Baaghi TV

Tag: bollywood

  • اداکار ستیش کوشک دل کا دورہ پڑنے سے 66 سال کی عمر میں چل بسے

    اداکار ستیش کوشک دل کا دورہ پڑنے سے 66 سال کی عمر میں چل بسے

    بالی وڈ اداکار اور فلم ساز ستیش کوشک 66 سال کی عمر میں دنیا سے رخصت ہو گئے ہیں.انڈین ایکسپریس کے مطابق ستیش کوشک کا انتقال این سی آر میں دل کا دورہ پڑنے سے ہوا۔ ستیش کوشک کسی سے ملنے جا رہے تھے کہ راستے میں ہی ان کی طبیعت خراب ہوگئی اور کار میں انہیں دل کا دورہ پڑا جو کہ جان لیوہ ثابت ہوا۔ستیش کوشک نیشنل اسکول آف ڈرامہ اور فلم اینڈ ٹیلی ویژن انسٹی ٹیوٹ آف انڈیا کے سابق طالب علم تھے۔ انوپم کھیر این ایس ڈی میں ان کے بیچ میٹ تھے۔ستیش کوشک نے مسٹر انڈیا میں ‘کیلنڈر’ کا کردار ادا کیا تھا، اور یہ ان کے سب سے قابل ذکر کرداروں میں سے

    ایک ہے انکو اس کردار کے بعد بے حد پذیرائی ملی تھی۔ ستیش کوشک نے لاتعداد فلموں میںاہم کردار نبھائے جن میں دیوانہ مستانہ، رام لکھن، ساجن چلے سسرال ودیگر کے نام قابل زکر ہے. انہوں نے مشہور زمانہ فلم روپ کی رانی چوروں کا راجہاور تیرے نام جیسی فلموں کی ہدایت کاری کی۔ستیش کوشک کی بطور ہدایتکار فلم تیرے نام نے ان کو کامیاب ڈائریکٹروں کی صف میں لا کر کھڑا کر دیا گو کہ اس سے پہلے بھی ستیش کوشک اپنے نام کالوہامنواچکے تھے. ستیش کےانتقال پر پورا بالی وڈ سوگ میں ڈوبا ہوا ہے.

  • عمران عباس پاکستانی ڈراموں‌پر انڈین موویز کو کیوں ترجیح دے رہے ہیں؟‌

    عمران عباس پاکستانی ڈراموں‌پر انڈین موویز کو کیوں ترجیح دے رہے ہیں؟‌

    اداکار عمران عباس جنہوں نے پاکستانی ڈراموں میں اپنا نام اور مقام بنایا یہاں تک کہ ان کی شہرت ہمسایہ ملک میں بھی جا پہنچی اور انہیں‌بالی وڈ کی بھی کچھ فلمیں آفر ہوئیں انہوں نے بی پاشا باسو کے ساتھ بھی کام کیا. عمران عباس اپنی مرضی کے مطابق کام کرتے ہیں ، انہوں نے حال ہی میں ایک پروگرام میں شرکت کی اور ان سے سوال ہوا کہ وہ پاکستانی فلموں میں نظر نہیں آرہے جبکہ بھارتی فلموں کی شوٹنگ تو کررہے ہیں اور اس سوال کے جواب

    میں انہوں نے کہا کہ پاکستان میں جو فلمیں بن رہی ہیں میں ان سے مطمئن نہیں ہوں اور اس وقت جن سکرپٹس پر کام ہو رہا ہے وہ ٹھوس نہیں ہیں‌ نہایت ہی کمزور ہیں اسلئے میں پاکستانی فلمیں کرنے کی بجائے انڈین فلمیں کررہا ہوں . انہوں نے کہا کہ ابھی پاکستانی فلموں میں کام کرنے کا وقت ٹھیک نہیں ہے جب ہو گا کر لوں گا. یاد رہے کہ عمران عباس پاکستانی ڈرامہ انڈسٹری کا ایک بہت بڑا نام ہیں. ان کے کریڈٹ پر سپر ہٹ ڈرامے ہیں انہوں نے خدا اور محبت جیسے ڈراموں میں اداکاری کرکے اپنے فن کا لوہا منوایا .

