Baaghi TV

Tag: ہیٹ ویو

  • پنجاب میں شدید گرمی کی پیشگوئی،پی ڈی ایم اے کا الرٹ جاری

    پنجاب میں شدید گرمی کی پیشگوئی،پی ڈی ایم اے کا الرٹ جاری

    اسلام آباد: پنجاب میں ہیٹ ویو کے خطرے کے پیش نظر پروینشل ڈیزاسٹر مینجمنٹ اتھارٹی (پی ڈی ایم اے) پنجاب نے الرٹ جاری کر دیا-

    باغی ٹی وی: ڈی جی پی ڈی ایم اے کی جانب سے جاری مراسلے کے مطابق رواں ماہ درجہ حرارت میں 4 سے 7 ڈگری اضافے کا امکان ہے جس دوران میدانی علاقےاور جنوبی پنجاب کے اضلاع گرمی کی شدید لپیٹ میں آسکتے ہیں، ڈی جی پی ڈی ایم اے نے پنجاب بھر کی ضلعی انتظامیہ کو ہیٹ ویو کے خدشات کے تحت ہنگامی صورتحال سے نمٹنے کے لیے الرٹ رہنے کی ہدایت جاری کردی۔

    ڈی جی پی ڈی ایم اے کے مطابق وزیراعلیٰ پنجاب مریم نواز کی ہدایات کے پیش نظر ہیٹ ویو سے بچاؤ کے لیے حفاظتی اقدامات کیے جا رہے ہیں، ڈپٹی کمشنرز عوامی مقامات پر ہیٹ ویو سے بچاؤ کی سہولیات یقینی بنانے کے لیے اقدامات کریں، ہیلپ لائن نمبرز، مساجد میں اعلانات، سوشل میڈیا کے ذریعے شہریوں کو ہیٹ ویو کے خطرات سے آگاہ کریں۔

    پاکستان معدنی ذخائر نکال کر قرضوں کے چنگل سے آزاد ہو سکتا ہے،وزیراعظم

    پی ڈی ایم اے پنجاب نے محکمہ سکول ایجوکیشن کو بچوں کی آؤٹ ڈور سرگرمیوں پر پابندی عائد کرنے اور اسکولوں میں ہیٹ ویو سے بچاؤ کے بارے فلیکسز لگانے کی ہدایت کی ہے۔

    پی ڈی ایم اے کا کہنا ہے کہ کسانوں کو ہیٹ ویو کے فصلوں پر اثرات سے متعلق آگاہی دی جائے، لوکل گورنمنٹ ڈیپارٹمنٹ عوامی اجتماع والی جگہوں پر پانی کی فراہمی یقینی بنائیں، بس اڈوں اور ریلوے اسٹیشنز پر بینرز کے ذریعے شہریوں کو ہیٹ ویو کے بارے آگاہی دیں، جانوروں کی منڈیوں کے مقامات پر صاف پانی کی فراہمی یقینی بنائیں محکمہ لائیو اسٹاک کو ویٹرنری کیئر سینٹرز 24 گھنٹے فعال رکھیں جائیں اور محکمہ صحت بھی اسپتالوں میں ہیٹ ویو کاؤنٹر قائم کریں-

    نومئی کتنا نقصان ہوا،رپورٹ سپریم کورٹ میں جمع

    پی ڈی ایم اے نے ہدایت کی ہے کہ ہیٹ ویو سے متاثرہ افراد کی ابتدائی طبی امداد کے لیے ادویات کی دستیابی یقینی بنائی جائے، عوامی مقامات پر موبائل ہیلتھ یونٹس اور مستقل بنیادوں پر میڈیکل کیمپس لگائیں جائے، شہری ہیٹ ویو کے دوران غیر ضروری سفر سے گریز کریں، دھوپ میں سر کو ڈھانپ کر رکھیں پانی کا استعمال زیادہ سے زیادہ کریں، دل کے عارضہ میں مبتلا افراد خصوصی احتیاط کریں، دھوپ میں باہر نہ نکلیں، شہری ہلکے رنگ کے کپڑے پہنیں، احتیاطی تدابیر کے ذریعے ہیٹ ویو کے نقصانات سے بچاؤ ممکن ہے۔

    کراچی، 16 لاکھ چالان،ڈرائیور کے لئے ڈرگ ٹیسٹ لازمی قرار

  • کراچی میں رمضان المبارک کے دوران ہیٹ ویو کا امکان

    کراچی میں رمضان المبارک کے دوران ہیٹ ویو کا امکان

    محکمہ موسمیات نے شہر قائد میں رمضان المبارک کے آخری عشرے کے دوران ہیٹ ویو کا امکان ظاہر کردیا۔

    باغی ٹی وی کے مطابق محکمہ موسمیات نے خبردار کیا ہے کہ کراچی میں ماہ رمضان کے آخری عشرے میں ہیٹ ویو کا امکان ہے، رمضان المبارک کا آغاز معتدل موسم سے ہوگا لیکن اختتام گرم موسم سے ہوگا۔محکمہ موسمیات کے مطابق رمضان کے آغاز میں درجہ حرارت 34 ڈگری سینٹی گریڈ تک رہنے کا امکان ہے جب کہ آخری ایام میں درجہ حرارت 40 ڈگری سینٹی گریڈ تک جانے کا امکان ہے۔

