Tag: baaghi

قصور
عوام دوست اتحاد کے سربراہ سردار فیصل اورنگزیب امیدوار برائے چئیرمین تحصیل کونسل قصور کی طرف سے یکجہتی کشمیر ریلی نکالی گئی سیاسی وسماجی، مذہبی شخصیات سمیت عوام کی کثیرتعداد نے شرکت کی جن میں مہرقاسم شیر،عثمان قصوری،مہرشکیل شریف،کاشف ڈوگر،محمددین آزاد،غلام دستگیر،طارق مغل،کرم فریدصابری،حاجی محبوب، ودیگر تھے
تفصیلات کے مطابق عوام دوست اتحاد کے سربراہ سردار فیصل اورنگزیب امیدواربرائے چئیرمین تحصیل کونسل قصور کی طرف سے یکجہتی کشمیر ریلیاں نکالی گئی، ریلی میں عوام کی بڑی تعداد نے شرکت کی، مظاہرین کشمیر بنے گا پاکستان، پاکستان کا مطلب کیا لا الہ الا اللہ،کشمیریوں سے رشتہ کیا لا الہ الا اللہ کے نعرے لگا رہے تھے، مظاہرین نے کشمیر اور پاکستان کے پرچم اٹھا رکھے تھے،قصورپولیس کی طرف سے سیکورٹی کے سخت ترین انتظامات کئے گئے، اس موقع پرسردار فیصل اوردیگرمقررین نے اظہار خیال کرتے ہوئے کہا کہ کشمیر مذمت سے نہیں بلکہ ہندوکی مرمت سے آزاد ہو گا، 5 فروری حق خود ارادیت کے حصول کیلئے کشمیریوں کے غیر متزلزل عزم کو خراج تحسین پیش کرنے کا دن ہے، پاکستان کے عوام اپنے کشمیری بہن بھائیوں اور بالعموم دنیا بھر پر واضح کرتے ہیں کہ ہم جموں و کشمیر کے طویل عرصہ سے حل طلب تنازعہ اور بھارت کے مقبوضہ جموں و کشمیر پر غاصبانہ قبضہ کے خلاف کشمیریوں کی جدوجہد کو نہیں بھولے، ہم اپنے کشمیر ی بہن بھائیوں کو یقین دہانی کراتے ہیں کہ ہم کشمیر کے بارے میں اصولی موقف پر پوری طرح کشمیری بہن بھائیوں کیساتھ ہیں، جنوبی ایشیا میں اس وقت تک پائیدار امن کے قیام کا خواب شرمندہ تعبیر نہیں ہو سکتا،مقبوضہ کشمیر کے عوام کی آزادی ان کا بنیادی اور جمہوری حق ہے، اقوام متحدہ کا یہ اخلاقی فرض ہے کہ اپنے منشور پر عمل کرا کرمقبوضہ کشمیر کے عوام کو آزادی کا بنیادی حق دلوائے،جب تک دنیا کی سب سے بڑی نام نہاد جمہوریت بھارت مقبوضہ وادی میں طاقت کے استعمال اور جبر و تشدد کو بند نہیں کرکے کشمیریوں کو ان کا جمہوری حق نہیں دیتی دنیامیں امن قائم نہیں ہو سکتا، کشمیر کا پاکستان سے رشتہ نظریاتی ہی نہیں بلکہ جغرافیائی بھی ہے، کشمیر کے تمام دریاؤں کا رخ پاکستان کی طرف اور تمام راستے بھی پاکستان کی طرف جاتے ہیں، پاکستان اور کشمیر نظریاتی اور جغرافیائی ہر لحاظ سے ایک دوسرے کا فطری اٹوٹ انگ ہیں، اس لیے بانی پاکستان محمد علی جناح نے بجا کہا تھا کہ ”کشمیر پاکستان کی شہ رگ ہے، ایک طرف جغرافیائی طور پر کشمیری پاکستان سے پیوستہ ہے تو دوسری طرف نظریاتی لحاظ سے بھی یکجان و پیوستہ ہے، ریلی کے شرکاء نے ہاتھوں میں بینرز اور پلے کارڈز اْٹھا رکھے تھے جن پر کشمیریوں کی آزادی کیلئے کی جانے والی جدوجہد کیلئے خراجِ تحسین، اْن سے اظہارِ یکجہتی، مقبوضہ کشمیر میں جاری بھارتی ریاستی دہشت گردی، بے گناہ کشمیری نوجوانوں اور بچوں کو شہید اور شدید زخمی کئے جانے کی مذمت، مقبوضہ کشمیر میں ہونے والے جبر و ظلم پر عالمی انسانی حقوق کے اداروں کا کردار، عالمی برادری کا مسئلہ کے حل کیلئے کردار اور کشمیریوں کے حقِ خود ارادیت کیلئے اقوامِ متحدہ کی قراردادوں پر عمل درآمد کے متعلق نعرے درج تھے

