Baaghi TV

Tag: current news

  • بلوچستان حکومت؛ صحت اور تعلیم کی فراہمی کیلئے پر عزم

    بلوچستان حکومت؛ صحت اور تعلیم کی فراہمی کیلئے پر عزم

    بلوچستان حکومت؛ صحت اور تعلیم کی فراہمی کیلئے پر عزم

    وزیر اعلیٰ بلوچستان کی کوآرڈینٹر شانیہ خان نے کہا ہے کہ صوبائی حکومت صوبے کے دور افتادہ علاقوں سمیت ٹرشری کئیر اسپتالوں میں عوام کو سرکاری سطح پر صحت کی معیاری سہولیات کی فراہمی کے لئے پرعزم ہے اس ضمن میں بلوچستان کابینہ کے آئندہ اجلاس میں بلوچستان ہیلتھ کارڈ کے اجراء کی اصولی منظوری دے دی جائے گی یہ بات انہوں نے جمعہ کو جاری اپنے ایک بیان میں کہی.

    شانیہ خان نے کہا کہ بلوچستان کے وسیع و عریض رقبے پر پھیلی آبادی تک صحت کی بنیادی سہولیات کی فراہمی کسی چیلنج سے کم نہیں تاہم وزیر اعلیٰ بلوچستان میر عبدالقدوس بزنجو کی سربراہی میں صوبائی حکومت دستیاب وسائل کو عوام کی بہبود خصوصاً بنیادی سہولیات صحت اور تعلیم کی فراہمی کے منصوبوں پر خرچ کررہی ہے جس کے دورس نتائج برآمد ہوں گے انہوں نے کہا کہ بلوچستان ہیلتھ کارڈ کے اجراء کے لئے وزیر اعلیٰ بلوچستان نے ورکنگ پیپر کابینہ کے آئندہ اجلاس میں پیش کرنے کی ہدایت کی ہے. جس پر محکمہ صحت پوری تندہی سے کام کررہا ہے.

    اس منصوبے پر عمل درآمد کے لئے پروجیکٹ ڈائریکٹر اور ضروری اسٹاف کی تقرری کا عمل تکمیل کے مراحل میں ہے کابینہ سے منظوری کے بعد بلوچستان میں بہت جلد ہیلتھ کارڈ کا اجراء کردیا جائے گا جس سے صوبے کے رہائشیوں خصوصاً غریب طبقے کو سرکاری سطح پر صحت کی معیاری سہولیات ان کی دہلیز پر میسر آئیں گی شانیہ خان نے کہا کہ وزیر اعلیٰ بلوچستان میر عبدالقدوس کو پارلیمانی جماعتوں کی اکثریت کا اعتماد حاصل ہے اور باہمی مشاورت سے صوبے کی تعمیر و ترقی اور روزگار کی فراہمی کے لئے ہر ممکنا اقدامات اٹھائے جاررہے ہیں۔ 
    مزید یہ بھی پڑھیں؛
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ
    ملک میں ڈالر کے مقابلے میں روپے کی قدر میں اضافے کا سلسلہ جاری
    سابق سیکرٹری پنجاب کی اہلیہ کا شوہر کی گمشدگی پرچیف جسٹس سےازخود نوٹس کا مطالبہ
    پاکستانی سائنسدان و ماہر تعلیم ڈاکٹر عطاء الرحمان کیلئے ایک اور بین الاقوامی اعزاز
    پاکستانی معیشت کیوں ترقی نہیں کر رہی؟ عالمی بینک نےحقائق پیش کردیئے
    وزیراعلی بلوچستان میر عبدالقدوس بزنجو نے پی ڈی ایم کے سربراہ مولانا فضل الرحمن کی کامیاب سرجری پر اطمینان کا اظہار کرتے ہوۓ انکی جلد اور مکمل صحتیابی کے لیۓ نیک خواہشات کا اظہار کیا ہے وزیراعلیٰ نے اپنے ایک پیغام میں کہا ہے کہ مولانا فضل الرحمان کی ناسازی طبعیت پر انہیں تشویش لاحق تھی تاہم انکی کامیاب سرجری اور طبعیت کی بہتری باعث اطمینان ہے اللہ تعالٰی مولانا کو ہمیشہ اپنی حفظ و امان رکھے ۔

  • پرویز الہیٰ اور پی ٹی آئی نے لاہور ہائی کورٹ کے فیصلے کو ’آئین کی بالادستی‘ قرار دے دیا

    پرویز الہیٰ اور پی ٹی آئی نے لاہور ہائی کورٹ کے فیصلے کو ’آئین کی بالادستی‘ قرار دے دیا

    لاہور: پاکستان تحریک انصاف اور سابق وزیر اعلیٰ پنجاب چوہدری پرویز الہیٰ نے لاہور ہائی کورٹ کے صوبے میں الیکشن کے انعقاد کے حوالے سے جاری فیصلے کو خوش آئند اور ’آئین کی بالادستی‘ قرار دے دیا۔

