Tag: baaghi

معاشرے سے بدعنوانی کا خاتمہ پاکستان تحریک انصاف کا بنیادی مقصد ہے،معاشرے سے بدعنوانی کا خاتمہ پاکستان تحرےک انصاف کا بنیادی مقصد ہے اور جنگلی حیات خیبرپختونخوا

پشاور ۔ 24 جولائی (اے پی پی)خیبرپختونخوا کے وزیر جنگلات و ماحولیات اور جنگلی حیات سید محمد اشتیاق ارمڑ نے کہا ہے کہ صوبائی حکومت نے صوبے کو ترقی کی راہ پر گامزن کر دیا ہے، معاشرے سے بدعنوانی کا خاتمہ پاکستان تحریک انصاف کا بنیادی مقصد ہے ۔ ان خےالات کا اظہار انہوں نے پشاور میں ایک تقریب سے خطاب کرتے ہوئے کیا ۔ اشتیا ق ارمڑ نے کہا کہ صوبائی حکومت کی انقلابی اور تاریخی فیصلوں سے آج اداروں کا نقشہ بدل گیا ہے اور اداروں میں اقدامات اور اصلاحات موجودہ حکومت کا بڑا کارنامہ ہے، صوبہ بھر بشمول ضم شدہ اضلاع کے عوام کو مفت علاج ومعالجے کی فراہمی کے لئے صحت انصاف کارڈ کا اجرا کیا گیا ہے ۔ انہوں نے کہا کہ ملک مےں ٹےلنٹ کی کوئی کمی نہیں ہے، نوجوان نسل کا مستقبل تاریک نہیں ہوگا غرےب اور امیر دونوں کے بچوں کا مستقبل روشن ہوگا ، انہیں یکساں نظام تعلیم کے مواقع میسر ہوں گے اور روزگار کے مواقع فراہم ہوں گے اور ان کی محرومی ختم ہوگی ۔ انہوں نے کہا کہ پی ٹی آئی کے قائد اور وزیراعظم پاکستان عمران خان کی ولولہ انگیز قےادت کی بدولت ملک سے بد امنی کا خاتمہ ہو رہا ہے اور عوام کرپٹ اور سازشی عناصر کے خلاف متحد ہےں ، ملک بھر میں تحریک انصاف کی مقبولیت سے مخالفین کی نیندیں حرام ہوئی ہےں ۔

