Baaghi TV

Tag: Facebook

  • آنکھوں کے سامنے بھائی مر گیا اور میں کچھ نہ کر سکا جیکی شروف

    آنکھوں کے سامنے بھائی مر گیا اور میں کچھ نہ کر سکا جیکی شروف

    بالی وڈ اداکار جیکی شروف نے ایک انٹرویو میں بتایا ہےکہ جب میں‌دس سال کا تھا تو میں نے اپنےسامنے اپنے 17 سال کے بھائی کو پانی میں ڈوب کر مرتے ہوئے دیکھا اور میں کچھ نہ کر سکا. انہوں نے کہا کہ ہمارے گھر میں بہت غربت تھی، ماں محنت کرکے مجھے پڑھا رہی تھی ، سکول ختم ہوا تو کالج جانا چاہتا تھا لیکن نوکری کرنی پڑی، جیکی شروف نے کہا کہ میں ایک ایڈورٹائزنگ ایجنسی میں کام کرنے لگ گیا ، ایک دن بس سٹاپ پر کھڑا تھا کسی نے پوچھا ماڈلنگ کرو گے تو میں نے کہا کہ ہاں کروں گا، میں نے کہا کہ ماڈلنگ میں کیا ہوتا ہے تو انہوں نے کہا

    کہ ہم تصویر بنائیں گے اور تم کو پیسےدیں گے میں‌ خوش ہو گیا ان سے کہا کہ ہاں‌جی دیں ایسا کام . انہوں نے کہا کہ کل آجائو ہمارے پاس میں ان کے پاس گیا، انہوں نے کہا کہ کپڑوں کا ماپ دیدو ، میں نے دیدیا ، ماں سے کہا کہ ماں میں بس ماڈل بننے والا ہوں ماں نے کہاکہ جب بنے گا تب بات کرنا ، پھر جب میری تصویریں بن گئیں انہوں‌نے مجھے ساڑھے سات ہزار روپے دئیے میں نے وہ پیسے ماں کو دے دئیے تو وہ خوش ہوئی پھر میں نے نوکری چھوڑ دی اور اسی کام میں لگ گیا، پھر مجھے دیو آنند نے شکتی کپور کے چیلے کا کردار ایک فلم میں دیا وہ کیا اس کے بعد زندگی بدل گئی. بنیادی طور پر غریب تھا اسلئے آج بھی لوگوں کی مدد کرتا ہوں اور مدد کرکے جو خوشی ملتی ہے وہ کسی دوسری چیز میں‌کہاں.

  • ہیلن آج کے کس ہیرو کے ساتھ ڈانس کرنا چاہتی ہیں؟ اداکارہ نے بتا دیا

    ہیلن آج کے کس ہیرو کے ساتھ ڈانس کرنا چاہتی ہیں؟ اداکارہ نے بتا دیا

    سلمان خان کی دوسری ماں ہیلن بالی وڈ کی معروف ڈانسر رہی ہیں، انہوں نے ستر کی دہائی میں کئی سپر ہٹ فلموں میں ڈانس نمبرز کئے، ہیلن بطور ہیروئین تو اپنی جگہ نہ بنا سکیں لیکن ان کے دور میں‌کوئی ڈانس میں‌ انکو شاید ہی مات دے سکتا تھا. سلیم خآن کے ساتھ شادی کے بعد انہوں نے فلموں میں کام کرنا کم کر دیا اور کرتے کرتے ختم ہی کر دیا. انہوں‌نے ہم دل دے چکے صنم میں اپنی سوتن کے بیٹے سلمان خان کی ماں کا کردار کیا.ہیلن نے ایک میوزیکل شو میں شرکت کے دوران پوچھے گئے کچھ سوالات کا جواب یوں‌دیا، ان سے پوچھا گیا کہ کس ہیرو کو سو

    سال تک ڈانس سیکھنے کی ضرورت ہے تو انہوں نے کہا کہ دھرمیندر ڈانس نہیں کر سکتے ان کو ڈانس سیکھنے کی ضرورت ہے. نامور ہیروز کی تصویریں دکھا کر سوال پوچھا گیا کہ ان میں‌سے کونسا ہیرو سب سے زیادہ ہینڈسم ہے تو انہوں نے اپنے شوہر کا نام لیا اور کہا کہ سلیم خان. ان کو نوے کی دہائی کے ہیروز کی تصاویر دکھا کر پوچھا گیا کہ کس کے ساتھ ڈانس کرنا چاہیں گی تو انہوں نے ان ہیروز میں‌ سے سلمان خان کا انتخاب کیا اور کہا کہ میں اپنے بچےکے ساتھ ڈانس کرنا چاہوں گی.

