Baaghi TV

Tag: news

  • کراچی لاہور سے دو سو سال پیچھے ہے آغا علی

    کراچی لاہور سے دو سو سال پیچھے ہے آغا علی

    اداکار آغا علی نے اپنے حالیہ انٹرویو میں کہا ہے کہ کراچی میں سارا کام ہے ہم کراچی جا کر کام کرتے ہیں ، میں کراچی شہر کا کراچی والوں کا شکر گزار ہوں جو مجھے کام دیتے ہیں اور شہر نے مجھے نام مقام دیا لیکن کراچی شہر آج بھی لاہور سے کچھ نہیں تو دو سو سال پیچیھے ہے. انہوں نے کہا کہ میری ماں آج بھی رات کو 11بجے گاڑی چلا کر خود باہر چلی جاتی ہیں مجھے کوئی ٹینشن نہیں ہوتی کہ امی کو کوئی روک لے گا ، یا کوئی نا خوشگوار واقعہ پیش آئیگا. آغا علی نے کہا کہ میں آج بھی اپنے گھر کے باہر کھڑے ہو کر فون سن لیتا ہوں.

    کسی کو راستہ سمجھا دیتا ہوں ، گھر کے باہر کھڑا ہوں تو مجھے یہ ڈر نہیں ہوتا کہ کوئی آکر مار جائیگا، یا موبائل چھین کر لے جائیگا. انہوں نے کہا کہ سسٹم ہونا بہت ضروری ہے ، یہاں تک کہ لاہور اور کراچی کا موازنہ کیا جائے تو لاہور میں زیادہ صفائی ستھرائی ہے، انہوں نے کہا کہ لاہور میں اندرون شہر دیکھیں انار کلی دیکھیں وہ علاقے دیکھنے سے تعلق رکھتے ہیں. انہوں نے کہا کہ میں کشتیاں جلا کر بالکل کراچی نہیں آیا میرا گھر لاہور میں ہے، میرا بھائی میری ماں وہاں‌رہتی ہے میں جب بھی وقت ملتا ہے لاہور جاتا ہوں .

    کس اداکارہ کو اپنی ذات پر اعتماد نہیں ندیم بیگ نے بتا دیا

    سیلابی صورتحال کے باعث جھانوی کپور پریشان

    آغا نے کس بیماری میں مبتلا ہیں اداکار نے بتا دیا

  • سکھر موٹروے میگا کرپشن کیس، احتساب عدالت میں ریفرنس دائر

    سکھر موٹروے میگا کرپشن کیس، احتساب عدالت میں ریفرنس دائر

    حیدرآباد سکھر موٹروے میگا کرپشن کیس میں قومی احتساب بیورو نے احتساب عدالت حیدرآباد میں ریفرنس دائر کردیا ہے جبکہ ایم سکس موٹروے میگا کرپشن اسکینڈل میں اہم پیشرفت ہوئی ہے، نیب نے میگا کرپشن کیس میں ریفرنس دائر کردیا۔ ریفرنس صرف مٹیاری سیکشن میں کرپشن پر دائر کیا گیا۔

