پتوکی تھانہ صدر پتوکی پولیس کی کاروائی
تفصیلات کے مطابق تھانہ صدر پتوکی نے کاروائی کرتے ہوئے دو جرائم پیشہ ملزمان گرفتار کر لیا ہے پولیس نے دو مشتبہ افراد کو رکنے کا اشارہ کیا تو انہوں نے رکنے کی بجائے دوڑ لگا دی جس پر پولیس جوانوں نے بھاگتے ہوئے دونوں ملزمان کو قابو کر لیا
ملزمان کے قبضہ سے شراب کی کئی بوتلیں اور ایک عدد غیر لائسنسی ناجائز پسٹل 30 بور بھی برآمد کر لیا ہے پولیس تھانہ پتوکی صدر نے مقدمہ درج کرکے ملزمان کو حوالات میں بند کر دیا ہے
قصور
دکانداروں کے پیمانے انتہائی کم اور پرانے ٹی ایم اے قصور کا عملہ پرچی دے کر پیسے لیجانے تک ہی کارگر دکاندار و صارف دونوں پریشان
تفصیلات کے مطابق چند دن قبل پرائس کنٹرول مجسٹریٹ نے قصور اور گردونواح میں چھاپے مارے تو چیک کرنے پر درجنوں دکانداروں کے پیمانے کم نکلے جس پر کاروائی کرتے ہوئے مجسٹریٹ صاحب جرمانہ کرکے اور ترازو پورا کروانے کے احکامات دے کر چلتے بنے چند دن بعد ٹی ایم اے کا عملہ پہنچا اور ایک دو دکانداروں کے پیمانے چیک کرکے پورے کئے اور باقی دکانداروں سے ترازو چیک کرنے کی سالانہ فیس لے کر چلے گئے دکانداروں نے بتایا کہ جس سکے سے ٹی ایم اے کے عملہ نے پیمانے پورے کئے اس پر ضلعی میونسیپل کمیٹی کی مہر نہیں لگی اور جن دکانداروں کے پیمانے پورے نہیں کئے گئے وہ لوگوں کو اسی پیمانوں سے سودا سلف تول کر دے رہے ہیں جس سے نقصان صارف کا ہی ہو رہا ہے مجسٹریٹ صاحب اپنے جرمانے کرنے تک محدود ہیں اور ٹی ایم اے کا عملہ اپنی جیبیں گرم کرنے میں جبکہ عوام کا کوئی پرسان حال نہیں
لوگوں نے ڈی سی قصور سے نوٹس لینے اور ٹی ایم اے عملہ کو دکانداروں کے پیمانے پورے کرنے کی استدعا کی ہے تاکہ لوگوں کو پوری مقدار میں سودا سلف مل سکے
قصور
جیب کاٹنے والا گینگ سرگرم درباروں اور بسوں میں لوگوں کی جیبیں صاف
تفصیلات کے مطابق قصور میں جیب کاٹنے والا گروہ کافی سرگرم ہو چکا ہے جنہوں نے رش والی جگہوں پر اپنے دیڑے جما رکھے ہیں شہریوں کی جیبیں کاٹے جانے کا سلسلہ کافی عرصہ سے جاری ہے زیادہ تر واقعات دربار بابا بلہے شاہ، دربار بابا شاہ کمال چشتی اور لاری اڈہ قصور میں واقعات رونما ہوئے جہاں لوگ اپنے لاکھوں روپیہ جیب کتروں کے ہاتھوں غائب کروا بیٹھے ہیں جیب کترے رش کا فائدہ اٹھا کر اپنے ہاتھ صاف کرکے چلتے بنتے ہیں
قصور
الہ آباد میں ڈی پی او قصور کی خصوصی ہدایت پر تھانہ الہ آباد پولیس کی بروقت کاروائی اغواء کاروں کا بین اقوامی گینگ گر فتار
تفصیلات کے مطابق ڈی ایس پی چونیاں کی تھانہ الہ آباد میں پریس کانفرنس ڈی ایس پی چونیاں نے پریس کانفرنس کرتے ہوئے بتایا کہ گزشتہ روز محمد احمد نے اپنے اغواء کا مقدمہ درج کروایا کہ اسے اغواء کرنے کے بعد برہنہ ویڈیو بنانے اور نقدی و رقم مجھ سے زبردستی ملزمان نے ہتھیا لئے جس پر پولیس تھانہ الہ اباد نے بروقت کاروائی کرتے ہوئے بونگی رام سنگھ کے رہائشی ملزم عباس وغیرہ کو گرفتار کر لیا جن کے قبضہ سے ایک ٹریکٹر اور نقدی برامد کر لی گئی ہے اس موقع پر ڈی ایس پی چونیاں نے کہا کہ پولیس ہر وقت عوام کی جان ومال کی حفاظت کے لیے تیار ہے
