فیصل آباد(عثمان صادق) ضلع بھر میں چینی کی ذخیرہ اندوزوں کیخلاف مختلف علاقوں میں کارروائیاں کی گئیں۔ اسسٹنٹ کمشنر جڑانوالہ محمد زبیر نے ذخیرہ اندوزوں کے خلاف بڑی کارروائیاں کرکے32ہزار کلو گھی،3سو بوری چینی قبضہ میں لیکر گودامز سیل اور دکانداروں کے خلاف مقدمات درج کرادیئے۔اسسٹنٹ کمشنر نے ملک ظفر 240موڑ کے گودام پر چھاپہ مار کر وہاں سے 32ہزار کلو گھی،3سو بوری چینی برآمد کرلی جبکہ شیخ اشرف کو سرکاری نرخوں سے زائد ریٹ پر چینی فروخت کرنے اورشیخ یعقوب غلہ منڈی کے خلاف مقدمات کا اندراج کیا گیا۔ اسسٹنٹ کمشنر نے کہا کہ عوام الناس کو زائد نرخوں پر اشیائےخورونوش کی فراہمی کسی صورت قبول نہیں اور ذخیرہ اندوزوں سے کوئی رعایت نہیں ہوگی۔ ضلع کے پرائس کنٹرول مجسٹریٹس نے گزشتہ روز مہنگے داموں چینی فروخت کرنے پرمزید 9 دکانیں سیل، 7دکانداروں کے خلاف مقدمات درج اورموقع سے 4۔افراد کو گرفتار کرادیا۔پرائس کنٹرول مجسٹریٹس مارکیٹوں وبازاروں میں سارا دن سرگرم رہے اورچینی مہنگے داموں فروخت کرنے والے گرانفروشوں کے خلاف کارروائی کی۔علاوہ ازیں 1876۔انسپکشنز کرکے پھل،سبزیاں،گوشت اورکریانہ کی اشیاء مہنگے داموں فروخت کرنے والے111 ناجائزمنافع خوروں کو پونے تین لاکھ روپے جرمانہ بھی کیا۔
Tag: pakistan
کرونا کے بعد عالمی سطح پر روبوٹک اور مصنوعی ذہانت کا نیاد ور شروع ہو رہا ہے۔ انجینئر احمد حسن
فیصل آباد (عثمان صادق) کرونا کے بعد عالمی سطح پر روبوٹک اور مصنوعی ذہانت کا نیاد ور شروع ہو رہا ہے۔ اس طرح جہاں بڑے پیمانے پر موجودہ ملازمتوں میں کمی ہو گی وہاں ان سے کئی گنا زیادہ نئی نوکریاں پیدا ہوں گی مگر اِس سے فائدہ اٹھانے کیلئے بروقت تیاری کی ضرورت ہے۔ یہ بات سی پیک اور ریسرچ اینڈ ڈویلپمنٹ بارے فیصل آباد چیمبر آف کامرس اینڈانڈسٹری کی قائمہ کمیٹی کے چیئرمین انجینئر احمد حسن نے پہلے اجلاس سے خطاب کرتے ہوئے کہی۔انہوں نے کہا کہ سی پیک کے تناظر میں فیصل آباد کی جامع ترقی کیلئے نئی ہائی ٹیک صنعتوں کے قیام کے علاوہ موجودہ صنعتوں میں بھی جدید ٹیکنالوجی کو متعارف کرانے کیلئے انڈسٹری اکیڈیمیا رابطوں میں اضافے کے ساتھ ساتھ ان کے عملی اطلاق کیلئے حکومت کو بیک وقت مالی اور ترغیبی اقدامات اٹھانے ہوں گے۔ میٹنگ کے ایجنڈے کے بارے میں انہوں نے بتایا کہ آر اینڈ ڈی کی ویژن، مشن اور اہداف کا تعین، آر اینڈ ڈی ونگ کے ماڈل اور فریم ورک کی تیاری، انڈسٹری اکیڈیمیا روابط، انڈسٹری اکیڈیمیا روابط کے فوائد کو متعلقہ شعبوں تک پہنچانااور اس مقصد کیلئے یوٹیوب اور سوشل میڈیا کے استعمال، پراجیکٹ فوکس ایریاز کی نشاندہی اور اُن کے قومی معیشت اور عوام پر اثرات اور کیپسٹی بلڈنگ کے مقامی صنعتوں کیلئے فوائد کا تعین کرنا شامل ہیں۔ انہوں نے کہا کہ اس ایجنڈے کو فیصل آباد چیمبر آف کامرس اینڈانڈسٹری کے صدر عاطف منیر شیخ سے بھی شیئر کیا جائے گا تاکہ اس میں اُن کے روڈ میپ اور تجاویز کو بھی شامل کیا جا سکے۔ انہوں نے ایجنڈے کے بارے میں بتایا کہ اس کا بنیادی مقصد مائیکرو فنانشل استحکام، ٹیکس، گورننس، تنوع اور ویلیو ایڈیشن، توانائی، زراعت اور لائیو سٹاک، افرادی قوت، انٹر پرینورشپ اور کاروباری آسانیاں، ماحولیات کا تحفظ اور ماحولیاتی تبدیلیوں کو روکنا اور مجموعی قومی معیشت کو بہتربنانا ہے۔ وائس چیئرمین ڈاکٹر خرم طارق نے کہا کہ اس بھاری بھر کم ایجنڈ ے کی بجائے کم سے کم ایجنڈے پرکام کیا جائے تاکہ ایک مقصد کو حاصل کرنے کے بعد بتدریج دوسرے اہداف پر کام شروع کیا جا سکے۔ ڈاکٹر عارف نے کہا کہ کمیٹی کو بیک وقت مقامی اور قومی سطح کے مسائل پر توجہ دینی چاہیے اور اس سلسلہ میں انہوں نے توانائی، توانائی کے متبادل ذرائع، واٹر ٹریٹمنٹ، انڈسٹری اکیڈیمیا روابط، ملازمین کی تربیت، ریگولیٹری اداروں سے روابط اور ان کی تجاویز سے پالیسیوں کی تشکیل میں بہتری لانے پر توجہ دینا ہو گی۔ محمد امجد خواجہ نے فیصل آباد چیمبر کے ایگزیکٹو ممبران کی صلاحیتوں میں اضافہ پر بھی زور دیا اور کہا کہ اس مقصد کیلئے خصوصی پروگرام تشکیل دیئے جائیں۔ اس سلسلہ میں ایک کمیٹی بھی قائم کی گئی جو ڈاکٹر عارف اور ڈاکٹر حبیب اسلم گابا کی نگرانی میں آئندہ لائحہ عمل تشکیل دے گی۔ ماحولیاتی تبدیلیوں کے حوالے سے انہوں نے کہا کہ امریکہ کے صدر جوبائیڈن نے ماحول کے تحفظ کیلئے 1.3ٹریلین ڈالر کا بجٹ منظور کیا ہے جس سے پاکستان بھی فائدہ اٹھا سکتا ہے۔ انہوں نے گرین انقلاب اور قابل تجدید توانائی کے فروغ کیلئے بھی اقدامات پر زور دیا۔ چیئرمین کہا کہ پاکستان بنیادی طور پر زرعی ملک ہے جسے اپنی زرعی پیداوار بڑھانے کے ساتھ ساتھ اس شعبہ میں ویلیو ایڈیشن پر بھی کام کرنا چاہیے تاکہ دیہی غربت کے خاتمے کے ساتھ ساتھ قومی معیشت کو بھی مستحکم بنیادوں پر استوار کیا جا سکے۔ انہوں نے بتایا کہ اس سلسلہ میں زرعی سکالر اظہر رسول آئندہ اجلاس میں فیصل آباد کے پوٹینشل کے بارے میں آگاہ کریں گے۔ انہوں نے چوتھے صنعتی انقلاب کیلئے فیصل آباد چیمبر اور صنعتکاروں کی آگاہی کیلئے جامع پروگرام ترتیب دینے کی اہمیت بھی واضح کی۔
بہترین پاک نائیجیریا تعلقات کے پیش نظر دو طرفہ تجارت کو1 بلین ڈالر تک بڑھانے کی ضرورت ہے.محمد بیلو ابیوئے
فیصل آباد (عثمان صادق) بہترین پاک نائیجیریا سفارتی تعلقات کے پیش نظر دو طرفہ تجارت کو کم از کم 1بلین ڈالر تک بڑھانے کی ضرورت ہے اور اس سلسلہ میں دونوں ملکوں کے نجی شعبوں کو انتہائی متحرک کردار ادا کرنا ہو گا۔ یہ بات پاکستان میں تعینات نائیجیریا کے ہائی کمشنر محمدبیلو ابیوئے نے آج فیصل آباد چیمبر آف کامرس اینڈانڈسٹری میں ایک تقریب سے خطاب کرتے ہوئے کہی۔