Baaghi TV

Tag: ہلاکتیں

  • فٹبال میچ کے دوران شائقین لڑ پڑے،17 افراد ہلاک،درجنوں زخمی

    فٹبال میچ کے دوران شائقین لڑ پڑے،17 افراد ہلاک،درجنوں زخمی

    میکسیکو:فٹبال میچ کے دوران شائقین لڑ پڑے،17 افراد کے مرنے کی اطلاعات ، تفصیلات میں بتایا گیا ہے کہ میکسیکو میں ایک فٹبال میچ کے دوران شائقین گتھم گتھا ہوگئے جس کے نتیجے میں 22 افراد زخمی ہوگئے جبکہ 17 کے مرنے کی اطلاعات ہیں۔

    برطانوی نشریاتی ادارے بی بی سی کے مطابق ہفتے کے روز میکسیکو کی فٹبال لیگ (لیگا ایم ایکس) میں کوئریٹارو اور اٹلاس کے درمیان کھیلے جانے والا میچ میدان میں موجود شائقین کے درمیان لڑائی کی وجہ سے کھیل کے63 منٹ کے بعدختم کردیا گیا۔

     

    رپورٹس کے مطابق کھلاڑیوں نے بھی میدان میں شائقین کے درمیان جھگڑے کو روکنے کی کوشش کی جبکہ اس واقعے میں کم از کم 22 افراد زخمی ہوئے جن میں سے 2 کی حالت تشویش ناک ہے۔

    دوسری جانب یہ بھی اطلاعات ہیں کہ اس واقعے میں17 افراد بھی ہلاک ہوئے ہیں تاہم اس حوالے سے کوئی تصدیق نہیں ہوسکی۔فٹبال میچ میں تماشائی کی پھینکی گئی بوتل کھلاڑی کو جالگی، میچ ختم کرنا پڑگیا

    لیگ کے صدر نے کہا کہ اتوار کے روز کھیلے جانے والے تمام میچز زخمی ہونے والے افراد کے ساتھ اظہار یکجہتی کے لیے معطل کر دیے گئے ہیں۔انہوں ے کہا کہ اسٹیڈیم میں سیکورٹی کے ذمہ داروں کو مثالی سزا دی جائے گی۔

  • فرانس میں دھماکہ،2 بچوں سمیت 7 افراد ہلاک

    فرانس میں دھماکہ،2 بچوں سمیت 7 افراد ہلاک

    پیرس: فرانس اور اسپین کی سرحد کے پہاڑی سلسلے پائرینیز کے علاقے سینٹ لورنٹ ڈی لا سیلنکی میں دھماکا ہوا ہے جس کے نتیجے میں 2 بچوں سمیت 7 افراد ہلاک ہوچکے ہیں۔

    باغی ٹی وی : بین الاقوامی میڈیا کے مطابق سینٹ لورنٹ ڈی لا سیلنکی میں ایک دکان میں زوردار دھماکے کی آواز سنائی دی گئی جس کے بعد عمارت میں آگ بھڑک اٹھی۔

    دھماکا مقامی وقت کے مطابق صبح 1.30 بجے کے قریب ہوا دھماکہ گراؤنڈ فلور میں ہوا جہاں کریانے اور سینڈویچ کی دکان تھی۔ حادثے کے وقت اندر موجود ایک شخص نے پہلی منزل کی کھڑکی سے باہر کود کر اپنی جان بچائی۔ ریسکیو ٹیمیں عمارت سے 20 افراد کو بچانے میں کامیاب ہوچکی ہیں تاہم عمارت کے منہدم ہونے کا خطرہ ابھی بھی باقی ہے دھماکے اور آتشزدگی کے نتیجے میں اب تک 7 افراد ہلاک ہوچکے ہیں جن میں ایک بچہ اور نومولود بھی شامل ہیں۔

