Tag: Ghani Mehmood Kasuri

قصور
بے نظیر انکم سپورٹ کی کرپشن بے نقاب کرنا صحافی کو مہنگا پڑ گیا،صحافی کے خلاف جھوٹی ایف آئی آر درج کروا دی گئی،قصور کی صحافی برادری کا احتجاج اور ایف آئی ار ختم کروانے کا مطالبہ

تفصیلات کے مطابق رائل ٹی وی الہ آباد کے رپورٹر کے خلاف بے نظیر، انکم سپورٹ پروگرام میں لوٹ مار کرنے والوں کو بے نقاب کرنے اور سوشل میڈیا پر متاثرہ خاتون کی آواز بننے پر ایف آئی آر درج کرنا انتہائی غیر ذمہ دانہ اور قابل مذمت ہے
قصور کی صحافی برادری صحافی مشتاق عرف پپو کے خلاف ڈسٹرکٹ آفیسر کی طرف سے درج کروائی گئی ایف آئی آر کی شدید مذمت کرتی ہے اور فی الفور مقدمہ خارج کرنے کا مطالبہ کرتی ہے
واضع رہے کہ کئی روز سے نیشنل و انٹرنیشنل چینلز پر ڈیوائس ہولڈرز کے خلاف نیوز چل رہیں تھیں چائیے تو تھا کہ انکے خلاف مقدمات درج کئے جاتے الٹا صحافی کے خلاف ایف آئی ار درج کرنا انتہائی لمحہ فکریہ اور آزادی صحافت پر کاری وار ہے
قانون کا تقاضہ تو یہ ہے کہ متاثرہ خاتون کی درخواست پر 1500 روپیہ کٹوتی کرنے والے کے خلاف کارروائی کی جاتی جو بے نظیر انکم سپورٹ پروگرام کے افسران کی ملی بھگت اور کرپشن کا منہ بولتا ثبوت ہے
صحافی برادری کا کہنا ہے کہ جھوٹی ایف آئی ار درج کرنے سے حق سچ کی اواز کو نہی دبایا جا سکتا اب تو اپ نے جھوٹی ایف آئی ار دے کر ثابت کر دیا کہ کرپشن کو چھپانے کے لیے اوچھے ہتھکنڈے استعمال کرنے افسران اپنے ماتحتوں کے ساتھ ہیں
قصور کی پوری صحافی برادری ڈی پی او قصور سے جھوٹی ایف آئی آر ختم کرنے اور متعلقہ افسر کے خلاف انکوائری کا کرنے کا مطالبہ کرتی ہے بصورت دیگر پورے ضلع قصور کی صحافی برادری احتجاج کرے گی اور حق اور سچ کو ایک بار پھر سے پوری قوم کے سامنے لا کر رہے گی

قصور
آج بسلسلہ اظہار یکجہتی فلسطین مکمل شٹر ڈاؤن و پہیہ جام ہڑتال،اسرائیل کی بدمعاشی کے خلاف عوام پاکستان سراپا احتجاج

تفصیلات کے مطابق پاک بھارت کشیدگی کے باوجود
آج بروز ہفتہ قصور شہر میں بسلسلہ اظہار یکجہتی فلسطین،مکمل ہڑتال
ہے جس کا مقصد اپنے مظلوم اور بے سہارا فلسطینی بھائیوں سے اظہار یکجہتی کرنا اور اسرائیلی بدمعاشی کے خلاف احتجاج کرنا ہے
پاکستان مرکزی مسلم لیگ ،جماعت اسلامی،تحریک لبیک و دیگر سیاسی،سیاسی مذہبی و سماجی جماعتوں کی طرف سے مشترکہ طور پر آج کی ہڑتال ہے جس کی حمایت
ڈسٹرکٹ بار ایسوسی ایشن قصور نے بھی کی ہے
آج جگہ جگہ فلسطینی قوم سے اظہار یکجہتی کیلئے ریلیاں نکالی جائیں گیں اور اسرائیل کے خلاف نعرے بازی کی جائے گی
واضع رہے کہ پاک بھارت سخت ترین کشیدگی کے باوجود قصور کی غیور عوام اپنے فلسطینی بھائیوں کیساتھ اظہار یکجہتی کر رہی ہے اور لوگوں میں اسرائیلی مصنوعات کے بائیکاٹ کی مہم بھی زور پکڑ گئی ہے
بیشتر علاقوں میں کولا کولا و پیپسی کی گاڑیوں کو مقامی لوگوں نے اپنے علاقوں میں آنے سے منع کر دیا ہے

