Tag: Ghani Mehmood Kasuri

قصور
چکن کا ریٹ 450 سے بھی کم تاہم ہوٹلوں پر کڑاھی گوشت و بار بی کیو کی قیمتیں ابھی تک پرانی اور زیادہ،عوام کا ضلعی انتظامیہ اور پرائس کنٹرول مینجمنٹ سے نوٹس کا مطالبہ

تفصیلات کے مطابق قصور میں گزشتہ کچھ دنوں سے چکن کی قیمت 450 روپیہ فی کلو سے بھی کم ہے تاہم ہوٹل مالکان کی طرف سے مہنگائی کا رونا پھر بھی جاری ہے جب چکن کی قیمت 700 روپیہ فی کلو تھی تب ہوٹل مالکان نے چکن کڑاھی کی قیمت 1400 روپیہ فی کلو مقرر کی تھی اور لیگ پیس و لیگ پیس 450 روپیہ فی پیس کہ جس کا وزن بمشکل 250 گرام ہوتا ہے
اب چکن کی قیمتوں میں کمی کے باوجود ہوٹل مالکان نے قیمتوں میں کوئی کمی نہیں کی اور لوگوں کی جیبوں پر کھلے عام ڈاکہ زنی کی جا رہی ہے جس پر عوام نے پرائس کنٹرول مینجمنٹ اور ضلعی انتظامیہ سے قیمتوں میں کمی کا مطالبہ کیا ہے اور درخواست کی ہے کہ چکن کی قیمتوں کے مطابق ہوٹلوں کو قیمتیں کم و زیادہ کرنے کا پابند بنایا جائے
اگر گوشت کی قیمت میں کمی ہوتی ہے تو ہوٹل مالکان بھی اپنی قیمتیں کم کریں اگر گوشت کی قیمت میں اضافہ ہوتا ہے تو قیمت میں اضافہ کیا جائے نا کہ مہنگے گوشت کی آڑ میں سستا ہونے پر بھی عوام کی جیبوں پر ڈاکہ مارا جائے

قصور سٹی میں بابا بلھُے شاہ روڈ پر واقع بینکوں کے باہر کھڑی موٹر سائیکلوں کے باعث ٹریفک جام رہنا روز کا معمول بن گیا کسی بھی بینک کی پارکینگ نہ ہونے کی وجہ سے دور دراز سے مزار پر آنے والے زائرین اور شہریوں کو گزرنے میں انتہائی مشکلات کا سامنا کرنا پڑتا ہے
شہریوں کا کہنا ہے کہ ریلوے روڈ پر کثیر تعداد میں بینک موجود ہیں جہاں پر روزانہ ہزاروں کی تعداد میں لوگ ان بینکوں میں آتے ہیں اور ان بینکوں کی پارکنگ نہ ہونے کے باعث انہیں اپنی موٹرسائیکلیں اور گاڑیاں سڑک پر ہی پارک کرنا پڑتی ہیں جس کی وجہ سے یہاں پر ٹریفک جام رہنا روز کا معمول بن کر رہ گیا ہے جس کے باعث لوگوں کو شدید مشکلات کا سامنا کرنا پڑ رہا ہے شہری فلاحی اور سماجی تنظیموں نے مطالبہ کیا ہے کہ تمام بینکوں کو اپنی پارکینگ بنانے کا پابند کیا جائے تاکہ ٹریفک کے مسائل میں کمی واقع ہو سکے

قصور
پاکستانی خفیہ ادارے کی قصور پولیس کو منشیات فروشوں کی فہرست دینے کے باوجود منشیات فروش کھلے عام اپنے دھندے میں مصروف

