Tag: Ghani Mehmood Kasuri

قصور
تھانہ صدر کی حدود میں گونگی بہری معذور لڑکی سے زیادتی کی کوشش،پولیس نے کاروائی کرتے ہوئے ملزمان گرفتار کر لئے

تفصیلات کے مطابق علی رضا ولد معراج دین سکنہ موضع نتھے والا نے
ایس ایچ او تھانہ صدر قصور کو درخواست گزاری کہ ملزمان محمد شفیع ولد دلاور ،بشیر ولد عیسی قوم آرائیں ساکن الو آنہ نے مورخہ 2025-08-11 کو میرے گھر میں میری غیر موجودگی میں داخل ہو کر گھر میں موجود اکیلی میری گونگی بہری ہمشیرہ مقدس بی بی کے ساتھ چھیڑ چھاڑ کی اور بوس و کنار کیا اور زناء کرنے کی کوشش شروع کر دی
جس پر میری بہن نے چیخ و پکار کی
شور واویلہ کی آواز سن کر غلام حیدر ولد محمد شریف، عثمان ولد محمد دین موقع پر پہنچے جنہیں دیکھ کر ملزمان موقع سے فرار ہو گئے
ملزمان نے میری بہن کے ساتھ چھیڑ چھاڑ کر کے اور زناء کرنے کی کوشش کر کے زیادتی کی ہے لہذا ملزمان کو گرفتار کرکے کاروائی کی جائے
تھانہ صدر پولیس کے ایس ایچ او کے حکم پر پولیس پارٹی نے ملزمان کو گرفتار کرکے کاروائی کا آغاز کر دیا ہے

قصور
مسلح ہو کر جان سے مار دینے کی دھمکیاں،شہری کی ایس ایچ او سٹی اے ڈویژن سے درخواست،کاووائی کا مطالبہ

تفصیلات کے مطابق قصور کے تھانہ سٹی اے ڈویژن کے محلہ ڈنگی پورہ کے رہائشی فہد حسین ولد عابد حسین سکنہ ڈنگی پورہ قصور نے ایس ایچ او سٹی اے ڈویژن قصور کو درخواست گزاری کہ میں ایک عزت دار فیملی سے تعلق رکھتا ہوں اور میرار ریکارڈ بالکل درست ہے میں کسی بھی کرائم کا آج دن تک حصہ نہیں بنا ایک عزت دار اور محنت کش شہری ہوں
میں مورخہ 10 اگست 2025 رات 8 سے 9 بجے کے دوران اپنے گھر سے نکل رہا تھا کہ اچانک حسیب اور ابوبکر جو کہ تسنیم احمد کے بیٹے ہیں، اپنے چار سے پانچ مسلح اسلحہ بردار لڑکوں کے ساتھ میرے گھر کے سامنے آکر مجھے اور میرے گھر والوں کو جان سے مارنے کی دھمکیاں دیتے رہے اور گالم گلوچ کرتے رہے جس کے چشم دید گواہ میرا بڑا بھائی واحد حسین اور میری والدہ ہیں
ملزمان نے علاقہ میں خوف و ہراس پھیلایا اور ہمیں جان سے مارنے کی دھمکیاں دیتے ہوئے چلے گئے
لہذا ان کے خلاف قانون کے مطابق کاروائی کرتے ہوئے مقدمہ درج کیا جائے
ان لوگوں کی طرف سے ڈرانے دھمکانے کا یہ سلسلہ کئی دنوں سے جاری ہے
میں نے ریسکیو 15 پر کال کی کوشش کی مگر رابطہ نہ ہو سکا

قصور
ضلع بھر کے بیشتر دیہی علاقوں میں شدید حبس اور گرمی کے دوران غیر اعلانیہ لوڈشیڈنگ کی انتہا، عوام سراپا احتجاج
تفصیلات کے مطابق ضلع قصور اور گردونواح کے دیہی علاقے ان دنوں شدید حبس اور گرمی کی لپیٹ میں ہیں
دن کے وقت درجہ حرارت 40 ڈگری سینٹی گریڈ سے تجاوز کر چکا جاتا ہے اور حبس زیادہ ہونے کے باعث گرمی کا احساس درجہ حرارت 46 سے بھی زیادہ ہوتا ہے
ایسے میں لیسکو قصور واپڈا کی جانب سے غیر اعلانیہ لوڈشیڈنگ کا سلسلہ حد سے بڑھ گیا ہے خاص کر بیشتر دیہاتوں کے لوگوں کو شاید واپڈا والوں نے انسان نہیں سمجھ رکھا
دیہاتیوں کے مطابق 18 سے 20 گھنٹے روزانہ بجلی بند رہتی ہے جس سے زندگی مفلوج ہو گئی ہے
بجلی نہ ہونے کے باعث سرکاری و نجی ٹیوب ویل بند ہیں اور پانی کی شدید قلت پیدا ہو گئی ہے جبکہ گھروں اور کھیتوں میں شدید مشکلات کا سامنا ہے
اہلیان علاقہ کا کہنا ہے کہ
ہم گرمی اور پیاس سے تڑپ رہے ہیں جبکہ بچوں اور بزرگوں کی حالت خراب ہو رہی ہے
بجلی کی بحالی کے لئے بار بار شکایات درج کرائی جاتی ہیں مگر کوئی شنوائی نہیں ہوتی
رات کو مچھر اور حبس کی وجہ سے نیند نہیں آتی، دن میں دھوپ اور پیاس نے جینا مشکل کر دیا ہے
واپڈا والوں کا اگر یہ سلسلہ نہ رکا تو ہم سڑکوں پر نکلیں گے

