Baaghi TV

Tag: Facebook

  • جیا خان خودکشی کیس میں والدہ ہی قصور وار ٹھہرا دی گئیں

    جیا خان خودکشی کیس میں والدہ ہی قصور وار ٹھہرا دی گئیں

    اداکارہ جیا خان جن کا سینئر اداکار آدیتیہ پنچولی کے بیٹے سورج پنچولی کے ساتھ افئیر تھا ، سورج کی بےوفائی کی وجہ سے جیا خان نے موت کو گلے لگا لیا، کچھ میڈیا رپورٹس یہ بھی بتاتی ہیں کہ اداکارہ حاملہ تھیں جس وقت انہوں نے خود کشی کی ، اور سورج اس حمل سے بخوبی واقف تھے. جب جیا خان نے خود کشی کی تو جیا کی والدہ رابعہ نے بارہا کہا کہ سورج میری بیٹی کی خود کشی کا ذمہ دار ہے وہ میری بیٹی کو نہ صرف مارتا تھا بلکہ گالیاں بھی دیتا تھا. اس نے جب میری بیٹی کو دھوکہ دیا تو وہ یہ برداشت نہ کر سکی اور اس نے موت کو گلے لگا لیا. رابعہ خان کیس عدالت تک لیکر گئیں

    اور کافی سال کے بعد کیس کا فیصلہ سورج پنچولی کے حق میں آگیا ہے اور جیا خان کی والدہ رابعہ خان کو ہی قصور وار ٹھہرا دیا گیا ہے. سی بی آئی کی خصوصی عدالت نے فیصلے میں کہا کہ اداکارہ کی ماں نے حقائق چھپائے اور اپنے ہی بیانات سے مکرتی رہیں جس کی وجہ سے کیس کمزور ہو گیا اور سورج پنچولی کے حق میں چلا گیا. جبکہ رابعہ خان کا کہنا ہےکہ اس کیس کو جان بوجھ کر کمزور کرنے کی سازش کی گئی وکیل نے خود کشی کی بجائے اسکو قتل کا رنگ دیا.

  • رشی کپور کی برسی اور اہلیہ نیتو کی جذباتی پوسٹ

    رشی کپور کی برسی اور اہلیہ نیتو کی جذباتی پوسٹ

    بالی وڈ اداکار کپور فیملی کے مقبول ترین اداکار تھے انہوں نے کئی دہائیوں تک بالی وڈ پر راج کیا، آخری وقتوں میں کینسر جیسے مرض میں مبتلا ہو گئے.انہوں نے امریکہ سے کینسر کا علاج بھی کروایا، لیکن کینسر کے مرض کے آگے انکو گھٹنے ٹیکنے پڑے. 30 اپریل 2020 کو رشی کپور اس جہان فانی سے کوچ کر گئے. ان کا انتقال بالی وڈ کے لئے یقینا ایک بہت بڑا دھچکا تھا. ان کی اہلیہ نتیو کپور ان کے انتقال کے بعد کافی عرصہ تک گھر سے باہر نہ نکلیں نہ ہی لوگوں سے ملتی تھیں لیکن انہوں نے اپنے بیٹے کے لئے خود کو سنبھالا. رشی کپور کو ہم سے جدا ہوئے تین سال

    بیت چکے ہیں. ان کے مداحوں کے ساتھ ساتھ ا نکی اہلیہ نتیو بھی ابھی تک افسردہ. اپنے شوہر کی تیسری برسی پر انہوں نے اپنے انسٹاگرام پر رشی کپور کے ساتھ ایک تصویر شئیر کی اور اسکا کیپشن یہ لکھا کہ جب سے گئے ہو تمہاری یاد ہر پل ہر وقت ستاتی ہے، میں تمہیں بہت مس کرتی ہوں. یاد رہے کہ رشی کپور اور نیتو سنگھ نے محبت کی شادی کی اور ان کے دو بچے ہیں رنبیر کپور اور ردھیما کپور، ردھیما نے شوبز انڈسٹری جوائن نہیں کی جبکہ بیٹا بالی وڈ اداکار بن گیا.

