Baaghi TV

Tag: bollywood

  • عاصمہ میرے والد طارق ٹیڈی سے طلاق لے چکی تھی بیٹا جنید طارق

    عاصمہ میرے والد طارق ٹیڈی سے طلاق لے چکی تھی بیٹا جنید طارق

    سٹیج اداکار طارق ٹیڈی کے بیٹے جنید طارق آخر کار بول پڑے ہیں، انہوں نے ایک وڈیو پیغام جاری کرتے ہوئے کہا ہے کہ میری سوتیلی والدہ جنہوں نے میرے والد سے طلاق لے لی تھی وہ کس حق سے میرے والد اور ان کے دوستوں کا نام استعمال کررہی ہیں. جنید طارق نے کہا کہ میری سوتیلی بہنوں کو میں دل سے بہنیں مانتا ہوں ان کا حق ان کو ضرور دوں گا لیکن میری سوتیلی والدہ جن کا میرے والد سے تعلق ہی نہیں رہا وہ کیوں جگہ جگہ جا رہی ہیں اورمیرے والد کا نام استعمال کرکے سب سے پیسے مانگ رہی ہیں انہوں نے میرے والد کے موبائل سے ان کے تمام دوستوں کے نمبرز نکال کر ان سب کو میسجز کئے ان سے پیسے مانگے. اور اب یہ کبھی گورنر ہائوس کے باہر

    یٹیاں لیکر چلی جاتی ہیں اور کبھی میرے پاپا کے دوستوں کو برا بھلا کہہ رہی ہوتی ہیں. یہ میرے والد کا نام استعمال کرنا بند کریں ورنہ میں چپ نہیں رہوں گا. جس روز میرے والد کے قل تھے میں نے اپنے سوتیلی بہنوں کو پیسے دئیے اسکا تو یہ زکر نہیں‌کررہیں. میں ان سے یہی کہوں گا کہ لینا ہے تو میرا نام لیں میرے چچا کا لے لیں لیکن میرے والد کا نام لیکر ان کے نام پر پیسے اکٹھے نہ کریں. یاد رہے کہ طارق ٹیڈی کی اہلیہ نے گزشتہ دنوں بیان دیا کہ طارق کے مرنے کے بعد ان کے دوستوں نے بھی ہمارا ساتھ نہیں دیا.

  • قوی خان کے انتقال پر عمران خان اور محسن نقوی کا اظہار تعزیت

    قوی خان کے انتقال پر عمران خان اور محسن نقوی کا اظہار تعزیت

    قوی خان کی وفات پر جہاں ان کے شوبزکے ساتھیوں اور مداحوں نے افسوس کا اظہار کیا ہے وہیں سابق وزیراعظم جناب عمران خان نے بھی اداکار کے انتقال پر گہرے رنج کا اظہار کرتے ہوئے ٹویٹ کیا ہے ” معروف اداکار قوّی خان کی رحلت کے بارے میں جان کر رنجیدہ ہوں۔ میری دعائیں اور ہمدردیاں انکے اہلِ خانہ کے ساتھ ہیں”۔ دوسری طرف نگران وزیر اعلی پنجاب محسن نقوی نے بھی قوی خان کے انتقال کو شوبز انڈسٹری کا بہت بڑا نقصان قرار دیتے ہوئے کہا ہے کہ میں اداکار کے سوگوار خاندان کے دکھ میں شریک ہوں ، قوی خان کے انتقال سے اداکاری کا

    سہنری دور ختم ہو گیا ہے. انہوں نے اپنی ورسٹائل اداکاری سے ٹی وی ڈراموں کو نئی جہت دی۔ان کے یادگار ڈرامے آج بھی پرستاروں کو یاد ہیں . قوی خان مرحوم کی فن و ثقافت کے فروغ کی خدمات کو ہمیشہ یاد رکھا جائے گا۔یاد رہے کہ قوی خان علاج کی غرض سے کینڈا میں زیر علاج تھے ، وہاں وہ اپنے بیٹے عدنان کے ساتھ رہتے تھے. کینسر سے جُوجنے والے قوی خان کے کریڈٹ پر بے شمار سپر ہٹ ڈرامے ہیں جن میں اندھیرا اجالا قابل ہے. ستارہ امتیاز حاصل کرنے والا یہ فنکارہمیشہ اپنے مداحوں کے دلوں میں زندہ رہے گا.