انہوں نے کہا کہ پاکستان اور نائیجیریا کے درمیان انتہائی مضبوط اور مستحکم تعلقات ہیں مگر اس تناسب سے معاشی معاملات کو آگے نہیں بڑھایا جا سکا۔ انہوں نے کہا کہ اب ہمیں معاشی تعلقات کے فروغ پر خصوصی توجہ دیناہو گی اور اس سلسلہ میں دونوں ملکوں کے نجی شعبوں کو کلیدی کردار ادا کرنا ہوگا۔ انہوں نے کہا کہ فیصل آباد کی ٹیکسٹائل کی صنعت نے زبردست ترقی کی ہے جبکہ پاکستان سے نائیجیریا کو ٹیکسٹائل اور آئی ٹی کی برآمدات بڑھانے کے وسیع امکانات موجود ہیں۔ انہوں نے فیصل آباد چیمبر کے وفد کے آئندہ ماہ لاگوس میں ہونے والی نمائش میں حصہ لینے کاخیر مقدم کیا اور کہا کہ اس میں شرکت کرنے والوں کو ہر قسم کی سیکورٹی مہیا کی جائے گی۔ آئی ٹی کے بارے میں ایک سوال کے جواب میں نائیجیریا کے ہائی کمشنر نے کہا کہ آپ اس بارے میں پلان تیار کر کے اُن سے شیئر کریں تاکہ اس سلسلہ میں باہمی تعاون کو فروغ دینے کیلئے عملی اقدامات شروع کئے جاسکیں۔ انہوں نے نائیجیریا کے قابل اعتبار اجناس برآمد کرنے والوں کی فہرست مہیا کرنے کا بھی یقین دلایاتاکہ پاکستانی درآمد کنندگان یہ اجناس نائیجریا سے درآمد کر سکیں۔ انہوں نے کہا کہ کراچی، لاہور کے علاوہ فیصل آباد میں بھی نائیجیریا کا اعزازی قونصل جنرل مقرر کرنے کی تجاویز آئی ہیں۔ انہوں نے کہا کہ پاکستانی تاجر اس سلسلہ میں اپنی حکومت پر دباؤ ڈالیں تاکہ وہ اس سلسلہ میں اپنی حکومت کے سامنے یہ تجویز پیش کر سکیں۔ انہوں نے فوڈ فلیور نائیجیریا برآمد کرنے کے بارے میں بھی متعلقہ افراد سے رابطوں کا یقین دلایا۔ اس سے قبل فیصل آباد چیمبر آف کامرس اینڈانڈسٹری کے سینئر نائب صدر عمران محمود شیخ نے نائیجیریا کے ہائی کمشنر محمدبیلو ابیوئے کا خیر مقدم کرتے ہوئے فیصل آباد او رفیصل آباد چیمبر آف کامرس اینڈانڈسٹری کا تعارف کرایا اور بتایا کہ اگرچہ ٹیکسٹائل اس شہر کی شناخت ہے مگر یہاں کیمیکلز، فارما سوٹیکل، بیوریج، سوپ اور خوردنی تیل سمیت دیگر کئی شعبے بھی تیزی سے ترقی کر رہے ہیں۔ انہوں نے کہا کہ اگرچہ پاکستان اور نائیجیریا میں بہترین تعلقات ہیں لیکن اِس کے تناسب سے ہماری دو طرفہ تجارت کا حجم بہت کم ہے۔ انہوں نے کرونا کا ذکر کرتے ہوئے بتایا کہ اس کی وجہ سے جب عالمی معیشت سکڑ رہی تھی پاکستان میں سمارٹ لاک ڈاؤن کی پالیسی سے نہ صرف صنعتی، تجارتی اور برآمدی سرگرمیاں جاری رہیں بلکہ بے روزگاری کے مسئلہ پر بھی بخوبی قابو پایا گیا۔ نئے عالمی رجحانات کے مطابق افریقہ کی اہمیت کا ذکر کرتے ہوئے انہوں نے کہا کہ پاکستان افریقی ملکوں سے تجارتی تعلقات بڑھانے پر خصوصی توجہ دے رہے ہیں جبکہ اس سلسلہ میں نائیجیریا کے ذریعے دوسرے افریقی ممالک تک بھی رسائی حاصل کی جا سکتی ہے۔ درآمدی اور برآمدی اعداد وشمار کے حوالے سے انہوں نے بتایا کہ تجارتی توازن نائیجیریا کے حق میں ہے جبکہ فیصل آباد نائیجیریا کی کپڑے کی ضروریات کو بآسانی پورا کر سکتا ہے۔