Baaghi TV

Tag: Facebook

  • ماڈل و اداکارہ سعیدہ ڈپریشن کا شکار تھیں

    ماڈل و اداکارہ سعیدہ ڈپریشن کا شکار تھیں

    معروف اداکارہ و ماڈل سعیدہ امتتیاز انتقال کر گئی ہیں ، کہا جا رہا ہے کہ وہ ان دنوں کراچی میں قیام پذیر تھیں اپنے گھر میں اکیلی رہتی تھیں.
    سعیدہ کے انتقال کی خبر ان کے مداحوں پر بجلی کی طرح گری ہے. سعیدہ کے شوبز ساتھیوں نے شدید افسوس کا اظہار کیا ہے. کہا جا رہا ہے کہ سعیدہ کی موت پراسرار حالت میں ہوئی ہے ، وہ طبعی موت مری ہیں یا انہوں نے خود کشی کی ہے اس کی تفصیلات آنا ابھی باقی ہیں‌.سعیدہ امتیاز کے انتقال کی خبر ان کے تصدیق شدہ اکائونٹ سے شیر کی گئی، بتایا گیا ہے کہ اداکارہ و ماڈل صبح اپنے کمرے میں مردہ حالت میں پائی

    گئی. کہا جا رہا ہے کہ سعیدہ ڈپریشن کا شکار تھیں اور وہ ایک عرصے سے تنہائی پسند ہو چکی تھیں. ان کے کچھ قریبی دوستوں کا یہ بھی کہنا ہےکہ اداکارہ کسی کی محبت میں گرفتار تھیں لیکن اس رشتے سے بہت زیادہ خوش نہیں تھیں. واضح رہے کہ سعیدہ امتیاز نے اپنےکیرئیر کا آغاز 2012 میں کیا تھا، سعیدہ نے یواے ای میں اپنی زندگی کابہت بڑا حصہ گزارا ، پاکستان آئیں تو انہوں نے شوبز انڈسٹری میں قدم رکھا. سعیدہ نے ڈراموں کے ساتھ ساتھ فلموں میں بھی کام کیا گوکہ ان کا فلمی کیرئیر بہت زیادہ اونچائیوں پر نہ پہنچ سکا لیکن ان کا ماڈلنگ کیرئیر قدرے بہتر رہا. سعیدہ امتیاز کا عاطف اسلم کے ساتھ ایک جیولری شوٹ بہت مشہورہوا. سعیدہ امیتاز نے مبشر لقمان کا پرڈیوس کردہ ڈرامہ سرکار میں ایان علی کا کردار ادا کیا .

  • فلم کی ریلیز سے قبل فواد پریشر میں کیوںرہتے ہں؟ اداکار نے وجہ بتا دی

    فلم کی ریلیز سے قبل فواد پریشر میں کیوںرہتے ہں؟ اداکار نے وجہ بتا دی

    معروف اداکار فواد خان جن کی اس عید پر منی بیک گارنٹی ریلیز ہونے جا رہی ہے ، اس میں وہ روٹین سے ہٹ کر کردار کرتے نظر آرہے ہیں، بڑے بجٹ کی بنی اس فلم میں وسیم اکرم اورشنیرا نے بھی اپنی اداکاری کے جوہر دکھائے ہیں. فواد خان نے اپنے حالیہ انٹرویو میں کہا ہے کہ جب بھی میرا کوئی پراجیکٹ ریلیز کے قریب ہوتا ہے میں بہت زیادہ دبائو کا شکار ہوجاتا ہوں اور میں نروس رہتا ہوں. فواد نےوجہ بیان کرتے ہوئے کہا کہ میں دراصل لوگوں کو آپ سے بہت امیدیں ہوتی ہیں. اور میں تب تک کنفیوژ اور نروس رہتا ہوں جب تک کہ لوگوں کا ریسپانس سامنے نہ آجائے.