    لاہور ہائی کورٹ کے فیصلے پر ردعمل دیتے ہوئے چوہدری پرویز الہیٰ نے کہا کہ عدالت کا فیصلہ خوش آئند ہے، ہمیں عدلیہ سے انصاف کی امید تھی، عدلیہ نے آئین کی سر بلندی قائم رکھی اور اس فیصلے سے اپنے وقار میں اضافہ کیا۔انہوں نے کہا کہ الیکشن کمیشن کو لاہور ہائیکورٹ کے فیصلے کے بعد اب دیر نہیں کرنی چاہیے اور فوری الیکشن کے شیڈول کا اعلان کرنا چاہیے۔

    پی ٹی آئی کے رہنما اور سابق اسپیکر پنجاب اسمبلی سبطین خان نے کہا کہ عدالت نے ملک کو ایک آئینی بحران سے نکالنے میں کلیدی کردار ادا کیا ہے، فیصلہ پاکستان کے عوام کی جیت ہے، الیکشن کمشن اب مزید تاخیر کی بجائے فوری طور پر الیکشن شیڈول جاری کرے۔ عدالتی فیصلہ عوامی امنگوں کے مطابق آیا ہے، جس پر قوم مبارک باد کی مستحق ہے، آئین میں الیکشن کے انعقاد کے حوالے سے واضح احکامات ہیں جس کی روشنی میں عدالت نے فیصلہ دیا۔

    پاکستان تحریک انصاف کے مرکزی رہنما فواد چوہدری نے سماجی رابطے کی سائٹ ٹویٹر پر جاری اپنے بیان میں کہا کہ ’ملک میں جاری بحران کا حل قومی انتخابات ہیں، وفاقی حکومت انتخابات سے فرار کا راستہ ترک کرے اور تحریک انصاف کے ساتھ بیٹھ کر قومی الیکٹورل فریم ورک کا اعلان کرے، آئین سے انحراف کسی کے مفاد میں نہیں ہے‘۔

    انہوں نے لکھا کہ ’آج جسٹس جواد حسن نے عدلیہ کا مان رکھ لیا، لاہور ہائیکورٹ کا فیصلہ تاریخی ہے آئین کا تحفظ عدلیہ کی بنیادی ذمہ داری ہے اور آج کا فیصلہ آئین اور قانون کی فتح ہے وفاقی حکومت ہمارے ساتھ بیٹھے اور قومی الیکشن پر بات چیت کرے‘۔

    پی ٹی آئی کے رہنما اور سابق صوبائی وزیر میاں اسلم اقبال نے کہا کہ لاہور ہائی کورٹ کے فیصلے سے ائینی تقاضے کے مطابق معاملہ اب الیکشن کی طرف بڑھے گا، اب فوری طوری پر الیکشن شیڈول کا اعلان کرنا چاہیے۔ لاہور ہائیکورٹ کے فیصلے کے بعد اب الیکشن کمیشن اپنی آئینی ذمہ داری پوری کرے۔ عدالت کا فیصلہ آئین کی بالادستی کا آئینہ دار ہے۔

    پاکستان تحریک انصاف کے رہنما مسرت جمشید چیمہ نے کہا کہ موجودہ گھمبیر حالات میں آئین کے مطابق فیصلے ہی پاکستان کو بحرانوں سے نکال سکتے ہیں، ان شا اللہ اب ملک میں عام انتخابات کا ماحول بھی بنتا ہوا نظر آرہا ہے ،امپورٹڈ ٹولہ اب الیکشن کمیشن کو ڈھال کے طور پر استعمال کرنا چھوڑ دے ، عوام انتخابی میدان میں بھی پی ڈی ایم ٹولے کا سیاسی حشر نشر کر ینگے۔

    انہوں نے کہا کہ لاہور ہائیکورٹ نے آئین کی اصل روح کے مطابق تاریخ ساز فیصلہ سنایا،عدالتی فیصلے سے پی ڈی ایم ٹولے کی ساری تدبیریں اور چالیں ناکام ہو گئیں، پاکستانی قوم آئین کی پاسداری کرنے پر معزز لاہور ہائیکورٹ کو خراج تحسین پیش کرتی ہے۔

  • اسحق ڈار کی یو این ڈی پی کے ریزیڈنٹ نمائندے سے ملاقات

    اسحق ڈار کی یو این ڈی پی کے ریزیڈنٹ نمائندے سے ملاقات

    وفاقی وزیر خزانہ اسحق ڈار کی یو این ڈی پی کے ریزیڈنٹ نمائندے سے ملاقات

    وفاقی وزیر خزانہ ومحصولات سینیٹر محمد اسحاق ڈار سے اقوام متحدہ کے ترقیاتی پروگرام (یو این ڈی پی) کے ریزیڈنٹ نمائندے نٹ اوسٹبی نے جمعہ کویہاں وزارت خزانہ میں ملاقات کی۔ وزیر خزانہ نے نٹ اوسٹبی کا خیرمقدم کیا اور پاکستان میں سیلاب سے بچائو کے اقدامات کرنے میں بہترین شراکت دار ہونے پر سٹیئرنگ کمیٹی برائے موسمیاتی موزونیت پاکستان کی جانب سے ان کا شکریہ ادا کیا۔ وزیر خزانہ نے سیلاب سے متاثرہ علاقوں کی بحالی اور تعمیر نو کے لیے ایک تعمیری منصوبہ تیار کرنے کے لیے یو این ڈی پی اور پلاننگ ڈویژن کی مشترکہ کوششوں کو سراہا جو جنوری 2023 میں جنیوا کانفرنس میں پیش کیا گیا تھا۔

