پاکستان تحریک انصاف سنٹرل پنجاب کی صدر ڈاکٹر یاسمین راشد ، جنرل سیکٹری حماد اظہر ، امیدوار ملک نواز اعوان عمر ڈار شبیر سیال اور نادر بھٹی نے بابر چوک یوسی 229 پی پی 168 میں جلسے سے خطاب کرتے ہوئے کہا کہ ہے 11 کرپٹ جماعت اکٹھی ہونے کے باوجود بھی تحریک انصاف سے خوفزدہ ہیں ، ناجائز حکمرانوں کا ٹولہ مل کر بھی عمران خان کا مقابلہ نہیں کر سکتا .

انہوں نے کہا کہ عمران خان کا بیانیہ مضبوط ہے ناجائز حکمران امریکا سے مل کر پی ٹی آئی کی حکومت پر شب خون مارا نا جائز طور پر ملک پر قابض ہوا اور این ار اوٹو حاصل کیا پی پی 168 کا لوٹا حلقے میں خریدو فروخت کررہا ہے حلقے کی با شعورعوام 17 جولائی کو لوٹے کی سیاست اسی حلقے میں ہمیشہ کے لئے دفن کردیں گے لوٹوں کا ٹولہ عوام کو گمراہ نہیں کر سکتا لوٹوں کا کوئی مستقبل نہیں نوٹوں کا نظریہ صرف پیسہ ہے لوٹوں سے عوام نفرت کرتے ہیں اور 17 جولائی کو لوٹوں کی سیاست کو مسترد کریں گے

راسمین راشد کا کہنا تھا کہ تحریک انصاف بڑے مارجن سے 20 نشستیں جیتے گی ناجائز پنجاب کی حکومت کا خاتمہ ہونے والا ہے نون لیگ ضمیر فروشوں چوروں ڈاکوؤں اور لٹیروں کی جماعت بن چکی ہے مہنگائی آسمانوں سے باتیں کر رہی ہے عوام خود کشی کرنے پر مجبور ہو چکے ہیں چور ڈاکو اقتدار کے منصب پر قابض ہے 17جولائی پنجاب کے باشعور عوام پی ٹی آئی کے حق میں اپنا تاریخ ساز فیصلہ دیں گے اور پی ٹی آئی ضمنی انتخابات جیت کر پنجاب میں اپنی حکومت بنائے گی بکنے والوں لوٹوں کا عوام محاسبہ کریں گے شکست لوٹوں کا مقدر بن چکی ہے جھوٹوں کی نانی مریم نواز بڑھکیں مارکر عوام کو بے وقوف نہیں بنا سکتی عوام شریف خاندان کی حیثیت کو جانتے ہیں بیرون ملک عوام کے ٹیکسوں کے پیسوں پر عیاشی اور محلات بنانے والوں کا چہرہ پاکستانی قوم پہچانتی ہے شریف اور زرداری خاندانوں نے گیارہ سو ارب روپے چوری کیا کیا گیا پیسہ قوم کا ہڑپ کر لیا ہے عوام ان کو ووٹ نہیں دیں گے

پاکستان تحریک انصاف سینٹرل پنجاب کی صدر ڈاکٹر یاسمین راشد کا گرین ٹاؤن پہنچنے پر شاندار استقبال کیا گیا۔
ڈاکٹر یاسمین نے پی پی 167کی الیکشن کمپین کے حوالے سے گرین ٹاؤن کی یوسی 237 میں میں ڈاکٹر نوشین حامد معراج ۔ امیدوار پی پی 167 کے شبیر گجر ۔ڈاکٹر انیسہ فاطمہ ۔ ڈاکٹر ندیم احمد۔ ڈاکٹر ذکاء غنی۔ عدنان جمیل سمیت دیگر کے ہمراہ ڈور ٹو ڈور کیمپین کی۔