    فواد خان نے کہا کہ جب کوئی اداکار سپر ہٹ پراجیکٹ دیتا ہے تو اس کے بعد اس کے کندھوں پر بھاری زمہ داری آجاتی ہے ، اسی ایکٹر کا اگر ایک بھی پراجیکٹ فلاپ ہوجائے تو پھر اس کے بارے میں ایسی باتیں شروع ہو جاتی ہیں کہ اس کا تو کیرئیر ختم ہو گیا ہے، کیرئیر کو بریک لگ گئی ہے. تو ایسی باتوں سے ڈر لگتا ہے، میری فلم منی بیک گارنٹی مکمل طور پر اینٹرٹیننگ مووی ہے، مجھے بہت امید ہےکہ شائقین اسے پسند کریں گے میں نے اس میں کامیڈی بھی کی ہے.

  • بوبی دیول کیوں ہیں سلمان خان کے احسان مند؟

    بوبی دیول کیوں ہیں سلمان خان کے احسان مند؟

    دھرمیندر دیول کے بیٹے اور سنی دیول کے بھائی بابی دیول جب بالی وڈ میں آئے تو ان کو ہاتھوں ہاتھ لیا گیا لیکن ان کی چند ابتدائی فلمیں فلاپ ہوئیں تاہم گپت جیسی فلموں نے بابی دیول کو نمبر ون ہیروز کی لسٹ میں لا کر کھڑا کر دیا. تاہم بوبی دیول کا فلموں کے حوالے سے انتخاب ایسا رہا کہ ان کو زیادہ تر ناکامی کا ہی سامنا کرنا پڑا، جب ان کی پہ در پہ فلمیں فلاپ ہو رہی تھیں تو انہوں نے فیصلہ کر لیا کہ وہ اب بالی وڈ سے تھوڑا بریک لیں گے ، بابی دیول کافی مایوس ہو چکے تھے ، لیکن ان کو سلمان خان نے موٹیویٹ کیا اور کہا کہ تم پھر سے انڈسٹری میں آئو، خود پر

    توجہ دو ، بوبی دیول کا اس حوالے سے کہنا ہے کہ میں جب مایوس ہو چکا تھا ، کچھ نظر نہیں آتا تھا تب سلمان خان نے مجھے متحرک کیا ، میں نے خود پر توجہ دینی شروع کر دی. اور مجھے انہوں نے ریس تھری میں کام دیا اس فلم کے بعد میرا بالی وڈ کیرئیر ایک بار پھر سے شروع ہوا جس کے لئے میں سلمان خان کا احسان مند رہوں گا، میری خوش نصیبی ہے کہ جس کو سلمان خان اپنا دوست مانتا ہے.

  • ثانیہ مرزا نے ایم سی سٹین کو 21 لاکھ کے تحائف بھجوائے

    ثانیہ مرزا نے ایم سی سٹین کو 21 لاکھ کے تحائف بھجوائے

    ثانیہ مرزا نے بگ باس 16 جیتنے والے ایم سی سٹین کو 21 لاکھ کے تحائف بھجوائے ہیں، جوتوں کا جوڑا اور گلاسز ان تحائف میں شامل ہیں، ثانیہ مرزا کی طرف سے یہ تحائف پا کر ایم سی سٹین کافی خوش ہیں، انہوں نے ثانیہ مرزا کا شکریہ کچھ یہ کہہ کر ادا کیا ہے کہ ، بہت شکریہ آپا ، آپ کے ان تحائف کو میں عزت کی نگاہ سے دیکھتاہوں. ثانیہ مرزا کی جانب سے ایم سی سٹین کو قیمتی تحائف دینے پر ایم سی سٹین کے مداحوں نے بھی خوشی

    کا اظہار کیا ہے . یاد رہے کہ ایم سی سٹین نے بگ باس 16 جیتا ہے ان کی جیت آج تک کنٹرورشل ہے کیونکہ پریانکا چہر چوہدری کی جیت یقینی تھی لیکن ایم سی سٹین کا جیت جانا لوگوں کو ہضم نہیں ہوا.اس بار بگ باس کو سلمان خان کے علاوہ کرن جوہر اور فرح خان نے ہوسٹ کیا تھا ، فرح خان کی ہوسٹنگ بہت زیادہ متنازعہ ہو گئی تھی جس کی وجہ سے ان سے ہوسٹنگ واپس لے لی گئی تھی.

