سرگودھا(نمائندہ باغی ٹی وی)صدر مملکت عارف علوی نے بنکنگ محتسب کے فیصلہ کی توثیق کرتے ہوئے سرگودھا یونیورسٹی کے حق میں فیصلہ دیدیا۔تفصیل کے مطابق بنکنگ محتسب نے نومبر2018 ء میں سرگودھا یونیورسٹی میں قائم نجی بنک کی برانچ کو منافع کے شیئر کی رقم یونیورسٹی خزانے میں جمع کرانے کا حکم دیا تھا اور بنکنگ محتسب کے اس حکم پر نجی بنک نے صدر پاکستان سے اپیل کی جس پر صدر پاکستان نے بھی سرگودھا یونیورسٹی کے حق میں فیصلہ دیتے ہوئے بنک کو منافع کے شیئر کی رقم فوری جمع کرانے کا حکم دیا ہے۔ یونیورسٹی آف سرگودھا نے کیمپس میں قائم نجی بنک کی برانچ کی طرف سے دی جانے والی منافع کی رقم کا کم شیئر دینے کی تین مختلف سرماریہ کاری کےمتعلق شکایت کی جس میں بتایا گیا کہ 2015ء میں سابق وائس چانسلر ڈاکٹر اکرم چوہدری کے دور میں یونیورسٹی آف سرگودھا نے بنک میں 40کروڑ کی سرمایہ کاری کی جبکہ سب سے زیادہ منافع دینے والے بنک میں رقم کی سرمایہ کاری کی گئی جوکہ 10.5فیصد تھا اور اس پر بنک نے چار کروڑ 21لاکھ15ہزار 68روپے کی بجائے 3کروڑ8لاکھ 84 ہزار3 سو 84روپے منافع ادا کیا اس طرح 1کروڑ 12لاکھ 30ہزار 6سو 84روپے کم ادا کئے گئے۔اسی طرح 27کروڑ50لاکھ کی ایک اور سرمایہ کاری پر زیادہ منافع کی شرح کے شیئر میں بنک نے 2کروڑ62لاکھ پچاس ہزار منافع کی رقم کی بجائے2کروڑ11لاکھ 25ہزار کی ادائیگی کی اور یونیورسٹی خزانہ کواس مد میں 51لاکھ 25ہزار کا نقصان اٹھانا پڑا اسی طرح2015کے دوران تیسری 12کروڑ 50لاکھ کی سرمایہ کاری کی رقم پر 88لاکھ 99ہزار تین سو 15روپے کی بجائے 82لاکھ72ہزار 6سو 2 روپے ادا کئے گئے اور یونیورسٹی خزانہ کو مجموعی طور پر ایک کروڑ69لاکھ82ہزار3سو 97 روپے منافع کی کم ادائیگی کی گئی۔یونیورسٹی آف سرگودھا کی موجودہ انتظامیہ نے معاملہ کو فوری طور پر بنکنگ محتسب کے پاس اٹھایا جس پر بنکنگ محتسب نے سماعت کے بعد نجی بینک کو یونیورسٹی آف سرگودھا کے خزانہ میں ایک کروڑ69لاکھ82ہزار3سو 97 روپے کی رقم بطور منافع اکاؤنٹ میں ادائیگی کا حکم دیا۔ یہاں یہ امر قابل ذکر ہے کہ 2015کے دوران اُس وقت کے سابق وائس چانسلر ڈاکٹر اکرم چوہدری ودیگر نے اُس وقت کی بنک انتظامیہ کے ساتھ مبینہ ملی بھگت کرکے یونیورسٹی خزانے کو نقصان پہنچایا جس کا انکشاف ہائر ایجوکیشن کمیشن کی آڈٹ رپورٹ میں کیا گیا۔یاد رہے کہ نیب لاہور نے کچھ روز قبل ہی یونیورسٹی کو پرائیویٹ سب کیمپس لاہور اور منڈی بہاؤالدین کیس میں ملزمان سے پلی بارگین کے بعد ریکوری کی مد میں 9کروڑ41لاکھ روپے کے چیک رجسٹرار کے حوالے کیے جو کہ یونیورسٹی خزانے میں جمع کرا دیئے گئے ہیں جس میں سے سب کیمپس لاہور اور منڈی بہاؤالدین کے طلبہ کو زائد فیسوں کی مد میں وصول کیے گئے 5کروڑ روپے سے زائد واپس کیے