انہوں نے کرونا کی وجہ سے دونوں ملکوں کے تاجروں کے درمیان زوم میٹنگز، تجارتی اطلاعات کے تبادلے، کیٹلاگ کی نمائش، دونوں ملکوں میں تجارتی معاہدے، سنگل کنٹری ایگزی بیشنز اور دونوں ملکوں کے چیمبرز کے درمیان مفاہمتی یادداشتوں پر دستخطوں پر بھی زور دیا۔ سوال و جواب کی نشست بھی ہوئی جس میں محمد اظہر چوہدری، انجینئر احمد حسن، انجینئر عاصم منیر، محمد فاضل، خرم، محمد طاہر یعقوب اور دیگر ممبران نے حصہ لیا۔ آخر میں نائب صدر رانا فیاض احمد نے مہمانوں کا شکریہ ادا کیا۔ جبکہ انجینئر احمد حسن نے سینئر نائب صدر عمران محمود شیخ کے ہمراہ نائیجیریا کے ہائی کمشنر کو فیصل آبا د چیمبر کی خصوصی شیلڈ پیش کی۔
خواتین پر کاروبار کرنے کی پابندی نہیں مگر یہ کام کرنا ہو گا،ڈاکٹر نگہت ہاشمی
فیصل آباد (عثمان صادق) پاکستان میں ٹھوس بنیادوں پرمعاشی اور معاشرتی تبدیلی لانے کیلئے خواتین کو آگے آنا ہو گا کیونکہ 50فیصد آبادی کو عضو معطل بنا کر ہم ترقی نہیں کر سکتے۔ یہ بات معروف مذہبی سکالر اور مفسر محترمہ نگہت ہاشمی نے فیصل آباد وومن چیمبر آف کامرس اینڈانڈسٹری میں ربیع الاول کے سلسلہ میں سیرت النبی ؐ اور وومن ایمپاورمنٹ کے بارے میں تقریب سے خطاب کرتے ہوئے کہی۔ انہوں نے اسلامی تاریخ کے حوالے دیا اور بتایا کہ چودہ سو سال قبل خواتین نہ صرف گھریلو ذمہ داریوں کو پورا کرتی تھیں بلکہ کاروباری معاملات کو خوش اسلوبی سے چلا رہی تھیں۔ انہوں نے کہا کہ نبی برحق ؐ نے خواتین کے حقوق پر خصوصی توجہ دی اور کہا کہ اُن پر کاروبار کرنے کی کوئی پابندی نہیں۔ تاہم انہیں اسلامی شریعت کے مطابق حجاب اور دیگر قوانین کی پاسداری کرنا ہوگی۔ انہوں نے خواتین کی اہمیت پر روشنی ڈالتے ہوئے کہا کہ حضور نبی کریم ﷺ نے یہ اعتراف کیا تھا کہ انہیں دو چیزیں بہت محبوب ہیں ایک عورت اور دوسری خوشبو۔ انہوں نے کہا کہ خواتین پر پابندیاں عائد کرنے کی بجائے انہیں معاشرے کا پیداواری حصہ بنانا چاہیے۔ انہوں نے کہا کہ کام کرنے والی خواتین کو دراصل دوہرا ثواب ملے گا پہلے اپنے گھر کی ذمہ داری کا جبکہ دوسرے مرحلہ میں اپنے خاندان کی خود کفالت کے ذریعے بھی اللہ تعالیٰ کی عنایات کی مستحق ٹھہریں گی۔
انہوں نے حضرت خدیجہ ؓ اور دیگر خواتین کا ذکر کیا اور کہا کہ وہ اس زمانے میں کاشتکاری بھی کرتی تھی اور کئی ایک باغات کی مالک بھی تھیں۔ تاہم انہوں نے کہا حقوق و فرائض میں توازن ضروری ہے اور خواتین کو بہرحال اس توازن کو برقرار رکھنا ہو گا۔ انہوں نے اس تقریب کیلئے مدعو کرنے کا خاص طور پرصدر فیصل آباد وومن چیمبر محترمہ نگہت شاہد کا شکریہ ادا کیا۔ صدر محترمہ نگہت شاہد نے تقریب سے خطاب کرتے ہوئے کہا کہ فیصل آباد وومن چیمبر خواتین کے کردار کو بڑھانے کیلئے ہر ممکن کوشش کر رہا ہے۔ انہوں نے خواتین کو ہنر سکھانے پر زور دیا اور بتایا کہ فیصل آباد وومن چیمبر بہت جلد خواتین کیلئے کمپیوٹر، موبائل رپئیرز، ڈیجیٹل مارکیٹنگ وغیرہ کے کورسز شروع کر رہا ہے جس سے خواتین گھر بیٹھے ہی اپنا روزگار شروع کر سکیں گی۔ انہوں نے انتہائی پر مغز اور پر اثر تقریر کرنے پر ڈاکٹر نگہت ہاشمی کا شکریہ ادا کیا۔ جبکہ نعت رسول مقبولؐ کی سعادت محترمہ ارم شہزاد ی نے حاصل کی۔ فاؤنڈر صدر محترمہ روبینہ امجد نے اس تقریب کے انعقاد پر صدر فیصل آباد وومن چیمبر محترمہ نگہت شاہد کی کاوشوں کو سراہا اور کہا کہ حقوق و فرائض میں توازن بہرحال خواتین کیلئے ضروری ہے اور اس سلسلہ میں خواتین کو اپنے بچوں کی تربیت خالصتاً اسلامی اصولوں کے مطابق کرنا ہو گی۔ آخر میں محترمہ نگہت شاہد اور محترمہ روبینہ امجد نے ڈاکٹر نگہت ہاشمی کو تحائف پیش کئے جبکہ نگہت ہاشمی نے محترمہ شمع احمد، محترمہ نجمہ افضل، محترمہ زرقا طارق اور دیگر شرکاء کو کتاب کا تحفہ پیش کیا۔
فیسکوفیصل آباد نے 53 کروڑ کے نادہندہ 11 سرکاری اداروں کو نوٹس جاری کردیئے
فیصل آباد (عثمان صادق) فیسکو نے 53 کروڑ کے نادہندہ 11 سرکاری اداروں کو ادائیگی کے فائنل نوٹس جاری کردیئے ہیں۔چیف ایگزیکٹو فیسکوانجنئیر بشیراحمد کی خصوصی ہدایات پر فیسکونے نادہندگان سرکاری اداروں کے خلاف ریکوری مہم کا آغاز کردیا ہے۔تفصیلات کے مطابق متعدد سرکاری ادارے فیسکو کے 535.7ملین روپے کے نادہندہ ہیں۔ان نادہندگان میں پاکستان ریلوے کے ذمے 1.42ملین، ایگری کلچر یونیورسٹی کے ذمے 24.24ملین، پنجاب پولیس کے ذمے 5.93ملین، واسا 473.16ملین، ڈسٹرکٹ ہیلتھ 4.75ملین، ریونیو ڈسٹرکٹ گورنمنٹ 1.05ملین، ٹی ایم اے لائلپور ٹاؤن، 4.68ملین، ٹی ایم اے مدینہ ٹاؤن 2.09ملین، ٹی ایم اے اقبال ٹاؤن 4.08ملین، سوئی ناردرن 10.24ملین اور نیشنل ہائی وے اتھارٹی 4.06ملین روپے واجب الادا ہیں۔ان نادہندہ اداروں کو فیسکو کی طرف سے حتمی نوٹس جاری کر دئیے گئے ہیں ایک ہفتے کے دوران ان اداروں کی طرف سے ادائیگی نہ کی گئی تو ان کی بجلی منقطع کردی جائے گی۔
گورنمنٹ سٹاف ٹریننگ کالج میں ”ڈپلومہ کے بعد کاروبار” کے موضوع پرسیمینار کا انعقاد
فیصل آباد (عثمان صادق) گورنمنٹ سٹاف ٹریننگ کالج میں ”ڈپلومہ کے بعد کاروبار” کے موضوع پر ایک سیمینار کا انعقاد کیا گیا جس میں مائیکرو سافٹ سپیکرز کلب کے نائب صدرعلی آصف نے طالبعلموں سے خطاب کرتے ہوئے انہیں کاروبار کی اہمیت سے آگاہ کیا۔انہوں نے تعلیم کے بعد کاروبار کرنے کے لئے رہنما اصولوں کا تفصیلی ذکر کیا۔انہوں نے اسوہ حسنہ کے مطابق کاروبار کے معیار کا اعادہ بھی کیا۔اس موقع پر تمام طلباء نے اس پروگرام میں گہری دلچسپی کا اظہار کیا۔تقریب میں پرنسپل کالج انجینیر مظہر عباس نقوی،ڈسٹرکٹ پلیسمینٹ آفیسرمحمد اصغر،کالج پلیسمینٹ آفیسررضوان اکرم ودیگر نے خطاب کیا۔
