Baaghi TV

Tag: Facebook

  • راکھی کا عمران خان کے حوالے سے پاکستانیوں کو پیغام

    راکھی کا عمران خان کے حوالے سے پاکستانیوں کو پیغام

    بالی وڈ کی معروف آئٹم گرل اور اداکارہ راکھی ساونت نے اپنے ایک وڈیو پیغام میں کہا ہے کہ اٹھو پاکستانیوں عمران خان کے لئے اٹھو ، اس کے لئے کچھ کرو، اگر ہمارے ہاں ایسا ہوا ہوتا تو ہم بینڈ بجا کر رکھ دیتے ، انہوں نے پاکستانیوں کو ایک اور مشورہ دیا انہوں نے کہا کہ ٹک ٹاک چھوڑو اور عمران خان کے لئے کچھ کرو ۔ یوں راکھی ساونت نے پاکستانیوں پر طنز بھی کر دی ہے تم لوگ ٹک ٹاک پر بیٹھے رہتے ہو اور کچھ کرنے کا مشورہ بھی دیدیا۔ عمران خان انڈیا میں خصوصی طور پر اس لئے آج کل بہت مقبول ہیں کیونکہ وہ پاکستانی فوج کے خلاف زہر اگل رہے ہیں اور انڈین میڈیا اس چیز کو بہت زیادہ اچھا ل رہا ہے۔ کیونکہ انڈیا ہمیشہ سے ہی یہی چاہتا ہے کہ پاکستان میں فوج کے خلاف جذبات ابھریں اور

    جو کام انڈیا اسرائیل نہیں کر سکا وہ عمرا ن خان نے کر دکھایا ہے تبہی تو انڈین میڈیا عمران خان کو ہیرو کے طور پر پیش کر رہا ہے اور بھارتی بھی عمران خان کو اسی لئے سپورٹ کررہے ہیں۔ یہاں تک کہ دنیا کے دیگر ممالک میں بھی عمران کا فوج مخالف بیانیہ بہت زیادہ پسند کیا جا رہا ہے اور وہاں بھی عمران خان کو ہیرو کے طور پر پیش کیا جا رہا ہے۔ یاد رہے کہ گزشتہ روز چیف جسٹس آف پاکستان نے عمران خا ن کی گرفتاری کو غیرقانونی قرار دیدیا ہے۔

  • شاہ رخ خان کی محبت کے بارے میں ایک خوبصورت بات

    شاہ رخ خان کی محبت کے بارے میں ایک خوبصورت بات

    بالی وڈ کے کنگ شاہ رخ خان نے اپنے حالیہ انٹرویو میں کہا ہے کہ جب مجھے پیار محبت کے اظہار کے سینز کرنے ہوتے ہیں یہ کہنا ہوتا ہے کہ آئی لو یو ، تو مجھے بہت کوفت ہوتی ہے ایسا کرنے سے کیونکہ ذاتی زندگی میں میرا یقین ہے کہ اگرآپ محبت کرتے ہو تو آپ کو کہنے کی ضرورت نہیں پڑتی اور اگر کہنے کی ضرورت پڑ گئی تو پھر وہ محبت نہیں ۔ اداکار نے مزید یہ بھی کہا کہ میں نے اپنی زندگی میں خصوصی طور پر باپ کے انتقال کے بعد بہت مشکل وقت دیکھا ہے ، لیکن ہر مشکل وقت میں میری ماں نے میری حوصلہ افزائی کی ، انہوں نے مجھے ادب

    آداب سکھایا انہوں نے مجھے دین کے مطابق چلنا سکھایا ، مجھے یاد ہے کہ میں جب چھوٹا تھا تو میری ماں مجھے کہا کرتی تھی کہ کھانا اتنا لینا بیٹا جتنے کی ضرورت ہے ضائع مت کرنا ۔وہ مجھے کہا کرتی تھی کہ کسی پر کبھی انحصار نہ کرنا اپنے کام خود کرنا ۔ شاہ رخ خان نے یہ بھی کہا کہ میری ماں نے میرے ساتھ کیرئیر بنانے کے ھوالے سے بھی زبردستی کبھی نہیں کی تھی ہمیشہ یہی کہا کہ جو دل کرے وہی کرو لیکن دل لگا کر محنت کر کے ساتھ کرو۔میں بھی اپنے بچوں کے ساتھ زبردستی کا قائل نہیں ہوں ان کو اپنی زندگی میں جو کرنا ہے کر کریں میں کبھی ان کو مجبور نہیں کروں گا کہ یہ کرو اور وہ نہ کرو۔

