Tag: Ghani Mehmood Kasuri

قصور
ڈسٹرکٹ پولیس قصور کی بڑی کارروائی، منشیات اور شراب سپلائی میں ملوث 7 ملزمان گرفتار

تفصیلات کے مطابق ڈی پی او قصور محمد عیسیٰ خان کی ہدایت پر ایس ایچ او بی ڈویژن محمد اسلم بھٹی کی قیادت میں پولیس نے منشیات فروشوں کے خلاف بڑی کارروائی کرتے ہوئے 7 ملزمان کو گرفتار کر لیا ہے

یہ کارروائی قصور بائی پاس کے قریب خفیہ اطلاع پر کی گئی جس میں 3 منشیات اسمگلرز سمیت 7 افراد کو حراست میں لیا گیا ہے
گرفتار ملزمان کے قبضہ سے ایک کروڑ روپیہ مالیت کی وائیٹ کرسٹل ہیروئن، 50 لاکھ روپیہ مالیت کا جدید ڈرون اور 28 لاکھ مالیت کی 14 بیٹریاں برآمد ہوئیں ہیں

گرفتار ملزمان کی شناخت رمضان عرف جانی، عرفان سکنائے روہیوال اور ایاز سکنہ ماڈل ٹاؤن لاہور کے ناموں سے ہوئی ہے
پولیس کا کہنا ہے کہ یہ ملزمان سرحدی علاقوں میں منشیات کی ترسیل میں سرگرم تھے

علاوہ ازیں ولائتی شراب کی سپلائی میں ملوث 4 ملزمان عرفان، لطیف، شاداب اور شاہزیب کو بھی گرفتار کیا گیا ہے جن کے قبضے سے 95 بوتلیں برآمد ہوئی ہیں

تمام ملزمان کے خلاف امتناع منشیات اور دیگر دفعات کے تحت الگ الگ مقدمات درج کر لیے گئے ہیں
ڈی ایس پی سٹی سیف اللہ بھٹی کی نگرانی میں پولیس کی جرائم پیشہ عناصر کے خلاف کارروائیاں جاری ہیں

قصور
گزشتہ شام تیز بارش ،ژالہ باری،سردی کی شدت میں اضافہ،گلیاں تالاب بن گئیں

تفصیلات کے مطابق گزشتہ شام سے کچھ وقت پہلے قصور اور کچھ نواحی علاقوں میں شدت کی بارش کیساتھ ژالہ باری بھی ہوئی اور برسات کا یہ سلسلہ رات گئے تک جاری رہا
جسکی وجہ سے سردی کی شدت میں اضافہ ہوا ہے
تیز بارش کے باعث بیشتر گلیاں تالاب بن گئیں اور کافی ٹائم گزرنے کے باوجود بھی بیشتر گلیوں میں پانی تاحال موجود ہے جس کی وجہ سے سکول و دفتر جانے والوں اور بزرگ و عورتوں کو شدید مشکلات کا سامنا ہے
شہریوں نے ڈپٹی کمشنر قصور سے سیوریج کے مسائل حل کرنے کی درخواست کی ہے

تفصیلات کے مطابق قصور میں تھانہ صدر کے علاقے دولے والا بائی پاس پر دن دیہاڑے ڈکیتی کی واردات سے شہریوں میں سخت خوف و ہراس پھیل گیا ہے
دن کی روشنی میں 2 نامعلوم مسلح ڈاکو منیر نامی دکاندار سے 50 ہزار روپیہ نقدی چھین کر بآسانی فرار ہوگئے
جن کو سی سی ٹی وی فوٹیج میں واضح طور پر دیکھا جا سکتا ہے
وقوعہ کے وقت منیر اپنی موٹر سائیکل کھڑی کر کے بھاگنے کی کوشش کرتا ہے مگر ڈاکو اس کا تعاقب کرتے ہوئے اسلحے کے زور پر رقم چھین لیتے ہیں
واقعہ کے بعد پولیس تھانہ صدر موقع پر پہنچ گئی اور تفتیش کا آغاز کر دیا ہے
پولیس کا کہنا ہے کہ ملزمان کی تلاش کے لیے جدید خطوط پر تحقیقات جاری ہیں
تاہم شہریوں نے سی سی ڈی قصور سے نوٹس کا مطالبہ کیا ہے

قصور
پنجاب میں دفعہ 144 میں توسیع، جلسے اور دھرنے بند رہیں گے

تفصیلات کے مطابق پنجاب بھر کی طرح ضلع قصور میں بھی دفعہ 144 کے نفاذ میں مذید 7 دن کی توسیع کر دی گئی ہے محکمہ داخلہ پنجاب نے 8 نومبر تک نافذ العمل پابندیوں کا نوٹیفکیشن جاری کر دیا ہے
نوٹس کے مطابق صوبے میں ہر قسم کے احتجاج، جلسے، جلوس، ریلیاں، دھرنے اور بڑے اجتماعات پر پابندی برقرار رہے گی
دفعہ 144 کے تحت چار یا اس سے زائد افراد کے عوامی مقامات پر جمع ہونے پر مکمل پابندی ہو گی
تاہم، شادی، تدفین اور جنازے جیسی تقریبات اس پابندی سے مستثنیٰ ہیں
ضلعی حکومت قصور کی جانب ست عوام کو پرامن رہنے اور غیر ضروری اجتماعات سے گریز کرنے کی ہدایت کی گئی ہے