گلگتت بلتستان کے پہلے انڈسٹریل زون مناور کا ماسٹر پلان تیار

30کروڑ روپے کی لاگت سے سٹرکیں ، انڈسٹریل اور کمرشل پلاٹس تعمیر کئے جائیں گے
گلگت ۔ 24 جولائی (اے پی پی) گلگتت بلتستان کے پہلے انڈسٹریل زون مناور کا ماسٹر پلان تیار کرلیاگیا ۔ سرکاری زراءع کے مطابق ماسٹر پلان کے تحت 30کروڑ روپے کی لاگت سے سٹرکیں ، انڈسٹریل اور کمرشل پلاٹس تعمیر کئے جائیں گے ۔ مناور انڈسٹریل زون گلگت بلتستان کا پہلا صنعتی زون ہوگا جو 194;46;18ایکڑ پر محیط ہوگا ۔ اس زون میں فوڈ پراسیسنگ پلانٹس لگائے جائیں گے، جہاں گلگت کے مقامی پھلوں سے مختلف اقسام کی مصنوعات تیار کی جائیں گی، زون میں زرعی ادویات و آلات کی تیاری کے کارخانے بھی لگائے جائیں گے جبکہ قیمتی پتھروں کی کٹنگ اور پالیشنگ کے ساتھ ماربل اور تعمیراتی مٹیریل بھی تیار ہوں گے ۔ ماسٹر پلان کے تحت انڈسٹریل زون میں فوڈ پراسیسنگ اور وئیر ہاءوسز کیلئے 94کنال اراضی، زرعی ادویات و آلات کیلئے 183 کنال، جیمز سٹون ماربل تعمیراتی میٹریل کیلئے 247کنال اراضی مختص ہوگی ۔ ماسٹر پلان میں مین روڈ کی چوڑائی 120فٹ ہو گی جبکہ 60اور30فٹ کی رابطہ سڑکیں بھی ہوں گی ۔ مناور انڈسٹریل زون کے گرڈ سٹیشن کے لئے 13کنال ،کمیونٹی سنٹر کیلئے 16کنال ، ٹریمنٹ پلانٹ کیلئے 25کنال ، سولڈ ویسٹ 3کنال، ہسپتال کیلئے 10کنال زمین مختص کی گئی ہے، مسجد سکول اور پارک کیلئے بھی جگہ مختص کی گئی ہے، انڈسٹریل زون کے دفاتر کیلئے 20کنال کے کمرشل پلاٹس ہوں گے جبکہ 2کنال 3کنال تا16کنال کے انڈسٹریل پلاٹس ہوں گے جس میں انڈسٹریل پلاٹس کیلئے 95;46;70ایکٹر ، کمرشل ایریاز کیلئے 2;46;76ایکٹر، ٹریٹمنٹ پلانٹ کیلئے15;46;11 ایکڑ، گرین بیلٹ کیلئے27;46;8ایکٹر، مین اور لنک روڈ کیلئے 48;46;88ایکٹر، رہائشی کالونی کیلئے4;46;64 ایکڑ زمین مختص ہو گی ۔ انڈسٹریل زون کو 4بلاکس میں تقسیم کیا گیا ہے جس کے تحت 2کنال کے 161پلاٹس، 3کنال کے 19پلاٹس، 4کنال کے 92پلاٹس، 8کنال کے 17، 12کنال کا ایک پلاٹ اور 16کنال کے 4 پلاٹس ہوں گے ۔

محکمہ تعلیم کا بلتستان میں تمام سرکاری سکولز گرمیوں کی چھٹیوں کے لئے 20 روز بند کرنے کا حکم

گلگت ۔ 24 جولائی (اے پی پی)محکمہ تعلیم نے بلتستان میں تمام سرکاری سکولز گرمیوں کی چھٹیوں کے سلسلے میں 20 روز بند کرنے کا حکم جاری کردیا، سرکاری سکولز 25جولائی سے 13 اگست تک بند رکھنے کا فیصلہ کیا گیا ہے ۔ تنظیم اساتذہ ایک دفعہ پھر محکمہ تعلیم کے اعلی افسران سے مطالبات منوانے میں کامیاب ہوگئی ہے ۔ ادھر مختلف حلقوں اور طلبہ کے والدین نے محکمہ تعلیم کی طرف سے اس فیصلے پر حیرانگی کا اظہار کیا ہے اور کہا ہے کہ سردیوں کی چھٹیوں میں توسیع بھی اساتذہ کی اپنی خواہش اور ڈیمانڈ پر کی گئی تھی اور اب گرمیوں کی چھٹیوں میں کٹوتی کا فیصلہ بھی اساتذہ کے دباءو میں آکر واپس لیاگیا ہے ۔ اساتذہ کا موقف تھا کہ جولائی کے آخری ہفتے سے لیکر اگست کے پہلے ہفتے میں پورے بلتستان میں ربیع کی فصل کی کٹائی شروع ہوتی ہے لہذا دس روز کم چھٹی کسی بھی صورت میں قابل قبول نہیں ہوگی ۔ ان کا یہ کہنا ہے کہ سردیوں کی چھٹیوں میں دس روز کا اضافہ محض محکمانہ فیصلہ تھا اس میں اساتذہ کا کوئی عمل دخل نہیں تھا لہذا گرمیوں کے20 روز کی چھٹیوں میں دس روز کی کٹوتی اساتذہ کو قبول نہیں ہے ۔ والدین کا کہنا ہے کہ سرکاری سکولوں کے اساتذہ آرام طلب ہوگئے ہیں اور انہیں بچوں کا مستقبل تباہ ہونے کا کوئی احساس نہیں ہے اس لئے وزیراعلی اور چیف سکرٹری گلگت بلتستان کو معاملے کا نوٹس لینا ہوگا ۔