امپورٹڈ حکومت تباہی سے بچنے کے لئے فوری آزادانہ انتخابات کا اعلان کرے:عمران خان

ڈاکٹر یاسمین راشد گرین ٹاؤن کے مین دکانوں پر پیدل چل کر گئی اور ان میں پمفلٹ تقسیم کئے اور فرداً فرداً ان سے پی ٹی آئی کو ووٹ دینے کی درخواست کی۔ گرین ٹاؤن مین بازار کے دکانداروں نے کہا کہ امپورٹڈ حکومت نے عوام پر مہنگائی کے بم گرائے ہیں اور ہم نے پی ٹی آئی کا ساتھ دینے کا فیصلہ لیا ھے۔

بعدازاں پی ٹی آئی سینٹرل پنجاب کے ڈپٹی سیکرٹری اطلاعات سید عدنان جمیل کی جانب سے گرین ٹاؤن کی یوسی 237 میں منعقدہ ورکرز کنونشن میں پہنچنے پر ڈاکٹر یاسمین راشد کا شاندار استقبال کیا اور ان پر پھولوں کی پتیاں بھی نچھاور کیں ۔ ورکرز کنونشن میں شرکاء نے حکومت کے خلاف شدید نعرے بازی کی ۔

کچھ چیزیں سامنےرکھنا چاہتےہیں مگرعمران خان سے ہمیں ملنے نہیں دیا جاتا:حامد خان

ورکرز کنونشن سے ڈاکٹر یاسمین راشد نے خطاب کرتے ھوئے کہاکہ پی ٹی آئی کی حکومت میں ملکی معیشت بہتری کی جانب گامزن تھی ۔ صنعتیں ترقی کر رہی تھیں۔ فیصل آباد کی بند پاور لومز چلنے سے مزدور کی زندگی میں بہتری آئی اور ان کا بند چولہا جلنا شروع ھو گیا تھا ۔ سخت کورونا میں بھی عمران خان سخت لاک ڈاؤن کی بجائے سمارٹ لگا کر غریب کو بھوکا رہنے سے بچایا۔

ڈاکٹر یاسمین راشد کاکہنا تھا کہ ملک میں سازش کے ذریعے عمران خان کی حکومت کو ختم کرکے ملک پر امپورٹڈ حکومت مسلط کی گئی۔ پی ٹی آئی کی حکومت میں پٹرول چار روپے بڑھنے پر احتجاج کرنے والے بلاول زرداری کہاں ہیں ۔امپورٹڈ حکومت نے پٹرولیم مصنوعات کی قیمتوں میں 99 روپے اضافہ کر عوام کی چیخیں نکال دی ہیں۔

حکومت ٹرانسفر، پوسٹنگ پرعدالتی فیصلے پر سختی سے عملدرآمد کروائے،پرویزالہیٰ

انہوں نے کہا کہ امپورٹڈ حکومت نے آتے ہی صحت کارڈ۔احساس پروگرام ۔لنگرخانے ۔پناہ گاہیں سمیت تمام عوامی فلاح کے پروگراموں کو ختم کر دیا ھے۔ لوڈشیڈنگ نے عوام کی زندگی اجیرن بنا دی ھے۔ فیصل آباد کی پاورلومز بند ہونے سے مزدور بے روزگار ھو رہے ھیں۔ انہوں نے کہا کہ 17 جولائی کو آپ نے گھروں سے نکلنا ہے اور بلے پر مہر لگا کر عمران خان اور پی ٹی آئی کے امیدوار شبیر احمد گجر کو کامیاب کروانا ھے اور لوٹوں کو منطقی انجام تک پہنچانا ہے ۔اس موقع سید عدنان جمیل۔ ڈاکٹر نوشین حامد معراج ۔ڈاکٹر انیسہ فاطمہ ۔ ڈاکٹر ذکاء غنی ۔ ڈاکٹر ندیم ۔ اور 237 سے عوام کی بڑی تعداد میں شرکت کی۔