  • اگر گھرسے بھاگی نہ ہوتی تو آج اتنی مضبوط اور کامیاب نہ ہوتی شہناز گل

    اگر گھرسے بھاگی نہ ہوتی تو آج اتنی مضبوط اور کامیاب نہ ہوتی شہناز گل

    اداکارہ شہناز گل جو کہ خود کو پنجاب کی کترینہ کیف کہتی ہیں ، سلمان خان انہیں بہت پسند کرتے ہیں جس کی وجہ سے شہناز گل بالی وڈ کی آنکھ کا تارہ بن چکی ہیں، وہ اس وقت شہرت کی بلندیوں پر ہیں. انہوں نے اپنے حالیہ انٹرویو میں‌کہا ہے کہ میں جس گھرانے سے تعلق رکھتی ہوں اس میں لڑکیوں کی جلدی شادی کر دی جاتی ہے. اور لڑکیاں پابند ہوتی ہیں کہ جیسے ہی ان کا اچھا رشتہ آئے وہ اپنی پڑھائی کو بھی چھوڑنا پڑے تو چھوڑ کر ماں باپ کے فیصلے کے آگے سر جھکا دیں. انہوں نے کہاکہ میری بھی چھوٹی ہی عمر میں شادی کی باتیں گھر میں ہونے لگیں، تو مجھے بہت الجھن محسوس ہوئی ، کیونکہ میں تو اداکارہ بننا چاہتی تھی اپنے خوابوں کو پورا کرنا چاہتی تھی اور میرے گھر میں رہ کر یہ سب ہو

    نہیں سکتا تھا اسلئے میں نے سوچا کہ کیوں نہ گھر چھوڑ کر چلی جائوں اور اپنے خواب پورے کروں . لہذا میں نے اپنا گھر چھوڑ دیا اور بھاگ گئی بھاگ کر چندی گڑھ چلی گئی میں آج اگر اپنے سفر پر نظر ڈالوں تو مھسوس کرتی ہوں کہ میں اتنی مضبوط اور کامیاب نہ ہوتی. میرے حساب سے خوابوں کو حقیقت میں بدلنے کےلئے انسان کو رسک لینے پڑتے ہیں اور جو رسک لیتےہٰیں ان کو دیر سویر سے کامیابی ضرور ملتی ہے.

  • ژالے سرھدی کس بات سے ہوتی ہیں پریشان ؟‌

    ژالے سرھدی کس بات سے ہوتی ہیں پریشان ؟‌

    ٹی وی اداکارہ ژالے سرحدی نے کہا ہے کہ میری ایک بیٹی ہے اور میں اسکے ساتھ بہت خوش ہوں ، میرے تین حمل ضائع ہونے کی وجہ سے مجھے ہائپو تھائیراڈ ہوا ہے، اسکی وجہ سے میں مزید بچے تاحال پیدا نہیں کر سکی، اور مجھے اس چیز کا افسوس ہے کہ میں مزید بچے پیدا نہیں کر سکی . لیکن ظاہر ہے اس کا اظہار میں ساری دنیا کے ساتھ نہیں کر سکتی. ژالے سرحدی نے کہا کہ لیکن لوگ جینے نہیں‌دیتے وہ جان بوجھ کر ایسے سوالات کرتے ہیں کہ جس سے میرا دل دکھ جاتا ہے. جب کسی کو پتہ چلتا ہے کہ میری ایک بیٹی ہے تو مجھ سے پوچھا جاتا ہے کہ ایک ہی بیٹی کیوں، مزید بچے کیوں نہیں؟ اداکارہ ہو اس لئے تم مزید بچے پیدا نہیں کرنا چاہتی. حالانکہ یہ کسی کا مسئلہ نہیں ہونا چاہیے کہ میری ایک بیٹی ہے پانچ

    بچے ہیں . اور ویسے بھی یہ اخلاقی لحاظ سے بھی درست نہیں ہے کہ ہم کسی سے کہیں کہ تمہارے ہاں اولاد کیوں نہیں ہے اگر ہے تو صرف ایک ہی بچہ کیوں ہے. ہو سکتا ہے کوئی خاتون صحت کے مسائل سے گزز رہی ہو. لیکن ہمارے ہاں سوال کرنے والے بالکل بھی خیال نہیں کرتے جو کہ بہت ہی غلط ہے.