    اس کانفرنس میں پاکستان مختلف شراکت داروں کی حمایت حاصل کرنے میں بھی کامیاب رہا۔ نٹ اوسٹبی نے وزیر خزانہ کو یو این ڈی پی کی جانب سے قلیل، درمیانی اور طویل مدتی اہداف کے لیے جاری ادارہ جاتی انتظامات کے بارے میں آگاہ کیا۔ انہوں نے بتایا کہ بحالی کے منصوبوں کو عملی جامہ پہنانے کے لیے اقتصادی امور ڈویژن اور وزارت منصوبہ بندی و ترقی کے تعاون سے منصوبے بنائے جا رہے ہیں۔ انہوں نے وزیر خزانہ سے مزید درخواست کی کہ وہ ایس ڈی جیزسے متعلقہ منصوبوں میں تیزی لانے کے لیے نجی شعبے کو شامل کریں۔
    مزید یہ بھی پڑھیں؛
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ
    ملک میں ڈالر کے مقابلے میں روپے کی قدر میں اضافے کا سلسلہ جاری
    سابق سیکرٹری پنجاب کی اہلیہ کا شوہر کی گمشدگی پرچیف جسٹس سےازخود نوٹس کا مطالبہ
    پاکستانی سائنسدان و ماہر تعلیم ڈاکٹر عطاء الرحمان کیلئے ایک اور بین الاقوامی اعزاز
    پاکستانی معیشت کیوں ترقی نہیں کر رہی؟ عالمی بینک نےحقائق پیش کردیئے
    وزیر خزانہ نے اس سلسلے میں مکمل تعاون فراہم کرنے کی یقین دہانی کرائی اور پائیدار ترقیاتی اہداف کے حصول میں ترقیاتی شراکت دار کے طور پر یواین ڈی پی کے کلیدی کردار کو سراہا۔ انہوں نے ایس ڈی جیز کے حصول کیلئے حکومت پاکستان کے عزم کا اعادہ کیا۔

  • بحری مشق امن 2023 کی تقریب پرچم کشائی میں 50 سے زائد ممالک کی شرکت

    بحری مشق امن 2023 کی تقریب پرچم کشائی میں 50 سے زائد ممالک کی شرکت

    بحری مشق امن 2023 کی تقریب پرچم کشائی میں 50 سے زائد ممالک کی شرکت

    پاکستان نیوی ڈاکیارڈ میں آٹھویں کثیرالقومی ’’بحری مشق امن 2023 کی تقریب پرچم کشائی میں 50 سے زائد ممالک کی اعلیٰ فوجی قیادت نے شرکت کی۔ جبکہ اس موقع پر چیف آف دی نیول اسٹاف ایڈمرل محمد امجد خان نیازی نے ’’مشق امن 23‘‘ کے شرکا کا پرتپاک استقبال کرتے ہوئے کہا کہ پاکستان انٹرنیشنل میری ٹائم ایکسپو اینڈ کانفرنس کا کراچی میں آغاز امن مشق ایک باقاعدہ سرگرمی ہے جس میں علاقائی اور عالمی بحری افواج شرکت کرتی ہیں تاکہ خطے میں بلا تعطل میری ٹائم سرگرمیوں کے لیے محفوظ اور سازگار بحری ماحول پیدا کیا جا سکے۔

    نیول چیف نے اپنے پیغام میں مزید اس بات پر زور دیا کہ پاک بحریہ خطے میں مشترکہ میری ٹائم سیکیورٹی کو فروغ دینے کے ساتھ خطے میں باہمی تعاون پیدا کرنے کی جدوجہد میں پیش پیش رہی ہے جسے امن کے لیے متحد مشق کے نعرے کے تحت اجاگر کیا گیا ہے۔ نیول چیف نے اس بات پر زور دیا کہ یہ بندھن بڑھتا رہے گا اور ہمیں علاقائی امن اور مشترکہ خوشحالی کے اہداف کے مزید قریب لائے گا۔ اس موقع پر خطاب کرتے ہوئے کمانڈر پاکستان فلیٹ، وائس ایڈمرل اویس احمد بلگرامی نے امید ظاہر کی کہ یہ مشق سب کے لیے باہمی طور پر فائدہ مند ثابت ہوگی۔
    مزید یہ بھی پڑھیں؛
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ
    ملک میں ڈالر کے مقابلے میں روپے کی قدر میں اضافے کا سلسلہ جاری
    سابق سیکرٹری پنجاب کی اہلیہ کا شوہر کی گمشدگی پرچیف جسٹس سےازخود نوٹس کا مطالبہ
    پاکستانی سائنسدان و ماہر تعلیم ڈاکٹر عطاء الرحمان کیلئے ایک اور بین الاقوامی اعزاز
    پاکستانی معیشت کیوں ترقی نہیں کر رہی؟ عالمی بینک نےحقائق پیش کردیئے
    واضح رہے کہ امن سیریز کی آٹھویں مشق “امن ۔ 23 ” 10 سے 14 فروری 2023 تک جاری رہے گی۔ یہ مشق پاک بحریہ کی ایک اہم سرگرمی ہے جو ہر دو سال بعد منعقد کی جاتی ہے جس کا مقصد سمندروں کو مثبت انسانی سرگرمیوں کے لیے محفوظ بنانے کے عزم کا اظہار کرنا ہے جس میں علاقائی اور عالمی بحری افواج کو مدعو کیا جاتا ہے۔ اس سال امن مشق میں 50 سے زائد ممالک اپنے بحری جہازوں، طیاروں، اسپیشل آپریشنز فورسز اور مبصرین کی ایک بڑی تعداد کے ساتھ شرکت کر رہے ہیں۔

