Tag: Pakistan news

عمران خان کی ممکنہ عدالت پیشی کے حوالے سے کوئی اطلاع نہیں. اسلام آباد پولیس

ترجمان اسلام آباد پولیس کے عمران خان کی پیشی کے سلسلہ میں آئی جی اسلام آباد کی زیر صدارت اہم اجلاس ہوا جس میں سینئیر افسران بشمول ڈی آئی جی آپریشنز اور ایس ایس پی آپریشنز نے زخمی ہونے کے باوجود شرکت کی اور سیکیورٹی انتظامات کی فیلڈ نگرانی ایس ایس پی یاسر آفریدی کریں گے علاوہ ازیں پی ٹی آئی کے جانب سے رابطہ کاری عامر کیانی کے سپرد کی گئی ہے۔ جبکہ ملک جمیل ظفر پولیس اور پی ٹی آئی کے درمیان عامر کیانی کے توسط سے رابطہ کاری کے فرائض سر انجام دیں گے۔

ترجمان کے مطابق مرکزی کنٹرول روم سیف سٹی ہیڈ کوارٹر میں قائم کردیا گیا ہے ۔ اور عامر کیانی کی طرف سے تعاون کی یقین دہانی کروائی گئی جبکہ اسلام آباد میں دفعہ 144 نافذ العمل ہے ۔خلاف ورزی کرنے والوں کے خلاف گرفتاریاں عمل میں لائی جائیں گی۔ عدالتی احکامات کی روشنی میں صرف متعلقہ افراد کو عدالتی احاطے میں داخلے کی اجازت ہوگی۔

اس سے قبل ترجمان اسلام آباد کیپٹل پولیس کا کہنا ہے کہ کل عمران خان کی ممکنہ عدالت پیشی کے حوالے سے کوئی اطلاع نہیں ہے۔ جبکہ اسلام آباد پولیس عدالتی احکامات کی روشنی میں ہی سیکیورٹی انتظامات کر ے گی اور عدالتی احکامات کے مطابق عدالت کے احاطے میں صرف متعلقہ اشخاص کو داخلے کی اجازت دی جائے ہے۔

ترجمان پولیس کا کہنا ہے کہ اگر ماضی کے طرز عمل کو اپنایا گیا تو اسلام آباد پولیس بلا تفریق تمام قانونی طریقے بروئے کار لائے گی۔ جبکہ قانون کی مکمل عملداری برابری کی سطح پر عمل میں لائی جائے گی۔ دوسری جانب تحریک انصاف کے چیئرمین و سابق وزیراعظم عمران خان جوڈیشل کمپلیکس میں توڑپھوڑ کے مقدمات میں عبوری ضمانتوں کیلئے کل (پیر کو) اسلام آباد ہائیکورٹ میں پیش ہوں گے ۔

جبکہ چیئرمین پی ٹی آئی عمران خان پانچ مقدمات میں عبوری ضمانت حاصل کرنےکیلئےاسلام آباد ہائیکورٹ سے رجوع کریں گے ۔ اور عمران خان کے ہمراہ دو سینئر وکلاء نعیم پنجوتھہ اورسلمان صفدر بھی ہوں گے ۔ یاد رہے چیئرمین تحریک انصاف پرتھانہ سی ٹی ڈی، گولڑہ اوررمنا میں مقدمات درج ہیں. عمران خان اپنی درخواستوں میں سیکیورٹی خدشات کی بنیاد پر ضمانتیں منظور کرنے کی استدعا کریں گے، درخواستوں میں کچہری اورجوڈیشل کمپلیکس میں سیکیورٹی خدشات کا حوالہ بھی دیا جائے گا ۔
مزید یہ بھی پڑھیں؛
انتخابی تیاریاں،پی ٹی آئی کا پارٹی الیکشن سیل قائم کرنے کا اعلان
بی بی سی نے 82 سال مسلسل نشریات کے بعد فارسی ریڈیو بند کردیا
40 نوری سال کے فاصلے پر15کروڑ سال قبل وجود میں آنیوالا نیا سیارہ دریافت
کوئٹہ کی مقامی عدالت نے حسان نیازی کو پنجاب پولیس کےحوالےکردیا
بریانی اے ٹی ایم مشین، جہاں گرما گرم بریانی آرڈر کرسکتے ہیں
واضح رہے کہ 2 روزقبل لاہورہائیکورٹ نے چیئرمین پی ٹی آئی عمران خان کی اسلام آباد کے5 مقدمات میں عبوری ضمانت میں 27 مارچ تک توسیع کرتے ہوئے انہیں متعلقہ عدالت میں پیش ہونے کی ہدایت کی تھی۔ عدالت نے ریمارکس دیئے تھے کہ ہم آپ کو پھروارننگ دے رہے ہیں کہ کوئی غلط بیانی ہوئی تو اس کے بہت سنجیدہ نتائج ہوں گے ،آپ کے خلاف توہین عدالت کی کارروائی بھی شروع ہوسکتی ہے۔