    برطانوی حکومت نے افغانستان سے متعلق خطرناک بات کہہ دی

    فرانس کے وزیر داخلہ جیرالڈ ڈارمینن نے ٹویٹ کے ذریعے متاثرین سے افسوس کا اظہار کیا۔ انہوں نے کہا کہ وہ فرانس کے شہر مونٹپیلیے کا اپنا دورہ منسوخ کررہے ہیں اور جلد جائے حادثہ پر پہنچیں گے۔

    انہوں نے دو بچوں سمیت سات افراد کی عارضی موت کی تصدیق کی لیکن مزید کہا بدقسمتی سے، فائر فائٹرز اور دیگر خدمات کا کام ختم نہیں ہوا ہے اس لیے یہ یقینی نہیں ہو سکتا۔

    فرانسیسی وزیر اعظم جین کاسٹیکس نے متاثرین کے اہل خانہ اور دوستوں سے تعزیت کا اظہار کیا اور ہنگامی خدمات کے کام کی تعریف کی جو ان کے بقول "مشکل حالات میں” کام کر رہے ہیں۔

    جنگ کا خدشہ،یوکرین کا آئندہ 48 گھنٹوں میں روس سے ملاقات کا مطالبہ

  • امریکا:کورونا وائرس سے لوگ مررہے ہیں مگرحکومت کوکوئی پرواہ تک نہیں‌:اموات 9 لاکھ سے تجاوزکرگئیں

    امریکا:کورونا وائرس سے لوگ مررہے ہیں مگرحکومت کوکوئی پرواہ تک نہیں‌:اموات 9 لاکھ سے تجاوزکرگئیں

    واشنگٹن : امریکا میں کورونا وائرس سے لوگ مررہے ہیں مگرحکومت کوکوئی پرواہ تک نہیں‌:اموات 9 لاکھ سے تجاوزکرگئیں،اطلاعات کے مطابق امریکہ میں عالمی وبا کورونا وائرس سے ہونے والی ہلاکتوں کی تعداد 9 لاکھ سے تجاوز کر گئی ہے۔

    امریکہ میں کورونا وائرس کے مہلک وار جاری ہیں ، غیر ملکی خبر رساں ادارے کے مطابق امریکہ کی جان ہاپکنز یونیورسٹی کی جانب سے جاری کیے اعداد وشمار میں بتایا گیا کہ ملک میں وائرس سے گزشتہ ڈیڑھ ماہ میں ایک لاکھ افراد ہلاک ہوئے جس کے بعد اموات کی مجموعی تعداد 9 لاکھ ہو گئی ہے ۔

    امریکی صدر جو بائیڈن نے جاری کیے گئے ایک بیان میں کہا ہے کہ کورونا وائرس سے اب تک 9 لاکھ سے زائد امریکی جان سے جا چکے ہیں۔ ان کا کہنا تھا کہ ہم کورونا وائرس کی وباء سے مرنے والوں کے پیاروں کا دکھ اپنے دلوں میں محسوس کرتے ہیں۔

    امریکی صدر نے شہریوں پر کورونا وائرس کی ویکسی نیشن کرانے پر زور دیتے ہوئے کہا ہے کہ ویکسین اور بوسٹرز ناقابلِ یقین حد تک کورونا کی وباء کے خلاف مؤثر ثابت ہوئے ہیں اور اعلیٰ ترین سطح کا تحفظ دیتے ہیں۔

     

     

    امریکی محکمہ صحت کے حکام کے مطابق کورونا کے نئے ویریئنٹ اومی کرون کے پھیلاؤ میں کمی دیکھی جا رہی ہے تاہم روزانہ ہونے والی مریضوں کی اموات کی تعداد میں تاحال کمی نہیں آئی ہے ۔ امریکہ میں امراض پر قابو پانے کے مرکز کے ڈائریکٹر کاکہنا ہے کہ "مریضوں کے ہسپتالوں میں لانے جانے کی تعداد تاحال زیادہ ہے جس کے ملک کے بعض حصوں میں صحت کے نظام اور محکمہ صحت کے کارکنوں پر بوجھ بڑھ رہا ہے۔”