  • آئزہ خان کس بات پر ہیں خوش ؟‌

    آئزہ خان کس بات پر ہیں خوش ؟‌

    چھوٹی سکرین کی بڑی اداکارہ آئزہ خان جو کہ ایک بڑی فین فالونگ رکھتی ہیں ، ان کے مداحوں میں ایک باپر پھر خوشی کی لہر دوڑ گئی ہے کیونکہ ان کو ایک بار پھر پیارے افضل کی جوڑی ایک ساتھ دکھائی دے گی. جی ہاں‌آئزہ خان اور حمزہ علی عباسی ڈرامہ سیریل جان جہاں میں ایک ساتھ نظر آئیں گے. آئزہ خان نے حال ہی میں اپنے انسٹاگرام اکائونٹ پر ڈرامےکا ٹیزر شئیر کیا اور اپنے مداحوں کے ساتھ خوشی کااظہار کرتے ہوئے کہا کہ مجھے بہت خوشی ہے کہ میں اور حمزہ علی عباسی ایک بار پھر ایک ساتھ کام کرنے جا رہے ہیں. انہوں نے سوشل

    میڈیا پر یہ بھی لکھا کہ جان جہاں ڈرامہ پیارے افضل سے بھی زیادہ بڑا ہٹ ثابت ہو گا. مجھے امید ہے کہ میرے اور حمزہ کے مداح ایک بار پھر ہم دونوں کی جوڑی کو سراہیں گے. یاد رہے کہ حمزہ علی عباسی اور آئزہ خان کی جوڑی کو بہت سراہا جاتا ہے انہیں ایک ساتھ دیکھنے کےلئے شائقین بےتاب نظر آتے ہیں. دوسری طرف حمزہ علی عباسی کی فلم دا لیجنڈ آف مولا جٹ ہٹ ہوئی ہے اور وہ بجائے فلم میں نظر آنے کے وہ ایک بڑی فلم دینے کے بعد چھوٹی سکرین کا رخ کررہے ہیں.

  • فہد شیخ نے نازش جہانگیر کو مشکل اداکارہ قرار دیدیا

    فہد شیخ نے نازش جہانگیر کو مشکل اداکارہ قرار دیدیا

    ٹی وی ڈراموں کے معروف اداکار فہد شیخ نے حال ہی میں ایک انٹرویو دیا ہے اس میں ان کو تین اداکاروں کے نام بتائے گئے یشمی گل ، نازش جہانگیر اور مشعل ، اور پوچھا گیا کہ ان میں سے کونسی اداکارہ کے ساتھ کام کرنا مشکل ہے اور کس اداکارہ کے ساتھ کام کرنے سے پہلے چار بار سوچیں گے تو فہد شیخ نے کہا کہ میں کسی کا نام نہیں لے رہا . لیکن جب میزبان نے انہیں کہا کہ کسی ایک کا نام لینا پڑے گا تو انہوں نے نازش جہانگیر کا نام لیتے ہوئے کہا کہ نازش جہانگیر ایک مشکل اداکارہ ہیں ان کے ساتھ کام کرنے سے پہلے میں چار بار ضرور سوچوں گا .

    فہد شیخ سے یہ بھی پوچھا گیا کہ تین کرکٹر ، شان ،مسعود عالم اور محمد آصف ان میں سے کس کرکٹر کی جگہ آپ کو ٹیم میں‌ہونا چاہیے تو انوہں نے محمد آصف کا نام لیا. سوشل میڈیا پر فہد شیخ کے اس طرح کے جوابات کو بہت زیادہ پسند کیا جا رہا ہے اور طرح طرح کے تبصرے بھی کئے جارہے ہیں. یاد رہے کہ نازش جہانگیر اس وقت زیادہ خبروں میں آئیں جب محسن عباس حیدر کی سابقہ اہلیہ نے ان پر تشدد کرنے اور دھوکہ دینے جیسے الزامات لگائے.