  • وفاقی حکومت الیکشن کرانے میں تاخیر کا شکار کیوں؟

    وفاقی حکومت الیکشن کرانے میں تاخیر کا شکار کیوں؟

    اسمبلیاں تحلیل ہوئے تقریبا تین ہفتے ہوچکے ہیں مگر ابھی تک حکومت نے نئے الیکشن بارے کوئی اعلان نہیں کیا ہے.

    ملک میں دو صوبوں جیسے پنجاب اور خیبر پختونخوا ہے میں اسمبلیاں تحلیل ہوئے تقریبا تین ہفتے ہوچکے ہیں مگر ابھی تک حکومت نے نئے الیکشن بارے کوئی اعلان نہیں کیا ویسے تو الیکشن کمیشن کی ذمہ داری ہے کہ نوے دن میں الیکشن کمیشن ہوجانے چاہئے مگر یہ شرط بھی وفاق سے منسلک ہے کیونکہ ہر صوبے میں نئے الیکشن کی تاریخ کا حتمی فیصلہ گورنرز نے ہی کرنا ہوتا یے۔ پاکستانی آئین میں بھی درج ہے کہ جب ملک کی کوئی اسمبلی اپنی مدت پوری کیئے بغیر تحلیل ہوجائے تو 90 دن میں الیکشن کروانا لازمی ہوتا ہے۔

    لیکن وفاقی وزرا کے بیانات سے اندازہ لگائیں تو معلوم ہوتا پے حکومت تاحال الیکشن کرانے کے موڈ میں نہیں ہے اور وہ جیسے چاہتے ہیں جب قومی اسمبلی کی آئینی مدت پوری ہوگی تو پھر ایک ساتھ ہی تمام الیکشن ہونگے مگر سینئر صحافی حامد میر کے مطابق یہ حکومت نئے الیکشن کرانے کے ارادے میں نہیں ہے اور اس سب کا نقصان نواز شریف اور زرداری کو ہوگا۔


    مزید یہ بھی پڑھیں؛
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ
    ملک میں ڈالر کے مقابلے میں روپے کی قدر میں اضافے کا سلسلہ جاری
    سابق سیکرٹری پنجاب کی اہلیہ کا شوہر کی گمشدگی پرچیف جسٹس سےازخود نوٹس کا مطالبہ
    پاکستانی سائنسدان و ماہر تعلیم ڈاکٹر عطاء الرحمان کیلئے ایک اور بین الاقوامی اعزاز
    پاکستانی معیشت کیوں ترقی نہیں کر رہی؟ عالمی بینک نےحقائق پیش کردیئے
    دوسری جانب آج ہی لاہور ہائی کورٹ نے الیکشن کمیشن کو حکم دے دیا ہے کہ وہ جلد از جلد آئین پاکستان کے مطابق 90 دن میں پنجاب میں الیکشن کروائے لیکن تجزیہ کاروں کا کہنا ہے کہ ایسا فلحال حکومت اس معاملے میں کرتی دکھائی نظر نہیں آتی ہے کیونکہ پی ڈی ایم حکومت بھی ماضی میں نام نہاد تبدیلی سرکار کی طرح ناکام ہوچکی ہے لیکن پھر بھی یہ لوگ کوشش کررہے ہیں کہ یہ اپنی عزت بچا سکیں مگر جیسے حالات اور مہنگائی بڑھتی جارہی ہے اس حکومت کی بھی مقبولیت ختم ہوتی جارہی ہے۔

  • پاکستان پچھلےچند ماہ سےغیرملکی ایجنسیزکےنشانےپرہے:جدید ٹیکنالوجی سے جاسوسی جاری ہے

    پاکستان پچھلےچند ماہ سےغیرملکی ایجنسیزکےنشانےپرہے:جدید ٹیکنالوجی سے جاسوسی جاری ہے

    لندن:پاکستان پچھلےچند ماہ سےغیرملکی ایجنسیزکےنشانےپرہے:جدید ٹیکنالوجی سے جاسوسی جاری ہے اطلاعات ہیں کہ معروف کمپی بلیک بیری نے دعویٰ کیا ہے کہ پاکستان کی فوجی شخصیات،تنصبیات اورتقریبات اس وقت ایسے عناصراورممالک کی ہٹ لسٹ پرہے جوپاکستان کے مخالف جانے جاتے ہیں