    خیال رہے کہ امریکہ میں سب سے پہلے عالمی وبا کے خلاف ویکسین کی تیاری کے بعد کروڑوں شہریوں کی ویکسینیشن کرائی جا چکی ہے تاہم اس کے باوجود دنیا میں سب سے زیادہ ہلاکتیں امریکی ریاستوں میں ہوئیں۔

    واضح رہے کہ کورونا وائرس کے کیسز اور اس سے اموات کے اعتبار سے 10 سرِ فہرست ممالک میں 33 کروڑ سے زائد آبادی کا حامل امریکا تا حال پہلے نمبر پر ہے۔

    امریکا میں اس وبا سے اب تک 9 لاکھ 24 ہزار 530 افراد جان کی بازی ہار چکے ہیں جبکہ متاثرین کی مجموعی تعداد 7 کروڑ 74 لاکھ 96 ہزار 860 ہو چکی ہے۔

    ادھر امریکا میں بارش اور شدید برف باری کے باعث ایک لاکھ سے زیادہ گھروں اور تجارتی مراکز میں بجلی منقطع ہوگئی ۔ برفانی طوفان کے باعث انٹرنیشنل ائرپورٹ پر ایک ہزار سے زائد پروازوں میں خلل پڑا ۔ جنوبی روکیز سے شمالی نیو انگلینڈ کے درمیان شدید برف باری کی توقع کی جارہی ہے ۔ محکمہ موسمیات کے مطابق ریاست کا ایک بڑاعلاقہ برف سے ڈھک سکتا ہے ۔

  • کانگو میں بجلی کی ہائی ٹینشن لائن بازار اور گھروں پر گرگئی، 26 افراد ہلاک

    کانگو میں بجلی کی ہائی ٹینشن لائن بازار اور گھروں پر گرگئی، 26 افراد ہلاک

    کنساشا:افریقی ملک کانگو کے دارالحکومت کنشاسا میں بجلی کی ہائی ٹینشن لائن گر گئی۔اطلاعات کے مطابق غیرملکی خبررساں ادارے کے مطابق کنساشا میں بجلی کی ہائی ٹینشن لائن گھروں اور بازار پر گری جس کے نتیجے میں 26 افراد ہلاک ہوگئے۔

    کانگو حکومت کے ترجمان کا کہنا ہے کہ ہلاک ہونے والوں میں 24 خواتین اور 2 مرد شامل ہیں جبکہ 2 افراد شدید زخمی ہیں۔ترجمان کا کہنا ہے کہ ہلاک شدگان میں زیادہ تر تاجر اور بس کا انتظار کرنے والے افراد شامل ہیں۔

    یاد رہے کہ سال 2021کے آخری دنوں میں افریقی ملک کانگو میں ایک ریسٹورینٹ میں کرسمس تقریب کے دوران دھماکے میں 6 افراد ہلاک اور 14 زخمی ہوگئے تھے۔

    غیر ملکی خبر رساں ادارے کے مطابق ڈیموکریٹک ریپبلک آف کانگو کے مشرقی شہر بینی کے ایک ریسٹورینٹ میں خود کش بمبار نے ریسٹورینٹ میں داخل ہونے کی کوشش کی جسے سیکیورٹی گارڈ نے روکا تو حملہ آور نے خود کو دھماکے سے اُڑا لیا تھا ۔

    ریسٹورینٹ میں کرسمس کی مناسبت سے تقریب رکھی گئی تھی جس میں 70 سے زائد افراد شریک تھے۔ خودکش حملے میں 3 بچوں سمیت 6 افراد ہلاک اور 14 زخمی ہوگئےتھے۔

  • افغانستان پھربم دھماکوں سے گونج اٹھا:4 خواتین سمیت 7 افراد جاں بحق اور متعدد زخمی

    افغانستان پھربم دھماکوں سے گونج اٹھا:4 خواتین سمیت 7 افراد جاں بحق اور متعدد زخمی

    کابل:افغانستان کے مغربی شہر ہرات میں بم دھماکے سے 4 خواتین سمیت 7 افراد جاں بحق اور متعدد زخمی ہوگئے بین الاقوامی نشریاتی ادارے کی رپورٹ کے مطابق صوبائی حکام نے بتایا کہ بم منی بس کے فیول ٹینک سے جوڑ دیا گیا تھا اور دھماکے میں 9 افراد زخمی ہوگئے.

