Baaghi TV

Tag: Facebook

  • عابدہ پروین کا کامران شاہد کی فلم کےلئے گایا ہوا گیت جی سی یو میں جاری کر دیا گیا

    عابدہ پروین کا کامران شاہد کی فلم کےلئے گایا ہوا گیت جی سی یو میں جاری کر دیا گیا

    معروف اینکر کامران شاہد کی فلم ہوئے تم اجنبی جیسا کہ عید الفطر کے موقع پر ریلیز کی جا رہی ہے اس سلسلے میں اس کی پرموشن زوروں سے جاری ہے . گزشتہ روز گورنمنٹ کالج یونیورسٹی میں اس فلم کے لئے عابدہ پروین کا گایا ہوا گیت تیرے بناء ریلیز کیا گیا. اس موقع پر کامران شاہد کے ہمراہ میکال ذوالفقار ، سہیل احمد اور ندیم مانڈوی والا بھی تھے. اس تقریب کے مہمان خصوصی گورنمنٹ کالج یونیورسٹی کے وائس چانسلر تھے. طالب علموں کی بڑی تعداد نے تقریب میں شرکت کی اور عابدہ پروین کے گانے کو سراہا. تقریب کا آغاز ہوئے تم اجنبی کا ٹریلر دکھا کر کیا گیا اس کے بعد عابدہ پروین کا گانا چلایا گیا. گانے کو نوجوان نسل نے تالیوں کی گونج میں سنا. اس موقع پر کامران شاہد نے طالب علموں

    کا شکریہ بھی ادا کیا. یاد رہے کہ ہوئے تم اجنبی میں سعدیہ خان اور میکال ذوالفقار مرکزی کردار کررہے ہیں جبکہ سہیل احمد ، شمعون عباسی ، اور محمود اسلم و دیگر سپورٹنگ کرداروں میں نظر آرہے ہیں. کہانی 1971 کے پس منظر میں لکھی گئی ہے جس میں ایک لو اسٹوری کس طرح سے پروان چڑھتی ہے اور اسکا انجام کیا ہوتا ہے.تاہم شائقین فلم دیکھنے کےلئے بےتاب نظر آرہے ہیں.

  • ماہرہ خان کس سیاستدان کو سپورٹ کرتی ہیں اداکارہ نے بتا دیا

    ماہرہ خان کس سیاستدان کو سپورٹ کرتی ہیں اداکارہ نے بتا دیا

    پاکستان کی جانی مانی اداکارہ ماہرہ خان کے اعزاز میں کراچی آرٹس کونسل نے ایک تقریب رکھی اس تقریب کی میزبانی کے فرائض انور مقصود نے انجام دئیے انہوں نے ماہرہ خان سے کئی سوال کئے ، ایک سوال یہ بھی کہا کہ وہ کس سیاسی لیڈر کو پسند کرتی ہیں تو اس پر انہوں نے کہا میں پٹھان ہوں لیکن چاہتی ہوں کہ جو بھی اس ملک پر حکمرانی کرے وہ ایماندار ہو جو ایسا ہو گا وہی میرا پسندیدہ بھی ہوگا . انہوں نے کہا کہ میں بچپن سے ہی اداکاری کا شوق رکھتی تھی لیکن میری نانی بہت مخالفت کرتی تھیں، تاہم اب ایسا نہیں ہے. مجھے جب فلم بول کے لئے شعیب منصور کی کال آئی تو میرے تو زمین پر پائوں ہی نہیں لگ رہے تھے. اتنے بڑے ڈائریکٹر کے ساتھ کام کرنا یقینا

    مجھ جیسی نیو کمر کےلئے اعزاز کی بات تھی . انہوں نے کہا کہ میں اپنے کام سے کام رکھنے والی خاتون ہوں ، میں سوشل میڈیا پر ہوں لیکن وہاں‌پر زیادہ سیاسی ٹویٹس دیکھتی ہوں تو بھاگ جاتی ہوں. انہوں نے کہا کہ میں نے ابھی تک جتنا بھی کام کیا ہے اس سے بہت مطمئن ہوں اور سب سے زیادہ اہم بات یہ ہے کہ میں آج جو بھی ہوں اپنے مداحوں کی سپورٹ کی وجہ سے ہوں. یاد رہے کہ اس تقریب کے اختتام پر صدر آرٹس کونسل آف پاکستان کراچی نے آرٹس کونسل کی جانب سے ماہرہ خان کو کلچرل ایمبیسڈر آف پاکستان کا ایوارڈ بھی دیا۔