چیف سیکرٹری گلگت بلتستان کا قمری ڈسپنسری کی تحقیقات کا حکم

گلگت ۔ 24 جولائی (اے پی پی) چیف سیکرٹری گلگت بلتستان نے 13سال سے التوا کا شکار قمری ڈسپنسری کی تحقیقات کا حکم دیدیا ۔ تفصیلات کے مطابق گریز یوتھ موومنٹ کے ایک نماندہ وفد نے چیف سیکرٹری گلگت بلتستان سے ملاقات کی وفد میں محمد طارق حسین،سلیم اللہ میر اور عبدالمناف شامل تھے ۔ وفد کی سفارش پر چیف سیکرٹری گلگت بلتستان نے پلاننگ ڈیپارٹمنٹ کو موقع پر ہی اس کی تحقیقات کرکے رپورٹ پیش کرنے کا حکم بھی دیا ۔ قبل ازیں وفد نے چیف سیکرٹری کو منی مرگ قمری اور کلشی کے عوام کو درپیش چیدہ چیدہ مسائل سے آگاہ کرنے سمیت قمری ڈسپنسری کو گزشتہ 13سال سے التوا اور عدم توجہی کا شکار ہونے سے بھی آگاہ کیا اور اس متعلق تحقیقات کی سفارش کی ۔ تحقیقات کا فوری حکم جاری کرنے پر وفد نے چیف سیکرٹری کا شکریہ ادا کیا اور پلاننگ ڈیپارٹمنٹ سے امید ظاہر کی کہ وہ جلد تحقیقات کرکے رپورٹ پیش سیکرٹری تک پہنچاکر قمری کلشی کے عوام کو صحت کی سہولیات پہنچانے میں بھر کردار ادا کرے گا ۔ واضح رہے کہ گریز یوتھ موومنٹ کی جانب سے اس سے قبل وزیر اعلی اور سابق ڈائریکٹر ہیلتھ گلگت بلتستان ڈاکٹر بسم اللہ خان کو بھی اس معاملے سے آگاہ کیا جا چکاہے ۔

ملیر کی سڑکوں کی تعمیر و درستگی ہماری ترجیحات میں شامل ہیں ، جان محمد بلوچ

کراچی ۔ 24 جولائی (اے پی پی) چےئرمین بلدےہ ملیر جان محمد بلوچ نے کہا ہے کہ بلدیہ ملےر کی مرکزی و ذیلی شاہراہ کی تعمےر و درستگی ہماری ترجیحات میں شامل ہیں ، عوام کو دشوارےوں سے بچانے کےلئے ہر ممکن اقدامات کر رہے ہےں ۔ ان خیالات کا اظہار انہوں نے یوسی10 قریش محلہ آسو گوٹھ میں روڈ کا افتتاح کرتے ہوئے کیا ۔ اس موقع پر سپرنٹنڈنٹ انجینئر نصراللہ میمن، ڈائرےکٹر انفارمیشن سلیم خان بھی موجود تھے ۔ چیئرمین بلدیہ ملیر جان محمد بلوچ سے یو سی کے بلدیاتی نمائندوں نے گفتگوکرتے ہوئے بتایا کہ ہماری یو سی کے دیرینہ مسئلے کو حل کرنے پر عوام کی جانب سے ہم آپ کا شکریہ ادا کرتے ہیں ، ترجیحی بنیاد پر ہماری یو سی کی دیگر ترقیاتی سکی میں بھی منظور کی گئی ہیں ، ان اسکیموں کی تکمیل سے یو سی غازی داءود بروھی میں واضح تبدیلی نظر آئے گی ۔ چیئرمین بلدیہ ملیر نے عوام سے اپیل کرتے ہوئے کہا کہ بلدیاتی نمائندے عوام کے بہتر مفادات کو مد نظر رکھتے ہوئے ترجیح بنیادوں پر ترقیاتی منصوبے مکمل کروا رہے ہیں ، ان منصوبوں کی حفاظت کریں ۔