    ہرات کے صوبائی ہسپتال کے سربراہ عارف جلال نے بتایا کہ جاں بحق افراد میں 4 خواتین بھی شامل ہیں منی بس پر بم دھماکے کی ہرات کے انٹیلیجنس دفتر کی جانب سے بھی تصدیق کی گئی ہے انٹیلی جنس دفتر کے ترجمان ثابت ہاروی کا کہنا تھا کہ ابتدائی رپورٹس سے معلوم ہوتا ہے یہ دستی بم تھا اور مسافر بس کی فیول ٹینک سے جوڑ دیا گیا تھا.

    ہرات کی صوبائی پولیس اور محکمہ ثقافت نے بھی بم دھماکے کی تصدیق کی بم دھماکے کی ذمہ داری تاحال کسی گروپ نے تسلیم نہیں کی خیال رہے کہ افغانستان میں دو دہائیوں سے زائد عرصے تک جاری رہنے والی امریکا کی سربراہی میں نیٹوفورسزکی جنگ کے بعد گزشتہ برس اگست میں طالبان کی واپسی کے بعد واضح کمی آئی ہے تاہم کابل اور دیگر شہروں میں اس طرح کے حملے ہوتے رہتے ہیں.

    ملک بھر میں ہونے والے اکثر دھماکوں کی ذمہ داری دہشت گرد گروپ داعش کی جانب سے قبول کی جاتی رہی ہے داعش افغانستان میں 2014 سے موجود ہے اور کئی بدترین حملے کرچکی ہے، جس میں ہزارہ برادری پر ہونے والے بدترین دہشت گردی کے واقعات بھی شامل ہیں.

    داعش کی جانب سے مسلسل ہزارہ برادری کو نشانہ بنایا جاتا ہے اور آج ہونے والا دھماکا بھی ہزارہ برادری کے اکثریتی علاقے میں بس اسٹیشن کے قریب ہوا ہرات افغانستان کا تیسرا بڑا شہر ہے، جو ایران کی سرحد کے قریب واقع ہے لیکن حالیہ مہینوں میں پرامن رہا ہے.

    قبل ازیں 11 جنوری کو افغانستان کے صوبے ننگرہار میں بم دھماکے سے 9 بچے جاں بحق اور دیگر 4 زخمی ہوگئے تھے ننگرہار میں طالبان کے گورنر نے بتایا تھا کہ پاکستان کی سرحد کے قریبی مشرقی صوبے کے علاقے میں ایک بم دھماکا ہوا جس کے نتیجے میں 9 بچے جاں بحق اور 4 زخمی ہوئے. .

  • بارود سے بھرے ٹرک میں دھماکہ،17 اموات، 50 سے زائد زخمی،ہر طرف کہرام مچ گیا

    بارود سے بھرے ٹرک میں دھماکہ،17 اموات، 50 سے زائد زخمی،ہر طرف کہرام مچ گیا

    بارود سے بھرے ٹرک میں دھماکہ،17 اموات، 50 سے زائد زخمی،ہر طرف کہرام مچ گیا
    باغی ٹی وی کی رپورٹ کے مطابق موٹر سائیکل اور ٹرک کے مابین تصادم کے بعد خوفناک دھماکہ ہوا ہے جس کے نتیجے میں 17 افراد ہلاک اور 59 زخمی ہو گئے ہیں

