وادی رومبور میں فلاحی کاموں کا سلسلہ جاری، اے وی ڈی پی (AVDP) اور اے کے آر ایس پی (AKRSP) کے تعاون سے ویلج کونسل رومبور میں مستحق افراد کے لیے ایک اہم تقریب منعقد کی گئی، جس میں 104 مستحق خاندانوں میں الیکٹرک چولہے تقسیم کیے گئے۔تقریب کی نگرانی چیئرمین ویلج کونسل سلطان نے کی، جنہوں نے اس موقع پر خطاب کرتے ہوئے متعلقہ اداروں کا شکریہ ادا کیا۔ ان کا کہنا تھا کہ اس قسم کے فلاحی منصوبے نہ صرف غریب عوام کی مشکلات کم کرتے ہیں بلکہ ان کے معیارِ زندگی کو بھی بہتر بناتے ہیں۔انہوں نے مزید کہا کہ الیکٹرک چولہوں کی فراہمی سے مہنگے ایندھن پر انحصار کم ہوگا، ماحولیاتی آلودگی میں کمی آئے گی اور گھریلو اخراجات بھی کم ہوں گے۔ یہ اقدام خاص طور پر خواتین کے لیے آسانی اور تحفظ فراہم کرے گا۔تقریب کے اختتام پر مستفید افراد نے اس اقدام کو سراہتے ہوئے اداروں کا شکریہ ادا کیا اور امید ظاہر کی کہ مستقبل میں بھی ایسے فلاحی منصوبے جاری رہیں گے۔
Tag: #DevelopmentProjects
-
صوبائی وزیر سعید غنی سے حمید کریم کی ملاقات، عوامی مسائل کے حل پر پیش رفت کا عزم
کشمور (رپورٹ وقار احمد اعوان) صوبائی وزیر سعید غنی سے حمید کریم کی ایک اہم اور بامقصد ملاقات ہوئی جس میں صوبے خصوصاً متعلقہ علاقوں کو درپیش مسائل مزدوروں کے حقوق روزگار کے مواقع اور سوشل پروٹیکشن کے نظام کو مؤثر بنانے جیسے اہم امور پر تفصیلی اور سنجیدہ تبادلہ خیال کیا گیا ذرائع کے مطابق ملاقات خوشگوار ماحول میں منعقد ہوئی جہاں حمید کریم نے اپنے علاقے کے عوام کو درپیش بنیادی مسائل ترقیاتی کاموں میں درپیش رکاوٹوں اور فلاحی منصوبوں کی ضرورت پر جامع انداز میں روشنی ڈالی انہوں نے خاص طور پر نوجوانوں کے لیے روزگار کے مواقع بڑھانے مزدور طبقے کے حقوق کے تحفظ اور سوشل سیکیورٹی کے نظام کو مزید فعال بنانے پر زور دیا اس موقع پر صوبائی وزیر سعید غنی نے گفتگو کرتے ہوئے کہا کہ حکومت سندھ مزدوروں اور محنت کش طبقے کی فلاح و بہبود کے لیے عملی اقدامات کر رہی ہے اور محکمہ محنت ہیومن ریسورسز و سوشل پروٹیکشن کے تحت جاری منصوبوں کو مزید مؤثر اور عوام دوست بنایا جا رہا ہے انہوں نے یقین دہانی کرائی کہ پیش کیے گئے مسائل کو ترجیحی بنیادوں پر حل کیا جائے گا اور متعلقہ حکام کو فوری ہدایات جاری کی جائیں گی ملاقات میں باہمی تعاون کے فروغ ترقیاتی عمل کو تیز کرنے اور عوامی مسائل کے پائیدار حل کے لیے مسلسل رابطے میں رہنے پر بھی اتفاق کیا گیا اس موقع پر اس عزم کا اظہار کیا گیا کہ عوام کی فلاح و بہبود اور علاقے کی ترقی کے لیے مشترکہ کوششیں جاری رکھی جائیں گی آخر میں حمید کریم نے صوبائی وزیر سعید غنی کا شکریہ ادا کرتے ہوئے امید ظاہر کی کہ اس ملاقات کے مثبت اثرات جلد سامنے آئیں گے اور عوام کو درپیش مسائل میں واضح بہتری آئے گی۔
-
دیپالپور میں ترقیاتی منصوبوں کا جائزہ، ڈپٹی کمشنر کے کام تیز کرنے کے احکامات
اوکاڑہ (نامہ نگار ملک ظفر) دیپالپور میں ڈپٹی کمشنر احمد عثمان جاوید نے شہر میں جاری ترقیاتی منصوبوں کا تفصیلی دورہ کیا۔ انہوں نے زیر تعمیر انڈر گراؤنڈ واٹر سٹوریج ٹینکس، روڈ کے اطراف واٹر ٹینکس اور شہر کی خوبصورتی کے مختلف منصوبوں کا معائنہ کیا۔اس موقع پر اسسٹنٹ کمشنر فیصل شہزاد چیمہ اور دیگر متعلقہ افسران نے انہیں جاری کاموں پر بریفنگ دی۔ ڈپٹی کمشنر نے منصوبوں کے معیار پر زور دیتے ہوئے ہدایت کی کہ اعلیٰ معیار کا مٹیریل استعمال کیا جائے تاکہ یہ منصوبے طویل عرصے تک عوام کے لیے مفید ثابت ہوں۔انہوں نے واضح کیا کہ ناقص مٹیریل یا سستی روی پر سخت کارروائی کی جائے گی اور تمام منصوبے مقررہ وقت میں مکمل کیے جائیں۔ خاص طور پر برسات کے موسم سے قبل پانی کے نکاس کے نظام کو فعال بنانا ضروری قرار دیا گیا۔ڈپٹی کمشنر نے کہا کہ زیر تعمیر ٹینکس کی جلد تکمیل نہایت اہم ہے تاکہ بارشی پانی کے بروقت نکاس سے شہری انفراسٹرکچر کو نقصان سے بچایا جا سکے۔ انہوں نے مزید بتایا کہ حکومت پنجاب کی ہدایت پر شہروں کی جدید طرز پر ترقی اور بنیادی سہولیات کی بہتری کے لیے تمام وسائل بروئے کار لائے جا رہے ہیں۔بعد ازاں انہوں نے مثالی گاؤں وینڈلا جاگیر کا بھی دورہ کیا اور وہاں جاری ترقیاتی منصوبوں کو جلد مکمل کرنے کی ہدایات جاری کیں۔