  • سارا علی خان کی فلم گیس لائٹ 31 مارچ کو ریلیز ہوگی

    سارا علی خان کی فلم گیس لائٹ 31 مارچ کو ریلیز ہوگی

    بالی وڈ اداکارہ سارا علی خان جن کی ابھی تک جتنی بھی فلمیں ریلیز ہوئیں ہیں ان میں ان کی اداکاری کو پسند تو کیا گیا ہے لیکن ان فلموں نے سارا خان کو بالی وڈ کی ٹاپ کی اداکارائوں میں شامل نہیں کیا. تاہم ان کے پرستار انہیں دیکھنا چاہتے ہیں، ان کے مداحوں کے لئے خوشخبری ہے کہ ان کی پسندیدہ اداکارہ کی فلم گیس لائٹ 31 مارچ کو ریلیز ہونے جا رہی ہے. فلم کو رمیش تورانی اور اکشے پوری نے پرڈیوس کیا ہے جبکہ ڈائریکٹ پون کرپلانی نے کیا ہے . فلم میں سارا علی خان کے علاوہ راہول دیو اور اکشے اوبرائے بھی مرکزی کرداروں میں‌نظر آئیں گے. اس فلم کے حوالے سے سارا خان کا کہنا ہے کہ میرا اس فلم میں بہت ہی الگ اور منفرد کردار ہے میرے مداحوں نے

    مجھے پہلے کبھی بھی ایسے کردار میں نہیں دیکھا. جب مجھے یہ کہانی سنائی گئی تو میں نے سنتے ساتھ ہی ہاں کر دی . دوسری طرف رمیش تورانی کا کہنا ہے کہ ’گیس لائٹ‘ بالی وڈ میں سنسنی خیز فلموں کا زاویہ تبدیل کر دے گی۔اکشے اوبرائے کہتے ہیں کہ فلم کی پوری ٹیم کے ساتھ کام کرنے کا تجربہ بہت اچھا رہا ہے. مجھے امید ہے کہ شائقین کو بھی یہ فلم ضرور پسند آئیگی.

  • سشمیتا سین کو ڈاکٹروں کا ایک اہم مشورہ

    سشمیتا سین کو ڈاکٹروں کا ایک اہم مشورہ

    بالی وڈ‌ اداکارہ سشمیتا سین جنہیں گزشتہ ہفتے دل کا دورہ پڑنے کے بعد ممبئی کے ناناوتی اسپتال میں داخل کروا دیا گیا تھا بعد ازاں ان کی انجیوپلاسٹی کرنے کے علاوہ انہیں اسٹنٹ لگائے گئے تھے. اب وہ تیزی صحیتاب ہو رہی ہیں۔ سشمیتا سین نے ایک وڈیو کے زریعے اپنے پرستاروں کو بتایا تھاکہ اب میں بالکل ٹھیک ہوں . سشمیتا سین کے بارے میں‌ تازہ اطلاعات یہ ہیں کہ ان کی اب صحت پہلے سے کافی بہتر ہے اور ڈاکٹروں نے انہیں ہلکی پھلکی ایکسرسائز کرنے کے علاوہ سٹریچنگ کرنے کی اجازت دیدی ہے. سشتمیا سین نے اپنے انسٹاگرام اکائونٹ پراس ھوالے سے ایک وڈیو بھی پوسٹ کی ہے جس میں ان کو دیکھا جا سکتا ہے کہ وہ سٹریچنگ کررہی ہیں. اپنی پسندیدہ اداکارہ کو

    ایکسرسائز کرتا دیکھ کر ان کے مداحوں نے نہ صرف خوشی کا اظہار کیا بلکہ ان کے لئے نیک تمنائوں کے پیغام بھی ان کی تصویر کے کمنٹ باکس میں چھوڑے. سشمیتا سین کی صحت میں بہتری کے بعدانہوں نے اپنے روز مرہ کی روٹین کے مطابق چلنا شروع کر دیا ہے لیکن فی الحال وہ احتیاط سے کام لے رہی ہیں . یاد رہے کہ سشمیتا سین کو جب دل کا دورہ پڑا تو ان کے مداحوں نے تشویش کا اظہار کرتے ہوئے انکی صحتیابی کے لئے دعائیں بھی کیں.