پاکستان تحریک انصاف سینٹرل پنجاب کی صدر ڈاکٹر یاسمین راشد نے سیکرٹری اطلاعات عندلیب عباس۔ ڈاکٹر عظیم الدین لکھوی۔ زینب عمیر کے ہمراہ پارٹی آفس جیل روڈ میں پریس کانفرنس کرتے ھوئے کہاکہ پنجاب کی مخصوص نشستوں پر لاہور ہائیکورٹ کے فیصلے کا خیرمقدم کرتے ہیں۔

ڈاکٹر یاسمین راشد نے کہا کہ الیکشن کمیشن کے حوالے سے ہمارے شک بالکل ٹھیک ہیں۔ سندھ میں الیکشن کمیشن بالکل ناکام رہی ہے۔ زرداری مافیا نے ساری سیٹیں لینے کیلئے دھاندلی کی ہے ۔جب بات کرو الیکشن کمیشن سے الیکشن کی تو وہ کہتے ہے کہ ابھی تیاری نہیں ہے۔ ضمنی الیکشن پرانی لسٹوں میں ہورہے ہیں۔

انہوں نے کہا کہ شبیر گجر کے معاملے پر ہماری ایف آئی آر ابھی تک درج نہیں ہوئی ھے۔ الیکشن کمیشن اگر بے بس ہے تو ن لیگ دھاندلی کرنا چاہتی ہے۔ ہمیں امید ہے کہ اس الیکشن میں دھاندلی ہو گی۔گزشتہ روز چئیرمین عمران خان لاہور تشریف لائے اور انہوں نے لاھور کے چاروں ضمنی حلقوں میں ورکرز کنونشن سے خطاب کیا اور ہمارے ورکرز کنونشن جلسوں میں بدل گئے۔لوگ سڑکوں پر کھڑے ہو کر خطاب سنتے رہے ۔

اس وقت تک سروے کے مطابق ضمنی حلقوں میں پنجاب میں تحریک انصاف لیڈ کر رہی ہیں۔ ہر روز سی ایم ہاؤس میں میٹنگز ہوتی ہیں کہ ضمنی انتخابات میں دھاندلی کس طرح کرنی ہیں۔ انہوں مزید کہاکہ کسی ادارے کا کام نہیں کہ الیکشن میں انٹر فیر کرے۔ اب نیوٹرل کو کہتے ہیں وہ نیوٹرل رہیں ۔الیکشن کمیشن کی ذمہ داری ہے کہ انتخابات شفاف ہوں۔

علاوہ ازیں پاکستان تحریک انصاف سینٹرل پنجاب کی صدر ڈاکٹر یاسمین راشد نے پارٹی دفتر جیل روڈ میں رہنماؤں سے ملاقاتیں کیں۔ ملاقاتوں میں ضمنی الیکشن کی کمپین کے حوالے سے تبادلہ خیال کیا گیا۔اس موقع پر ڈاکٹر یاسمین راشد نے گفتگو کرتے ھوئے کہاکہ پنجاب اسمبلی کی مخصوص نشستوں پر الیکشن کمیشن کی جانب سے نوٹیفکیشن جاری نہ کرنے کے خلاف پی ٹی آئی کی لاہور ہائیکورٹ میں درخواست کی منظوری خوش آئند عمل ھے۔عدالت نے الیکشن کمیشن کو مخصوص نشستوں پر نوٹیفکیشن جاری کرنے کی ہدایت کر دی ھے۔

ڈاکٹر یاسمین راشد نے کہاکہ یہ پی ٹی آئی کی بہت بڑی فتح ھے۔ ہم اس فیصلے کا خیرمقدم کرتے ہیں اور ہائیکورٹ کے شکر گزار ہیں۔ اس فیصلے سے حمزہ شہباز کی ناجائز پنجاب حکومت کی آئینی اور قانونی حیثیت ختم ہو گئی ھے۔ اداروں کی طرف سے پی ٹی آئی کو غیر آئینی اور غیر قانونی طور پر دیوار کے ساتھ لگانے کی کوشش کی جا رہی ہے۔ پی ٹی آئی کو پنجاب میں 20 سیٹوں پر ہرانے کی کوشش کی جا رہی ھے۔ ضمنی الیکشن میں پی ٹی آئی عوام کی طاقت سے کامیابی حاصل کرے گی اور پنجاب میں حکومت بنائے گی۔