    نیوز پینگوئن نے دعویٰ کیا ہے کہ ان کے پاس کچھ ایسے ثبوت ہیں کہ جن سے بخوبی اندازہ لگایا جاسکتا ہے کہ پاکستان کوکن خطرات کا سامنا ہے ، جو آنے والی پاکستان انٹرنیشنل میری ٹائم ایکسپو اینڈ کانفرنس (PIMEC-2023)پرنظریں مرکوز کررکھی ، یہ بھی کہا جارہا ہےکہ جدید جاسوسی ٹول فراہم کرنے کے لیے ہتھیاروں سے لیس دستاویزات رکھتے ہیں۔

    10-12 فروری کوہونے والےایک پروگرام جوکہ PIMEC پاکستانی بحریہ کا ایک اقدام ہے جو نجی اور سرکاری اداروں کو مصنوعات کی نمائش اور تعلقات کو فروغ دینے میں مدد کرتا ہےکےبارے میں بھی معلوم ہوا ہےکہ اس وقت نظروں میں ہے

    اس رپورٹ میں یہ بھی کہا گیا ہے کہ یہ دستاویزات بہت کچھ منفی ظاہرکررہی ہیں ،کیونکہ ان کوایک بار کھولنے کے بعد دستاویز ریموٹ سرور سے اگلے مرحلے کو لانے کے لیے ریموٹ ٹیمپلیٹ انجیکشن تکنیک کا استعمال کرتی ہے جو صرف پاکستانی IP ایڈریسز پر پے لوڈ فراہم کرتا ہے۔

    اس کے ذریعے جب پاکستان میں آئی ٹی سے متعلقہ افراد جوخصوصی طورپران شعبوں میں کام کرتے ہی‌حتمی پے لوڈ کی طرف جانے والی متعدد دیگر فائلیں بھی متاثرہ کی مشین پر ڈاؤن لوڈ کی جاتی ہیں۔ NewsPenguin کا ایجنٹ، جسے explorer.exe میں داخل کیا جاتا ہے، پہلے سے غیر دستاویزی جاسوسی ٹول ہے جو سینڈ باکسز اور ورچوئل حساس مقامات کواپنے قبضے میں لے سکتا ہے

    اس رپورٹ میں یہ بھی کہا گیا ہے کہ اس بات کا تعین کرنے کے لیے متعدد چیک کرتا ہے کہ آیا یہ سینڈ باکس کےکواپنے قبضے میں لیتا ہے یا پھر کمانڈ اینڈ کنٹرول (C&C) سرور کا IP حاصل کرنے کے لیے ہارڈ کوڈ شدہ ریموٹ سرور سے منسلک ہوتا ہے اور کمانڈز وصول کرنا شروع کرتا ہے، جو کہ base64 انکوڈ شدہ ہیں۔

    پاکستان کی حساس فوجی اوراہم تنصیبات ،شخصیات اوراداروں کے حوالے سے اس رپورٹ میں یہ بھی انکشاف کیا گیاہے کہ میلویئر کمانڈز کے درمیان پانچ منٹ انتظار کرتا ہے، ممکنہ طور پر سینڈ باکسز کو اپنے قبضے میں لینے کوشش کرتا ہے ، جس میں عام طور پر فی فائل پانچ منٹ سے بھی کم وقت کی حد ہوتی ہے۔

    موصولہ کمانڈز کی بنیاد پر، میلویئر مشین کے بارے میں معلومات اکٹھا کرتا اور بھیجتا ہے، ایک اضافی تھریڈ چلاتا ہے، فائلوں کو کاپی کرتا ہے یا منتقل کرتا ہے، فائلوں کو ڈیلیٹ کرتا ہے، ڈائریکٹریز بناتا ہے، فائلوں کا مواد سرور کو بھیجتا ہے، فائلوں پر عمل کرتا ہے، اور فائلوں کو اپ لوڈ یا ڈاؤن لوڈ کرتا ہے۔

    ان حملوں سے منسلک ڈومینز 2022 کے دوسرے نصف حصے میں رجسٹر کیے گئے تھے، جس سے ظاہر ہوتا ہے کہ NewsPenguin کچھ عرصے سے آپریشن کی منصوبہ بندی کر رہا ہے۔رپورٹ کے مطابق ان ھمکی آمیز اہداف میں پاکستان میں ملٹری ٹیکنالوجی کمپنیاں، ملکی ریاستیں اور عسکری تنظیمیں شامل ہیں،

    اس رپورٹ میں کہاگیا ہے کہ یہ ضروری نہیں کہ سب کچھ اس طریقے سے کیا جارہا ہے بلکہ کئی متبادل ٹیکنالوجیز کے ذریعے بھی پاکستانی حساس دستاویزات پرقبضہ کرنے کی کوشش کی جاتی ہے ،اس میں کامیابی کس حد تک ملتی ہے اس کا اندازہ اس بات سے لگایا جاسکتا ہے کہ پاکستان میں سیکورٹی سے متعلقہ اداروں کے متعلق ہراہم موومنٹ نیوزپینگوئن کی گرفت سے باہرنہیں‌ہے