  • رانی مکھر جی کو اداکارہ نہیں بننا تھا لیکن وہ فلموں میں کیوں آئیں؟‌

    رانی مکھر جی کو اداکارہ نہیں بننا تھا لیکن وہ فلموں میں کیوں آئیں؟‌

    بالی وڈ اداکارہ رانی مکھر جی جو دو برس تک مسلسل فلمی دنیا سے دور رہی اب وہ بڑے پردے پر ایکبار پھر جلوہ گر ہو رہی ہیں . ’مسز چٹرجی ورسز ناروے‘ میں رانی مکھر جی ایک بھارتی خاتون کا کردار ادا کررہی ہیں، فلم میں ان کے نوجوان بچے انہیں ان فٹ ماں قرار دے کر الگ کردیتے ہیں۔ رانی مکھر جی نے اپنے ایک حالیہ انٹرویو میں بتایا ہے کہ میرا گھرانہ فلمی تھا لیکن ہمارے گھر میں فلموں‌کے بارے میں بات نہیں‌ہوتی تھی ، میں فلموں میں کام کرنا بھی نہیں چاہتی تھی ، حالانکہ ہماری پوری فیملی انڈسٹری میں تھی لیکن میرا دل نہیں تھا کہ اداکارہ بنوں . لیکن گھر کے جب بگڑے ہوئے حالات دیکھتے تو میں فلموں میں آگئی ، شروع شروع میں کام صرف فیملی کو سپورٹ

    کرنے کے لئے کیا لیکن بعد میں‌اداکاری میں مزا آنے لگا اور آج تک کام کررہی ہوں. رانی مکھر جی نے کہا کہ میں نے جب پہلی فلم کی تو وہ کوئی زیادہ کامیابی حاصل نہ کر سکی لیکن میں نے ہمت نہ ہاری ، مجھے میرے گھر کے ھالات نظر آرہے تھے اس لئے پیسے کمانے کی خاطر فلموں میں‌ قسمت آزماتی رہی اور پھر کامیابیوں‌نے میرے گھر کی راہ دیکھ لی.

  • عفت عمر عورت مارچ میں میڈیا کے سوالوں پر چِلا اٹھیں

    عفت عمر عورت مارچ میں میڈیا کے سوالوں پر چِلا اٹھیں

    پچھلے چند برسوں سے ملک میں ہونے والا عورت مارچ تاحال متنازعہ ہے اس مارچ کی ایک طبقہ مخالفت کررہا ہے تو دوسرا اس کو سپورٹ کر رہا ہے. ہر سال کی طرح آج بھی عورت مارچ کیا گیا ، لاہور میں ہونے والے عورت مارچ میں اداکارہ و ماڈل عفت عمر نے بھی شرکت کی. میڈیا نے عفت عمر کو گھیر لیا اور ان سے مختلف سوالات کئے ، جب عفت عمر سے سوال کیا گیا کہ عورت مارچ کو اسلام کے خلاف کہا جا رہا ہے اس پر کیا کہیں گی تو عفت عمر نے کہا کہ اس گھٹیا سوال کا میں کیا جواب دوں. مجھے تو لگ رہا ہے کہ اس مارچ کو ناکام بنانے کےلئے

    کچھ لوگوں کو بھیجا گیا ہے. انہوں نے یہ بھی کہا کہ جو لوگ خواتین کو برابری کے حقوق نہیں دینا چاہتے ان کو بااختیار ہوتا نہیں دیکھنا چاہتے ان کو عورت مارچ سے تکلیف ہے. جب ان سے سوال ہوا کہ آپ خواتین کےلئے کیا کررہی ہیں تو انہوں نے کہا کہ میں ان کے لئے آواز اٹھا رہی ہوں ان کو شعور دینے کی بات کررہی ہوں ان کو بااختیار بنانے کی بات کررہی ہوں. یوں عفت عمر نے عورت مارچ میں کئے گئے تیکھے سوالوں کا جواب بہت ہی حوصلے سے دیا اور آڑھے ٹیڑھے سوال کرنے والوں کو لیا آڑھے ہاتھوں.

