ تحسین پیش کیا ہے۔
باغی ٹی وی :آج رات رات 12:00 بجتے ہی گوگل کے اسکرین پر معین اختر کا ڈوڈل نمایاں ہوگیا گوگل نے کئی ماڈلوں کے ٹی وی پر اپنا نام اور معین اختر کے کرداروں والی تصاویر دکھائی ہیں۔
معین اختر 24 دسمبر 1950 کو کراچی میں پیدا ہوئے اور انہوں نے فنی کیرئیر کا آغاز 6ستمبر 1966ء کو پاکستان کے پہلے یوم دفاع کی تقاریب کے لیے کیے گئے پروگرام سے کیا موین اختر نے 14 برس کی عمر سے ہی تھیئٹر پر کام شروع کردیا تھا۔ انہوں نے شیکسپیئر کے ڈراموں میں اپنی شاندار اداکاری کی۔ پی ٹی وی پر انتظار فرمائیے میں معین اخترکا کردار بہت پسند کیا گیا۔
معین اختر اپنے زبردست مشاہدے ٹائمنگ، ذہانت اور برجستہ اداکار کی باعث نہ صرف پاک وہند بلکہ دنیا بھر میں عالمی شہرت رکھتے تھے انہوں نے لاتعداد ڈراموں، اسٹیج شو، فلموں اور دیگر پلیٹ فارم پر اپنے فن کا جادو جگایا انور مقصود کے لکھے ہوئے شاندار پروگرام لوز ٹاک میں انہوں ںے سینکڑوں کردار ادا کئے جو ایک سے بڑھ کر ایک تھے اور امر ہوگئے۔
لیجنڈ اداکارمعین اخترنے ریڈیو ٹی وی اور فلم میں ادا کاری کے کئی یادگار جوہر دکھائے، 44 سال تک کامیڈی اداکاری گلوکاری اور پروڈکشن سمیت شوبز کے تقریباً ہرشعبے میں ہی کام کیا معین اختر نے طنز و مزاح سے بھرپور جملوں میں تہذیب کا ایک نیا پہلو متعارف کروایا، فنکارانہ خدمات کے اعتراف میں معین اختر کو صدارتی تمغہ برائے حسن کارکردگی سے بھی نوازا گیا۔
معین اختر کے معروف ٹی وی ڈراموں اور پروگرام میں روزی، انتظار فرمائیے، بندر روڈ سے کیماڑی، آنگن ٹیڑھا، اسٹوڈیو ڈھائی، اسٹوڈیو پونے تین، یس سر نوسر، عید ٹرین،مرزا اور حمیدہ، ہاف پلیٹ ،بکرا قسطوں پہ، کچھ کچھ سچ مچ، اور کئی مشہور اسٹیج ڈرامے آج بھی لوگوں کے ذہنوں پر نقش ہیں۔
معین اختر نے 1974 میں فلم، تم سا نہیں دیکھا، مسٹر کے ٹو اور مسٹر تابعدار میں بھی اپنے کام سے شائقین کو خوب لطف اندوز کیا جس پر انھیں پرائڈ آف پرفارمنس اور ستارہ امتیاز سے بھی نوازاگیا۔
فن کی دنیا میں مزاح سے لیکر پیروڈی تک اسٹیج سے ٹیلی ویژن تک معین اختروہ نام ہے جس کے بغیر پاکستان ٹیلی ویژن کی تاریخ نامکمل رہے گی۔
شو بز کے ہر شعبے میں نظر آنے والے فنکار معین اختر 22 اپریل سن 2011ء کوکراچی میں دل کا دورہ پڑنے سے انتقال کرگئے تھے لیکن ان کی یادیں آج بھی مداحوں کے چہروں پر موجود مسکراہٹوں میں زندہ ہیں۔
دنیا کے سب سے بڑے سرچ انجن گوگل کی جانب سے ہر سال کی طرح رواں سال 2021 کا جائزہ لیتے ہوئے پاکستان میں سال میں سب سے زیادہ سرچ کئے جانے والے ڈراموں اور فلموں کی فہرست جاری کر دی گئی-
باغی ٹی وی : پاکستانی شائقین سال 2021 میں تفریح حاصل کرنے کے لیے گوگل پر متعدد غیر ملکی و مقامی ڈرامے اور فلمیں تلاش کرتے رہے اور سب سے زیادہ تلاش کیے جانے والے ڈراموں میں تین پاکستانی ڈرامے بھی شامل رہے رواں سال پاکستانیوں نے گوگل پر نہ صرف مقامی اور بھارتی فلموں اور شوز کو تلاش کیا بلکہ ہالی ووڈ فلموں سمیت جنوبی کورین اور اسپینش فلموں اور ویب سیریز کو بھی تلاش کیا۔
انٹرنیٹ کی سب سے زیادہ معروف سرچ انجن گوگل پر پاکستانی جو ڈرامے اور فلمیں تلاش کرتے رہے، ان کی فہرست درج ذیل ہے-