تفصیلات کے مطابق قصور ضلع بھر میں منشیات فروشوں کے خلاف پاکستان کے سول خفیہ ادارے نے قصور پولیس کو خفیہ اطلاع دی تھی تاہم ان سینکڑوں منشیات فروشوں میں سے درجنوں گرفتار ہو سکے ہیں اور بقایا ابھی تک سینکڑوں منشیات فروش کھلے عام منشیات فروشی میں ملوث ہیں خاص کر آئس کا نشہ بہت تیزی سے پھیل رہا ہے
ضلع بھر سے منشیات فروشی میں تھانہ مصطفی آباد پہلے نمبر اور تھانہ بی ڈویژن قصور دوسرے نمبر پر ہے
پاکستانی سول خفیہ ادارے نے 274 بڑے منشیات فروش ڈیلروں کی نشاندھی کی تھی جبکہ ابھی تک قصور پولیس نے 274 میں سے صرف 76 افراد کو گرفتار کیا ہے جو کہ بہت بڑا سوالیہ نشان ہے
اس بات میں شک نہیں کہ چند ماہ قبل آنے والے ڈی پی او قصور عیسیٰ خان سکھیرا کے آنے سے کافی بہتری آئی ہے مگر اس بات پر تشویش ہے کہ نشاندھی کے باوجود قصور پولیس ان منشیات فروشوں کو گرفتار کیوں نہیں کر پائی

قصور
سڑکوں پہ ٹرالیوں کا راج,تارکول سے بنی کارپٹ سڑکیں مٹی کہ تہہ جمنے سے کچی سڑکوں میں تبدیل،دھول مٹی اڑنے سے لوگ بیماریوں میں مبتلا ہونے لگے،کھارا ڈرین رائیونڈ روڈ تا کھارا نئی بنی سڑک اسی سبب برباد

تفصیلات کے مطابق قصور ضلع بھر اور خاص کر تحصیل قصور کے قرب و جوار کے گاؤں دیہات کی سڑکوں پہ مٹی سے لدی ٹریکٹر ٹرالی والوں کا راج ہے جنہوں نے سڑکوں کو اپنی ذاتی ملکیت سمجھ رکھا ہے
مٹی سے لدی بغیر ترپال ٹرالیوں سے مٹی گرتی رہتی ہے جس کے باعث تارکول سے بنی کارپٹ سڑکیں مٹی کی تہہ جمنے سے کچی سڑکوں میں تبدیل ہو رہی ہیں اور مٹی کے جمنے کے باعث سڑکیں ٹوٹ رہی ہیں بجائے کہ ٹرالیوں والے چند دنوں بعد مٹی کو سڑک سے ہٹانے کی بجائے الٹا اس پر پانی چھڑک کر مٹی کی تہہ بنا دیتے ہیں جس کے باعث سڑکیں برباد ہو رہی ہیں
قصور رائیونڈ روڈ نواحی گاؤں کھارا میں ڈرین والی سڑک جو کہ چند سال قبل بنی اور رائیونڈ قصور روڈ ڈرین کیساتھ سے گاؤں تک ہے، اس پر بھی ٹرالی والوں کی طرف سے بجائے مٹی ہٹانے کے پانی کا چھڑکاؤ کر دیا جاتا ہے جس کے باعث گزرنے پھسلن سے گرتے بھی ہے اور مٹی کی مستقل تہہ جمنے سے سڑک برباد ہو چکی ہے
اس سڑک پہ دن رات مٹی والی ٹرالیاں گزرتی ہیں اور مٹی گراتی رہتی ہیں جس کے باعث لوگوں کا گزرنا دشوار ہے اور دھول مٹی اڑنے سے لوگ کئی طرح کی بیماریوں میں مبتلا ہو رہے ہیں

اہلیان علاقہ نے ڈپٹی کمشنر قصور،اسسٹنٹ کمشنر قصور سے ٹرالی مالکان کی طرف سے سرکاری سڑک کو نقصان پہنچا کر لوگوں کو بیمار کرنے اور راستوں میں رکاوٹ ڈالنے پر ازخود نوٹس کا مطالبہ کیا ہے

