نیوزی لینڈ کے کین ولیمسن تیز رفتار 7000 رنز بنانے والے والے کھلاڑی بن گئے.انھوں نے یہ اعزاز پاکستان کے خلاف جاری ٹیسٹ میں حاصل کیا.
انھوں نے یہ اعزاز اپنے 83 ٹیسٹ میچ میں حاصل کیا. اس سے پہلے نیوزی لینڈ کی جانب سے تیز رفتار 7000 رنز بنانے کا اعزاز روس ٹیلر کے پاس تھا جنہوں نے یہ اعزاز اپنے کیرئیر کے 96 میچ میں حاصل کیا تھا.
باغی ٹی وی رپورٹ کے مطابق شاہد آفریدی جمعرات سے بیمار تھے۔آن کا کہنا ہےکۂ میرے جسم میں بری طرح درد ہو رہا تھا۔
آج ان کا کوروناواہرس کا ٹیسٹ کیا گیا تو بدقسمتی سے کورونا ٹیسٹ مثبت آیا.
شاھد آفریدی کی عوام الناس سے گزارش ہے کۂ مجھے صحت یابی کے لئے دعاؤں کی ضرورت ہے.
کے آر ایل اسٹیڈیم راولپنڈی میں جاری دوسرے تین روزہ میچ کے پہلے روز قومی انڈر 16 کرکٹ ٹیم نے 3وکٹوں کے نقصان پر 127 رنز بنالیے ہیں۔میزبان ٹیم کے میڈیم پیسرز ایاز شاہ اوراحمد خان کی نپی تلی باؤلنگ کی بدولت مہمان ٹیم پہلی اننگز میں 108 رنز پر ڈھیر ہوگئی۔
اس سے قبل پاکستان انڈر 16 کرکٹ ٹیم کےکپتان عالیان محمودنے ٹاس جیت کر پہلےفیلڈنگ کا فیصلہ کیا۔بنگلہ دیش انڈر 16 کرکٹ ٹیم کے دونوں اوپنرز 16 کے مجموعی اسکور پر آؤٹ ہوکر پویلین واپس لوٹ گئے۔ مڈل آرڈر بلے باز ردوان حسین نےمحتاط کھیل کا مظاہرہ کرتے ہوئے نصف سنچری اسکور کی۔ مہمان ٹیم کے 1 کھلاڑیی ڈبل فگرز میں داخل نہ ہوسکےاور پوری ٹیم 44.1 اوورز میں صرف 108 رنز بنا کر آؤٹ ہوگئی۔ قومی انڈر 16 کرکٹ ٹیم کی جانب سے ایاز شاہ نے 14 رنز کے عوض 3 کھلاڑییوں کو پویلین کی راہ دکھائی۔ احمد خان اور علی اسفند نے 2،2 وکٹیں حاصل کیں۔
جواب میں علی حسن اور محمد شہزاد پر مشتمل اوپننگ جوڑیی نے قومی انڈر 16 کرکٹ ٹیم کو 61 رنز کا آغاز فراہم کیا۔ علی حسن 59 اور محمد شہزاد 25 رنز بنا کر آؤٹ ہوگئے۔پاکستان کے تیسرے آؤٹ ہونے والے بیٹسمین حسیب عمران تھے جو 1 کے انفرادی اسکور پر پویلین واپس لوٹے۔ دن کے اختتام پرمیزبان ٹیم نے 37 اوورز میں 3 وکٹوں کے نقصان پر 127 رنز بنالیے۔ عباس علی 28 اور محمد وقاص 13 رنز سے کھیل کےدوسرے روز کاآغاز کریں گے۔
قائداعظم ٹرافی فرسٹ الیون ٹورنامنٹ کے پانچویں راؤنڈ کا پہلا روز مکمل ہوگیا
بگٹی اسٹیڈیم کوئٹہ میں بلوچستان نے خیبرپختونخوا کےخلاف پہلی اننگز میں عمران بٹ اور عمران فرحت کی ناقابل شکست سنچریوں کی بدولت 3 وکٹوں کے نقصان پر 341 رنز بنالیے ہیں۔ اس سے قبل خیبرپختونخوا کے کپتان صاحبزادہ فرحان نے ٹاس کئے بغیر
پہلے باؤلنگ کرنے کا فیصلہ کیا۔بلوچستان کی پہلی وکٹ 27 کے مجموعی اسکور پر اس وقت گری جب عظیم گھمن 3 رنز بنا کرعمران خان سینئر کی گیند پر آؤٹ ہوکر پویلین واپس لوٹ گئے۔
