Baaghi TV

Tag: گیس

  • رمضان المبارک میں گیس فراہمی کا نیا شیڈول جاری

    رمضان المبارک میں گیس فراہمی کا نیا شیڈول جاری

    سوئی ناردرن گیس پائپ لائنز لمیٹڈ (SNGPL) نے ماہِ رمضان کے دوران صارفین کو ریلیف فراہم کرنے کے لیے گیس فراہمی کا نیا شیڈول جاری کر دیا ہے-

    ترجمان کے مطابق نئے شیڈول کے تحت لاہور اور پنجاب کے دیگر شہروں میں روزانہ صبح 3 بجے سے رات 10 بج کر 30 منٹ تک گیس دستیاب ہوگی، رمضان المبارک میں سحری اور افطار کے اوقات میں گیس کی طلب میں نمایاں اضافہ ہو جاتا ہے، جس کے پیش نظر سپلائی کے نظام کو ازسرِنو ترتیب دیا گیا ہے تاکہ صارفین کو زیادہ سے زیادہ سہولت فراہم کی جا سکے، نئے شیڈول کا اطلاق فوری طور پر ہوگا اور اس پر سختی سے عملدرآمد یقینی بنایا جائے گا۔

    ترجمان کے مطابق رمضان کے مقدس مہینے میں صارفین کو درپیش مشکلات کو کم کرنا کمپنی کی اولین ترجیح ہے، اگر کسی علاقے میں کم گیس پریشر یا سپلائی میں تعطل کی شکایت سامنے آئے تو صارفین فوری طور پر ہیلپ لائن نمبر 1199 پر رابطہ کر کے اپنی شکایت درج کرا سکتے ہیں شکایات کے ازالے کے لیے خصوصی ٹیمیں تشکیل دے دی گئی ہیں جو موصول ہونے والی درخواستوں پر فوری کارروائی کریں گی گیس کے متوازن استعمال اور ضیاع سے بچاؤ کے لیے صارفین کا تعاون بھی ناگزیر ہے تاکہ رمضان کے دوران سب کو بلا رکاوٹ سہولت فراہم کی جا سکے۔

    غزہ پر قبضہ برقرار رہا تو اسلحہ ترک نہیں کریں گے، حماس کا دوٹوک موقف

    سونے کی قیمت میں نمایاں اضافہ ریکارڈ

    سی ٹی ڈی کی بلوچستان میں کامیاب کارروائیاں،صدر مملکت کا خراجِ تحسین

  • کوہاٹ میں تیل اور گیس کے ذخائر دریافت

    کوہاٹ میں تیل اور گیس کے ذخائر دریافت

    کوہاٹ میں تیل اور گیس کے ذخائر دریافت ہوئے ہیں-

    پاکستان کی بڑی توانائی کمپنی، آئل اینڈ گیس ڈیولپمنٹ کمپنی لمیٹڈ (او جی ڈی سی ایل) نے خیبر پختونخوا کے ضلع کوہاٹ میں باراگزئی ایکس-01 (سلینٹ) تحقیقی کنویں میں تیل اور گیس کے نئے ذخائر دریافت کیے ہیں، یہ دریافت ملک کی توانائی کی ضروریات کو پورا کرنے میں مددگار ہوگی۔

    او جی ڈی سی ایل نے پاکستان اسٹاک ایکسچینج (پی ایس ایکس) کو بتایا کہ ’نشپا ایکسپلوریشن لائسنس‘ کے تحت او جی ڈی سی ایل نے 65 فیصد حصہ دار کے طور پر، پاکستان پیٹرولیم لمیٹڈ (پی پی ایل) 30 فیصد اور گورنمنٹ ہولڈنگز (پرائیویٹ) لمیٹڈ (جی ایچ پی ایل) 5 فیصد کے ساتھ مشترکہ منصوبے میں Samana Suk اور Shinawari فارمیشنز میں تیل اور گیس دریافت کی۔

