Baaghi TV

Tag: entertainment news

  • سیف علی خان کے بیٹے ابراہم کی بالی وڈ میں اینٹری

    سیف علی خان کے بیٹے ابراہم کی بالی وڈ میں اینٹری

    سیف علی خان کا بیٹا ابراہم علی خان‌‌ اب بالی وڈ میں دھوم مچائے گا ، اس کی تصدیق خود انکی بہن سارا علی خان نے کی ہے انہوں نے بتایا ہے کہ میرا بھائی ابراہم بالی وڈ میں ڈیبیو کرنے کے لئے تیار ہے اور ھال ہی میں اس نے اپنی پہلی فلم کی شوٹنگ بھی مکمل کر لی ہے .سارا علی خان نے اپنے حالیہ انٹرویو میں جیسے ہی اس بات کی تصدیق کی تو سوشل میڈیا پر دھوم مچ گئی اور بحث چھڑ گئی کہ کیا ابراہم اچھا ایکٹر ثابت ہو سکے گا اپنے باپ اور ماں کی طرح بالی وڈ میں اپنی جگہ بنا سکے گا. ابراہم نے کرن جوہر کی فلم راکی اور رانی کی پریم کہانی میں کرن

    جوہر کو اسسٹ بھی کیا. اس انٹرویو میں انہوں نے اپنی ماں امریتآ سنگھ کے بارے میں بھی بات کی انہوں نے کہا کہ "میرے خیال میں ماں صرف طاقت کا مظہر ہے اس لیے وہ جذباتی طور پر بہت مضبوط انسان ہیں۔ وہ بہت پر سکون رہتی ہیں سکون کی نیند سوتی ہیں اور سکون کی نیند سونا ایک نعمت ہے .سارا علی خان مزید کہتی ہیں کہ میں بہت پرجوش ہوں کہ میرا بھائی بالی وڈ میں ڈیبیو کرنے جا رہا ہے. مجھے امید ہے کہ ابراہم والدین کا نام روشن کریگا.

  • علی رحمان خواجہ سرا بن گئے

    علی رحمان خواجہ سرا بن گئے

    اداکار علی رحمان خان جو کہ ایک بڑی فین فالونگ رکھتے ہیں وہ کم کم مگر معیاری کام کرنے کو ترجیح دیتے ہیں ، علی رحمان ایک بار پر چھوٹی سکرین پر اپنے فن کا جدود جگانے کےلئے تیار ہیں ، لیکن اس بار ہمیں ایک مختلف علی رحمان خان دیکھنے کو ملے گا، جی ہاں‌علی رحمان ڈرامہ سیریل گرو میں ایک خواجہ سرا کا کردار کررہےہیں ،یہ ڈرامہ بہت جلد آن ائیر جائیگا. علی رحمان سے قبل منیب بٹ نے خواجہ سرا کا کردار ادا کیا تھا. شائقین نے ان کو بے حد پسند کیا تھا . علی اس کردار کو لیکر کافی پرجوش ہیں ان کا کہنا ہےکہ یہ صرف ایک کردار نہیں تھا بلکہ

    بہت بڑا چینلج تھا. جسے میں نے قبول کیا ، مجھے بہت امید ہے کہ شائقین میرے اس کردار کو بہت سراہیں گے. یاد رہے کہ کچھ عرصہ پہلے تک ٹرانسجینڈر کے کردار کرنے کے لئے ہیرو جلدی حامی نہیں بھرتے تھے نہ ہی پرڈیوسرز ایسی کہانیاں لکھواتے تھے لیکن جب سے ڈرامے میں جدت آئی ہے مختلف موضوعات پرکہانیاں بننے لگی ہیں تو ہیروز بھی ایسے کردار کرنے لگے ہیں. اور شائقین ایسی کہانیوں کو بھی قبول کررہی ہے جس میں‌ٹرانسجنیڈرز دکھائے جا رہے ہیں.