دوسری وکٹ کے لیے عمران بٹ اور اویس ضیاءکے درمیان 58 رنز کی شراکت قائم ہوئی۔ اویس ضیاء 69 رنز بنا کر آؤٹ ہوئے۔ابوبکر خان 1 رنز پر وکٹ گنوا بیٹھے تاہم عمران بٹ نے دوسر ے اینڈ سے ذمہ دارانہ کھیل کامظاہرہ کیا اور چوتھی وکٹ کے لیے عمران فرحت کے ہمراہ 227 رنز کی شراکت قائم کی۔ دن کے اختتام پر عمران بٹ 135 اور عمران فرحت 114 رنز بنا کر کریز پر موجود ہیں۔ خیبرپختونخوا کی جانب سے عمران خان سینئر اور عثمان شنواری نے 1،1 وکٹ حاصل کی۔
دوسری جانب جناح اسٹیڈیم سیالکوٹ میں ناردرن نے پہلی اننگز میں اوپنر ذیشان ملک اور عمران بٹ کی عمدہ بیٹنگ کی بدولت سدرن پنجاب کے خلاف 1 وکٹ کے نقصان پر 384 رنز بنالیے ہیں۔ اس سے قبل ناردرن کے کپتان روحیل نذیر نے ٹاس جیت کر پہلے
بیٹنگ کا فیصلہ کیا۔ محض 43 رنز پر پہلی وکٹ گرنے کے بعد نوجوان اوپنر ذیشان ملک اور نائب کپتان عمر امین نے شاندار کھیل کا مظاہرہ کیا۔
دوسری وکٹ کے لیے ذیشان ملک اور عمر امین کے درمیان 343 رنز کی ناقابل شکست شراکت قائم ہوئی۔ ذیشان ملک
نے 27 چوکوں ا ور 2 چھکوں کی مدد سے 204 رنز کی ناقابل شکست اننگز کھیلی۔بائیں ہاتھ کے بلے باز عمر امین 20 چوکوں اور 2 چھکوں کی مدد سے 153 رنز بنا کر ناٹ آؤٹ ہیں۔ دونوں کھلاڑی میچ کے دوسرے روز ناردرن کی جانب سے کھیل کا دوبارہ آغاز
کریں گے۔سدرن پنجاب کی جانب سے میچ کے پہلے روز واحد وکٹ فاسٹ باؤلر راحت علی نے حاصل کی۔
ادھر اقبال ا سٹیڈیم فیصل آباد میں سنٹرل پنجاب نے کامران اکمل کی ذمہ دارانہ بیٹنگ کی بدولت ناردرن کے خلاف 2وکٹوں کے نقصان پر 263 رنز بنالیے۔ اس سے قبل سندھ کے کپتان سرفراز احمد نے ٹاس کئے بغیر پہلے باؤلنگ کا فیصلہ کیا۔ مضبوط بیٹنگ لائن کپ کے باجو د سنٹرل پنجاب کے ابتدائی 3 کھلاڑی محض 38 رنز پرآؤٹ ہوکر پویلین واپس لوٹ گئے۔ سلمان بٹ 16 ، اظہر علی 1 اورعمر اکمل 13 کے انفرادی اسکور پر آوٹ ہوئے۔تجربہ کار وکٹ کیپر بیٹسمین کامران اکمل نے ذمہ دارانہ کھیل کا مظاہرہ کیا۔
انہوں نے اوپنر احمد شہزاد اور عثمان صلاح الدین کے ہمراہ بالترتیب 86 اور 66 رنز کی شراکت قائم کرکے ٹیم کو مشکلات کے بھنور سے نکالنے میں مدد دی۔ 99 گیندوں کا سامنا کرنے والے وکٹ کیپر بیٹسمین کامران اکمل 13 چوکوں اور 2 چھکوں کی مدد
سے 90 رنز بناکر آؤٹ ہوئے۔ دن کے اختتام پر فہیم اشرف 22 اور احسان عادل 9 رنز بنا کر کریز پر موجود ہیں۔ میچ کے پہلے روز سندھ کی جانب سے میر حمزہ ، تابش خان اور کاشف بھٹی نے 2،2 کھلاڑیوں کو پویلین کی راہ دکھائی۔