میں آپکی بیویوں کے کرتوت بتاؤں گی، حریم شاہ کی دو سیاستدانوں کو وارننگ
میں آپکی بیویوں کے کرتوت بتاؤں گی، حریم شاہ کی دو سیاستدانوں کو وارننگ
باغی ٹی وی کی رپورٹ کے مطابق پاکستان کی متنازع ترین اور خبروں میں رہنے والی ٹک ٹاک سٹار حریم شاہ کی ایک نئی ویڈیو سامنے آئی ہے
نئی ویڈیو حریم شاہ نے انسٹا گرام پر جاری کی ہے جس میں حریم شاہ کا کہنا تھا کہ فاروق ستار اور فیاض الحسن چوہان میرے متعلق بے بنیاد باتیں بناکر لوگوں کو گمراہ کرنے اور اپنے صادق و امین ہونے کے دلائل دے رہے ہیں۔ میں فیاض الحسن چوہان کی بہت عزت کرتی تھی، میں نے میڈیا کو ہمیشہ یہی کہا کہ فیاض الحسن بہت اچھے انسان ہیں مجھے اور اللہ کو معلوم ہے کہ آپ کیسے انسان ہیں۔
ایم کیو ایم کے رہنما فاروق ستار کے حوالہ سے حریم شاہ کا کہنا تھا کہ فاروق ستار جھوٹ نہ بولیں کہ میں کسی کے ساتھ آپ سے ملنے آئی تھی ہماری ملاقات کراچی کے ایک ہوٹل کے کمرے میں ہوئی تھی آپ خود مجھ سے ملنے کے شوقین تھے۔فاروق ستار چھ ماہ سے درخواست کر رہے تھے کہ آپ جب بھی کراچی آئیں تو میری مہمان ہوں گی جب میں کراچی آئی تو فاروق ستار خود چل کر ہوٹل میں میرے کمرے میں آئے اب عوام کے سامنے جھوٹ نہ بولیں۔ بہت جلد آپ کی بیویوں کو آپ کے کرتوت بتاؤں گی پھر ان کو معلوم ہوگا کہ آپ دونوں کس قسم کے لوگ ہیں اور کسی حرکتیں کرتے ہیں۔
واضح رہے کہ حریم شاہ کے متعلق بچھلے دنوں یہ خبریں زیر گردش تھیں کہ حریم شاہ نے نکاح کرلیا ہے اور ایسی تصاویر بھی تھیں . جس میں عروسی جوڑا پہنے ہوئے تھی اور مہندی والا ہاتھ کسی انگوٹھی والے ہاتھ میں ملا ہوا تھا . اس بعد بہت سی چہ مگوئیاں ہوئیں ،
رمضان المبارک کے مہینے میں حریم شاہ کی نئی ویڈیو وائرل
ٹک ٹاک گرلز کے نئے دھماکے، عمران خان کی ساکھ کو شدید نقصان، مبشر لقمان نے کیے اہم انکشافات
حریم شاہ کی دبئی میں کر رہے ہیں بھارتی پشت پناہی، مبشر لقمان نے کئے اہم انکشاف
حریم شاہ کو کریں گے بے نقاب، کھرا سچ کی ٹیم کا بندہ لڑکی کے گھر پہنچا تو اسکے والد نے کیا کہا؟
مبشر صاحب ،گند میں نہ پڑیں، ایس ایچ او نے حریم شاہ کے خلاف مقدمہ کی درخواست پر ایسا کیوں کہا؟
حریم شاہ مبشر لقمان کے جہاز تک کیسے پہنچی؟ حقائق مبشر لقمان سامنے لے آئے
حریم شاہ..اب میرا ٹائم شروع،کروں گا سب سازشیوں کو بے نقاب، مبشر لقمان نے کیا دبنگ اعلان
ہمارا آرڈر کیا تھا اور یہ کیا بتا رہے ہیں، کچھ معلوم نہیں،اسکو فارغ کریں، چیف جسٹس برہم
ہمارا آرڈر کیا تھا اور یہ کیا بتا رہے ہیں، کچھ معلوم نہیں،اسکو فارغ کریں، چیف جسٹس برہم
باغی ٹی وی کی رپورٹ کے مطابق سپریم کورٹ کراچی رجسٹر ی میں کراچی رائل پارک کیس کی سماعت ہوئی