پاک قطر تکافل میں اوریکل انٹرپرائز کی پلاننگ اور بجٹنگ کلاءوڈ سروس کیلئے تقریب کا انعقاد

کراچی ۔ 24 جولائی (اے پی پی) پاک قطر تکافل نے اوریکل انٹرپرائزپلاننگ اینڈ بجٹنگ کلا ءوڈ سروس کی تنصیب اور عمل درآمد کیلئے اوریکل سسٹمز پاکستان اور انٹیگریشن ایکسپرٹس کی ٹیم کے ساتھ مشترکہ طور پر اپنے ہیڈ آفس میں ایک تقریب کا انعقاد کیا ۔ بدھ کو جاری کردہ اعلامیہ کے مطابق تقریب میں پاک قطر فیملی تکافل کے چیف ایگزیکٹو آفیسر ناصر علی سیّد، پاک قطر تکافل کے چیف فنانشل آفیسر اور کمپنی سیکریٹری محمد کامران سلیم، اوریکل سسٹمز پاکستان کے سیلز منیجر وجاہت جاوید بخاری اور انٹیگریشن ایکسپرٹس کے بانی اور منیجنگ پارٹنر عمیر اعظم نے شرکت کی ۔ پاک قطر فیملی تکافل لمیٹڈ پاکستان کی پہلی اور سب سے بڑی تکافل کمپنی ہے ۔ کمپنی کا پیڈ اپ کیپیٹل انڈسٹری میں سب سے زیادہ 13 بلین روپے سے زائد ہے ۔ پاک قطر فیملی تکافل کا ایک آزاد شریعہ ایڈوائرزری بورڈ ہے ۔ یہ بورڈ شریعہ کمپلائنس کیلئے تمام پراڈکٹس اور آپریشنز کی تصدیق کرتا ہے ۔ کمپنی کے شیئر ہولڈرز میں قطر کے نمایاں مالیاتی ادارے شامل ہیں جن میں قطر اسلامک انشورنس کمپنی، قطر انٹرنیشنل اسلامک بینک اور مصرف الرّیان شامل ہیں ۔

آجی جی سندھ سے وفاق المدارس العربیہ پاکستان کے پانچ رکنی وفد کی ملاقات

کراچی ۔ 24 جولائی (اے پی پی) آئی جی سندھ ڈاکٹر سید کلیم امام سے سینٹرل پولیس آفس کراچی میں وفاق المدارس العربیہ پاکستان کے پانچ رکنی وفد نے مولانا ابراہیم کی سربراہی میں ملاقات کی ۔ اس موقع پر ایڈیشنل آئی جی اسٹیبلشمنٹ اینڈ ٹریننگ بھی موجود تھے ۔ بدھ کو جاری کردہ اعلامیہ کے مطابق وفد نے کراچی میں امن و امان کی صورتحال پر تفصیلی تبادلہ خیال کرتے ہوئے پولیس کے مجموعی امور و اقدامات پر اپنے اطمینان کا اظہار کیا اور اپنی جانب سے ہر ممکن تعاون کی یقین دہانی کرائی ۔