  • امان اللہ کی آج تیسری برسی منائی جا رہی ہے

    امان اللہ کی آج تیسری برسی منائی جا رہی ہے

    پاکستان کے معروف اور مزاحیہ اداکار امان اللہ کی آج تیسری برسی منائی جا رہی ہے ، امان اللہ 6 مارچ 2020 کو خالق حقیقی سے جاملے تھے ، انتقال سے قبل وہ کچھ عرصہ بیمار رہے. امان اللہ نے 4 دہائیوں تک مسلسل شائقین کے دلوں پر راج کیا. انہوں نے 1976 میں پہلی دفعہ اسٹیج پر کام کیا اس کے بعدان کی کامیابیوں کا نہ رکنے والا سلسلہ چل نکلا .انہوں نے سٹیج پر ڈرامے کو نئی جہتوں سے متعارف کروایا. ان کی کامیڈی کی ٹائمنگ ایسی تھی کہ انہیں کوئی مات نہیں دے سکتا تھا. امان اللہ نے نا معلوم افراد اور ون ٹو کا ون میں بھی کام کیا. ان کی جوڑی مستانہ ،

    سہیل احمد ، ببو برال کے ساتھ بہت زیادہ سراہی گئی. امان اللہ نے عالم لوہار کے ساتھ بھی پرفارم کیا. ان کی فنی خدمات کے اعتراف میں انہیں 2018 میں صدارتی ایوارڈ سے نوازا گیا تھا۔امان اللہ نے انڈیا جا کر بھی پرفارم کیا اور خوب داد سمیٹی. امان اللہ بہت سارے فنکاروں کے رول ماڈل تھے انہیں دیکھ کر کئی آرٹسٹوں نے سٹیج کا رخ کیا اور کامیابیاں حاصل کیں. امان اپنی ذات میں اداکاری کا ایک مکمل ادارہ تھے. آخری دنوں میں وہ پھیپھڑوں اور دل کے عارضے میں مبتلا ہو گئے تھے.

  • خوبصورت سیرت اور خوبصورت انسان ہم سے جدا ہو گیا نبیل قریشی

    خوبصورت سیرت اور خوبصورت انسان ہم سے جدا ہو گیا نبیل قریشی

    ہدایتکار نبیل قریشی جنہوں نے گزشتہ برس قوی خان کے ساتھ کام کیا، نبیل قریشی نے قوی خان جیسے لیجنڈ فنکار کو قائداعظم زندہ باد میں ڈائریکٹ کیا. نبیل قریشی نے قوی خان کے انتقال پر گہرے رنج اور افسوس کااظہار کرتے ہوئے کہا ہے کہ ” قوی خان نہایت ہی خوبصورت اور خوب سیرت انسان تھے وہ ہم سے آج جدا ہو گئے ، خوبصورت فنکار ہونے کے ساتھ ساتھ وہ بہت ہی باخلاق تھے ، بہت زیادہ پیار کرنے والے انسان تھے. ان کے ساتھ کام کرنے

    کی خوبصورت یادیں دل میں رہیں گی”. نبیل قریشی کا کہنا ہے کہ قوی خان کے ساتھ کام کرنا نہایت ہی یادگار ہے . ان کا یوں دنیا سے چلے جانا ہم سب کے لئے ایک بہت ہی دکھ کی خبر ہے. یاد رہے کہ گزشتہ برس ریلیز ہونے والی فلم قائداعظم زندہ باد میں قوی خان نے ایک نہایت ہی خوبصورت کردار کیا. اس فلم کی سکریننگ کے موقع پر قوی خان خصوصی بور پر لاہور تشریف لائے اور انہوں نے کہا کہ میں بہت خوش ہوں کہ پاکستان میں سینما ایک بار پھر ترقی کی راہوں پر گامزن ہو گیا ہے، آج ہمارے ہاں فلم بھی بہت اچھی بن رہی ہے اور ڈرامہ بھی بہترین بنایا جا رہا ہے.