قصور
ڈسٹرکٹ ایمرجنسی آفیسر ڈاکٹر نئیر عالم خان کی زیرِ صدارت کنٹرول عملے (کمپیوٹر اور ٹیلی فون آپریٹرز) کی میٹنگ منعقد ہوئی، جس میں کنٹرول روم انچارج اور ضلع بھر سے کمپیوٹر آپریٹرز نے شرکت کی
میٹنگ کے دوران ایمرجنسی سروس کے معیار، بروقت فراہمی، عملے کی جسمانی فٹنس، ٹرن آؤٹ، ایمرجنسی ریسپانس ٹائم اور سٹینڈرڈ آپریٹنگ پروسیجرز (SOPs) پر تفصیلی گفتگو ہوئی

ڈاکٹر نئیر عالم خان نے عملے کے مسائل سنے اور موقع پر حل کے احکامات جاری کیے
اُن کا کہنا تھا کہ کنٹرول روم ایمرجنسی سروس کا دماغ ہے اور بروقت فیصلوں اور اقدامات سے ہی متاثرین کو فوری اور معیاری سہولت فراہم کی جا سکتی ہے

انہوں نے مذید کہا کہ قائداعظم کے فرمان ایمان، اتحاد اور تنظیم پر عمل اور SOPs کی مکمل پاسداری ہی مسائل کے پائیدار حل کی ضمانت ہے
میٹنگ کے اختتام پر عملے نے جسمانی فٹنس بہتر بنانے اور SOPs پر سو فیصد عملدرآمد کے عزم کا اعادہ کیا تاکہ عوام کو بہترین ایمرجنسی سروس فراہم کی جا سکے

قصور
تحصیل چونیاں میں نوسر باز گینگ متحرک،لوگوں کے مال اور عزت سے کھیلنے لگے،اعلی حکام سے نوٹس کی اپیل

تفصیلات کے مطابق محد شفیق ولد محمد صدیق قوم رحمانی ، محمد اسلم ولد محمد انور قوم آرائیں رہائشی سکنہ گجن سنگھ والا تحصیل چونیاں ضلع قصور دونوں اول درجے کے نوسر باز ہیں جو دونوں گینگ کی شکل میں لوگوں کو بیوقوف بنا کر ان کے مال کھاتے ہیں اور لوگوں کی عزت مجروح کرتے ہیں اور لوگوں سے فراڈ کرتے ہیں
ان میں سے محمد شفیق ویزے کا کام کرتا ہے اور لوگوں کو باہر بھیجنے کے خواب دکھا کر پیسے بٹورتا ہے
بیشتر لوگ ائیر پورٹ سے لوگ واپس آجاتے ہیں
بعد میں انکو رقم وغیرہ بھی واپس نہیں کرتا
محمد اسلم کا کام لوگوں کو باہر بھینچے کا جھانسہ دے کر لانا ہے
فراڈ کرنا انکا مستقل وطیرہ ہے
کوئی کام وغیرہ نہیں کرتے
حال ہی میں ان دونوں نے اپنے گاؤں کے آدمی محمد عرفان سے فراڈ کیا ہے
اسکو اپنے گھر کی جگہ مبلغ بائیس لاکھ میں فروخت کی اور اشٹام کر کے دیا
بعد میں اسی جگہ کا اشٹام 17 لاکھ لے کر کسی اور آدمی کو کر دیا جب عرفان نے ان سے جگہ، پیسوں اور اشٹام کا مطالبہ کیا تو انہوں نے اپنے گھر کی عورتوں کو بلا لیا جنہوں نے آتے ہی شور ڈال دیا کہ عرفان نے ہماری عزت لوٹنے کی کوشش کی ہے اور عرفان پر جھوٹی ایف آئی آر درج کروا دی
اس سے قبل بھی انہوں نے دو آدمیوں کیساتھ ایسے کیا ہے جس کی وجہ سے لوگ اپنی عزت بچانے کی خاطر خاموش ہو جاتے ہیں
متاثرہ شحض و اہلیان علاقہ نے اعلی حکام سے اس نوسر باز گینگ کے خلاف سخت قانونی کاروائی کا مطالبہ کیا ہے

قصور
خشک میوہ جات کی قیمتوں میں بے تحاشہ اضافہ،سرکاری نرخ نامہ آج دن تک جاری نا ہو سکا،دکانداروں کی من مانیاں،صوبائی و ضلعی انتظامیہ سے نوٹس کی اپیل