آصف زرداری کی طبیعت اب بہتر ہے. پی پی ذرائع

سابق صدر آصف زرداری کی طبیعت میں بہتری آنے لگی ہے جبکہ ذرائع کے مطابق آصف زرداری کی چند روز قبل دبئی میں سرجری کی گئی، سابق صدر کے معالج ڈاکٹر عاصم حسین بھی ان کے ساتھ ہیں۔ علاوہ ازیں صحافی کامران رضی کے مطابق ذرائع نے بتایا کہ آصف زرداری نے سرجری کی وجہ سے کچھ دن دبئی کے اسپتال میں گزارے اور اب ان کی طبیعت پہلے سے بہتر ہے۔

الحمد اللہ
پاکستان پیپلز پارٹی کے شریک چیئرمین آصف علی زرداری دبئی میں ہسپتال سے گھر منتقل ہوگئے۔
باخبر ذرائع کے مطابق آصف زرداری طبیعت خراب ہونے کے باعث دو روز سے ہسپتال میں زیرعلاج تھے۔
پیپلزپارٹی کے چیئرمین اور وزیر خارجہ بلاول بھٹو زرداری نے دبئی میں آصف زرداری کی عیادت کی۔ pic.twitter.com/QaAgEOPYBt

— shakeel Sheikh Journalist🇵🇰🌎 (@shakeelaflaak) March 26, 2023

جبکہ پاکستان پیپلز پارٹی کے شریک چیئرمین آصف علی زرداری دبئی میں ہسپتال سے گھر منتقل ہوگئے ہیں تاہم خیال رہے کہ آصف زرداری طبیعت خراب ہونے کے باعث دو روز سے ہسپتال میں زیرعلاج تھے۔ جبکہ پیپلزپارٹی کے چیئرمین اور وزیر خارجہ بلاول بھٹو زرداری نے دبئی میں آصف زرداری کی عیادت کی اور بلاول بھٹو اتوار کی شام کراچی سے دبئی روانہ ہوئے تھے۔

مزید یہ بھی پڑھیں؛
انتخابی تیاریاں،پی ٹی آئی کا پارٹی الیکشن سیل قائم کرنے کا اعلان
بی بی سی نے 82 سال مسلسل نشریات کے بعد فارسی ریڈیو بند کردیا
40 نوری سال کے فاصلے پر15کروڑ سال قبل وجود میں آنیوالا نیا سیارہ دریافت
کوئٹہ کی مقامی عدالت نے حسان نیازی کو پنجاب پولیس کےحوالےکردیا
بریانی اے ٹی ایم مشین، جہاں گرما گرم بریانی آرڈر کرسکتے ہیں

تاہم دوسری جانب سوشل میڈیا پر پیپلزپارٹی کارکنان نے پی پی کے شریک چیئرمین آصف علی زرداری کیلئے دعا کررہے ہیں اور ان کی صحت کے بارے میں فکر مند بھی ہیں. تاہم اس حوالے پیپلزپارٹی رہنماؤں کارکنان کو تسلی دی ہے کہ اب آصف زرداری کی طبیعت بہتر ہے لہذا ان کیلئے فکر مند ہونے کی ضرورت ہے.

فیڈرل بورڈ آف ریونیو (ایف بی آر) ان لینڈ ریونیو ملازم نے وزیراعظم شہباز شریف کو خط لکھ کر کرپشن کرنےکی اجازت مانگ لی ہے جبکہ ملازم نے خط کے متن میں کہا ہے کہ مہنگائی کے باعث گھریلو اخراجات تنخواہ سے پورے نہیں ہو رہے، گھریلو اخراجات ایک لاکھ 10 ہزار 500 روپے تک اور تنخواہ کم ہے، تنخواہ نہیں بڑھائی توکرپشن کرنےکی اجازت دی جائے۔

1 لاکھ 23 ہزار روپے ماہانہ میں گزر بسر ممکن نہیں، کرپشن کرنے کی اجازت دی جائے، ایف بی ار کے افسر کا وزیراعظم کو خط pic.twitter.com/BtSPGvhKuI