اس موقع پر عندلیب عباس۔ محمد احمد چٹھہ۔ اعجاز منہاس ۔ طارق حمید ۔ مبین سلطان ۔ شنیلہ علی موجود تھے

پاکستان تحریک انصاف سنٹرل پنجاب کی صدر ڈاکٹر یاسمین راشد نے کہا کہ کرپٹ حکومت نے عوام کا جینا مشکل کر دیا ہے مہنگائی کو کنٹرول کرنے میں حکومت بری طرح ناکام ہو چکی ہے مہنگائی اور بے روزگاری کے تحفے دینے والے حکمران عوام کے سامنے بے نقاب ہو چکے ہیں.

شاہ جمال میاں اکرم عثمان امیدوار پی پی158 کی رہائش گاہ پر انتخابی مہم کے سلسلے میں پارٹی خواتین کے اجلاس سے خطاب کرتے ہوئے پاکستان تحریک انصاف سنٹرل پنجاب کی صدر ڈاکٹر یاسمین راشد نے کہا کہ پار ٹی خواتین ضمنی انتخابات کے سلسلے میں گھر گھر جا کر پارٹی چیئرمین عمران خان کا پیغام پہنچائیں انہوں نے کہا کہ امپورٹڈ حکمرانوں کے دن گنے جاچکے ہیں عوام میں موجودہ حکمران اپنی ساکھ کھو چکے ہیں .

ضمنی الیکشن مہم،اسلحے کے استعمال پر 2 سال کی نااہلی ہوسکتی ہے،بریفنگ

یاسمین راشد کا کہنا تھا کہ ملکی وسائل کو دونوں ہاتھوں سے لوٹ کر اپنی تجوریاں بھرنے میں مصروف ہیں تحریک انصاف پنجاب کی نکمی حکومت کا ہر محاذ پر ڈٹ کر مقابلہ کرے گی صاف شفاف الیکشن کرنا الیکشن کمیشن کی ذمہ داری ہے بڑے پیمانے پر ووٹر لسٹوں میں گڑبڑ کی گئی ہے دھاندلی کی ہرگز اجازت نہیں دیں گے .

انہوں نے کہا کہ پی ٹی آئی کے کارکنان اپنے اپنے حلقوں میں دو ڈور کمپین کرنے میں مصروف ہیں حکومتی امیدوار جہاں جاتا ہے چور چور اور لوٹے کے نعرے لگائے جا رہے ہیں ملک کو تباہ کردیا ہے حکمران ملک کیلئے سکیورٹی رسک بن چکے ہیں حکمران اپنی چوری کو بچانے کے لئے سارا بوجھ عوام پر ڈال رہے ہیں آئی ایم ایف کے کہنے پر عوام کو دی جانے والی سبسڈی ختم کردی گئی ہے اور آئے روز ناکام حکومت غریب عوام پر مہنگائی کے بم برسا رہی ہے.

اجلاس سے ڈاکٹر نوشین حامد معراج روبینہ جمیل سعدیہ سہیل رخسانہ نوید و دیگر پارٹی کی خواتین نے خطاب کیا کے اس موقع پرروبینہ شاہین نیلم حیات فرحت فاروق انیس فاطمہ سامعہ توقیر ڈاکٹر سیمی بخاری سمیت بڑی تعداد میں حلقے سے پارٹی خواتین موجود تھیں.