  • حیدر سلطان برس پڑے آفتاب اقبال پر پرانا وڈیو کلپ ایکبار پھر وائرل

    حیدر سلطان برس پڑے آفتاب اقبال پر پرانا وڈیو کلپ ایکبار پھر وائرل

    معروف صحافی آفتاب اقبال نے اپنے ایک شو میں کہا تھا کہ سلطان راہی کیا بیچتا ہے شان کے سامنے ، اس پر حیدر سلطان راہی کا ایک پرانا وڈیو کلپ ایک بار پھر سے سوشل میڈیا پر وائرل ہو رہا ہے. اس کلپ میں حیدر سلطان کہہ رہے ہیں کہ میرے والد کے انتقال کے بعد میں نے کبھی بھی ان کے خلاف کسی سے آج تک برا نہیں سنا ، آفتاب اقبال کون ہے کہاں سے اٹھ کر آگیا ہے؟ اس کے پاس اگر ٹی وی سکرین ہے تو اسکا مطلب یہ نہیں ہے کہ اسکو کسی کے بھی خلاف بولنے کا لائسنس مل گیا ہے. حیدر سلطان نے کہا کہ میرے ابو جی کے مداح نہایت غصے میں ہیں وہ

    آفتاب قبال کو سبق سکھانا چاہتے ہیں لیکن میں نے ان کو منع کر رکھا ہے. اس وڈیو کلپ میں حیدر سلطان کہہ رہے ہیں کہ چا دہائیوں تک میرے والد نے انڈسٹری اور لوگوں کے دلوں پر راج کیا ہے، انہوں نے نام کمایا نیکیاں کمائیں لوگوں کا پیار کمایا . انہوں نے کئی غریب بچیوں کی شادیاں کروائیں مسجدیں بنوائیں ، ہمیں تک نہیں پتہ تھا کہ وہ کن کن کو مہینے کا خرچ دیتے تھے جب انکا انتقال ہوا تو لوگ پانی کے سیلاب کی طرح ہمارے گھر آئے اور مجھ سے مل کر کہہ رہے تھے کہ آپکا نہیں ہمارا باپ چلا گیا.

  • اور جب سونم کپور کی گاڑی میں آگ لگ گئی

    اور جب سونم کپور کی گاڑی میں آگ لگ گئی

    بالی وڈ اداکارہ سونم کپور نے اپنے حالیہ انٹرویو میں‌ یاد کیا ہے اس واقعہ کو جس کے بعد ان کو نئی زندگی ملی ، سونم کپور بتاتی ہیں کہ میں اپنی فلم نیرجا کی تشہری مہم میں لگی ہوئی تھی ، میرے ساتھ میرے کو سٹار کنال وال بھی تھے ہم کہیں‌جا رہے تھے ، کہ ایکدم ہماری گاڑی رک گئی ، گاڑی رکی تو مجھے محسوس ہواکہ کچھ غلط ہونے جا رہا ہے ، میں نے اپنے دوست کنال روال سے کہا کہ جلدی باہر نکلو گاڑی سے ، چھلانگ لگا دو ، میں نے گاڑی سے چھلانگ لگا دی ،دیکھا کہ گاڑی میں آگ لگ رہی ہے ، میرے دوست کنال کی سائیڈ کا دورازہ نہیں کھل رہا تھا ، میں

    نے دروازہ کھولنے میں مدد کی جیسے ہی وہ گاڑی سے باہر آیا ہم بھاگ کر چند قدم آگے گئے تو گاڑی میں مکمل طور پر آگ لگ گئی اور وہ دھماکہ ہوا اور گاڑی تباہ ہو گئی، وہ واقعہ آج بھی یاد کرتی ہوں تو دل ڈر جاتا ہے ، اس واقعہ کے بعد مجھے دوسری زندگی ملی . میری اس وقت عمر محض پندراں برس تھی ، سونم کپور نے کہا کہ انسان کے ساتھ بعض حادثے ایسے ہوتے ہیں جو زہن پر نقش ہوجاتے ہیں وہ حادثہ ایسا ہی ہے میرے زہن میں نقش پر چکا ہے. آج بھی سوچوں‌ تو دل ڈر جاتا ہے.

