Tag: now

پشاور کو لاہور بنانے کا کہنے والے نے لاہور کو بھی پشاوربنادیا۔ مریم نواز

ایبٹ آباد میں پارٹی کے کارکنوں سے خطاب کے دوران مریم نواز نے کہا ہے کہ سب گواہ ہیں خیبر پختونخوا میں ہمارے جتنے بڑے جلسے ہوئے اتنے کبھی نہیں ہوئے، اس صوبے کو فنڈز کی نہیں خدمت سے سرشار قیادت کی ضرورت ہے۔ مریم نواز نے کہا کہ آنکھیں ترس گئیں لیکن خیبر پختونخوا میں عمران خان کا کوئی منصوبہ نظرنہیں آیا، پشاور کو لاہور بنانے کا کہنے والے نے لاہور کو بھی پشاوربنادیا۔

عمران خان پر تنقید کرتے ہوئے مریم نواز نے کہا کہ ایک کروڑ نوکریوں کا وعدہ کیا گیا، ایک ہزار نوکریاں ہی دکھادو، 300 ڈیم بنانے والا خیبر پختونخوا کو ڈیم فول بنا کر چلاگیا، خیبرپختونخوا میں10سال احتساب کے ادارے کو تالہ لگارہا اور جیلیں بھرنے کا دعویٰ کرنے والے اپنی جیبیں بھرتے رہے۔ مسلم لیگ (ن) کی رہنما کا کہنا تھا کہ گزشتہ روز شاہ محمود قریشی نے کہا کہ نواز شریف کے ساتھ زیادتی ہوئی، وہ اب یہ بھی بتادیں کہ نواز شریف کو کس نے نکالا؟ نوازشریف کو نکالنے والے گروہ کا سرغنہ عمران خان ہے۔

مریم نواز نے کہا کہ آج عمران خان کو مہنگائی یاد آرہی ہے، وہ آج کس مہنگائی کا رونا رو رہے ہیں ،یہ مہنگائی ان کی وجہ سے ہے عمران خان نے ملک کو آئی ایم ایف کے حوالے کرنے کے بعد معاہدہ پھاڑ دیا اور بنی گالہ کے بنکر میں جاکر بیٹھ گیا، آگ بجھانے والے سے پوچھا جارہا ہے،آگ لگانے والوں سے بھی پوچھا جائے۔ مسلم لیگ (ن) کی رہنما کا کہنا تھا کہ عمران خان نے 4 مہینے سے ٹانگ پر پلاسٹر لگایا ہوا ہے، عدالت بلاتی ہے تو ٹانگ پر پلاسٹر ہے، پنڈی میں جلسہ کرنا ہو تو چلے جاتے ہیں، تمہیں پلاسٹر نہیں، تمہارے کیے گئے جرائم عدالت جانے سے روکتے ہیں۔
مزید یہ بھی بڑھیں؛
ٹوئیٹر بلیو؛ اب ایک ٹوئٹ میں 4 ہزار الفاظ لکھے جا سکیں گے
پی ٹی آئی رہنما عامر ڈوگر کو گرفتار کرلیا گیا
جسم پر ظاہر ہونے والی وہ علامات جو ڈپریشن کا نتیجہ ہوتی ہیں
وزیرخزانہ اسحاق ڈار کی عالمی بینک کے ریجنل ڈائریکٹر سے ملاقات
برطانیہ میں تقریباً 52 ہزار جائیدادیں گمنام سرمایہ کاروں کی ملکیت. رپورٹ
تحریک انصاف کے صوبائی صدر پرویز خٹک کا الیکشن کمیشن کو خط
وفاقی وزارت خزانہ نے الیکشن کمیشن کے خط کا جواب دے دیا.
رہنما ن لیگ کا کہنا تھا کہ عمران خان نے اقتدار سے نکلنے کےبعد کہا کہ سازش ہوئی، یہ سازش امریکا سے ہوتے ہوئے محسن نقوی تک آگئی، عمران خان کہتا ہے کہ ایجنسیاں مارنا چاہتی ہیں، کچھ دن پہلے کہا کہ آصف زرداری نے مروانے کی سازش کی،عمران خان خود کو اتنا اہم کیوں سمجھتے ہیں کہ دنیا ان کو ہی مروانا چاہتی ہے؟