    چیئرمین نیب کی منظوری سے ڈی جی نیب کراچی نے ریفرنس احتساب عدالت حیدرآباد میں دائر کیا۔ ریفرنس میں مٹیاری ۔ نوشہرو فیروز سیکشن کے منصوبے میں 5 ارب 80 کروڑ روپے کی خرد برد کا الزام عائد کیا گیا ہے۔ ریفرنس میں سابق ڈپٹی کمشنر مٹیاری عدنان رشید، لینڈ ایکویزیشن افسر منصور عباسی اور بینک افسران سمیت 19 ملزمان کو نامزد کیا گیا۔
    مزید یہ بھی پڑھیں؛
    اعظم خان نےعمران خان پرقیامت برپا کردی ،سارے راز اگل دیئے،خان کا بچنا مشکل
    سیما جسم فروش خواتین کی طرح بھارت آئی،تحقیقاتی اداروں کا دعویٰ
    چیف سیکرٹری کا جعلی زرعی ادویات کیخلاف کریک ڈاؤن تیز کرنے کا حکم
    عدالت کو بتایا گیا کہ کیس میں 12 ملزمان گرفتار ہیں، جبکہ 5 مفرور اور 2 ضمانت پر ہیں۔ احتساب عدالت میں جمع کرائے گئے ریفرنس میں بتایا گیا کہ ملزمان سابق ڈی سی مٹیاری، لینڈ ایکویزیشن افسر عاشق کلیری اور اسلم پیرزادہ کی نشاندہی پر مجموعی طور پر ایک ارب 80 کروڑ روپے برآمد کئے گئے ہیں۔ ملزم عاشق کلیری اور اخلاق شاہ نے ایک ارب 30 کروڑ 10 لاکھ روپے پلی بارگین کی درخواست دی ہے۔ عدالت نے مزید کارروائی کے لئے سماعت 7 اگست تک ملتوی کر دی۔

  • مجسٹریٹ بیان تنہائی میں لیتا پھر اعظم خان کے پاس دباؤ کا عزر کیسا؟ حسن رضا پاشا

    مجسٹریٹ بیان تنہائی میں لیتا پھر اعظم خان کے پاس دباؤ کا عزر کیسا؟ حسن رضا پاشا

    پاکستان بار کونسل کی ایگزیکٹو کمیٹی کے چیئرمین حسن رضا پاشا کا کہنا ہے کہ 164 کا بیان ریکارڈ کرنے کا طریقہ کار مختلف ہے، مجسٹریٹ ملزم کی ہتھکڑی کھلواکر پولیس کو باہر بھیج دیتا ہے، مجسٹریٹ تنہائی میں ملزم کا بیان ریکارڈ کرتا ہے، مجسٹریٹ کہتا ہے کہ بیان آپ کے خلاف بھی استعمال ہوسکتا ہے۔

    حسن رضا پاشا نے مزید کہا کہ آفیشل سیکریٹ ایکٹ کی خلاف ورزی پر سزائے موت ہوسکتی ہے، آفیشل سیکریٹ ایکٹ میں 7 سے 14 سال قید کی سزا ہوسکتی ہے، کوئی دستاویز غائب ہونے کی سزا 3 سال قید ہے، سائفر کو عوام میں لہرانا آفیشل سیکریٹ ایکٹ کی خلاف ورزی ہے۔

    مصدق ملک نے کہا کہ آفیشل سیکریٹ ایکٹ کی خلاف ورزی تو ہوئی ہے، سائفر کو جلسوں میں لہرایا گیا، سائفر سے ایک ملک سے تعلقات متاثر ہوئے، سائفر کے گم ہونے پر بھی آفیشل سیکریٹ ایکٹ لگتا ہے۔ ان کا کہنا تھا کہ بہت سے امور پر سفیروں کو ڈیمارش کیا جاتا ہے، خفیہ دستاویز کو پبلک کرنا قانون کی خلاف ورزی ہے، وعدہ معاف گواہ بنانا تفتیشی ٹیم کی صوابدید ہے۔
    مزید یہ بھی پڑھیں؛
    اعظم خان نےعمران خان پرقیامت برپا کردی ،سارے راز اگل دیئے،خان کا بچنا مشکل
    سیما جسم فروش خواتین کی طرح بھارت آئی،تحقیقاتی اداروں کا دعویٰ
    چیف سیکرٹری کا جعلی زرعی ادویات کیخلاف کریک ڈاؤن تیز کرنے کا حکم
    مصدق ملک نے مزید کہا کہ اعظم خان اپنے بیان سے مکر جائیں تو بھی فرق نہیں پڑتا، سائفر خفیہ کوڈ میں وزارت خارجہ آتا ہے، سائفر تک رسائی چند اعلیٰ افسران تک ہوتی ہے۔