عدالت نے کہا کہ کمشنر کراچی سامنے آئیں، چیف جسٹس نے کمشنر کراچی سے استفسار کیا کہ آپ سے جو کام کرنے کو کہا تھا کیا ہوا؟ کمشنر کراچی کی جانب سے ڈپٹی کمشنرز کی رپورٹ پیش کرنے پر عدالت برہم ہو گئی، چیف جسٹس نے ریمارکس دیتے ہوئے کہا کہ کمشنر کراچی کو فارغ کریں، ہمارے سامنے ڈپٹی کمشنرز کی رپورٹ کیسے پیش کی؟ ہم نے سب احکامات آپ کو خود دیئے تھے، کمشنر کراچی نے عدالت میں کہا کہ ہاکی گروَانڈ اور کھیل کے میدان بنا دیئے، چیف جسٹس نے ریمارکس دیتے ہوئے کہا کہ ہمارا آرڈر کیا تھا اور یہ کیا بتا رہے ہیں، کچھ معلوم نہیں، ایڈووکیٹ جنرل سلمان طالب الدین نے کہا کہ کمشنر کراچی کام کر رہے ہیں،جسٹس اعجاز الاحسن نے کہا کہ انہیں ڈپٹی کمشنرز کے بجائے اپنی رپورٹ پیش کرنی چاہیے تھی، کمشنر کراچی نے کہا کہ کڈنی پارک ہو یا سب جگہ کام، اپنی نگرانی میں کروا رہا ہوں،
وکیل مکین ہل پارک نے عدالت سے استدعا کی کہ 4ماہ کی مہلت دے دی جائے، چیف جسٹس گلزار احمد نے ریمارکس دیتے ہوئے کہا کہ ایک فیملی نے 3 گھروں پر قبضہ کر رکھا ہے، ہل پارک تجاوزات کیس میں مکینوں کی فریقین بننے کی درخواست مسترد کر دی گئی ،چیف جسٹس نے استفسار کیا کہ باغ ابن قاسم کی کیا صورتحال ہے؟ کمشنر کراچی نے جواب دیا کہ باغ ابن قاسم میں سبزہ اگانے کا کام جاری ہے،عدالت نے استفسار کیا کہ بتائیں شاہراہ قائدین نالے پر عمارت کا کیا ہوا؟ کمشنر کراچی نے کہا کہ ایس بی سی سے نے بتایا کہ نالے پر عمارت نہیں ہے،چیف جسٹس گلزار احمد کمشنر کراچی پر برہم ہو گئے اور کہا کہ ایس بی سی اے کو چھوڑیں، آپ کو براہ راست حکم کا مطلب آپ کو جواب دینا ہے، پوری بلڈنگ ہی نالے پر کھڑی ہے، ایس بی سی اے والے خود ملے ہوئے ہیں، اچانک سے ایک پلاٹ نکلتا ہے اور کثیر المنزلہ عمارت بن جاتی ہے، چیف جسٹس گلزار احمد نے استفسار کیا کہ ڈی جی ایس بی سی اے کہاں ہیں ؟ چیف جسٹس نے کہا کہ آپ ہمارے سامنےکیوں غلط بیانی کر رہے ہیں ڈی جی ایس بی سی اے نے عدالت کوجواب دیا کہ سٹرک کی ری الاٹمنٹ سے پلاٹ نکلا، چیف جسٹس نے کہا کہ کیا پھر بییچ دیں گے، کل سپریم کورٹ کی عمارت پر دعویٰ کردیں گے،سپریم کورٹ کا لے آوَٹ پلان لے آئیں گے تو ہم کیا کریں گے؟ آپ لوگ کل سپریم کورٹ کی عمارت کسی کو دے دیں گے ، آپ لوگ کل وزیراعلی ٰہاوَس پر کسی کو عمارت بنوا دیں گے، ہمارے سامنے ایسی غلط باتیں مت کریں، سب معلوم ہے،آپ ریکارڈ ڈیجیٹلائزکیوں نہیں کرتے؟ دنیا کو معلوم ہے ایس بی سی اے کون چلا رہا ہے ، ایک مولوی کو ڈی جی ایس بی سی اے بنا کر لا کھڑا کردیا، آپکا خیال ہے کہ آپ ڈی جی ایس بی سی اے ہیں، ہر ماہ ایس بی سی اے میں اربوں روپے جمع ہوتا ہے، سب رجسٹرار آفس، ایس بی سی اے اور ریونیو میں زیادہ پیسہ بنایا جاتا ہے، سب معلوم ہے کیا ہو رہا ہے، ان اداروں کا حال برا ہے ، آپ کچھ اعتراض کریں گے تو آپ کو ہٹا دیا جائے گا،
