Baaghi TV

Tag: Ghani Mehmood Kasuri

  • چینی نایاب،قیمتوں میں اضافہ،پیرا فورس کی کارکردگی پر سوالیہ نشان

    قصور
    چینی نایاب،شہری پریشان،پیرا فورس کی کارکردگی پر سوالیہ نشان

    تفصیلات کے مطابق قصور میں چینی نایاب ہو چکی ہے جس کی فی 50 کلو تھیلا قیمت 10500 روپیہ ہو چکی ہے
    غریب دکاندار مہنگی چینی خرید کر بیچنے پر مجبور جبکہ ہیں بڑے مگرمچھ قانون کی گرفت سے دور ہیں
    مارکیٹ ذرائع کے مطابق مقامی سطح پر چینی کی قلت نے عوام کو شدید مشکلات میں مبتلا کر دیا ہے
    خوردہ فروشوں کا کہنا ہے کہ وہ خود مہنگی قیمت پر چینی خرید کر معمولی منافع پر بیچنے پر مجبور ہیں
    مگر انتظامیہ کی کارروائیاں صرف چھوٹے دکانداروں تک محدود ہیں
    عوامی حلقوں نے سوال اٹھایا ہے کہ آخر مہنگی چینی کی فروخت روکنے میں پیرا فورس کی کارکردگی کہاں ہے؟
    بڑی ذخیرہ اندوز مافیا کے خلاف مؤثر کارروائی نہ ہونے سے عوامی غصہ بڑھتا جا رہا ہے
    ذرائع کے مطابق اگر حکومت نے فوری اقدامات نہ کئے تو آنے والے دنوں میں چینی کی قیمت مذید بڑھنے کا خدشہ ہے

  • کمرہ امتحان سے جعلی امیدوار گرفتار،تفتیش شروع

    قصور
    کمرہ امتحان میں جعلی امیدوار رنگے ہاتھوں گرفتار
    قصور ،تحقیات شروع

    تفصیلات کے مطابق گزشتہ دن گورنمنٹ حنفیہ اسلامیہ ہائی سکول قصور میں امتحان کے دوران جعل سازی کا انکشاف سامنے آیا جس میں
    کلاس نہم کے ریاضی کے پیپر میں ایک جعلی امیدوار پکڑا گیا
    سپرنٹنڈنٹ آصف علی شاہ نے دورانِ امتحان ایک نوجوان کو مشکوک حالت میں بیٹھے دیکھا جس سے تفتیش پر معلوم ہوا کہ ملزم معیز عارف دراصل اصلی امیدوار محمد فیضان کی جگہ امتحان دے رہا تھا

    سکول انتظامیہ نے فوری کارروائی کرتے ہوئے جعلی امیدوار کو رنگے ہاتھوں پکڑ کر پولیس کے حوالے کر دیا پولیس نے واقعہ کی تحقیقات شروع کر دی ہیں

  • معروف امام مسجد انتقال فرما گئے،مقامی قبرستان میں نماز جنازہ ادا کی جائے گی

    معروف امام مسجد انتقال فرما گئے،مقامی قبرستان میں نماز جنازہ ادا کی جائے گی

    قصور
    معروف امام مسجد وفات پا گئے،اہلیان علاقہ سوگوار،نماز جنازہ دس بجے مقامی قبرستان میں ادا کی جائے گی

    تفصیلات کے مطابق قصور کے سب سے قریبی و سب سے بڑے گاؤں موضع کھارا کے سابق امام مسجد میاں علی اصغر انتقال کر گئے
    مرحوم معتدل مزاج اور تمام مسالک کے متفقہ امام مسجد تھے
    میاں علی اصغر طویل عرصہ دینی خدمات سرانجام دینے کے بعد وفات پا گئے
    مرحوم کی وفات پر علاقے میں گہرے رنج و غم کی فضا پھیل گئی ہے