  • یونان کشتی حادثہ: ڈی این اے کے بعد میتوں کو پاکستان بھیجا جائے گا

    یونان کشتی حادثہ: ڈی این اے کے بعد میتوں کو پاکستان بھیجا جائے گا

    یونان کے کشتی حادثہ میں جاں بحق ہونے والے افراد کے ڈی این اے کی تصدیق ہونے کے بعد 14 میتوں کو پاکستان بھیجنے کا سلسلہ شروع ہو جائے گا جبکہ کشتی حادثہ میں جاں بحق افراد کی میتیں 19 جولائی سے پاکستان جانا شروع ہوں گی اور 23 جولائی تک 14 میتوں کو پاکستان روانہ کر دیا جائے گا۔

    میتیں بھیجنے کے ترتیب وار سلسلے میں پہلے 4، پھر 4، پھر 2، پھر 2، پھر 2 میتیں روانہ کی جائیں گی، جبکہ 3 باڈیز اسلام آباد اور 11 لاہور جائیں گی۔ ٹوٹل 14 ڈیڈ باڈیز بھیجی جائیں گی، 15 ویں ڈیڈ باڈی کی تاحال ابھی تک روانگی کیلئے کنفرم نہیں ہے۔ تمام میتیں قطر ائیرویز کے ذریعے پاکستان روانہ کی جائیں گی جس کے تمام اخراجات حکومت پاکستان ادا کر رہی ہے۔
    مزید یہ بھی پڑھیں؛
    اعظم خان نےعمران خان پرقیامت برپا کردی ،سارے راز اگل دیئے،خان کا بچنا مشکل
    سیما جسم فروش خواتین کی طرح بھارت آئی،تحقیقاتی اداروں کا دعویٰ
    چیف سیکرٹری کا جعلی زرعی ادویات کیخلاف کریک ڈاؤن تیز کرنے کا حکم
    لاہور ائیرپورٹ اور اسلام آباد ائیرپورٹ سے میتوں کو ان کے لواحقین وصول کریں گے، جنہیں ایمبولینس کے ذریعے ان کے آبائی گاؤں یا شہروں میں بھیجا جائے گا جس کا بندوبست بھی حکومت پاکستان نے کیا ہے۔

  • ایف آئی اے نے عمران خان کو 25 جولائی کو طلب کرلیا

    ایف آئی اے نے عمران خان کو 25 جولائی کو طلب کرلیا

    وفاقی تحقیقاتی ایجنسی نے سائفر کے معاملے پر پاکستان تحریک انصاف کے چیئرمین عمران خان کو 25 جولائی کو طلب کرلیا ہے جبکہ ایف آئی اے نے عمران خان کو نوٹس جاری کردیا ہے اور یہ نوٹس بنی گالہ اور زمان پارک کے پتہ پر جاری کیا گیا ہے تاہم نوٹس کے متن کے مطابق چیئرمین پی ٹی آئی کے خلاف سائفر کو سیاسی مقاصد کیلئے استعمال کرنے پر تحقیقات جاری ہیں اور ایف آئی اے کی جوائنٹ انکوائری ٹیم سائفر معاملے کی تحقیقات کررہی ہے۔


