Tag: یونیورسٹی

حلیم عادل شیخ نے جامعہ کراچی میں وین دھماکے واقعے پرمذمت کرتےہوئےکہا کہ زخمیوں کی جلد صحتیابی کےلیےدعاگو ہیں۔اپوزیشن لیڈر سندھ اسمبلی حلیم عادل شیخ کا کہنا ہے کہ دہشتگردی کے خلاف جنگ میں پوری قوم متحد ہے۔

اپوزیشن لیڈر سندھ اسمبلی نے قیمتی جانوں کے نقصان پر افسوس کا اظہار کرتے ہوئے کہا کہ متاثرہ خاندانوں کے غم میں برابر کے شریک ہیں۔

حلیم عادل شیخ نے مزید کہا کہ دہشتگردی کے خلاف جنگ میں پوری قوم متحد ہے، واقعے کی مکمل تحقیقات کرکے حقائق سامنے لائے جائیں۔

واضح رہے کہ جامعہ کراچی میں غیر ملکی اساتذہ کی وین میں دھماکے کے نتیجے میں 5 افراد جاں بحق جب کہ متعدد زخمی ہوگئے ہیں۔

کراچی یونیورسٹی کے کامرس ڈیپارٹمنٹ اور کنفیوشس انسٹی ٹیوٹ آف چائنیز لنگویج کے قریب کھڑی ایک وین میں اس وقت دھماکا ہوا جب وہآں بڑی تعداد میں طلبہ اور اساتذہ موجود تھے۔

دھماکے کی شدت اس قدر زیادہ تھی کہ ناصرف وین میں آگ بھڑک اٹھی بلکہ اطراف میں گھڑی گاڑیوں اور عمارتوں کے شیشے ٹوت گئے۔

دھماکے کے فوری بعد جامعہ کراچی میں سیکیورٹی پر مامور قانون نافذ کرنے والے ادارے کے اہلکار پہنچ گئے۔

دھماکے کے نتیجے میں زخمی ہونے والوں کو فوری طور پر قریبی اسپتال منتتقل کردیا گیا جہاں 5 افراد کے جاں بحق ہونے کی تصدیق کی گئی ہے۔ زخمیوں میں سے کئی کی حالت تشویشناک بتائی جارہی ہے، جس سے جانی نقصان میں مزید اضافے کا اندیشہ ظاہر کیا جارہا ہے۔

کراچی پولیس چیف غلام نبی میمن نے میڈیا سے بات کرتے ہوئےکہا کہ دھماکا خودکش ہوسکتا ہے اور اس میں برقع پوش خاتون ملوث ہوسکتی ہے، دھماکا تخریب کاری کا نتیجہ ہے، چینی اساتذہ کونشانہ بنایاگیا۔

وزیراعلیٰ سندھ مراد علی شاہ نے گاڑی میں دھماکے کا نوٹس لے لیا اور کمشنر کراچی سے تفصیلی رپورٹ طلب کرلی ہے۔

ڈی آئی جی ایسٹ مقدس حیدر نے میڈیا سے گفتگو کرتے ہوئے کہا ہے کہ دھماکا ایک بج کر 52 منٹ پر ہوا، دھماکے میں 5 افراد جاں بحق ہوئے جن میں تین غیر ملکی باشندے شامل ہیں۔

انہوں نے کہا کہ جاں بحق افراد میں غیر ملکیوں میں دو خاتون ایک مرد شامل ہے، دھماکے کا تعین بم ڈسپوزیبل اسکاڈ نے کرنا ہے۔

 

حکومتی دباؤ مسترد:امریکا میں سابق پاکستانی سفیر ڈٹ گئے:عمران خان کے موقف کی تائید…

بھارتی وزیراعظم کے دورہ مقبوضہ کشمیر کے خلاف دنیا بھر میں احتجاجی مظاہرے اورریلیاں