  • میری خوش نصیبی ہے کہ میں نے قوی خان کے ساتھ کام کیا فہد مصطفی

    میری خوش نصیبی ہے کہ میں نے قوی خان کے ساتھ کام کیا فہد مصطفی

    سینئر اداکار قوی خان کی وفات کا سن کر ان کے مداح اور ساتھی خاصے ہیں دکھی. قوی خان نے کئی دہائیوں تک فن کی خدمت کی اور اپنے مختلف کرداروں سے شائقین کے دل جیتے . قوی خان اپنی ذات میں اداکاری کا ایک ادارہ تھے. اداکار فہد مصطفی نے ایک ٹویٹ کے زریعے کہا ہے کہ قوی خان کے انتقال کا سن کر میں بہت زیادہ دکھی ہوں اور صدمے میں ہوں. لیکن میں خود کو خوش قسمت سمجھتا ہوں کہ کیونکہ مجھے ان کے ساتھ کام کرنے کا موقع ملا ، میں‌نے ان کے ساتھ قائداعظم زندہ باد میں کام کیا ، وہ اپنے کام کے ماہر تھے ، وہ ہم سب کے استاد تھے

    ان سے بہت کچھ سیکھنے کا موقع ملا . وہ ایک حقیقی پاکیزہ روح تھے. یوں فہدمصطفی نے قوی خان کے ساتھ کام کرنے کو اعزاز گردانتے ہوئے خود کو خوش نصیب کہہ ڈالا.فہد مصطفی نے قائداعظم زندہ باد میں قوی خان کے ایسے بیٹے کا کردار نبھایا جو پیسوں کی خاطر کچھ بھی کر گزرتا ہے، قوی خآن نے ایک محب وطن پاکستانی ہونے کا کردار کیا.یاد رہے کہ قوی خان نے ڈراموں اور فلموں دونوں میڈیم کے لئے کام کیا اور ہرجگہ اپنی صلاحیتوں کا لوہا منوایا.

  • قوی خان کے انتقال پر شوبز انڈسٹری سوگوار

    قوی خان کے انتقال پر شوبز انڈسٹری سوگوار

    سینئر اداکار قوی خان کے انتقال کی خبر سب پر بجلی بن کر گری ہے.قوی خان کے مداح اور ان کے شوبز کے ساتھی سوگوار ہیں. قوی خان کے شوبز ساتھیوں نے سوشل میڈیا پر اپنے اپنے جذبات کا اظہار کچھ یوں کیا. اداکار سہیل احمد نے ٹویٹر پر پوسٹ لکھی "عظیم انسان اور لاجواب لیجنڈری اداکار جناب مُحّمد قوی خان ہمیں چھوڑ کر اپنے ربِ کریم کے پاس چلے گئے ” . اداکارہ صباحت علی بخاری نے لکھا ” ایک بہترین اداکار سے شوبز انڈسٹری محروم ہو گئی ہے قوی خان کا چلے جانا یقینا ایک بڑا نقصان ہے جو کبھی پورا نہیں ہو سکتا”. ریحان اظہر نے لکھا کہ میں نے اپنا بہت ہی خوبصورت دوست کھو دیا ہے. عمران اشرف نے لکھا کہ ” ایک

    عظیم انسان اور عظیم اداکار دنیا سے چلا گیا ہے” .عفت عمر نے لکھا کہ ” قوی خان اس دنیا سے چلے گئے” ، ہدایتکار ندیم بیگ نے لکھا کہ ” ہم نے ایک اور بڑے آرٹسٹ کو کھو دیا ان جیسا کوئی نہیں نہ ہو گا، ہم ایک عظیم فنکار اور انسان سے محروم ہو گئے ہیں. یاد رہے کہ قوی خان کینڈا میں زیر علاج تھے ، قوی خان اپنئ بیٹے عدنان کے ساتھ کینڈا میں رہائش پذیر تھے. قوی خان کی نماز جنازہ کا علاج بعد میں کیا جائیگا. قوی خان اپنی ذات میں اداکاری کا ایک انسٹیٹیوٹ تھے.