جائیں گے جبکہ دیگر ریکوریوں میں سابق پرائیویٹ سب کیمپسز گوجرانوالہ، فیصل آباد سے بھی 15لاکھ کی رقم شامل ہے جبکہ متذکرہ تین کیمپسز سے92لاکھ کی مزیدریکوری بھی متوقع ہے جو کہ سرگودھا یونیورسٹی کی موجودہ انتظامیہ کی شبانہ روز کاوشوں کا نتیجہ ہے اور اس سے یونیورسٹی خزانے کو مجموعی طور پر کروڑوں کا فائدہ ہو گا جبکہ یونیورسٹی انتظامیہ کرپٹ عناصر کی بیخ کنی اور ان کیخلاف مسلسل جاری رکھ کر ان کو کیفر کردار تک پہنچانے کا عزم کیے ہوئے ہے۔
Tag: baaghi
پاکستان نے بہترین خارجہ پالیسیوں کی وجہ سے بھارت کو ناک آؤٹ کر دیا، چیئرمین سرگودھا ڈویلپمنٹ اتھارٹی
سرگودہا (نمائندہ باغی ٹی وی) پاکستان نے بین الاقوامی سطح پر اپنی بہترین خارجہ پالیسیوں کی وجہ سے بھارت کو ناک آؤٹ کیا ہے جس کا کریڈٹ وزیر اعظم عمران خان کو جاتا ہے اب طالبان نے بھی امن کی خاطر عمران خان سے ملنے پر آمادگی ظاہر کی ہے جس سے افغانستان میں امن عمل کو آگے بڑھانے میں مدد ملے گی ان خیالات کا اظہار چیئرمین سرگودھا ڈویلپمنٹ اتھارٹی و سینئر راہنما پاکستان تحریک انصاف الحاج ممتاز اختر کاہلوں نےباغی ٹی وی سے گفتگو کرتے ہوئے کیا انہوں نے کہا کہ سیاست کو لوٹ مار کیلئے استعمال کرنیوالے عبرت کا نشان بنتے جارہے ہیں اب پاکستان میں سیاسی وہی لوگ کرینگے جو اسے خدمت کا ذریعہ بنائیں گے ماضی قریب میں لوگوں نے لوٹمار کے ذریعے عوام کو معاشی طور پر کنگال کیا ہے جس سے ملک دیوالیہ ہونے کے قریب پہنچ گیا تھا الحاج ممتاز اختر کاہلوں نے کہا کہ عمران خان کی بہتر حکمت عملی سے ملک معاشی طور پر بھی مستحکم ہونے کی جانب گامزن ہے۔
شہر میں پختہ تجاوزات میں تیزی، شہریوں کا ایڈمنسٹریٹر بلدیہ سرگودھا سے فوری نوٹس لینے کا مطالبہ
سرگودھا (نمائندہ باغی ٹی وی) سرگودھا شہر میں پختہ تجاوزات ایک بار پھر سر اٹھانے لگی ہیں مختلف مقامات پر تاجروں نے پختہ تجاوزات آہستہ آہستہ بڑھانا شروع کردی ہیں جبکہ فٹ پاتھوں پر قبضوں کا سلسلہ بھی تیز ہوگیا ہے ایڈمنسٹریٹر بلدیہ سرگودھا نے شہر کو تجاوزات سے پاک کیا گیا تھا مگر اب تاجروں نے دوبارہ از خود تجاوزات کرنا شروع کردی ہے جبکہ بلاک نمبر 3-2 میں پھٹہ مافیا پھر سرگرم ہے قبل ازیں انتظامیہ نے انہیں زمین پر کپڑے رکھ کر اشیاء فروخت کرنے کی مشروط اجازت دی تھی مگر بلدیاتی ادارے ختم ہوتے ہی قبضہ مافیا نے بلاک نمبر 3-2 میں دوبارہ پھٹے رکھنا شروع کردیئے ہیں اور یہ سلسلہ پختہ تجاوزات کی طرف نکتہ آغاز ہے اگر اسے فوری طور پر نہ روکا گیا تو تجاوزات شہریوں کیلئے وبال جان بن جائیں گی۔ شہریوں نے ایڈمنسٹریٹر بلدیہ سرگودھا سے اس کا فوری نوٹس لینے کا مطالبہ کیا ہے۔
عوام کو صحت مندانہ ماحول کی فراہمی اولین ترجیح ہے، چیئرمین پارکس اینڈ ہارٹیکلچر اتھارٹی سرگودھا
