Baaghi TV

Tag: Facebook

  • میں پتہ لگا رہی ہوں میرا انسٹاگرام اکائونٹ کس نے ہیک کیا سعیدہ امیتاز

    میں پتہ لگا رہی ہوں میرا انسٹاگرام اکائونٹ کس نے ہیک کیا سعیدہ امیتاز

    ماڈل و اداکارہ سعیدہ امتیاز نے اپنے انتقال کی خبروں پر رد عمل دیتے ہوئے کہا ہے کہ میں بالکل خیریت سے ہوں اور آپ سب کا شکریہ ادا کرنا چاہتی ہوں جو میرے لئے فکر مند یا پریشان ہوئے. وڈیو پیغام میں سعیدہ امتیاز نے کہا کہ میرا انسٹاگرام اکائونٹ ہیک کر لیا گیا تھا ، میں پتہ لگا رہی ہوں کہ کس نے ایسا کیا ہے، مجھے بہت افسوس ہے کہ میرے حوالے سے غلط خبر پھیلائی گئی اور میری فیملی بہت پریشان ہوئی ، میرے مداح اور دوست بھی بہت پریشان ہوئے، میرے گھر پر لوگوں کا تانتا بندھ گیا. میں سو کر اٹھی تو دیکھا کہ فون پر بہت ساری کالز اور میسجز

    تھے ، مجھے تو ایکدم سے کچھ سمجھ ہی نہیں آیا کہ یہ سب کیا ہوا ہے. اور کس نے کیا ہے. مجھے حیرت ہے کہ کسی کو تنگ کرنے کے لئے اس حد تک گر جاتے ہیں لوگ. میں تو دعا ہی کر سکتی ہوں کہ اللہ ہدایت دے ان لوگوں کو جو دوسروں کو تنگ کرتے ہیں ان کے لئے پریشانی کا باعث بنتے ہیں. سعیدہ نے کہا کہ میں بہت جلد پتہ لگا لوں گی کہ میرا انسٹاگرام اکائونٹ کس نے اور کیوں ہیک کیا. انہوں نے کہا کہ آپ سب کی سپورٹ کا بہت شکریہ.

  • سٹار کڈز ہونے کے فوائد تو ہیں جن کو میں مانتا ہوں اذان سمیع خان

    سٹار کڈز ہونے کے فوائد تو ہیں جن کو میں مانتا ہوں اذان سمیع خان

    عدنان سمیع خان اور زیبا بختیار کے بیٹے اذان سمیع خان جو کہ شوبز انڈسٹری میں قدم رکھ چکے ہیں وہ نہ صرف اچھا گاتے ہیں بلکہ اچھی اداکاری بھی کرتے ہیں. انہوں نے ڈرامہ سیریل عشق لاء میں اپنی اداکاری کے جوہر دکھائے اور ڈرامہ انڈسٹری میں قدم رکھتے ہی ان کو یمنہ زیدی اور سجل علی جیسی منجھی ہوئی اداکارائوں کے ساتھ کام کرنے کا موقع میسر آیا. اذان سمیع خان نے ندا یاسر کے ساتھ اپنے ایک انٹرویو میں کہا ہے کہ سٹار کڈز ہونے کے فوائد ہوتے ہیں جن کو میں بالکل مانتا ہوں . ہمیں وہ مواقع میسر آجاتے ہیں جو کسی عام انسان کو نہیں مل پاتے ، ہماری رسائی سلیبرٹیز تک زرا جلدی ہو جاتی ہے ، ہم ان کے ساتھ بیٹھ سکتےہیں بات کر سکتے ہیں. جیسے

    کہ میوزک انڈسٹری کا بڑا نام وقار ذکاء سے مجھے میوزک سیکھنا تھا میں ان کے سٹوڈیو جانا شروع ہو گیا تو یہ فوائد ہی ہیں. کوئی اگر نہیں مانتا تو میں کچھ نہیں‌کہہ سکتا لیکن اپنی بات کروں تو یقینا سٹار کڈز ہونے کے فائدے ہوتے ہیں. انہوں نے کہا کہ میں اگر کچھ بھی سیکھنا چاہتا ہوں فرض کریں کہ اگر میں ہوسٹنگ سیکھنا چاہتا ہوں تو میرے لئے آسان ہو گا بڑے اور نامور ہوسٹس کے پاس جا کر بیٹھنے میں، ازان نے یہ بھی کہا کہ میں بہت خوش ہوں کہ اس انڈسٹری نے مجھے ویلکم کیا.