  • شریا گھوشال کس پاکستانی گلوکار کی مداح؟‌

    شریا گھوشال کس پاکستانی گلوکار کی مداح؟‌

    بالی وڈ کی گلوکارہ شریا گھوشال نے ایک انکشاف کیا ہے اور وہ انکشاف ہے کہ وہ پاکستانی گلوکار سجاد علی کی بہت بڑی مداح ہیں، انہوں نے اپنی انسٹاگرام سٹوری میں ھال ہی میں‌سجاد علی کا گایا ہوا گیت پردیس لگایا اور کمنٹس میں لکھا کہ بہت دیر کے بعد میں اتنی اچھی کمپوزیشن سن رہی ہوں اوراتنا اچھا گایا ہے کہ میں یہی کہہ سکتی ہوں کہ اس گیت نے میری روح کو چھو لیا ہے ، دو پہلے اس گانے کو سننے کا اتفاق ہوا اور تب سے ابھی تک سنتی ہی جا رہی ہوں. سجاد علی سال ہا سال سے اپنے سننے والوں کی اپنے بہترین فن سے خدمت کررہے ہیں یقینا ، ان کے

    پردیس گانے نے تو مجھے انکی آواز اور فن کا پہلے سے بھی زیادہ پرستار بنا دیا ہے. خدا ایسی آوازیں کم کم ہی کسی کو عطا کرتا ہے. یاد رہے کہ شریا گھوشال خود بالی وڈ کی ایک نامور اور جانی مانی گلوکارہیں لیکن وہ سجاد علی کی مداح نکلی ہیں اور اس چیز کا اظہار انہوں نے دنیا کے سامنے اپنی انسٹاگرام سٹوری میں کیا ہے. جس سے سجاد علی کے مداح بہت خوش ہیں ان کا کہنا ہے کہ شریا کی طرف سے سجاد علی کی طرف ہمارے لئے تو اہمیت رکھتی ہے.

  • صبا حمید ملک میں‌ یکساں‌ نصاب کی خواہاں

    صبا حمید ملک میں‌ یکساں‌ نصاب کی خواہاں

    سینئر اداکارہ صبا حمید نے اپنے حالیہ انٹرویو میں کہا ہے کہ ہمارے ڈبل سٹینڈرڈز ہیں امیر کے لئے کوئی اور قانون ہے اور غریب کے لئے کوئی قانون ہے. اسی طرح سے امیر کے لئے الگ نصاب ہے غریب کے لئے الگ نصاب ہے. غریب کا بچہ مقابلے کی دوڑ سے باہر رہتا ہے. حالانکہ تعلیم حاصل کرنے کے مواقع امیر غریب سب کے بچوں کے پاس ہونے چاہیں. ہمارے ہاں یکساں نصاب رائج ہوجائے تو بہت سارے بچوں کی محرومیاں دور ہو سکتی ہیں. انہوں نے تعلیم کی اہمیت پر زور دیتے ہوئے کہا کہ ہماری حکومتوں کو چاہیے کہ وہ آبادی کے حساب سے فنڈز کی تقسیم کریں اور چیک اینڈ بیلنس رکھے کہ تعلیم کے لئے دیا گیا پیسہ تعلیم پر ہی خرچ کیا جا رہا ہے. ہمیں اپنی نسلوں کی

    بہتری کےلئے ہمارے تعلیمی نظام کو بہتر بنانا ہو گا یہ وقت کی اہم ضرورت بن چکا ہے. تعلیم یافتہ معاشرہ ایک روشن معاشرے کو جنم دیتا ہے. میری حکومتوں سے اپیل ہے کہ تعلیمی معاملات پر توجہ دیں لوگوں کی صحت کے معاملات پر توجہ دیں. یاد رہے کہ صباحمید ماضی کی منجھی ہوئی اداکارہ ہیں ایک عرصہ سے ڈراموں سے دور ہیں لیکن انہوں نے ڈراموں میں کام کرنا نہیں چھوڑا ان کا کہنا ہے کہ جب تک شائقین چاہیں گے وہ کام کریں گی.

