Baaghi TV

Tag: Facebook

  • یاسر حسین نے کسکو آئی لو یو بولنے کا مشورہ دیدیا

    یاسر حسین نے کسکو آئی لو یو بولنے کا مشورہ دیدیا

    سب جانتے ہیں کہ اداکار یاسر حسین کا حس مزاح بہت ہی زبردست ہے جہاں وہ بعض اوقات سخت باتیں کر جاتے ہیں وہیں وہ ایسی باتیں بھی کرتے ہیں کہ جن سے ان کے مداح بہت زیادہ محظوظ ہوتے ہیں. ھال ہی میں انہوں نے اپنی اہلیہ کے ساتھ ایک وڈیو اپنے انسٹاگرام اکائونٹ پر شئیر کی جس میں دیکھا جا سکتا ہے کہ دونوں کتنے خوش ہیں، اس وڈیو کا کیپشن یاسر نے کچھ یوں لکھا ، بیوی کو آئی لویو بولتے رہنا چاہیے لیکن شرط یہ ہے کہ بیوی اپنی ہی ہو. یاسر حسین نے ساتھ ہی ساتھ سوشل میڈیا صارفین سے یہ سوال بھی کر ڈالا کہ آپ نے آخری بار اپنی بیوی کو آئی لو یو

    کب کہا تھا. ؟ یاسر حسین کے اس قسم کے سوال اور بیوی کو آئی لویو کہنے کی تاکید کو سوشل میڈیا صارفین نے بے حد سراہا. یاسر حسین کی اس پوسٹ پر دلچپسپ تبصرے کئے گئے اور کمنٹس کئے گئے، جیسے یقینا یاسر حسین پسند کررہے ہوں گے. یاد رہے کہ اپنے سے 12 برس چھوٹی اقراء عزیز کے ساتھ یاسر حسین نے محبت کی شادی کی ، دونوں کا ایک بیٹا ہے اور دونوں ہی نہایت خوشگوار زندگی بسر کررہے ہیں.

  • مجھے عدالتوں‌ پر مکمل یقین ہے شبنم مجید نے ایسا کیوں کہا ؟

    مجھے عدالتوں‌ پر مکمل یقین ہے شبنم مجید نے ایسا کیوں کہا ؟

    گلوکارہ شبنم مجید نے اپنے حالیہ انٹرویو میں کہا ہےکہ میرے بھائی کی مجھے بہت زیادہ یاد ستاتی ہے وہ میری ماں میرا باپ تھا. اس کے قتل کے بعد خود کو تنہا محسوس کرتی ہوں. مجھے امید ہے کہ میرے بھائی کے قاتلوں کو سزاا ضرور ملے گی مجھے اپنی عدالتوں پر مکمل یقین ہے کہ وہ میرے ساتھ ناانصافی نہیں کریں گی. اپنے حالیہ انٹرویو میں گلوکارہ نے کہا کہ میرے بھائی نے کسی کا کچھ نہیں‌بگاڑا تھا اگر چھوٹے موٹے گھریلو مسائل تھے بھی تو میاں بیوی میں یہ سب چلتا رہتا ہے لیکن ان مسائل کی وجہ سے اسکو موت کے گھاٹ ہی اتار دیا گیا. میرا دل آج بھی پھٹ جاتا ہے یہ سوچ کر کے کہ میرے بھائی کو قتل کر دیا گیا. انہوں نے کہا کہ میرا بھائی بے قصور تھا مجھے بس عدالت کے فیصلے کا انتظار ہے امید

    ہے وہ میرے ساتھ نااںصافی نہیں کریگی. یاد رہے کہ گلوکارہ شبنم مجید کے بھائی کو چند برس قبل اسی کے سالے نےقتل کر دیا تھابعد ازاں وہ گرفتار بھی ہو گیا تھا ، اس نے قتل کی وجہ بتاتے ہوئے کہا کہ یہ میری بہن پر ظلم کرتا تھا وہ اس سے بہت تنگ تھی اسلئے میں نے اسکو قتل کر دیا.