  • ہمایوں سعید کس لڑکی کو دیکھنے ٹرین میں جا پہنچے

    ہمایوں سعید کس لڑکی کو دیکھنے ٹرین میں جا پہنچے

    اداکار و پرڈیوسر ہمایوں سعید نے اپنے ایک انٹرویو میں انکشاف کیا ہے کہ انہیں پہلی محبت 18 سال کی عمر میں ہوئی تھی ، ہمایوں سعید بتاتے ہیں کہ وہ لڑکی ان کے ساتھ والے گھر میں رہتی تھی ، اس پر ایک دن نظر پڑی تو وہ مجھے بہت اچھی لگی، پھر میں ہر روز بالکنی میں جا کر کھڑا ہوجاتا کہ شاید وہ آجائے اور میں اسکو دیکھ سکوں . ایک آدھ بار اس نے مجھ پہ نظر ڈالی تو مجھے خوش فہمی ہو گئی کہ وہ بھی مجھے پسند کرتی ہے. لیکن ایسا نہیں تھا. ایک دن ایسا ہوا کہ وہ ٹرین پر اپنی سہلیوں کے ساتھ کہیں‌جا رہی تھی ، میں بھی اسکے پیچھے پیچھے اسٹیشن جا پہنچا ، میں

    اسکو ایک بار خدا حافظ کہنا چاہتا تھا لیکن وہ اگلی بوگی میں تھی ،میں اسکو ہاتھ بھی نہیں ہلا سکتا تھا. میں نے کوشش کرکے ٹرین پر چڑھ گیا کہ کسی طرح خدا حافظ بول دوں لیکن میں اس تک نہ پہنچ سکا ، مجھے مجبورا ٹرین سے اترنا پڑا. اور گھر واپس آگیا ، میرے پاس پیسے تو ان دنوں میں ہوتے نہیں تھے اس لئے بہت مشکل سے گھر پہنچا. ہمایوں سعید نے کہا کہ میں آج اس واقعہ کو یاد کرتا ہوں تو بے وقوفی معلوم ہوتی ہے.

  • شوہر نے غصے میں طلاق دے دی تھی حنا دلپذیر

    شوہر نے غصے میں طلاق دے دی تھی حنا دلپذیر

    معروف اداکارہ حنا دلپذیر نے اپنے حالیہ انٹرویو میں بیان کر دی ہے اپنی زندگی کی وہ داستان جس کو سن کر ہر کسی کا دل پسیج جائے. انہوں نے کہا کہ میری شادی 1992 میں ہوئی تھی ، اور میری پسند کی شادی تھی ، ہم دونوں بہت خوش تھے ، ہمارے درمیان کسی قسم کے اختلافات نہیں تھے ، لیکن ایک دن کسی بات پر میرے شوہر کو غصہ آیا اور انہوں نے مجھے طلاق دیدی. حنا دلپذیر نے کہا کہ میرا شوہر بہت اچھے دل کا انسان تھا وہ اچھے سے پیش آتا تھا اور کبھی مارتا پیٹتا یا گالیاں نہیں دیتا تھا. لیکن ایک دن پتہ نہیں اسکو کیا ہوا کہ اس نے مجھے غصے میں آکر طلاق

    دیدی. انہوں نے کہا کہ جب مجھے میرے شوہر نے طلاق دی اس وقت میرے بچے کی عمر چار سال تھی. میں بہت پریشان ہوئی لیکن قسمت کا فیصلہ سمجھ کر قبول کر لیا شاید ہمارا ایک دوسرے کے ساتھ اتنا ہی ساتھ تھا. لیکن حنا نے یہ امید بھی ظاہر کی کہ میرا سابق شوہر جہاں بھی ہو گا خیریت سے ہوگا اور ایک اچھی زندگی گزار رہا ہوگا. واضح رہے حنا دلپذیر نے کامیڈی میں اپنا ایک نام اور مقام بنایا ہے. ان کی بے ساختہ اداکاری ہی ان کی پہچان ہے.