    واقعہ گھانا میں پیش آیا، برطانوی خبر رساں ادارے کے مطابق گھانا کے شہر بوگوسو میں ٹرک جس پر دھماکہ خیز مواد سے بھری پیٹیاں لدی ہوئی تھیں موٹر سائیکل سے ٹکرا گیا حادثہ ہوتے ہی دھماکہ ہوا اور دھماکے کی آواز دور دور تک سنائی گئی، دھماکے کے مقام پر زمین پر کئی فٹ گہرا گڑھا بن گیا، گردو نواح کی متعدد عمارتیں بھی گر گئیں ، دھماکے کی بعد ہر طرف دھواں اور راکھ کے بادلوں نے علاقے کو اپنی لپیٹ میں لے لیا تھا

    دھماکے کے بعد حکام جائے وقوعہ پر پہنچ گئے اور امدادی سرگرمیوں کا اغاز کر یا، زخمیوں میں کئی افراد کی حالت تشویشناک ہے جبکہ اموات کی تعداد میں اضافہ ہونے کا خدشہ ہے

    مقامی میڈیا کی طرف سے شیئر کی گئی تصاویر میں تباہ شدہ عمارتوں اور بکھرے ہوئے ملبے کے اوپر سیاہ دھویں کا ایک بڑا شعلہ اٹھتا دکھائی دے رہا ہے ویڈیوز میں متاثرین کی مسخ شدہ لاشیں دکھائی گئی ہیں۔

    پولیس نے قریبی قصبوں سے مطالبہ کیا کہ ہے کہ زندہ بچ جانے والے متاثرین کی رہائش کے لیے گرجا گھر وغیرہ کھول دیں اور انہیں پناہ دیں کیونکہ کئی گھر تباہ ہو چکے ہیں

    لاہور انارکلی دھماکہ، کالعدم تنظیم نے ذمہ داری کی قبول،الرٹ جاری ہوا تھا مگر جگہ نہیں پتہ تھی،کمشنر لاہور

    انار کلی بازار میں دھماکہ، اموات میں اضافہ ،وزیراعظم، شہباز،بلاول، مریم کی مذمت

    نورمقدم کے قاتل کو بھاگنے نہیں دیں گے،دوٹوک جواب،مبشر لقمان کا دبنگ اعلان

    مبشر لقمان کو ظاہر جعفر کا نوٹس تحریر-سید لعل حسین بُخاری

    نور مقدم کیس، فنڈ ریزنگ اور مبشر لقمان کے انکشاف، بیٹا اور بیٹی نے نوازشریف کو ڈبودیا تاریخی رسوائی، شلپا شیٹھی، فحش فلمیں اور اصل کہانی؟

    نور مقدم کیس اور مبشر لقمان کو دھمکیاں، امریکہ کا پاکستان سے بڑا مطالبہ، ایک اور مشیر فارغ ہونے والا ہے

    جب تک مظلوم کوانصاف نہیں مل جاتا:میں پیچھے نہیں ہٹوں‌ گا:مبشرلقمان بھی نورمقدم کے وکیل بن گئے

    مبشرلقمان آپ نے قوم کی مظلوم مقتولہ بیٹی کےلیےآوازبلند کی:ڈرنا نہیں: ہم تمہارے ساتھ ہیں:ٹاپ ٹویٹرٹرینڈ 

    :نورمقدم کی مظلومیت کیوں بیان کی: ظاہر جعفر کے دوست ماہر عزیز کے وکیل نے مبشرلقمان کونوٹس بھجوا دیا

    لاہور دھماکہ، جاں بحق اور زخمی افراد کے ناموں کی فہرست جاری

    انار کلی دھماکہ، سی سی ٹی وی فوٹیجز سے دہشت گرد کی شناخت ہو گئی

    انار کلی دھماکہ،جگہ کی ریکی کرنے والے مبینہ 2 دہشت گردوں کی نشاندہی

  • پیشگی اطلاع پربھی انتظامیہ کیوں سوئی رہی؟کیا مری انتظامیہ پُرانی عادتیں چھوڑنے کے لیے تیارنہیں؟