  • عدالت کا الیکشن کمیشن کو پنجاب میں انتخابات کی تاریخ دینے کا حکم

    عدالت کا الیکشن کمیشن کو پنجاب میں انتخابات کی تاریخ دینے کا حکم

    لاہور ہائیکورٹ نے الیکشن کمیشن کو پنجاب میں 90 دن کے اندر انتخابات کی تاریخ دینے کا حکم جاری کردیا۔

    لاہور ہائی کورٹ نے پنجاب میں الیکشن کی تاریخ کے حوالے سے دائر درخواست کو بھی منظور کرلیا۔ جسٹس جواد حسن نے تحریک انصاف کے جنرل سیکرٹری اسد عمر سمیت دیگر کی درخواستوں پر سماعت کی اور محفوظ فیصلہ سنایا۔ قبل ازیں آئی جی پنجاب نے موقف اختیار کیا تھا کہ انتخابات سے متعلق جو الیکشن کمیشن کا فیصلہ ہو گا ہم اس پر عملدرآمد کریں گے جبکہ چیف سیکرٹری پنجاب نے آگاہ کیا تھا کہ ہم آئین کے آرٹیکل 220 پر عملدرآمد کے پابند ہیں عدالت اور الیکشن کمیشن جو بھی فیصلہ کرے ہم اس پر عملدرآمد کے پابند ہیں۔

    الیکشن کمیشن کے وکیل نے الیکشن بروقت کروانے سے معذوری ظاہر کردی۔ الیکشن کمیشن کے وکیل کا موقف تھا کہ تاریخ دینا الیکشن کمیشن کا کام نہیں ہے، عدلیہ ،چیف سیکرٹری، فنانس سب نے افسران اور فنڈز دینے سے معذرت کرلی ہے الیکشن کمیشن ایسے حالات میں کیسے الیکشن کروا سکتا ہے.ہمیں الیکشن کرانے کے لیے 14 ارب روپے کی ضرورت ہے، قانون میں الیکشن کی تاریخ مؤخر ہو سکتی ہے ۔ گورنر کے وکیل شہزاد شوکت نے دلائل میں کہا اگر اسمبلی خودبخود تحلیل ہوتی ہے تو گورنر انتخابات کی تاریخ دینے کا پابند نہیں ہے.
    مزید یہ بھی پڑھیں؛
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ
    ملک میں ڈالر کے مقابلے میں روپے کی قدر میں اضافے کا سلسلہ جاری
    سابق سیکرٹری پنجاب کی اہلیہ کا شوہر کی گمشدگی پرچیف جسٹس سےازخود نوٹس کا مطالبہ
    پاکستانی سائنسدان و ماہر تعلیم ڈاکٹر عطاء الرحمان کیلئے ایک اور بین الاقوامی اعزاز
    پاکستانی معیشت کیوں ترقی نہیں کر رہی؟ عالمی بینک نےحقائق پیش کردیئے
    تحریک انصاف کے وکیل کا کہنا تھا کہ آئین میں واضح درج ہے کہ اسمبلی کی تحلیل کے بعد نوے روز میں الیکشن ہوں گے. صدر مملکت بھی الیکشن کی تاریخ دے سکتے ہیں ، عدالت حکم دے گی تو صدر تاریخ دے دیں گے۔ لاہور ہائیکورٹ نے پنجاب میں الیکشن کی تاریخ کے لیے دائر درخواستوں پر وکلا کے دلائل مکمل ہونے کے بعد فیصلہ محفوظ کرلیا تھا جو کہ اب سنا دیا گیا ہے.

  • ایپکس کمیٹی کے فیصلوں پر عمل درآمد یقینی بنایا جائے. وزیر اعظم

    ایپکس کمیٹی کے فیصلوں پر عمل درآمد یقینی بنایا جائے. وزیر اعظم

    ایپکس کمیٹی کے فیصلوں پر عمل درآمد یقینی بنایا جائے، سیکیورٹی لیپس برداشت نہیں ہو گا، وزیر اعظم

    وزیراعظم شہباز شریف نے کہا ہے کہ شہریوں کی حفاظت حکومت کی اولین ذمہ داری ہے، سیکیورٹی میں کسی قسم کی کوئی کوتاہی برداشت نہیں کی جائے گی۔ وزیراعظم شہباز شریف کی زیر صدارت امن و امان کی صورت حال کے حوالے سے اہم اجلاس ہوا، جس میں چاروں صوبوں اسلام آباد، گلگت بلتستان اور آزاد جموں و کشمیر کے سیکورٹی امور کا جائزہ لیا گیا۔ اجلاس کے شرکاء سے گفتگو کرتے ہوئے وزیراعظم نے کہا کہ شہریوں کی حفاظت حکومت کی اولین ذمہ داری ہے اس سلسلے میں کوتاہی کی کوئی گنجائش نہیں ہے اور کسی قسم کا سیکورٹی نقص برداشت نہیں کیا جائے گا۔