  • وہاج علی چھوٹی سکرین کے بڑے سٹار بن گئے

    وہاج علی چھوٹی سکرین کے بڑے سٹار بن گئے

    ٹی وی پر آج کل ہر طرف اداکار وہاج علی کا راج ہے، وہاج نوجوان نسل کے نمائندہ فنکار ہیں ، ان کا ڈرامہ تیرے بن اورمجھے پیار ہوا تھا خاصی مقبولیت حاصل کررہے ہیں، ان دونوں ڈراموں میں وہاج علی کی اداکاری عروج پر دکھائی دے رہی ہے . لوگوں کی ایک بڑی تعداد اس وقت اداکار کی دیوانی ہے. اگرہم کہیں کہ وہاج علی چھوٹی سکرین کا بڑا فنکار بن چکا ہے تو بے جا نہ ہو گا وہاج علی نے نہایت کم عرصے میں اپنی صلاحیتوں کا لوہا منوایا ہے، اداکار آج ہر بڑے پروڈکشن ہائوس کی اولین چوائس ہے. ویسے تو وہاج علی نے ابھی تک جن ہیروئنز کے ساتھ کام کیا ہے سب کے ساتھ ان کی جوڑی

    کو بہت سراہا گیا ہے لیکن یمنہ زیدی کے ساتھ ان کی جوڑی کو بے حد سراہا جا رہا ہے، یمنہ زیدی اور وہاج کی کمیسٹری سکرین پر حقیقت کا گمان دے رہی ہے. وہاج علی کا ڈرامہ تیرے بن نے یوٹیوب پر بھی ملینز ویوز حاصل کرکے ایک الگ مقام حاصل کر لیا ہے ، اس کے علاوہ وہاج علی کے مداح پوری دنیا سے سوشل میڈیا پر ان کو تعریفی پیغامات بھیجتے ہیں. شائقین وہاج علی کو دیکھنے کے لئے بےتاب رہتے ہیں، اب دیکھنا یہ ہےکہ وہاج علی فلموں میں کب نظر آتے ہیں .

  • دنانیر مبین بطور ڈرامہ ہیروئین شائقین کی توجہ ھاصل کر پائیں گی؟‌

    دنانیر مبین بطور ڈرامہ ہیروئین شائقین کی توجہ ھاصل کر پائیں گی؟‌

    سوشل میڈیا سے راتوں رات شہرت کمانے والی دنا نیر مبین کی حال ہی میں ڈرامہ سیریل محبت گمشدہ میری آن ائیر ہوئی ہے، اس میں وہ مرکزی کردار کرتی ہوئی دکھائی دے رہی ہیں ، ان کے ساتھ خوشحال خان بطور ہیرو کام کررہے ہیں، ڈرامے کی ابتدائی قسط میں دیکھیں تو دنانیر مبین ڈرامہ شائقین کو متاثر نہیں کر سکیں ، ان کی اداکاری بھی خاص متاثر کن نہیں ہے ، یہاں تک کہ ان کا جو حلیہ لوگ سوشل میڈیا پر دیکھ چکے ہیں وہی ڈرامے میں نظر آرہا ہے. دنانیر مبین اور خوشحال خان کی جوڑی کی بھی سمجھ نہیں آرہی ، سمجھ سے بالاتر ہے کہ دنانیر میبن کو کیا سوچ کر ڈرامے میں کاسٹ کیا گیا ہے اور خصوصی طور پر خوشحال خان کو بطور ہیرو ڈرامے میں رکھا گیا،

    ڈرامے کی کہانی جو ابھی تک دکھائی گئی ہے اس کے مطابق دنانیر مبین گھر کی لاڈلی لڑکی ہے جو اپنے ہمسائے کے بیٹے کو پسند کرتی ہے ، وہ اسے پسند کرتا ہے لیکن دونوں ایک دوسرے کے ساتھ اظہار محبت نہیں کر پاتے ، دوسری طرف دنانیر کی بہن اسکی ھرکتوں کو نوٹس کرتے ہوئے اسے بارہا وارننگ دے رہی ہے کہ باز آجائو ورنہ کسی مشکل میں پھنس جائو ، ڈرامے کی کہانی آگے بڑھے گی تو پتہ چلے گا کہ یہ اصل میں دیکھنے والوں کو پیغام کیا دینا چاہتی ہے.