  • سلمان خان کے بیان کے بعد شہناز کے بیان سے ہوا نکل گئی

    سلمان خان کے بیان کے بعد شہناز کے بیان سے ہوا نکل گئی

    ٹی وی اداکارہ شویتا تیواری کی بیٹی پلک تیواری نے سلمان خان کی فلم کسی کا بھائی کسی کی جان سے اپنے فلمی کیرئیر کا آغاز کیاہے پلک تیواری نے اپنے انٹرویو میں بتایا تھا کہ سلمان خان نے لڑکیوں کے لئے سیٹ پر آنے کے رولز بنائے ہوئے تھے . اور لڑکیاں مکمل لباس پہن کر سیٹ پرآنے کی پابند تھیں. پلک کی اس بات کی تصدیق جب صحافیوں نے شہناز گل سے کرنی چاہی تو انہوں نے کہا کہ یہ سب جھوٹ ہے سلمان خان نے ایسا کوئی رول نہیں بنایا ہوا تھا ، میں تو اپنی مرضی کے مطابق ڈریسنگ کر کے جایا کرتی تھی. یوں دونوں کی باتوں میں تضاد دیکھ کر

    یوں یہ سوال تو اٹھا کے آخر سچ کون بول رہا ہے. سلمان خان سے رجت شرما نے اپنے شو میں جب سوال کیا کہ آپ نے لڑکیوں کے مکمل لباس پہننے کی شرط رکھی ہوئی تھی سیٹ پر ، تو سلمان خان نے کہا کہ بالکل ایسا ہی تھا، میں سمجھتا ہوں کہ لڑکیاں ڈھکی ہوی ہی اچھی لگتی ہیں. مسئلہ لڑکیوں کی ڈریسنگ میں نہیں ہے بلکہ لڑکوں کے دیکھنے میں ہے ، جس طرح لڑکے لڑکیوں کو دیکھتے ہیں مجھے اچھا نہیں لگتا. یوں شہناز پڑ گئیں جھوٹی اور پلک ثابت ہو گئیں سچی.

  • شاہ رخ خان کے بیٹے آریان ہدایتکار بن گئے

    شاہ رخ خان کے بیٹے آریان ہدایتکار بن گئے

    بالی وڈ کے کنگ شاہ رخ خان کے بیٹے بن گئے ہیں ہدایتکار اور باپ نے بیٹے کی ہدایتکاری میں کام کا آغاز بھی کر دیا ہے. باپ بیٹے کا پہلا پراجیکٹ جو سامنے آیا ہے وہ ہے ایک کمرشل جو کہ آریان نے اپنے برینڈ کی تشہیر کے لئے بنایا ہے. آریان خان نے اپنے ایک انٹرویو میں اپنے باپ کو اپنی ڈائریکشن میں کام کرنے کا تجربہ بیان کرتے ہوئے کہا ہے کہ میں بہت خوش ہوں کہ میں نے ہدایتکاری کا کام بھی شروع کر دیا ہے اور کام شروع بھی اپنے والد کے ساتھ کیا ہے. آریان خان نے کہا کہ والد نے کبھی بھی سیٹ پر یہ ظاہر نہیں کیا کہ میں ان کا بیٹا ہوں یا وہ بہت بڑے

    سٹار ہیں. وہ سیٹ پر ایک پروفیشنل کی طرح آتے ہیں اور ان کی موجودگی میں سارا عملہ بہت ہی آرام دہ مھسوس کرتا ہے کیونکہ میرے والد میں‌، میں میں نہیں ہے. آریان خان نے کہا کہ میرے والد میرے لئے انسپریشن ہیں اور میں ان کے کام سے بہت متاثر بھی رہا ہوں. واضح ہے کہ آریان کے اس پہلے اشتہار کی ہدایتکاری ایک لگثری اسٹریٹ ویئر برانڈ کے لیے ہے۔گزشتہ ہفتے اس اشتہار کی تکمیل کے بعد اسے ایک ٹیزر ویڈیو کی شکل میں ریلیز کیا گیا تھا۔جسے سوشل میڈیا صارفین نے بہت پسند کیا.