قومي کرکٹ ٹيم نے آسٹریلیا کی سرزمین پر ڈیرے ڈال لیے اور ٹي ٹوينٹي سيريز سے قبل پريکٹس سيشن ميں شرکت کی،
ٹرئينگ سيشن کے بعد غيرملکي ميڈيا سے گفتگو کرت ہوئے ہيڈ کوچ مصباح الحق کا کہنا تھا کہ آسٹريليا ميں اچھي کارکردگي دکھانا اور کاميابي حاصل کرنا ہميشہ ايک چيلنج رہا ہے اور ہر ٹیم کیلئے آسٹریلیا کي ان کنڈيشن ميں کھیلنا ایک چیلنج ہوتا ہے لیکن پاکستان کی نوجوان ٹیم کیلئے یہ اور بھی بڑا چیلنج ہے۔ مصباح الحق کا کہنا تھا کہ اگر ٹیم نے تمام شعبوں میں کنڈیشنز کے مطابق اچھی کارکردگی دکھائی توہم بہتر نتائج دے سکتے ہیں۔ پاکستان کرکٹ ٹیم کے سابق اسٹار لیگ اسپنر عبدالقادر کے صاحبزادے لیگ اسپنر عثمان قادر کی قومی ٹیم میں شمولیت کے سوال پر مصباح کا کہنا تھا کہ آسٹریلیا میں کھیلنے کی وجہ سے عثمان قادر یہاں کی کنڈیشنز سے اچھی طرح واقف ہیں۔
اس سوال پر کہ’ قومی ٹیم کی غیر متوقع اور سرپرائز کارکردگی دکھانے کی عادت آسٹریلیا کیلئے باعث خوف بھی ہوسکتی ہے؟’ ان کا کہنا تھا کہ ہم اس بات کا فائدہ اٹھانے کی کوشش کریں گے لیکن ہماری کوشش ہے کہ اپنی کارکردگی میں تسلسل لایا جائے۔ نوجوان فاسٹ بولر نسیم شاہ کے حوالے سے ان کا کہنا تھا کہ وہ اچھی بولنگ کررہے ہیں اور صرف تیز بولنگ ہی ان کی خاصیت نہیں بلکہ انہوں نے لائن اور لینتھ پر بھی بہتر کنٹرول کا بھی مظاہرہ کیا ہے۔ ان کا کہنا تھا کہ ‘کسی بھی کپتان کیلئے ہمیشہ میرا یہی مشورہ رہا ہے کہ ٹیم کی کارکردگی تو اپنی جگہ اہم ہے لیکن کپتان کیلئے بطور کھلاڑی ٹیم میں کردار ادا کرنا سب سے زیادہ اہم ہوتا ہے’۔انہوں نے کہا کہ اظہر علی اور بابر اعظم اچھے بیٹسمین ہیں اور ان دونوں کیلئے سب سے اہم یہ ہے کہ وہ بطور بیٹسمین اپنی کارکردگی پر سب سے پہلے فوکس رکھیں۔
مصباح نے کہا کہ ٹیم میں ہر کھلاڑی پروفیشنل ہوتا ہے، ہر کھلاڑی کو معلوم ہوتا ہے کہ اسے کیا پرفارمنس دینی ہے، کپتان کا کام انہیں آپریٹ کرنا ہوتا ہے، وقت کے ساتھ انسان سیکھتا ہے، ابتداء میں کپتانی کا پریشر ہوتا ہے لیکن میری ذاتی رائے یہ ہے کہ جب آپ پر ذمہ داری آتی ہے تو کئی دفعہ اس سے آپ کی کارکردگی بہتر ہوتی ہے۔ مصباح نے کہا کہ بابراعظم ٹی ٹوئنٹی کا بہترین بیٹسمین ہے اور اگر وہ اپنی پرفارمنس برقرار رکھے گا تو اسے اپنی کپتانی میں بھی اس کا فائدہ ہوگا۔
ضابطہ اخلاق کی خلاف ورزی کرنے پرانڈر 19 کرکٹر ز ابو حریرہ اور زین بن فاروق پر جرمانہ عائد کر دیا گیا