قصور
تھیلیسیمیا کئیر فاؤنڈیشن کنگن پور کے زیر اہتمام کل 5 فروری یوم یکجہتی کشمیر کے موقع پر بلڈ ڈونیشن کیمپ میں سینکڑوں لوگوں نے خون عطیہ کیا ،چونیاں بار ایسوسی ایشن نے اگلا بلڈ کمیپ بار ایسوسی ایشن میں لگا کر وکلاء برادری سے خون عطیہ کرنے کی پیشکش کر دی
تفصیلات کے مطابق کل 5 فروری کو چونیاں کے علاقے کنگن پور میں تھیلسیمیا کئیر فاؤنڈیشن کی طرف سے اعجاز سکندر میموریل ہسپتال کنگن پور میں بلڈ ڈونیشن کیمپ کا انعقاد کیا گیا جس میں لاہور سے ام نصرت فاؤنڈیشن لاہور نے شرکت کر کے لوگوں کی کراس میچنگ کی اور خون عطیہ کرنے والوں کا خون لیا
اس کیمپ میں چونیاں،پتوکی،الہ آباد،کنگن پور و گردونواح کے سینکڑوں لوگوں نے شرکت کی اور خون عطیہ کیا جبکہ چونیاں بار ایسوسی ایشن کے صدر نے اپنے ساتھیوں سمیت شرکت کرکے خون عطیہ کیا اور اعلان کیا کہ جلد ایک بلڈ ڈونیشن کیمپ چونیاں بار ایسوسی ایشن میں لگایا جائے گا جہان وکلاء برادری سے خون عطیہ کرکے تھیلیسیمیا کے مریض بچوں کے لئے دیا جائیگا
اس کے علاوہ سردار وقاص ڈوگر سابق ایم پی اے مسلم لیگ ق ،پروفیسر زاہد لکھوی راہنما پی ٹی آئی ،صحافی برادری ،تاجر برادری و دیگر شعبہ زندگی کے لوگوں نے شرکت کی اور تھیلسیمیا کئیر فاؤنڈیشن کو ہر طرح کے تعاون کی یقین دہانی کروائی
تھیلیسیمیا کئیر فاؤنڈیشن کنگن پور کے صدر پروفیسر عبدالستار نے اہلیان علاقہ و شرکاء کو خراج تحسین پیش کیا
نیز خون عطیہ کرنے والے والوں و دیگر شرکاء کی تازہ جوس مسمی ،گاجر و مالٹا سے تواضع کی گئی
پروفیسر عبدالستار و اہلیان علاقہ نے ڈی سی قصور سے مطالبہ کیا کہ ڈسٹرکٹ ہیڈ کوارٹرز ہسپتال میں تھیلسیمیا سپیشلسٹ کی خالی اسامی کو جلد سے جلد پر کیا جائے تاکہ ان بچوں کا علاج قصور میں ہی ہو ان کو لاہور نا لیجانے کی زحمت اٹھانی پڑے
واضع رہے کہ 70 سے زائد بچوں کو تھیلسیمیا کئیر فاؤنڈیشن کنگن پور کی ایمبولینس کے ذریعے مرحلہ وار ہر ہفتے لاہور کے مختلف ہسپتالوں میں لیجایا جاتا ہے جہاں ان کا انتقال خون کروایا جاتا ہے
یہ سارے بچے غریب گھرانوں کے ہیں ان کے علاج کے علاوہ ان کی تعلیم و تربیت کا زیادہ تر ذمہ تھیلیسیمیا کئیر فاؤنڈیشن کے ہی زیر انتظام ہے