قصور
پوری پاکستانی قوم بلخصوص قصور کی عوام معروف سیاستدان سیف اللہ خالد قصوری پر بھارتی الزام کی مذمت کرتی ہے،ممبئی حملوں کی طرح اپنی ناکامی چھپانے کیلئے بھارت الزام تراشی کر رہا ہے،بھارتی جارحیت کا منہ توڑ جواب دیا جائے،قصور کی عوام کا مطالبہ

تفصیلات کے مطابق پاکستان کے معروف سیاستدان اور پاکستان مرکزی مسلم لیگ کے راہنما سیف اللہ خالد قصوری پر بھارت کی طرف سے پہلگام حملے کے الزامات لگائے جانے پر پوری پاکستانی قوم کی طرح قصور کی عوام نے بھی بھارتی الزامات کو بے بنیاد اور جھوٹ کا پلندہ قرار دیا ہے
قصور کے شہریوں کا کہنا ہے کہ سیف اللہ خالد قصوری ایک اعلی اور نیک سیرت سیاستدان ہیں جو اپنی عوام کو ہر طرح کی سہولیات کہیا کر رہے ہیں اور اصولی سیاست کر رہے ہیں
ان پر دہشت گردی کے الزام لگانا ایک بھونڈی حرکت ہے بھارت ممبئی حملوں کی طرح پہلگام حملوں پر اپنی ناکامی چھپانے کیلئے پاکستانی سیاستدانوں پر الزام لگا رہا ہے اس کا جواب سفارتی سطح پر دیا جائے اور بھارت ثبوت فراہم کرے اور اگر بھارت کسی بھی طرح کی جارحیت کرے تو پاک فوج بھارتی جارحیت کا منہ توڑ جواب دے
قصور کی عوام کا کہنا ہے کہ ہم پوری طرح سے پاک فوج اور سیف اللہ خالد قصوری کیساتھ ہیں اور کسی بھی بھارتی جارحیت کا مقابلہ کرنے کیلئے تیار ہیں

قصور
تھانہ صدر قصور پولیس نے ملزم معہ ولائتی شراب کی بوتلیں پکڑ لیا،مقدمہ درج

تفصیلات کے مطابق قصور پولیس کے اے ایس آئی تعینات پولیس چوکی نور پور نے بتایا کہ میں ملازمین عبد المنان 93/c معہ ایگل 28 احسن 978/C طارق 388/C بسلسلہ گشت سرکاری گاڑی 12015 /KG ڈرائیور آصف علی 1301/C کے ہمراہ بسلسلہ ناکہ بندی بہادر پورہ روہی پر موجود تھا کہ ایک شحض جو کہ نظام پورہ کی طرف سے پیدل آرہا تھا اور جس نے اپنے دائیں ہاتھ میں سفید رنگ کا شاپر پکڑا ہوا تھا وہ پولیس پارٹی کو دیکھ کر واپس کھسکنے لگا جسکو مشکوک جان کر گھیر ڈال کر قابو کر لیا جس نے دریافت کرنے پر اپنا نام و پتہ مبارک علی عرف موبا ولد محمد اکبر قوم میو ساکن بگری بتایا جسکی جامع تلاشی بذریعہ خود عمل میں لانے پر مذکورہ کے دائیں ہاتھ میں پکڑے ہوئے سفید شاپر میں سے 8 عدد چھوٹی بوتل شراب RAS PUTIN مارکہ برآمد ہوئیں ہیں جس پر قانون کے مطابق کاروائی کی جائے
تھانہ صدر قصور نے مقدمہ درج کرکے تفتیش کا آغاز کر دیا ہے