قومی انڈر 19 ایک روزہ کرکٹ ٹورنامنٹ کےمیچ میں نامناسب زبان کا استعمال کرنےپر سنٹرل پنجاب کے کرکٹرز ابو حریرہ اور زین بن فاروق پر میچ فیس کا 50،50 فیصد جرمانہ عائد کردیا گیا۔ سنٹرل پنجاب کے انڈر 19 کرکٹرز کورانا نوید کرکٹ اکیڈمی شیخوپورہ میں ناردرن کے خلاف میچ میں پی سی بی کوڈ آف کنڈکٹ برائے کھلاڑی اور اسپورٹ اسٹاف کے قانون کی خلاف ورزی کرتے ہوئے لیول 2 جرم کے مرتکب پایا گیا۔
بدھ کے روزکھیلے گئے میچ میں آن فیلڈ امپائرز قیصر خان اور وقار احمد نے دونوں کھلاڑیوں کوکھیل کی ساکھ کو نقصان پہنچانے سے متعلق پی سی بی کوڈ آف کنڈکٹ کے آرٹیکل 2.21 کی خلاف ورزی کرنے پر چارج کیا۔ اعتراف جرم کرنے پر میچ ریفری انعام اللہ نےسنٹرل پنجاب انڈر 19 کرکٹ ٹیم کے دونوں کھلاڑیوں پر جرمانہ عائد کردیا۔
انڈر 16 سیریز: پاکستان نے بنگلہ دیش کے خلاف پہلا تین روزہ میچ برابر کردیا
انڈر 16 سیریز:پہلی اننگز میں خسارے کا شکار پاکستان نے بنگلہ دیش کے خلاف پہلا تین روزہ میچ برابر کردیا
قومی انڈر 16 کرکٹ ٹیم نے اوپنر محمد شہزاد کے بھرپور دفاعی انداز کی بدولت بنگلہ دیش کے خلاف پہلاتین روزہ میچ برابر کردیا۔ کے آر ایل اسٹیڈیم راولپنڈی میں کھیلے گئےمیچ میں مہمان ٹیم نے پاکستان کو جیت کے لیے 287 رنز کا ہدف دیا۔ کھیل کے اختتام پر پاکستان نے 2 وکٹوں کے نقصان پر 112 رنز بنائے۔ محمد شہزاد نے 127 گیندوں پر 80 رنز کی ناقابل شکست اننگز کھیل کر ٹیم کومشکلات کے بھنور سے نکالا۔ اسپنر علی اسفند نے دوسری اننگز میں 6 شکار کرکے میزبان ٹیم کے کم بیک میں کلیدی کردار ادا کیا۔
مہمان ٹیم نے میچ کے تیسرے روز 4 وکٹوں کے نقصان پر 119 رنز سے اپنی دوسری اننگز کا آغاز کیا تو قومی انڈر 16 کرکٹ ٹیم کے اسپنر علی اسفند کی عمدہ باؤلنگ کی بدولت پوری ٹیم 200 رنز پر ڈھیر ہوگئی۔ دوسری اننگز میں 6 وکٹیں حاصل کرنے والے علی اسفند نے میچ میں 82 رنز کے عوض 8 کھلاڑیوں کو پویلین کی راہ دکھائی۔ میڈیم پیسر احمد خان نے میچ میں 5 کھلاڑیوں کو آؤٹ کیا۔ بنگلہ دیش انڈر 16 کرکٹ ٹیم کے کپتان نعیم احمد دوسری اننگز میں 73 رنز بنا کر ٹاپ اسکور ررہے۔
قائداعظم ٹرافی کا پیر سے دوبارہ آغاز
پہلی اننگز میں 87 رنز کے خسارے کا شکار قومی انڈر 16 کرکٹ ٹیم کو میچ میں جیت کے لیے 287 رنز کا ہدف ملا۔ پاکستان کے بلے بازوں نے دوسری اننگز کے آغاز سے ہی دفاعی حکمت عملی اپنائی تاہم اوپنر محمد عامر 74 گیندوں پر 11 رنز بنا کر پویلین واپس لوٹ گئے۔ دوسرے اینڈ سے محمد شہزاد نے ذمہ دارانہ کھیل کا مظاہرہ کیا اور حریف ٹیم کے خلاف سیسہ پلائی دیوار بن کر کھڑے رہے۔
انہوں نے 127 گیندوں پر 88 رنز کی ناقابل شکست اننگز کھیلی۔ تیسری وکٹ کی شراکت میں عباس علی نے 34 گیندوں پر 3 رنز بنا کر محمد شہزاد کا بھرپور ساتھ دیا۔ کھیل کے اختتام تک قومی انڈر 16 کرکٹ ٹیم نے 2 وکٹوں کے نقصان پر 112 رنز بنائے تھے۔