    مرحوم اپنی نرمی، دیانت اور مسالک کے درمیان اتحاد کی کوششوں کے باعث اہلیانِ علاقہ میں انتہائی احترام کی نگاہ سے دیکھے جاتے تھے
    ان کی نمازِ جنازہ آج صبح دس بجے مقامی قبرستان میں ادا کی جائے گی جس میں بڑی تعداد میں شہریوں، علما اور شاگردوں کی شرکت متوقع ہے

  • باپ کو آگ لگا کر جلانے والے بیٹے کو گرفتار کر لیا گیا

    باپ کو آگ لگا کر جلانے والے بیٹے کو گرفتار کر لیا گیا

    قصور
    باپ کو آگ لگانے والے بیٹے کو گرفتار کر لیا گیا

    تفصیلات کے مطابق قصور میں انسانیت سوز واقعہ میں والد کو آگ لگانے والا درندہ صفت بیٹے کو گرفتار کرلیا گیا
    ڈی پی او محمد عیسیٰ خان کی ہدایت پر تھانہ اے ڈویژن پولیس نے بروقت کارروائی کرتے ہوئے ملزم خالد کو حراست میں لے لیا
    شاہ عنایت کالونی کھارا روڈ قصور کے رہائشی ملزم خالد نے گزشتہ دن نشہ کے لئے والد امین سے رقم مانگی تاہم انکار پر باپ کو تشدد کا نشانہ بنایا اور کپڑوں کو آگ لگا دی
    اس واقعہ میں ملزم کا والد امین بری طرح جھلس گیا تھا جسے فوری طور پر ہسپتال منتقل کر دیا گیا
    پولیس نے امین کے داماد کی مدعیت میں مقدمہ درج کر کے تفتیش شروع کر دی ہے
    ڈی ایس پی سٹی سیف اللہ بھٹی کے مطابق ملزم نفسیاتی اور ذہنی مریض ہے تاہم اسے قانون کے مطابق قرار واقعی سزا دلائی جائے گی

  • دھوپ میں پرچی کاؤنٹر پر مریضوں کی لمبی لائنیں ،سخت پریشانی،نوٹس کی اپیل

    قصور
    ڈی ایچ کیو ہسپتال کی او پی ڈی میں عوام کا امتحان،لائنیں،دھوپ،گھنٹوں انتظار

    تفصیلات کے مطابق قصور کے ڈسٹرکٹ ہیڈکوارٹر ہسپتال المعروف بابا بلہے شاہ ہسپتال میں او پی ڈی کا حال اب لوگوں کے صبر کا امتحان بن چکا ہے
    دھوپ میں گھنٹوں انتظار کرتے مریض، بزرگ، خواتین اور بچے سب بے بسی کی تصویر بنے نظر آتے ہیں
    لمبی لائنوں سے لوگ اکتا جاتے ہیں خاص کر وہ مریض جن کے ساتھ کوئی آنے والا نہیں ہوتا

    لوگوں کا کہنا ہے کہ ہم وہ لوگ ہیں جو ٹیکس دے کر اس نظام کو چلاتے ہیں مگر لگتا ہے نظام ہی ہم پر مسلط ہے
    عوام کا سوال یہ ہے کہ کیا عزت اور سہولت سے علاج ہمارا بنیادی حق نہیں؟
    شہریوں کا کہنا ہے کہ قصور کے شہریوں کو اب آواز اٹھانا ہو گی کیونکہ یہ ہسپتال ہمارے پیسوں سے چلتا ہے کسی کی احسان مندی پر نہیں
    گورنمنٹ دھوپ سے بچاؤ کا انتظام کرے اور پرچی کاؤنٹر بڑھائے تاہم مریض اور لواحقین عزت سے دوائی لے سکیں