    نوٹس میں مزید کہا گیا ہے کہ جوائنٹ انکوائری ٹیم قومی سلامتی اور ریاستی مفادات خطرے میں ڈالنے کے الزامات کی تحقیقات کررہی ہے۔ چیئرمین پی ٹی آئی کو 25 جولائی دن 12 بجے ایف آئی اے ہیڈ کوارٹرز طلب کیا گیا اور انہیں متعلقہ دستاویزات اور شواہد ساتھ لانے کی ہدایت کی گئی ہے۔
    مزید یہ بھی پڑھیں؛
    اعظم خان نےعمران خان پرقیامت برپا کردی ،سارے راز اگل دیئے،خان کا بچنا مشکل
    سیما جسم فروش خواتین کی طرح بھارت آئی،تحقیقاتی اداروں کا دعویٰ
    چیف سیکرٹری کا جعلی زرعی ادویات کیخلاف کریک ڈاؤن تیز کرنے کا حکم
    تاہم خیال رہے کہ سابق وزیراعظم عمران خان کے سابق پرنسپل سیکرٹری اعظم خان نے سائفر سے متعلق اپنا بیان ریکارڈ کرایا ہے جس میں انہوں نے سائفر کو ایک سوچی سمجھی سازش قرار دیا ہے۔ سابق پرنسپل سیکرٹری اعظم خان نے 164 کے تحت مجسٹریٹ کے سامنے اعترافی بیان ریکارڈ کروا دیا.

    دوسری جانب وفاقی تحقیقاتی ادارے ایف آئی اے کی جوائنٹ انکوائری ٹیم نے پی ٹی آئی رہنما اسد عمر اور شاہ محمود قریشی کو بھی طلب کرلیا ہے جبکہ سائفر پبلک کرنے کے معاملے میں ایف آئی اے نے دونوں پی ٹی آئی رہنماؤں کو 24 جولائی کو طلب بھی کرلیا ہے اور اس سلسلے میں شاہ محمود قریشی اور اسد عمر کو تمام دستاویزات اور شواہد کے ساتھ لانے کی ہدایت بھی کردی گئی ہے۔

    علاوہ ازیں سابق وزیراعظم کے پرنسپل سیکریٹری کا کہنا ہے کہ چئیرمین پی ٹی آئی نے کہا کہ ”سائفر کو غلط رنگ دے کر عوام کا بیانیہ بدل دوں گا“ اور اس مقصد کےلیے سائفر کو ملکی سلامتی اداروں اور امریکہ کی ملی بھگت کا جان بوجھ غلط دیا گیا۔ اعظم خان کے مطابق چئیرمین پی ٹی آئی نے سائفر ڈرامے کے ذریعے عوام میں ملکی سلامتی اداروں کے خلاف نفرت کا بیج بویا۔ چیئرمین پی ٹی آئی نے سائفر میرے سے 9 مارچ کو لے لیا اور بعد میں گھما دیا، منع کرنے کے باوجود ایک سیکرٹ مراسلے کو عوام میں ذاتی مفاد کے لیے لہرایا۔

  • سدھارتھ نے مجھے ذہنی طور پر پر سکون کر دیا ہے کیارا ایڈوانی

    سدھارتھ نے مجھے ذہنی طور پر پر سکون کر دیا ہے کیارا ایڈوانی

    بالی وڈ کی خوبصورت اور باصلاحیت اداکارہ کیارا ایڈوانی جنہوں نے ساتھی اداکار سدھارتھ ملہوترا کے ساتھ شادی کی ہے، رواں برس فروری میں یہ جوڑا شادی کے بندھن میں بندھا، دونوں نے محبت کی شادی کی اور دونوں ہی بہت زیادہ خوش ہیں، کیارا ایڈوانی نے اپنے حالیہ انٹرویو میں‌کہا ہے کہ میرا شوہر سدھارتھ بہت اچھا ہے ، اس نے مجھے جینے کا مطلب سکھایا ہے ، اس نے مجھے بتایا ہے کہ میں بہت باصلاحیت ہوں اور میں بہت زیادہ کام کر سکتی ہوں ، انہوں نے کہا کہ میرے شوہر نے میری صلاحیتوں کو جانچا اور پرکھا ہے وہ کہتے ہیں کہ میں نے جتنا کام کیا ہے اس سے کہیں زیادہ کام کرنے کی صلاحیت رکھتی ہوں.