  • مجھے کوئی نہیں‌ ہرا سکتا شہناز گل

    مجھے کوئی نہیں‌ ہرا سکتا شہناز گل

    بالی وڈ اداکارہ شہناز گل نے اپنے ایک ھالیہ انٹرویو میں کہا ہے کہ مجھے کوئی نہیں ہرا سکتا ، جہاں‌میں ہوتی ہوں پھر میں ہی وہیں‌ہوتی ہوں کوئی اور نہیں‌آسکتا. شہناز گل کو ہرانا اتنا آسان نہیں ہے. میں جو جگہ بناتی ہوں اسکو بہت مشکل سے چھوڑتی ہوں. میں نے آج تک جو بھی کام کیا ہے بہت محنت سے کیا ہے . کبھی کسی کا حق نہیں مارا ، کبھی سازش نہیں کی اسلئے مجھے میرے رب کی ذات نے میری محنت کا بہت زیادہ پھل دیا ہے. میں خوش ہوں کہ مجھے اوپر والے نے اتنی کامیابی سے نوازا ہے. آج میرے پاس جتنی شہرت ہے شاید یہ کسی کا خواب ہی ہو سکتی ہے.

    اداکارہ نے یہ بھی کہا کہ شہرت پانا آسان ہے لیکن اس شہرت کو برقرار رکھنا بہت مشکل ہے. میں کوشش کرتی رہتی ہوں کہ مجھے جو خدا نے شہرت دی ہے اسکو سنبھال سکوں. یاد رہے کہ شہناز گل کو بالی وڈ میں سلمان خان کی بہت زیادہ سپورٹ حاصل ہے اسی سپورٹ کی وجہ سے ان کو فلم میکرز اور لوگوں کی جانب سے توجہ مل رہی ہے. آج شہناز کیرئیر کی جن بلندیوں‌پر ہیں وہ سلمان خان کی دین ہے اگر یہ کہا جائے تو یقینا بےجا نہ ہو گا .

  • زارا نور عباس نے عمران خان کے حق میں آواز بلند کر دی

    زارا نور عباس نے عمران خان کے حق میں آواز بلند کر دی

    پاکستان تحریک انصاف کے چئیر مین عمران خان دو قبل گرفتار ہوئے ان کی گرفتاری کے بعد ان کے سپورٹرز نے ملک بھر میں توڑ پھوڑ کی ، سرکاری اور اہم حساس عمارات میں گھسے اور کہیں آگ لگائی تو کہیں توڑ پھوڑ کی . عمران خان کی حمایت صرف ایک خاص قسم کا طبقہ کررہا ہے ورنہ تو عمران خان کے چہرے سے نقاب اترنے کے بعد ان کے سارے حمایتی ان سے پیچھے ہٹ گئے ہیں، لیکن شوبز کی کچھ سلیبرٹیز ایسی ہیں جو عمران خان کی اصلیت پہچاننے کو تیار نہیں ہیں، اداکارہ زارا نور عباس بھی انہی میں سے ایک ہیں ، انہوں نے عمران خان کی گرفتاری

    کے بعد کہا ہے کہ عمران خان پاکستان کے لئے لڑرہا ہے وہ اس ملک کے مسائل کو حل کرنا چاہتا ہے وہ اس ملک سے موروثی سیاست کا خاتمہ کرنا چاہتا ہے ، اگر ہم عمران خان کے ساتھ نہ کھڑے ہوئے تو پھر ہم پر وہی لوگ مسلط ہو جائیں گے جنہوں نے اتنے اتنے سال حکومت کی اور پاکستان کے مسائل کو بڑھا دیا. انہوں نے کہا ہمیں عمران خان کے علاوہ کوئی منظور نہیں لہذا اٹھ کھڑے ہوں . یاد رہے کہ عمران کی گرفتاری کو آج دوسرا روز ہے لیکن پی ٹی آئی کے شرپسند ملک بھر میں توڑ پھوڑ کررہے ہیں.