    وزیراعظم نے وفاقی وزیر داخلہ کو چاروں صوبوں کا دورہ کرنے کی ہدایت کرتے ہوئے کہا کہ امن و امان کے حوالے سے وفاق اور صوبوں میں رابطوں اور ہم آہنگی مزید بہتر بنائی جائے. انہوں نے مزید ہدایت کی کہ تمام صوبوں میں کاؤنٹر ٹیررازم ڈیپارٹمنٹس کی استعداد کار میں بہتری لانے کے لئے مؤثر اقدامات کیے جائیں، قانون نافذ کرنے والے اداروں کو جدید ہتھیاروں اور سامان سے لیس کیا جائے۔ شہباز شریف نے ہدایت کی کہ اپیکس کمیٹی میں کئے گئے فیصلوں پر بھرپور عمل درآمد کو یقینی بنایا جائے۔

    اجلاس کو بتایا گیا کہ ملک کے بڑے شہروں میں سیف سٹی پراجیکٹس کو مزید مؤثر بنانے کے اقدامات کے گئے ہیں۔ وزیراعظم کی ہدایت پر وفاقی سیکرٹری داخلہ نے حال ہی میں چاروں صوبوں کا دورہ کیا تاکہ امن و امان کے حوالے سے صوبوں کو درپیش مسائل اور درکار وسائل کا جائزہ لیا گیا۔
    مزید یہ بھی پڑھیں؛
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ
    ملک میں ڈالر کے مقابلے میں روپے کی قدر میں اضافے کا سلسلہ جاری
    سابق سیکرٹری پنجاب کی اہلیہ کا شوہر کی گمشدگی پرچیف جسٹس سےازخود نوٹس کا مطالبہ
    پاکستانی سائنسدان و ماہر تعلیم ڈاکٹر عطاء الرحمان کیلئے ایک اور بین الاقوامی اعزاز
    پاکستانی معیشت کیوں ترقی نہیں کر رہی؟ عالمی بینک نےحقائق پیش کردیئے
    اجلاس میں وفاقی وزیر داخلہ رانا ثنا اللہ، وزیراعظم کے معاونین خصوصی سید طارق فاطمی، جہان زیب خان، چاروں صوبوں , گلگت بلتستان , آزاد جموں و کشمیر کے چیف سیکرٹریز، اسلام آباد کیپٹل ٹیریٹری کے چیف کمشنر، چاروں صوبوں بشمول گلگت بلتستان، آزاد جموں و کشمیر اسلام آباد کے آئی جیز پولیس اور متعلقہ سرکاری افسران نے شرکت کی.

  • پنجاب کے لذیذ کھانے جنہیں کھاتے ہی مزہ آجائے

    پنجاب کے لذیذ کھانے جنہیں کھاتے ہی مزہ آجائے

    پنجاب کےلذیذ کھانے جنہیں کھاتے ہی مزہ آجائے

    اگر پنجاب کے مشہور کھانوں کی بات کی جائے تو بہت سے منفرد کھانے ذہن میں آتے ہیں. جیسے کہ سرسوں کا ساگ اور مکی کی روٹی پنجاب کی مشہور ترین کھانوں میں سے ایک ہیں۔ عام طور پر اس ڈش سے سردیوں کے موسم میں لطف اندوز ہوا جاتا ہے۔ لیکن مکھن اور بڑا سا گلاس لسی کے ساتھ اس کا مزہ لیا تو کہیں زیادہ ہی دوبالا ہوجاتا ہے.

    اس کے علاوہ ڈش جو پنجاب کھانوں میں جو لذت دار فوڈ ہے ان میں دہی بھلہ یا دہی بڑا کے نام جانا جاتا ہے، یہ گہری تلی ہوئی اُڑد کی دال کی گیندوں سے بنا پوا ہوتا ہے جسے بلے کہا جاتا ہے. اور پھر اسے اچھی طرح سے دہی میں ڈبویا جاتا ہے۔ ان کے ذائقے کو بڑھانے کے لیے ٹینگی اور میٹھی املی کی چٹنی اور دھنیا کی چٹنی شامل کی جاتی ہے۔ تاکہ اس کے ذائقہ کو مزید مزیدار بنایا جاسکے.
    علاوہ ازیں دال مکھنی بھی ایک لزت دار کریم اور مکھن کے گڑیوں کے ساتھ پوری کالی دال پر مشتمل ہے یہ پاکستان اور بھارت دونوں پنجاب میں مشہور ہے اس کا ذائقہ بہت ہی مزیدار ہوتا ہے اور دونوں ملکوں کے پنجاب میں ماضی میں تو کافی مشہور رہا ہے لیکن پاکستان میں اب یہ کم ہی رہ گیا بلکہ نایاب ہی ہوگیا ہے.
    مزید یہ بھی پڑھیں؛
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ
    ملک میں ڈالر کے مقابلے میں روپے کی قدر میں اضافے کا سلسلہ جاری
    سابق سیکرٹری پنجاب کی اہلیہ کا شوہر کی گمشدگی پرچیف جسٹس سےازخود نوٹس کا مطالبہ
    پاکستانی سائنسدان و ماہر تعلیم ڈاکٹر عطاء الرحمان کیلئے ایک اور بین الاقوامی اعزاز
    پاکستانی معیشت کیوں ترقی نہیں کر رہی؟ عالمی بینک نےحقائق پیش کردیئے
    اگر پنجاب کے میٹھے کھانوں کی بات کی جائے تو جلیبی کافی مشہور یہ اصل میں جالندھر کی تمام گلیوں میں دستیاب ہے لیکن پاکستان میں لاہور جلیبی کو دودھ کے گرم پیالے میں بھی ڈال کر دیا جاتا ہے جو بہت لذتدار ہوتا ہے۔ اسے میدہ کی مدد سے بنایا جاتا ہے اور گول جلیبیاں تو بہت ہی مزیدار ہوتی ہیں جبکہ یہ سرخ اور ہلکے ہھیکے سفید رنگ میں بھی بنائی جاتی ہیں.