قصور اور اس کے نواح میں ڈکیتی اور راہزنی کی تین مختلف وارداتوں میں ڈاکوؤں نے شہریوں کو لاکھوں روپے نقدی،موبائل فون و دیگر قیمتی سامان سے محروم کردیا۔تھانہ صدر میں فہد نے درخواست دی ہے کہ چند روز قبل امجد موٹر سائیکل پر قصور سے شیخ عماد گھر کو جارہا تھاکے دوکس نے شیخ عماد کے قریب اسلحہ کے زور پر 60ہزار روپے نقدی،دو عدد موبائل فون و دیگر سامان لوٹ لیا ہے۔تھانہ صدر پھولنگر میں محمد امین نے اطلاع دی ہے کہ میں اپنے ساتھی امین کے ساتھ لاہور سے حاصل پور جارہے تھے کے سرائے اڈا کے قریب بوتل لینے کو رکے تو تین کس نے اسلحہ کے زور پر یرغمال بناکر ایک لاکھ روپے نقدی،4عدد موبائل فون و دیگر قیمتی سامان لوٹ کر لے گئے ہیں۔تھانہ کوٹ رادھا کشن میں صابر نے درخواست درج کروائی ہے کہ اسٹیل مل روسہ بھیل سے ڈیوٹی کے بعد گھر کو آتے ہوئے دوکس نے اسلحہ کی نوک رپر نقدی،موبائل فون و دیگر سامان لوٹ لیا ہے۔مقامی پولیس مصروف کاروائی ہے۔

قصور
نواحی یونین کونسل کے جوانوں نے دکانداروں کو اسرائیلی مصنوعات کے بائیکاٹ کی مہم شروع کر دی

تفصیلات کے مطابق قصور کی نواحی یونین کونسل مان کے غیور نوجوانوں کی زیر قیادت عظیم الشان ،لبیک اقصی، مارچ اور بائیکاٹ مہم کا آغاز کیا گیا جس میں گاؤں ساندہ، مان، باہمنی والا، ہری ہر و ذیلی حویلیوں کے تمام دکانداروں کے پاس جا کر جوانوں نے اسرائیل کی تمام پراڈکٹ کے بائیکاٹ کے حوالے سے اگاہی فراہم کی اور دکانداروں کو سمجھایا کہ اس بائیکاٹ سے اسرائیل کو معاشی نقصان ہو گا اور آپ بھی اس جہاد میں شامل ہو جائیں گے
دکانداروں نے تحریک کے جوانوں کو یقین دہانی کروائی کہ وہ اسرائیلی مصنوعات کا مکمل بائیکاٹ کرینگے اور اس کے مدمقابل پاکستانی مصنوعات کو خریدیں گے اور عوام کو فروخت کرینگے نیز مسجد اقصیٰ،بیت المقدس اور فلسطین کی اہمیت کو احادیث نبوی سے ثابت کیا اور اپنے فلسطینی بھائیوں کیساتھ اظہار یکجہتی کیا اور دعا کی فلسطین کے مسلمانوں کی خیر اور مدد فرمائے

قصور
چند دن قبل گیس ریفلنگ سے ہوئے دھماکے میں زخمی ہونے والے دو افراد انتقال فرما گئے،متعلقہ محکموں کی غفلت سے ابتک کئی اموات ہو چکی ہیں،وزیر اعلی پنجاب سے نوٹس کی اپیل

تفصیلات کے مطابق قصور کی تحصیل چونیاں کے معروف قصبے الہ آباد کے نواحی علاقے ارزانی پور میں چند روز قبل ہوئے گیس ریفلنگ دھماکے کے نتیجے میں زخمی ہونے والے دونوں زخمی انتقال فرما گئے