  • عمرے کے ٹھیکیدارو تم خدا کی نظر میں زیرو اور میں نمبر ون ہوں راکھی ساونت

    عمرے کے ٹھیکیدارو تم خدا کی نظر میں زیرو اور میں نمبر ون ہوں راکھی ساونت

    راکھی ساونت نے حال ہی میں ایک انٹرویو کے دوران کہا ہے کہ میں اگر شلوار قمیض پہن کر نکلوں تو کہا جاتا ہے کہ میرا تو کیرئیر ہی ختم ہو گیا ہے اس لئے میں ایسا کررہی ہوں. دوسری طرف گلیمرس کپڑے پہنوں تو کہتے ہیں کہ ارے تم نے تو اسلام قبول کر لیا ہے ، تم ایسے کپڑے پہنتی ہو تمکو شرم نہیں آتی. کیا لوگ ہو تم ، جینے کیوں نہیں دیتے ، میں اگر کچھ غلط کروں گی تو میرا خدا مجھ کو روک لے گا ، تم خدا بننے کی کوشش نہ ہی کرو تو بہتر ہے. انہوں نے کہا کہ عمرہ کرنے کی بات کرتی ہوں تو کہتے ہیں کہ تم عمرہ کرکے آئو گی تو پھر بھی ایسے کپڑے

    پہنو گی؟ ابھی عمرہ کیا نہیں اور لوگوں کو پہلے ہی فکر لگ گئی ہے ، کیا میرے بینک میں پیسے تم لوگ ڈلوائو گے ؟ کیا میرے گھر کا کچن تم لوگ چلائو گے ؟ اگر تم لوگوں سے میں برداشت نہیں ہوتی تو آئو مجھے مار دو. راکھی نے یہ بھی کہا کہ جو مجھے بات کرتے ہیں وہ اللہ کی نظر میں زیرو اور میں نمبر ون ہوں کیونکہ میرے بارے میں بلاوجہ بات کی جاتی ہے مجھ پہ بلاوجہ الزامات لگائے جاتے ہیں . میرے گناہ کیوں اپنے سر لیتے ہو میری برائیاں کرکے مجھے گالیاں دیکر. جیو اپنی زندگی اور مجھے بھی جینے دو میری زندگی.

  • پلک کے افئیر کی خبروں پر ماں شویتا کیسے ری ایکٹ کرتی ہیں؟‌

    پلک کے افئیر کی خبروں پر ماں شویتا کیسے ری ایکٹ کرتی ہیں؟‌

    شویتا تیواری ڈرامہ انڈسٹری کی معروف اداکارہ ہیں ، وہ بگ باس کی بھی ونر ہیں. ان کی بیٹی پلک تیواری نے چن دی کڑی جیسے گانے کی وڈیو میں کام کیا اور اپنی صلاحیتیں لوگوں کے سامنے رکھیں. پلک تیواری اسی سال سلمان خان کی فلم کسی کا بھائی کسی کی جان سے بالی وڈ میں قدم رکھ رہی ہیں. پلک نے بتایا ہے کہ میرا نام جب سیف علی خان کے بیٹے ابراہم کے ساتھ جڑا تومیری والدہ نے مجھے پوچھا کہ نیوز میں سب کیا چل رہا ہے ، تومیں نے ان کو بتایا کہ ایسی کوئی بات نہیں . پلک کہتی ہیں کہ میں جس انڈسٹری میں ہوں‌ وہاں کسی کے ساتھ بھی نام جڑنا معمولی بات ہے. انہوں نے مزید یہ بھی کہا کہ میری والدہ مجھ پہ بہت زیادہ یقین رکھتی ہیں ، وہ جب میرے افئیرز

    اور سکینڈلز کی خبریں کہیں پڑھتی ہیں تو مجھے لنک بھیج کر پوچھتی ہیں کہ یہ کیا ہے تومیں ان کو تسلی دیتی ہوں کہ ایسی کوئی بات نہیں ہے ،کیونکہ نہ میری کسی کے ساتھ دوستی ہے اور نہ کوئی ہے جس کو میں پسند کرتی ہوں. پلک نے کہا کہ میری والدہ نے مجھے بہت مضبوط بنایا ہے لہذا میں کسی بھی قسم کے سکینڈل کی خبر سے نہیں گھبراتی میرا فوکس میرے کام پر ہے.

