Tag: baaghi

 کرپٹ اپوزیشن ٹولہ یوم سیاہ کے بعد یوم حساب کی تیاری کرے:صمصام بخاری

شہبازشریف ڈیلی میل اخبارپر کیس کرکے کرپشن نہیں چھپاسکتے قوم جانتی ہے کہ شہبازشریف کے پاس اخبار پر کیس کیلئے لاکھوں پاؤنڈ کہاں سے آئے؟کرپٹ سیاستدانوں کو عوام سے ذرا سی بھی ہمدردی ہے تو لوٹی ہوئی رقوم لوٹا دیں
لاہور26 جولائی: صوبائی وزیر سید صمصام علی بخاری نے کہا ہے کہ شہبازشریف ڈیلی میل اخبارپر کیس کرکے کرپشن نہیں چھپاسکتے۔ قوم جانتی ہے کہ شہبازشریف کے پاس اخبار پر کیس کیلئے لاکھوں پاؤنڈ کہاں سے آئے؟
آج اپنے ایک بیان میں صوبائی وزیر نے کہا کہ کرپٹ اپوزیشن ٹولہ یوم سیاہ کے بعد یوم حساب کی تیاری کرے۔ انہوں نے کہا کہ عوام اپوزیشن ٹولے کی کرپشن پر غضب ناک ہیں۔ آنے والا وقت کرپٹ عناصر کیلئے مزید پریشان کن ثابت ہوگا۔ صوبائی وزیر نے کہا کہ اپوزیشن کا جمہوریت کوخطرے والا بیانیہ بے کار ہوگیاہے۔ عمران خان آئندہ سیاسی منظر کرپشن فری بنانے کیلئے پُرعزم ہیں۔ بدعنوانوں کو سزا دیئے بغیر ملک آگے نہیں بڑھ سکتا۔ سید صمصام علی بخاری نے کہا کہ کرپٹ سیاستدانوں کو عوام سے ذرا سی بھی ہمدردی ہے تو لوٹی ہوئی رقوم لوٹا دیں۔ شریف برادران کا واویلا ان کو احتساب سے نہیں بچاسکتا۔ صوبائی وزیر نے کہا کہ کرپشن زدہ لوگ عوام کی آنکھوں میں دھول نہیں جھونک سکتے۔ اپوزیشن پارٹیوں کا اتحادکرپشن بچاؤ مہم کا حصہ ہے۔

نیب خیبر پختونخوا کا کامرہ ماڈل ٹاءون اٹک کے ما لکان ، انتظامیہ و دیگر افراد کے خلاف تحقیقات کا آغاز

پشاور ۔ 26 جولائی (اے پی پی)چیئرمین قومی احتسا ب بیورو جسٹس جاوید اقبال کے ویژن;34; احتساب سب کے لئے ;34;کو عملی جامہ پہنانے کےلئے قومی احتساب بیورو کوشاں ہے ۔ نیب تر جمان کے مطابق اس سلسلے میں قومی احتساب بیورو خیبر پختو نخوا نے کامرہ ما ڈل ٹاءون اٹک کے مالکان ، انتظامیہ اور دیگر متعلقہ افراد کے خلاف سوساءٹی میں پلاٹ کی خرید و فروخت میں عوامی دھوکہ دہی کے الزام میں تفتیش کا آغاز کردیاہے ۔ تمام متاثرہ افراد جو کہ مذکورہ ہاءوسنگ سوساءٹی میں پلاٹ کے حصول کےلئے اپنی رقوم جمع کروا چکے ہیں اورانہیں ابھی تک پلاٹ یا رقم واپس نہیں ملی وہ افراد اپنی شکایات ادارہ ہذاکی ویب ساءٹ پر دیے گئے پر وفا رمے کے مطابق ڈپٹی ڈائرےکٹر ، (کوارڈینیشن) انویسٹی گیشن ونگ , 3 قومی احتساب بےورو خےبر پختونخوا پی ڈی اے کمپلیکس، بلاک;737373;- ، فےز ;86;- حےات آباد پشاور مےں دفتری اوقات کے دوران مورخہ19 اگست 2019 تک جمع کروا سکتے ہیں ۔ مزید معلومات کےلئے متعلقہ فون نمبر 091-9217554 ر رابطہ کیا جا سکتا ہے ۔