پاکستان تحریک انصاف سینٹرل پنجاب کی صدر ڈاکٹر یاسمین راشد نے کہا کہ پولیس حکومت کی نوکری کر رہی ہے اور جب وہ نوکری کریں گے تو ہمارے ہی خلاف کھڑے ہوںگے،انہوں نے کہا کہ جو مرضی مداخلت ہو ہم یہاں ڈٹ کر کھڑے ہیں،

سیکرٹری اطلاعات عندلیب عباس اورزبیر نیازی کے ہمراہ پریس کانفرنس کرتے ہوئے ڈاکٹریاسمین راشد کا کہنا تھا کہ ہم چاہتے تھے کہ موجودہ حکومت بجٹ دے تاکہ ہم بجٹ کی دھجیاں اڑائیں، انہوں نے چلتے ہوئے سیشن کو ختم کیا ہے جو کہ غیرآئینی ہے، یاسمین راشد نے کہا کہ پی ٹی ائی مان گئی تھی کہ اگر چیف سیکرٹری اور آئی جی پنجاب نہیں بھی آتا تو بجٹ سیشن کی کاروائی اگے بڑھائی جائے

راسمین راشد نے بتایا کہ کل ہمارے وائس چئیرمین حلقے میں ائے تھے،تاہم تحریک انصاف کے چیئرمین اور سابق وزیراعظم عمران خان اتوار کو آئیں گے اور ضمنی انتخاب کے چاروں حلقوں میں جائیں گےجبکہ ہماری پنجاب کی قیادت تمام حلقوں میں جا رہی ہے.کزشتہ اتوار کو خان صاحب کا دورہ موسم کی خرابی کی وجہ سے کینسل ہوا.

رہنما تحریک انصاف کا کہنا تھا کہ آئیندہ اتوار کو چاروں حلقوں میں ورکرز کنونشن ہونگے،لاہور کے چاروں حلقوں میں جلسے بھی رکھے جائیں گے،سابق وزیراعلی عثمان بزدار ڈی جی خان کے حلقوں میں کام کر رہے ہیں.انہوں نے بتایا کہ تحریک انصاف نظریاتی کے امیدوار ہمارے حق میں بیٹھ گئے ہیں.

یاسمین راشد کا کہنا تھا کہ یہ الیکشن بہت مشکل ہیں، اس لئے لوگوں کا جڑنا نہائت ضروری ہے، یہ الیکشن تحریک انصاف کی حکومت بنائے گا، پولیس گردی کے ذریعے تحریک انصاف کی حکومت کو پنجاب میں گرایا گیا، پچیس منحرف اراکین کے خلاف سپریم کورٹ نے فیصلہ دیا اور وہ ڈی سیٹ ہوئے، پچیس لوٹوں نے یہ گھٹیا حرکت کی ہے.

سابق وزیر صحت پنجاب نے کہا کہ تحریک انصاف کی حکومت میں چار روپے پیٹرول کی قیمت بڑھی تو بلاول بھٹو نے لانگ مارچ کیا،اب پیٹرول پر پچاسی روپے بڑھے تو یہ دورے کرتے پھر رہے ہی، آئی ایم ایف کا ہم پر بھی پریشر تھا لیکن ہم اپنے لوگوں کی مشکلات سمجھتے تھے.

یاسمین راشد نے کہا کہ گڈ گورننس کا رولا بھی دو اڑھائی مہینے میں ہی کم ہو گیا ہے، ہماری الیکشن کمیشن اور ضلعی انتظامیہ سے ملاقات ہوئی تاکہ صاف اور شفاف الیکشن کروایا جائے،مسلم لیگ ن کے امیدوارنذیر چوہان نے ہمارے دفترآ کر طوفان بدتمیزی کی، بندہ بھی ہمارا زخمی ہوا ہے اور پرچہ بھی ہمارے خلاف کاٹا گیا.

