Tag: baaghi

صوبائی دارالحکومت میں فی کلو سبزیوں کی قیمتیں

لاہور ۔ 26 جولائی (اے پی پی) مقامی مارکیٹ میں جمعہ کو سبزیوں کی جاری کردہ قیمتیں اس طرح رہیں ۔ آلو نیا کچا چھلکا 20سے22 روپے فی کلو، پیاز37سے39 روپے اور ٹماٹر 42 سے44 روپے فی کلو فروخت ہوا ۔ اسی طرح ادرک چائنہ238 سے 244 روپے، پالک15 سے16، بینگن42 سے44 ، بھنڈی توری42سے44،کریلا54سے56، گھیا کدو58 سے61، مٹر110 سے115، اروی59سے 62 ، شملہ مرچ75 سے78، پھول گوبھی58 سے 61، بند گوبھی46 سے48، شلجم30 سے32 اور مولی13سے14روپے فی کلو رہی ۔

نواز انجم کے سٹیج ڈرامہ ’’چل جھوٹی‘‘کی نمائش جاری

لاہور ۔ 26 جولائی (اے پی پی) کامیڈین ورسٹائل اداکار نواز انجم کے سٹیج ڈرامہ ’’چل جھوٹی‘‘ کی نمائش الحمراء ہال نمبر ایک مال روڈ لاہور میں جاری ہے ۔ یہ ڈرامہ گزشتہ جمعہ سے پیش کیا گیا جس میں تابیر برال، سرفراز وکی، پائل چوہدری زوہا چوہدری، لکی ڈیر، صابر گا گا سمیت دیگر فنکار کام کر رہے ہیں ۔ اداکار نواز انجم نے اے پی پی سے گفتگو کرتے ہوئے کہا کہ شائقین اسلامی اور معیاری سٹیج ڈرامہ پسند کرتے ہیں ، کوشش کی گئی ہے کہ یہ ڈرامہ شائقےن کی امیدوں پر پورا اترے ۔

پنجابی فلم ’’چل میرا پت‘‘ نمائش کیلئے پیش

لاہور ۔ 26 جولائی (اے پی پی) پنجابی فلم ’’چل میرا پت‘‘ گزشتہ جمعہ کے روز سے نمائش کیلئے پیش کر دی گئی ۔ پنجابی فلم میں بھارتی و پاکستانی کامیڈینز نے ایک ساتھ کام کیا ہے ۔ فلم کی کاسٹ میں پاکستانی کامیڈین افتخار ٹھاکر ، ناصر چنیوٹی اور اکرم اداس جبکہ بھارتی اداکار امرندر گل، سیمی چہل کیساتھ دیگر فنکار شامل ہیں ، فلم میں تمام کامیڈینزنے اپنے کردار بخوبی نبھائے ہیں ۔ فلم کی کہانی غیر قانونی طور پر بیرون ملک سفرکرنے والے افراد اور پردیس میں انکو درپیش مشکلات پر مبنی ہے امید کی جارہی ہے کہ فلم کو بنانے میں جو محنت کی گئی ہے وہ شائقین سینما کو اس فلم کی کامیڈی اور کہانی دیکھ کر نظر آئے گی، اور شائقین سے اسے داد ملے گی ۔

پی سی بی نے صحافیوں کےلئے سیزن 20 ۔ 2019ء کی میڈیا رجسٹریشن کا آغاز کردیا

لاہور ۔ 26 جولائی(اے پی پی ) پاکستان کرکٹ بورڈ کے میڈیا، کمیونیکیشن اینڈڈیجیٹل ڈیپارٹمنٹ کی جانب سے صحافیوں کے لیے سیزن 20;245;2019ء کی میڈیا رجسٹریشن کا آغاز کردیاگیا ہے ۔ یہ عمل 16اگست،2019 ء بروز جمعہ شام 5 بجے تک جاری رہے گا ۔ پی سی بی ترجمان کیمطابق میڈیا رجسٹریشن کے لئے اس ویب ساءٹ پر جا کر کواءف پورا کرنے کے بعد رجسٹریشن مکمل ہو گی ۔ مقررہ وقت کے بعد تمام منظور شدہ درخواست گزاروں کو میڈیا پاسز جاری کردیئے جائیں گے ۔ میڈیا پاسز کے حامل نمائندگان کو پی سی بی ڈومیسٹک کرکٹ ٹورنامنٹس، تقریبات اور پریس کانفرنسز میں شرکت کی سہولت ہوگی ۔ انہوں نے بتایا کہ میڈیا رجسٹریشن کا یہ عمل سیزن 20;245;2019ء کے دوران ہونے والے پاکستان کرکٹ بورڈ کے ہوم انٹرنیشنل میچوں اور پاکستان سپر لیگ 2020ء کی ایکریڈیٹیشن نہیں ہے ۔ ان ایونٹس کیلئے پی سی بی کی جانب سے میڈیا ایکریڈیٹیشن کا عمل بھی جلد شروع کردیا جائے گا ۔ انہوں نے بتایا کہ میڈیا رجسٹریشن پورٹل کا مقصدتمام صحافیوں کے تازہ ترین کواءف حاصل کرنا ہے ۔ پاکستان کرکٹ بورڈنے محض صحافیوں کی حفاظت اور سکیورٹی کو یقینی بنانے کے لیے اس عمل کا آغاز کیا ہے ۔ رجسٹرڈ صحافیوں کی حفاظت اور سیکورٹی کے پیش نظر غیررجسٹرڈ میڈیا نمائندگان کو پاکستان کرکٹ بورڈ کے احاطہ میں داخلے کی اجازت نہیں ہوگی ۔