  • بجلی منصوبوں کیلئے قرض پر سود عوام ادا کریں گے. ای سی سی نے منظوری دیدی

    بجلی منصوبوں کیلئے قرض پر سود عوام ادا کریں گے. ای سی سی نے منظوری دیدی

    بجلی منصوبوں کیلئے قرض پر سود عوام ادا کریں گے، ای سی سی نے منظوری دیدی

    وزیر خزانہ سینیٹر اسحاق ڈار کی زیر صدارت اقتصادی رابطہ کمیٹی (ای سی سی) کے اجلاس میں بخار کی دوا کی قیمت میں اضافے اور بجلی منصوبوں کے لیے قرض پر سود کی رقم عوام سے لینے کی منظوری دے دی۔ ای سی سی اعلامیے کے مطابق اجلاس میں بخار کی دوا کی قیمتوں میں اضافے کا فیصلہ کیا گیا، پیراسٹا مول کی 500 ملی گرام گولی کی قیمت 2.6 روپے اور پیراسٹامول ایکسٹرا کی 500 ملی گرام گولی کی قیمت 3.3 روپے مقرر کرنے کا فیصلہ کیا گیا جبکہ 20 ادویات کی قیمتوں میں کمی کی بھی منظوری دی گئی۔

    ای سی سی اعلامیے میں کہا گیا ہے کہ بجلی منصوبوں کے لیے لیے گئے قرض پر سود کی رقم بھی عوام ادا کریں گے، بجلی صارفین پر ایک روپے فی یونٹ سر چارج لگانے کی منظوری دی گئی، سرچارج ‏300 یونٹ سے زائد بجلی استعمال کرنے والے گھریلو صارفین پر لاگو ہو گا، فنانس سرچارج کے ذریعے بجلی صارفین سے 76 ارب روپے وصول کیے جائیں گے۔ اعلامیے کے مطابق بجلی بلوں پر فنانس سرچارج رواں سال مارچ سے جون تک لاگو رہے گا، سرچارج کے الیکڑک سمیت بجلی کی تمام تقسیم کار کمپنیوں کے صارفین پر لاگو ہو گا۔

    ای سی سی نے پاور ہولڈنگ کمپنی کو 283 ارب روپے کی رقم کی ادائیگی مؤخر کرنے کی منظوری دی اور کہا کہ فنانس ڈویژن کمپنی کو سود سمیت رقم کی ادائیگی کے لیے نئی گارنٹی دے۔ اقتصادی رابطہ کمیٹی نے اگست اور ستمبر 2022 کے لیے فیول ایڈجسٹمنٹ سر چارجز کی بھی منظوری دی جبکہ سیلاب سے متاثرہ علاقوں کے اگست اور ستمبرکے بجلی کے بل معاف کرنے کی منظوری بھی دی گئی جس کا اطلاق 300 سےکم یونٹ استعمال والے گھریلو ‏صارفین پر ہو گا۔
    مزید یہ بھی پڑھیں؛
    نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
    سونے کی فی تولہ قیمت میں 3ہزار300روپے کااضافہ
    ملک میں ڈالر کے مقابلے میں روپے کی قدر میں اضافے کا سلسلہ جاری
    سابق سیکرٹری پنجاب کی اہلیہ کا شوہر کی گمشدگی پرچیف جسٹس سےازخود نوٹس کا مطالبہ
    پاکستانی سائنسدان و ماہر تعلیم ڈاکٹر عطاء الرحمان کیلئے ایک اور بین الاقوامی اعزاز
    پاکستانی معیشت کیوں ترقی نہیں کر رہی؟ عالمی بینک نےحقائق پیش کردیئے
    ای سی سی نے سیلاب سے متاثرہ علاقوں کے کمرشل صارفین کے لیے اگست اور ستمبرکے ‏بجلی کے بلوں کی ادائیگی مؤخر کرنے کی منظوری بھی دی، سیلاب زدہ علاقوں کے بجلی بلوں کے لیے 10 ارب 34 کروڑ روپے گرانٹ ‏کی منظوری دی گئی۔ ای سی سی نے آئی ایم ایف کی ہدایات کی روشنی میں نطرثانی شدہ سرکلر ڈیٹ پلان کی ‏منظوری دی اور اجلاس میں وزارت دفاع کے لیے 45 کروڑ روپے کی گرانٹ منظور کی گئی۔