قصور
تھانہ بی ڈویژن میں پولیس کی آشیر باد سے پتنگ بازی کا سلسلہ جاری
تفصیلات کے مطابق قصور شہر کے تھانہ بی ڈویژن کی حدود میں میں پتنگ بازی کے خونی کھیل کا سلسلہ جاری ہے اور کیمکل اور دھاتی ڈور کا استعمال کیا جارھا ھے اور بستی ونیکاں رکن پورہ گلی نمبر 9/7/ 10 اور اسکے گردونواح علاقوں میں کییمکل ڈور پتنگیں گڈیاں فروخت ھونے کا سلسلہ جاری ھے زرائع کے مطابق یہ تھانہ بی ڈویژن پولیس کی آشیرباد حاصل ھے علاقہ کے لوگوں نے ڈی پی او قصور سے نوٹس لینے کا مطالبہ کیا ھے کہ غیر ذمہ داری کا مظاہرہ کرنے والوں کے خلاف کارروائی کا مطالبہ کیا ھے تاکہ لوگوں کی جانیں محفوظ رہ سکیں

قصور
سیاسی و سماجی شخصیات کی طرف سے چوہدری امجد اقبال خاں ایڈووکیٹ کو پنجاب بار کونسل کی ایگزیکٹو کمیٹی کا وائس چیئرمین منتخب ہونے پر مبارکباد پیش کی گئی
تفصیلات کے مطابق پنجاب بار کونسل کی ایگزیکٹو کمیٹی کا وائس چیئرمین منتخب ہونے پر امجد اقبال خاں ایڈووکیٹ کو مقامی سیاسی وسماجی، وکلاء اور صحافتی شخصیات محمد ضیاء الحق ایڈووکیٹ صدر چونیاں بار، ارشد قمر، میاں حفیظ طاہر ایڈووکیٹ ایڈووکیٹ، حافظ عمران ایڈووکیٹ، چوہدری اشرف خاں ایڈووکیٹ، آصف جلال ایڈووکیٹ، مہر محمد اسماعیل جاوید صدر مرکزی پریس کلب الہ آباد، فیاض احمد دھون 92 چینل، چوہدری ظہیر بابر، شیخ عرفان امین، ملک اکرم وغیرہ نے مبارکباد پیش کی ہے اور امید ظاہر کی ہے کہ وہ جس طرح بھاری اکثریت سے ممبر پنجاب بار منتخب ہوئے تھے اسی طرح اب پنجاب بار کونسل کی ایگزیکٹو کمیٹی کا وائس چیئرمین منتخب ہو کر وکلاء کے حقوق کے لئے جدوجہد کریں گے اور انصاف کی فراہمی کے لئے اپنا کردار ادا کریں گے

قصور
پوری دنیا و ملک بھر کی طرح قصور میں بھی کشمیریوں سے اظہار یکجہتی کیلئے جلسے و ریلیاں نکالی جائینگی
تفصیلات کے مطابق مقبوضہ وادی کشمیر کے بھائیوں سے اظہار یکجہتی کے لئے ضلع بھر کے ہر گلی محلے گاؤں و شہر میں ریلیاں نکالی جائینگی جس میں 74 سال قبل سلامتی کونسل کی طرف سے جنگ بندی کی شرط پر کشمیریوں کو استصواب رائے کا حق دینے کا وعدہ کیا گیا تھا جو کہ تاحال پورا نہیں کیا گیا سلامتی کونسل کو اس دن کا وعدہ یاد کروانے کیلئے ریلیاں نکالی جائینگی اور مطالبہ کیا جائے گا کہ انڈین گورنمنٹ مقبوضہ کشمیر سے اپنی فوجیں نکالے اور کشمیریوں کو رائے شماری کے ذریعے اپنے مستقبل کا فیصلہ کرنے کی اجازت دی جائے
ریلیاں نماز جمعہ کے فوری بعد نکالی جائینگی