  • اربوں روپیہ سے بنے بائی پاس کی حالت زار،نوٹس کی اپیل

    قصور
    موجودہ گورنمنٹ سے جہاں غریب کی ہڈیاں ٹوٹی اور دو وقت کے کھانے سے محرومی ہوئی ہے وہیں سڑکیں بھی شدید ٹوٹ پھوٹ کا شکار ہیں،سرکار دعوے کرنے کیساتھ کام سے اجتناب بھی کرتی ہے،اربوں روپیہ کی لاگت سے بننے والا قصور بائی پاس عدم توجہی کے باعث ناکارہ

    تفصیلات کے مطابق موجودہ دور حکومت میں جہاں چلتے پھرتے زندہ انسان دو وقت کی روٹی سے محروم ہوئے ہیں وہیں ضلع قصور کی سڑکیں بھی اپنی زبوں حالی کی تصویر بنی ہوئی ہیں قصور کی سب سے اہم سڑک باٸی پاس مکمل خستہ حال ہو چکا ہے جس کی وجہ موجودہ گورنمنٹ میں ایک بار بھی مرمت نا کرنا ہے اس بائی پاس پر قصور روڈ پر واقع روہی نالہ کا پل شدید ٹوٹ پھوٹ کا شکار ہے اور اپنی زبوں حالی کی تصویر بنا ہوا ہے اس روڈ پر آئے روز حادثات معمول بن گئے ہیں جس سے کتنے ہی لوگ موت کا شکار ہو گئے ہیں جبکہ اس روڈ پر کڑورں روپیہ کی لاگت سے لائٹیں لگ تو گئی لیکن چل نہ سکی ہیں جس کے باعث ابتک سینکڑوں وارداتیں ہو چکی ہیں
    شہریوں نے سرکار سے فریاد کی ہے کہ خدارا اب تو کچھ کیجئے تاکہ آپ کا فوٹو شوٹ کچھ تو حقیقت پر مبنی ہو

  • سکول میں طالب علموں میں جھگڑا،پولیس نے پہنچ کر حالات کنٹرول کئے

    سکول میں طالب علموں میں جھگڑا،پولیس نے پہنچ کر حالات کنٹرول کئے

    قصور
    تھانہ صدر قصور کی حدود شیخ عماد کہنہ میں لڑائی جھگڑا، ایک شخص زخمی
    تفصیلات کے مطابق تھانہ صدر قصور کی حدود میں بالمقابل گورنمنٹ بوائز ہائی سکول شیخ عماد کہنہ کے مقام پر لڑائی جھگڑے کا واقعہ پیش آیا گورنمنٹ بوائز ہائی سکول کے نویں جماعت کے دو طلبہ سرمد اور انعام علی کے درمیان بریک ٹائم کے دوران لڑائی ہوئی سکول کے صدر ویلسن مسیح نے دونوں طلباء کو لڑائی سے روکنے کی کوشش کی
    تاہم چھٹی کے بعد سرمد نے اپنے گاؤں سے کچھ اور لڑکوں کو بلا کر ویلسن مسیح کے ساتھ لڑائی جھگڑا شروع کر دیا
    گاؤں کے لوگوں نے لڑائی چھڑوانے کی کوشش کی جس دوران محمد غفار کے سر پر چوٹ لگی
    مقامی پولیس موقع پر پہنچ گئی اور حالات کو قابو میں کر لیا
    پولیس کے مطابق حالات پرامن ہیں اور واقعے کا کوئی مذہبی پہلو نہیں ہے تفتیش جاری ہے

  • پیٹرولیم مصنوعات کی قیمتوں میں اضافے پر سخت عوامی ردعمل ،احتجاج

    قصور
    پیٹرولیم مصنوعات کی قیمتوں میں اضافہ، عوامی حلقوں میں تشویش کی لہر،سخت عوامی ردعمل،گورنمنٹ کے شرمناک فعل پر احتجاج