— Aqeel Ahmed (@aqeelehmedd) March 25, 2023

واضح رہے کہ ملازم نے وزیراعظم کو خط لکھا کہ مہنگائی اوراخراجات بڑھنے کے باعث مستقبل کیلئے کوئی جمع پونجی نہیں، نیب، ایف آئی اے، پی ایم آفس اور دیگر اداروں کے ملازمین کی تنخواہ زیادہ ہے۔ ملازم کا کہنا تھاکہ کم تنخواہ اور مہنگائی کے باعث گھریلو اخراجات پورےکرنا ممکن نہیں رہا۔
مزید یہ بھی پڑھیں؛
انتخابی تیاریاں،پی ٹی آئی کا پارٹی الیکشن سیل قائم کرنے کا اعلان
بی بی سی نے 82 سال مسلسل نشریات کے بعد فارسی ریڈیو بند کردیا
40 نوری سال کے فاصلے پر15کروڑ سال قبل وجود میں آنیوالا نیا سیارہ دریافت
کوئٹہ کی مقامی عدالت نے حسان نیازی کو پنجاب پولیس کےحوالےکردیا
بریانی اے ٹی ایم مشین، جہاں گرما گرم بریانی آرڈر کرسکتے ہیں
ملازم نے مطالبہ کیا کہ ایف بی آر ان لینڈ ریونیو ملازمین کیلئے ایگزیکٹو الاؤنس فراہم کیا جائے۔ خیال رہے کہ ملک میں مہنگائی کی شرح میں ہوشربا اضافے کا سلسلہ جاری ہے اور ایک ہفتے میں مہنگائی کی شرح میں 1.80 فیصد کا بڑا اضافہ ریکارڈ کیا گیا جس کے بعد ملک میں مہنگائی کی مجموعی شرح 46.65 فیصد ہو گئی۔

مسلم لیگ (نواز) کے رہنما اور مریم و نواز شریف کے ترجمان محمد زبیر کا کہنا ہے کہ عمران خان نے جو پلان دیا وہ کوئی معاشی پلان نہیں تھا جبکہ انہوں نے ایسے ہی کچھ چیزیں بتائی تھیں اور کل رات جو انہوں نے باتیں کیں ان میں سے کوئی بھی پاکستان کا حل نہیں ہے۔

محمد زبیر کا مزید کہنا تھا کہ موجودہ حکومت پر عمران خان کی تنقید اس حد تک جائز ہے کہ آج کل حالات صحیح نہیں ہے، اس کو جھٹلایا بھی نہیں جاسکتا ، کس طرح انکار کریں گے مہنگائی اتنی ہے۔ آج میں آپ کے سامنے بیٹھ کر انکار کردوں تو لوگ کہیں گے اس کو کچھ پتا ہی نہیں ہے کہ عوام کا کتنا برا حال ہے۔ عوام کا کافی برا حال ہے اور ہمیں اس کا ادراک بھی ہے۔
مزید یہ بھی پڑھیں؛
انتخابی تیاریاں،پی ٹی آئی کا پارٹی الیکشن سیل قائم کرنے کا اعلان
بی بی سی نے 82 سال مسلسل نشریات کے بعد فارسی ریڈیو بند کردیا
40 نوری سال کے فاصلے پر15کروڑ سال قبل وجود میں آنیوالا نیا سیارہ دریافت
کوئٹہ کی مقامی عدالت نے حسان نیازی کو پنجاب پولیس کےحوالےکردیا
بریانی اے ٹی ایم مشین، جہاں گرما گرم بریانی آرڈر کرسکتے ہیں
ان کا کہنا تھا کہ اس کی بہت سی وجوہات ہیں، ایک تو اس کا تسلسل ہوتا ہے۔ جہاں سے عمران خان نے چھوڑا اسے مکمل طور پر ریورس کرنا کسی کیلئے ممکن نہیں ہے۔ جبکہ ان کا نواز شریف بارے کہنا تھا کہ نواز شریف کا اس سارے معاملے پر نکتہ نظر صاف ہے، وہ پہلے نہیں چاہتے تھے کہ حکومت چلتی رہے، عدم اعتماد کے ووٹ کے بعد وہ اسمبلیاں تحلیل کرنے پر زور دیتے رہے۔