    ترجمان محکمہ موسمیات نے کہا کہ رواں ہفتے شہر میں موسم اسی طرح جزوی سے مکمل ابر آلود رہے گا جب کہ درجہ حرارت 32 ڈگری سینٹی گریڈ تک ریکارڈ کیا جا سکتا ہے۔ترجمان کا مزید کہنا تھا کہ مغربی ہواؤں کا سلسلہ کراچی پر اثر انداز نہیں ہوگا جب کہ آج بارش کا کوئی امکان نہیں۔

    کسٹمز نے بھاری مقدار میں بھارتی ساختہ اسمگلڈ ادویات برآمد کرلیں

  • کراچی کے شہریوں کو ہیٹ ویو جیسی صورتحال کا سامنا

    کراچی کے شہریوں کو ہیٹ ویو جیسی صورتحال کا سامنا

    کراچی میں آج انتہائی گرم ومرطوب دن ریکارڈ ہوا،نمی کاتناسب 56فیصد تک بڑھنے کے سبب اصل درجہ حرارت سے زیادہ گرمی محسوس ہوئی،دن کیوقت ہیٹ ویو جیسی صورتحال رہی.

    باغی ٹی وی کی رپورٹ کے مطابق آج شہرمیں ایک اورگرم دن ریکارڈ ہوا،جس کے دوران اکتوبرمیں جون،جولائی جیسی صورتحال رہی،دن کیوقت گذشتہ کئی روز سے مختصروقت کے لیے بند سمندری ہوائوں نے جزوی طورپربحالی کے دوران نمی کے تناسب کوبڑھادیا،جس کی وجہ سے دن کے وقت لوکے تھپیڑے چلیاورہیٹ ویو جیسی صورتحال رہی۔واضح رہے کہ گذشتہ کئی روزکیدوران شہرکا موسم بلوچستان کی گرم صحرائی ہواوں کی وجہ سے گرم وخشک رہا،جس کے دوران نمی کا تناسب قدرے کم رہا،محکمہ موسمیات کیمطابق پیرکوشہرکا زیادہ سے زیادہ درجہ حرارت 37.6ڈگری رہا،تاہم ہوامیں نمی کاتناسب 56فیصد تک بڑھنے اورتیزدھوپ کی وجہ سیاصل درجہ حرارت سے کئی ڈگری اضافی(46ڈگری کے قریب)گرمی کی شدت محسوس کی گئی۔محکمہ موسمیات کے مطابق اکتوبرکا مہینہ عموما دوموسموں کے درمیان منتقلی کا مہینہ کہلاتاہے،جس کے دوران گرمی کی صورتحال بھی پیدا ہوتی ہے، اسی وجہ سے ہرسال مئی اورجون کے علاوہ اکتوبرکوبھی گرم مہینوں میں شمارکیا جاتا ہے،تاہم رواں سال گرمی کی شدت زیادہ رہی۔چیف میٹرولوجسٹ کراچی سردارسرفرازکیمطابق مجموعی طورپراکتوبرکے مہینے میں اوائل سے ہی گرم موسم کا آغازہوا،6 اکتوبرسے شروع ہونے والی گرمی کی مختلف لہروں کے دوران زیادہ گرمی محسوس کی گئی،چیف میٹرولوجسٹ کے مطابق مالدیپ اوربھارتی،راجستھان کے قریب بننے والے ہواکے کم دبائو جو بعدازاں عمان اوریمن کی جانب منتقل ہوئے،ان سرگرمیوں نے سمندری ہواں کاراستہ روکا،جس کی وجہ سے شہرمیں غیرمعمولی گرمی کی صورتحال پیداہوئی جبکہ شہر کے نچلی اوراوپری سطح کی فضائوں میں ہواکے زیادہ دبائو نے بھی گرم موسم کا راستہ ہموارکیا۔
    حالیہ ہواکے زیادہ دبائو کی وجہ سے ان دنوں شہرمیں گرمی کی شدت بڑھ گئی ہے،تاہم یہ سلسلہ اب پیرکوبتدریج مشرقی بھارت کی جانب منتقل ہونا شروع ہوگیا ہے،یہی وجہ ہے کہ پیرکوسمندر کی بند ہوائیں کھلنے پرنمی کی شدت بڑھی،جس کے سبب موسم گرم ومرطوب رہا،تاہم آنے والے دنوں میں یہ امکان ہے کہ گرمی کی شدت میں معمولی کمی واقع ہوگی۔خنک وسرد موسم کی صورت میں موسم کی تبدیلی کے حوالے سے انہوں نے کہا کہ گرمی کی موجودہ لہرمزید پانچ روزتک جاری رہ سکتی ہیجبکہ یہ سلسلہ نومبرکے پہلے ہفتے تک درازہوسکتا ہے، جس کے بعد یہ امید ہے کہ موسم میں بتدریج بہتری آناشروع ہوجائے گی۔انہوں نے کہا کہ دیہی سندھ کے مختلف اضلاع وکراچی میں اکتوبرکے اوسط درجہ حرارت سے کئی ڈگری زیادہ گرمی رہی،جس کے دوران دن کے درجہ حرارت میں اضافے کے علاوہ رات کا درجہ حرارت بھی 4سی6 ڈگری اضافی رہا۔