  • عفان وحید کیسی لڑکی سے شادی کریں گے؟‌ اداکار نے بتا دیا

    عفان وحید کیسی لڑکی سے شادی کریں گے؟‌ اداکار نے بتا دیا

    اداکار عفان وحید نے رابعہ انعم کے ساتھ اپنے حالیہ انٹرویو میں کہا ہے کہ میں نے ایک لڑکی شادی کے لئے پسند کرلی تھی وہ لڑکی بھی راضی تھی لیکن ہماری شادی نہ ہو سکی. انہوں نے مزید کہا کہ میں پہلے سوچا کرتا تھا کہ لڑکی ایسی ہو ویسی ہو ، میری ڈیمانڈز بہت زیادہ تھیں ، اور ان میں بہت سخت تھا کہ جو کوالٹیز مجھے لگتی ہیں کہ لڑکی میں ہوں وہ اگر نہ ہوئیں تو میں شادی نہیں کروں گا لیکن جیسے جیسے عمر بڑھ رہی ہے میری ان ڈیمانڈز میں کمی آتی جا رہی ہے ، اب لگتا ہے کہ حسن کوئی چیز نہیں ہوتی ، بلکہ ساتھی کا ساتھ اہم چیز ہوتی ہے ، ساتھ نبھانے

    والی لڑکی ہو ، دکھ سکھ میں ساتھ دینے والی ہو ، سمجھدار ہو ، ایسی خوبیاں جس میں بھی ہوں میں شادی کر لوں گا. عفان وحید نے کہا کہ محبت اب پرانے زمانے کی باتیں ہو گئیں ہیں اب تو ساتھی کا ساتھ ضروری ہے. یقینا محبت کے بغیر گزارہ نہیں ہے دنیا نہیں چل سکتی . میں بہت جلد اپنے مداحوں کو خوشخبری دوں گا ، جیسے ہی شادی طے ہو گی بتائوں گا اور اپنے مداحوں کو اپنی اس خوشی میں‌شریک کروں گا.

  • راکھی عید کہاں منائیں گی؟

    راکھی عید کہاں منائیں گی؟

    بالی وڈ کی آئٹم گرل راکھی ساونت جنہوں نے دبئی میں ھال ہی میں ایک ڈانس اکیڈمی کی بنیاد رکھی ہے ، وہ ممبئی میں واپس آئی ہیں ، واپس آتے ہی ان کو انٹرویو کیا میڈیا نے ، راکھی ساونت کا کہنا ہے کہ میری زندگی کے یہ پہلے روزے اور عید ہے میں چاہتی ہوں کہ یادگار طریقے سے منائوں. میری عید کی شاپنگ ابھی نہیں ہوئی ، میری کوشش ہے کہ میں عید ممبئی میں منائوں لیکن دبئی میں بھی اکیڈمی اور ایک اور پراجیکٹ کی وجہ سے مصروفیت چل رہی ہے. راکھی ساونت نے کہا کہ دبئی میں میرا پروڈکشن ہائوس ایک رئیلٹی شو پلان کررہا ہے اس شو کو میں خود ہوسٹ کروں گی ، جبکہ اس میں پاکستان اور ہندوستان کے بچوں کو اپنا ٹیلنٹ دکھانے کا موقع دیا جائیگا. راکھی

    نے کہا کہ میں بہت جلد عمرہ بھی جائوں گی میرے کاغذات پراسس میں ہیں میں خدا کا گھر جا کر دیکھوں گی وہاں دعا بھی کروں گی.انہوں نے مزید یہ بھی کہا کہ میرے ساتھ زندگی میں جو کچھ بھی ہوا ہے اس پر رنجیدہ ہوں لیکن آگے بڑھنا پڑتا ہے لہذا میں آگے بڑھ رہی ہوں اور کوشش کررہی ہوں کہ اپنے ماضی سے نکل کر ھال پر توجہ دوں .