گوگل کی جانب سے جاری کی گئی فہرست میں پہلے نمبر پر پاکستانیوں نے جسے سرچ کیا وہ اسکوئڈ گیمز ہیں-
1:ستمبر 2021 میں نیٹ فلیکس پر ریلیز ہونے والی ویب سیریز ’اسکوئڈ گیمز‘ جہاں دنیا بھر میں سب سے زیادہ دیکھی جانے والی ویب سیریز بنی، عالمی سطح پر ٹاپ پوزیشن میں رہی وہیں اسے پاکستان میں بھی انٹرنیٹ پر سب سے زیادہ سرچ کیا گیا۔
2: ڈرامہ سیریل ’خدا اور محبت‘ نے رواں سال باقی تمام ڈراموں کو شہرت سے پیچھے چھوڑتے ہوئے انٹرنیٹ پر ملک میں سب سے زیادہ تلاش کیے جانے والے ڈراموں کی فہرست میں دوسری پوزیشن حاصل کی اس ڈرامے کو جہاں پاکستان میں سب سے زیادہ سرچ کیا گیا،وہیں یہ ڈراما بھارت سمیت دیگر ممالک میں بھی تلاش کیا گیا۔
3: گوگل کے مطابق پاکستانی شائقین نے مزاحیہ پاکستانی ڈرامہ سیریل ’چپکے چپکے‘ کو تلاش کیا اور یہ ڈراما تلاش کی جانے والی فلموں اور ڈراموں کی فہرست میں تیسرے نمبر پر رہا۔
4: پاکستانی شائقین نے ڈرامہ سیریل ’رنگ محل‘ کو بھی زیادہ تلاش کیا اور یہ ڈراما فہرست میں چوتھے نمبر پر رہا۔
5: رواں سال کے وسط میں ریلیز کی جانے والی بالی ووڈ سلطان سلمان خان کی ایکشن فلم ’رادھے‘ کو بھی پاکستان میں تلاش کیا گیا، ان کی فلم تلاش کی جانے والی فہرست میں پانچویں نمبر پر رہی۔
6:بھارت کے متنازع ریئلٹی شو ’بگ باس‘ کے 15 ویں سیزن کو بھی پاکستان میں گوگل پر سب سے زیادہ تلاش کیا گیا اور یہ فہرست میں چھٹے نمبر رہا-
https://youtu.be/mgkfzBmwiXQ
7:پاکستانی شائقین رواں سال نیٹ فلکس کی مشہور ترین سیریز’نیٹ فلکس’ کو بھی گوگل پر تلاش کرتے رہے یہ فہرست میں ساتویں نمبر پر رہی رواں سال حال ہی میں اس سیریز کے پانچویں سیزن کو نشر کیا گیا تھا۔
https://youtu.be/uwsmkWh0S5Y
8:سال 2020 میں گوگل پر سب سے زیادہ تلاش کیے جانے والے ترک ڈرامے ’ارطغرل غازی‘ کی مقبولیت میں رواں سال کمی دیکھی گئی اور اس بار وہ فہرست میں آٹھویں نمبر پررہا۔
9:پاکستانی شائقین نے اسکارلٹ جانسن کی میگا بجٹ فلم ’بلیک وڈو‘ کو بھی زیادہ سرچ کیا اور وہ سب سے زیادہ تلاش کی جانے والی نویں فلم رہی۔
10:پاکستانی شائقین گوگل پر رواں سال ہا لی وڈ سائنس فکشن فلم ’دی اٹرنلز‘ کو بھی تلاش کرتے رہے اور فہرست میں دسویں نمبر پر رہی۔
آئی ٹی ڈپلومیسی سے آپکے موبائل کی جاسوسی تک از طہ منیب
ہم خود اجازت دیتے ہیں جب بھی ہم کوئی ایپ انسٹال کرتے ہیں، اگر ہم اسکی اجازت نا دیں تو ہم اس ایپ سے درست فائدہ ہی نہیں اٹھا سکتے ، جیسا کہ گیلری، آڈیو، کیمرہ تک ایکسس اور اس سے وہ ہمارا سب کہا ، دیکھا، بولا سنتے ریکارڈ کرتے اور اسکے مطابق اسکی بنیاد پر ہمیں گائیڈ یا ڈکٹیٹ کرتے ہیں۔ مزید جب بھی کسی ایپ کو انسٹال کرنا ہوتا ہے تو وہ ایک صفحہ سامنے لاتے ہیں جس پر انکی جانب سے اصول و ضوابط لکھے ہوتے ہیں جسے ٹک کیے بغیر آپ آگے بڑھ ہی نہیں سکتے اور جسے ہم ہمیشہ آنکھیں بند کر کے جلدی میں اسے پڑھے بغیر ہی ٹک کر کے انسٹال کے بٹن پر کلک کر کے ہی دم لیتے ہیں، اگر اسے ہم پڑھ لیں تب شروع میں ہی ہم محتاط ہو جائیں یا شاید باز آجائیں لیکن ایسا ہوتا نہیں ہے کیونکہ یہ ہمارے مزاج میں شامل نہیں ہے۔