  • کراچی میں 3 روز کے دوران ہیٹ ویو کا خدشہ

    کراچی میں 3 روز کے دوران ہیٹ ویو کا خدشہ

    کراچی محکمہ موسمیات کی جانب سے سندھ کے بعض اضلاع میں آج مسلسل ساتویں روز درجہ حرارت 50 ڈگری یا زائد رہنے کی پیشگوئی کی گئی ہے۔

    باغی ٹی وی : ملک میں حالیہ دنوں سورج آگ برسا رہا ہے، درجہ حرارت بڑھنے سے شہریوں کو سخت مشکلات کا سامنا ہے، کراچی میں آج سے تین روز کے دوران ہیٹ ویو کا خدشہ ہےچیف میٹرولوجسٹ سردارسرفراز کے مطابق کراچی کا درجہ حرارت آج 40 ڈگری یا اس سے زائد ہوسکتا ہے جو آئندہ دو روز کے دوران 42 ڈگری سینٹی گریڈ تک جاسکتا ہےکراچی میں ہوا میں نمی کا تناسب75 فیصد ہے اور مغرب سے 29کلو میٹر فی گھنٹہ کی رفتار سےہوائیں چل رہی ہیں۔

    سردار سرفراز نے بتایا کہ اس وقت اندرون سندھ گرمی کی لپیٹ میں ہے، رواں سیزن میں اندرون سندھ کے علاقوں میں 53 ڈگری سینٹی گریڈ ریکارڈ کیا گیا، مئی2017 میں تربت میں درجہ حرارت 54 ڈگری ریکارڈ کیا گیا جو ملکی تاریخ کا بلندترین درجہ حرارت ہے۔

    رفح میں اسرائیلی ٹینکوں نے فلسطینی پناہ گزینوں کے کیمپوں کو روند ڈالا ،21 فلسطینی …

    دوسری جانب محکمہ موسمیات کے مطابق سکھر، نواب شاہ، موہن جو دڑو، دادو اور سبی میں پارا 50 ڈگری یا اس سے اوپر جائے گا، لاہور میں پارا آج 46 ڈگری کو چھوئے گا جب کہ ملتان، ڈیرہ غازی خان اور بہاولپور میں 48 سے 49 ڈگری متوقع ہے، فیصل آباد او ر سرگودھا میں 47 ڈگری رہنے کا امکان ہے۔

    دوسری جانب شام یا رات میں لاہور، راولپنڈی، اسلام آباد، گوجرانوالہ اور سرگودھا میں آندھی اور بارش کی پیشگوئی کی گئی ہے جبکہ بالائی خیبرپختونخوا، کشمیر اور گلگت بلتستان میں بھی چند مقامات پر بارش کا امکان ہے۔

    بھارت اور بنگلہ دیش میں تیز بارشوں اور سائیکلون سے 38 افراد ہلاک

    ادھر جھلسا دینے والی گرمی میں شدید لوڈ شیڈنگ کے دوران شہر قائد کے مختلف علاقوں میں دن میں صرف 6 سے 7 گھنٹے ہی بجلی دستیاب ہے ،جبکہ کوئٹہ میں 10 سے 12 اور راولپنڈی میں 6 سے 7 گھنٹے بجلی جانا معمول بن گیا ہے،اس کے علاوہ پشاور میں بجلی کی بندش کے خلاف دلزاک روڈ پر احتجاج کیا گیا، اس دوران مظاہرین گرڈ اسٹیشن کے اندر داخل ہوگئے اور احتجاج کیا تاہم انتظامیہ کی جانب سے لوڈشیڈنگ میں کمی کی یقین دہانی پر مظاہرین منتشر ہوگئے۔

    بلوچستان:واشک میں مسافر کوچ کھائی میں جا گری،خواتین اور بچوں سمیت 24 افراد ہلاک

  • گرمی کی شدت آئندہ 2 سے اڑھائی ہفتے تک جاری رہے گی،ماہرین

    گرمی کی شدت آئندہ 2 سے اڑھائی ہفتے تک جاری رہے گی،ماہرین

    کراچی: محکمہ موسمیات کے ماہرین کا کہنا ہے کہ گرمی کی شدت آئندہ 2 سے اڑھائی ہفتے تک جاری رہے گی۔

    باغی ٹی وی: ماہرین کا کہنا ہے کہ پنجاب کے میدانی علاقوں میں آئندہ 2 روز کےد وران بارش کا امکان ہے تاہم اس سے ہیٹ ویو میں کمی نہیں ہوگی، اس وقت پاکستان کے بہت سے علاقے ہیٹ ویو کی زد میں ہیں جو 15سے 20 دن تک جاری رہے گی-

    پہلے ماہرین کا خیال تھا کہ ہیٹ ویو 27 مئی تک یا زیادہ سے زیادہ 30 مئی تک ختم ہو جائے گی لیکن اب اس کا دورانیہ جان لیوا حد تک طویل ہوتا دکھائی دے رہا ہے مئی عام طور پر گرم مہینہ ہوتا ہے،سندھ اور بلوچستان کے بعض علاقوں میں ٹمپریچر 49 ڈگری تک بھی چلا جاتا ہے لیکن اس بار ہم کچھ حصوں میں درجہ حرارت 50 سے 51 ڈگری سیلسیس (122 فارن ہائیٹ) تک پہنچنے کی توقع کر رہے ہیں اس سے پہلے 28 مئی 2017 کو جب پاکستان ہیٹ ویو کی لپیٹ میں تھا تو سبی کا ٹمپریچر 54 ڈگری سیلسئیس ریکارڈ کیا گیا تھا۔