  • ہاجرہ یامین کی آنے والی ڈرامہ سیریل ونڈر لینڈ کا ٹریلر جاری

    ہاجرہ یامین کی آنے والی ڈرامہ سیریل ونڈر لینڈ کا ٹریلر جاری

    ہاجرہ یامین کی آنے والی ڈرامہ سیریل ونڈر لینڈ کا ٹریلر جاری کر دیا گیا ہے.یہ سیریز ناظرین کو ایک ایسے جذباتی سفر پر لے جائے گی جہاں ایک پرجوش نوجوان اپنے خوابوں کے حصول کی کوششیں کررہا ہے جس کیلئے وہ کبھی محبت کے پیچیدہ راستوں سے گزرتا ہے اور کبھی خود کو بدلتا ہے۔ باصلاحیت لکھاری ردا بلال کی کہانی ونڈرلینڈ میں روحیل، جس کا کردار فہدشیخ نے بڑی خوبصورتی سے ادا کیاہے، جو اپنی شدید خواہشات کو پورا کرنے کی دھن میں نکلتا ہے۔اس سفر میں بے شمار رکاوٹوں کا سامنا کرتے ہوئے آخر وہ ایک ایسے مقام پر پہنچتا ہے جہاں اس

    کو اپنے خوابوں کے حصول کی سخت جدوجہداور اپنی محبت کے درمیان ایک کشمکش میں گرفتار ہوجاتا ہے۔فہد کے ساتھ کاسٹ میں ہاجرہ یامین بھی شامل ہیں جو ناظرین کو مسحور کردینے والے سنہری کے کردارمیں روحیل کی ہم سفر بن جاتی ہیں۔مشہورفلم ساز سہیل جاوید نے نہایت مہارت کے ساتھ زندگی کو ایک پرکشش روپ میں پیش کیا ہے، جبکہ انہوں نے شو کے پروڈیوسراور ڈائریکٹر کے طور پر بھی اپنے فن کا لوہا منوایا ہے۔جاوید کی غیرمعمولی صلاحیتوں نے کہانی کے شاندار بیانیے کو اس بات کی ضمانت بنادیاہے کہ ناظرین ونڈرلینڈ کی پرکشش دنیا میں کھو کر رہ جائیں گے۔

  • کئی بار سوچا اداکاری چھوڑ دوں پریانکا کا انکشاف

    کئی بار سوچا اداکاری چھوڑ دوں پریانکا کا انکشاف

    پریانکا چوپڑہ آج کل اپنے ہر انٹرویو میں‌بالی وڈ سے گلے شکوے کرتی ہوئی نظر آتی ہیں انہوں نے حال ہی میں ایک غیر ملکی جریدے کو انٹرویو دیتے ہوئے کہا ہے کہ مجھے آڈیشنز کے دوران اتنی بار رد کیا گیا کہ میرا دل کیاکہ میں اداکاری چھوڑ دوں. کوئی بھی میری صلاحیتوں پر اعتبار کرنے کو تیار ہی نہیں تھا، شوٹنگز میں میرے سر پر چڑھ کر کھڑے ہوتے لوگ کہ جیسے میں اداکاری کر ہی نہیں سکتی اگر انہوں نے گائیڈ نہ کیا تو. اداکارہ نے کہا کہ ایسے رویوں سے کئی بار دلبرداشتہ ہوئی اور سوچا کہ اب بس ، اب نہیں ، لیکن خود کو مضبوط رکھا اور لگی رہی.

    میں نے بالی وڈ کیرئیر جب چھوڑا تو مجھے لگا کہ میں نے بہت کچھ چھوڑ دیا ہے، لیکن میں‌ گھبراہٹ کا شکار نہیں ہوئی اور اپنی منزل کی طرف رواں دواں رہی. انہوں نے کہا کہ میں آج جہاں بھی ہوں جو بھی ہوں خوش ہوں ، لیکن میرے ساتھ بالی وڈ میں بالکل بھی اچھا سلوک نہیں کیا گیا، کبھی میری رنگت پر سوال اٹھایا جاتا تو کبھی میری اداکاری پر سوال اٹھایا جاتا. یاد رہے کہ پریانکا اس وقت اپنے ہالی وڈ کے کیرئر پر توجہ دئیے ہوئے ہیں اور وہ وہاں جم کر فلمیں کر رہی ہیں اور مقبولیت ھاصل کررہی ہیں.