  • فلم انڈسٹری کی ترقی کس طرح‌ ممکن ہے منال خان نے بتا دیا

    فلم انڈسٹری کی ترقی کس طرح‌ ممکن ہے منال خان نے بتا دیا

    اداکارہ منال خان جوغلط انگلش بولنے کی وجہ سے تنقید کی زد میں‌ رہتی ہیں انہوں حال ہی میں ایک انٹرویو دیا ہے جس میں انہوں نے کہا ہے کہ ہمارے ہاں ٹیلنٹٍڈ فنکاروں کی کمی نہیں ہے . بس کمی ہے تو مواقعوں گی . اب وقت آن پہنچاہے کہ ہم دنیا بھر کے ملکوں کے ساتھ مل کر فلمیں بنائیں . ہم اگر اپنی انڈسٹری کو فروغ دینا چاہتےہیں تو ہمیں‌آگے بڑھ کر جدید وقت کے تقاضوں کے مطابق کام کرنا ہو گا. اپنی فلموں کی مارکیٹ‌بڑھانی ہو گی تبہی جا کر فلمی صنعت کی ترقی ہوگی. انہوں نے مزید کہا کہ اگر ہم باہر کے ممالک کے ساتھ ملک کر فلمیں بنائیں گے تو یقینا باہر کے ملکوں کے فنکاروں سے بہت کچھ سیکھنے کا موقع ملے گا. انہوں یہ بھی کہا کہ آج کے فنکار اتنے

    باصلاحیت ہیں کہ وہ کسی بھی سیئنر کا ہنس کر مقابلہ کر سکتے ہیں ان کے کام میں اتنی جان ہے اسکی تعریف کئے بغیر کوئی بھی نہیں‌رہ سکتا. انہوں نے کہا کہ میں ڈراموں میں‌واپسی کب کرتی ہوں یہ تو وقت ہی بتائے اور مجھ پہ کوئی روک ٹوک نہیں ہے میں بس اپنے گھر اور گھریلو زندگی کو وقت دے رہی ہوں. یاد رہے کہ منال خان نے کچھ عرصہ قبل شادی کی ہے اور یہ بھی اپنی بہن کی طرح شوبز سے فی الوقت دوری اختیار کئے ہوئے ہیں.

  • کیا چیز فنکاروں‌کا حوصلہ بلند کرتی ہے صنم ماروی نے بتا دیا

    کیا چیز فنکاروں‌کا حوصلہ بلند کرتی ہے صنم ماروی نے بتا دیا

    نامور گلوکارہ صنم ماروی نے کہا کہ حکومت کی جانب سے فنون لطیفہ سے وابستہ لوگوں کو سول ایوارڈز سے نوازا جانا قابل ستائش ہے. ایوارڈز فنکار کو اچھا کام کرنے کا مزید حوصلہ فراہم کرتے ہیں، اگر میں‌یہ کہوں کہ ایورڈ سے فنکار کو نئی زندگی ملتی ہےتو بےجا نہ ہوگا. انہوں نے کہا کہ مثبت ھوصلہ افزائی سے میں خوش ہوتی ہوں اور اپنی اصلاح بھی کرتی ہوں، مثبت اصلاح ہمیشہ فائدہ دیتی ہے . انہوں نے مزید کہا کہ میں یہ سمجھ رکھتی ہوں کہ منفی تنقید دوسرے کو پریشان کرنے اور توڑنے کے لئے کی جاتی ہے اسلئے میں منفی تنقید پر زیادہ نہ دھیان دیتی ہوں نہ ہی

    اسکو سر پر سوار کرتی ہوں. انہوں نے کہا کہ‌ حکومت کی جانب سے شوبز کے لوگوں کو ایوارڈز زدئیے جانے کا سلسلہ کبھی نہیں رکنا چاہیے. یاد رہے کہ گلوکارہ صنم ماوری کو نوجوان نسل بہت زیادہ پسند کرتی ہے ان کے گانےکافی مقبول ہیں. ان کی آواز کے مداح ان کے سینئر گلوکار بھی ہیں، صنم کم مگر اچھا بولنے کو ترجیح دیتی ہیں. صنم ماوری کے گیت سوشل میڈیا پر مسلسل وائرل ہوتے رہتےہیں اس ھوالے سے صنم کہتی ہیں کہ میرے مداحوں کی داد مجھے مزید اچھا گانے کی ترغیب دیتی ہے.