    اقتصادی رابطہ کمیٹی کا اجلاس ،مختلف وزارتوں، ڈویژنوں کیلئے ٹیکنیکل سپلیمنٹری گرانٹس …

    پاکستان اسٹاک ایکسچینج میں مندی

    ملک میں بجلی کا شارٹ فال 4 ہزار میگاواٹ ہوگیا

  • ماہرین نے ہیٹ ویو کے کئی حیرت انگیز فوائد بتادیئے

    ماہرین نے ہیٹ ویو کے کئی حیرت انگیز فوائد بتادیئے

    پاکستان اور بھارت سمیت اس وقت جنوبی ایشیا کے بیشتر علاقے شدید گرمی کی لپیٹ میں ہیں،شدید گرمی باعث لوگ سر میں شدید درد، معدے کی تکلیف، قے، متلی، پٹھوں کے کھنچاؤ، ہیضہ اور اسہال کی شکایت کے ساتھ اسپتالوں اور کلینکس کا رخ کر رہے ہیں۔ بہت سے لوگ ہیٹ ویو کے دوران خود کو سنبھال نہیں پاتے اور گر جاتے ہیں، کچھ لوگ بیٹھے بیٹھے بے حال اور بے ہوش ہوجاتے ہیں۔

    گرمی سے متعلق بیماریاں ہر سال ایک باقاعدہ معاملہ ہو سکتا ہے، لیکن جیسے جیسے گرمی کی لہریں زیادہ شدید ہوتی جاتی ہیں، یہ بیماریاں نئی ​​علامات کے ساتھ پھیلتی ہیں، موسم گرما میں، ہسپتال ایمرجنسی روم ہیٹ اسٹروک یا پانی کی کمی کی وجہ سے مریضوں سے بھر جاتے ہیں-

    ایسے میں ایک بنیادی سوال یہ ہے کہ کیا ہیٹ ویو سے صرف نقصان پہنچتا ہے؟ ماہرین کہتے ہیں ایسا نہیں ہے۔ بہت سے معاملات میں ہیٹ ویوز جسم کے لیے انتہائی کارگر بھی ثابت ہوتی ہیں،جتنی تیز دھوپ درجہ حرارت کی ٹک کے ساتھ بیماریوں کو بڑھاتی ہے، گرمی اتنی بری نہیں ہو سکتی جتنی کہ کوئی سوچتا ہے۔ اعلی درجہ حرارت کی ایک حد ہوتی ہے جس پر کوئی شخص قوت مدافعت پیدا کرسکتا ہے، جسم میں خلیوں کے نقصان کو کم کرسکتا ہے اور سوزش کو دور کرسکتا ہے۔

    سیکورٹی فورسز کے تین آپریشن،23 دہشتگرد جہنم واصل،5 جوان شہید

    لیکن کچھ شرائط ہیں جن کی پابندی کرنے کے لیے اس "انتہائی گرمی پر قابو پانے” کو صحت کے لیے فائدہ مند بنانا پڑتا ہے۔

    معرو ف جریدے "انڈیا ٹو ڈے” کی رپورٹ کے مطابق ہیٹ ویو کے دوران جسم کا مدافعتی نظام مضبوط بھی ہوتا ہے اور تیزابیت کا خاتمہ بھی ہوتا ہے۔ بلند درجہ حرارت جسم میں خلیوں کی ٹوٹ پھوٹ کا عمل روکتا ہے ہیٹ ویو سے جسم کو نقصان بالعموم اس وقت پہنچتا ہے جب کوئی احتیاط نہ برتے، گھٹن زدہ ماحول میں رہنے اور برہنہ سر گھر سے باہر نکلنے کی صورت میں ہیٹ ویو مہلک بھی ثابت ہوسکتی ہے۔

    ماہرین کہتے ہیں ہیٹ ویو بھی ہمارے ماحول اور نظام کا حصہ ہے اس لیے اُس کے منفی اور مثبت دونوں پہلو ہیں۔ اگر پوری تیاری کے ساتھ ہیٹ ویو کا سامنا کیا جائے، ماحول کو صاف ستھرا رکھا جائے اور دھوپ میں بلا ضرورت نکلنے اور بھٹکنے سے گریز کیا جائے تو پٹھوں کا کھنچاؤ دور ہوسکتا ہے، مدافعتی نظام بہتر ہوسکتا ہے، خلیوں کو پہنچنے والا نقصان کم ہوسکتا ہے اور تیزابیت سے بہت حد تک نجات بھی مل سکتی ہے۔

    بھارت کے تین صدور کے معالج رہنے والے، پدم شری یافتہ، دہلی کے سر گنگا رام ہاسپٹل کے سینیر کنسلٹنٹ میڈیسن ڈاکٹر محسن ولی کہتے ہیں کہ شدید گرمی کے دوران سب سے ضروری ہے پانی کی کمی نہ ہونے دینا، دھوپ میں نکلنا پڑے تو سائے میں آتے ہی پانی کی کمی پوری کرنی چاہیے، اگر دھوپ میں مستقل کام کرنا پڑے تو پہلے کسی طبی ماہر سے مشاورت کرلی جائے۔