سعودی حکومت نے پاکستان کے حج کوٹے کا اعلان کردیا

بھارت اور برطانیہ کے مابین نیا دفاعی معاہدہ:پاکستان کے لیے‌خطرے کی گھنٹی

پاکستان کرکٹ کے لیے اعزاز:وسیم خان کو آئی سی سی کا جنرل مینجر مقرر کر دیا گیا

نواز،بلاول ملاقات کی اندرونی کہانی:90لاکھ سے زائداوورسیزپاکستانیوں کیلئیےخطرےکی…

وزیر اعظم کی یورپی کمیشن کی صدر ارسلا وان ڈیر لیین سے ٹیلی فون پر گفتگو

سی ڈی اے ملازمین کے لیےسال 2022کے حج کی قرعہ اندازی کر دی گئی

‘گورنرپنجاب کوئی درباری اوتھ کمشنرنہیں’:کسی دباوپرغیرآئینی کام نہیں‌…

اسلام آباد: پاکستان:وزیراعظم ہاؤس میں یونیورسٹی بنانے کا عمران خان کا خواب مخالفین کے ہاتھوں چکنا چورہوگیا ،اطلاعات کے مطابق وزیراعظم ہاؤس کو یونیورسٹی بنانے کا بل سینیٹ کی قائمہ کمیٹی برائے تعلیم و تربیت نے مسترد کر دیا ہے۔

اسلام آباد میں منگل کو سینیٹ کی قائمہ کمیٹی برائے تعلیم و تربیت کا اجلاس سینیٹر عرفان صدیقی کی سربراہی میں ہوا جس میں وزیراعظم ہاؤس میں یونیورسٹی کے قیام کے بل پر بحث ہوئی۔ کمیٹی نے بل کثرت رائے سے مسترد کر دیا ہے۔

چیئرمین کمیٹی عرفان صدیقی نے کہا کہ ’وزیراعظم ہاؤس ریاست کی ملکیت ہے، یہاں تعلیمی ادارے کی اجازت نہیں دے سکتے۔ اس معاملے پر کمیٹی سے مشاورت کر لیتے ہیں۔‘ مشاورت کے دوران سینیٹر رانا مقبول نے کہا کہ ’ریڈ زون میں تعلیمی ادارہ بنانا سیکیورٹی رسک ہوسکتا ہے، تعلیمی ادارہ بنانا ہے تو پھر باقی ادارے بند کر دیں۔‘

جماعت اسلامی کے سینیٹر مشتاق احمد نے کہا کہ ’میں سی ایم ہاؤس اور گورنر ہاوسز کو ایک مقروض ملک کے لیے بوجھ سمجھتا ہوں لیکن پہلے ہی یونیورسٹیاں بجٹ نہ ہونے کی وجہ سے سسک رہی ہیں، وسائل کو پولیٹکل پوائنٹ سکورنگ کے لیے نہیں استعمال کرنا چاہیے۔‘ بعدازاں بل پر ووٹنگ کی گئی جس میں دو ممبران کے مقابلے میں پانچ نے بل کی مخالفت کی۔

واضح رہے کہ گزشتہ سال اکتوبر میں قومی اسمبلی کی قائمہ کمیٹی سے بل منظور ہونے کے بعد رواں برس جنوری میں قومی اسمبلی سے بھی وزیراعظم ہاؤس میں یونیورسٹی کے قیام کا بل منظور ہو چکا ہے۔ سینیٹ میں بل پیش ہونے کے بعد چیئرمین سینیٹ نے اس بل کو متعلقہ کمیٹی کو بھجوایا تھا۔

وزارت تعلیم کے حکام نے قومی اسمبلی کی کمیٹی کے شرکا کو وزیراعظم ہاؤس میں یونیورسٹی آف انجینئرنگ اینڈ ایمرجنگ ٹیکنالوجی پر بریفنگ دیتے ہوئے بتایا تھا کہ اس کے لیے پی ایم ہاؤس میں 52 ایکڑ جب کہ کری روڈ کے قریب 205 ایکڑ اراضی مختص کی جا چکی ہے۔