    کمپنی کے مطابق’کیسڈ ہول ڈرل اسٹیم ٹیسٹ‘ کے دوران کنویں سے روزانہ 3,100 بیرل تیل اور 8.15 ملین سٹینڈرڈ کیوبک فٹ گیس حاصل ہوئی۔ یہ کنواں 30 دسمبر 2024 کو کھودا گیا اور Kingriali فارمیشن تک 5,170 میٹر کی گہرائی میں مکمل ہوا پچھلے ٹیسٹ Kingriali اور Datta فارمیشنز میں بھی تیل اور گیس کی دریافت کر چکے ہیں، یہ نئی دریافت ملکی توانائی کی پیداوار میں اضافہ کرے گی اور کمپنی کے ہائیڈروکاربن ذخائر کے ساتھ ساتھ ملک کے مجموعی توانائی کے ذخائر میں بھی اضافہ کرے گی۔

  • گیس کی قیمتوں میں کوئی اضافہ نہیں ہو گا،وفاقی وزیر پٹرولیم

    گیس کی قیمتوں میں کوئی اضافہ نہیں ہو گا،وفاقی وزیر پٹرولیم

    اسلام آباد: وفاقی وزیر پٹرولیم علی پرویز ملک نے کہا ہے کہ یکم جنوری 2026 سے آئندہ 6 ماہ کے لیے گیس کی قیمتوں میں کوئی اضافہ نہیں ہو گا۔

    علی پرویز ملک نے کہا کہ گیس سیکٹر میں سرکلر ڈیٹ کا اضافہ رک گیا ہے اور نیا قرض پیدا نہیں ہو رہاقطر سے اضافی ایل این جی کارگو عالمی منڈی میں منتقل کرنے کا کامیاب معاہدہ ہو گیا ہے اور اصلاحات کے باعث تمام صارفین کے لیے گیس کی قیمتیں برقرار رہیں گی، وزیر اعظم کی ہدایت پرعوام کو موسم سرما میں زیادہ سے زیادہ ریلیف دے رہے ہیں اور ملک بھر میں گھریلو صارفین کو گیس کی بہتر فراہمی جاری ہے-

    خسارے کا شکار ریاستی ملکیتی اداروں کی نجکاری حکومت کی اولین ترجیح ہے،وزیر اعظم

    انہوں نے کہا کہ کوئی بھی مقامی گیس فیلڈ بند نہیں، جبکہ بجلی گھر آئی جی سیپ ڈیمانڈ سے زائد گیس لے رہے ہیں، ایس این جی پی ایل میں یو ایف جی نقصانات 9 فیصد سے کم ہو کر 5 فیصد ہو گئے اور ایس ایس جی سی میں یو ایف جی نقصانات 17 فیصد سے کم ہو کر 10 فیصد ہو گئے ، گیس نیٹ ورک پر آئی او ٹی مانیٹرنگ سسٹم فعال جبکہ پریشر ڈراپ پر سوئی کمپنی فوری الرٹ ہو رہی ہے۔

    پاکستان کے قرضوں سے متعلق اسٹیٹ بینک کی رپورٹ جاری

  • کوہاٹ میں تیل اورگیس کے نئے ذخائردریافت

    کوہاٹ میں تیل اورگیس کے نئے ذخائردریافت

    خیبرپختونخوا کے ضلع کوہاٹ میں تیل اورگیس کا نیا ذخیرہ دریافت کر لیا گیا۔

    آئل اینڈ گیس ڈیولپمنٹ کمپنی لیمیٹڈ کے مطابق ضلع کوہاٹ میں تیل اورگیس کا نیا ذخیرہ دریافت ہوا اور یہ ذخیرہ نشپا بلاک میں واقع برگزئی ایکس او ون نامی کنوئیں سے دریافت ہوا ہے، ابتدائی ٹیسٹ کے مطابق یومیہ 4100 بیرل خام تیل حاصل ہونے کی توقع ہے جبکہ تیل کیساتھ اس کنویں سے یومیہ 10.5 ملین اسٹینڈرڈ کیوبک فٹ گیس بھی حاصل ہوگی، تیل و گیس کی دریافت کیلئے زمین میں 5ہزار 170 میٹر کی کھدائی کی گئی، منصوبے میں او جی ڈی سی، پی پی ایل اور گورنمنٹ ہولڈنگز پرائیویٹ لمیٹڈ شراکت دار ہیں-