  • ہیلن سے افئیر اور پھر شادی بارے خود اپنی پہلی اہلیہ کو بتایا سلمان خان کے والد سلیم خان

    ہیلن سے افئیر اور پھر شادی بارے خود اپنی پہلی اہلیہ کو بتایا سلمان خان کے والد سلیم خان

    بالی وڈ‌کے معروف رائٹر اور سلمان خان کے والد سلیم خان نے اپنے ایک انٹرویو میں کہا ہے کہ اداکارہ ہیلن کے ساتھ میرا شادی کرنے کا کوئی ارادہ نہیں تھا، ہماری ملاقات ایسے شروع ہوئی ، کہ ایک دن ہیلن میرے پاس آئی اور بتایا کہ ان کو کام نہیں مل رہا ، ظاہر ہے کہ ان کی عمر ان کرداروں کی نہیں رہی تھی جو ان کی پہچان تھی، میں نے ان کو تین دن میں تین فلمیں دلوا دیں ، وہ بہت خوش ہوئی ، اس نے میری عزت کرنا شروع کر دی، اور میرے پاس ان کا روٹین میں آنا جانا شروع ہو گیا، ہیلن کی طرف سے جو مجھے عزت مل رہی تھی وہ پیار میں بدل گئی ، ان کے

    والدین تھے نہیں ایک بھائی تھا جو نشئی تھا وہ بھی چل بسا، یہ اکیلی تھی ، مجھے اس سے پیار بھی ہو گیا تھا تو میں نے شادی کر لی اور شاد ی کرکے بچوں کی ماں یعنی اپنی پہلی اہلیہ کو بتایا وہ بہت خوش نہ ہوئی لیکن اب ایسے ہی چلنا تھا تو اس نے کمپرومائز کیا، میں ہیلن کے ساتھ جتنا فئیر رہ سکتا تھا رہا. اپنے بچوں کو اعتماد میں لیا ، میرے بچوں‌ کو شاید شروع میں لگا ہو گا کہ ہماری ماں کے ساتھ زیادتی ہوئی ہے لیکن بعد میں انہوں نے ہیلن کو قبول کر لیااور ہیلن اب ہماری فیملی کا حصہ ہیں.

  • طلاق کا فیصلہ میں نے اور ارباز نے بہت سوچنے کے بعد کیا ملائکہ اروڑہ

    طلاق کا فیصلہ میں نے اور ارباز نے بہت سوچنے کے بعد کیا ملائکہ اروڑہ

    بالی وڈ کی آئٹم گرل جو کہ سلمان خان کی بھابھی رہ چکی ہیں ، جی ہاں ملائکہ نے ارباز خان کے ساتھ نوے کی دہائی میں محبت کی شادی کی ، شادی کے کئی سال کے بعد ان دونوں‌نے فیصلہ کیا کہ ہم دونوں کو علیحدگی کر لینی چاہیے. ملائکہ اروڑہ نے کرینہ کپور کے ساتھ ایک انٹرویو میں کہا ہے کہ میں نے اکیلی نے طلاق کا فیصلہ نہیں کیا تھا ، بلکہ میں نے اور ارباز خان نے ایک ساتھ مل کر بیٹھ کر ہر چیز پر غور کیا ، اور پھر فیصلہ کیا کہ ہم ایک ساتھ خوش نہیں رہ سکتے لہذا ہمیں اپنی راہیں جدا کرنی ہوں گی اور ہم نے اپنی راہیں جدا کر لیں.ملائکہ نے اس انٹرویو

    میں یہ بھی کہا کہ طلاق کا فیصلہ لینا بہت آسان نہ تھا، میری فیملی تک مجھ سے کہہ رہی تھی کہ ایسا نہ کرو، طلاق سے ایک رات پہلے تک مجھے میری فیملی نے بیٹھ کر سمجھایا لیکن میں‌نے اس سے کہا کہ ہم ایک ساتھ نہیں رہ سکتے. ملائکہ نے کہا کہ جب بھی کوئی عورت طلاق لیتی ہے تواس پر انگلیاں اٹھتی ہیں مجھ پہ بھی اٹھیں ، لیکن میں‌سمجھتی ہوں کہ انسان کو اپنی زندگی اپنی مرضی کے مطابق جینی چاہیے لوگوں‌کا خیال نہیں کرنا چاہیے. اور ہر عورت کو اپنی زندگی میں آگے بڑھ جانا چاہیے.