پاکستان تحریک انصاف کا مقصد ملک سے کرپشن کا خاتمہ ہے،رہنماء پی ٹی آئی ملک عدنان خان

پشاور ۔ 26 جولائی (اے پی پی)پاکستان تحریک انصاف کے صوبائی رہنما ملک عدنا ن خان نے کہاہے کہ پی ٹی آئی کا مقصد ملک سے کرپشن کا خاتمہ ہے ،ملکی ترقی اس وقت ممکن ہے جب کرپشن نہ ہو ،جب تک کرپشن کا سلسلہ جاری رہے گا ملک ترقی نہیں کرے گا ۔ ان خیالا ت اظہا رانہوں نے یوسی دھرمہ خیل بنوں میں تحصیل ممبر سجاد خان کی رہائش گاہ پر غرباء میں پریشر پمپس مشینیں تقسیم کرنے کی تقریب سے خطاب کرتے ہوئے کیا ۔ اس موقع پر ضلع کونسل ممبر ملک شکیل خان ،تحصیل ممبر سجاد خان دھرمہ خیل ،سابق ایم این اے مرحوم ملک ناصر خان کے فرزند ملک یاسر خان ،قیصر سورانی ،وقار سورانی ،آفاق نواز ودیگر نے بھی خطاب کیا ۔ ملک عدانان خان نے کہاکہ وزیراعظم خان کی قیادت میں پی ٹی آئی حکومت عوام کوبنیادی سہولیات کی فراہمی کیلئے کوشاں ہے ،وزیراعظم عمران خان عوام کی امیدوں کی واحدکرن ہے جوبہت جلد ملک کوقرضوں کے دلدل سے نکال کرترقی کی منازل طے کریگی ۔

پولیس لائن بنوں میں یاد گار شہداء کا افتتاح

یاد گار دہشت گردی کے خلاف شہید ہونے والوں کی یاد میں تعمیر کی گئی ہے ،ڈی آئی جی بنوں
پشاور ۔ 26 جولائی (اے پی پی)پولیس لائن بنوں میں محکمے کے شہداء کی یاد میں یاد گار شہداء پولیس کا افتتاح کیا ۔ اس موقع پرتقریب کا انعقادکیاگیاجس میں ڈی آئی جی بنوں ریجن عبداللہ خان ، ڈی پی او بنوں یاسر آفریدی،پشاور کرائم جرنلسٹس فورم کے صدر عظمت گل ،جنرل سیکرٹری عالمزیب،نائب صدر حق نواز،زاہد درانی،صدیق ساگر،واجد ہوتی،طاہر ،عامر،شاہ فیصل،فہد شہزاد،کامران،قاری گل رحمان،،ایڈیشنل ایس پی توحید گنڈاپور سمیت دیگر پولیس حکام نے شرکت کی ۔ تقریب سے خطاب کرتے ہوئے ڈی آئی جی عبداللہ خان نے کہاکہ یہ یاد گار دہشت گردی کے خلاف شہید ہونے والے135شہداء کی یاد میں تعمیر کی گئی ہے جس میں سابقہ ایف آر اور موجودہ وزیر سب ڈویژن کے سات لیویز اہلکار بھی شامل ہیں ،ککی ،لکی مروت اور وزیرستان میں بھی یاد گار تعمیر کی جائیں گی ۔ ڈ ی پی او بنوں یاسر آفریدی نے کہا کہ دہشت گردی کے خلاف جنگ میں قربانی دینے والے اہلکاروں اور سول سوساءٹی کے افراد پر ہم فخر کرتے ہیں ان کی قربانیوں کے نتیجے میں آج ہم آزاد فضاء میں سانس لے رہے ہیں ،4 اگست کو ہم عوام کے ساتھ یوم شہداء بھرپور طریقے سے منائیں گے اور شہداء کے خاندانوں کو یہ احساس دلائیں گے کہ پولیس شہداء کے لواحقین کے ساتھ شانہ بشانہ کھڑے ہیں ۔ اس موقع پرڈی آجی جی اورڈی پی اونے یاد گار شہداء پر پھول چڑھائے اورملک کی سلامتی کیلئے خصوصی دعائیں کیں ۔