  • بھومیکا چاولہ کو کن فلموں سے نکالا گیا

    بھومیکا چاولہ کو کن فلموں سے نکالا گیا

    اداکارہ بھومیکا چاولہ جن کو فلم تیرے نام کے بعد بالی وڈ میں بے حد شہرت ملی ، آج کل وہ گلے شکوے کرتی ہوئی نظر آرہی ہیں. انہوں نے اپنے حالیہ انٹرویو میں‌بتایا ہے کہ ان کا فلم باجی رائو مستانی کے لئے آڈیشن لیا گیا لیکن بعد میں فلم سے بتائے بغیر نکال دیا گیا .انہوں نے کہا کہ باجی رائو مستانی کےآڈیشن کے دوران میری ساڑھی کو آگ لگ گئی تھی . میں بہت پریشان ہوئی لیکن سنجے لیلا بھنسالی نے کہا کہ یہ فلم مجھے ہی ملے گی اور میں ہی اسکو کروں گی لیکن مجھے فلم سے نکال دیا گیا . انہوں نے یہ بھی کہا کہ منا بھائی ایم بی بی ایس بھی میرے پاس تھی مجھے اس سے

    بھی نکالا گیا ، اسی طرح سے کرینہ کپور کی فلم جب وی میٹ میں بھی مجھے ہی رکھا گیا تھا لیکن بعد میں وہ کردار کرینہ کپور کو دے دیا گیا، اور میرے ساتھ زیادتی کی گئی. انہوں نے کہاکہ میں بہت آگے جا سکتی تھی لیکن میری راہ میں‌روڑے اٹکائے گئے. اور میرا کیرئیر ایک پلاننگ کے تحت خراب کیا گیا . لیکن میں نے جو اور جتنا کام بالی وڈ میں کیا ہے میں اس سے بہت زیادہ مطمئن ہوں . مجھے جب جب جو بھی کردار ملا اسے اچھے سے نبھانے کی کوشش کرتی رہوں گی .

  • صنم کو انکے شوہر نے کب اور کہاں پرپوز کیا؟

    صنم کو انکے شوہر نے کب اور کہاں پرپوز کیا؟

    اداکارہ صنم جنگ نے اپنے حالیہ انٹرویو میں کہا ہے کہ میں اور میرے شوہر ایک ہی سکول میں پڑھتے تھے ، ایک دوسرے سے بات چیت رہتی تھی سکول کے بعد ہم مزید پڑھائی کے لئے کالج چلے گئے ، کئی سال کے بعد ہماری ملاقات ہوئی ہماری دوستی سکول جیسی نہیں رہی تھی کیونکہ ہم کافی بڑے بھی ہو گئے تھے تو جب ملے تو ایک دوسرے کے ساتھ بہت زیادہ بات نہیں کررہے تھے. ہماری ملاقات کہیں نہ کہیں‌ ہوجایا کرتی تھی ایک شادی میں ہم دونوں کی ملاقات ہوئی ، پھر اس کے بعد ہم ایک دن جم خانہ کے ٹریک پر ملے وہاں انہوں نے مجھ سے پوچھ لیا مجھ سے شادی کرو گی تو میں نے ہاں کر دی اور ہماری شادی ہو گئی . صنم جنگ نے کہا کہ ہماری ایک بیٹی بھی ہے جو کہ بہت ہی پیاری ہے اس کی عادات

    مجھ پر ہیں ہم دونوں میاں بیوی کی اس میں جان ہے. انٹرویو میں انہوں نے کہا کہ یمنہ زیدی کی ڈریسنگ کو میں دس میں سے 8 نمبر دوں گی ، ماہرہ خان کو 10 ، ہانیہ عامر کو 9 ، منال خان کو 8 نمبر دوں گی. انہون نے کہاکہ مجھے لگتا ہے کہ عدنان صدیقی اگر اداکار نہ ہوتے تو یقینا ایک کامیاب اور بہت بڑے بزنس مین ہوتے ، زاہد احمد کارپوریٹ ورلڈ میں ہوتے ، اٍطر رحمان ماڈل ہوتا جو کہ تھا بھی ، عدیل حسین کی جم کی چین ہوتی .