  • دوڑ کا پریمئیر آج لاہور میں ہو گا

    دوڑ کا پریمئیر آج لاہور میں ہو گا

    فلم دوڑ جو کہ عید الفطر پر سینما گھروں کی زینت بننے جا رہی ہے ، اس فلم کا پریمئیر آج لاہور میں ہو گا. پریمئیر پر فلم کی کاسٹ کے علاوہ فلم انڈسٹری سے جڑی شخصیات شرکت کریں گی.اردو زبان میں بنی اس فلم کی کاسٹ میں‌ اسد محمود ۔شہباز چوہدری ۔سلیم معراج ۔شفقت چیمہ ۔عروج چوہدری ۔حفصہ راجپوت ۔سدرہ نور ۔اسلم حسن ۔کامران مجاہد ۔وسیم علی ۔راشد محمود میں شامل ہیں. دوڑ کی ڈائریکشن ندیم چیمہ کی ہے جبکہ پرڈیوسر اسلم حسن ہیں . فلم کو لکھا کامران رفیق نے ہے. فلم کی خاص بات یہ ہے کہ اس میں سینئرزکے ساتھ جونیئر اداکار وں کوبھی

    شامل کیا گیا ہے۔ ندیم چیمہ نے کہا کہ فلم کی کہانی میں ایک تجسس ہے جو دیکھنے والو ں کو اپنے سحر میں مبتلا رکھے گا۔فلم کے تمام کرداروں نے بھرپور محنت کی ہے ندیم چیمہ کا دعوی ہے کہ فلم شائقین کو ضرور پسند آئیگی. ندیم چیمہ مزید یہ بھی کہتےہیں کہ پاکستان میں لوگوں کا مزاج تبدیل ہو چکا ہے اور میں نے کوشش کی ہے کہ میں شائقین کی پسند اور مزاج کے مطابق فلم بنائوں.یاد رہے کہ دوڑ فلم کے ساتھ دادل ، منی بیک گارنٹی اور ہوئے تم اجنبی ریلیز ہونے جا رہی ہیں. امید کی جا رہی ہے کہ تمام فلمیں اچھا بزنس کریں گی.

  • منی بیک گارنٹی کا پریمئیر اب لاہور کی بجائے کراچی میں ہو گا

    منی بیک گارنٹی کا پریمئیر اب لاہور کی بجائے کراچی میں ہو گا

    عید الفطر پر ریلیز ہونے والی فلم منی بیک گارنٹی کا پریمئیر کراچی میں ہونے جا رہا ہے، شوبز انڈسٹری سے جڑی شخصیات کی ایک بڑی تعداد پریمئیر میں شامل ہو گی. منی بیک گارنٹی کا پریمئیر پہلے لاہور میں ہونا تھا لیکن اب فیصلہ کیا گیا ہے کہ کراچی میں اس ایونٹ کا انعقاد کیا جائیگا. فلم کی کاسٹ بھی موجود ہوگی. فواد خان خصوصی طور پر لاہور سےکراچی جائیں گے. منی بیک گارنٹی میں وسیم اکرم اور شنیرا اکرم پہلی بار اداکاری کرتے دکھائی دے رہے ہیں، فلم کو فیصل قریشی نے ڈائریکٹ کیا ہے جبکہ پرڈیوس میکال ذوالفقار اور شایان خان ہیں.

    واضح رہے کہ یہ فلم فیصل قریشی کی بطور ڈائریکٹر پہلی فلم ہے ، فیصل اس سے پہلے سپر ہٹ کمرشلز بنا چکے ہیں ، امید کی جا رہی ہے کہ فلم بھی سپر ہٹ ہو گی اور اس میں بھی فیصل کا وہی رنگ نظر آئیگا جو ان کے کمرشلز اور وڈیوز میں نظر آتا ہے. منی بیک گارنٹی کے ساتھ کامران شاہد کی فلم ہوئے تم اجنبی ریلیز ہونے جا رہی ہے.اس فلم کے مرکزی کرداروں میں میکال ذوالفقار اور سعدیہ خان نظر آرہے ہیں.