    کیارا ایڈوانی نے کہا کہ ”میرے شوہر نے مجھے زہنی طور پر پرسکون کر دیا ہے ”اور اب مجھے بھی لگتا ہےکہ مجھ میں بہت زیادہ کام کرنے کی صلاحیت ہے ، میں باصلاحیت ہوں. یاد رہے کہ سدھارتھ ملہوترا اپنی اہلیہ کیار ایڈوانی سے دیوانہ ور محبت کرتے ہیں اور شائقین ان کو ایک ساتھ دیکھ کر خوشی کا اظہار کرتے ہیں. کیارا نوجوانوں کی خاص کر کے بہ ہی پسندید ہیں.

    کس اداکارہ کو اپنی ذات پر اعتماد نہیں ندیم بیگ نے بتا دیا

    سیلابی صورتحال کے باعث جھانوی کپور پریشان

    آغا نے کس بیماری میں مبتلا ہیں اداکار نے بتا دیا

  • وڈیو فیک ہے میرا نیلم منیر سے افئیر نہیں ہے احسن خان

    وڈیو فیک ہے میرا نیلم منیر سے افئیر نہیں ہے احسن خان

    اداکار احسن خان نے کہا ہےکہ میری شادی کو 16 سال کا عرصہ بیت چکا ہے میں اپنی اہلیہ اور بچوں کے ساتھ اپنی ذاتی زندگی میں بہت زیادہ خوش ہوں. میری اہلیہ بہت اچھی ہیں اور میرا بہت خیال رکھتی ہیں، میں نے اپنے کیرئیر میں سکینڈلز سے بچنے کی بہت کوشش کی ہے اور اس میں کافی حد تک کامیابی بھی رہا ہوں. انہوں نے کہا کہ جھوٹے سے سکینڈلز بنتے رہتے ہیں، لیکن میرا کبھی بھی کسی کے ساتھ کوئی افئیر نہیں رہا ہاں میری دوستی سب کے ساتھ ہے لیکن وہ بھی کام کی حد تک .

    اداکار نے کہاکہ ”جو وڈیو میری اور نیلم منیر کی سوشل میڈیا پر گردش کررہی ہے وہ جھوٹی ہے جعلی ہے” ، وہ بنائی گئی ہے لیکن مجھے ایسی وڈیوز سے فرق نہیں‌پڑتا. انہوں نے کہاکہ نیلم منیر کے ساتھ اچھی دوستی ہے ان کے ساتھ میں نے بہت سارا ام کیا ہے وہ بہترین انسان ہیں لیکن میرا اور ان کا افئیر نہیں ہے جنہوں نے ہماری جعلی وڈیو بنائی ہے ان کو شرم آنی چاہیے. میں تو حیران ہوتا ہوں ایسے لوگوں پر جو دوسروں کو ڈیمیج کرنے کےلئے گھٹیا حرکتیں کرتے رہتے ہیں. میری اہلیہ مجھ پہ بہت اعتماد کرتی یں لہذا مجھے ایسی جعلی وڈیوز کی پرواہ نہیں ہے.

    کس اداکارہ کو اپنی ذات پر اعتماد نہیں ندیم بیگ نے بتا دیا

    سیلابی صورتحال کے باعث جھانوی کپور پریشان

    آغا نے کس بیماری میں مبتلا ہیں اداکار نے بتا دیا

  • بچہ پیدا نہیں کروں گی صنم سعید

    بچہ پیدا نہیں کروں گی صنم سعید

    اداکارہ صنم سعید جنہوں نے محب مرزا کے ساتھ شادی کی ہے ، انہوں نے اپنے حالیہ انٹرویو میں کہا ہے کہ میں اب بچہ پیدا نہیں کرنا چاہتی ، بچہ پیدا کرنے کی میری خواہش ہی نہیں رہی ، بلکہ اب میں‌یہ چاہتی ہوں کہ میں کسی بے سہارا بچے کو گود لیکر اسکو پالوں ، انہوں نے کہا کہ بے سہارا بچے کو گود لینا ایک بہت بڑا کام ہے اور میں اب یہ کام کروں‌گی، میں خود سے کسی بچے کو دنیا میں نہیں‌لانے والی. انہوں نے کہا کہ مجھے حیرت ہوتی ہے ان لوگوں پر جو دوسروں کے پیچھے لگے رہتے ہیں اور جاننے کی کوشش کرتے ہیں کہ کون اپنی زندگی میں کیا کررہا ہے.

