Tag: baaghi

قصور
کوٹرادھا کشن میں ویلفیئر سوسائٹی کے زیر انتظام شجرکاری مہم 2020 کا آغاز کر دیا گیا
سوسائٹی کے صدر میاں وقار احمد اور سرسبز کے انچارج شیخ عقیل احمد نے پودا لگاکر مہم کا آغاز کیا سوسائٹی کے سرپرست مہر حافظ اشتیاق اور سرسبز ایگزیکٹیو باڈی کے ممبران مہر حسن ،شیخ شفا اللہ ،اسامہ بھٹی ،اور مہر محمد عمران بھی موقع پر موجود تھے۔
شجرکاری مہم کے دوران العزیزیہ گارڈن ٹیچر کالونی سے ملحقہ قبرستان اور ڈپٹی والا قبرستان میں پودے لگائے گئے ۔
اس مہم میں شہر کے معززین میاں خالد سیف اللہ(امیر سٹی جمعیت اہل حدیث) میاں رؤف احمد (سابقہ ناظم)،چوہدری ایوب خاور (چیئرمین انجمن تاجران )، شیخ مظفر حسین( سینئر نائب صدر پی ٹی آئی)، شیخ سجاد حسین (میونسیپل کمیٹی)، شاہد منصور(الخدمت فاونڈیشن)، محمد امین( فنانس سیکریٹری کوٹ رادھاکشن ویلفیئر سوسائٹی)، مولانا محمد یوسف ربانی (ممبر امن کمیٹی) شیخ محمد اسحاق اور دیگر معزز شہریوں نے شرکت کی اور دعائے خیر بھی کی ۔
یہ مہم دو روز تک جاری رہے گی۔ جہاں شہر کے مختلف حصوں میں مزید پودے لگائے جائیں گے اور سرسبز کوٹ رادھا کشن کا خواب شرمندہ تعبیر کیا جائے گا

قصور
اندھیر نگری چوپٹ راج،انتظامیہ ناکام بلیک مارکیٹنگ مافیا کا راج،عوام پریشان میدہ،فائن آٹا کی فی بوری کی قیمت میں 1200 روپیہ اضافہ، سادہ نان 15 روپیہ میں فروخت
تفصیلات کے مطابق گورنمنٹ بلیک مارکیٹنگ مافیا کو قابو کرنے میں ایک بار پھر ناکام ہوگئی تمام حکومتی دعوے دھرے کے دھرے رہ گئے فلور ملز مالکان نے اپنی مرضی سے ہی فائن آٹا و میدہ کی قیمتیں بڑھا دیں جس سے 9 روپے والا نان 15 روپیہ کا ہوگیا چار روز قبل میدہ کی بوری 80 کلو گرام وزن کیساتھ 4500 روپیہ کی تھی جو اب 5700 روپیہ میں مل رہی ہے اور یہ اضافہ مل مالکان نے اپنی طرف سے ہی کیا ہے اس مہنگے میدے کے پیش نظر نان بائیوں نے سادہ نان 12 روپیہ کا کر دیا ہے اور ریڑھی بانوں نے وہی سادہ نان تندور سے خرید کر 15 روپیہ میں فروخت کرنا شروع کر دیا ہے جس سے لوگ سخت پریشان ہو گئے ہیں
لوگوں نے کہا ہے کہ گورنمنٹ بلیک مارکیٹنگ مافیا کے سامنے بلکل بے بس ہو چکی ہے اور اپنی خفت مٹانے کیلئے چھوٹے دکانداروں کو جرمانے کئے جا رہے ہیں

قصور
اینٹی کرپشن کی کاروائی پٹواری اور پانچ دیگر ملزمان گردفتار
تفصیلات کے مطابق ڈپٹی ڈائیریکٹر اینٹی کرپشن محمد عاطف اور اس کی ٹیم نے حلقہ پٹواری بگھیانہ کلاں محمد انور پٹواری اور پانچ ملزمان کے خلاف جعلی فرد اور جعلی اقرار نامہ تیار کرنے پر مقدمہ درج کر کے پٹواری محمد انور کو گرفتار کرلیا
قصور محمد جاوید جو کہ اورسیریز پاکستانی ہے اس کی اراضی 184 کنال 16 مرلے کا جعلی اقرار نامہ تیار کر کے پٹواری اور اسٹام فروش نے آگے فروخت کر دیا

قصور حلقہ پٹواری نے فرد بدر محمد نواز سے شان کے نام کمپیوٹرائزڈ ریکارڈ میں ردوبدل کی

قصور ملزمان سائل کی زمین واپس دینے سے انکاری ہیں

قصور ملزمان سیاسی اثروسوخ کے حامل ہیں سائل کو پریشان اور جان سے مار دینے کی دھمکیاں دے رہے ہیں