  • میرے جینے کا مقصد اب صرف انسانیت کی خدمت ہے رابی پیرزادہ

    میرے جینے کا مقصد اب صرف انسانیت کی خدمت ہے رابی پیرزادہ

    اداکارہ رابی پیرزادہ جو کہ اداکاری کو خیر باد کہہ چکی ہیں، انہوں نے مکمل طور پر اللہ کی راہ اختیار کر لی ہے. اپنے حالیہ انٹرویو میں انہوں نے کہا کہ مجھے بہت خوشی ہے کہ اللہ کی پاک زات نے مجھے اپنی راہ پر ڈالا. اور اب میرے جینے کا مقصد صرف ایک ہی ہے انسانیت کی خدمت. میں جب تک زندہ ہوں دکھی انسانیت کی خدمت کرتی رہوں گی. مجھے خوشی ہوتی ہے ایسے لوگوں کی مدد کرکے جو بہت غریب ہیں جن کے پاس وسائل نہیں ہے. میری پینٹنگز سے مجھے جو بھی پیسہ ملتا ہے وہ میں غریبوں کی فلاح پر لگا دیتی ہوں. رابی پیرزادہ نے ایک سوال کے

    جواب میں کہا کہ انسانیت کی خدمت ہی اصل جینے کا مقصد ہے اگر کسی کو یہ بات سمجھ میں‌آجائے تو پاکستان میں‌لاکھوں کروڑوں لوگوں کے مسائل حل ہو سکتے ہیں . مسئلہ یہ ہے کہ اس وقت ہر کسی کو اس ملک میں اپنی پڑی ہوئی ہے. ہر کوئی مہنگائی کے بوجھ تلے دبا ہے وہ اپنے گھر کے اخراجات پورے کرے یا لوگوں کی مدد کرے. اس میں ہماری حکومتوں کو دیکھنا اور سوچنا ہو گا کہ کس طرح سے لوگوں کی زندگیوں کو آسان بنانا ہے. رابی نے کہا کہ ہم کئی سالوں سے یہ سنتے آرہے ہیں کہ ملک نازک دور سے گزر رہا ہے کب ہم یہ سنیں گے کہ ملک خوشحالی کے دور سے گزر رہا ہے.

  • کرپٹ لوگوں کوچوراہوں پر سزائیں دی جائیں عدنان جیلانی کا مطالبہ

    کرپٹ لوگوں کوچوراہوں پر سزائیں دی جائیں عدنان جیلانی کا مطالبہ

    اداکار عدنان جیلانی جنہوں نے پی ٹی وی سے اپنے کیرئیر کا آغاز کیا ہے وہ اداکاری کے رموز و اوقاف تو جانتے ہی ہیں اس کے ساتھ ساتھ وہ ملکی سیاسی معاملات پر بھی گہری نظر رکھتے ہیں. اپنے حالیہ ٹی وی انٹرویو میں وہ برس پڑے ہیں ملک کی موجودہ نازک صورتحال پر. انہوں نے کہا کہ مجھے بہت افسوس ہوا ملک کے ایک سابق وزیراعظم کے منہ سے یہ سن کر کہ 85ارب کے منصوبے میں 20ارب روپے کی کرپشن ہوئی ہے، بھئی آپ حکومت میں کیا کرنے آتے ہو جب کرپشن چوری پر قابو نہیں‌پا سکتے. انہوں نے کہا کہ جب تک ملک سے کرپشن کے ناسور کو جڑ سے اکھاڑ نہیں پھینکا جائے گا ہمارے مسائل حل نہیں ہو سکتے.انہوں نے یہ کہا یہی وہ وقت ہے کہ جب چوروں ڈاکوئوں کو سخت سزائیں

    دی جائیں ان کو چوراہوں پر لٹکایا جائے تاکہ ملک کو لوٹنے کی دوبارہ کوئی ہمت نہ کرے. انہوں نے یہ بھی کہا کہ حتساب اور کرپشن پر سخت سزائیں دینے کے لئے تمام سیاسی جماعتوں کو اتفاق رائے سے قانون سازی کرنی چاہیے تاکہ کل کوئی انتقام کا الزام نہ لگائے ۔انہوں نے کہا کہ پاکستان دنیا کا ایسا ملک ہے جہاں امیر امیر سے امیر تر اور غریب غریب سے غریب تر ہوتا رہا ہے. لوگ پریشان حال زندگی بسر کررہے ہیں. ابھی بھی نہیں سوچیں گے تو کب سوچیں گے.