  • عروہ اور ندیم بیگ کے درمیان ٹھن گئی

    عروہ اور ندیم بیگ کے درمیان ٹھن گئی

    اداکارہ عروہ حسین جنہوں نے ٹی وی پر منفی کرداروں سے کام کی شروعات کی اس کے بعد انہوں نے متعدد ڈراموں اورفلموں میں کام کیا اور خوب داد سمیٹی. عروہ حسین نے فرحان سعید کے ساتھ شادی کی جس کے ٹوٹنے کی خبریں کافی عرصہ سے گردش کررہی ہیں لیکن ان دونوں کی طرف باقاعدہ کنفرم نہیں‌کیا گیا. عروہ حسین نے بہت سارے ڈائریکٹرز کے ساتھ کام کیا اسی طرح سے انہوں نے ہدایتکار ندیم بیگ کے ساتھ بھی کیا. ندیم بیگ نے حال ہی میں ایک شو میں شرکت کی جہاں ان سے سوال ہوا کہ کونسی اداکارہ نخرے دکھاتی ہے تو انہوں نے عروہ

    حسین کا نام لیا. عروہ حسین نے جب یہ کلپ وائرل ہوا تو عروہ نے بھی دیکھا اور انہیں شدید غصہ آیا ، انہوں نے اسی غصے میں ایک ٹویٹ کیا جس میں انہوں نے لکھا کہ میں نے ندیم کے ساتھ صرف ایک پراجیکٹ میں کام کیا ہے اور اس میں بھی لک ہلنا ڈانس نمبر پر ان سے کچھ بحث ہوئی تھی مجھے نہیں پتہ تھا یہ اس بحث کو ابھی تک لیکر بیٹھے ہوئے ہیں . انہیں‌پروفیشنلزم کا مظاہرہ کرنا چاہیے جو کہ انہوں نے نہیں‌کیا اور میرے بارے میں‌کہہ دیا کہ میں نخرے دکھاتی ہوں .

  • روٹین سے ہٹ کر دکھائیں گے تو فلم چلے گی ورنہ نہیں صائمہ نور

    روٹین سے ہٹ کر دکھائیں گے تو فلم چلے گی ورنہ نہیں صائمہ نور

    لالی وڈ‌ اداکار صائمہ نور نے حال ہی میں‌ عید الفطر پر ریلیز ہونے والی اپنی فلم قلندر کے ٹریلر لانچ میں شرکت کی. انہوں نے وہاں کہا کہ میں نوجوان فلم میکرز سے بہت خوش ہوں‌، یہ بہت اچھا کام کررہے ہیں. میں نے ابھی تک جتنی بھی نوجوان نسل کے ڈائریکٹرز کی بنی ہوئی فلمیں دیکھی ہیں مجھے تو سب کا کام متاثر کیا ہے. میں سمجھتی ہوں کہ اب تو وہ وقت ہے کہ اگر ہم روٹین سے ہٹ کر کچھ دکھائیں‌گے تو لوگ دیکھیں گے ورنہ رد کر دیا جائیگا. انہوں نے ایک سوال کے جواب میں یہ بھی کہا کہ وہ دور بھی گیا جب ایک ہی چہرے کو سال ہا سال لوگوں کو دکھایا جاتا تھا. اب تجرباتی کام ہو رہا ہے جو کہ وقت کی ضرورت ہے. وقت تبدیل ہوتے ہی لوگوں کے مزاج بھی تبدیل

    ہوئے ہیں. اور تبدیلی کو میرا خیال ہے کہ قبول کرکے آگے چلنا چاہیے ورنہ تو ہم پچھلے زمانے میں ہی رہ جائیں گے . میں چاہتی ہوں کہ مزید نوجوان فلم میکرز انڈسٹری میں آئیں اور اپنے فن کا لوہا منوائیں یہ انہی کا دور ہے اور انہیں بہتر سے بہترین کام کرکے دکھانا ہو گا. آج زبردست مقابلے کی فضا ہے اور مقابلے کی فضا ہی یقینا اچھا کام کرنے کا حوصلہ دیتی ہے.