    کراچی: درخت سے لٹکی ہوئی نوجوان کی لاش برآمد

    ڈاکٹر محسن ولی کہتے ہیں کہ شدید سردی میں ہمارا جسم کولڈ شاک پروٹینز اور شدید گرمی میں ہیٹ شاک پروٹینز پیدا کرتا ہے، ان پروٹینز کے بننے سے مدافعتی نظام بہتر ہوتا ہے، یہ پروٹینز اِس بات کو یقینی بناتی ہیں کہ خلیوں کو جس وقت موت آنی چاہیے اُس وقت موت آنی ہی چاہیے۔ جسم سرطان زدہ ہو تو یہ عمل بے قابو ہو جاتا ہے موسم کی شدت خلیوں کی تشکیل میں بھی معاونت کرتی ہے اس کے نتیجے میں ہمارا مدافعتی نظام مضبوط ہوتا ہے اور یوں جسم کو دباؤ سے نجات ملتی ہے، یہ پورا عمل ذہن کو تحفظ فراہم کرتا ہے۔ انڈیا ٹوڈے کی رپورٹ میں ڈاکٹر میخائل پورومائنکو، ڈاکٹر انوراگ اگروال اور ڈاکٹر انوپما سردانا کی ماہرانہ آرا بھی شامل ہیں۔

    ڈاکٹر میخائل پورومائنکو، انسٹی ٹیوٹ آف سائٹولوجی اینڈ جینیٹکس نے اس کی تعریف اس طرح کی ہے: "ہیٹ شاک پروٹینز (HSPs) مخصوص پروٹین ہیں جو اس وقت بنتے ہیں جب خلیات کو ان کے معمول کے بڑھنے والے درجہ حرارت سے زیادہ درجہ حرارت پر مختصر طور پر بے نقاب کیا جاتا ہے۔”

    کیا یہ کہنا چاہتے ہیں کہ مجھے حکومت دو ورنہ ملک ٹوٹ جائے گا؟شیری رحمان

    HSPs کی ترکیب ایک عالمگیر رجحان ہے، جو انسانوں سمیت تمام پودوں اور جانوروں کی انواع میں پایا جاتا ہے۔ ڈاکٹر جتیندر ناگپال، چیئرمین، انسٹی ٹیوٹ آف مینٹل ہیلتھ، مول چند ہسپتال، نے بتایا کہ شاک پروٹین کا علمی صلاحیتوں پر مثبت اثر پایا گیا ہے۔

  • پنجاب میں آج بھی ہیٹ ویو اور گرمی کی لہر برقرار رہے گی

    پنجاب میں آج بھی ہیٹ ویو اور گرمی کی لہر برقرار رہے گی

    پنجاب میں آج بھی ہیٹ ویو اور گرمی کی لہر برقرار رہے گی،

    ترجمان پی ڈی ایم اے کے مطابق آج درجہ حرارت 45 سے 50 ڈگری تک جانے کا خدشہ ہے،بہاولپور، رحیم یار خان، ڈیرہ غازی خان اور ملتان میں ہیٹ ویو کی لہر شدید ہو سکتی ہے،گزشتہ روز خان پور 50، رحیم یار خان، بھکر 49 اور کوٹ ادو میں 48 ڈگری درجہ حرارت ریکارڈ کیا گیا،

    محکمہ موسمیات کے مطابق ملک کے بیشتر میدانی علاقے آج بھی شدید گرمی کی لہرکے زیراثر رہیں گے، پاکستان میں موجود گرمی کی لہر موسمیاتی اور ماحولیاتی عوامل کے ملاپ کی وجہ سے ہے آنے والے دنوں میں ملک کے بیشتر علاقوں میں ہیٹ ویو کی کیفیت برقرار رہے گی،بالائی فضا میں موجود ہوا کا زیادہ دباؤ اور محدود بادلوں کی موجودگی ہیٹ ویو کا باعث بنتی ہے۔

    لاہور میں آج کم سے کم درجہ حرارت 27 جبکہ زیادہ سے زیادہ 44 ڈگری سینٹی گریڈ تک جانے کا امکان ہے، آج بھی شہر میں بارش کا کوئی امکان نہیں اور دن بھر موسم گرم اور خشک رہے گا، فیصل آباد اور گردونواح میں شدید گرمی کی لہر جاری ہے اور درجہ حرارت 47 ڈگری سینٹی گریڈ تک جانے کا امکان ہے،طبی ماہرین نے گرمی سے بچنے کے لیے احتیاطی تدابیر اختیار کرنے ہدایات جاری کی ہیں۔

    ڈی جی پی ڈی ایم اے کا کہنا ہے کہ وزیر اعلی پنجاب کی ہدایت کے مطابق ضلعی انتظامیہ کو الرٹ جاری کر دیا ہے۔گرمی اور لو کی شدت میں اضافے سے عوام الناس کو بھی محتاط رہنا ہو گا۔دوپہر کے وقت کام کرنے والے لو سے بچنے کا اہتمام کریں۔ محکمہ صحت آبپاشی تعمیر و مواصلات لوکل گورنمنٹ اور لایئو سٹاک کو الرٹ جاری کر دیاگیا ہے ۔انفارمیشن ڈیپارٹمنٹ واسا پنجاب پولیس اور سول ڈیفنس کو بھی موسمی صورتحال کے پیش نظر الرٹ جاری کردیا گیا ۔شہری آسمانی بجلی سے تحفظ کیلئے محفوظ مقامات پر رہیں۔عوام الناس بجلی کی گرج چمک اور طوفانی صورتحال میں کھلے آسمان تلے ہرگز نہ جائیں ۔ایمرجنسی صورتحال میں پی ڈی ایم اے ہیلپ لائن 1129 یا ریسکیو 1122سے رابطہ کریں.