  • سلینا جیٹلی بول پڑیں

    سلینا جیٹلی بول پڑیں

    بالی وڈ کی نامور اداکارہ سلینا جیٹلی جو کہ بالی وڈ کو چھوڑ کو آسٹریلیا میں اپنے شوہر کے ساتھ رہتی ہیں انہوں نے ماضی کے جھروکوں میں جھانکتے ہوئے کہا ہے کہ مجھے جب فلم اکثر سے نکالا گیا تو بہت افسوس ہوا ، اور اس فلم سے مجھے نکالا بھی زبردستی گیا. اداکارہ نے کہا کہ اس فلم میں عمران ہاشمی مرکزی کردار کررہے تھے اور مجھے ان کے ساتھ سائن کیا گیا تھا، اسی دوران مجھے ایک اور فلم جوانی دیوانی آفر ہوئی تھی ، جس پر اکثر کے پرڈیوسرز نے احتجاج کیا انہوں نے مجھے کہا کہ اگر میں اکثر فلم میں رہنا چاہتی ہوں تو جوانی دیوانی کو چھوڑ دوں

    میں نے انہیں سمجھانے کی کوشش کی لیکن انہوں نے ایک نہ سنی اور نہایت ہی گھٹیا طریقے سے مجھے فلم سے نکالا گیا. جس کا مجھے آج بھی افسوس ہے. انہوں نے کہا کہ بالی وڈ میں کام کرنے کا تجربہ بہت ہی اچھا رہا ہے ، میں آج بھی اپنے کیرئیر پر نظر ڈالتی ہوں تو اچھا محسوس ہوتا ہے تاہم آج کل صرف اپنے تین بچے پال رہی ہوں ان کی بہترین پرورش اور تعلیم و تربیت میری زندگی کا اولین مقصد ہے لیکن جیسے مجھے اکثر فلم سے نکالا گیا اسکا افسوس آج بھی ہے.

  • ہم انڈین فلموں کا مقابلہ نہیں کر سکتے عدنان صدیقی

    ہم انڈین فلموں کا مقابلہ نہیں کر سکتے عدنان صدیقی

    معروف اداکارہ عدنان صدیقی نے حال ہی میں ثانیہ مرزا کے شو میں شرکت کی اس میں انہوں نے کہا کہ ہم جتنی مرضی بھی اچھی فلم بنا لیں ہم انڈین فلموں کا مقابلہ نہیں کر سکتے. انہوں نے کہا کہ انڈیا کی فلمیں بڑے سکیل پر بنتی ہیں ان کی ٹیکنیک اس قسم کی ہوتی ہے کہ ہم چاہ کر بھی انکا مقابلہ نہیں کر سکتے. انہوں نے یہ بھی کہا کہ ہم بہت اچھا ڈرامہ بناتےہیں انڈیا ڈراموں میں ہمارا مقابلہ نہیں کر سکتا. پی ٹی وی کا دور ہو یا آج کا ، ہمارا ڈرامہ ہمیشہ ہی بہت اچھا رہا ہے آج بھی ہم بہترین ڈرامہ بنا رہے ہیں. عدنان صدیقی کی اس بات سے اتفاق کرتےہوئے ثانیہ مرزا

    نے کہا کہ آپ بالکل ٹھیک کہہ رہے ہیں آپ لوگ بہت اچھا ڈرامہ بناتے ہو ، اور میں پاکستانی ڈرامہ بہت شوق سے دیکھتی ہوں. یاد رہے کہ عدنان صیقی کا 2019 میں ریلیز ہونے والا ڈرامہ میرے پاس تم ہو کو بھارت میں بھی بہت شوق سے دیکھا گیا بہت سارے بھارتی فنکاروں نے اس ڈرامے کی مثال دیتے ہوئے کہا کہ ہمیں میرے پاس تم ہو ڈرامہ بہت پسند آیا نہ صرف اچھا لکھا گیا بلکہ اداکاروں نے بہترین اداکاری بھی کی.