منصوبے کی تکمیل کے لیے کل 72 ماہ کی مدت مقرر کی گئی ہے۔ کمیٹی کو بتایا گیا کہ اس منصوبے کے لیے رواں برس 3500 ملین روپے رکھے گئے جب کہ قومی اقتصادی کونسل کی ایگزیکٹو کمیٹی (ایکنک) کی طرف سے پہلے ہی 23.54 ارب روپے کی منظوری دی جا چکی ہے۔

پارلیمنٹ کے رولز اینڈ ریگولشنز کے مطابق سینیٹ کی قائمہ کمیٹی سے بل مسترد ہونے کے بعد بل کو سینیٹ سے دوبارہ قومی اسمبلی سیکریٹریٹ بھجوایا جائے گا۔ سینیٹ کی قائمہ کمیٹی سے مسترد ہونے کے بعد حکومت اب اس بل کی منظوری پارلیمنٹ کا مشترکہ اجلاس بلا کر لے سکتی ہے۔

خیال رہے کہ وزیراعظم عمران خان نے اپنی انتخابی مہم کے دوران وزیراعظم ہاؤس میں یونیورسٹی بنانے کا اعلان کیا تھا۔ 2018 میں منصب سنبھالنے کے بعد تین سال تک اس پر کوئی پیش رفت نہیں ہوسکی تھی تاہم 2021 میں اس بل کو حتمی شکل دینے کے بعد قومی اسمبلی سے منظوری لی گئی تھی۔

لاہور:یو نیورسٹی آف مینجمنٹ اینڈ ٹیکنالوجی (یو ایم ٹی) کے صدر ابراہیم حسن مراد نے نئے سال 2022 کے حوالے سے سب کیلئے نیک دِلی تمناؤں کا اظہار کرتے ہوئے کہا کہ ہمیں نیا سال نئی شروعات، نئی توقعات،ٹوٹے ہوئے تعلقات کو جوڑنے، پچھلی غلطیوں کو سدھارنے،نئے سنگ میل عبور کرنے اور ملک پاکستان کو خوشحال بنانے کے ارادے سے شروع کرنا چاہیئے۔انہوں نے بتایا کہ بہت سے ایسے مشکل راستے بھی ہیں جن پر چل کر ہمیں ملک پاکستان کو ترقی کی راہ پر گامزن کرنا ہے۔

 ابراہیم مراد کا کہنا تھا کہ 2022 کے ہمیں اس نئے سال روزگار اور تعلیمی ڈھانچے کو مزید مضبوط بنا کر معاشی استحکام کو یقینی بنانے کیلئے انفرادی اور پیشہ ورانہ طور پر بہتری کے لیے اپنی صلاحیتوں اور توانائیوں کو ہم آہنگ کرنا ہوگا۔ انہوں نے یہ بھی بتایا کہ سال2022 میں، ہمارے اہداف بہت سمارٹ ہو نے چاہئیں، جس کے ذریعے ہم روزگار کے مواقعوں کو بڑھاتے ہوئے معیار زندگی اور تعلیی نظام کو مزید مستحکم کرنے کے ساتھ ساتھ نئے سال میں درپیش مسائل اور چیلنجز کا بہت بہادری اور عقل مندی سے کرسکیں۔

صدر یو ایم ٹی ابراہیم حسن مراد نے نوجوان نسل کو اپنے پیغام میں کہا کہ 2022 بحالی کا سال ثابت ہونے کے ساتھ ساتھ جدت کا سال بھی ہوگا جس میں ہم تیز رفتار ڈیجیٹل ایرامیں داخل ہونگے جہاں صنعتی سمیت دیگر انقالابات کا سامنہ کرنا پڑیگا۔ انہوں نے مزید کہا کہ نئے سال میں آگے بھڑکر چیلجز کا سامنا کرنے کیلئے نوجوانوں کو ہمہ وقت تیار رہنے کی ضرورت ہے۔ صدر یو ایم ٹی ابراہیم مراد نے یو ایم ٹی کی جانب سے سب کیلئے نئے سال 2022پر نیک تمناؤں کا اظہار کیا