قصور میں بااثر قبضہ مافیا گینگ کے ظلم کا شکار ایک اور شہری ولی محمد بول پڑا
تفصیلات کے مطابق قصور اور گردونواح میں با اثر قبضہ مافیا گینگ سرگرم ہے جو لوگوں کی زمینوں ،جائیدادوں پر زبردستی قابض ہے ایسے ظلم کا ایک شکار کنگن پور کا رہائشی ولی محمد اس گینگ کے ظلم کا شکار ہو کر بول پڑا انتظامیہ داد رسی کے بجائے خاموش تماشائی بن گئی
واقعہ کا نوٹس لیتے ہوئے پی ٹی آئی راہنماہ و صوبائی وزیر کرنل ہاشم ڈوگر نے قبضہ مافیا کے خلاف کارروائی کی یقین دہانی کرا دی قبضہ مافیا نے قصور میں کئی شہریوں کی جائیدادوں پر ناجائز قبضہ کرکے کروڑوں روپے بٹورے ہیں جس پر ظلم کا شکار شہریوں نے انصاف کی اپیل کر دی ہے
قصور کی ٹوٹی پھوٹی سڑکیں ریسکیو 1122 و ریسکیو 15 کے رسپانس ٹائم میں رکاوٹ
تفصیلات کے مطابق ضلع قصور کی تمام سڑکیں ٹوٹ پھوٹ کا شکار ہیں پچھلے ادوار میں ہر سال سڑکوں کی مرمت کی جاتی تھی مگر جب سے نئی گورنمنٹ بنی ہے تب سے کسی بھی سڑک کی مرمت نہیں کی گئی جس سے قصور رائیونڈ روڈ،قصور سے کوٹ رادہاکشن روڈ،رائیونڈ سے چھانگا مانگا تا پتوکی روڈ ، کھڈیاں سے چونیاں روڈ ،الہ آباد سے کنگن پور روڈ شدید ٹوٹ پھوٹ کا شکار ہیں جس سے ریسکیو 1122 اور ریسکیو 15 قصور پولیس کو سخت کوفت کا سامنا کرنا پڑتا ہے کیونکہ ان ریسکیو اداروں کو ایمرجنسی میں ہی کال کی جاتی ہے جس کیلئے جلد سے جلد کال کرنے والوں تک پہنچا ان کی ذمہ داری ہوتی ہے مگر ٹوٹی سڑکوں کی بدولت گاڑی تیز رفتاری سے چلانا ناممکن ہو جاتا ہے جس سے کال کرنے والے سائل بار بار کال کرکے جلد پہنچنے کا کہتے ہیں مگر چاہتے ہوئے بھی ریسکیو ادارے رسپانس ٹائم میں بمشکل ہی پہنچ پاتے ہیں
لوگوں نے وزیر اعلی پنجاب سے نوٹس لیتے ہوئے قصور کی سڑکوں کیلئے خصوصی فنڈ جاری کرنے کی استدعا کی ہے
قصور
الہ آباد آباد میں سپیشل برانچ پنجاب کی نشاندہی پر اسسٹنٹ کمشنر چونیاں سردار شبیر احمد ڈوگر کی کاروائی
تفصیلات کے مطابق قصور پولیس اور سپیشل برانچ کی رپورٹ پر اے سی چونیاں سردار شبیر احمد ڈوگر نے کاروائی کرتے ہوئے منافع خوروں کے خلاف بروقت کارروائی کی جن میں اسامہ سپر سٹور والے، اے ڈی ہوٹل اور روٹی،چینی، آٹا زیادہ قیمت پر فروخت کرنے والوں کے خلاف کارروائی کی اور گرفتار کر حوالات میں بند کر دیا
اسسٹنٹ کمشنر چونیاں سردار شبیر احمد ڈوگر نے اور سعید احمد و ظفراقبال سپیشل برانچ پنجاب نے صحافیوں سے گفتگو کرتے ہوئے کہا کہ ڈی سی قصور کی ہدایت پر منافع خوروں کو پکڑ کر پولیس اسٹیشن میں بند کر دیا جائے گا اور ان کیخلاف کارروائی کی جائے گی