  • ناسمجھی میں شاہد کے ساتھ شادی کر لی بابرا شریف کا سوشل میڈیا پرپرانا کلپ وائرل

    ناسمجھی میں شاہد کے ساتھ شادی کر لی بابرا شریف کا سوشل میڈیا پرپرانا کلپ وائرل

    بیگم نوازش علی کے ساتھ بابرا شریف کے انٹرویو کا ایک پرانا کلپ وائرل ہو رہا ہے جس میں‌بابرا بتا رہی ہیں کہ فلمسٹار شاہد کے ساتھ میری شادی صرف دو مہینے رہی اور دو مہینے کی شادی کوئی شادی تو نہیں ہوتی، مجھے جب کوئی کہتا ہے کہ تمہاری شادی ہوئی تھی تو مجھے یاد آتا ہے کہ ہاں میری تو شاہد کے ساتھ شادی ہوئی تھی، انہوں نے کہا کہ شاہد کے ساتھ شادی کرنا میری نا سمجھی تھی، مجھے پتہ ہی نہیں تھا کہ جو شادی کرنے جا رہی ہوں اس کا انجام کیا ہوگا. شاہد کی پہلے سے تین بیویاں تھیں، اور میں یہ بھی نہیں سمجھ پائی کہ میں ان سے شادی کیوں‌کر

    رہی ہوں یا شاہد مجھ سے شادی کیوں کررہا ہے. انہوں نے کہا کہ میری زندگی میں اگر کوئی آیا تو میں شادی ضرور کروں گی دوبارہ بلکہ میں تو اسی سال کی بھی ہو جائوں اور میری زندگی میں کوئی مرد آئے مجھے اس سے اور اسکو مجھ سے محبت ہو تو میں شادی ضرور کروں گی. انہوں نے کہا کہ مجھے محبت ہوئی تھی لیکن ملی نہیں ، اور ضروری نہیں کہ اللہ تعالی انسان کو ہر چیز سے نوازے. جس ھال میں ہوں بہت خوش ہوں.

  • تحریک انصاف کی بات نہ کریں مہوش حیات نے ایسا کیوں اور کس سے کہا ؟‌

    تحریک انصاف کی بات نہ کریں مہوش حیات نے ایسا کیوں اور کس سے کہا ؟‌

    عید الاضحی پر فلم تیری میری کہانیاں‌ریلیز ہونے جا رہی ہے ، اس میں تین کہانیاں دکھائی جائیں گی جو ایک دوسرے سے بالکل ہی مختلف ہوں گی. اس فلم کا گزشتہ دنوں کراچی میں ٹریلر لانچ کیا گیا، اس موقع پر مہوش حیات نے میڈیا سے بات چیت کی ، بات چیت کے دوران ایک صحافی نے سوال کیا کہ ایک سیاسی جماعت جس نے آپ کو تمغہ امتیاز سے نوازا تھا ، وہ آج کل بہت مشکل میں‌ ہے تو کیا کہنا چاہیں گی، اس سوال پر مہوش حیات نے کہا کہ دیکھیں تنقید زندگی کا حصہ ہوتی ہے اسی کے ساتھ جینا پڑتا ہے لیکن میرا خیال ہے کہ ہم تیری میری کہانیاں کے ٹریلر لانچ

    پر ہیں لہذا اسی کی بات کی جائے تو بہتر ہے آپ اس سیاسی جماعت کی بات نہ ہی کریں تو بہتر ہے. یوں مہوش حیات نے بہت ہی چالاکی کے ساتھ تحریک انصاف کے حوالے سے کئے گئے سوال کو گول کر دیا، کچھ نہ کہہ کر بھی بہت کچھ کہہ دیا، یاد رہے کہ اداکارہ مہوش حیات کی سیاسی وابستگی پی ٹئ آئی کے ساتھ بہت زیادہ ہے اور وہ عمران خان کو بہت زیادہ سپورٹ کرتی ہیں ان کے سیاست کے انداز کو پسند کرتی ہیں.

