Tag: baaghi

قصور
بابا بلھے شاہ ڈسٹرکٹ ہسپتال میں بدانتظامی عروج پر

تفصیلات کے مطابق بابا بلھے شاہ ڈسٹرکٹ ہسپتال قصور میں بنیادی سہولیات کا شدید فقدان سامنے آ گیا ہے جس کی وجہ سے علاج کے لیے آنے والے مریض بدترین مشکلات کا شکار ہیں
عم صورتحال مزید بگڑ چکی ہے ہسپتال ذرائع کے مطابق ای
ایمرجنسی، گائنی، بچوں کے وارڈ اور سرجیکل وارڈ میں عملے کا رویہ بھی مریضوں اور لواحقین کے مطابق انتہائی بدتمیزی پر مبنی ہے جس سے ہسپتال آنے والے افراد شدید ذہنی کوفت میں مبتلا رہتے ہیں

مریضوں کا کہنا ہے کہ ہسپتال میں نہ ادویات ملتی ہیں اور نہ ضروری ٹیسٹ کیے جاتے ہیں ایکسرے تک باہر سے کروانے پڑ رہے ہیں
شہریوں کے مطابق پنجاب حکومت کی جانب سے بھیجی جانے والی میڈیسن، ایکسرے فلمیں اور ٹیسٹنگ میٹریل مبینہ طور پر خرد برد کیا جارہا ہے اور کرپشن میں ملوث اہلکاروں کے خلاف کوئی کارروائی نہیں ہو رہی

پارکنگ اسٹینڈ پر بھی ہسپتال انتظامیہ کی ملی بھگت سے کھلم کھلا اوورچارجنگ کی جارہی ہے جبکہ ایمرجنسی وارڈ میں بیڈز اور اسٹاف کی کمی کے باعث ایک بیڈ پر دو دو مریض لٹائے جارہے ہیں

دوسری جانب ایم ایس بابا بلھے شاہ ڈسٹرکٹ ہسپتال نے تمام الزامات کو بےبنیاد قرار دیتے ہوئے کہا ہے کہ مریضوں کو ہر ممکن سہولت فراہم کی جارہی ہے

شہریوں نے وزیراعلیٰ پنجاب مریم نواز، صوبائی وزیر صحت اور سیکرٹری صحت سے فوری نوٹس لینے اور ڈسٹرکٹ ہسپتال قصور کی فوری اصلاح کا مطالبہ کیا ہے تاکہ عوام کو بنیادی علاج معالجے کی سہولیات میسر آ سکیں

قصور شہر میں ناقص اور مضر صحت دودھ کی کھلے عام فروخت نے شہریوں کی زندگی اجیرن بنا دی ہے۔ مختلف علاقوں—اسٹیل باغ، قادی روڈ، کوٹ مراد خان، بسھسرپورہ اور قادر آباد—میں کم معیار دودھ و دہی کا کاروبار بے دھڑک جاری ہے جبکہ پرائس کنٹرول مجسٹریٹ اور متعلقہ ادارے مکمل خاموش تماشائی بنے ہوئے ہیں

شہریوں کے مطابق دودھ میں کیمیکل اور ملاوٹ کا استعمال اس حد تک بڑھ چکا ہے کہ گھروں میں بیماریاں عام ہونا شروع ہو گئی ہیں۔ بچوں میں پیٹ کی تکالیف، بخار اور کمزوری کی شکایات بڑھ رہی ہیں، مگر انتظامیہ کی جانب سے اب تک کوئی مؤثر قدم نہیں اٹھایا گیا۔

انجمن تحفظِ شہریان کے صدر ندیم اکبر بسرائی، جمیل احمد قصوری اور دیگر نمائندگان نے قصور ڈسٹرکٹ پریس کلب کے سروے میں بتایا کہ ملاوٹ مافیا کو متعلقہ اداروں کی غفلت کے باعث کھلی آزادی ملی ہوئی ہے۔ ان کا کہنا ہے کہ اگر فوری کارروائی نہ ہوئی تو صورتحال مزید سنگین ہو جائے گی۔