14 سالہ زخمی زاہد امین زخموں کی تاب نہ لاتے ہوئے جناح ہسپتال لاہور میں خالق حقیقی سے جا ملا جبکہ اسی دھماکے کا زخمی 23 سالہ نوجوان زبیر ستار بھی زخموں کی تاب نہ لاتے ہوئے خالق حقیقی سے جا ملا
جبکہ اس سانحہ کا تیسرا زخمی شہزاد ستار بھی سیریس حالت میں ہسپتال میں زیر علاج ہے جس کی حالت تشویشناک ہے
یکے بعد دیگرے دو اموات سے پورے علاقہ کی فضاء سوگوار اور ہر آنکھ اشکبار ہے
ضلع بھر میں آئے روز گیس ریفلنگ سے ہونے والے دھماکوں سے ابتک کئی جانیں ضائع ہو چکی ہیں لیکن متعلقہ ادارے چند دن کی سختی اور فوٹو شوٹ تک محدود ہیں
شہریوں نے وزیر اعلی پنجاب سے نوٹس لینے کی اپیل کی ہے

قصور
مین فیروز پور روڈ نزد کالی پل جو کہ ضلع قصور کا سب سے بڑا اور مصروف ترین روڈ ہے، پر بارش کے پانی کی نکاسی کیلئے شروع کیا جانے والا نالہ عرصہ چھ ماہ سے پایہ تکمیل تک نہ پہنچ سکا آج تک یہ نالہ جس کی گہرائی تقریبا 8 فٹ اور چوڑائی 6 فٹ ہے ،اوپر سے کھلا چھوڑا ہوا ہے جو کسی بڑے حادثے کا سبب بن سکتا ہے
گزشتہ دن ہلکی سی بارش کی وجہ سے نالہ کی دیواریں گر گئیں جس کے بعد نالہ مذید خطرناک ہو گیا ہے
نیز اس کھلے نالے میں متعدد حادثات ہو چکے ہیں
دیواریں گرنے سے راہگیر مذید خوف کا شکار ہو گئے ہیں
اہلیان علاقہ نے حکام سے نوٹس کی اپیل کی ہے کہ نالے کی صفائی کروائی جائے اور نالہ کی دوبارہ مرمت کروا کے اس کی تکمیل کو یقینی بنایا جائے تاہم لوگوں نے اپنی مدد آپ کے تحت نالے سے گزرنے کیلئے عارضی پل بنائے ہوئے ہیں جو کہ خستہ حالی کی وجہ سے کسی بڑے حادثے کا سبب بن سکتے ہیں
ڈی سی قصور اور انتظامیہ سے اپیل ہے کہ اس کا جلد سے جلد حل نکالا جائے تاکہ مچھر اور گندے پانی سے بیماریوں کے پھیلاؤ میں کمی آسکے اور لوگ ٹریفک حادثات سے بچ سکیں

قصور
کم سن لڑکی کو اغواء کرنے والا ملزم پولیس نے گرفتار کرکے چھوڑ دیا،ورثاء میں سخت تشویش،ڈی پی او قصور سے نوٹس کی اپیل