    اسلام آباد ہائیکورٹ کے ججز کا آئندہ ہفتے کا روسٹر جاری

    حکومت یا وزیراعظم کی کوئی انا نہیں، پاکستان کا مفاد ہر چیز سے بڑا ہے،طلال چوہدری

    ایران میں مہنگائی کیخلاف احتجاج پر تشدد مظاہرے میں تبدیل،2 شہری ہلاک متعدد زخمی

  • اٹک میں گیس اور کنڈینسیٹ کی پیداوار شروع

    اٹک میں گیس اور کنڈینسیٹ کی پیداوار شروع

    اٹک میں سوغری نارتھ 1کنویں سے گیس اور کنڈینسیٹ کی پیداوار شروع ہو گئی۔

    ترجمان او جی ڈی سی ایل کے مطابق سوغری نارتھ 1کنویں سے گیس اور کنڈینسیٹ کی پیداوار شروع ہو گئی ہے، سوغری نارتھ 1کنویں سے یومیہ ایک کروڑ 40 لاکھ مکعب فٹ گیس مل رہی ہےسوغری نارتھ 1 کنویں سے یومیہ 430 بیرل کنڈینسیٹ بھی حاصل ہو رہی ہے، کمپنی نے 14 کلو میٹر لمبی پائپ لائن ڈال کر گیس کو دکھنی پلانٹ سے منسلک کیاسوغری نارتھ 1 کنویں سے حاصل شدہ گیس کو ایس این جی پی ایل نیٹ ورک میں شامل کر دیا گیا ہےسوغری ایکسپلوریشن لائسنس میں او جی ڈی سی کاورکنگ انٹرسٹ 100 فیصد ہے، مقامی پیداوار سے قیمتی زرمبادلہ کی بچت ممکن ہو گی۔

    کامن ویلتھ بیچ ہینڈ بال چیمپین شپ: پاکستان کی سری لنکا کو شکست

    9 مئی کے دو مقدمات میں خدیجہ شاہ کے وارنٹ گرفتاری جاری

    9 مئی کے دو مقدمات میں خدیجہ شاہ کے وارنٹ گرفتاری جاری

  • لکی مروت : دہشتگردوں نے پائپ لائن کو دھماکے سے اڑا دیا، پنجاب کو گیس کی فراہمی معطل

    لکی مروت : دہشتگردوں نے پائپ لائن کو دھماکے سے اڑا دیا، پنجاب کو گیس کی فراہمی معطل

    لکی مروت میں دہشت گردوں نے گیس پائپ لائن کو دھماکے سے اڑا دیا، جس کے نتیجے میں پنجاب کو گیس کی فراہمی معطل ہو گئی۔

    لکی مروت پولیس کے ترجمان نے بتایا کہ دہشت گردوں نے بھانہ منجی والا علاقے کی حدود میں پائپ لائن پر نصب دھماکہ خیز مواد کو اڑا دیا، دھماکے کے بعد پولیس کی بھاری نفری اور بم ڈسپوزل اسکواڈ موقع پر پہنچ گئے اور ارد گرد کے علاقے میں سرچ آپریشن شروع کر دیا،دھماکے سے مقام پر ایک بڑا گڑھا بن گیا، جس کی وجہ سے لکی مروت سے پنجاب کے میانوالی ریجن تک گیس کی فراہمی مکمل طور پر بند ہو گئی۔

    پولیس حکام نے بتایا کہ اس مقام پر اس سے قبل بھی مرکزی ٹرانسمیشن گیس پائپ لائن پر تین اسی نوعیت کے حملے ہو چکے ہیں،جولائی میں، لکی مروت کے وندا امیر علاقے کے قریب پنجاب جانے والی گیس پائپ لائن کو بھی دھماکے سے اڑا دیا گیا تھا، جس سے گیس کی فراہمی معطل ہو گئی تھی۔ بعد ازاں اسی ماہ کے آخر میں، طوروہ علاقے میں ایک ماہ کے اندر چوتھی بار دھماکہ خیز مواد کے پھٹنے سے پائپ لائن کو شدید نقصان پہنچا تھا۔

    اقتصادی رابطہ کمیٹی اجلاس،میں اہم اقتصادی فیصلوں کی منظوری

    جون میں بھی اسی نوعیت کے دو واقعات پیش آ چکے تھے جون کے آغاز میں، مبینہ دہشت گردوں نے بیٹنی گیس فیلڈ سے پنجاب جانے والی ایک اہم پائپ لائن کو نشانہ بنایا اس کے بعد، اس واقعے کے دس دن کے اندر جبرخیل علاقے کے قریب ایک بار پھر پائپ لائن کو دیسی ساختہ دھماکہ خیز آلہ سے اڑا دیا گیا۔