  • کاجول کی بیٹی برس پڑیں اپنا نام لینے والوں پر

    کاجول کی بیٹی برس پڑیں اپنا نام لینے والوں پر

    اجے دیوگن اور کاجول کی بیٹی نیسا دیوگن نے ابھی بالی وڈ میں قدم نہیں رکھا لیکن ان کی فین فالونگ اسی طرح سے ہے جس طرح سے کسی سٹار کی ہوتی ہے. شاید سٹار کڈ ہونے کی وجہ سے نیسا کو بہت زیادہ توجہ ملتی ہے نیسا دیوگن آج کل اپنے دوست اوری کے ساتھ بہت زیادہ دیکھی جا رہی ہیں ، حال ہی میں وہ راجھستان میں اوری اور دیگر دوستوں کے ساتھ ایک وزٹ کرکے آئیں اس وزٹ کی تصاویر سوشل میڈیا پر کافی وائرل ہو رہی ہیں. راجھستان سے واپسی کے بعد نیسا اور اوری ممبئی کے ایک ہوٹل میں دیکھے گئے، دونوں ایک دوسرے کے ساتھ جب اس

    ہوٹل سے باہر نکلے تو لوگوں نے پیار سے نیسا کا نام نائیسا لینا شروع کر دیا ان کے نام کے نعرے لگنے لگے. اس پر نیسا بھڑک اٹھیں اور انہوں نے جھاڑ پلا دی ان سب کو جو ان کا نام لے رہے تھے ، انہوں نے کہا کہ میرا نائیسیا نہیں ہے بلکہ میرا نام نیسا ہے ، مجھے سمجھ نہیں آتی کہ کیوں میرا نام غلط بلایا جاتا ہے . پلیز میرے نام ٹھیک لیا کریں یہ کہہ کر نیسا اپنی گاڑی میں بیٹھیں اور چل دیں اور ان کے مداح ان کا منہ ہی تکتے رہ گئے.

  • ہیما مالنی کی اپنی ساس کے ساتھ پہلی ملاقات کب ہوئی ؟‌

    ہیما مالنی کی اپنی ساس کے ساتھ پہلی ملاقات کب ہوئی ؟‌

    بالی وڈ کی ڈریم گرل ہیما مالنی اور دھرمیندر کی لواسٹوری اور ان کی شادی بہت زیادہ فلمی ہے. دھرمیندر اور ہیما نے جب شادی کی اس وقت دھرمیندر کے چار بچے تھے ، ہیما کے گھر والے بالکل بھی نہیں چاہتے تھے کہ ان کی بیٹی کی شادی ایک شادی شدہ مرد کے ساتھ ہو. لیکن ہیما نے مجبور دل کے ہاتھوں دھرمیندر سے چھپ کر شادی کر لی. ہیما مالنی نے اپنی بائیوگرافی میں لکھا ہے کہ جب میں پہلی بار ھاملہ ہوئی تو اس وقت میری ساس کو اس بات کی خبر ہوئی اور وہ مجھے ملنے کےلئے میرے پاس ایک ڈبنگ سٹوڈیو آئیں ، وہ اپنے گھر میں کسی کو نہیں بتا کر آئیں

    تھیں کیونکہ ان کی فیملی میں مجھے پسند نہیں کیا جاتا تھا. ہیما لکھتی ہیں کہ میری ساس نے مجھے دیکھتے ہی گلے لگا کر دعا دی اور کہا کہ ہمیشہ خوش رہو. وہ مزید لکھتی ہیں میرے سسرال میں میرا کسی سے رابطہ نہیں تھا لیکن میرے سسر کی مجھ سے اور میرے گھر والوں سے بہت زیادہ بنتی تھی. وہ میرے گھر آکر میرے گھر والوں کے ساتھ ہاتھ کی کشی کیا کرتے تھے .ہیما کہتی ہیں کہ دھرمیندر کے ساتھ شادی کے لئے مجھے بہت پاپڑ بیلنے پڑے.