  • میں یا میری فیملی مشکل میں ہوئی تو سلمان خان ہماری مدد کو آئیگا شاہ رخ خان

    میں یا میری فیملی مشکل میں ہوئی تو سلمان خان ہماری مدد کو آئیگا شاہ رخ خان

    بالی وڈ کے کنگ کہلائے جانے والے شاہ رخ خان اور سلمان خان کی انسٹاگرام پر ایک وڈیو وائرل ہو رہی ہے جس میں دیکھا جا سکتا ہے سلمان خان اور شاہ رخ خان ایک دوسرے کے سامنے کھڑے ہیں اور شاہ رخ خان سلمان خان سے کہہ رہے ہیں اگر میں کبھی مشکل میں ہوا بلکہ مجھ سے زیادہ میری فیملی مشکل میں ہوئی تو سلمان یار تم ہو نا ، تم ہماری مدد کرو گے تو اس پر سلمان خان نے کہا کہ بالکل ٹھیک کہہ رہے ہو ، اس کے بعد شاہ رخ خان نے جذباتی ہو کر سلمان خان کو گلے لگا لیا۔ یہ وڈیو شاہ ر خ خان اور سلمان خان کے پرستار بہت زیادہ پسند کررہے ہیں ۔ کیونکہ

    اس وڈیو میں کنگ خان کافی جذباتی دکھائی دئے ہیں ۔ یاد رہے کہ سلمان خان اور شاہ رخ خان کی آپس میں بول چال کئی سال تک بند رہی کہا جاتا ہے دونوں کے درمیان جھگڑا ایشوریا رائے کی وجہ سے ہوا تھا ، لیکن کافی سال بول چال بند رہنے کے بعد جب دوبارہ ان کی دوستی ہوئی ہے تو ان جیسی دوستی کسی کی نظر نہیں آتی۔ سلمان خان ھال ہی میں شاہ رخ خان کی ریلیز ہونے والی فلم پٹھان میں بھی نظر آئے ، اب کہا جا رہا ہے کہ دونوں ایک ساتھ پھر نظر آئیں گے لیکن اس بار سلمان خان کی فلم میں شاہ رخ خان ایک مختصر سا کرار کرتے نظر آئیں گے۔

  • رنگت گوری نہ ہونے کی وجہ سے میرے رشتہ دار اپنے گھر نہیں بلاتے تھے سونم باجوہ

    رنگت گوری نہ ہونے کی وجہ سے میرے رشتہ دار اپنے گھر نہیں بلاتے تھے سونم باجوہ

    انڈین پنجابی فلموں کی نمبر ون ہیروئین سونم باجوہ نے اپنے ھالیہ انٹرویو میں کہا ہے کہ میں آج جس بھی مقام پر پہنچی ہوں اپنی محنت اور لگن کی وجہ سے پہنچی ہوں ۔ ورنہ تو مجھے میری رنگت فئیر نہ ہونے کی وجہ سے بہت تکلیفیں اٹھانا پڑیں۔ مجھے میرے رشتہ دار اپنے گھروں میں ہونے والی تقریبات میں نہیں بلاتے تھے کیونکہ میری رنگت گوری نہیں تھی ، سونم نے کہا کہ جب میں بڑی ہو رہی تھی تو میرے اردگر گرد اور خصوصی طور پر خاندان کے لوگوں نے مجھے میری رنگت کی وجہ سے بہت پریشان کیا۔ میں تنہائی کا شکار تھی مجھ سے کوئی ملتا نہیں تھا یہاں تک کہ مجھے آج تک میرے بہت سارے رشتہ داروں کے گھروں کا نہیں پتہ کہ وہ کیسے ہیں کیونکہ مجھے بلایا نہیں جاتا تھا، خاندان میں کسی کے

    گھر اگر کوئی تقریب ہوتی تو مجھے نہ بلایا جاتا ،سونم باجوہ نے کہا کہ اس ساری صورتحال نے مجھے بہت پریشان کیا میں زہنی طور پر اذیت میں رہتی تھی ۔ جب میں فلموں میں آئی تو شروع شروع میں میری رنگت کی وجہ سے مجھے کام نہ ملا ، مجھے ایسا لگا کہ شاید یہی میری قسمت ہے لیکن میں نے مسلسل محنت کی اور محنت کا دامن نہ چھوڑا اور آج میں جس بھی مقام پر ہوں مجھے کسی سے کوئی گلہ شکوہ نہیں ہے۔ لیکن بچپن میں جو میرے ساتھ میری رنگت کی وجہ سے ہوا اسکا اثر میرے دماغ پر آج تک ہے۔ یادرہے کہ سونم باجوہ انڈین پنجابی فلموں کی نامور ہیروئین ہیں اور ایک بڑی فین فالونگ رکھتی ہیں۔