علاقہ مکینوں نے ڈپٹی کمشنر قصور سے فوری نوٹس لینے اور ملاوٹ مافیا کے خلاف سخت آپریشن کرنے کا مطالبہ کیا ہے تاکہ شہریوں کو معیاری اور محفوظ خور و نوش کی اشیاء فراہم کی جا سکیں

قصور
پولیس کے بھیس میں غنڈہ گردی کرنے والے اہلکاروں کے خلاف ایف آئی آر درج کرکے قانونی کاروائی شروع کر دی گئی

تفصیلات کے مطابق پولیس کے بھیس میں غنڈہ گردی کرنے والے پیرا فورس اہلکار رزاق اور اے ڈویژن کے کانسٹیبل وقاص ڈوگر اغوا کیس میں نامزد کر دیا گیا

وردی کی حرمت ایک بار پھر چند بگڑے ہوئے کرداروں نے پامال کر دی
پیرا فورس کے اہلکار رزاق اور تھانہ اے ڈویژن کے کانسٹیبل وقاص ڈوگر کے خلاف شہری کو اغوا کرنے جیسے سنگین الزام پر تھانہ صدر قصور میں مقدمہ درج کر لیا گیا ہے

ملزمان پر الزام ہے کہ انہوں نے شہری مظہر فرید کو اٹھا کر ایک نامعلوم نجی مقام پر بند رکھا جہاں مبینہ طور پر جعلی پولیس مقابلے میں مار ڈالنے کی دھمکیاں دے کر بھاری رقم وصول کی گئی
ریاستی اختیار کو ذاتی کمائی کا ہتھیار بنانا وہی کھلی غنڈہ گردی ہے جس کی سزا پوری فورس کی ساکھ کو بھگتنی پڑتی ہے
عوامی و سماجی حلقے شدید برہم ہیں اور ان کا کہنا ہے کہ ایسے عناصر پولیس وردی پر بدنما دھبہ ہیں جنہیں نشانِ عبرت بنانا وقت کی ضرورت ہے
شہریوں نے مطالبہ کیا ہے کہ دونوں اہلکاروں کے خلاف فوری، شفاف اور سخت ترین محکمانہ و قانونی کارروائی کی جائے تاکہ آئندہ کوئی وردی پوش عوام کے جان و مال پر یوں ہاتھ ڈالنے کی جرات نہ کر سکے اور اداروں کی ساکھ لوگوں کی نظروں میں مجروح نا ہو

قصور
سٹی تھانہ بی ڈویژن کی حدود میں بڑی واردات

تفصیلات کے مطابق قصور کے علاقے بھسرپورہ گلی، مدرسہ جامعہ رحیمیہ قاری مشتاق احمد کے مدرسے کے قریب واقع حافظ سلیم کے گھر میں دو نامعلوم افراد نے دن دہاڑے ڈکیتی کی واردات ڈال دی
ملزمان گھر سے 5,00,000 روپے نقدی اور 3 تولے سونا لوٹ کر با آسانی فرار ہونے میں کامیاب ہوگئے

واردات کے بعد علاقہ مکینوں میں خوف و ہراس پھیل گیا جبکہ پولیس موقع پر پہنچ کر شواہد اکٹھے کر رہی ہے
تھانہ سٹی بی ڈویژن پولیس کے مطابق گھر کے اندرونی حالات، ملزمان کے ممکنہ راستے اور سی سی ٹی وی فوٹیج سمیت تمام پہلوؤں پر تفتیش جاری ہے
پولیس کا کہنا ہے کہ جلد حقائق سامنے لا کر ملزمان کو گرفتار کر لیا جائے گا

