میزبان اور اداکارہ ندا یاسر نے اپنے حالیہ انٹرویو میں انکشاف کیا ہے کہ جب ان کی ماں کا انتقال ہوا تو وہ اپنی ماں کا بستر اپنے گھر لے آئیں ان کی الماری بھی اپنے گھر میں‌لے آئیں. انہوں نے کہا کہ ماں کا بستر میں نے اپنے بیٹے کے کمرے میں لگا لیا اور جب جب اداس ہوتی ہوں تو میں اپنی ماں کے بستر پر جا کر لیٹ جاتی ہوں، جب بھی بے چین ہوتی ہوں پریشان ہوتی ہوں اور نیند نہیں آتی تو میں اپنی ماں کے بستر میں جا کر لیٹتی ہوں تومیری پریشانی دور ہوجاتی ہے، مجھے سکون کی نیند آتی ہے ایسا لگتا ہے کہ جیسے میں‌اپنی ماں کی گود میں‌آکر بیٹھ گئی ہوں ، میری

ماں کا بستر مجھے بہت سکون دیتا ہے، ایسا سکون تو دنیا کی کسی دوسری چیز میں نہیں ملتا مجھے . وہ جب یہ بتا رہی تھیں تو کافی جذباتی نظر آ رہی تھیں. انہوں نے کہا کہ دنیا کی ساری مائوں کی عظمت کو میں سلام پیش کرنا چاہتی ہوں کیونکہ ماں کا رتبہ ہے جو خدا کے بہت قریب ہے. اپنی مائوں کی قدر کیجیے یہ ایک دفعہ چلی جائیں تو واپس نہیں آتیں.میری ماں جب اس دنیا سے گئیں تو مجھے لگا کہ جیسے میری تو دنیا ہی اندھیری ہو گئی ہے.

اداکارہ و میزبان ندا یاسر نے کہا ہے کہ میرا اور یاسر کا ایک خوبصورت تعلق ہے ، ہم میاں بیوی سے زیادہ دوست ہیں ، ہمارے درمیان تکرار نوک جھوک ہو جاتی ہے جو کہ ایک نارمل بات ہے ، ہر رشتے میں نوک جھوک ہوتی رہنی چاہیے کیونکہ یہ چیز کسی بھی خوبصورت رشتے کی ضمانت ہوتی ہے. انہوں نے ایک سوال کے جواب میں‌کہا کہ ہمارے درمیان اگر نوک جھوک ہوتی ہے تو اس نے کبھی بھی لڑائی کی صورت اخیتار نہیں کی. یاسر نے ہمیشہ میری بہت عزت کی ہے، اور میں نے بھی اسکو عزت دی ہے. یہی چیز ہم نے اپنے بچوں کو بھی سکھائی ہے. ندا نے

کہا کہ جو رشتے زہنی اذیت بن جائیں ، ان سے نکلنا ہی بہتر ہوتا ہے. انہوں نے کہا کہ میں‌اکثر تنقید کی زد میں رہتی ہوں لیکن اس چیز سے کبھی پریشان نہیں‌ہوئی، ٹھیک ہے بات کرتے ہوئے کبھی زبان پھسل جاتی ہے اگر اس پر لوگ ہنستے ہیں انجوائے کرتے ہیں کچھ مذاق بناتے ہیں تو کوئی بات نہیں ، وہ میرے ہی لوگ ہیں مجھ سے پیار کرتے ہیں اور میں بھی ان سے بہت پیار کرتی ہوں. ندا نے کہا کہ مارننگ شو کرکے بہت انجوائے کرتی ہوں اگر یاسر کے ساتھ مجھے کوئی پراجیکٹ آفر ہوا تو ضرور کروں گی.