عوامی نمائندوں اور مقامی تنظیموں نے لیسکو حکام سے فوری نوٹس لینے کا مطالبہ کیا ہے اور خبردار کیا ہے کہ اگر صورتحال نہ بدلی تو بڑے پیمانے پر احتجاجی مظاہرے کیے جائیں گے

قصور
تھانہ الہ آباد میں لڑکے کو ناجائز تھپڑ مارنے کا معاملہ، ڈی پی او قصور نے دونوں اہلکاروں کو معطل کر کے کلوز لائن کر دیا
تفصیلات کے مطابق گزشتہ روز سوشل میڈیا پر ایک ویڈیو وائرل ہوئی جس میں قصور کی تحصیل چونیاں کے قصبہ الہ آباد کے تھانہ الہ آباد کے رہائشی محمد عدنان کی ویڈیو وائرل ہوئی
ویڈیو میں عدنان نے دو پولیس اہلکاروں سب انسپکٹر سلیم اور کانسٹیبل راشد گل پر تھپڑ مارنے کا الزام عائد کیا ڈی پی او محمد عیسیٰ خاں نے نوٹس لیتے ہوئے ڈی ایس پی چونیاں کو انکوائری کے احکامات جاری ہے
ڈی پی او قصور نے انکوائری میں الزام ددست ثابت ہونے پر دونوں اہلکاروں کو معطل کر کے کلوز لائن کر دیا
ڈی پی او قصور کے مطابق محکمانہ کاروائی کیلئے ایس پی انویسٹی گیشن کو ریگولر انکوائری کے بھی احکامات جاری کر دئیے گئے ہیں محکمہ پولیس ڈسپلن فورس ہے اختیارات سے تجاوز کسی صورت برداشت نہیں
بیگناہ شہریوں کیساتھ بدتمیزی اور تشدد کرنے والے اہلکار کسی معافی کے مستحق نہیں ہیں

قصور
پرانے نوٹیفکیشن کے مطابق موسم گرما کی تعطیلات کے بعد 15 اگست سے اسکول دوبارہ کھل جائیں گے،تاہم نئے نوٹیفیکیشن کے مطابق 1 ستمبر کو کھلے گے

تفصیلات کے مطابق پنجاب بھر کی طرح محکمہ تعلیم کی طرف سے جاری کردہ نوٹیفکیشن کے مطابق گرمیوں کی تعطیلات کے بعد ضلع قصور میں تعلیمی سرگرمیاں ایک بار پھر بحال ہونے جارہی ہیں محکمہ تعلیم کی جانب سے جو پہلے اعلان کیا گیا ہے کہ 15 اگست 2025 سے سرکاری و نجی سکول معمول کے اوقات کار کے مطابق کھل جائیں گے اب اسے بدل کر نیا نوٹیفکیشن جاری کیا گیا ہے جس کی رو سے سکول 1 ستمبر کو کھلیں گے
محکمہ تعلیم کے مطابق طلبہ کو بروقت اسکول پہنچنے اور تعلیمی سرگرمیوں میں بھرپور حصہ لینے کی ہدایت کی گئی ہے اور اساتذہ کو حاضری یقینی بنانے کا حکم دیا گیا ہے
اس دوران حفاظتی اور صفائی کے انتظامات بھی مکمل کرلئے جائیں تا کہ بچوں کو بہتر تعلیمی ماحول فراہم کیا جا سکے

قصور
پسند کی شادی نا ہونے پر نواجون لڑکے نے خودکشی کر لی

تفصیلات کے مطابق قصور میں پسند کی شادی نا ہونے پر نوجوان نے خودکشی کر لی قصور سٹی پرانا لاری اڈا کے علاقے میں پسند کی شادی نہ ہونے پر 22 سالہ نوجوان نے اپنے گھر میں پنکھے سے لٹک کر خودکشی کر لی ہے
ورثاء کے مطابق، ولید ظفر ایک لڑکی کو پسند کرتا تھا لیکن اس کی شادی اس لڑکی سے نا ہو سکی جس پر اس نے دلبرداشتہ ہو کر خود کو کمرے میں بند کر لیا اور اپنی زندگی کا خاتمہ کر لیا
پولیس تھانہ اے ڈویژن نے موقع پر پہنچ کر لاش کو تحویل میں لے کر مزید کارروائی کا آغاز کر دیا ہے