    پیشگی اطلاع پربھی انتظامیہ کیوں سوئی رہی؟کیا مری انتظامیہ پُرانی عادتیں چھوڑنے کے لیے تیارنہیں؟

    مری:محکمہ موسمیات نے پانچ جنوری کو طوفان کی پیشگی اطلاع دی ،تو انتظامیہ کیوں سوئی رہی؟ اطلاع کے باوجود سیاحوں کی اتنی بڑی تعداد کو مری داخل کیوں ہونے دیا گیا ؟ ہلاکتوں نے کئی سوال کھڑے کردیئے۔

    محکمہ موسمیات نے شدید برفباری کا پہلا الرٹ 31 دسمبر 2021 کو جاری کیا تھا، محکمہ موسمیات نے 5جنوری کو دوسرا الرٹ جاری کیا تھا، محکمہ موسمیات نے پہلے ہی وزیراعظم آفس کو برفباری سے متعلق آگاہ کر دیا تھا۔

    محکمہ موسمیات کی ایڈوائزری نے تمام متعلقہ اداروں کو محتاط رہنے کی ہدایات جاری کی تھیں، جنوری کے آغاز سے ہی مری میں شدیدبرفباری، راستوں کے بند ہونے کے خدشے سے آگاہ کیا گیا تھا، 6سے7جنوری کے درمیان مری گلیات میں شدید برفباری کا الرٹ جاری کیا گیا تھا۔

    6 سے 9 جنوری کے درمیان مری کی سڑکیں برفباری کےباعث بند ہونے کی اطلاع دی گئی تھی، وزارت ہوابازی کوبھی مری میں شدید برفباری سے متعلق آگاہ کر دیا گیا تھا ، چیئرمین این ڈی ایم اے،پی ڈی ایم اے،ایس ڈی ایم اے کوبھی برفباری سےمتعلق آگاہ کیاگیاتھا۔

    دوسری طرف کے مطابق وزیر اعلیٰ پنجاب کی زیر صدارت مری سے متعلق ہنگامی اجلاس کی اندرونی کہانی سامنے آ گئی ہے، ذرائع کا کہنا ہے کہ اجلاس میں عثمان بزدار نے راولپنڈی انتظامیہ اور پولیس پر اظہار برہمی کیا۔

    ذرائع کے مطابق عثمان بزدار نے چیف سیکریٹری اور آئی جی پنجاب پر بھی برہمی کا اظہار کیا، اور کہا کہ محکمہ موسمیات کی وارننگ کے باوجود انتظامیہ اور پولیس نے کچھ نہ کیا، راولپنڈی انتظامیہ اور پولیس نے انتظامات کیوں نہ کیے۔

    وزیر اعلیٰ آفس کے ذرائع نے بتایا کہ عثمان بزدار نے استفسار کیا کہ سیاحوں کی تعداد بڑھنے پر گاڑیاں روکی کیوں نہیں گئیں، ابتدائی رپورٹ کے مطابق سردی، طوفان، اور راستے بند ہونے سے اموات ہوئیں۔

    اجلاس میں وزیر اعلیٰ عثمان بزدار نے معاملے کی انکوائری کے احکامات صادر کیے، اور غفلت برتنے والوں کے خلاف کارروائی کا حکم دے دیا۔

    واضح رہے کہ ملک کے اہم ترین سیاحتی مقام مری میں جب شدید سرد موسم اور برف باری کی وجہ بڑا سانحہ پیش آیا، وہاں وزیر اعلیٰ پنجاب پارٹی کے لیے تنظیم سازی میں مصروف تھے، اس حوالے سے ان پر شدید تنقید کی جا رہی ہے۔

    واضح رہے کہ مری میں شدید برفباری کے باعث 22 افراد جاں بحق ہو گئے ہیں، جو اپنی نوعیت کا ایک بڑا اور سنگین واقعہ ہے، جس میں 2 خواتین اور 8 بچے بھی شامل ہیں۔