  • پٹھان کے بعد دیپیکا کی مانگ میں اضافہ ،10 کروڑ آفر کئے گئے

    پٹھان کے بعد دیپیکا کی مانگ میں اضافہ ،10 کروڑ آفر کئے گئے

    بالی وڈ اداکارہ دیپیکاپڈوکون کی ھال ہی میں فلم پٹھان سپر ہٹ ہوئی ہے اور اس فلم نے کامیابی کے نئے ریکارڈز قائم کئے ہیں. اس فلم سے پہلے بھی دیپیکا کا شمار بھاری معاوضہ لینے والی اداکارائوں میں ہوتا تھالیکن پٹھان کے بعد ان کو پہلے سے بھی زیادہ بھاری معاوضے پر کاسٹ کیاجا رہا ہے. کہا جا رہا ہے کہ شاہ رخ خان کے ساتھ کام کرنے بعد اب دیپیکا سپر سٹار پربھاس کے ساتھ اداکاری کے جوہر دکھاتی نظر آئیں گی اس فلم میں ان کے ساتھ امیتابھ بچن بھی دکھائی دے رہے ہیں. اطلاعات یہ ہیں کہ اس فلم کے لئے انہیں دس کروڑ روپیہ ادا کیا جا رہا ہے اور اتنا معاوضہ ان کو پہلے

    کبھی کسی فلم کا نہیں ملا. اس فلم کو ناگ اشون ڈائریکٹ کررہے ہیں. یاد رہے کہ دیپیکا نے عالمی سطح پر کافی شہرت حاصل کی ہے کئی بین الاقوامی لگژری برانڈ کی برانڈ ایمبیسیڈر کے طور پر نامزد ہونے کے بعد انہوں نے فیفا ورلڈ کپ کی ٹرافی کی رونمائی کر نے کا اعزاز حاصل کیا۔ان دنوں اداکارہ پیرس فیشن میں جلوہ گر ہو رہی ہیں. اس کے علاوہ دیپیکا اس وقت بالی وڈ کے ڈائریکٹرز کی اولین چوائس بنی ہوئی ہیں ہر ڈائریکٹر ان کو اپنی فلم میں کاسٹ کرنے کا خواہاں ہے.

  • اشنا شاہ کی ایک ہفتہ بھی نہ رہ سکیں اور سوشل میڈیا پر واپس آگئیں

    اشنا شاہ کی ایک ہفتہ بھی نہ رہ سکیں اور سوشل میڈیا پر واپس آگئیں

    اداکار اشناشاہ جو گزشتہ دنوں کافی زیادہ تنقید کا نشانہ بنی رہیں، ان کی شادی کی وڈیوز اور تصاویر پر اس قدر تنقید کی گئی کہ انہوں نے انسٹاگرام کو چھوڑنے کا اعلان کر دیا. انہوں نے ایک لمبی چوڑی پوسٹ لگا کر لکھا کہ میں اپنی نئی زندگی کو یادگار بنانا چاہتی ہوں اسلئے میں سوشل میڈیا پر رہ کر ڈپریشن نہیں لینا چاہتی یہ کہہ کر وہ سوشل میڈیا چھوڑنے کااعلان کر گئیں لیکن ایک ہی ہفتے کے بعد وہ پھر سے اپناانسٹاگرام اکائونٹ پر واپس آگئی ہیں انہوں نے انسٹاگرام کو دوبارہ ایکٹیویٹ کرکے لکھا کہ قوی خان بہت اچھے اداکار اور انسان تھے ان کے ساتھ کام کرنا ہمیشہ ہی بہت زیادہ یادگار رہا ہے. میں خوش نصیب ہوں کہ مجھے قوی خان کے ساتھ کام کرنے کا موقع میسر آیا . انہوں نے اس پوسٹ کے بعد

    اپنی شادی کی تصاویر اور وڈیوز شئیر کیں اور برطانوی بینڈ جس نے اشنا کی شادی میں پرفارم کیا اسکا شکریہ ادا کیا اور کہا کہ میں شکر گزار ہوں کہ آپ نے میری زندگی کے اہم موقع کو اپنی پرفارمنس سے یادگار بنایا. اشنا شاہ نے انسٹاگرام سٹوریز میں اپنے شوہر حمزہ کے اپنی تصاویر اور وڈیوز بھی شئیر کیں.