اس سے قبل مہمان ٹیم کے 204 رنز کے جواب میں قومی انڈر 16 کرکٹ ٹیم ابرار افضل کی نصف سنچری کی بدولت پہلی اننگز میں 117 رنز بنا کر آؤٹ ہوگئی۔
اقبال اسٹیڈیم فیصل آباد میں کھیلے گئے نیشنل ٹی ٹوئنٹی کپ کے کامیاب انعقاد کے بعد قائداعظم ٹرافی کے دوسرے مرحلے کا آغاز پیر سے ہوگا ، جہاں پانچویں راؤنڈ کے میچز 28 اکتوبر سے کوئٹہ ، فیصل آباد اور سیالکوٹ میں کھیلے جائیں گے
پاکستان کرکٹ بورڈ نے قومی اور بین الاقوامی کرکٹ میں ربط برقرار رکھنے کیلئے قائداعظم ٹرافی کو دو مرحلوں میں تقسیم کیا، پہلے مرحلے کے 4 راؤنڈز مکمل ہونے کے بعد قومی ٹی ٹوئنٹی کرکٹ ٹیم کی آسٹریلیا روانگی سے قبل نیشنل ٹی ٹوئنٹی کپ کا انعقاد کیا گیا، پاکستان اور آسٹریلیا کے درمیان 3 ٹی ٹوئنٹی میچوں پر مشتمل سیریز نومبر کے پہلے ہفتے میں کھیلی جائے گی ،
اسی طرح پاکستان کو ورلڈ ٹیسٹ چیمپئن شپ کے سلسلے میں آسٹریلیا کیخلاف 2 میچوں کی سیریز کھیلنی ہے، نومبر کے وسط میں شروع ہونے والی سیریز میں شامل قومی ٹیسٹ کرکٹرز قائداعظم ٹرافی کے پانچویں راؤنڈ میں شرکت کے بعد برسبین روانہ ہو ں گے ، سیریز سے قبل قومی ٹیسٹ سکواڈ میں شامل کرکٹرز پیر سے شروع ہونے والے راؤنڈ کی صورت میں آخری بار قائداعظم ٹرافی میں شرکت کرین گے،
مزید پڑھیں
بھارت نے پاکستان کو بڑے مارجن سے شکست دے دی
اے سی سی ویمنز ایمرجنگ ٹیمز ایشیا کپ 2019 میں بھارت نے پاکستان کو7 وکٹوں سے شکست دے دی، نیوی گراؤنڈ کولمبو میں پاکستان کی ٹیم پہلے کھیلتے ہوئے 106 رنز بنا کر آؤٹ ہو گئی، بھارتی ٹیم نے مطلوبہ ہدف 3 وکٹوں کے نقصان پر پورا کر لیا ،
ایشین کرکٹ کونسل کی طرف سے جاری کردہ تفصیلات کیمطابق قومی ویمنز ایمرجنگ کرکٹ ٹیم کی کپتان رامین شمیم نے ٹاس جیت کر پہلے بیٹنگ کا فیصلہ کیا جو سود مند ثابت نہ ہو سکا ، پاکستان کی جانب سے کوئی بھی بیٹر لمبی اننگز کھیلنے میں کامیاب نہ ہو سکی اور پوری ٹیم 46.5 اوورز میں 106 رنز بنا کر آؤٹ ہو گئی، طوبیٰ حسین 32 اور کپتان رامین شمیم 31 رنز بنا کر ٹاپ سکورر رہیں، قومی ویمنز ایمرجنگ ٹیم کی 7 کھلاڑی ڈبل فگر میں داخل نہ ہو سکیں، بھارت کی جانب سے دیویکا نے 4 اور سشری نے 3 وکٹیں حاصل کیں،
جواب میں بھارتی ویمنز ایمرجنگ ٹیم نے مطلونہ ہدف 30 اوورز میں با آسانی 3 وکٹوں کے نقصان پر حاصل کر لیا ، حریف ٹیم کی جانب سے نزہت پروین 44 رنز بنا کر ٹاپ اسکورر رہیں، پاکستان کی جانب سے فاطمہ خان، سیدہ عروب شاہ اور نشرہ سندھو نے 1،1 کھلاڑی لو آؤٹ کیا ،