ہم عمران خان کے سپاہی ہیں ، پارٹی کی خدمت دل و جان سے کرتے رہیں گے،کاکڑبرادران

لاہور ۔ 26 جولائی(اے پی پی )صوبائی وزیر اوقاف پیر سید سعید الحسن شاہ نے کہا ہے کہ وزیر اعظم عمران خان کا دورہ امریکہ انتہائی کامیاب رہا ہے، عمران خان کے دورے امریکہ سے پاکستان کا امیج دنیا بھر میں مضبوط ہوا ہے ۔ ;46; ان خیالات کا اظہار انہوں نے پی ٹی آئی کے عہدیداروں اور ورکروں سے خطاب کر تے ہو ئے کیا ۔ ;46; اس موقع پر نارووال سے تعلق رکھنے والے امجد خان کاکڑ اور نعیم اللہ خان کاکڑ نے پی ٹی آئی میں شمولیت کا اعلان بھی کیا،صوبائی وزیر اوقاف نے کاکڑ برادران کو پاکستان تحریک انصاف میں شمولیت پر خوش آمدید کرتے ہوئے کہا کہ نارووال اب پوری دنیا میں جانا جاتا ہے کیونکہ دربار صاحب کرتار پور میں جاری راہداری منصوبے کے حوالے سے پوری دنیا میں بسنے والے سکھ خوش ہیں ،راہدادری منصوبے کی تکمیل سے نارووال میں ترقی کی نئی راہیں کھلیں گی،صوبائی وزیر نے کہا کہ2018ء کے الیکشن میں ضلع نارووال میں پارٹی کے اہم کارکنوں کو نظر انداز کیا گیا جس کی وجہ سے ضلع بھر سے پی ٹی آئی سیٹیں جیت نہ سکی ،لیکن کاکڑ برادران کی پی ٹی آئی میں واپسی سے ضلع بھر میں پی ٹی آئی مزید مضبوط ہو گی،امجد خان کاکڑ اور نعیم اللہ خان کاکڑ نے اپنے خطاب میں کہا کہ صوبائی وزیر پیر سید سعید الحسن شاہ نے وزیر اعلی پنجاب سے بھی ملاقات کروائی ہے ،جہاں نارووال کی سیاسی صورت حال پر بات چیت ہوئی ہے،وزیر اعلیٰ پنجاب جلد نارووال کا دورہ بھی کریں گے، دربار صاحب کرتار پور میں جاری راہداری منصوبے کے حوالے سے پوری دنیا میں بسنے والے سکھ خوش ہیں ، راہداری منصوبے کی تکمیل سے نارووال میں ترقی کی نئی راہیں کھلیں گی،انہوں نے کہا کہ ہماری پی ٹی آئی میں دوبارہ شمولیت غیر مشروط ہے، ہم کل بھی عمران خان کے سپاہی تھے اور آئندہ بھی پارٹی کی خدمت کرتے رہیں گے ۔

حکومت نے وسائل کا رخ پسماندہ علاقوں کو ترقی یافتہ بنانے کی جانب موڑ دےا ہے، سید رفاقت علی گیلانی