  • تیری میری کہانیاں ہماری طرف سے شائقین کو عید کاتحفہ ہے مہوش حیات

    تیری میری کہانیاں ہماری طرف سے شائقین کو عید کاتحفہ ہے مہوش حیات

    گزشتہ دنوں کراچی میں عید الاضحی پر ریلیز ہونے والی فلم تیری میری کہانیاں کا ٹریلر لانچ کیا گیا ، اس میں مہوش حیات ، وہاج علی ، ندیم بیگ، مرینہ خان و دیگر نے شرکت کی، تقریب میں‌مہوش حیات نے میڈیا سے گفتگو کرتے ہوئے کہا کہ تیری میری کہانیاں ایک نئی چیز ہے جو پاکستانی سینما میں متعارف کروائی جا رہی ہے، اس سے پہلے ایسا تجربہ نہیں ہوا، اچھی بات ہے کہ ہمارا سینما ماڈرن تجربات کرنے جا رہا ہے اور تیری میری کہانیاں ہماری طرف سے آپ سب کے لئے ایک تحفہ ہے، ایک ٹکٹ میں آپ تین فلمیں دیکھ سکتے ہیں ، اور تینوں فلمیں‌ہی مختلف

    ہیں. ان کی کہانیاں، کاسٹ ، ڈائریکٹرز سب کچھ مختلف ہے، میں اپنی فلم ٰمیں اپنے کردار کے حوالے سے کچھ نہیں بتا سکوں گی یہ ایک راز ہے جو عید کے روز ہی کھلنا چاہیے. میں‌تو کہوں گی کہ آپ سب تیری میری کہانیاں‌ضرور دیکھیں ، سب نے مل کر بہت اچھا کام کیا ہے. مہوش حیات نے مزید کہا کہ مجھے تیری میری کہانیاں میں کام کرنے کا بہت مزا آیا . یہ فلم ہر لحاظ سے میری پہلی فلموں سے مختلف ہے اور مختلف ثابت ہو گی، مجھے بہت امید ہے کہ ہمارے اس گفٹ کو آپ سب بہت پسند کریں گے.

  • ایک حالیہ تقریب میں‌راکھی کیوں رو پڑیں ؟‌

    ایک حالیہ تقریب میں‌راکھی کیوں رو پڑیں ؟‌

    بالی وڈ اداکارہ راکھی ساونت جو ابھی تک اسی جھٹکے سے نہیں نکلیں ہیں جو انہیں عادل درانی نے شادی میں‌دھوکے کی صورت میں انہیں دیا ہے، وہ عادل کے بعد اپنی زندگی میں مگن ضرور دکھائی دیتی ہیں ، کام کررہی ہیں ، نمازیں پڑھتی ہیں ، اسلام کی بات کرتی ہیں‌، وفا دار بیوی کی بات کرتی ہیں، ڈانس کرتی ہوئی دکھائی دیتی ہیں لیکن وہ اندر سے ٹوٹ چکی ہیں، راکھی آج بھی اپنے شوہر عادل کی بات کرتی ہیں، گھر بسانے کی بات کرتی ہیں، انہوں نے حال ہی میں ایک تقریب میں شرکت کی وہاں وہ پھوٹ پھوٹ کر رو پڑیں اور کہا کہ لوگ کہتے ہیں کہ راکھی ساونت کو کون دھوکہ دے سکتا ہے، اسکے

    ساتھ کون برا کر سکتا ہے ؟ انہوں نے سوال کیا کہ کیا میں انسان نہیں ہوں میرے سینے میں دل نہیں ہے؟ کیا میں‌ گھر بسانے کے خواب نہیں دیکھ سکتی کیا؟‌ میں نے بھی گھر بسانے کا سپنا دیکھا مجھے دھوکہ دیا گیا، میں اس دکھ تکلیف سے چاہ کر بھی نہیں نکل پا رہی ہوں. یہ کہتے ہوئے وہ پھوٹ پھوٹ کر رو رہیں تھیں. یاد رہے کہ راکھی اور عادل کی شادی تنازعات کا شکار رہیں مار پیٹ کے الزام میں راکھی نے عادل کو گرفتار کر وا دیا تھا.