علاقہ کے لوگوں نے ڈی سی قصور، سپیشل برانچ پنجاب اور اسسٹنٹ کمشنر چونیاں کا شکریہ ادا کیا اور منافع خوروں کے خلاف کارروائی تیز کرنے کا مطالبہ کیا ہے
قصور
ویٹرنری ڈاکٹروں نے الہ آباد میں اندھیر نگری مچا دی ناقص گوشت کی سر عام فروخت جاری انتظامیہ خاموش تماشائی ڈی سی قصور سے نوٹس لینے کا مطالبہ
تفصیلات کے مطابق الہ آباد، گہلن، تلونڈی اور گردونواح کے درجنوں دیہات میں مردار اور لاغر جانوروں کا گوشت سرعام فروخت کیا جا رہا ہے ویٹرنری ڈاکٹر گھر بیٹھ کر تنخوائیں اور منتھلیاں وصول کر رہے ہیں مذبحہ خانہ نا ہونے کی وجہ سے قصاب سڑکوں اور گندگی کے ڈھیروں پر جانور ذبح کرتے ہیں جنہیں چیک کرنے کا کوئی نظام قائم نہیں ویٹرنری ڈاکٹر آرام سے گھروں میں سوئے رہتے ہیں جبکہ بعض قصاب مبینہ طور پر بیمار اور لاغر جانوروں کا گوشت فروخت سرعام کر رہے ہیں ویٹرنری ڈاکٹر نے کبھی کسی کے خلاف مقدمہ درج و جرمانہ نہیں کروایا کیونکہ انہیں ہر ماہ گھر بیٹھے منتھلیاں مل جاتی ہیں
مقامی شہریوں نے چیف سیکرٹری پنجاب اور ڈی سی قصور سے فوری نوٹس لینے کا مطالبہ کیا ہے واضح رہے کہ الہ آباد اور گردونواح کے دیہاتوں میں روزانہ کی بنیاد پر سینکڑوں جانور ذبح ہوتے ہیں لیکن کسی کو کوئی پوچھنے والا نہیں
قصور میں لڑکیوں کے ذریعے لوگوں کو بلیک میل کئے جانےکا انکشاف ہوا ہے
تفصیلات کے مطابق قصور میں لڑکیوں کے ذریعے لوگوں کو بلیک میل کئے جانے کا انکشاف ہوا ہے اس مکروہ دھندے میں ملوث گروہ کی لڑکیاں پہلے امیر افراد سے دوستی کرتی ہیں اور پھر بعد میں ان کی نازیبا ویڈیوز بنا کر انہیں بلیک میل کیا جاتا ہے اور پیسے بٹورے جاتے ہیں
دھندہ کرنے والے خفیہ گروہ کے ڈسے شہری محمد احمد اور محمد حسین نے زبان کھول دی اور گروہ کے خلاف ایف آئی آر کٹوا دی جس پر ایکشن لیتے ہوئے ایڈیشنل آئی جی پنجاب محمد انعام غنی نے ڈی پی او قصور زاہد نواز مروت کو خصوصی ہدایات جاری کر دی اور جلد سے جلد پورے گروہ کو گرفتار کرکے کاروائی کرنے کے آرڈر جاری کر دیئے ہیں
قصور
کنگن پور کے نواحی گاؤں اسٹیشن بستی قطب شاہ سے چور یا عاشق کی گاءوں والوں نے خوب درگت بنائی
تفصیلات کے مطابق کنگن پور پولیس کو 15 کے ذریعے اطلاع دی گئی کہ بستی قطب شاہ میں چور پکڑا گیا ہے تھانہ کنگن پور موقع پر پہنچ کر چور کو گاءوں والوں سے باحفاظت چھڑوا کر کنگن پور رورل ہیلتھ سینٹر لے آئی جہاں پر ڈاکٹروں فرسٹ ایڈ کی اس کے بعد لڑکے کا میڈیکل لیا گیا
ملزم پولیس کی حراست میں ہے اور اس کے بعد دوسری طرف سے گاءوں والوں کی طرف سے یہ بات سامنے آئی ہے کہ ملزم چوری کی واردات کی غرض سے گاؤں میں نہیں آیا تھا بلکہ اس کا گاءوں کی ایک لڑکی سے ناجائز تعلقات ہیں جس کے بعد اب لڑکی کے ورثا نے زنابالجبر کی تھانہ میں درخواست دائر کر دی ہے اور میڈیکل کے لئے مقامی ہسپتال سے رجوع کر لیا ہے اس کیس میں کافی پیچیدگیاں ہے اس کی تفتیش کے لئے ڈی ایس پی چونیاں شمس الحق درانی کو خصوصی ٹاسک دیا گیا ہے