  • اپنے ملک اور بچوں کے مستقبل کے لئے اٹھ کھڑے ہوں ثروت گیلانی

    اپنے ملک اور بچوں کے مستقبل کے لئے اٹھ کھڑے ہوں ثروت گیلانی

    شوبز انڈسڑی کی عمرا ن خان کے لئے حمایت جاری ہے ، ہر کوئی عمران خان کی گرفتاری کی مذمت کررہا ہے لیکن مجال ہے کہ کسی نے اس کیس کو پڑھ لیا ہو جس کی وجہ سے عمرا ن خان کو گرفتار کیا گیا ہے۔ جہاں بہت سارے شوبز ستارے عمران خان کی حمایت میں بول رہے ہیں وہیں ثروت گیلانی بھی آگئی ہیں میدان میں انہوں نے اپنی حالیہ پوسٹ میں کہا ہے کہ ہم سب کو اس ملک کے لئے اس ملک اور اپنے بچوں کے مستقبل کے لئے اٹھ کھڑے ہونا ہوگا اگر ہم اب کھڑے نہیں ہوں گے تو کب کھڑے ہوں گے ا، ایک اکیلا انسان ہماری لڑائی لڑ رہا ہے ہمارے لئے

    جدوجہد کررہا ہے ۔ ثروت گیلانی نے لوگوں سے پوسٹ کے زریعے اپیل کی کہ اپنے لئے ملک و قوم کے لئے باہر نکلیں اور حقیقی آزادی حاصل کریں۔ یاد رہے کہ ثروت گیلانی نے اپنے ایک انٹرویو میں کہا تھا کہ عمران خان ہی اس ملک کے لئے واحد امید کی کرن ہے اور وہی اس ملک کے مسائل حل کرے گا وہی اس ملک کو دنیا میں عزت دلوائے گا۔

  • صرف عمران خان اس ملک کے لئے کھڑا ہے ماریہ بی

    صرف عمران خان اس ملک کے لئے کھڑا ہے ماریہ بی

    فیشن ڈیزائنر ماریہ بی بھی جانتی ہیں کہ انہوں نے خبروں میں کیسے رہنا ہے وہ کوئی نہ کوئی ایسا بیان دے دیتی ہیں یا ایسی وڈیو جاری کر دیتی ہیں جس سے وہ خبروں میں آجاتی ہیں، ماریہ بی آج کل چائنہ میں ہیں انہوں نے وہاں سے اپنی ایک وڈیو بنا کر سوشل میڈیا پر جاری کی ہے ، جس میں کہہ رہی ہیں کہ میں پچھلے 15سال سے چائنہ آرہی ہوں یہاں کی ترقی دکھ کر دل خوش ہوتا ہے یہ ملک معاشی طور پر مستحکم ہے یہاں لوگ خوشحال ہیں یہاں سیاستدانوں کو اپنے ملک کی فکر ہے۔ اپنے ملک کی طرف دیکھیں تو مایوسی ہوتی ہے کیونکہ ہمارا ملک ڈیفالٹ کرنے کی نہج پر پہنچ چکا ہے ، سیاستدانوں کو ملک و قوم کی پرواہ نہیں ہے صرف ایک انسان ہے عمران خان جو کہ ملک و قوم کے لئے کھڑا ہوا ہے ، ہم جو عمران خان کے پیچھے کھڑے ہیں ہمیں ان کا ساتھ دینا چاہیے اور اپنے اپنے حصے کی ذمہ داریاں نبھانی چاہیں ۔ ہم یہ کیوں انتظار کررہے ہیں کہ

    عمران خان ہمارے لئے کچھ کرے ، بھئی ہم خود بھی تواپنے لئے کچھ کریں، ہم اگر زیادہ کچھ نہیں کر سکتے تو ہم جو کام کررہے ہیں بزنس کررہے ہیں وہی اچھے طریقے سے کریں ملک کو فائدہ پہنچائیں ۔ یہ صرف عمرا ن خان کا ٹیسٹ نہیں ہے بلکہ ہم سب کا ٹیسٹ ہے کہ مشکل وقت میں ہم اپنے ملک کا ساتھ کیسے دیتے ہیں ۔ ہم محنت نہیں کریں گے تو خدا ہمیں ترقی نہیں دے گا ۔ بے شک خدا محنت کرنے والوں کو پسند کرتا ہے۔