سرگودہا( نمائندہ باغی ٹی وی) پی ایچ اے سرگودھا اپنے قیام کے مقاصد کی تکمیل کو مقدم رکھتے ہوئے سرگودھا کو سر سبز و شاداب روپ دینے کے لئے جامع حکمت عملی کے تحت ہر ممکنہ اقدامات کے فروغ کا سلسلہ جاری رکھے ہوئے ہے، عوام کو صحت مندانہ ماحول کی فراہمی اولین ترجیح ہے اور اس حوالہ سے کوئی دقیقہ فروگذاشت نہیں رکھیں گے، ان خیالات کا اظہار چیئرمین پارکس اینڈ ہارٹیکلچر اتھارٹی سعد اللہ وڑائچ نے رحمت اللعالمین پارک کے ہنگامی دورہ کے دوران کیا۔ انہوں نے کہا کہ حکومت عوام کے روشن، تابناک و صحت مندانہ، محفوظ مستقبل کو یقینی بنانے کے لئے روایت شکن اقدامات کررہی ہے جس کے نتیجہ میں ماحول کی تبدیلی ممکن ہورہی ہے، ملک میں نئے پودے اور درخت لگانے کے حوالہ سے حکومتی کاوشیں کسی تعارف کی محتاج نہیں ورنہ اس سے قبل کسی بھی حکومت نے اس اہم مسئلہ پر کبھی توجہ دینے کی زحمت گوارہ نہیں کی۔ چیئرمین پارکس اینڈ ہارٹیکلچر اتھارٹی سرگودھا سعد اللہ وڑائچ نے رحمت اللعالمین پارک میں جاری ترقیاتی منصوبہ جات کا جائزہ لیتے ہوئے واکنگ ٹریک کو مزید بہتر بنانے کے حوالہ سے ہدایات جاری کرتے ہوئے کہا کہ پارکس میں تفریح اور واک کے لئے آنے والے افراد کو حائل مسائل اور پریشنانی کے خاتمہ کے حوالہ سے گراس روٹ لیول پر کام کرنا ضروری ہے اور اس حوالہ سے غفلت و کوتاہی کسی بھی صورت قبول نہیں کی جائے گی۔
یوم آزادی کے موقع پر ہر شہری اپنے حصے کا ایک درخت لگائے
سرگودھا۔ 30 جولائی (اے پی پی) یوم آزادی کے موقع پر جہاں پاکستانی قوم ملک سے محبت کے اظہار کیلئے اپنی چھتوں پر قومی پرچم لہرائے گی وہاں پر اگر ہر پاکستانی قومی پرچم کیساتھ ایک پودا لگائے تو پاکستان نہ صرف فضائی آلودگی سے پاک ہوگا بلکہ سر سبز و شاداب پاکستان بھی معرض وجود میں آئیگا۔ ان خیالات کا اظہار صدر انجمن تاجران سرگودھا و ایگزیکٹو ممبر سرگودھا چیمبر آف کامرس اینڈ انڈسٹری شفیق الرحمن نے کیا انہوں نے کہا کہ جب تک ٹمبر مافیا کیخلاف سخت کاروائی نہیں کی جاتی اس وقت تک پاکستان سرسبز و شاداب نہیں ہوسکتا اتنے درخت لگائے نہیں جاتے جتنے روزانہ کی بنیاد پر کاٹے جارہے ہیں یہی وجہ ہے کہ موسمیاتی تبدیلی پاکستان کیلئے ہر گزرتے دن کیساتھ خطرے کی گھنٹی بجا رہی ہے شفیق الرحمن نے کہا کہ حکومت یوم آزادی کے موقع پر درختوں کی اہمیت کو اُجاگر کرنے کیلئے یونین کونسل کی سطح پر تحریک چلانے کیلئے اقدامات کرے تاکہ ہر شہری اپنے حصے کا درخت لگائے۔
مولانا فضل الرحمن ختم نبوتؐ مارچ کے نام پر اپنی سیاسی دکانداری چمکا رہے ہیں