  • شہناز گل نے سلمان خان کا نمبر کیوں بلاک کیا؟‌

    شہناز گل نے سلمان خان کا نمبر کیوں بلاک کیا؟‌

    بگ باس 13 سے شہرت ھاصل کرنے والی شہناز گل نے اپنے حالیہ انٹرویو میں انکشاف کیا ہے کہ انہوں نے سلمان خان کا نمبر بلاک کیا تھا. نمبر بلاک کرنے کی تفصیلات پر بات کرتے ہوئے اداکارہ نے کہا کہ مجھے بگ باس 13 کے بعد بہت سارے رانگ کالز آتے تھے ، مجھے جیسے ہی پتہ چلتا کہ کوئی رانگ نمبر ہے تو میں فورا بلاک کر دیتی. مجھے جب سلمان خان کی کال آئی تو میرے پاس نمبر سیو نہیں تھا ، میں نے اٹھائے بغیر ان کا نمبربلاک کر دیا مجھے لگا کہ یقینا کوئی رانگ نمبر ہے جو مجھے تنگ کررہا ہے. اس کے بعد سلمان خان کی ٹیم سے ایک بندے کی

    مجھے کال آئی اور اس نے کہا کہ سلمان خان آپ کو کال کررہے ہیں ، فون اٹھائیے تو میں نے پھر بلاک لسٹ سے سلمان خان کا نمبر نکالا اور ان کی کال آئی تو ان سے معذرت کی. سلمان خان نے اس روز مجھے کال کسی کا بھائی کسی کی جان میں کاسٹ کرنے کے لئے کی تھی .میں نے فورا ہاں کر دی کیونکہ سلمان خان کے ساتھ کام کرنے سے بڑھ کر اور کیا ہو سکتا تھا میری توخوشی کی انتہا ہی نہیں تھی.

  • علی طاہر اور وجیہہ کی شادی کیسے ہوئی ؟

    علی طاہر اور وجیہہ کی شادی کیسے ہوئی ؟

    نعیم طاہر اور یاسمین طاہر کے بیٹے علی طاہر اور ان کی اداکارہ اہلیہ وجیہ طاہر نے ایک شو میں شرکت کی ہے اس میں انہوں نے بتایاہے کہ کیسے ان دونوں کی شادی ہوئی. وجیہہ نے کہا کہ ہماری شادی سے پہلے میری اور علی کی والدہ کی بہت زیادہ دوستی تھی ، لیکن میرا علی کے گھر آنا جانا نہیں تھا ، ایک بار ایسا ہوا کہ میری اور علی کی دور کی فیملی نے ایک پلان کیا ، اور سب علی کے گھر اکٹھے ہوئے ، وہاں سب نے کہا کہ علی اور وجیہہ ڈانس کریں ہم نے ایک گانے پر ڈانس کیا ، سب نے بہت پسند کیا وہ میری اور علی کی پہلی ملاقات تھی . اس کے بعد میری والدہ

    نے کہا کہ میں علی سے ٹیوشن پڑھا کروں ، میں ٹیوشن پڑھنا شروع ہوئی تو اس دوران ہم نے ایک دوسرے سے شادی کرنےکا فیصلہ کر لیا. ڈیڑھ سال کے اندر ہماری شادی ہو گئی. علی نے کہا کہ ہمارے درمیان خطوط بازی بھی ہوتی رہی اور مجھے بعد میں پتہ چلا کہ مجھے جو وجیہہ کے نام سے خط آتے تھے وہ اسکی خالہ لکھتی تھیں. لیکن ہماری شادی جب ہوئی تو اس کے بعد ہمارے درمیان زیادہ محبت بڑھی جو آج تک قائم ہے.