    ہیٹ ویو،حاملہ خواتین زیادہ درجہ حرارت کے دوران باہر جانے سے گریز کریں
    دوسری جانب وزارت موسمیاتی تبدیلی کا کہنا ہے کہ ہیٹ ویو سے حاملہ خواتین کو زیادہ خطرہ لاحق ہوتا ہے۔ گلوبل وارمنگ کی وجہ سے حالیہ برسوں میں پاکستان میں مہلک ہیٹ ویوز کی شدت کا تیزی سے خطرہ بن گیا ہے گرمیوں کے مہینوں میں مہلک گرمی لوگوں کی صحت کو ڈی ہائیڈریشن سے ہیٹ ریشز تک بہت زیادہ نقصان پہنچا سکتی ہے ہیٹ ویو سے حاملہ خواتین کو زیادہ خطرہ لاحق ہوتا ہے،کمزور مدافعتی نظام رکھنے کی وجہ سے بچوں، بوڑھوں اور عورتوں کیلئے صورتحال زیادہ پریشان کن اور سنگین ہو سکتی ہے لوگوں کو صحت کے پریشان کن مسائل سے ہر ممکن طریقے سے خود کو بچانا ہوگا خاص طور پر صبح 11 بجے سے دوپہر 3 بجے تک گرم اوقات کے دوران غیر ضروری بیرونی سرگرمیوں سے گریز کرنا ہوگا اگرچہ کوئی بھی شخص ہیٹ ویوز سے متاثر ہو سکتا ہے لیکن حاملہ خواتین کو زیادہ خطرہ لاحق ہوتا ہے اس لیے ضروری ہے کہ حاملہ خواتین زیادہ درجہ حرارت کے دوران باہر جانے سے گریز کریں۔

    ہیٹ ویو،بچاؤ کے لئے کیا کرنا چاہئے؟
    گرمیوں کا موسم ان دنوں اپنے عروج پر ہے اور پاکستان میں ہر طرف گرمی کی لہر ہے جس کے پیش نظر ہیٹ ویو کے مضر اثرات سے بچنے کے لیے اقدامات کرنے کی ضرورت ہے، اس سے بوڑھے اور بچے زیادہ متاثر ہو سکتے ہیں اور باہر کے ماحول میں کام کرنے والے مزدور بھی۔ گرمی کی لہر کے اس موسم میں براہ کرم چند اہم اقدامات کریں، وافر مقدار میں پانی پیئیں، پسینے میں ضائع ہونے والے الیکٹیو لائٹس کو متوازن کرنے کے لیے او آر ایس کا استعمال کریں، اپنے آپ کو ڈھانپیں، ہلکے رنگ کا لباس پہنیں، دن کے وقت غیر ضروری باہر جانے سے گریز کریں، گاڑی میں کم سے کم بیٹھیں، گاڑی چلانے اور بیٹھنے سے پہلے براہ کرم ہوا کے اخراج کے لیے کھڑکیوں کو تھوڑی دیر کے لیے کھول دیں۔

    مریم نواز نے پولیس وردی پہنی،عثمان انور نے ساڑھی کیوں نہیں پہنی؟ مبشر لقمان کا تجزیہ

    اداروں کی یونیفارم پہننا خلافِ قانون،محترمہ عملی کام بھی کریں، بیرسٹر سیف

    مریم کی پولیس وردی پر تنقید کرنیوالوں نےبرقعے کی آڑ میں دھندہ چلایا ،عظمیٰ بخاری

    بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا

    بلیک میلنگ کی ملکہ حریم شاہ کا لندن میں نیا”دھندہ”فحاشی کا اڈہ،نازیبا ویڈیو

    بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا

    بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

    سماعت سے محروم بچوں کے لئے بڑی خوشخبری

    پولیس وردی پہننے پر وزیراعلیٰ پنجاب کیخلاف مقدمہ کی درخواست

    میں تین بار وزیر اعظم رہنے والے نواز شریف کی بیٹی تھی مگر مجھے بھی خود کو ثابت کرنا پڑا،مریم نواز

  • جون کے دوسرے ہفتے سے پری مون سون شروع ہونے کی پیشگوئی

    جون کے دوسرے ہفتے سے پری مون سون شروع ہونے کی پیشگوئی

    اسلام آباد: محکمہ موسمیات کے مطابق جون کے دوسرے ہفتے سے پری مون سون شروع ہوسکتا ہے۔

    باغی ٹی وی : ملک میں جاری شدید گرمی کی لہر کے حوالے سے پریس بریفنگ دیتے ہوئے ڈی جی محکمہ موسمیات صاحبزادہ خان کا کہنا تھا 27 مئی تک درجہ حرارت میں اضافہ متوقع ہے،کچھ سال پہلے تک مئی کے مہینے میں 37 ایک نارمل درجہ حرارت مانا جاتا تھا، اس گرم موسم سے چرند پرند انسان سب متاثر ہو سکتے ہیں۔