سرگودھا۔ 30 جولائی (اے پی پی) مولانا فضل الرحمن ختم نبوتؐ مارچ کے نام پر اپنی سیاسی دکانداری بند کریں مولانا فضل الرحمن بتائیں کہ انہوں نے ختم نبوتؐ مارچ میں کتنی بار ختم نبوتؐ کا ذکر کیا ہے ان خیالات کا اظہار پاکستان تحریک انصاف سپورٹس اینڈ کلچر فیڈریشن ضلع سرگودھا کے صدر راجہ عبدالوہاب نے کیا انہوں نے کہا کہ مولانا فضل الرحمن کا نکتہ نظر اسلام نہیں بلکہ اسلام آباد ہے یہی وجہ ہے کہ وہ اقتدار میں آنے کیلئے اسلام کی سربلندی کی بجائے اسلام آباد کو بند کرنے کی دھمکیاں دے رہے ہیں راجہ عبدالوہاب نے کہا کہ عقیدہ ختم نبوت سے سرشار مسلمان مولانا فضل الرحمن کی سیاست کو سمجھیں وہ ختم نبوتؐ کے نام پر آپ کو اسلام آباد لے جانا چاہتے ہیں ان کی کسی بات میں نہ آئیں کیونکہ ان کی سیاسی دکانداری اب ختم ہوچکی ہے جس کو چمکانے کیلئے انہوں نے ختم نبوتؐ ملین مارچ کا نام دیا ہے جبکہ یہ مارچ اسلام آباد کیلئے ہے۔
بیرون ملک مقیم پاکستانیوں کے مسائل ترجیحی بنیادوں پر حل کیے جائیں گے ۔ شعیب اکمل ہاشمی
بیرون ملک مقیم پاکستانیوں کے مسائل ترجیحی بنیادوں پر حل کیے جائیں گے ۔ شعیب اکمل ہاشمی
ملتان ۔ 29 جولائی (اے پی پی)چیئرمین اوورسیز پاکستانیز کمیشن ضلع ملتان مخدوم شعیب اکمل ہاشمی نے کہا ہے کہ اوورسیز پاکستانیوں کے مسائل ترجیحی بنیادوں پر حل کیے جائیں گے ۔ چیئرمین اوورسیز پاکستانیز کمیشن ضلع ملتان کاچارج سنبھالنے کے بعد شعیب اکمل ہاشمی نے کہاکہ اوورسیز پاکستانی ملکی ترقی میں اہم کردارادا کررہے ہیں ۔ انہوں نے ملکی معیشت کومستحکم کرنے میں اوورسیز پاکستانیوں کے کردار کو سراہا ۔ انہوں نے کہاکہ موجودہ حکومت ان کودرپیش مسائل کوحل کرنے میں کوشاں ہے ۔ انہوں نے اوورسیز پاکستانیوں سے کہاکہ وہ کسی بھی مسئلے کی صورت میں ان سے رابطہ کرسکتے ہیں ۔ انہوں نے یقین دہانی کرائی کہ ان کی شکایات کو بروقت متعلقہ اداروں کو ارسال کردی جائیں گی ۔ شعیب اکمل ہاشمی نے کہاکہ وہ اوورسیز پاکستانیوں کو مزید سہولیات فراہم کرنے کے لئے حکومت کو اپنی تجاویز پیش کرتے رہیں گے ۔
ڈی ایس پیز کی ترقی کےلئے ڈیپارٹمنٹل پروموشن بورڈ کا اجلاس( کل) ہوگا
ڈی ایس پیز کی ترقی کےلئے ڈیپارٹمنٹل پروموشن بورڈ کا اجلاس( کل) ہوگا
لاہور ۔ 29 جولائی(اے پی پی )آئی جی پنجاب پولیس کیپٹن (ر)عارف نواز کی سربراہی میں ڈیپارٹمنٹل پروموشن بورڈکا اجلاس( کل) 31جولائی بروز بدھ کمیٹی روم سنٹرل پولیس آفس میں منعقد ہوگا ۔ اجلاس میں ڈی ایس پی سے ایس پی رینک کی پروموشن کا جائزہ لیاجائیگا ۔ ایس پی رینک پر ترقی کے لیے 77 ڈی ایس پیز کے پیپر شارٹ لسٹ میں شامل ہیں جنہیں گریڈ 17سے 18 میں ترقی دی جائے گی ۔ اس سلسلہ میں نوٹیفکیشن جاری کردیاگیاہے ۔
وفاق کی طرح گلگت بلتستان میں بھی قومی احتساب بیورو کو فعال کیا جائے گا، سید جعفر شاہ
وفاق کی طرح گلگت بلتستان میں بھی قومی احتساب بیورو کو فعال کیا جائے گا، سید جعفر شاہ