پاکستان تحریک انصاف سینٹرل پنجاب کی صدر ڈاکٹر یاسمین راشد کی قیادت میں پی ٹی آئی کی خواتین کی بڑی تعداد انسداد دہشتگردی کی عدالت کے باہر پیشی کے موقع پر موجود تھی۔
ڈاکٹر یاسمین راشد اور دیگر رہنماؤں پر دہشتگردی کے ناجائز مقدمات کے خلاف پرامن احتجاجی مظاہرہ کیا۔

تحریک انصاف کے رہنماوں کی دہشت گردی عدالت آمد پر کارکنوں کی بڑی تعداد موجود تھی۔خواتین اور مرد کارکنوں کی حکومت کے خلاف نعرے بازی کی۔ تحریک انصاف کے کارکنوں نے ہاتھوں میں بینرز اور پلے کارڈ اٹھا رکھے تھے۔ مظاہرین کی جانب سے دہشت گردی اور امپورٹڈ حکومت نامنظور کے نعرے لگائے ۔

اس موقع پر ڈاکٹر یاسمین راشد نے میڈیا کے نمائندوں اور مظاہرے کے شرکاء سے خطاب کرتے ہوئے کہا کہ 72 سال میری عمر ھے اپنی زندگی میں اتنا ظلم اور زیادتی نہیں دیکھی ۔ مار بھی ہم کھائیں گاڑیاں بھی ہم تڑوائیں اور دہشتگردی کے مقدمات بھی ہم بھگتیں۔ ہم ڈرتے ہیں اور نہ گھبراتے ہیں اپنی جنگ جاری رکھیں گے۔ حکومت عوام پر مہنگائی بم گرا رہی ہے اس سے زیادہ عوام کے ساتھ کیا زیادتی ھو سکتی ھے ۔

پی ٹی آئی کے رہنماء انسداد دہشتگری کی عدالت میں پیش ہوئے۔امپورٹڈ حکومت کی طرف سے ڈاکٹر یاسمین راشد ۔عندلیب عباس ۔حماد اظہر اور دیگر رہنماؤں پر دہشتگردی کی دفعات لگانے کی شدید الفاظ میں مذمت کی گئی۔عدالت میں پیشی کے موقع پر خواتین کی بڑی تعداد موجود تھی۔ ڈاکٹر یاسمین راشد اور عندلیب عباس نے خواتین کے ہمراہ دہشتگردی کی دفعات لگانے پر احتجاجی مظاہرہ کیا۔مظاہرے میں پی ٹی آئی خواتین نے جعلی حکومت کے خلاف شدید نعرے بازی کی۔

ڈاکٹر یاسمین راشد نے ۔مزید کہاکہ رانا ثناء اللہ کو وارننگ دیتی ہوں اگر انہوں نے اوچھے ہتھکنڈے نہ چھوڑے تو پی ٹی آئی کی خواتین ان کے ظلم وبربریت کے مقابلے کے لیے کافی ہیں۔
میں نے ساری زندگی احتجاج کیا مگر عورتوں اور بچوں پر اس طرح کی ظلم وبربریت نہیں دیکھی۔یہ جعلی اور امپورٹڈ حکومت چند دنوں کی مہمان ھے۔

پی ٹی آئی سینٹرل پنجاب کی سیکرٹری اطلاعات عندلیب عباس کا کہنا تھا کہ پولیس نے نہتی عورتوں کو تشدد کا نشانہ بنایا اور الٹا انہی پر ہی دہشتگردی کی ایف آئی آرز درج کرا دیں گئیں۔ امپورٹڈ حکومت کے ہر ظلم کا ڈٹ مقابلہ کرینگے۔ جعلی حکومت کو اپنے ہر ظلم وبربریت کا حساب دینا پڑے گا۔