رپورٹ چوہدری سلیم ڈسٹرکٹ رپورٹر قصور

قصور
تھانہ الہ آباد پولیس نے ذوالفقار عرف جپھی گینگ کو کرفتار کر لیا نقدی، اسلحہ اور موبائل برآمد کرکےمقدمہ درج کر لیا اور تفتیش شروع تفصیلات کے مطابق SHO الہ آباد نے صحافیوں کو بتایا کہ جپھی گینگ بونگی کلیاں اور گردونواح کے دیہات میں واداتیں کرتا تھا ذوالفقار اور وسیم کو گرفتارکر لیا گیا ہے جبکہ کاشف اور عمران فرار ہونے میں کامیاب ہو گئے ملزمان متعدد وارداتوں میں مطلوب بھی تھے ملزمان کے قبضہ سے 70 ہزار روپے نقدی، 2 پسٹل اور چار موبائل بھی برآمد کئے گئے SHO محسن سندھو نے صحافیوں کو بتایا کہ جرائم پیشہ افراد کو کسی صورت نہیں چھوڑا جائے گا واداتیں کرنے والے ملک وقوم کے دشمن ہیں اور ایسے جرائم پیشہ افراد کے خلاف بلا تفریق کاروائیاں جاری رہیں گی علاقے کا امن وامان تباہ کرنے والوں کا محاسبہ ہر جگہ کیا جائے گا DPO قصور نے SHO الہ آباد اور دیگر ملازمین کے لئے نقد انعام اور تعریفی اسناد کا اعلان بھی کیا ہے

قصور
لیسکو قصور لوگوں کیلئے عذاب رشوت ستانی کام چوری اور ہٹ دھرمی میں سب سے آگے نصف صدی پرانی تاریں بار بار جوڑ لگا کر دل کو تسلی دینا وطیرہ بنا لیا بوسیدہ تاریں لوگوں کے سروں پر لٹکتی موت
تفصیلات کے مطابق قصور واپڈا ضلع بھر کے سب محکموں میں سے سب سے زیادہ کرپٹ کام چور اور ہڈ حرام ہے نصف صدی پرانی بجلی کی تاریں بار بار جوڑ لگا کر اپنے اور لوگوں کے دلوں کو تسلی دیتے ہیں اور نئی تاریں بیچ کر کھا جاتے ہیں قصور کے نواحی گاؤں کھارا میں 2 دن قبل بجلی کی ایک تار گر گئی جو کہ ہر گرمیوں میں گرتی ہے تاہم خوش قسمتی سے کوئی جانی نقصان نا ہوا جسے واپڈا اہلکاران حسب عادت جوڑ لگا کر چلتے بنے وہی تار آج صبح 6 بجے پھر گر گئی جو کہ سپارہ پڑھنے جانے والے بچوں کے بلکل قریب ہی گری تاہم خوش قسمتی سے بچے محفوظ رہے واضع رہے یہ تاریں نصف صدی پرانی ہیں اور اس پورے گاؤں میں 25 کے قریب ٹرانسفارمر ہیں اور سارے گاؤں کی تاریں نصف صدی پرانی ہیں جنہیں ٹوٹنے پر جوڑ لگا کر مرمت کیا جاتا ہے بدلا نہیں جاتا مگر کاغذات میں راشی محکمہ درجنوں بار ان تاروں کے پیسے کھا چکا ہے
لوگوں نے وزیراعلی پنجاب اور چیئرمین واپڈا سے نوٹس لے کر بجلی کی بوسیدہ لائن کو تبدیل کرنے کی درخواست کی ہے تاکہ کوئی جانی نقصان نا ہو

قصور
لیسکو قصور نے لوگوں کو چونا لگانا شروع کر دیا ویب پر بل اور جبکہ پرنٹ ہو کر آنے کے بعد بل اور صارفین پریشان
واپڈا اہلکاران تسلیاں دینے میں
مصروف
تفصیلات کے مطابق واپڈا قصور نے لوگوں کو چونا لگانا شروع کر دیا سب ڈویژن نور پور فیڈر دوست پورہ ریفرنس نمبر 04117230431404 R کے صارف نے نمائندہ باغی ٹی وی کو بتایا کہ میں نے اپنا بل لیسکو کسٹمرز کیئر ویب پر دیکھا تو میرا بل 9068 روپیہ تھا مگر جب بل پرنٹ ہو کر آیا تو میرا بل 10020 روپیہ تھا اس حساب سے واپڈا نے مجھے 952 روپیہ زائد بل بیجھا جبکہ دیگر کسٹمروں کو تاریخ مقرر کے بعد کوئی اضافے چارجز نہیں مگر مجھے بل ادا نا کرنے کی صورت میں اضافی رقم بھی ڈالی گئی ہے اس پر جب میں ایس ڈی او کے پاس گیا تو اس نے بجائے درستگی کرنے کے تین اقساط کر دیں مگر ویب اور پرنٹ بل کا فرق نا نکالا جو کہ سراسر زیادتی ہے لوگ زیادہ تر ویب سے اپنا بل چیک کرکے بل پرنٹ ہو کر آنے سے پہلے ہی اپنے موبی کیش اکاؤنٹ سے ادا کر دیتے ہیں اور اگلے ماہ رقم میں اضافہ کرکے بیجھا جاتا ہے لہذہ چیئرمین واپڈا اس بات کا نوٹس لیں کہ واپڈا قصور اپنی طرف سے تو بل پرنٹ نہیں کروا رہا