گلگت ۔ 29 جولائی (اے پی پی) پاکستان تحریک انصاف گلگت بلتستان کے صدر جسٹس (ر) سید جعفر شاہ سے با بو سے ڈویلپمنٹ آر گنائزیشن کے نمائندہ فد نے ملاقات کرتے ہوئے انہیں صدارت کا عہدہ سنبھالنے پر مبارکباد دی ہے ۔ ملاقات کے دوران پی ٹی آئی کے صدر سید جعفر شاہ نے کہا ہے کہ علاقے کی تعمیر و ترقی اور کرپشن کے خلاف وفاقی حکومت کی طرز پر اقدامات کئے جائیں گے کرپشن ختم کیے بغیر معاشرہ ترقی نہیں کر سکتا، کڑا احتساب وقت کی اہم ہے ۔ انہوں نے کہا کہ وفاق کی طرح گلگت بلتستان میں بھی قومی احتساب بیورو کو فعال کیا جائے گا تاکہ کرپشن کو مکمل طور پر روکا جا سکے ۔ اس موقع پر بابو سے ڈاکٹر حسین علی، افتخار حسین، منظور حسین وسان اور ڈاکٹر اکبر حسین پر مشتمل ڈویلپمنٹ آرگنائزیشن کے نمائندہ وفد نے کہا کہ بابو سے ڈو یلپمنٹ آرگنائز یشن علاقے میں امن و اتحاد اور تعمیر و ترقی کے لئے اپنی مدد آپ کے تحت اقدامات کر رہی ہے اور کرپشن کے خلاف آواز اٹھا تی ہے تاکہ قومی وسائل لوٹنے والوں کا احتساب ہو سکے اور عوام کی وسائل تک رسائی بآسانی ہو سکے ۔
کاشتکار کیڑے مکوڑوں کے خلاف موثر تدارک کےلئے سپرے کرنے کےلئے بہتر طریقہ استعمال عمل میں لائیں ، ڈاکٹر زاہد محمود
کاشتکار کیڑے مکوڑوں کے خلاف مءوثر تدارک کےلئے سپرے کرنے کےلئے بہتر طریقہ استعمال عمل میں لائیں ، ڈاکٹر زاہد محمود
ملتان ۔ 29 جولائی (اے پی پی)سنٹرل کاٹن ریسرچ انسٹیٹیوٹ ملتان کے ڈائریکٹر ڈاکٹر زاہد محمود نے کپاس کے کاشتکاروں سے کہا ہے کہ وہ کیڑے مکوڑوں کے خلاف مءوثر تدارک کے لیے سپرے کرنے کے لیے بہتر طریقہ استعمال عمل میں لائیں تا کہ سپرے کے خاطر خواہ نتاءج حاصل ہو سکیں ۔ انہوں نے کپاس کے کاشتکاروں کو سپرے کے رہنما اصول اختیار کر نے پر زور دیا ہے جس کے مطابق کاشتکاروں کو چاہیے کہ وہ سپرے کرتے وقت منہ پر کپڑا یا ریسپیریٹر ;82;espirator لگائیں یا سپرے کِٹ کا ستعمال کریں ۔ ننگے بدن ہرگز سپرے نہ کریں سپرے مشین کی ٹینکی پانی سے آدھی بھر یں ، پھر زہر ڈالیں اور ٹینکی کو مناسب سطح تک بھریں ۔ زہر پوڈر کی شکل میں ہو تو علیحدہ پانی میں حل کر کے ٹینکی کی چھلنی میں ڈالیں ۔ سپرے کے لئے ہا لو کون نوزل استعمال کریں ۔ نوزلوں کی پھوار باریک اور ایک جیسی ہونی چاہئے ۔ سپرے کے دوران نوزل کی اونچائی فصل سے ڈیڑھ تا دو فٹ رکھیں ۔ تیز ہوا میں سپرے نہ کریں ۔ سپرے صبح یا شام کریں ۔ سپرے اس طرح کی جائے کے کھیت کا کوئی حصہ بغیر سپرے کے رہ نہ جائے ۔ انہوں نے مزید کہا ہے کہ کاشتکار سپرے کرنے کے بعد سپرے مشین کو اچھی طرح دھوئیں ،اس کی صفائی کریں ،کسی اچھے صابن سے اپنے ہاتھوں کو دھولیں اور اور سپرے سے آلودہ کپڑوں کو تبدیل کر لیں اور اگر سپرے سے کسی قسم کا جسمانی نقصان ہو جائے تو فوری طور پر ڈاکٹر سے رجوع کیا جائے