زبیر عمر کے مطابق جنرل باجوہ کے انٹرویو میں موجود یہ بات بالکل صحیح ہے کہ مئی کے مہینے میں اسمبلیاں تحلیل کرنے جارہے تھے یہ بالکل طے ہوگیا تھا، لیکن عمران خان نے لانگ مارچ کا اعلان کردیا، عمران خان کو منع کیا تھا کہ لانگ مارچ کا اعلان نہ کریں، اب اگر لانگ مارچ کے اعلان کے بعد اسمبلی تحلیل کرتے تو تاثر جاتا کہ دباؤ میں آگئے، لانگ مارچ سے اتنی جلدی ڈر گئے۔

مریم نواز بارے سوال ر ان کا کہنا تھا کہ اگلا ہفتہ بہت اہم ہے کیونکہ پی ٹی آئی سپریم کورٹ میں گئی ہے اور سپریم کورٹ اگر الیکشن کمیشن کو ہدایت کرتی ہے کہ 30 اپریل کو ہی الیکشن کرائیں، یا دوسرا فیصلہ کرتی ہے کہ الیکشن کمیشن حق بجانب ہے الیکشن ملتوی کرنے میں، تو اس سے سیاست ابھر کر سامنے آئے گی، اس وقت تک ہمیں انتظار کرنا چاہئیے۔ جیسا فیصلہ سپریم کورٹ کرے گی، مریم نواز اس کے بعد ہی سیاسی ایجنڈا بتائیں گی۔

اسپیکر قومی اسمبلی راجہ پرویز اشرف نے کہا ہے کہ پاکستان سویٹ ہوم مستحق بچوں کو بہترین معیاری تعلیم اور دیگر سہولیات فراہم کر رہاہے اس پر زمرد خان اور ان کی ٹیم مبارکباد کی مستحق ہے ، پاکستان سویٹ ہوم کے ساتھ مکمل تعاون جاری رکھیں گے ۔ زمرد خان نے وہ کام کر دکھایا جو کئی ادارے بھی نہیں کرسکے، زمرد خان نے بہت بڑا ٹاسک اختیار کیا ہوا ہے اور وہ بڑے عظیم جذبے سے بے سہارا بچوں کا سہارا بنے ہوئے ہیں۔

اس موقع پر مسلم لیگ ن کے سابق رکن قومی اسمبلی انجم عقیل خان، زمرد خان اور دیگر نے بھی خطاب کیا۔سپیکر قومی اسمبلی نے اپنے خطاب میں کہا کہ میں نے زمرد خان کو کئی بار کہا کہ وہ سیاست سے کنارہ کشی اختیار نہ کریں لیکن زمردخان کا موقف ہے کہ انہیں اس کام سے ذہنی سکون حاصل ہوتا ہے۔ اسی مشنری جذبہ نے زمرد خان سے وہ کام کروایا جو کوئی اور نہیں کرسکا۔سپیکر نے کہا کہ اس کام کے لئے اللہ پاک نے زمرد خان کا انتخاب کیا۔انہوں نے کہا کہ زمرد خان کی سویٹ ہومز کے حوالے سے کاوش دیکھ کر لگتا ہے کہ اگر انسان عزم کرے تو وہ ایک نئی دنیا بسا سکتا ہے۔
مزید یہ بھی پڑھیں؛
انتخابی تیاریاں،پی ٹی آئی کا پارٹی الیکشن سیل قائم کرنے کا اعلان
بی بی سی نے 82 سال مسلسل نشریات کے بعد فارسی ریڈیو بند کردیا
40 نوری سال کے فاصلے پر15کروڑ سال قبل وجود میں آنیوالا نیا سیارہ دریافت
کوئٹہ کی مقامی عدالت نے حسان نیازی کو پنجاب پولیس کےحوالےکردیا
بریانی اے ٹی ایم مشین، جہاں گرما گرم بریانی آرڈر کرسکتے ہیں
انہوں نے کہا کہ ہم خوش قسمت ہیں کہ زمرد خان جیسے لوگ یہاں پاکستان میں ہیں جو ہمارے بچوں کی تربیت کررہے ہیں۔یہ جذبہ ہم سب کے لئے قابل تقلید ہے۔انہوں نے کہا کہ مجھے شاید وزارت عظمی کا منصب انہی بچوں کی وجہ سے ملا۔مجھے جتنی خوشی یہاں آکر ہوتی ہے وہ بیان سے باہر ہے۔انجم عقیل خان نے خطاب کرتے ہوئے سویٹ ہومز کے لئے 10 لاکھ روپے کا اعلان کیا۔زمرد خان نے تمام مہمانوں اور ڈونرز کا شکریہ ادا کیا۔