    دوسری،جانب،سوئی سدرن گیس کمپنی (ایس ایس جی سی ) نے یوم آزادی کے موقع پر ملک بھر میں گیس لوڈشیڈنگ نہ کرنے کا اعلان کردیا،ترجمان ایس ایس جی سی کے مطابق آج اور کل رات کو گیس کی فراہمی بلا تعطل جاری رہے گی جب کہ ملک میں کل اور 15 اگست کی درمیانی شب رات 12 بجے تک گیس بلاتعطل دستیاب رہے گی۔

    یوٹیلیٹی اسٹورز کی بندش :آصفہ بھٹو نے معاملہ قومی اسمبلی میں اٹھا دیا

    گزشتہ روز ایس ایس جی سی کی جانب سے کراچی میں یوم آزادی کے موقع پر گیس کی بندش کا اعلان کیا گیا تھاترجمان سوئی سدرن کا کہنا تھا کہ ترجمان ایس ایس جی سی نے کہا ہے کہ واٹربورڈ نے اپنی لائنوں کی بحالی میں تعاون کی درخواست کی ہے جس کے باعث سوئی سدرن کو اپنی مرکزی لائن ہارون آباد سائٹ ایریا منتقل کرنا ہوگی، منتقلی کے کام کے دوران جمعرات 14اگست کو صبح 08 بجے سے رات 10بجے تک 14 گھنٹے کے لیے گیس کی فراہمی معطل رہے گی-

  • یکم جولائی سے گیس قیمتوں میں اضافے کا فیصلہ

    یکم جولائی سے گیس قیمتوں میں اضافہ کرنے کا فیصلہ کرلیا گیا-

    اوگرا نے نوٹیفیکشن جاری کردیا۔،جس کے مطابق اضافے کا اطلاق گھریلو صارفین پر نہیں ہوگا، گھریلو صارفین کے لئے صرف ماہانہ فکسڈ چارجز میں اضافہ کیا گیا گھریلو صارفین (سلیب ریٹ)، روٹی تنور، کمرشل، جنرل انڈسٹری (کیپٹیو)، سی این جی، سیمنٹ اور کھاد کے لیے گیس کی قیمتیں تبدیل نہیں کی گئیں، حکومت نے بلک صارفین، پاور سیکٹر اور انڈسٹری کے لیے گیس کی قیمتیں بڑھا دیں جب کہ گھریلو صارفین کے فکسڈ چارجز میں اضافہ ہوگا۔

    گزشتہ روز وزیرخزانہ محمد اورنگزیب کی زیر صدارت اقتصادی رابطہ کمیٹی کا اجلاس ہوا، جس میں گھریلو صارفین کیلئےگیس کی قیمتیں برقرار رکھنے اور فکسڈ چارجز میں اضافے کا فیصلہ کیا گیا پروٹیکٹڈ صارفین کے فکسڈ چارجز 400 سے بڑھا کر 450 روپے ماہانہ جبکہ نان پروٹیکٹڈ صارفین کے فکسڈ چارجز ایک ہزار سے بڑھا کر 1400 روپے کردیے گئے۔

    ایک اعشاریہ پانچ کیوبک میٹر سے زائد گیس استعمال کرنے والوں کے فکسڈ چارجز 2 ہزار سے بڑھاکر 2400 روپے کردیے گئے گیس پر چلنے والے پاور پلانٹس اور صنعتی صارفین کے لیے قیمتوں میں دس فیصد اضافہ کی منظوری دے دی گئی،اقتصادی رابطہ کمیٹی نے بلک صارفین اور اور بجلی گھروں کے لیے گیس کے نرخ میں 10 فیصد اضافے کی بھی منظوری دی۔