احتجاجی مظاہرے میں جنرل سیکرٹری سنٹرل پنجاب حماد اظہر ۔ سیکریٹری اطلاعات عندلیب عباس ڈاکٹر نوشین حامد معراج ۔ روبینہ شاہین ۔ سامعہ توقیر ۔ نیلم حیات ۔ ثوبیہ کمال ۔ رخسانہ نوید ۔ ڈاکٹر سیمی بخاری ۔ شنیلا روتھ ۔ سعدیہ سہیل رانا۔ نادرہ عمر ۔ شہر بانو ۔ شھنیلا علی ۔ شہناز خان ۔ شبنم جانگیر ۔ فرحت خالد ۔ روبینہ اختر عاصمہ نعیم ۔ آمنہ عامر ۔ شگفتہ سجاد ۔ شمسہ علی ۔ مسرت جمشید چیمہ ۔ ساحر رانا ۔ رفعت شاہین ۔ غزالہ زمان ۔ غزالہ رفیق ۔ رضوانہ غضنفر ۔ نوریں مصطفی ۔ ساجدہ ملک سمیت دیگر خواتین نے شرکت کی۔

پاکستان تحریک انصاف وسطی پنجاب کی صدر ڈاکٹر یاسمین راشد . جنرل سیکرٹری وسطی پنجاب حماد اظہر اور سیکرٹری اطلاعات عندلیب عباس نے اپنے مشترکہ بیان میں بی جے پی کے رہنماء کی طرف سے حضور صلی اللہ علیہ وسلم کی شان میں گستاخی کی شدید الفاظ میں مذمت کی ھے۔ حضرت محمد صلی اللہ علیہ وسلم کی توہین کوئی مسلمان برداشت نہیں کر سکتا ۔ حضور صلی اللہ علیہ وسلم کی شان میں گستاخی سے پوری دنیا کے مسلمانوں کے دل دکھتے ہیں۔

رہنماؤں نے کہاکہ او آئی سی بی جے پی کے رہنماء کی حضور صلی اللہ علیہ وسلم کی گستاخی پر بھارت کے خلاف سخت ایکشن لے۔ مودی نے کشمیر اور بھارت میں مسلمانوں پر ظلم وبربریت کا بازار گرم کر رکھا ھے۔ تمام مسلمانوں کو ملکر مودی کے ظلم کو روکنا ھو گا۔

تحریک انصاف کے رہنماؤں کا کہنا تھا کہ پاکستان میں واحد لیڈر عمران خان ھے جنہوں نے اسلاموفوبیا پر اقوام متحدہ کے اجلاس میں آواز بلند کی اور دنیا کو بتایا کہ حضرت محمد صلی اللہ علیہ وسلم کی شان میں گستاخی سے سارے مسلمانوں کے دل دکھتے ہیں۔

وقت کی ضرورت ہے کہ تمام مسلمانوں کو یک جان ھو کر حضور صلی اللہ علیہ وسلم کی شان میں گستاخی کرنے والوں کے خلاف مشترکہ لائحہ عمل اپنانا ھو گا اور ان کے خلاف سخت ایکشن لینا ھو گا تاکہ آئندہ کوئی ایسی حرکت کرنے کی جرات نہ کر سکے۔

بچے کا برین ڈیڈ ہوا تو والدین نے گردہ اور جگر ڈونیٹ کر دیا،یاسمین راشد نے بتائی تفصیل

باغی ٹی وی کی رپورٹ کے مطابق پنجاب کی صوبائی وزیر صحت ڈاکٹر یاسمین راشد نے کہا ہے کہ کسی کا بچہ وینٹی لیٹر پر ہوں تو اس کے ماں باپ کے لیے مشکل مرحلہ ہوتا ہے،