  • عمران خان کی گرفتاری ایک شرمناک عمل ہے اعجاز اسلم

    عمران خان کی گرفتاری ایک شرمناک عمل ہے اعجاز اسلم

    پاکستان تحریک انصاف کے چئیر مین عمران خان کی گرفتاری کے بعد شوبز حلقوں میںکافی تشویش پائی جاتی ہے کیونکہ فنکاروں کی ایک بڑی تعداد عمران خان کو سپورٹ کرتی ہے ۔ اس گرفتاری پر جہاں بہت سارے فنکاروں نے رد عمل دیا ہے وہیں اعجاز اسلم بھی پیچھے نہیں رہے انہوں نے بھی شدید رد عمل دیا ہے۔ انہوں نے کہا ہے کہ عمران خان کی گرفتاری ایک شرمناک عمل ہے جس کی جتنی مذمت کی جائے کم ہے ۔ انہوں نے کہا کہ گرفتاری کے وقت جس طرح سے ان کو کھینچا گیا اسکو دیکھ کر دکھ ہوا کیا وہ کریمینل تھے؟ جو ان کو کریمنیلز

    کی طرح گرفتار کیا گیا ، موجودہ حکومت کو اس وقت صرف الیکشنز میں نہیں جانا اسکی ترجیھات میں اس وقت الیکشنز میں نہ جانا ہے لوگوں کی فلاح و بہبود کی اسکو پرواہ نہیں ہے۔ جو کچھ کیا جا رہا ہے اس سے ملک کو مزید نقصان پہنچے گا ۔ اللہ ہمارے ملک کو محفوظ رکھے۔ اعجاز اسلم نے بھی صرف عمران خان کی گرفتاری کی بات کی لیکن عمران خان کے حامی پورے ملک میں جو توڑ پھوڑ کررہے ہیں آگ لگا رہے ہیں اس پر نہیں بولے ان کو اس حکومت پر تنقید کرنا یاد ہے لیکن جو کچھ پی ٹی آئی کی طرف سے کیا جا رہا ہے وہ نہ یاد ہے نہ وہ اس پر بات کرنا چاہتے ہیں۔

  • جن کے خود کے پاس کچھ نہیں ہوتا وہ کامیاب انسان کو گرانے کی کوشش کرتے ہیں شہناز گل

    جن کے خود کے پاس کچھ نہیں ہوتا وہ کامیاب انسان کو گرانے کی کوشش کرتے ہیں شہناز گل

    شہناز گل جو اس وقت بھارتی میڈیا میں سب سے زیادہ سرخیاں بٹورنے والی اداکارہ بن چکی ہیں،انہوں نے اپنے حالیہ انٹرویو میں بات کی ہے ان لوگوں کی جو زندگی میں کامیاب نہیں ہوتے ، خود کچھ نہیں کرتے لیکن دوسروں سے جلن اور حسد میں ا ن کی ٹانگیں کھینچتے رہتے ہیں۔ انہوں نے کہا کہ جو خود کچھ نہیں کر پاتے کسی مقام پر نہیں پہنچ پاتے۔ وہ یہی سوچتے رہتے ہیں کہ ان کے سرکل میں جو کامیاب انسان ہے اسکو کیسے نیچے گرانا ہے ، ایسے لوگوں کو نظر انداز کریں ان کو اہمیت نہ دیں ۔ کیونکہ ایسے لوگ قابل ترس ہوتے ہیں ان کو دعا کی ضرورت ہوتی ہے لہذا پریشان ہونے کی بجائے ان کے لئے دعا کیا کریں ۔ شہناز گل نے کہا کہ جو انسان جتنی محنت کرتا ہے خدا اسکو اتنا ہی دیتا ہے ، جو انسان محنت

    کرنے پر یقین ہی نہ رکھتے ہوں بس شارٹ کٹ ڈھونڈتے ہوں اور دوسروں کی ٹانگیں کھینچنے پر یقین رکھتے ہوں وہ جہاں ہوتے ہیں وہیں رہتے ہیں۔ شہناز گل نے کہا کہ مجھے زندگی میں بہت سارے ایسے لوگ ملے ہیں جو میری خوشی میں کم خوش ہوتے تھے لیکن میں نے ان کو نظر انداز کر دیا اور آگے بڑھ گئی اور طریقہ بھی یہی ہے کہ ایسے لوگوں کو نظر انداز کریں اور آگے بڑھ جائیں۔ یاد رہے کہ شہناز گل کی کسی کا بھائی کسی کی جان حال ہی میں ریلیز ہوئی ہے اور اسے بے حد پذیرائی ملی ہے۔