قصور
6 ماہ قبل مکئی کا بھٹہ چرانے پر محنت کش کے 9 سالہ بچے پر زمیندار کا مبینہ تشدد ۔بچے کی حالت نازک چلڈرن ہسپتال لاہور سے بچے کو تشویشناک حالت سے گھر ریفر کردیا گیا پولیس ملزم سے مبینہ طورپر ساز باز تاحال ملزم کے خلاف کارروائی نہ ہوسکی ورثاء سراپا احتجاج وزیراعلی پنجاب سے انصاف کےحصول کا مطالبہ

تفصیلات کے مطابق تلونڈی کے محنت کش محمد تنویر نے مقامی تھانے میں درخواست میں الزام عائد کیا ہے کہ میرے 9 سالہ بیٹے معظم کو سکول سے واپس آتے ہوئے مکئی کا بھٹہ چرانے پر زمیندار ابوبکر نے مبینہ تشدد کانشانہ بناتے ہوئے پانی کے تالاب میں غوطے لگوائے اور نل کی دیوار سے سر مارتا رہا جس سے میرے بیٹے کی حالت نازک ہوگئی پولیس کو درخواست دینے کے باوجود کوئی کارروائی نہیں ہوسکی جبکہ لاہور چلڈرن ہسپتال سے تشویشناک حالت میں گھر بھیج دیا گیا ہے محمد تنویر نے وزیراعلی پنجاب اور ڈی پی او قصور سے انصاف کے حصول کا مطالبہ کیا ہے دوسری جانب الزام علیہہ نے اپنے مؤقف میں کہا کہ میں نے دو تپھڑ مارے تھے اور معظم ٹھیک تھا ۔

قصور, پتوکی کے علاقے جمبر کلاں ٹاؤن کمیٹی کی حدود میں جگہ جگہ گندگی کے ڈھیر لگے ہوئے ہیں ناقص سیورج کے باعث گلی محلے جوہڑوں میں تبدیل شہری مختلف قسم کے جان لیوا امراض میں مبتلا ہونے لگے ۔۔۔

تفصیلات کے مطابق پتوکی کے علاقے اور چھانگا مانگا کے نواح جمبر کلاں کو ٹاؤن کمیٹی کا درجہ تو دے دیا گیا تاحال شہریوں کو تمام تر سہولیات سے بھی محروم کر دیا گیا سیورج کے ناقص نظام کے باعث گلی ، محلے اور مین چوراہے ندی نالوں کا منظر پیش کرنے لگے ،مین شاہراہوں پر لگے گندگی کے ڈھیر عوام کیلئے عذاب بن گئے ،

شہری مختلف قسم کے جان لیوا امراض میں مبتلا ہونے لگے نمازی گھروں میں نماز ادا کرنے پر مجبور ہو گئے جبکہ متعلقہ انتظامیہ ٹس سے مس نہ ہوئی ، عوامی سماجی حلقوں نے وزیر اعلی پنجاب اور ، ڈی سی قصور سے فوری نوٹس لینے کا مطالبہ کیا ہے

قصور
تحریک لبیک پاکستان نے گورنمنٹ سے 17 فروری تک فرانسیسی سفیر کو ملک بدر کرنے کا مطالبہ کر دیا،مطالبہ سابق معاہدہ فیض آباد کے تحت کیا گیا ہے

