پاکستان میں آج کل چائلڈ لیبر پر بہت زیادہ بات ہو رہی ہے خصوصی طور پر رضوانہ کے کیس کےبعد چائلڈ لیبر پر ہر کوئی اپنی آواز بلند کررہا ہے. حال ہی میں وہاج علی بھی بول پڑے ہیں چائلڈ لیبر کے خلاف . اداکارہ نادیہ جمیل نے ایک پوسٹ شئیر کرتے ہوئے لکھا ہے کہ وہاج علی نے چائلڈ لیبر اور اسی دوران گھریلو تشدد کا شکار ہونے والے بچوں کے حوالے سے بات کرتے ہوئے کہا ہے کہ جن لوگوں کو خدا نے بہت زیادہ دے رکھا ہے وہ مختلف طریقوں سے مدد کریں تاکہ بچوں کا مستقبل تباہ نہ ہو۔ وہاج علی نے یہ بھی کہا ہے کہ چائلڈ لیبر ایک جرم ہے۔ جو کوئی بھی بچوں کو مجبور کرکے ان سے چائلڈ لیبر کرواتا ہے اس شخص کے بارے میں کنسرن اتھارٹیز کو رپورٹ کریں۔
یاد رہے کہ” نادیہ جمیل نے گزشتہ دنوں یہ شکایت کی تھی کہ میں نے ہمایوں سعید ، ماہرہ خان ، عدنان صدیقی سب سے رابطہ کرکے کہا کہ ایک وڈیو بنا کر دیں جس میں چائلڈ لیبر پر بات ہو ، کسی نے مجھے وڈیو بنا کر نہیں دی جو کہ بہت ہی افسوسناک ہے.” لیکن سجل علی اور وہاج علی نے چائلڈ لیبر کے خلاف آواز اٹھائی ہے اور اپنی وڈیوز بھی سوشل میڈیا پر شئیر کی ہیں.