  • پلک تیواری نے سلمان خان کے حوالے سے جھوٹ بولا شہناز گل

    پلک تیواری نے سلمان خان کے حوالے سے جھوٹ بولا شہناز گل

    بگ باس 13 سے لائم لائٹ میں آنے والی شہناز گل ہمیشہ رہتی ہیں سرخیوں میں ، انہوں نے حال ہی میں کہا ہے کہ پلک تیواری نے جھوٹ بولا ہے سلمان خان نے سیٹ پر کسی قسم کا ڈریس کوڈ نہیں رکھا ہوا تھا ، میں تو اپنی مرضی کے مطابق لباس پہن کر جاتی تھی ، انہوں نے کہا کہ کسی کا بھائی کسی کی جان کے سیٹ پر ہر کسی کو اپنے مرضی کے مطابق ڈریس زیب تن کرنے کی اجازت تھی . یہاں تک کہ فلم کے ٹریلر لانچ کے موقع پر میں نے کافی شوخ قسم کا لباس پہن رکھا تھا. یاد رہے کہ پلک تیواری نے چند رو قبل کہا تھا کہ سلمان خان نے سیٹ پر لڑکیوں کے

    لئے سخت قسم کے رولز رکھے ہوئے تھے ، جب میں ایک دن گھر سے ڈھکا ہوا لباس پہن کر نکلی تو میری ماں نے پوچھا کیا ہو گیا تم کو، تو میں نے ان کو بتایا کہ سلمان سر کا سیٹ ہے وہاں لڑکیاں کھلے گلے اور آدھے کپڑے پہن کر نہیں جا سکتیں ، کیونکہ وہ کہتے ہیں کہ لڑکیاں اپنے آپ کو محفوظ رکھیں اسکے لئے ضروری ہے کہ وہ لباس ڈھکا ہوا پہن کر آئیں. واضح رہے کہ پلک تیواری ، شہناز گل سلمان خان کی فلم کسی کا بھائی کسی کی جان سے بالی وڈ‌ میں اینٹری دینے جا رہی ہیں .

  • قوی خان کو جب کینسر کا پتہ چلا، صورتحال بہت بگڑ چکی تھی سہیل احمد

    قوی خان کو جب کینسر کا پتہ چلا، صورتحال بہت بگڑ چکی تھی سہیل احمد

    اداکار سہیل احمد نے کہا ہے کہ میری قوی خان کے ساتھ بہت دوستی تھی ، ہم دونوں ایک دوسرے کے ساتھ ملاقات کیا کرتے تھے ، وہ کراچی میں ہوتے تو میں‌کراچی ملنے جاتا ، لاہور آتے تو روز ہماری ملاقات ہوتی. قوی خان ہر تین ماہ کے بعد اپنے مکمل ٹیسٹ کرواتے تھے اس کے باوجود جب انہیں‌کینسر کا پتہ چلا ،ان کی کنڈیشن بہت بگڑ چکی تھی. سہیل احمد نے کہا کہ ہم دونوں مستنسر حسین تارڑ کے ساتھ صبح کو واک کیا کرتے تھے ، ایک دن قوی خان نے مجھے کہا کہ میری طبیعت ٹھیک نہیں ، میں نے کہا ٹیسٹ کروا لیتے ہیں ، انہوں نے کہا کہ کروا لئے ہیں، ہم

    دونوں اپنے جاننے والے ایک ڈاکٹر کے پاس چلے گئے ، ڈاکٹر نے مجھے اگلے دن کال کرکے کہا کہ ان کو تو کینسر ہے اور کینسر بہت بگڑ چکا ہے. میں‌نے قوی خان کو بتایا کیونکہ ڈاکٹروں نے کہا تھا کہ پندراں دن کے اندر انجیکشنز شروع کر دئیے جائیں. قوی خان اپنے گھر والوں‌کو نہیں‌بتا رہے تھے پھر میں‌نے قوی خان کے بیٹے عدنان کو کال کی اور بتایا اس کے بعد اس نے ان کو بلوایا اور علاج شروع کر وایا لیکن ان کی زندگی نے ان سے وفا نہ کی .