قصور
قصور اور گردونواح میں پانچ دن سے بارش نہیں ہوئی مگر سیوریج کا پانی تاحال ہر علاقے میں برس رہا ہے
تفصیلات کے مطابق ضلع قصور بھر اور خاص کر الہ اباد میں گزشتہ پانچ روز سے بارش رکی ہوئی ہے مگر بارش اور ساتھ انتظامیہ بھی سو گئی ہے جگہ جگہ بارش و سیوریج کے پانی سے کیچڑ ہو گیا ہے جس سے لوگوں کا پیدل چلنا بھی مشکل ہوچکا ہے چیف آفیسر سہیل گوندل نے نئی گاڑیوں پر اکر فوٹو سیشن کروا کر افسران کو سب اچھا کی رپورٹ کر دی ہے مگر گلی محلوں کی صورتِ حال ابتر ہوئی پڑی ہے
اگر کوئی کنگن پورہ روڈ اور دیپاپور روڈ کا دورہ کرے تو ان کی کارگردگی آ جائے گی
اہل علاقہ نے تحصیل انتظامیہ اورچیف آفیسر صفائی سے نوٹس لے کر کاروائی کی استدعا کی ہے

قصور
انجمن تاجران پتوکی کے صدر رانا ممتاز خان کا انجمن تاجران کے عہدے داروں کے ہمراہ شہر کے مختلف بازاروں اور مارکیٹوں کا دورہ تاجر برادری کی طرف سے شاندار استقبال کیا گیا
تفصیلات کے مطابق انجمن تاجران پتوکی کے صدر رانا ممتاز خان نے سرپرست اعلیٰ حاجی محمد ارشد گولڈن سنیر نائب صدر حاجی عباس ،علی،نائب صدر محمد اسلم،میاں سرفراز ،فاروق سندھو ،جنرل سیکرٹری حاجی عبدالغفور بھٹی، میاں عبد العزیز اور دیگر تاجروں کے ہمراہ شہر میں مختلف بازاروں اور مارکیٹوں کا دورہ کیا اور تاجروں سے ملاقاتیں کیں تاجروں نے مرکزی انجمن تاجران پتوکی کے صدر رانا ممتاز علی خان کا شاندار استقبال کیا پھول نچھاور کئے اور ہار بھی ڈالے
انجمن تاجران پتوکی کے صدر نے فاروق علی سندھو اور میاں سرفراز احمد کی دکان کا افتتاح بھی کیا

قصور
دیپالپور روڈ بھیڑ سوڈیاں سٹاپ پر بس کی موٹر سائیکل کو ٹکر،میاں بیوی زخمی ہو گئے جبکہ چھوٹا بچہ محفوظ رہا،ڈرائیور موقع سے فرارا
تفصیلات کے مطابق آج علی الصبح قصور دیپالپور روڈ بمقام بھیڑ سوڈیاں سٹاپ پر موٹر سائیکل اور کوسٹر میں تصادم ہوا جس کے نتیجے میں موٹر سائیکل سوار ایک شخص اور عورت شدید زخمی ہو گئے جبکہ ان کا دو ماہ کا بچہ معجزانہ طور پر محفوظ رہا لوگوں نے ریسکیو 1122 کو کال کی جنہوں زخمیوں کو ہسپتال منتقل کر دیا ہے جبکہ کوسٹر کا ڈرائیور موقع سے فرار ہونے میں کامیاب ہو گیا
حادثے میں زخمی ہونے واکی فیملی بھیڑ سوڈیاں کی رہائشی ہے

قصور
چونیاں میں منشیات فروشی سے منع کرنا نوجوان کا جرم بن گیا، ملزم کا ساتھیوں سمیت حملہ، نوجوان کی گردن پرچھری چلا دی
تفصیلات کے مطابق تھانہ سٹی چونیاں کی حدود محلہ منظور چوک میں چھ کے قریب ملزمان نے نوجوان کی گردن اور جسم کے دوسرے حصوں پر چھری اور استرے سے وار کر کے شہریار اور اس کے دوست عبدالشکور کو بری طرح زخمی کر ڈالا
شہریار نے ملزمان شیخ رضوان، زکریا، قدیر، جنید، جبار اور ظفر وغیرہ کو منشیات کا نشہ کر کے محلے میں شور و غل کرنے سے منع کیا جس کی وجہ سے نشے میں دھت ملزمان نے حملہ کر دیا۔ملزمان چونیاں اور گرد و نواح میں منشیات کی خرید و فروخت کا مکروہ دھندہ بھی کرتے ہیں ۔ وقوعہ کے بعد فوری ایکشن لیتے ہوئے تھانہ سٹی پولیس نے نوجوان شہریار اور اس کے دوست عبدالشکور کو ہسپتال منتقل کر کے ملزمان کے خلاف مقدمہ درج کر لیا۔ اور کاروائی کرتے ہوئے دو ملزمان کو گرفتار کر لیا