  • گورنر کے دفتر کے باہر کھڑی کار سے 10 لاشیں برآمد

    گورنر کے دفتر کے باہر کھڑی کار سے 10 لاشیں برآمد

    میکسیکو: گورنر کے دفتر کے باہر کھڑی کار سے 10 لاشیں برآمد،اطلاعات کے مطابق میکسیکو میں کار سے 10 لاشیں ملنے پر 2 افراد کو گرفتار کرلیا گیا۔غیر ملکی میڈیا کے مطابق میکسیکو کی ریاست زاکاٹیکاس میں ایک کار سے 10 لاشیں ملیں۔

    میڈیا رپورٹس کے مطابق یہ کار گورنر کے دفتر کے باہر کھڑی تھی جسے حکام نے مشکوک قرار دے کر اس کی تلاشی لی تو کار سے 10 لاشیں برآمد ہوئیں۔تویہ منظردیکھ کرپولیس اہلکار بھی پریشان ہوگئے،یہ بھی بتایا جارہا ہے کہ اس دوران علاقے کی تلاشی بھی لی گئی ہے

    ریاست کے گورنر نے سوشل میڈیا پر جاری بیان میں واقعے کی تصدیق کرتے ہوئے کہا کہ اب تک اس سلسلے میں دو افراد کو گرفتار بھی کیا گیا ہے۔گورنر کا کہنا تھا کہ یہ کار ان کے دفتر کے بالکل سامنے موجود تھی جس میں موجود لاشوں کو بری طرح پیٹا گیا ہے۔

    میڈیا رپورٹس کے مطابق حکام نے واقعے کی تحقیقات شروع کردی ہیں۔

    ادھر دوسری طرف میکسیکو میں اس ہفتے COVID-19 سے مرنے والوں کی تعداد 300,000 سے زیادہ ہونے کا امکان ہے – دنیا بھر میں پانچویں سب سے زیادہ اموات میکسیکو میں ہیں – کیونکہ چھٹی کے موسم کے بعد انفیکشن میں اضافہ ہوتا ہے

    پچھلے ہفتے کے دوران جب بہت سے سیاحوں نے ریاستہائے متحدہ اور کینیڈا سے میکسیکو کا دورہ کیا تو انفیکشن دوگنا سے بڑھ کر 20,000 تک پہنچ گئے۔ میکسیکو کی 32 ریاستوں میں سے گیارہ نے اس ہفتے ذاتی طور پر اسکول کی کلاسیں دوبارہ شروع نہ کرنے کا فیصلہ کیا ہے اور کیسز تیزی سے بڑھ رہے ہیں۔

    انتہائی متعدی Omicron مختلف قسم کی آمد نے موسم خزاں کے دوران انفیکشنز میں کمی کو تبدیل کر دیا، جب ویکسین کے وسیع پیمانے پر استعمال سے حالات کچھ قدرے بہتر ہیں

  • امریکا،سکول میں فائرنگ 3 طالبعلم ہلاک،ٹیچر سمیت 6 افراد زخمی

    امریکا،سکول میں فائرنگ 3 طالبعلم ہلاک،ٹیچر سمیت 6 افراد زخمی

    امریکا میں اسکول کے اندر فائرنگ کے نتیجے میں 3 طلبا ہلاک اور ٹیچر سمیت 6 افراد زخمی ہوگئے۔

    باغی ٹی وی : اے ایف کے مطابق پولیس نے بتایا کہ ریاست مشی گن میں ایک 15 سالہ طالب علم نے منگل کو ایک ہائی اسکول میں مبینہ طور پر فائرنگ کی،فائرنگ ایک 15 سالہ طالب علم نے کی۔ہلاک ہونے والوں میں 16 سالہ لڑکا جبکہ 14 اور 17 سالہ دو لڑکیاں شامل ہیں۔


    واقعے کے بعد سیکورٹی اہلکاروں نے آکسفورڈ ہائی اسکول کو گھیر لیا، پولیس نے 15 سالہ طالبعلم کو حراست میں لے کر تفتیش شروع کردی فائرنگ آکلینڈ کاونٹی کے آکسفورڈ ہائی اسکول میں کی گئی، رپورٹ کے مطابق حملے میں استعمال ہونے والی گن مشتبہ شخص کے والد نے 4 دن پہلے خریدی تھی۔