تفصیلات کے مطابق قصور شہر میں خشک میوہ جات کی قیمتوں میں ہوشربا اضافہ ہو چکا ہے
جس کے باعث خشک میوہ جات عوام کی پہنچ سے مکمل طور پر باہر ہوگئے ہیں
موسمِ سرما کے آغاز کے ساتھ ہی دکانداروں نے من مانے ریٹ مقرر کر لیے ہیں جس کے باعث متوسط اور غریب طبقہ خشک میوہ جات کھانے سے محروم ہوچکا ہے
شہر بھر کی دکانوں پر انجیر 2800 سے 3500 روپے فی کلو، گری بادام 2500 سے 4500 روپے فی کلو، پستہ 3500 سے 4500 روپے فی کلو جبکہ کاجو 4000 سے 5000 روپے فی کلو میں فروخت ہورہے ہیں
صد افسوس کہ گورنمنٹ نے آج دن تک خشک میوہ جات کا سرکاری نرخ نامہ جاری نہیں کیا جس کی وجہ سے دکانداروں نے اپنی مرضی کے نرخ مقرر کر رکھے ہیں اور کسی جگہ بھی سرکاری نرخ نامہ آویزاں نہیں کیا گیا ہے

عوام کا کہنا ہے کہ انتظامیہ کی خاموشی نے ناجائز منافع خوروں کے حوصلے مزید بلند کردیے ہیں
خشک میوہ جات عام شہریوں کے لیے قوت بخش غذا کے بجائے اب ایک خواب بن گئے ہیں
شہریوں نے صوبائی و ضلعی انتظامیہ سے مطالبہ کیا ہے کہ فوری طور پر سرکاری نرخ نامے جاری کئے جائیں اور دیگر اشیاء کی طرح چیکنگ کے نظام کو سخت کیا جائے اور منافع خوروں کے خلاف کارروائی عمل میں لائی جائے تاکہ عوام کو ریلیف مل سکے

قصور
قصور میں پولیس کا کامیاب سرچ آپریشن، 12 ملزمان گرفتار، منشیات، پتنگیں اور غیرقانونی سامان برآمد

تفصیلات کے مطابق ڈسٹرکٹ پولیس قصور نے ڈی پی او محمد عیسیٰ خاں کی ہدایت پر شہر کے مختلف علاقوں میں منظم اور مؤثر سرچ آپریشن کیا جس کے دوران جرائم پیشہ عناصر کے خلاف مؤثر کارروائی عمل میں لائی گئی
سرچ آپریشن کی قیادت ڈی ایس پی سٹی سیف اللہ بھٹی نے کی جب کہ آپریشن میں ایس ایچ او اے ڈویژن اور بی ڈویژن اور پولیس نفری نے حصہ لیا

کارروائی کے دوران 12 ملزمان کو مختلف جرائم میں ملوث ہونے پر گرفتار کیا گیا جبکہ
8 بدنام زمانہ منشیات فروشوںسے 165 لیٹر شراب اور ڈیڑھ کلوگرام چرس برآمد کی گئی۔
پتنگیں سپلائی کرنے والے ایک گروہ کو بھی پکڑا گیا جن کے قبضے سے سینکڑوں پتنگیں اور کیمیکل ڈور برآمد ہوئی
19 گھروں کی تلاشی لی گئی اور 33 مشتبہ افراد سے موقع پر پوچھ گچھ کی گئی

پولیس ترجمان کے مطابق اس سرچ آپریشن کا مقصد سنگین جرائم میں ملوث افراد کی گرفتاری، منشیات و غیر قانونی سرگرمیوں کا خاتمہ، اور عوام میں تحفظ کا احساس پیدا کرنا ہے

ڈی پی او قصور محمد عیسیٰ خاں نے پولیس ٹیموں کی کارکردگی کو سراہتے ہوئے کہا کہ قصور کو جرائم سے پاک کرنے کے لیے سرچ آپریشنز کا دائرہ مزید وسیع کیا جائے گا

قصور
لاہور قصور الیکٹرک بس سروس شروع کی جائے ،قصور کی عوام کا پرزور مطالبہ

تفصیلات کے مطابق قصور کے شہریوں نے مطالبہ کیا ہے کہ لاہور کی طرز پر قصور سے لاہور تک الیکٹرک بس سروس بھی شروع کی جائے تاکہ عوام کو آرام دہ, سستی اور ماحولیاتی طور پر محفوظ سفری سہولت میسر آسکے

واضع رہے کہ قصور ضلع بھر سے روزانہ لاکھوں افراد تعلیم روزگار اور کاروبار کے سلسلے میں لاہور کا رخ کرتے ہیں جنہیں سخت مشکلات، مہنگے کرایوں اور غیر معیاری گاڑیوں کا سامنا کرنا پڑتا ہے
شہریوں کا کہنا ہے کہ جدید الیکٹرک بس سروس کے آغاز سے عوامی پریشانیوں میں نمایاں کمی آئے گی اور ٹریفک و ماحولیاتی آلودگی پر بھی قابو پایا جا سکے گا
قصور کی عوام نے پنجاب حکومت سے پرزور مطالبہ کیا ہے کہ قصور سے لاہور تک الیکٹرک بس منصوبے کو ترجیحی بنیادوں پر عملی شکل دی جائے تاکہ شہریوں کو ریلیف فراہم کیا جا سکے