لاہور ۔ 26 جولائی(اے پی پی )سیاسی معاون بر ائے وزیر اعلی پنجاب سید رفاقت علی گیلانی نے کہا ہے کہ پسماندہ علاقوں کی ترقی خصوصاً جنوبی پنجاب کے عوام کی فلاح وبہبود کےلئے جاری منصوبوں کی نگرانی و مانیٹرنگ حکومت باریک بینی سے کر رہی ہے،تحرےک انصاف کی حکومت نے وسائل کا رخ پسماندہ علاقوں کو ترقی یافتہ بنانے کی جانب موڑ دےا ہے ،ا پنے آبائی حلقہ سے آئے وفد سے ملا قات میں انہوں نے کہا کہ جنوبی پنجاب کےلئے مختص فنڈز کسی اورمنصوبے ےا شہرکو منتقل نہےں ہوسکےں گے،جنوبی پنجاب کے عوام کو ماضی مےں دلفرےب نعروں سے بہلاےا گےا، سابق دور میں نمائشی منصوبوں پر قومی وسائل ضائع کئے گئے،انہوں نے کہا کہ سابق حکمرانوں نے جنوبی پنجاب کےلئے صرف زبانی جمع خرچ سے کام چلاےا،جنوبی پنجاب کے عوام نے سابق حکمرانوں کی زےادتےوں کا بدلہ عام انتخابات مےں انہےں شکست دے کرلےا،انہوں نے کہا کہ تحرےک انصاف کی حکومت جنوبی پنجاب کے عوام کو ان کا حق لوٹا رہی ہے، جنوبی پنجاب کے عوام کے مسائل کا اندازہ ہے، جنوبی پنجاب کے پسماندہ علاقوں کے عوام کی محرومیوں کوخوشحالی میں بدلیں گے،انہوں نے کہا کہ وزیراعظم عمران خان کوامریکہ میں تاریخ ساز پذیرائی اور سفارتی محاذ پر بڑی کامیابیاں ملی ہیں ، امریکی صدر کی مسئلہ کشمیر پر ثالثی کی پیشکش پاک بھارت تنازعات کے حل میں اہم کردار ادا کرے گی، پاکستان اور امریکہ کے تعلقات میں بہتری ;200; رہی ہے اور وزیراعظم عمران خان کا دورہ امریکہ تعلقات کو نئی جہت دے گا، وزیراعظم عمران خان نے قومی مفادات کو مقدم رکھا، وزیراعظم کے دورہ امریکہ سے پاک امریکہ تجارتی و معاشی تعلقات کو فروغ ملے گا، انہو ں نے کہا کہ پاکستان کو بین الاقوامی سطح پر تنہا رکھنے کی سازش کرنے والوں کو ناکامی کا منہ دیکھنا پڑا، مخالفین کو ہوش کے ناخن لینے چاہئیں ،وزیراعظم عمران خان پاکستان کی ترقی و خوشحالی کیلئے نئی سوچ اور نئے وژن کے تحت ;200;گے بڑھ رہے ہیں اور انشاء اللہ وزیراعظم عمران خان کی قیادت میں وطن عزیز اپنی اصل منزل حاصل کرے گا ۔

پی سی بی کا امام الحق کی وائرل ہونے والی گفتگو اور تصاویر پر تبصرہ کرنے سے انکار

لاہور ۔ 26 جولائی(اے پی پی ) پاکستان کرکٹ بورڈ نے کرکٹر امام الحق کے بارے میں مبینہ طور پر لڑکیوں کو بیوقوف بنانے اور دھوکہ دینے کے الزامات پر تبصرہ کرنے سے گریز کرتے ہوئے کہا کہ یہ امام الحق کا ذاتی معاملہ ہے ۔ ذراءع ابلاغ کی رپورٹس کے مطابق مبینہ طور پر ایک خاتون کے نام سے چلنے والے ٹوءٹر اکاءونٹ میں الزام لگایا گیا تھا کہ امام الحق کی بیک وقت کئی لڑکیوں سے دوستی تھی اور وہ ہر لڑکی کو یقین دلاتے رہے کہ ان کی کسی اور لڑکی سے دوستی نہیں ہے ۔ ان الزامات پر امام الحق کا کوئی موقف ابھی تک سامنے نہیں آیا ۔

مقامی مارکیٹ میں فی کلو اشیائے خوردونوش کے بھاءو

لاہور ۔ 26 جولائی (اے پی پی) مقامی مارکیٹ میں جمعہ کے روز اشیائے خوردونوش کے جاری کردہ بھاءو اس طرح ر ہے ۔ چاول باسمتی (سپر کرنل) نیا130 تا 140 روپے فی کلو ، چینی72 روپے اور گڑ100 روپے فی کلو فروخت ہوا ۔ اسی طرح سفید چنا 110 روپے، سیاہ چنے98 ، دال چنا 108روپے سے110 ، مونگ ثابت140تا150، دال مونگ دھلی ہوئی165 روپے، ماش ثابت 145روپے، دال ماش دھلی ہوئی 165روپے اور بیسن 108روپے فی کلو تک فروخت ہوا ۔