قصور
پورا ضلع خاص کر نور پور نہر اور ڈھولن ہتھاڑ میں بینظیر انکم سپورٹ پروگرام سے پیسے حاصل کرنے والی عورتوں سے ڈیوائس ہولڈرز کی بھاری رشوت وصولی،1500 سے 3000 روپیہ رشوت لیئے جانے لگی،غریب عورتوں کی حکومت سے نوٹس کی اپیل،پیسے جاز کیش و ایزی پیسہ طرز کے ذاتی اکاؤنٹس میں پیسے دینے کی استدعا

تفصیلات کے مطابق قصور ضلع بھر اور خاص کر ڈھولن ہتھاڑ و نورپور نہر میں ڈیوائس ہولڈرز نے سرعام لوٹ مار اور رشوت خوری کا بازار گرم کیا ہوا ہے اور غریب عورتوں کو لوٹ رہے ہیں
ڈیوائس ہولڈرز بینظیر انکم سپورٹ پروگرام سے پیسے نکلوانے والی عورتوں سے 1500 روپیہ سے 3000 روپیہ بطور رشوت وصول کر رہے ہیں
جس سے غریب اور بے سہارہ عورتوں کی حق تلفی ہو رہی ہے اس بابت عورتوں نے گورنمنٹ سے اپیل کی ہے کہ ان ڈیوائس ہولڈرز کے خلاف کاروائی کی جائے اور بینظیر انکم سپورٹ پروگرام سے پیسے لینے والی عورتوں کے ذاتی جاز کیش و ایزی پیسہ طرز کے اکاؤنٹ بنا کر ان کے اکاؤنٹس میں پیسے دیئے جائیں تاکہ ڈیوائس ہولڈرز مافیا سے جان چھوٹ سکے
واضع رہے کہ عرصہ دراز سے ڈیوائس ہولڈرز کے خلاف ثبوت بھی پیش کئے گئے تاہم بات نہیں بنتی

قصور
گھی،کوکنگ آئل و دیگر اشیاء کی قیمتوں میں اضافے سے شہری سخت پریشان،مہنگائی کا نیا طوفان
تفصیلات کے مطابق قصور میں مہنگائی کی ماری عوام گھی،آئل و دیگر اشیاء کی قیمتوں میں اضافے سے مذید پریشان ہو کر رہ گئی ہے
اشیاء کی قیمتوں میں اضافے سے مہنگائی کا نیا طوفان آیا ہے
صرف چینی کی قیمت کم کرکے دیگر اشیاء ضروریہ کی قیمتوں میں اضافہ کیا گیا ہے جس سے لوگ سخت پریشان ہو کر رہ گئے ہیں
صوفی گھی کی قیمت 470 روپیہ سے 540 روپیہ کر دی گئی ہے اسی طرح سبزیوں و پھلوں کی قیمتوں میں بھی اضافہ ہوا ہے
ہول سیل ریٹ میں چینی 50کلو تھیلا 6200
،رحمت گھی 12کلو 6000
،خیبر گھی 12کلو 5940
،سلطان گھی 10کلو 5300
سلطان آئل 10لیٹر 5400
،وائٹل 85 گرام کارٹن 20000
،وائٹل پاؤچ کارٹن 14800
،وائٹل 430گرام 19000
،دال مونگ چاند 50کلو 18000
،دال چنا سپریم 50 کلو 17500
،دال چنا بٹل 50 کلو 16000
،چنا سفید موٹا 50کلو 16500
کائنات سیلہ نیا 50کلو 11500/12000
،کائنات کچی نئی50کلو 12500/13000
،کچی چھوٹی 86سپری50کلو 7250 ہیں جبکہ یہ نرخ سرکاری حد تک ہیں دکانداروں کو ان ریسٹس پر چیزیں نہیں ملتی بلکہ اس سے زیادہ قیمتوں پر ملتی ہیں اس لئے دکاندار مہنگی چیزیں خرید کر مذید مہنگی بیچنے پر مجبور ہیں
ماضی قریب میں بلیک مارکیٹنگ حضرات پر لگام کسی گئی تھی جس کے باعث کچھ سکون ہوا ہے شہریوں نے ایک بار پھر سے ان لوگوں کے گرد گھیرا تنگ کرنے کی درخواست کی ہے نیز شہریوں نے استدعا کی ہے کہ اپنے زیادہ ٹیکس کی وصولی کی خاطر کمپنیوں کو قیمتوں میں اضافہ دینا سراسر زیادتی ہے