وفاقی وزیر صحت عبدالقادر پٹیل نے کہا ہے کہ ڈالر کا ریٹ بڑھنے سے ادویہ ساز انڈسٹری مسائل کا شکار ہے، ہم نہیں چاہتے دوائوں کی قلت ہو یا جعلی ادویات مارکیٹ میں فروخت ہوں، فارما انڈسٹری کے جائز مطالبات کو تسلیم کریں گے، پی پی ایم اے کی کوئی ڈیڈ لائن نہیں، مسائل کو جلد حل کرلیں گے۔ وفاقی وزیر صحت عبدالقادر پٹیل سے پاکستان فارما سیوٹیکل اینڈ مینوفیکچررز ایسوسی ایشن کے رہنماؤں نے کراچی میں ادویات کی قیمتوں میں اضافے کے معاملے پر ملاقات کی، جس میں پی پی ایم اے کے چیئرمین سید فاروق بخاری، سابق چیئرمین زاہد سعید، توقیر احمد اور آصف آکھائی بھی موجود تھے۔

وفاقی وزیر صحت عبدالقادر پٹیل نے ادویات کی قیمتوں میں اضافے سمیت انڈسٹری کو درپیش دیگر مسائل جلد حل کرنے کی یقین دہانی کرائی۔ ملاقات کے بعد فارما کمپنیوں کے نمائندوں نے میڈیا سے گفتگو کی، اس موقع پر ڈرگ ریگولیٹری اتھارٹی کے سی ای او ڈاکٹر عاصم رؤف اور وفاقی سیکریٹری صحت مشہود مرزا بھی موجود تھے۔ وفاقی وزیر صحت عبدالقادر پٹیل نے سماء سے گفتگو کرتے ہوئے کہا کہ ہم نے پی پی ایم اے کے تحفظات سنے، تفصیلی بات چیت ہوئی ہے، مہنگائی بڑھی ہے، ڈالر کے ریٹ بڑھنے کی وجہ سے انڈسٹری بھی مسائل کا شکار ہے، سب سے زیادہ عوام متاثر ہورہے ہیں۔

ان کا کہنا ہے کہ وزیر خزانہ اسحاق ڈار کی سربراہی میں کمیٹی بنائی گئی تھی جو اسحاق ڈار کی مصروفیات کی وجہ سے غیر فعال تھی، اس کمیٹی کو فعال کریں گے اور اس میں تمام مسائل کو زیر بحث لائیں گے۔ اجلاس میں یہ بھی طے پایا ہے کہ پی پی ایم اے اور وزارت صحت مل کر ایک پریذنٹیشن بنائیں گے اور وزیراعظم کو تحریری طور پر دیں گے۔ عبدالقادر پٹیل نے کہا کہ آج کی میٹنگ مثبت رہی ہے، 15 سے 20 دن میں مذاکرات کا عمل مکمل کرکے مسائل حل کرلیں گے۔ ان کا کہنا تھا کہ ایل سیز نہ کھلنے کی وجہ سے بھی انڈسٹری مسائل کا شکار ہے، سب سے پہلے ادویات کی ایل سیز کھلیں گی، کیونکہ دوا انسانی ضرورت ہے، ادویات کی قیمتوں میں 60 یا 40 فیصد اضافے کی باتیں افواہیں ہیں، کمیونیکیشن گیپ کی وجہ سے ایسا ہوا ہے، جس کا ذخیرہ اندوز فائدہ اٹھا رہے ہیں لیکن اگر ہم پی پی ایم اے کے جائز مطالبات حل کردیں تو ذخیرہ اندوز ناکام ہوجائیں گے۔

وفاقی وزیر صحت نے کہا کہ ماضی میں پیراسیٹامول کی ایک پراڈکٹ کی قیمت 100 اور 150 روپے تک پہنچ گئی تھی، اس کی قیمت میں تھوڑا سا اضافہ کیا تو واپس اپنی پرانی قیمت پر مارکیٹ میں فروخت ہونا شروع ہوگئی تھی۔ پی پی ایم اے کے سابق چیئرمین زاہد سعید کا کہنا تھا کہ یہ فورس میجر ہے یعنی ایسی آفت جس کا کوئی مداوا نہیں، ڈالر کی قیمت ہمارے کنٹرول میں نہیں، بجلی اور گیس کی قیمتیں بڑھ رہی ہیں، اس کا ہرگز یہ مطلب نہیں کہ فیکٹریاں بند ہوجائیں گی، بلکہ دواؤں کی قلت بڑھے گی، آج ایک دوا شارٹ ہے تو کل دوسری دوا کی قلت ہوجائے گی اور یہ بڑھتی چلے جائے گی جس سے سپلائی چین ٹوٹ جائے گی۔
مزید یہ بھی بڑھیں؛
ٹوئیٹر بلیو؛ اب ایک ٹوئٹ میں 4 ہزار الفاظ لکھے جا سکیں گے
پی ٹی آئی رہنما عامر ڈوگر کو گرفتار کرلیا گیا
جسم پر ظاہر ہونے والی وہ علامات جو ڈپریشن کا نتیجہ ہوتی ہیں
وزیرخزانہ اسحاق ڈار کی عالمی بینک کے ریجنل ڈائریکٹر سے ملاقات
برطانیہ میں تقریباً 52 ہزار جائیدادیں گمنام سرمایہ کاروں کی ملکیت. رپورٹ
تحریک انصاف کے صوبائی صدر پرویز خٹک کا الیکشن کمیشن کو خط
وفاقی وزارت خزانہ نے الیکشن کمیشن کے خط کا جواب دے دیا.
انہوں نے کہا کہ سپلائی چین ٹوٹنے سے عام افراد متاثر ہوتے ہیں، اگر مریض کو مطلب کی دوا نہ ملے تو اس کیلئے تکلیف دہ بات ہے، اگر کمپنی کو ایک پراڈکٹ پر لاکھوں کا نقصان ہو تو وہ دوا بند ہوجائے گی، بہت سی بند ہوگئی ہیں، بتدریج دیگر بھی بند ہوتی چلی جائیں گی اور زیادہ تاخیر برداشت نہیں کرسکتے۔