تفصیلات کے مطابق شہری علی اصغر ولد محمد صفدر نے تھانہ صدر قصور میں مدثر ولد نا معلوم کے خلاف درخواست دی کہ میری ہمشیرہ شریف ٹاؤن نزد کھارا چونگی رہائش پذیر ہے جس کا خاوند فوت ہو چکا ہے اس کی بیٹی اور میری بھانجی سویر نعیم بعمر 14/15 سال مورخہ 7 اپریل بوقت 8 بجے دن گھر سے علامہ اقبال سکول پڑھنے کے لئے گئی جو چھٹی ہونے کے بعد گھر واپس نہ آئی تو میری ہمشیرہ نے مجھے بذریعہ فون اطلاع دی کہ سوپر سکول سے گھر واپس نہ آئی ہے جس پر میں نے محمد اعظم ، محمد صفدر کے ہمراہ سویرا کی تلاش شروع کر دی تو ہمیں لوگوں نے بتایا کہ مدثر میری بھانجی کو زبر دستی اغواء کرکے لے گیا ہے اور انہوں نے از خود دیکھا ہے اور اسے روکنے کی کوشش بھی کی تھی اور بذریعہ CCTV کیمرہ جات میں بھی دیکھا جا سکتا ہے کہ مدثر ولد نا معلوم میری بھانجی سویرا کو ڈرا دھمکا کر اپنے ساتھ موٹر سائیکل پر بٹھاتے ہوئے نظر آیا ہے
10 سے 12 گھنٹوں بعد میری بھانجی اس کے چنگل سے بھاگ کر واپس آگئی
پولیس تھانہ صدر نے ایف آئی آر درج کرکے ملزم کو گرفتار کیا اور اگلے دن ہی چھوڑ دیا جبکہ گواہان اور سی سی ٹی وی فوٹیج بھی پولیس کو بطور ثبوت دی گئی ہے
ملزم کو چھوڑنے پر ورثاء میں سخت تشویش پائی جا رہی ہے اور ورثاء نے ڈی پی او قصور سے از خود نوٹس لے کر انصاف کی اپیل کی ہے

قصور
قصور چونیاں کے معروف اور حق گو صحافی کو دھمکیاں،صحافی برادری میں تشویش،ڈی پی او قصور اور وزیر اعلی پنجاب سے نوٹس کی اپیل

تفصیلات کے مطابق ضلع قصور کی تحصیل چونیاں کے معروف قصبے الہ آباد کے نڈر اور حق گو صحافی چوہدری مقصود سرور کیفی کو کچھ عناصر کی طرف سے دھمکیاں لگائی جا رہی ہیں جس پر بات کرتے ہوئے چوہدری مقصود سرور کیفی نے کہا کہیہ جو مُجھے ڈرانے دھمکانے کی کوشش کر رہے ہیں انکی اور انکے ابووں کی گیڈر دھمکیوں سے میں ڈرنے والا نہیں بندہ ناچیز حق سچ پر کھڑا تھا کھڑا ہے اور ان شاء اللہ کھڑا رہے گا میں چاپلوسی اور حقائق مسخ کرکے جینے سے مرنا پسند کرونگا میری صحافت عملی نمونہ ہے میں نے ہمشہ طاقتور کو للکارا ہے غریب کا ساتھ دیا ہے غلط کو کھل کر غلط کہا ہے اگر میں کسی کی سمجھ میں نہیں آتا تو جو اکھاڑنا ہے اکھاڑ لو
ہاں میں ہاں ملانا چاپلوسوں کا کام ہوتا ہے سچے اور انوگیٹشن صحافیوں کا نہیں، اسلئے جو آواز اٹھاتا ہوں پہلے اس کو مکمل انوسٹیگٹ کرتا ہوں تاکہ آپ لوگوں تک ایک شفاف آواز پہنچے میں کسی کی مرضی سے چلنے والا کھلونا نہیں حقیقت کو سینہ ٹھوک کر لکھتا ہوں یہ کرپٹ ادارے اور انکے ٹاؤٹ یہ بات ذہن میں اچھی طرح ڈال لیں کہ جب تک زندہ ہوں منشیات فروشی سے لیکر چوری ڈکیتی اور ناحق قتل پر میں آواز اٹھاتا رہونگا ان شاء اللہ
چوہدری مقصود سرور کیفی کو مسلسل دھمکیوں کے باعث صحافی برادری میں سخت تشویش پائی جا رہی ہے اور صحافی برادری کی طرف سے آزادی اظہار رائے اور جرنلسٹ پروٹیکشن ایکٹ کو یقینی بنانے کیلئے ڈی پی او قصور اور وزیر اعظم پنجاب سے نوٹس لے کر ذمہ داروں کے خلاف سخت سے سخت قانونی کاروائی کا مطالبہ کیا گیا ہے