ڈاکٹر یاسمین راشد کا کہنا تھا کہ آج سے ایک ماہ پہلے ابو ظہبی میں ایک نوجوان کو حادثہ پیش آیا، وہ بچہ پہلے وینٹی لیٹر پر تھا اور اسکا برین ڈیڈ ہو چکا تھا والدین نے بچے کے گردے اور جگر کو ڈونیٹ کرنے کا فیصلہ کیا، ایک مریض کو اس بچے کا لیور ملا اور ایک کو گردہ،ایک گردہ ابوظہبی میں ایک مریض کو دیا گیا،کڈنی اور لیور ٹرانسپلانٹ کی ڈونیشن اس سے قبل کبھی نہیں ہوئی،بچے کے والدین نے اس خواہش کا اظہار کیا کہ یہ ڈونیشن پاکستان جائے،پہلی مرتبہ ایسی ڈونیشن کسی ماں باپ نے کی،جس نے ایک شخص کی جان بچائی اس نے انسانیت کی جان بچائی اس سے بڑی قربانی کی مثال نہیں مل سکتی،اللہ ان دونوں کو بھی صحت اور زندگی دے،جب ہم آئے تو اس کے بعد مسلسل پی کے ایل آئی کیلئے کام کیا حکومت کی کاوش سے آج یہ اسپتال اس طرح چل رہا ہے اب تک 140لیور ٹرانسپلانٹ ہو چکے ہیں،231 سے زائد کڈنی ٹرانسپلانٹ ہو چکے ہیں،پی کے ایل آئی میں 58 ہزار ڈائیلائسز ہوئے، کوشش ہے جولائی تک پی کے ایل آئی مکمل فعال ہو جائے، رواں برس پی کے ایل آئی میں بون میروٹرانسپلانٹ شروع کر رہے ہیں

ڈاکٹر یاسمین راشد کا مزید کہنا تھا کہ ریاست مدینہ کی طرح عوام کو ریلیف دینا وزیراعظم عمران خان کاویژن ہے، ہر گھرانے کا سربراہ خواہ مرد ہو یا عورت نادرا میں اپنا مکمل اندراج کرائیں۔ انشاءﷲ مارچ کے اختتام تک پنجاب کے ہر خاندان کوصحت کارڈ کی سہولت حاصل ہوگی۔ کورونا وبا میں اضافہ ہورہا ہے عوام کو چاہئے کہ احتیاط کریں عوام کی صحت سڑکوں سے اہم ہے

وزیراعظم پرتنقید کا وقت نہیں، کرونا وائرس کا پاکستان مقابلہ کر سکتا ہے، بلاول

کرونا وائرس، سندھ حکومت نے انتہائی اقدامات کا فیصلہ کر لیا،بین الصوبائی بارڈر ہوں گے بند

گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران

خبردار،آ ئندہ 30 دن سخت احتیاط کریں ، کرونا شدت پکڑ رہا ہے، نقصان کی صورت میں ذمہ دار آپ خود ہونگے

لاہور کا کوئی محلہ کرونا سے محفوظ نہیں، 6 لاکھ 70 ہزار مریضوں کا اندازہ، وزیراعلیٰ کو بھجوائی گئی سمری میں انکشاف

میری خالہ نے بتایا کہ ہمسائے کے لوگ کرونا کا شکار، کوئی موت کے ڈر سے ہسپتال جانے کو تیار نہیں، گھر میں جانیں دے رہے

20 سالہ عبدالرحمان نے ایکسپو قرنطینہ سے فون پر بتایا کہ سانس میں مسئلہ، لیکن آکسیجن نہیں دے رہے، صبح اطلاع ملی کہ آپکا بیٹا فوت ہوگیا ہے

مریم نواز اور کیپٹن ر صفدر میں ہونے لگی ہے جلد جدائی،خبر سے کھلبلی مچ گئی

مریم نواز ایک بار پھر "امید” سے، کیپٹن ر صفدرخوشی سے نہال

مریم نواز عدالت پہنچ گئی، بہارہ کہو میں کارکنان نے کیا استقبال

نیب کی نواز شریف کی حاضری سے استثنیٰ کی درخواست کی مخالفت،عدالت نے بڑا حکم دے دیا

نواز شریف کی ضمانت میں توسیع کیوں نہیں کی؟ راجہ بشارت نے کیا اہم انکشاف

ڈاکٹر یاسمین راشد روزانہ حکومت کے منہ پر طمانچے مارتی ہیں،مریم اورنگزیب