قصور
ضلعی انتظامیہ کا سخت اعلان ، گیس ری فِلنگ اور فیول ایجنسیوں کیلئے پراپرٹی کرایہ پر دینا سنگین جرم قرار

تفصیلات کے مطابق قصور میں ضلعی انتظامیہ نے شہریوں کیلئے اہم ہدایت جاری کر دی ہے جس میں کہا گیا ہے کہ کسی بھی پراپرٹی مالک کو اپنی ملکیتی جگہ گیس ری فِلنگ، پٹرول یا ڈیزل ایجنسی کے لئے کرایہ پر دینے کی سختی سے ممانعت کی گئی ہے

انتظامیہ کے مطابق اگر کوئی پراپرٹی اس خطرناک سرگرمی کیلئے استعمال ہوتی پائی گئی تو مالک بھی برابر کا مجرم سمجھا جائے گا اور اس کے خلاف ضابطے کے مطابق کارروائی ہوگی

ضلعی انتظامیہ نے شہریوں سے اپیل کی ہے کہ اگر کہیں بھی غیر قانونی گیس ری فِلنگ یا فیول ایجنسی چلتی دیکھیں تو فوری شکایت درج کروائیں رابطے کے لئے ضلعی کنٹرول روم کی جانب سے فراہم کر دیے گئے ہیں
نمبرز یہ ہیں
03116584494
ہیلپ لائن نمبر
1139

قصور
راشن کے نام پر شہریوں سے فراڈ کا نیا طریقہ،لوگ سخت پریشان ،فوری کاروائی کا مطالبہ

تفصیلات کے مطابق شہریوں نے بتایا ہے کہ قصور شہر میں صبح سویرے کچھ مرد اور خواتین گھروں میں مفت راشن اور مالی امداد کے پمفلٹ دے کر لوگوں لوٹنے لگے ہیں
کچھ نامعلوم لوگ الچشتیہ ویلفئیر ٹرسٹ کے نام پر شہریوں کو مفت راشن کا جھانسہ دے کر 1200 روپیہ اپنے نمبر پر جاز کیش اکاؤنٹ میں منگواتے ہیں اور جب دوبارہ راشن کے لئے کال کی جاتی تو اس نمبر سے کوئی اور بات کرتا ہے اور شریف شہریوں کو گالی گلوچ دی جاتی ہے
اس ویلفئیر ٹرسٹ نے شہریوں کو بہت پریشان کر رکھا ہے شہر کی سماجی،فلاحی اور سول سوسائٹی کے لوگوں نے ان افراد کے خلاف فوری کاروائی کرنے کا مطالبہ کیا ہے تاکہ شہریوں کو ایسے فراڈیوں سے بچایا جا سکے
واضع رہے کہ ان کے پمفلٹ پر مکمل ایڈریس بھی موجود نہیں

قصور
ماں کو دوسری شادی کرنے پر قتل کرنے والے ملزم کے خلاف سخت سے سخت کاروائی کا مطالبہ

تفصیلات کے مطابق قصور کے تھانہ صدر کی حدود موضع کیلو میں دوسری شادی کرنے پر بیٹے نے کلہاڑی کے وار کر کے اپنی ماں کو قتل کر دیا
مقتولہ ثوبیہ بی بی نے دوسری شادی کر لی تھی جسکا اسکے بیٹے ذیشان کو رنج تھا
گزشتہ روز اسی رنجش پر ملزم ذیشان نے کلہاڑی کے وار کر کے اپنی ماں ثوبیہ بی بی کو قتل کر دیا
پولیس تھانہ صدر قصور نے مقتولہ کی لاش کو قبضہ میں لیکر پوسٹ مارٹم کے لئے ہسپتال منتقل کیا اور ملزم کو حراست میں لے کر قانونی کارروائی کا آغاز کر دیا
شہریوں نے اس سفاک درندہ صفت ملزم کو سخت سے سخت اور فوری سزا دے کر نشان عبرت بنانے کا مطالبہ کیا ہے