  • وکی کوشل نے اڑایا کترینہ کی پنجابی بولنے کا مذاق

    وکی کوشل نے اڑایا کترینہ کی پنجابی بولنے کا مذاق

    اداکار وکی کوشل جو کہ اداکارہ کترینہ کیف کے شوہر ہیں انہوں نے ھال ہی میں ایک ایوارڈ شو میں شرکت کی ، جس میں ان سے سوال ہواکہ وکی آپ تو پنجابی ہیں آپ کے گھر میں پنجابی بولی جاتی ہے جبکہ کترینہ کو تو ٹھیک سے اردو بولنی بھی نہیں آتی تو پنجابی کیسی بولتی ہیں اور آپ نے جو ان کو پنجابی سکھائی ہے کیا وہ اس کو اسی طرح‌سے بول رہی ہیں جیسی آپ نے سکھائی ہے؟‌. اس پر وکی کوشل نے کہا کہ میں نے بہت کوشش کی ہے اور کرتا رہوں گا کترینہ کو پنجابی سکھانے کی ،میری اہلیہ ایسی پنجابی بولتی ہے کہ میں سن کر خود پنجابی بولنا بھول جاتا ہوں لیکن خیر ہے سیکھ جائیگی. ان سے ایک اور

    سوال ہوا کہ شادی کے ھوالے سے مداھوں کو کیا پیغام دینا چاہیں گے تو انہوں نے کہا کہ یہ کہنا چاہوں گا کہ شادی ایک خوبصورت بندھن ہے اس میں بندھ جائیے ، باقی میری شادی کو خود ڈیڑھ برس ہوا ہے ، لیکن میں بہت خوش ہوں میری اہلیہ نے مجھے بہت خوش رکھا ہوا ہے، میں کترینہ کے ساتھ اپنی بہترین زندگی گزار رہا ہوں، جیون ساتھی اچھا ہو تو مشکل سے مشکل وقت بھی آسانی سے کٹ جاتا ہے. اسلئے شادی کریں اور اپنے جیون ساتھی کو نہ صرف اعتماد دیں بلکہ ایک مثالی زندگی گزاریں.

  • سونم کپور برطانوی کنگ چارلس سوم کی تاج پوشی کے کنسرٹ میں پرفارم کریں گی

    سونم کپور برطانوی کنگ چارلس سوم کی تاج پوشی کے کنسرٹ میں پرفارم کریں گی

    بکنگھم پیلس میں کنگ چارلس سوم کی تاج پوشی کے جشن اور اسکے حوالے سے کی جانے والی تقریبات کا آغاز 6 مئی سے ہو رہا ہے ، یہ تقریبات ایک ہفتہ تک جاری رہیں گی . میڈیا رپورٹس کے مطابق کنگ چارلس سوم کی تاج پوشی 6 مئی کو ہوگی جبکہ 7 مئی کو اسی حوالے سے جشن میں گرینڈ کنسرٹ کا اہتمام کیا جائے گا۔ کہا جا رہا ہے کہ اس گریںڈ کنسرٹ میں بالی وڈ اداکارہ سونم کپور اپنی پرفارمنس دیں گی ، اور پہلی بار ایسا ہو رہا ہے کہ سونم کسی ایسے جشن کا حصہ بننے جا رہی ہیں. اس گرینڈ کنسرٹ میں سونم کپور کے علاوہ میںکیٹی پیری، ٹام کروز بھی اپنی پرفارمنس دیں گے . ٹام کروز نے 1997 میں شہزادی ڈیانا کی آخری رسومات میں شرکت کی تھی۔ اس کے بعد اب گرینڈ کنسرٹ میں وہ جلوہ

    گر ہو رہے ہیں اور اپنی پرفارمنس سے وہاں مدعو مہمانوں کو محظوظ کرنے کے لئے تیار ہیں. سونم کپور اس گرینڈ کنسرٹ کا حصہ بن رہی ہیں یہ خبریں تو سامنے آ چکی ہیں لیکن ابھی تک انہوں نے اس ھوالے سے لب کشائی نہیں کی. یاد رہے کہ سونم کپور بالی وڈ‌اداکار انیل کپور کی بیٹی ہیں اور انہوں نے بالی وڈ میں اپنا نام بہت جلد بنایا ہے. سونم اپنے بچے کی پیدائش کے بعد اپنی گھریلو زندگی میں مصروف ہیں.