حضرت لال شہباز قلندر ;231; ایس ایس بی ٹرافی شوٹنگ بال ٹورنامنٹ (کل) شروع ہوگا

کراچی ۔ 24 جولائی (اے پی پی) فردوس اتحاد سوشل ویلفیئر اینڈ اسپورٹس آرگنائزیشن کے زیر اہتمام واحد اسپورٹس شوٹنگ بال کلب کورنگی اور ڈسٹرکٹ کورنگی شوٹنگ بال ایسوسی ایشن کے اشتراک اور سندھ اسپورٹس بورڈ حکومت سندھ کے تعاون سے ’’حضرت لال شہباز قلندر;231; ایس ایس بی ٹرافی شوٹنگ بال ٹورنامنٹ‘‘ کا آغاز 26 تا 28 جولائی واحد اسپورٹس شوٹنگ بال کمپلیکس کورنگی کراچی پر منعقد ہوگا ۔ بدھ کو جاری کردہ اعلامیہ کے مطابق ٹورنامنٹ کا افتتاح 26 جولائی جمعہ شام 4 بجے پاکستان اسپورٹس ویلفیئر ایسوسی ایشن کی صدر شاہدہ پروین کیانی کریں گی ۔ ٹورنامنٹ میں شہر کراچی کی 8 معروف شوٹنگ بال ٹی میں مد مقابل ہوں گی، ٹورنامنٹ کا گرینڈ فائنل 28 جولائی کو کھیلا جائے گا ۔

پاکستان تحریک انصاف کے اراکین سندھ اسمبلی ارسلان تاج گھمن اور رابعہ اظفر نے فریال تالپور کی نا اہلی کیلئے الیکشن کمیشن میں درخواست دائر کردی

کراچی ۔ 24 جولائی (اے پی پی) پاکستان تحریک انصاف کے اراکین اسمبلی ارسلان تاج گھمن اور رابعہ اظفر نے فریال تالپور کی نا اہلی کیلئے الیکشن کمیشن میں درخواست دائر کردی ۔ پاکستان تحریک انصاف سے بدھ کو جاری کردہ اعلامیہ کے مطابق درخواست میں موقف اختیار کیا گیا ہے کہ رکن سندھ اسمبلی و رہنما پیپلز پارٹی فریال تالپور کی شہداد کوٹ اور لاڑکانہ میں جائیدادیں ہیں ، فریال تالپور نے اپنی تین جائیدادوں کو الیکشن کمیشن سے چھپایا ۔ فریال تالپور ;200;ئین کی شق (62 ایف) کے تحت صادق و امین نہیں رہیں لہذا فریال تالپور سندھ اسمبلی کی رکنیت کی اہل نہیں رہیِں ، انہیں نا اہل قرار دیا جائے ۔ درخواست میں مزید کہا گیا کہ 22 جون 2019 کو اسپیکر سندھ اسمبلی ;200;غا سراج درانی کو درخواست دی، قواعد کے تحت اسپیکر سندھ اسمبلی نے درخواست پر30 روز میں عملدر;200;مد کرنا ہوتا ہے،30 روز گزرنے کے باوجود اسپیکر سندھ اسمبلی نے درخواست پر عملدر;200;مد نہیں کیا ۔ بعد ازاں میڈیا سے گفتگو کرتے ہوئے رکن سندھ اسمبلی و رہنما پاکستان تحریک انصاف ارسلان تاج گھمن نے کہا کہ 22 جون کو اسپیکر سندھ اسمبلی ;200;غا سراج درانی کو فریال تالپور کی نا اہلی کی درخواست دی تھی، فریال تالپور نے اپنی تین جائیدادیں ظاہر نہیں کیں ، فریال تالپور نے لاڑکانہ اور شہداد کوٹ میں اپنی جائیداد چھپائی، اسپکر سندھ اسمبلی نے قانون کے مطابق 30 دن گزرنے کے باوجود کوئی فیصلہ نہیں کیا، اسپیکر کو دی جانے والی درخواست کی کاپی الیکشن کمیشن کو بھی فراہم کی تھی، منور تالپور کے خلاف بھی جلد الیکشن کمیشن سے رجوع کریں گے، منور تالپور نے بھی فریال تالپور کی جائیدادیں ظاہر نہیں کیں جس کے خلاف کارروائی ہونی چاہیے ۔