  • سلمان خان کی تعریف ، کارتک پھولے نہیں سما رہے

    سلمان خان کی تعریف ، کارتک پھولے نہیں سما رہے

    بالی وڈ کے دبنگ سلمان خان نے حال ہی میں کی ہیں نئے اداکار کارتک آریان کی تعریفیں. سلمان خان کی تعریف کے بعد کارتک آریان پھولے نہیں سما رہے. تفصیلات کے مطابق کارتک آریان نے اپنے حالیہ انٹرویو میں کہا ہے کہ سلمان خان نے مجھے کہا کہ جب ہر کوئی فلاپ فلمیں دے رہا تھا ، صرف تم وہ واحد اداکار تھے جو سپر ہٹ فلمیں دے رہا تھا، جب سلمان خان نے ایسا کہا تو میری خوشی کی انتہا نہ رہی ، کیونکہ سلمان خان جیسے بڑے اداکار کا اپنے سے جونئیر کی تعریف بہت زیادہ معنی رکھتی ہے. کورونا کے بعد جب دوبارہ سے سینما گھر کھلے تو بالی وڈ

    کو بہت زیادہ مایوسی کا سامنا کرنا پڑا ، کیونکہ دو تین سال تک جتنی بھی فلمیں ریلیز ہوئیں وہ سب فلاپ ہوگئیں ، عامر خان ، سلمان خان جیسے اداکاروں کی بھی چھٹی ہو گئی ان کی فلموں نے بھی سینما گھروں میں زیرو بزنس کیا. لیکن اکرتک آریان واحد آرٹست‌ رہے جن کی فلموں نے کمال بزنس کیا ، بھول بھلیاں ٹو اسکی بڑی مثال ہے. کارتک آریان کا شمار بالی وڈ کے آج نمبر ون اداکاروں میں ہوتا ہے.

  • فلم کے ٹریلر لانچ پر گئے اور شہناز کی تعریف کرنے بیٹھ گئے راکھی ساونت

    فلم کے ٹریلر لانچ پر گئے اور شہناز کی تعریف کرنے بیٹھ گئے راکھی ساونت

    راکھی ساونت نے حال ہی میں کہا ہے کہ سلمان خان اپنی فلم کو پرموٹ نہیں‌کررہے وہ فلم کے ٹریلر لانچ پر گئے تو شہناز کی تعریفیں کرنے بیٹھ گئے ، اور دوسروں کی تعریفیں کرنے بیٹھ گئے ، حالانکہ خود کی تعریف بھی کرنی چاہیے. اس سے ان کی فلم کو فائدہ ہو گا. مجھے لگ رہا ہے کہ بھائی اپنی فلم کو سپورٹ نہیں کررہے ، میں ان کی فلم کو سپورٹ کروں گی . انہوں نے کہا کہ بھائی دل کے بہت اچھے ہیں ہر کسی کی تعریف کرتےہیں، اور شہناز اس قابل ہے کہ اسکی تعریف کی جائے ، اس نے بہت محنت کرکے اپنا نام اور مقام بنایا ہے. جس طرح سے سلمان خان

    نے سپورٹ کیا ہے شہناز کو اور اس کے سر پر ہاتھ رکھا ہے یہ بہت اچھی بات ہے . سلمان خان نے بہت ساروں کے کیرئیر کو بنایا ہے. ایسے لوگ دنیا میں‌کم پائے جاتے ہیں ، جو اپنا نہیں دوسروں کا ہر دم خیال رکھتے ہیں، انہوں نے یہ بھی کہا کہ میری ماں جب سے گئی ہے میں بہت اداس ہوں اور میرا دل روتا ہے. آج بھی فلائٹ میں تھی دبئی سے ممبئی آرہی تھی تو ماں کی یاد راستے میں بہت ستائی اور میں رونا شروع ہو گئی. آخر ماں نے پالا پوسا ہوتا ہے ، تو کیسے وہ دل سے نکل سکتی ہے بہت کوشش کرتی ہوں لیکن ماں کی یادیں دل سے نہیں جاتی .