Tag: baaghi

جمیکا (اے پی پی) کیریبین پریمیئر لیگ میں کارلوس بریتھویٹ کو سینٹ کٹس اینڈ نیوس پیٹریاٹس کی ٹیم کا نیا کپتان مقرر کردیا گیا، اس سے قبل کرس گیل کپتان تھے.

ویسٹ انڈین آل راﺅنڈر کارلوس بریتھویٹ آئندہ ماہ شیڈول کیریبین پریمیئر ٹی ٹونٹی کرکٹ لیگ کیلئے سینٹ کٹس اینڈ نیوس پیٹریاٹس کے نئے کپتان مقرر ہو گئے، انہیں کرس گیل کی جگہ یہ ذمہ داری دی گئی ہے، یہ فیصلہ اس لیے کیا گیا کیونکہ گیل نے سینٹ کٹس کو چھوڑ کر دوبارہ جمیکا تلاواز میں شمولیت اختیار کر لی۔ دوسری جانب بریتھویٹ 2015ءسے سینٹ کٹس کے ساتھ منسلک ہیں اور انہوں نے ٹیم کی قیادت کی ذمہ داری ملنے پر خوشی کا اظہار کرتے ہوئے کہا کہ کوشش ہو گی کہ ٹیم کو فرنٹ سے لیڈ کرتے ہوئے اسے ٹائٹل دلواﺅں۔ انہوں نے کہا کہ ہماری ٹیم گیل کی کمی کو شدت سے محسوس کرے گی اور بلاشبہ ان کا متبادل ملنا بھی نا ممکن ہے، امید ہے کہ ٹیم میں شامل نوجوان کھلاڑی عمدہ پرفارم کر کے ٹیم کو فتوحات دلانے میں اہم کردار ادا کریں گے۔

میکسیکو سٹی (اے پی پی) قابوس اوپن ٹینس میں اعصام الحق کا مینز ڈبلز میں سفر سیمی فائنل میں تمام ہوگیا.

سٹار پاکستانی کھلاڑی اعصام الحق قریشی کا قابوس اوپن ٹینس ٹورنامنٹ مینز ڈبلز ایونٹ میں سفر سیمی فائنل میں تمام ہو گیا۔ میکسیکو میں جاری ایونٹ میں کھیلے گئے مینز ڈبلز سیمی فائنل میں رومین آرنیوڈو اور ہوگو نائس پر مشتمل مناکو کی جوڑی نے اعصام الحق اور ان کے میکسیکن جوڑی دار سنتیاگو گونزالیز کو سخت مقابلے کے بعد 3-6، 7-5 اور 10-5 سے شکست دے کر ایونٹ سے باہر کر دیا۔

دوسری جانب اعصام الحق کے مداح ان کی شکست پر کافی افسردہ نظر آتے ہیں. ان کے مداحوں کی خواہش تھی کی اعصام الحق نہ صرف فائنل کھیلتے بلکہ ٹائٹل بھی جیت کر لاتے، تاہم اب بھی ان کے مداح پر امید ہیں کہ مستقبل میں جب بھی کوئی بڑا مقابلہ ہوگا تو اعصام الحق ضرور جیتیں گے.