یہ ٹیکنالوجی میں خود مختار ممالک کا باقیماندہ دنیا پر اسی طرح کا استحصال ہے جیسا کہ وہ کمزور معیشتوں سے تعاون کے نام پر قرضوں کے بعد انکی خودمختاری گروی رکھوا لیتے ہیں اور داخلی خارجی معاملات پر کنٹرول کر لیتے ہیں۔
بالکل اسی طرز پر انہیں بڑے ممالک کی ٹیکنالوجی میں برتری نے خطرناک حد تک دنیا کے ہر شخص کا ہر طرح کا بائیو ڈیٹا انکی گود میں ڈال دیا ہے جس سے اس شخص کو چلانا اسکی پسند نا پسند اسکی نفسیات غرض سب کچھ ان کے ہاتھ چلا گیا ہے، اور آپکی میری ہم سب کی مجبوری ہے اگر دنیا کے ساتھ چلنا ہے تو ” یہ تو ہو گا”۔ ٹیکنالوجی کا کنٹرول معاشی کنٹرول سے سو گنا بڑھ کر ہے کیونکہ یہاں چند ڈکٹیٹرز حکمرانوں یا ملکی سطح کے مرکزی اداروں تک انکی ڈکٹیشن نہیں ہوتی بلکہ اس کا دائرہ کار ہر فرد تک پہنچ جاتا ہے ۔ آپ یہ دیکھیں کہ صرف فیس بک کے ڈاؤنلوڈز پانچ سے چھ ارب کے درمیان ہیں جو دنیا کی کل آبادی کا نوے فیصد ہیں، تقریباً یہی اعداد و شمار باقی بڑی ویب سائٹس و ایپس کے بھی ہیں۔
ٹیکنالوجی میں خود مختار دنیا کے بڑے ملکوں کی جنگیں پالیسیاں اب اسی طرز پر ہوتی ہیں جیسا کہ آپ نے دیکھا چند ماہ پہلے امریکہ نے چینی کمپنی ہواوے کو بین کیا ، روسی ایپس پہلے سے بین تھیں، روس و چائنہ میں امریکی ایپس بین ہیں۔ اور تو اور لداخ میں چین سے پڑنے والی مار کا جواب بھارت نے 59 چینی ایپس کو بین کر کے دیا ہے۔
فی الحال پاکستان جیسے معاشی اعتبار سے کمزور ملک کے بس کی بات نہیں کہ ٹیکنالوجی کے اس میدان میں خود کوئی بڑی ایجادات کرے یا ان کمپینوں سے اپنا کچھ منوا سکے ۔ تقریباً دو ماہ حکومت پاکستان نے تقریباً ان تمام بڑی ایپس کو کچھ اصول و ضوابط پر پابند کرنے کی کوشش کی جس پر ان سب نے پاکستان سے اپنے تمام آپریشنز کو بند کرنے کی دھمکی دی اور تاحال حکومت اس پر کسی قسم کی معمولی شرائط نہیں منوا سکی، بلکہ چند ہفتے قبل پاکستان میں ٹویٹر ڈاؤن پر یہ شبہ کیا گیا تھا کہ یہ پاکستان کو ٹریلر دیکھایا گیا ہے کہ ہمارے سے اپنی سروسز کو بند کرنا کوئی بڑا سودا نہیں۔
بہرحال ٹیکنالوجی ایک ایسا وسیع موضوع ہے جسے ایک فیس بک پوسٹ یا تحریر میں مکمل کرنا ناممکن ہے، کوشش ہوگی کہ مستقبل میں اس کے دفاعی، معاشی، معاشرتی، ثقافتی، نفسیاتی اثرات پر بات کروں ، فی الوقت اتنا ہی۔
نیویارک: گوگل کر جرمانہ ہوگیا ، سرچ انجن گوگل پر نیویارک میں بچوں کی ویڈیوز غیرقانونی طریقے سے حاصل کرنے پر بھاری جرمانہ عائد کردیا گیا۔
ڈیلی میل کی رپورٹ کے مطابق انٹرنیٹ کی دنیا میں منفرد اور اہم شناخت بنانے والی کمپنی گوگل پر یوٹیوب سے بچوں کی ویڈیوز غیرقانونی طریقے سے حاصل کرنے پر(170 ملین ڈالر) 12 کروڑ 24 لاکھ 3 ہزار 383 ڈالر جرمانہ عائد کردیا گیا۔
ڈیلی میل کی رپورٹ کی مطابق گوگل چائلد پرائیویسی قانون کی خلاف ورزی پر جرمانہ کی ادائیگی کے لیے راضی بھی ہوگیا ہے، گوگل کے خلاف فیڈرل ٹریڈ کمیشن اور نیویارک کے اٹارنی جنرل کی جانب سے چائلڈ پرائیویسی کی خلاف ورزی بے نقاب کی گئی تھی۔
یاد رہے کہ گوگل پر الزام تھا کہ انہوں نے یو ٹیوب سے بچوں کی غیرقانونی طریقے سے حاصل کرکے بھاری منافع کمایا اور اس اقدام کے لیے بچوں کے والدین کی اجازت لینا بھی ضروری نہیں سمجھا۔