  • پری زاد اب عربی زبان میں

    پری زاد اب عربی زبان میں

    ہاشم ندیم کا تحریر کردہ ڈرامہ سیریل پری زاد اب عربی زبان میں سعودی عرب کے لوگوں کے لئے پیش کیا جائیگا. اس ڈرامے کی مقبولیت پاکستان میں ہی نہیں دنیا کے ان ممالک میں بھی ہے جہاں جہاں اردو زبان بولی اور سمجھی جاتی ہے. پری زاد ڈرامے کی مقبولیت کو دیکھتے ہوئے اب یہ ڈرامہ سعودی عرب میں عربی زبان میں پیش کیا جائیگا. اس ڈرامے کی کہانی ایک غریب اور سانولی رنگت کے سادہ مزاج لیکن سچے انسان کے گرد گھومتی ہے جس کا کردار اداکار احمد علی اکبر نے نبھایا تھا۔ شہزاد کشمیری کی ہدایت کاری میں بننے والے اس ڈرامہ سیریل کو

    اس کی کہانی اور کرداروں کو قدرے حقیقی انداز میں دکھائے جانے کی وجہ سے کافی سراہا گیا تھا۔ اطلاعات یہ ہیں کہ سعودی عرب میں دکھایا جانے والے اس ڈرامے کا نام پری زاد نہیں ہو گا بلکہ قریبا ہو گا. یاد رہے کہ پری زاد میں احمد علی اکبر کی اداکاری کو بے حد سراہا گیا تھا، احمد علی اکبر نے اس کردار کے ساتھ بے حد انصاف کیا اس میں حقیقت کے رنگ بھر دئیے آج بھی اس ڈرامے کو یاد کیا جاتا ہے ، اور احمد علی اکبر کے کیرئیر کی جب بھی بات ہوگی سب سے پہلے ان کے اس ڈرامے کا نام لیا جائیگا.

  • شادی نہیں‌ ہوتی نہ ہو نوین وقار کا لڑکیوں‌ کے لئے پیغام

    شادی نہیں‌ ہوتی نہ ہو نوین وقار کا لڑکیوں‌ کے لئے پیغام

    ٹی وی اداکارہ نوین وقار نے کہا ہے کہ مجھ سے ہر وقت یہ سوال کیا جاتا ہے کہ میں شادی کب کررہی ہوں، مردوں سے یہ سوال نہیں ہوتا، آخر لڑکیوں سے ہی یہ سوال کیوں کیا جاتاہے؟ نوین وقار نے کہا کہ لڑکیوں کو اس قسم کے سوالات پوچھ کر زہنی طور پر ڈسٹرب کیا جاتا ہے جو کہ ٹھیک نہیں ہے، انہوں نے کہا کہ میں لڑکیوں سے کہنا چاہتی ہوں کہ اگر شادی نہیں ہو رہی تو کوئی بات نہیں اکیلے رہ لیں لیکن کسی غلط انسان کے ساتھ شادی کرکے اپنی زندگی اور زہنی سکون تباہ نہ کریں، انہوں نے کہا کہ لڑکیوں کو چاہیے کہ وہ خود اتنا خود مختار بنائیں کہ انہیں

    کسی پر انحصار کرنے کی نوبت نہ آئے، اداکارہ نے کہا کہ مجھ سے ہر وقت یہی سوال ہوتا ہے کہ کب شادی کرو گی ، بھئی ہونی ہو گی تو ہوجائیگی ورنہ اکیلے بھی زندگی گزاری جا سکتی ہے اور اچھی زندگی گزاری جا سکتی ہے. نوین وقار نے لڑکیوں کو موٹیویٹ کرتے ہوئے کہا کہ بالکل ایسے سوالوں سے گھبراہٹ کا شکار نہ ہوں نہ ہی ڈپریشن میں جائیں ، ایسے سوال کرنے والے کب تک آخربولیں گے ؟آخر کو خود ہی چپ ہوجائیں گے بس آپ اپنے اعصاب مضبوط رکھیں.