    انہوں نے کہا کہ نارمل ڈگری سے چار یا پانچ ڈگری درجہ حرارت ہو تو وہ ہیٹ ویو کہلاتا ہے،نارمل سے زیادہ درجہ حرارت 3 یا 5 دن رہے تو اسے ہیٹ ویو کہا جا سکتا ہے،ہیٹ ویو سے زمینی درجہ حرارت زیادہ ہو جاتا ہے ہائی پریشر ائیریا میں آسمان صاف ہوتا ہے اور سورج کی کرنیں زیادہ تیز ہوتی ہیں،میڈیا سے بھی گزارش ہے کہ ہیٹ ویو سے متعلق آگاہی میں اپنا کردار ادا کریں،گرم مشروبات اور مصالحہ دار اشیاء کھانے سے گریز کریں،دوپہر 12 سے 3 تک درجہ حرارت مسلسل بڑھتا ہے،دھوپ میں نکلتے ہوئے چھتری کا استعمال لازمی کریں،اس سال گرمی کا دورانیہ زیادہ ہوگا۔

    انٹرنیٹ کا بڑا حصہ ختم ہو رہا ہے،تحقیق

    برطانوی میڈیا کی اسرائیل کے اسپتالوں میں غزہ کے قیدیوں کے ساتھ انسانیت سوز …

    سارک سیکرٹری جنرل کی وزیراعظم پاکستان سے ملاقات

  • گرمی میں شدت،پنجاب کے تعلیمی اداروں میں چھٹیوں‌کا اعلان

    گرمی میں شدت،پنجاب کے تعلیمی اداروں میں چھٹیوں‌کا اعلان

    پنجاب میں گرمی کی شدت میں اضافہ، تعلیمی اداروں میں چھٹیوں کا اعلان کر دیا گیا،
    ہیٹ اسٹروک کے خدشے کے پیش نظر تعلیمی اداروں کو 7 دن کے لیے بند کرنے کا فیصلہ کیا گیا ہے،پنجاب حکومت نے تمام ڈپٹی کمشنرز کو مراسلہ جاری کر دیا ،مراسلے میں کہا گیا ہے کہ تعلیمی ادارے 25 مئی سے 31 مئی تک بند رہیں گے، امتحانات طے شدہ شیڈول کے مطابق جاری رہیں گے، فیصلے کا اطلاق سرکاری اور پرائیویٹ اداروں پر بھی ہو گا، ہیٹ اسٹروک کے خدشے کے پیش نظر تعلیمی اداروں میں حفاظتی انتظامات مکمل کریں،

    دوسری جانب پی ڈی ایم اے پنجاب نے ہیٹ ویو سے متعلق الرٹ جاری کر دیا ہے،رواں ماہ درجہ حرارت اوسطاً 8 ڈگری تک بڑھنے کے امکانات ہیں ۔21 سے 27 مئی تک پنجاب میں ہیٹ ویو کے امکانات ہیں ۔ موسم خشک اور درجہ حرارت نارمل سے 6 ڈگری زیادہ تک رہے گا۔

    ڈی جی پی ڈی ایم اے کا کہنا ہے کہ وزیر اعلی پنجاب کی ہدایت کے مطابق ضلعی انتظامیہ کو الرٹ جاری کر دیا ہے۔گرمی اور لو کی شدت میں اضافے سے عوام الناس کو بھی محتاط رہنا ہو گا۔دوپہر کے وقت کام کرنے والے لو سے بچنے کا اہتمام کریں۔ محکمہ صحت آبپاشی تعمیر و مواصلات لوکل گورنمنٹ اور لایئو سٹاک کو الرٹ جاری کر دیاگیا ہے ۔انفارمیشن ڈیپارٹمنٹ واسا پنجاب پولیس اور سول ڈیفنس کو بھی موسمی صورتحال کے پیش نظر الرٹ جاری کردیا گیا ۔شہری آسمانی بجلی سے تحفظ کیلئے محفوظ مقامات پر رہیں۔عوام الناس بجلی کی گرج چمک اور طوفانی صورتحال میں کھلے آسمان تلے ہرگز نہ جائیں ۔ایمرجنسی صورتحال میں پی ڈی ایم اے ہیلپ لائن 1129 یا ریسکیو 1122سے رابطہ کریں.

    مریم نواز نے پولیس وردی پہنی،عثمان انور نے ساڑھی کیوں نہیں پہنی؟ مبشر لقمان کا تجزیہ

    اداروں کی یونیفارم پہننا خلافِ قانون،محترمہ عملی کام بھی کریں، بیرسٹر سیف

    مریم کی پولیس وردی پر تنقید کرنیوالوں نےبرقعے کی آڑ میں دھندہ چلایا ،عظمیٰ بخاری

    بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا

    بلیک میلنگ کی ملکہ حریم شاہ کا لندن میں نیا”دھندہ”فحاشی کا اڈہ،نازیبا ویڈیو

    بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا

    بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

    سماعت سے محروم بچوں کے لئے بڑی خوشخبری

    پولیس وردی پہننے پر وزیراعلیٰ پنجاب کیخلاف مقدمہ کی درخواست

    میں تین بار وزیر اعظم رہنے والے نواز شریف کی بیٹی تھی مگر مجھے بھی خود کو ثابت کرنا پڑا،مریم نواز