  • پریتی زنٹا کے ہاتھ کے بنے 20 آلو کے پراٹھے کس کرکٹر نے کھائے؟‌

    پریتی زنٹا کے ہاتھ کے بنے 20 آلو کے پراٹھے کس کرکٹر نے کھائے؟‌

    سب جانتے ہیں کہ بالی وڈ اداکارہ پریتی زنٹا آئی پی ایل فرنچائز پنجاب کنگز کی مالک ہیں وہ کرکٹ میں کافی دلچپسی رکھتی ہیں. پریتی زنٹا نے اپنے حالیہ انٹرویو میں بتایا کہ کس طرح سے انہیں اپنی ٹیم کی کامیابی پر 120 آلو کے پراٹھے بنانے پڑے. اداکارہ نے کہا کہ 2009 کی بات ہے کہ پنجاب کنگز نے کامیابی حاصل کی ، تو اپنی ٹیم کے کھلاڑیوں سے چونکہ میں پہلے ہی وعدہ کر چکی تھی کہ اگر جیتے تو میں آلو کے پراٹھے اپنے ہاتھ سے بنا کر کھلائوں گی، جب میری ٹیم جیت گئی تو پھرمجھے آلو کے پراٹھے بنانے پڑے اور 120 آلو کے پراٹھے بنائے جن میں سے

    عرفان پٹھان ہی اکیلا 20 پراٹھے کھا گیا. پریتی زنٹا نے کہا کہ جب میں نے آلو کے پراٹھے بنائے اس وقت میں ٹیم کے ساتھ ہی سائوتھ افریقہ میں موجود تھی . کرکٹرز کا دل تھا کہ ان کو آلو کے پراٹھے ملیں لہذا میں نے وعدہ کر لیا کہ اگلہ میچ جیتے تو آلو کے پراٹھے خود بنائوں گی سو مجھے بنانے پڑے اور بہت مزا آیا . میں نے تو وہاں ٹیم کے کچن اسٹاف کو آلو کے پراٹھے بنانا سکھائے. سب نے میرے ہاتھ نے بنے آلو کے پراٹھے کھائے اور بے انتہا تعریف بھی کی . اس کے بعد میرے ٹیم کے کھلاڑیوں کے اس طرح کے مطالبات آنے لگے جن کو میں پورا کرتی رہی.

  • سیٹ پر تاخیر سے کونسا ہیرو آتا تھا پدمنی کولہا پوری نے بتا دیا

    سیٹ پر تاخیر سے کونسا ہیرو آتا تھا پدمنی کولہا پوری نے بتا دیا

    بالی وڈ اداکارہ پدمنی کولہا پوری نے ایک انٹرویو میں بتایا ہے کہ میں سیٹ پر اپنے مقررہ وقت پر پہنچ جاتی تھی لیکن ایک ہیرو ایسا تھا کہ وہ جس بھی فلم میں ہوتا تھا اس کے سیٹ پر ہمیشہ تاخیر سے پہنچتا تھا. ہر سیٹ پر تاخیر سے پہنچنے والے اداکار کا نام بتاتے ہوئے پدمنی نے کہا کہ شترو گن سنہا وہ ہیرو تھے جن کو سیٹ پر لیٹ ہی آنا ہوتا تھا. لیکن جب وہ سیٹ پر آتے تو کمال ہی کر دیتے ، چھ صفحوں کا سین سنتے اور فورا یاد کر لیتے، جبکہ ہم سیٹ پر کئی گھنٹے لگا کر ڈائیلاگز یاد کیا کرتے تھے. شترو اگر سیٹ پر لیٹ آتے تھے تو ان کی وجہ سے کام کبھی بھی کسی کا نہیں رکا تھا، وہ آتے ساتھ ہی اپنا سین اوکے کروا دیتے اور باقی سب کو بھی حیران کر دیتے کہ ابھی تو آئے ہیں اور آتے ہی انہوں نے اپنا سین بھی

    اوکے کروا دیا ہے. صرف پدمنی کولہا پوری ہی نہیں امیتابھ بچن نے بھی شترو گن سنہا کی ایک انٹرویو میں تعریف کی اور کہا کہ شترو کو جیسے ڈائیلاگز یاد ہوجاتے تھے وہ ہم نہیں کر سکتے تھے. انہوں نے کہا کہ شترو کا سیٹ پر تاخیر سے پہنچنا معمول تھا اورہم ان کے ساتھ کام کرکے اس کی اس عادت کے عداری ہو چکے تھے.