    کراچی میں ٹک ٹاکر لڑکی کے اغوا کا ڈراپ سین

    مشی گن کے گورنر نے فائرنگ کے واقعے پر افسوس کا اظہار کرتے ہوئے کہا ہے کہ کسی کو بھی اسکول جانے سے ڈرنا نہیں چاہیئے۔

    سیکنڈ ائیر کے ایک طالب علم کو حراست میں لے لیا گیا اور ایک ہینڈگن ضبط کر لی گئی حملہ آور نے ان تین بچوں کو ہی ٹارگٹ کیا ہے یا اس کا کوئی اور مقصد تھا مشتبہ نوجوان نے حملے سے پہلے بندوق کی تصاویر سوشل میڈیا پر پوسٹ بھی کیں-

    ایک اور عثمان مرزا۔ نوجوان جوڑے پر جنسی عمل کیلیے تشدد٫ویڈیو وائرل

    لکی ون مال میں بیروزگار نوجوان نے کود کر خودکشی کرلی

    مقامی گورنر کا کہنا تھا کہ یہ والدین کے لیے ایک خوفناک خواب ہے، اور یہ مسئلہ امریکا میں بہت بڑھ چکا ہے، جس کو روکنے کے لیے جلد سخت احکامات اٹھانے ہوں گے۔

    2021کے دوران امریکا کے اسکولوں میں فائرنگ کے28واقعات رپورٹ ہوئے ہیں، امریکی میڈیا کے مطابق اسکولوں میں فائرنگ کے واقعات میں 9ہلاکتیں ہوئیں، جبکہ زخمیوں کی تعداد 46 ہے 2021 میں امریکا کی 19 مختلف ریاستوں میں فائرنگ کے واقعات ہوئے۔

    اسمبلی احاطہ سے شراب کی بوتلیں برآمد،وزیراعلیٰ سے استعفیٰ کا مطالبہ

    کراچی: تین ہٹی کے قریب جھگیوں میں آگ کیسے لگی؟ پولیس معاملے کی تہہ تک پہنچ گئی

    اسلام آباد میں آئی جی کے گھر کے سامنے ڈکیتی، ملزمان گرفتار نہ ہو سکے

  • فلپائن زلزلوں سے لرز اٹھا ، 8 افراد ہلاک ، ہر طرف تباہی پھیل گئی

    فلپائن زلزلوں سے لرز اٹھا ، 8 افراد ہلاک ، ہر طرف تباہی پھیل گئی

    منیلا:فلپائن زلزلوں سے لرز اٹھا ، ایک گھنٹے کے وقفے سے دو زلزلوں نے تباہی مچا دی . تفصیلات کے مطابق فلپائن میں ایک گھنٹے کے وقفے سے دو زلزلوں میں ہلاکتوں کی تعداد میں اضافہ ہوگیا،جس کے باعث8 افراد ہلاک اور9زخمی ہوگئے۔

    فلپانئی حکام کے مطابق یہ زلزلہ فلپائن کے صوبے بٹانیس کے دو جزیروں میں آیا، یوایس جیولوجیکل سروے کے مطابق زلزلے کی شدت 6.4 اور 5.9 تھی، دونوں زلزلوں کے درمیان تقریباً ایک گھنٹے کا وقفہ تھا،

    حکام کا کہنا ہے کہ زلزلے کے باعث کئی عمارتوں میں دراڑیں پڑ گئیں جبکہ بعض سڑکوں میں گڑھے دیکھے گئے، زلزلے کے بعد آفٹر شاکس بھی آتے رہے۔زخمیوں اورہلاک ہونے والے افراد کو ہسپتال منتقل کردیا گیا، زخمیوں میں بعض کی حالت تشویشناک بتائی جارہی ہے۔