  • سوناکشی سنہا کی رینا رائے سے شکل کیوں ملتی ہے ؟ اداکارہ بول پڑیں

    سوناکشی سنہا کی رینا رائے سے شکل کیوں ملتی ہے ؟ اداکارہ بول پڑیں

    بالی وڈ اداکار شتروگن سنہا جن کی دوستی رینا رائے سے بہت زیادہ تھی ، ان کی دوستی کے اتنے چرچے تھے کہ کہا جا رہا تھا کہ یہ دونوں ایک دوسرے شادی کر لیں گے لیکن قسمت کو کچھ اور ہی منظور تھا. رینا رائے نے پاکستای کرکٹر محسن حسن خان سے شادی کی ، ان کی ایک بیٹی جنت بھی ہے، محسن اور رینا کی شادی بہت عرصہ نہ چل سکی. رینا رائے نے اس حوالے سے اپنے ایک انٹرویو میں کہا تھا کہ محسن ایک اچھے باپ اور شوہر تھے لیکن میں ان کے ساتھ ان کے ماھول میں ایڈجسٹ نہ ہو سکی جس کی وجہ سے ہم دونوں نے فیصلہ کیا کہ ایک دوسرے کو چھوڑ

    دیتے ہیں اور چھوڑ دیا. لیکن محسن آج بھی اپنی بیٹی کو ملتے ہیں. رینا رائے سے حال ہی میں ایک انٹرویو میں سوال کیا گیا کہ سوناکشی سنہا کی شکل آپ سے اتنی زیادہ کیوں ملتی ہے تو اس پرانہوں نے کہا کہ یہ تو قدرت کا کرشمہ ہے کہ شترو کی بیٹی کی شکل مجھ سے ملتی ہے . اسی طرح سے جتیندر کی ماں اورمیری ماں کی شکل اتنی ملتی ہے کہ دونوں بہنیں لگتی ہیں . لہذا قدرت کے فیصلوں میں کون بول سکتا ہے.

  • کپل شرما نے کم عمر میں کام کیوں‌ شروع کیا؟‌ سن کر رہ جائیں حیران

    کپل شرما نے کم عمر میں کام کیوں‌ شروع کیا؟‌ سن کر رہ جائیں حیران

    کپل شرما اس وقت انڈیا کا سب سے بڑا کامیڈی شو کپل شرما شو کررہےہیں. ان کو بہت پسند کیا جاتا ہے ان کی بات سنی جاتی ہے. ان کے شو پر بڑی سے بڑی سلیبرٹیزآنے میں عزت محسوس کرتی ہیں. کپل شرما نے اپنے ایک حالیہ انٹرویو میں کہا ہے کہ میں نے نہایت ہی کم عمر میں کام شروع کر دیا تھا، عموما بچے اپنی فیملی کو سپورٹ کرنے کے لئے چھوٹی عمر میں کام کرنا شروع کر دیتے ہیں لیکن میں نے اپنے گھر والوں کو نہیں بلکہ خود کا جیب خرچ نکالنے کےلئے کام شروع کیا ، میں نے گارمنٹس کی فیکٹری میں بھی کام کیا ، نو سو روپے ماہانہ کماتا تھا. اسی طرح سے پانچ سو روپے ماہانہ پر بھی کام کیا. مجھے گھر والوں سے پیسے مانگنا اچھا نہیں‌لگتا تھا ، دل کرتا تھا کہ

    خدا مجھے اتنا دے کہ میں اپنے گھر والوں کو سپورٹ کروں گو کہ اسکی ضرورت آج بھی انہیں نہیں . آج اوپر والے کا کرم ہے کہ میں بہت کماتا ہوں لیکن میں نے زندگی میں جتنی جدوجہد کی وہ ہمیشہ یاد رہے گی. میں نام کمانے کے بعد بھی اپنے پائوں زمین پر رکھتا ہوں. میں آج بھی اپنے پرانے دوستوں کو ملتا ہوں زمین پر بیٹھ کر ان کے ساتھ کھانا کھاتا ہوں.