قصور
شہدائے قصور پولیس کی یاد میں ضلع بھر میں شمعیں روشن کی گئیں،پولیس افسران،عوام اور صحافی برادری کی شرکت

تفصیلات کے مطابق شہدائے قصور پولیس کی یاد میں شمعیں جلائی گئیں جس میں قصور پولیس افسران،عوام اور صحافی برادری نے کثیر تعداد میں شرکت کی
4 اگست یوم شہدائے پولیس کے حوالے سے ضلع قصور کے مختلف مقامات پر شمعیں روشن کی گئیں
ایس پی انویسٹی گیشن محمد ضیاء الحق نے ریلو ے اسٹیشن چوک قصور میں شمعیں روشن کیں
تاجروں، سول سوسائٹی کے افراد، نے بھی شہدائے پولیس کو خراج عقیدت پیش کیا اور پولیس کیساتھ ملکر شمعیں روشن کیں
ایس پی انویسٹیگیشن نے بتایا کہ قصور پولیس کے 35 سپوتوں نے عوام کی جان و مال کی حفاظت کی خاطر اپنی جانوں کا نذرانہ پیش کیا قصور پولیس اپنے شہداء کی فیملیز کیساتھ ہمیشہ کی طرح ساتھ کھڑی ہے
زندہ قومیں ہمارے مستقبل کیلئے خود کو قربان والے شہداء کو کبھی فراموش نہیں کرتیں شہید اپنے لہو سے قوم کی تاریخ رقم کرتے ہیں قصور پولیس کی تاریخ بھی ان چمکتے ستاروں سے تابندہ و جاوید ہیں ہمارے شہدا کی قربانیاں ہمارے آج محفوظ ہونے کی ضمانت ہیں
یہ تمام عظیم خاندان جن کے پیارے ہمارے محفوظ اور روشن مستقبل کیلئے قربان ہو گئے پوری قوم کے محسن ہیں
قصور کی تحصیل چونیاں اور پتوکی میں بھی شمعیں روشن کی گئیں جن میں سرکل افسران، ایس ایچ اوز، سول سوسائٹی کے افراد، صحافیوں اور شہریوں کی کثیر تعداد نے شرکت اور شہدائے قصور پولیس کے درجات کی بلندی کی دعا کی گئی

قصور
احمد علی قصوری ایڈووکیٹ صدر ایسوسی ایشن آف انٹرنیشنل لائرز (AIL) گلوبل قصور ڈسٹرکٹ۔ جو کہ چیئرمین پاکستان وطن کونسل (PWC) بھی ہیں نے مادرِ ملت محترمہ فاطمہ جناح کو ان کے 132 ویں یوم پیدائش پر خراج عقیدت پیش کیا۔ اور ان کی مغفرت اور درجات کی بلندی کے لیے دعا کی۔ اللہ رب العزت ان کو جنت الفردوس میں اعلیٰ مقام عطا فرمائے-
محترمہ فاطمہ جناح نے پاکستان کی تخلیق، خواتین کے حقوق کی وکالت، اور جمہوری اقدار کے فروغ کےلیےبہت اہم کردار ادا کیا۔ مادرِ ملت کی ہمت، لگن، استقامت اور جدوجہدہمیشہ آنے والی نسلوں کو متاثر کرتی رہے گی۔
مادرِ ملت کو خراج تحسین پیش کرنے والوں میں (PWC) کے سرپرست اعلیٰ مبارک احمد خان ایڈووکیٹ، ریکٹر ڈاکٹر سید مسعود السید، سینئر وائس ریکٹر ڈاکٹر محمد اشرف نظامی، چانسلر محمد فتح باز خان، وائس چانسلر ڈاکٹر عبدالقدوس، وائس چانسلر محمد الطاف اسحاق، وائس چانسلر سینٹ مسعود احمد (ڈی جی آڈٹ پنجاب)، سیکرٹری جنرل محمد وقاص اور اراکین، (AIL) ڈسٹرکٹ قصور کی قائمہ کمیٹیوں کے چیئف، ہیڈ کوارٹر کے امور کےچیئف محمد سلیم فرخ ایڈووکیٹ، تحصیل چونیاں امور کے چیئف محمد شبیر اسحاق ایڈووکیٹ، تحصیل پتوکی امور کے چیئف محمد عمران رفیق انصاری ایڈووکیٹ، تحصیل کوٹ رادھا کشن امور کے چیئف حافظ ناظم نذیر ایڈووکیٹ، اور تحصیلیوں کے صدور اور اراکین شامل ہیں