  • ملک میں تیل و گیس کی پیداوار میں اضافہ

    ملک میں تیل و گیس کی پیداوار میں اضافہ

    ملک میں تیل و گیس کی یومیہ پیداوار میں اضافہ ہو گیا ہے۔

    پی پی آئی ایس اور انڈسٹری کے اعداد و شمارکے مطابق 16جون کو ختم ہونے والے ہفتہ میں ملک میں خام تیل کی اوسط یومیہ پیداوار 56716 بیرل ریکارڈ کی گئی جو پیوستہ ہفتے کے مقابلے میں ایک فیصد زیادہ ہے گزشتہ ہفتہ میں ملک میں خام تیل کی اوسط یومیہ پیداوار 56176 بیرل تھی، اسی طرح 16جون کوختم ہونے والے ہفتہ میں ملک میں گیس کی اوسط یومیہ پیداوار 2718 ایم ایم سی ایف ڈی ریکارڈکی گئی جو پیوستہ ہفتہ کے مقابلہ میں 0.6 فیصد زیادہ ہے۔

    گزشتہ ہفتہ میں ملک میں گیس کی اوسط یومیہ پیداوار 2702 ایم ایم سی ایف ڈی ریکارڈکی گئی تھی، 16جون کوختم ہونے والے ہفتہ میں اوجی ڈی سی ایل کی خام تیل کی اوسط یومیہ پیداوار 28929 بیرل، پی پی ایل 8479 بیرل، پی او ایل 3946 بیرل اور ماڑی گیس کی خام تیل کی اوسط یومیہ پیداوار 1331 بیرل رہی۔

    16جون کوختم ہونے والے ہفتہ میں اوجی ڈی سی ایل کی گیس کی اوسط یومیہ پیداوار 590 ایم ایم سی ایف ڈی، پی پی ایل 432 ایم ایم سی ایف ڈی، پی او ایل 40 اور ماڑی گیس کی گیس کی اوسط یومیہ پیداوار 860 ایم ایم سی ایف ڈی رہی۔

  • سندھ میں گیس کے بڑے ذخائر دریافت

    سندھ میں گیس کے بڑے ذخائر دریافت

    سندھ کے ضلع خیرپور میں گیس کے بڑے ذخائر دریافت کرلیے گئے۔

    تفصیلات کے مطابق او جی ڈی سی ایل نے پاکستان اسٹاک ایکسچینج کو خط میں آگاہ کر دیاخط کے مطابق فاکر-1 نامی کنویں سے 64 لاکھ اسٹینڈرڈ کیوبک فٹ گیس حاصل ہورہی ہے۔

    او جی ڈی سی ایل کا کہنا ہے کہ کنویں سے 55 بیرل یومیہ ہلکا تیل بھی دریافت ہوا ہے، کنویں کو 4 ہزار 185 میٹر کی گہرائی تک کھودا گیا خط کے مطابق او جی ڈی سی ایل کنویں کا 95 فیصد حصص کے ساتھ آپریٹر ہے۔

  • اٹک میں گیس کے نئے ذخائر دریافت

    اٹک میں گیس کے نئے ذخائر دریافت

    آئل اینڈ گیس ڈیولپمنٹ کمپنی لمیٹڈ (و جی ڈی سی ایل) نے اٹک میں گیس کے نئے ذخائر دریافت کرلیے۔

    باغی ٹی وی: ترجمان کے مطابق او جی ڈی سی ایل پنجاب کے ضلع اٹک کے سوغری بلاک میں سوغری نارتھ-ون کنویں سے گیس اور کنڈینسیٹ کی دریافت کا اعلان کیا ہے او جی ڈی سی ایل اس بلاک کی واحد لائسنس ہولڈر ہے اور 100 فیصد ورکنگ انٹرسٹ رکھتی ہے۔

    دنیا کے طویل القامت افراد میں شامل نصیر سومرو انتقال کر گئے

    ترجمان کے مطابق کنویں کی کھدائی21 مئی 2024 کوشروع ہوئی اور 4 ہزار 942 میٹر کی گہرائی پر گیس دریافت ہوئی، ابتدائی ٹیسٹنگ کے بعد کنویں سے 13.95 ملین مکعب فٹ یومیہ (ایم ایم ایس سی ایف ڈی) گیس اور 430 بیرل یومیہ کنڈینسیٹ حاصل ہوا، یہ دریافت پاکستان کے توانائی کے مقامی وسائل میں اضافے اور درآمدات پر انحصار کم کرنے میں مددگار ثابت ہوگی۔

    آئی سی سی نےخوشدل شاہ پر جرمانہ عائد کر دیا