قصور پولیس کی جانب سے صحافی کو حراساں کیا گیا،کہا کہ اپنا تعارف نا کرواؤں ہمیں پتہ ہے صحافی کس قابل ہوتے ہیں،لوگوں کو بلیک میل کرتے ہیں،ڈی پی او قصور سے پولیس رویہ پر نوٹس لینے کی اپیل

تفصیلات کے مطابق ڈسٹرکٹ پریس کلب قصور کے کونسل ممبر غنی محمود قصوری اپنی بائیک سی جی ون ٹو فائیو پر آج بتاریخ 2 جولائی 2024 کو ایک ضروری کام سے اوکاڑہ سے قصور آ رہے تھے کہ قصور بائی پاس پر ریلوے پھاٹک پر بوقت رات 8:30 ناکہ لگائے پولیس اہلکاروں نے روکا جس پر صحافی نے بریک لگائی اور موٹر سائیکل سے اتر کر پولیس وین کے قریب جا کر کہا جناب کیا حکم ہے اور ایک پولیس اہلکار کے قریب آ کر تلاشی کرنے پر اپنا لائسنسی و پرمٹڈ پستول پولیس اہلکار کو تھما دیا جس نے پسٹل پکڑتے ہی دوسرے ساتھیوں کو کہا کہ آجاؤ بھئی بندا پکڑا گیا ہے
جس پر صحافی نے کہا جناب پستول نا صرف لائسنسی ہے بلکہ پرمٹڈ ہے اور میں ایک شریف آدمی اور صحافی و کالم نگار ہوں جس نے ہمیشہ حق سچ پر خبر شائع کی اور اپنے ملک و ملت بارے کالم لکھے ہیں
اس پر پولیس اہلکار نے کہا کہ کسی بھی سول بندے کو پسٹل پاس رکھنے کی اجازت نہیں
جس پر صحافی نے اپنا اصل لائسنس معہ ہوم منسٹر سے جاری پرمٹ نکال کر دکھلایا اور کہا کہ جناب میں خود آپ کے پاس آکر آپ کو پسٹل پکڑا رہا ہوں اور تلاشی بھی دے رہا ہوں
جبکہ آپ میرا ڈرائیونگ لائسنس،شناختی کارڈ،موٹر سائیکل ڈاکومنٹس اور میڈیا سرونگ کارڈ بھی دیکھ لیں
پولیس اہلکار نے شناختی کارڈ موبائل پر چیک کیا اور کہا کہ ٹھیک ہے آپ کی تصویر اتار کر گروپ میں ڈالتے ہیں کہ اس بندے سے پسٹل پکڑا گیا ہے
یہ کہہ کر حوالدار نے پسٹل پکڑا اور صحافی کو قریب کھڑے کرکے ویڈیو بنائی
پولیس ٹیم میں تین سپاہی اور ایک حوالدار شامل تھا جہنوں نے تصویر اتاری اور گروپ میں ڈال دی
جب صحافی نے کہا جناب جو گولی آپ نے میرے زیگانا ایف نائن پسٹل 30 بور سے نکالی ہے وہ مجھے واپس کر دیں کیونکہ میرے پاس 21 گولیاں ہیں جو کہ امپورٹڈ ہیں اور مہنگی ہیں
تو اس پر ایک اہلکار نے کہا کہ کونسی وہ گولی آپ کو مار دی گئی ہے مل جائے گی وہ گولی بھی
صحافی اپنے گھر آ گیا اور جب پسٹل چیک کیا تو پسٹل کے اندر سے نکالے جانی والی میگزین میں ایک گولی کم تھی باقی فاصل میگزین میں 10 گولیاں پوری تھیں جبکہ پسٹل کے اندر والی میگزین میں 11 گولیاں تھیں
پولیس اہلکار نے صحافی برادری کو کہا کہ تم لوگ کونسا حلال کماتے ہو گولی اور خرید لینا
تمہیں کونسا فرق پڑتا ہے تم لوگوں کو بلیک میل کرکے پیسے کماتے ہو
اس پر صحافی نے کہا جناب میں الحمدللہ فی سبیل اللہ صحافت کرتا ہوں اور اپنا ذاتی کاروبار کرتا ہوں اس پر ایک اہلکار نے غصے سے کہا کہ بار بار تعارف نا کرواؤ ہمیں پتہ ہے تم لوگ لوگوں کو بلیک میل کرتے ہو اور مال بناتے ہو
صحافی نے پولیس رویے ،حراساں کرنے اور امانت میں خیامت کرنے پر ڈی پی او قصور سے نوٹس لینے کی اپیل کی ہے