پورٹس پر پھنسے کنٹینرز کے چارجز معاف کرنے پر حکومت کا یوٹرن

وفاقی حکومت بندرگاہوں پر پھنسے ہزاروں کنٹینرز کے پورٹ چارجز فوری معاف کرنے کے اعلان پر یوٹرن لے لیا۔ وفاقی وزیر بحری امور فیصل سبزواری کہتے ہیں کہ معاملہ منظوری کیلئے اقتصادی رابطہ کمیٹی کو بھیج دیا ہے۔ پاکستانی بندرگاہوں پر پھنسے ہزاروں کنٹینرز پر تاجروں کو پُرہجوم پریس کانفرنس میں پورٹ چارجز فوری معاف کرنے کی خوشخبری سنانے والے وفاقی وزیر بحری امور نے آج اپنا مؤقف ہی تبدیل کرلیا۔

وفاقی وزیر بحری امور فیصل سبزواری کہتے ہیں معاملہ اقتصادی رابطہ کمیٹی کو منظوری کیلئے بھیج دیا ہے، شپنگ لائنز اور ٹرمینلز آپریٹرز ڈیٹینشن چارجز کی معافی کا فیصلہ خود کریں گے۔ وفاقی حکومت نے ڈالرز کی قیمت میں تیزی سے اضافے کے باعث پورٹ پر پھنسے مختلف اشیاء کے کنٹینرز پر پورٹ چارجز معاف کرنے کا اعلان کیا تھا۔

مزید یہ بھی بڑھیں؛
ٹوئیٹر بلیو؛ اب ایک ٹوئٹ میں 4 ہزار الفاظ لکھے جا سکیں گے
پی ٹی آئی رہنما عامر ڈوگر کو گرفتار کرلیا گیا
جسم پر ظاہر ہونے والی وہ علامات جو ڈپریشن کا نتیجہ ہوتی ہیں
وزیرخزانہ اسحاق ڈار کی عالمی بینک کے ریجنل ڈائریکٹر سے ملاقات
برطانیہ میں تقریباً 52 ہزار جائیدادیں گمنام سرمایہ کاروں کی ملکیت. رپورٹ
تحریک انصاف کے صوبائی صدر پرویز خٹک کا الیکشن کمیشن کو خط
وفاقی وزارت خزانہ نے الیکشن کمیشن کے خط کا جواب دے دیا.

واضح رہے کہ وفاقی وزیر بحری امور سینیٹر فیصل سبزواری نے کہا تھا کہ کراچی پورٹ ٹرسٹ اور پورٹ قاسم پر درآمد کنندگان کے پھنسے ہوئے ہزاروں کنٹینرز کے چارجز معاف کردیے ہیں۔ کراچی میں تاجر برادری کے ہمراہ پریس کانفرنس کرتے ہوئے فیصل سبزواری کا کہنا تھا کہ ہمیں اندازہ ہے کہ شپنگ لائنز کے ہزاروں کنٹینرز پورٹس پر پھنسے ہوئے ہیں، ہم معاملے پر کئی روز سے اسٹیک ہولڈز سے مشاورت کر رہے تھے اور فیصلہ کیا ہے کہ کراچی پورٹ ٹرسٹ اور پورٹ قاسم پر پھنسے کنٹینرز سے کسی قسم کے چارجز وصول نہیں کیے جائیں گے۔