    تفصیلات کے مطابق وفاقی حکومت نے پیٹرولیم مصنوعات کی قیمتوں میں اضافہ کر دیا ہے جس کے بعد پیٹرول کی فی لیٹر قیمت میں چار روپیہ سات پیسے جبکہ ہائی اسپیڈ ڈیزل کی فی لیٹر قیمت میں چار روپیہ چار پیسے اضافہ کیا گیا ہے

    قیمتوں میں اس اضافے پر عوامی و سماجی حلقوں کی جانب سے شدید ردعمل سامنے آیا ہے شہریوں کا کہنا ہے کہ پہلے ہی مہنگائی نے جینا مشکل کر رکھا ہے گورنمنٹ اپنی عیاشیاں بند کرکے عوام کو ریلیف دے کر جینے کا حق دے
    ایسے اقدامات غریب اور متوسط طبقے کو مذید مشکلات میں دھکیل رہے ہیں عوام نے حکومت سے مطالبہ کیا ہے کہ اپنی غیر ضروری عیاشیاں بند کرکے فوری طور پر ریلیف فراہم کیا جائے تاکہ عام آدمی کو سکھ کا سانس مل سکے
    ماہرین معاشیات کے مطابق پیٹرولیم مصنوعات کی قیمتوں میں اضافہ سے ٹرانسپورٹ، اشیائے خور و نوش اور عام ضروریات زندگی پر براہِ راست اثرات پڑینگے جس سے مہنگائی کا نیا طوفان آنے کا خدشہ ہے
    لوگ پہلے ہی بمشکل دو وقت کی روٹی کھا رہے ہیں جبکہ حکمران عیاشیاں کر رہے ہیں

  • 21 ملزمان نے لڑکے کو اغواء کرکے تشدد کیا،جان سے مارنے کی دھمکیاں،ویڈیو وائرل

    21 ملزمان نے لڑکے کو اغواء کرکے تشدد کیا،جان سے مارنے کی دھمکیاں،ویڈیو وائرل

    قصور
    تھانہ راجہ جنگ قصور کی حدود میں 21 افراد نے مل کر لڑکے کو اغواء کرکے تشدد کا نشانہ بناتے ہوئے ویڈیو بنا کر وائرل کر دی،اہلیان علاقہ و ورثاء کا سی سی ڈی قصور سے نوٹس اور انصاف کا مطالبہ

    تفصیلات کے مطابق قصور کے تھانہ راجہ میں ایک دلخراش واقعہ پیش آیا جس کی ویڈیو سوشل میڈیا پر وائرل ہوئے
    تھانہ راجہ جنگ قصور کی حدود موضع اوراڑہ نو کے رہائشی مرزا شوکت بیگ ولد صادق بیگ نے زعیم ولد محمد یونس ، شهروز عرف گوگی ، احمد ولد بلال اقوام راجپوت شازل ولد خفنفر قوم آرائیں سکنائے موضع راؤ خانوالہ اور 17 نا معلوم افراد کے خلاف اندراج مقدمہ میں مؤقف اپنایا کہ عرصہ قریب تین ماہ قبل ملزمان بالا مسلح اسلحہ سکول راؤ خانوالہ سے میرے بیٹے شرجیل بیگ کو اٹھا کر اپنے ساتھ دیڑہ راؤ کاشف پر لے گئے اور میرے بیٹے پر تشدد کیا اور اس کے بعد ایک کمرے میں بند کر دیا تقریبا ڈیڑھ دو گھنٹے بعد کمرے سے نکال کر اپنے ساتھ موٹر سائیکل پر بٹھا کر تمام ملزمان زرعی رقبہ پکی حویلی بوہڑ کے درخت کے پیچھے لے گئے اور وہاں پر ہوائی فائرنگ کرتے رہے اور ویڈیو بھی بناتے رہے اور میرے بیٹے کو دھمکیاں دیتے رہے کہ اگر کس کو بتایا تو تم کو جان سے مار دیں گے پھر میرے بیٹے کو نیم بے ہوشی کی حالت میں وہاں چھوڑ کر خود وہاں سے فرار ہو گئے میرے بیٹے نے ڈر کی وجہ سے آج تک مجھے وقوعہ ہذا کے بارے میں نہ بتلایا تھا اب ملزمان نے سوشل میڈیا پر ویڈیو وائرل کر دی جس میں وہ مسلح نظر آ رہے ہیں جب ویڈیو کے بارے مجھے پتہ چلا تو میں نے اپنے بیٹے شرجیل بیگ سے اس بارے میں پوچھا جس نے تمام و قومہ مجھے بتلایا ہے
    ویڈیو میں دیکھا جا سکتا ہے ملزمان اپنے پاؤں کو ہاتھ لگواتے رہے اور قتل کی دھمکیاں دینے کیساتھ گندگی گالیاں دے کر معافیاں منگواتے رہے
    اس وقوعہ پر اہلیانِ علاقہ اور ورثاء نے ملزمان کے خلاف آئی جی پنجاب،ڈی پی او قصور اور سی سی ڈی قصور سے نوٹس لے کر فوری کاروائی اور انصاف کا مطالبہ کیا ہے