  • رواں ماہ ہیٹ ویو، بارشوں اور طوفان کا الرٹ جاری

    رواں ماہ ہیٹ ویو، بارشوں اور طوفان کا الرٹ جاری

    پی ڈی ایم اے پنجاب نے رواں ماہ ہیٹ ویو، بارشوں اور طوفان کا الرٹ جاری کردیا

    ترجمان پی ڈی ایم اے کے مطابق 18 مئی تک پنجاب کے بیشتر اضلاع میں گرد آلود ہوائیں، گرج چمک کے ساتھ بارش ہو سکتی ہے۔راولپنڈی ،مری،گلیات،اٹک،چکوال،منڈی بہاوالدین ،گجرات،جہلم،گجرانوالہ میں تیز ہواؤں کے ساتھ بارش کی پیشگوئی ہے۔لاہور، قصور ،سیالکوٹ،نارووال، اوکاڑہ ،فیصل آباد ٹوبہ ٹیک سنگھ جھنگ خوشاب سرگودھا اور میانوالی میں آندھی و بارشوں کے امکانات ہیں ۔رواں ماہ درجہ حرارت اوسطاً 8 ڈگری تک بڑھنے کے امکانات ہیں ۔21 سے 27 مئی تک پنجاب میں ہیٹ ویو کے امکانات ہیں ۔ موسم خشک اور درجہ حرارت نارمل سے 6 ڈگری زیادہ تک رہے گا۔

    ڈی جی پی ڈی ایم اے کا کہنا ہے کہ وزیر اعلی پنجاب کی ہدایت کے مطابق ضلعی انتظامیہ کو الرٹ جاری کر دیا ہے۔گرمی اور لو کی شدت میں اضافے سے عوام الناس کو بھی محتاط رہنا ہو گا۔دوپہر کے وقت کام کرنے والے لو سے بچنے کا اہتمام کریں۔ محکمہ صحت آبپاشی تعمیر و مواصلات لوکل گورنمنٹ اور لایئو سٹاک کو الرٹ جاری کر دیاگیا ہے ۔انفارمیشن ڈیپارٹمنٹ واسا پنجاب پولیس اور سول ڈیفنس کو بھی موسمی صورتحال کے پیش نظر الرٹ جاری کردیا گیا ۔شہری آسمانی بجلی سے تحفظ کیلئے محفوظ مقامات پر رہیں۔عوام الناس بجلی کی گرج چمک اور طوفانی صورتحال میں کھلے آسمان تلے ہرگز نہ جائیں ۔ایمرجنسی صورتحال میں پی ڈی ایم اے ہیلپ لائن 1129 یا ریسکیو 1122سے رابطہ کریں.

    گرمی کی شدت میں اضافہ،پنجاب میں تعلیمی اداروں کے اوقات تبدیل
    گرمی کی شدت میں اضافہ،پنجاب میں سکولوں کے اوقات تبدیل کر دیئے گئے،پنجاب کے سرکاری و نجی تعلیمی اداروں میں اوقات کار میں تبدیلی کا نوٹفکیشن جاری کر دیا گیا ہے،اسکولوں کے اوقات کار صبح 7 بجے سے ساڑھے 11 بجے تک ہونگے،جمعہ والے دن اسکولوں کے اوقات کار صبح 7 سے ساڑھے 10 بجے تک ہونگے، نوٹیفیکیشن کا اطلاق 18 مئی سے 31 مئی تک کےلیے ہوگا، یکم جون سے 14 اگست تک پنجاب کے تعلیمی اداروں میں موسم گرما کی تعطیلات ہوں گی

    گرمی کی شدت میں اضافہ اور ہیٹ ویوو کا خدشہ،وفاقی تعلیمی اداروں کے اوقات کار میں تبدیلی کر دی گئی، تعلیمی ادارے صبح ساڑھے سات سے 1 بجے تک کھلیں گے، گرمیوں کی چھٹیوں تک نئے اوقات کار فوری طور پر لاگو کر دیئے گئے ہیں، ساوقات کار میں تبدیلی کا مقصد سٹوڈنٹس اور اساتذہ کا تحفظ ہے

    مریم نواز نے پولیس وردی پہنی،عثمان انور نے ساڑھی کیوں نہیں پہنی؟ مبشر لقمان کا تجزیہ

    اداروں کی یونیفارم پہننا خلافِ قانون،محترمہ عملی کام بھی کریں، بیرسٹر سیف

    مریم کی پولیس وردی پر تنقید کرنیوالوں نےبرقعے کی آڑ میں دھندہ چلایا ،عظمیٰ بخاری

    بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا

    بلیک میلنگ کی ملکہ حریم شاہ کا لندن میں نیا”دھندہ”فحاشی کا اڈہ،نازیبا ویڈیو

    بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا

    بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

    سماعت سے محروم بچوں کے لئے بڑی خوشخبری

    پولیس وردی پہننے پر وزیراعلیٰ پنجاب کیخلاف مقدمہ کی درخواست

    میں تین بار وزیر اعظم رہنے والے نواز شریف کی بیٹی تھی مگر مجھے بھی خود کو ثابت کرنا پڑا،مریم نواز