  • کمارسانو کی بیٹی شینن اداکارہ کس کے کہنے پر بنیں ؟

    کمارسانو کی بیٹی شینن اداکارہ کس کے کہنے پر بنیں ؟

    نوے کی دہائی کے مقبول ترین گلوکار کمار سانو کی بیٹی شین کمار نے اداکاری میں‌آنے کا فیصلہ کر لیا ہے ، اور انہوں نے ایک فلم بھی سائن کر لی ہے. چونکہ وہ ایک لیجنڈری گلوکار کی بیٹی ہیں لہذا ان کو بالی وڈ میں آتے ہی ہاتھوں ہاتھ لیا جا رہا ہے، صحافی ان کا انٹرویو کررہے ہیں، شینن نے اپنے حالیہ انٹرویو میں‌کہا ہےکہ میں اداکار عرفان خان کی بہت بڑی مداح ہوں اور میں نے ان سے ایک بار فون پر مختصر سی بات بھی کی تھی، اس کال کے دوران انہوں نے مجھے اداکاری سیکھنے اور پھر اداکارہ بننے کا مشورہ دیا. میں چونکہ ان کی بہت بڑی مداح تھی

    لہذا میں نے فیصلہ کر لیا کہ میں اداکارہ بنوں گی. انہوں نے کہا کہ عرفان خان کو خراج عقیدت پیش کرنے کے لئے میں نے اداکارہ بننے کا فیصلہ کیا ہے. کاش وہ زندہ ہوتے تو دیکھتے کہ میں ان کے کہنے پر اداکاری کے میدان میں کود پڑی ہوں. میں تو ان کے ساتھ کام بھی کرنا چاہتی تھی لیکن ایسا ممکن نہ ہو سکا کیونکہ ان کی زندگی نے ان کے ساتھ وفا نہ کی .شینن کمار سانو نے کہا کہ میری کوشش ہے کہ ایسے کردار کروں جو لوگوں کو یاد رہ جائیں‌میرے کردار ہی پہچان بن جائیں.

  • ژالے سرحدی کو ڈرامے میں کیا کہہ کر کاسٹ نہیں کیا گیا ؟‌

    ژالے سرحدی کو ڈرامے میں کیا کہہ کر کاسٹ نہیں کیا گیا ؟‌

    اداکارہ ژالے سرحدی نے اپنے ھالیہ انٹرویو میں کئے ہیں کچھ گلے شکوے . ان کا کہنا ہےکہ آج کل تو اداکار کو اسکی سوشل میڈیا پر فین فالونگ دیکھ کر کاسٹ کیا جاتا ہے. مجھے ایک ڈرامے میں اس لئے کاسٹ نہیں کیا گیا کیونکہ میرے سوشل میڈیا پر بہت زیادہ فالورز نہیں تھے. مجھے کہا گیا کہ آپ کے تو ملینز میں فالورز ہی نہیں ہے اسلئے آپکو کاسٹ نہیں کیا جا سکتا. ژالے سرحدی نے کہا کہ اس رویے سے بہت افسوس ہوا ، بھئی جس اداکار کی سوشل میڈیا پر فالورز کی تعداد زیادہ نہ ہو تو کیا وہ اداکار نہیں رہتا؟ مجھے سمجھ نہیں آتی کہ یہ کیا پیمانہ رہ گیا ہے

    کہ کسی اچھے سے اچھے فنکار کو بھی کاسٹ کرنے سے پہلے اسکے انسٹاگرام یا ٹویٹر پر فالورز کی تعداد دیکھی جائے. ژالے نے کہا کہ میرے اگر ملینز میں‌فالورز نہیں‌ ہیں تو کیا اب میں آرٹسٹ نہیں‌ہوں؟ یا مجھ سے کام نہیں‌لیا جا سکتا. انہوں نےانٹرویو کے دوران شدید افسوس کا اظہار کیا اور کہا کہ فنکاروں کی عزت کی جائے نہ کہ ان کے سوشل میڈیا پر ان کے فالورز کی تعداد کو دیکھا جائے اور ان کی قابلیت کا اندازہ لگایا جائے.