  • امتیاز میر کے قتل پر صحافی برادری کا اظہار افسوس اور حکومت سے قاتلوں کی گرفتاری کا مطالبہ

    امتیاز میر کے قتل پر صحافی برادری کا اظہار افسوس اور حکومت سے قاتلوں کی گرفتاری کا مطالبہ

    قصور
    کراچی میں سینئر اینکر امتیاز میر کا انتقال ، صحافی برادری نے افسوس کا اظہار کیا، قاتلوں کی گرفتاری اور صحافیوں کے تحفظ کا مطالبہ

    تفصیلات کے مطابق پاکستانی ذرائع ابلاغ کے سینئر اینکر پرسن امتیاز میر جو چند دن قبل کراچی کے علاقے کورنگی ملیر میں نامعلوم افراد کے حملے میں شدید زخمی ہوئے تھے، دورانِ علاج نجی اسپتال میں انتقال کر گئے
    یہ واقعہ ابتدا میں ٹارگٹڈ حملے کی شکل میں سامنے آیا تھا جس میں مبینہ طور پر دو افراد موٹر سائیکل پر سوار تھے
    امتیاز میر کو حملے کے بعد کراچی کے ایک نجی اسپتال میں طبی امداد کے لئے داخل کیا گیا تھا جہاں اُن کی حالت تشویشناک بتائی گئی
    ان کے اہلِ خانہ اور میڈیا ذرائع کے مطابق وہ تقریباً ایک ہفتہ تک علاج رہنے کے بعد چل بسے

    قانون نافذ کرنے والے اداروں نے واقعے کی تحقیقات شروع کر رکھی ہیں اور علاقائی پولیس کے مطابق اس حوالے سے ایف آئی آر درج کر لی گئی ہے تاہم تاحال کسی گرفتاری یا شواہد کے بارے میں حتمی اعلان سامنے نہیں آیا
    اس واقعہ پر قصور سمیت مختلف شہروں کی صحافی برادری نے امتیاز میر کی وفات پر گہرے رنج و غم کا اظہار کیا ہے اور قاتلوں کو جلد از جلد گرفتار کرکے کیفرِ کردار تک پہنچانے کے ساتھ ساتھ میڈیا پروفیشنلز کے لئے فوری تحفظ کی فراہمی کا بھی مطالبہ کیا ہے
    صحافی تنظیموں نے اس واقعے کو آزادیٔ اظہار اور صحافت پر براہِ راست حملہ قرار دیا ہے
    سندھ حکومت اور متعلقہ حکام سے واقعے کا نوٹس لینے اور تفتیش تیز کرنے کی درخواست کی ہے
    صحافی برادری کا کہنا ہے کہ صرف بیانات سے کام نہیں چلے گا عملی طور پر حفاظتی اقدامات اور مقدمے کی شفاف شنوائی بھی ضروری ہے