    انہوں نے کہا کہ جو باتیں آپ کو فائدہ دیتی ہیں انکی معلومات لینا اچھی بات ہے لیکن کسی کی شادی طلاق بچوں کے بارے میں جاننے کی ٹوہ میں رہنا اچھی بات نہیں ہے. یاد رہے کہ صنم سعید اور محب مرزا نے شادی کرکے پہلے اسکو مخفی رکھا اس کے بعد دنیا کو بتایا. جب آمنہ شیخ اور محب مرزا کی شادی ٹوٹی تو صنم سعید کو ہی وجہ بتایا گیا اور بعد ازاں یہ ثابت بھی ہو گیا کیونکہ محب اور صنم نے شادی کر لی.

    کس اداکارہ کو اپنی ذات پر اعتماد نہیں ندیم بیگ نے بتا دیا

    سیلابی صورتحال کے باعث جھانوی کپور پریشان

    آغا نے کس بیماری میں مبتلا ہیں اداکار نے بتا دیا

  • سعودی عرب اور ایران کا اقتصادی تعلقات مضبوط بنانے کاعزم

    سعودی عرب اور ایران کا اقتصادی تعلقات مضبوط بنانے کاعزم

    ایرانی وزیر خارجہ حسین امیر عبداللہیان نے کہا ہے کہ سعودی عرب اور ایران نے بعض امور پر سیاسی اختلافات کے باوجود اقتصادی تعلقات کو مضبوط بنانے پر اتفاق کیا ہے۔ عرب میڈیا کے مطابق ایران کے سرکاری ٹی وی کو دیے گئے ایک انٹرویو میں حسین امیرعبداللہیان نے بتایا:’’میراسعودی ہم منصب شہزادہ فیصل بن فرحان کے ساتھ یہ سمجھوتا ہوا ہے کہ اس مرحلے پر ہمیں بعض امور پرمختلف سیاسی نظریات کے باوجود دونوں ممالک کے درمیان تجارتی، اقتصادی اور سرمایہ کاری کے شعبوں میں تعاون کو مضبوط بنانا چاہیے‘‘۔

    انھوں نے کہا کہ تہران ایک مستحکم اقتصادی تعاون کا خواہاں ہے جو دونوں اطراف میں اقتصادی خوش حالی کا باعث بنے گا۔اس طرح کی مشترکہ کوششوں سے الریاض کے ساتھ مفاہمت کے عمل مستحکم بنانے میں مدد ملے گی۔ سعودی عرب اور ایران نے مارچ میں چین کی ثالثی میں سات سال کے بعد سفارتی تعلقات بحال کرنے کے معاہدے کا اعلان کیا تھا۔اس معاہدے کے تحت الریاض اور تہران نے ایک دوسرے کے شہروں میں سفارت خانے اور قونصل خانے دوبارہ کھولنے اور 20 سال قبل ہونے والے سکیورٹی اور اقتصادی تعاون کے معاہدوں پر عمل درآمد سے اتفاق کیا تھا۔