  • ہر روتی عورت سچی نہیں ہوتی اپنی بات پر قائم ہوں نازش جہانگیر

    ہر روتی عورت سچی نہیں ہوتی اپنی بات پر قائم ہوں نازش جہانگیر

    اداکارہ نازش جہانگیر نے اپنے حالیہ انٹرویو میں کہا ہے کہ ہر روتی ہوئی عورت سچی نہیں ہوتی میں اپنے اس بیان پر آج بھی قائم ہوں. کیونکہ بہت ساری عورتیں سیچوایشن کو اپنے حق میں استعمال کرنے کا ہنر جانتی ہیں، میں دونوں فریقین کی باتیں سن کر صرف سچ کے ساتھ کھڑے رہنے کو ترجیح دیتی ہوں. انہوں نے کہا کہ ہمارے ہاں جو عورت مارچ ہوتا ہے اس سے کیا ان عورتوں کو فائدہ ہوتا ہے جو کسی دور گائوں میں بیٹھی مار کھا رہی ہوتی ہیں یا گھر داری کررہی ہوتی ہیں ، ان کو تو اس عورت مارچ کا پتہ بھی نہیں ہوتا. یہ جو عورت مارچ ہے یہ ان کے لئے

    نہیں ہے بلکہ ہمارے خود کے لئے ہے. اورمیں عورت مارچ کو بالکل بھی سپورٹ نہیں کرتی. ہمارے ہاں خلع لینے کی شرح بہت زیادہ ہوتی جا رہی ہے جو کہ مناسب نہیں ہے. انہوں نے کہا عورت اور مرد کے معاملے میں‌اگر عورت غلط اور مرد ٹھیک ہو تو میں مرد کے ساتھ ڈٹ کر کھڑی ہوں گی ، اگر عورت ٹھیک اور مرد غلط ہو تو میں‌ عورت کے ساتھ ڈٹ کر کھڑی ہوں گی. انہوں نے کہا کہ وہ معاشرے ترقی کرتے ہیں جہاں ہر حوالے سے عدل و انصاف کا بول بالا ہو.

  • مندر جائوں گی جو کرنا ہے کر لو سارہ علی خان ڈٹ گئیں

    مندر جائوں گی جو کرنا ہے کر لو سارہ علی خان ڈٹ گئیں

    سیف علی خان کی بیٹی سارا علی خان جو کہ مسلمان ہیں لیکن انہوں نے کبھی مسلمان ہونے پر فخر نہیں‌کیا وہ ہندو کہلائے جانے پر زیادہ فخر محسوس کرتی ہیں، سارا مندروں میں جاتی ہیں وہاں‌پوجا کرتی ہیں، ان کی جب بھی کوئی فلم ریلیز کے قریب ہوتی ہے تو وہ مندروں میں جا کر منتیں مانگتی ہیں. ان کی فلم زرا ہٹ کے زرا بچ کی ریلیز کے وقت وہ اتر پردیش کے قدیم مندروں میں گئیں وہاں جا کر انہوں نے پوجا کی اور پوجا کے دوران لی گئیں تصاویر انہوں نے اپنے انسٹاگرام پر شئیر کیں. انہوں نے جب یہ تصاویر شئیر کیں تو ان پر بہت زیادہ تنقید کی گئی ، کہا گیا کہ مسلمان ہو کر مندروں میں جاتے ہوئے شرم نہیں آتی، تم کس قسم کی مسلمان ہو جو خدا سے مانگنے کی بجائے

    مندروں میں بتوں سے مانگتی ہوں، ایسی تنقید پر سارا علی خان کو آیا غصہ اور انہوں نے دھلائی کر دی ناقدین کی انہوں نے کہا کہ میں تو مندروں میں‌جائوں گی جس کو جو کرنا ہے کرے جسکو جو کہنا ہے کہے، میں‌مسلمان ہوں یا ہندو یہ کسی کا مسئلہ نہیں ہے میں کسی کے معاملے میں‌نہیں‌بولتی کوئی بھی میرے معاملے میں نہ بولے، اور یہ بھی سمجھ لے کہ میں نے مندرجانا نہیں چھوڑنا.