تفصیلات کے مطابق مذہبی و سیاسی جماعت تحریک لبیک پاکستان نے معائدہ فیض آباد کی رو سے گورنمنٹ آف پاکستان سے فرانسیسی سفیر کی ملک بدری کا مطالبہ کر دیا ہے گ
ورنمنٹ سے فرانسیسی سفیر کو 17 فروری تک ملک بدر کرنے کا مطالبہ کیا گیا ہے
وضع رہے کہ سنہ 2017 میں فیض آباد دھرنے پر وفاقی وزیر قانون زاہد حامد کے استعفے کے بعد وفاقی حکومت اور مذہبی و سیاسی جماعت تحریک لبیک پاکستان کےدرمیان معاملات طے پائے تھے جس میں 6 نکاتی معاہدے پر 5 حکومتی افراد نے دستخط کئے تھے

قصور، ڈپٹی کمشنر قصور آسیہ گل کی پہلی کھلی کچہری میں بڑی کارروائی تحصیلدار ضلع قصور کے ریڈر ارشد خان 10 لاکھ رشوت ملوث پانے پر فوری معطل کردیا, تفصیلات کے مطابق قصور ڈپٹی کمشنر آسیہ گل کی بڑی کارروائی میں عوامی شکایات فوری ایکشن لیتے ہوئے کام شروع کر دیا، کھلی کچہری میں محبوب نامی سائل نے بتایا کہ ارشد خان نے میرے زمینی معاملات کے سلسلے میں مجھ سے 10 لاکھ رشوت لی ہے

ڈپٹی کمشنر قصور نے محبوب کی شکایت پر ارشد خان ریڈر کو فوری معطل کردیا ، وزیر اعلی پنجاب کی ہدایت پر ڈی سی آفس میں ریونیو عوامی خدمت کھلی کچہری کا انعقاد ڈپٹی کمشنر آسیہ گل کی قیادت میں منعقد کی گئی ریونیو عوامی خدمت کھلی کچہری میں ریکارڈ کی درستگی، فرد کا اجراء، ڈومیسائل، انتقال کا اندراج، انکم سرٹیفکیٹ اور دیگر متفرق درخواستوں کے کیسز سنے جا رہے ہیں

اس میں ڈپٹی کمشنر آسیہ گل ریونیو عوامی خدمت کھلی کچہری میں عوام الناس کے مسائل خود سن رہی ہیں ڈی سی قصور نے کھلی کچہری میں قائم ڈیسک کو متعلقہ درخواستیں مارک کر دیں اور ان کے ازالہ کی فوری ہدایات بھی جاری کر دیں درخواستوں کو فوری حل کرنے کا عمل جاری ہے. ریونیو عوامی خدمت کھلی کچہری قائم کرنے سے عوام الناس کو ریلیف مل رہا ہے

قصور، ڈی سی قصور کے حکم پر کھلی کچہری اے سی چونیاں نے گزشتہ روز DC قصور کے حکم پر کھلی کچہری لگائی جس میں محکمہ ریونیو کے تحصیل بھر کے ذمہ دران نے شرکت کی جبکہ سینکڑوں سائلین کی کھلی کچہری میں شرکت سائلین کی درخواستوں پر موقع پر ہی احکامات جاری کئے گئے اور فوری کاروائی کرنے کا حکم دیا

مقامی شہریوں نے DC قصور کی طرف سے کھلی کچہریوں کے انعقاد کرنے پر خراج تحسین پیش کیا ہے اس موقع پر AC چونیاں نے صحافیوں سے گفتگو کرتے ہوئے کہا کہ DC قصور کے حکم پر ریونیو کے افسران پر کڑی نظر رکھی جائے گی اور کسی غریب آدمی کے ساتھ زیادتی ہرگز برداشت نہیں کی جائے گی تحصیل بھر کے پٹواری اور دیگر ذمہدران عوام کو مسائل میں الجھانے کی بجائے ریلیف فراہم کریں تاکہ انتظامیہ اور حکومت پر عوام کا اعتماد بحال ہو سکے