  • مدیحہ شاہ نے 11 پائونڈ وزن کم کر لیا اور وہ بھی ایک ماہ میں

    مدیحہ شاہ نے 11 پائونڈ وزن کم کر لیا اور وہ بھی ایک ماہ میں

    سینئر اداکارہ مدیحہ شاہ نے اپنا وزن 11 پائونڈ تک کم کر لیا ہے اور ایسا انہوں نے صرف ایک ماہ میں کیا ہے.مدیحہ شاہ نے اپنی اس کامیابی پر خوشی کا اظہار کرتے ہوئے کہا ہے کہ میرا وزن کادفی زیادہ ہو رہا تھا میں نے سوچا کہ کیوں نا خود پر توجہ دی جائے اور جم جوائن کیا جائے. میں نے جم جوائن کر لیا ایکسرسائز کی اور واک کی ، مناسب کھانا کھایا ، اور میں خود حیران ہوں کہ میں نے صرف ایک ماہ میں 11 پائونڈ وزن کم کر لیا ہے.مدیحہ شاہ نے کہا ہےکہ میں تو ہر عورت کو مشورہ دوں گی کہ خود پر توجہ دیں، اور ہو سکے تو جم جوائن کریں گھریلو کام

    ہوتے رہتے ہیں خود کی صحت کو نظر انداز نہ کریں جم جوائن کرنا یقینا صحت پر توجہ دینا ہے. انہوں نے کہا کہ شادی کے بعد بہت ساری لڑکیاں خود کو گھر کے کاموں تک محدود کرلیتی ہیں ایسا نہیں‌ہونا چاہیے ٹھیک ہے گھر داری بھی کریں آفس بھی جائیں لیکن خود پر توجہ دینے میں غفلت نہ کریں. یاد رہے کہ مدیحہ شاہ کی حال ہی میں فلم رنگ عشق دا ریلیز ہوئی اس فلم کے زریعے انہوں نے کافی برسوں کے بعد شوبز میں واپسی کی.

  • سپر پنجابی اب عید الفطر پر ریلیز ہو گی

    سپر پنجابی اب عید الفطر پر ریلیز ہو گی

    افتخار ٹھاکر اور صفدر ملک کی فلم سپر پنجابی جو کہ پہلے رواں ماں تین تاریخ کو ریلیز کی جانی تھی اس کی ریلیز اب عید الفطر پر ہوگی . چند روز قبل افتخار ٹھاکر اور صفدر ملک نے ایک پریس کانفرنس کرکے کہا تھا کہ ہم تین مارچ کو فلم اس لئے ریلیز نہیں کررہے کیونکہ پی ایس ایل چل رہا ہے لوگوں کا دھیان پی ایس ایل کے میچز کی طرف ہوگا جس کی وجہ سے ہماری فلم نظر انداز ہونے کا خدشہ ہے. تاہم اب فلم کی ریلیز کی نئی تاریخ سامنے آگئی ہے اور اب عید الفطر پر یہ فلم شائقین دیکھ سکیں گے. عید پر سپر پنجابی کے ساتھ منی بیک گارنٹی اور ہوئے تم اجنبی بھی ریلیز ہو رہی ہیں. دیکھنا یہ ہے کہ بڑے بجٹ کی ان دو فلموں میں سپر پنجابی کیسا بزنس کرتی ہے. سپر پنجابی کو

    ابو علیحہ نے ڈائریکٹ کیا ہے اور صائمہ بلوچ اور محسن عباس حیدر نے مرکزی کردار کئے ہیں. ابو علیحہ کا دعوی ہے کہ فلم جدید سینما کی بنیاد رکھے گی اور اس میں وہ سب ہے جو شائقین دیکھنا چاہتے ہیں. دوسری طرف افتخار ٹھاکر کا کہنا ہے کہ ہم نے فلم کا سکرپٹ بہت سوچ سمجھ کر اور شائقین کی پسند نہ پسند کو مد نظر کر لکھا ہے.