    حسین امیر عبداللہیان نے بتایا کہ سعودی عرب میں حال ہی میں مقرر کیے گئے ایرانی سفیر آیندہ دنوں میں الریاض میں اپنی ذمے داریاں سنبھال لیں گے۔ایران نے گذشتہ ماہ الریاض میں اپنا سفارت خانہ دوبارہ کھولاتھا۔ تہران میں سعودی سفارت خانے کو دوبارہ کھولنے کا نظام الاوقات ابھی تک نہیں دیا گیا ہے۔ ایرانی وزیرخارجہ نے اس سال حج کے بہ طریق احسن انعقاد پر اطمینان کا اظہار کرتے ہوئے کہا کہ شہزادہ فیصل کے ساتھ براہ راست بات چیت کے ذریعے کسی بھی ’’معمولی مسئلہ‘‘کو فوری طور پر حل کیا گیا ہے۔تاہم انھوں نے ان مسائل کی نوعیت کے بارے میں تفصیل سے نہیں بتایا۔
    مزید یہ بھی پڑھیں؛
    اعظم خان نےعمران خان پرقیامت برپا کردی ،سارے راز اگل دیئے،خان کا بچنا مشکل
    سیما جسم فروش خواتین کی طرح بھارت آئی،تحقیقاتی اداروں کا دعویٰ
    چیف سیکرٹری کا جعلی زرعی ادویات کیخلاف کریک ڈاؤن تیز کرنے کا حکم
    گذشتہ ماہ سعودی وزیرخارجہ شہزادہ فیصل نے تہران کا تاریخی دورہ کیا تھا جہاں انھوں نے ایرانی ہم منصب حسین امیرعبداللہیان اور صدر ابراہیم رئیسی سے ملاقات کی تھی۔ واضح رہے کہ سعودی عرب نے 2016 میں تہران میں اپنے سفارت خانے اور مشہد میں قونصل خانے پر ایرانی حکومت کے حامی مظاہرین کے حملے کے بعد ایران کے ساتھ تعلقات منقطع کر دیے تھے اور سفارتی عملہ کو واپس بلا لیا تھا۔

  • کس اداکارہ کو اپنی ذات پر اعتماد نہیں ندیم بیگ نے بتا دیا

    کس اداکارہ کو اپنی ذات پر اعتماد نہیں ندیم بیگ نے بتا دیا

    معروف ڈائریکٹر ندیم بیگ نے اپنے حالیہ انٹرویو میں کی ہیں باتیں ، اداکارہ سجل علی کے حوالے سے، انہوں نے کہا ہے کہ سجل علی حالانکہ بہترین اداکارہ ہیں لیکن ان کو اپنی ذات پر اپنی ایکٹنگ پر بالکل بھی بھروسہ نہیں ہے ، وہ سہمی اور ڈری رہتی ہیں ان کو لگتا ہے کہ شاید وہ اچھی اداکاری نہیں کررہیں. انہوں نے کہا کہ سجل علی جیسی میں نے ملک میں کم اداکارائیں دیکھی ہیں وہ انتہا کی باصلاحیت ہیں اور وہ اس ملک کے لئے ایک تحفہ ہیں.

    انہوں نے کہا کہ” اداکارہ اپنا کام نہایت محنت سے کرتی ہیں اور کمال اداکاری کرتی ہیں..، اور جب وہ اداکاری کررہی ہوتی ہیں ان کی مکمل توجہ اداکاری پر ہی ہوتی ہے، جو کہ کسی بھی بہترین فنکار کی پہچان ہوتی ہے. انہوں نے کہا کہ سجل علی کی بہت زیادہ تعریف کی جائے یا کہا جائے کہ سجل تو سجل ہے تو ان کو اچھا نہیں لگتا وہ یہ تعریف اور ایسی باتیں سخت ناپسند کرتی ہیں . یاد رہے کہ ندیم بیگ ملک کے نامور ڈائریکٹر ہیں ان کے پراجیکٹ پر بڑے ٹی وی پراجیکٹس کے علاوہ میرے پاس تم ہو اور جوانی پھر نہیں آنی جیسی فلمیں ہیں .

    ثناء لندن سے پاکستان واپس پہنچ گئیں

    آغا نے کس بیماری میں مبتلا ہیں اداکار نے بتا دیا

    آغا نے کس بیماری میں مبتلا ہیں اداکار نے بتا دیا