قصور
نجی چینل کے نمائندے سے منسوب جعلی خبریں پھیلانے والوں کے نام نمائندے کا پیغام

تفصیلات کے مطابق قصور سے نمائندہ باغی ٹی وی غنی محمود قصوری کا کہنا ہے کہ
میرے علم میں یہ بات آئی ہے کہ کچھ کاپی پیسٹر صحافی جو کہ خبر لگا کر ادارے یاں فرد کا سامنا نہیں کر سکتے، وہ اپنی خبر کے نیچے میرا ہیش ٹیگ ،قصوریات، لکھ کر وائرل کرتے ہیں تاکہ خود نظروں سے اوجھل رہیں

ان کی خدمت میں گزارش ہے کہ میں بفضل ربی نا تو کاپی پیسٹر صحافی ہوں اور نا ہی نقل مار کر خبر بنانے والا
الحمدللہ میں ایک کالم نگار ہوں اور پاکستان و اسلام کے علاوہ پاکستان کے کئی مسائل پہ کالم لکھ چکا ہوں
جس میں میں اداروں پہ تنقید بھی کی ہے اور مشورے بھی دیئے ہیں جو کہ میرے بلاگ کے علاوہ قومی اخبارات میں لگتے ہیں

میری جو بھی خبر ہوتی ہے وہ باغی ٹی وی پہ لگائی جاتی ہے اور اسے اس کے لنک کے ساتھ شئیر کیا جاتا ہے

اس کے علاوہ واٹس ایپ پہ بغیر باغی ٹی وی لنک کے میرے نام سے منسوب خبروں کا مجھ سے کوئی تعلق نہیں ہے
کچھ لوگ اپنا ذاتی حسد اور بغض دوسروں کے نام لکھ کر مجھ سے منسوب کر رہے ہیں

میری ان صاحبان کی خدمت میں گزارش ہے کہ اگر آپکی اوقات اتنی نہیں کہ کسی ادارے،فرد کے خلاف خبر لگا کر اپنا آپ ظاہر کر سکیں تو صحافت چھوڑ دیں
خداراہ صحافت جیسے فریضے و پیشے کو بدنام نا کریں
اگر آئندہ کسی نے میرے ہیش ٹیگ ،قصوریات، سے اپنی ذاتی کوئی خبر،تحریر وائرل کی تو اس کے خلاف قانون کے مطابق کاروائی کرونگا ان شاءاللہ

شکریہ

غنی محمود قصوری
کالم نگار و ڈسٹرکٹ رپورٹر باغی ٹی وی قصور
بیورو چیف دعا نیوز قصور
کونسل ممبر ڈسٹرکٹ پریس کلب قصور
ممبر نیشنل یونین آف جرنلسٹس پاکستان
#قصوریات