ہمارے سامنے ماسٹر نہ بنیں، کسی کے لاڈلے ہونگے،ہمارے نہیں،چیف جسٹس کے ریمارکس
سپریم کورٹ نے دیا شہر قائد میں پارک کی زمین پر بنائے گئے فلیٹ گرانے کا حکم
ماضی میں توجہ نہیں ملی،اب ہم یہ کام کریں گے، زرتاج گل کا حیرت انگیز دعویٰ
عمران خان مایوس کریں گے یا نہیں؟ زرتاج گل نے کیا حیرت انگیز دعویٰ
نہر کنارے درخت کاٹ کر ان کے ساتھ دہشت گردی کی گئی، چیف جسٹس لاہور ہائیکورٹ
ملزم نے دو شادیاں کر رکھی ہیں،وکیل کے بیان پر چیف جسٹس سندھ ہائیکورٹ نے کیا ریمارکس دیئے؟
سرکلرریلوے کی بحالی ،چیف جسٹس نے کی سماعت،سندھ حکومت نے دیا جواب
ایڈوکیٹ جنرل نے کہا کہ شاہراہ قائدین پر نسلہ ٹاور سے متعلق بلڈر کو بلا کر پوچھا جائے، چیف جسٹس گلزار احمد نے کہا کہ یہاں ایس بی سی سے بلڈر ہی کی تو ترجمانی کر رہا ہے، 50سالہ پرانے علاقے میں اچانک کیسے ایک پلاٹ نکل آتا ہے؟ کیسے اچانک لیز کردی جاتی ہے ؟ابھی نسلہ ٹاور کی لیز منسوخ کردیتے ہیں،چیف جسٹس نےڈی جی ایس بی سے اے کو حکم دیا کہ آپ عمارت گرانے کا کام شروع کریں،
اتنے بے بس ہیں تو میئر بننے کی کیا ضرورت تھی، جائیں اور یہ کام کریں، عدالت کا میئر کراچی کو بڑا حکم
اربوں کی ریلوے کی زمین کروڑوں میں دینے پر چیف جسٹس نے کیا جواب طلب
عمارت میں ہسپتال کیسے بند ہو گیا؟ کیسے معاملات ہمارے سامنے آ رہے ہیں؟ چیف جسٹس کے ریمارکس
سپریم کورٹ نے دیا کرپٹ اور نااہل افسران کو فارغ کرنے کا حکم
انگریزی بول کر ہمارا کچھ نہیں کر سکتے،غیرقانونی تعمیرات گرائیں، چیف جسٹس کا بڑا حکم
مزار قائد کے سامنے فلائی اوور کیسے بن گیا؟ شاہراہ قائدین کا نام کچھ اور رکھیں، چیف جسٹس کا حکم
کراچی کو مسائل کا گڑھ بنا دیا گیا،سرکاری زمین پر قبضہ قبول نہیں،کلیئر کرائیں، چیف جسٹس
سپریم کورٹ کا کراچی کا دوبارہ ڈیزائن بنانے کا حکم،کہا آگاہی مہم چلائی جائے
وزیراعظم کو بتا دیں چھ ماہ میں یہ کام نہ ہوا تو توہین عدالت لگے گا، چیف جسٹس
تجاوزات ہٹانے جائینگے تو لوگ گن اور توپیں لے کر کھڑے ہوں گے،آرمی کو ساتھ لیجانا پڑے گا، چیف جسٹس
سرکلر ریلوے، سپریم کورٹ نے بڑا حکم دے دیا،کہا جو بھی غیر قانونی ہے اسے گرا دیں
ہم نے کہا تھا کیسے کام نہیں ہوا؟ چیف جسٹس برہم، وزیراعلیٰ کو فوری طلب کر لیا
آپ کی ناک کے نیچے بحریہ بن گیا کسی نے کیا بگاڑا اس کا؟ چیف جسٹس کا استفسار
آپ کو جیل بھیج دیں گے آپکو پتہ ہی نہیں ہے شہر کے مسائل کیا ہیں،چیف جسٹس برہم
گرین لائن بنا بنا کرکراچی کو تباہ کردیا،اسکی بجائے یہ کام کرتے،چیف جسٹس کے ریمارکس
شہباز شریف عدالت پیش، مریم کے بعد حمزہ بھی بیمار ہو گئے
شہباز شریف عدالت پیش، مریم کے بعد حمزہ بھی بیمار ہو گئے
باغی ٹی وی کی رپورٹ کے مطابق لاہور کی احتساب عدالت میں شہباز شریف اور حمزہ شہباز کے خلاف رمضان شوگر مل کیس کی سماعت ہوئی۔
سماعت کے دوران حمزہ شہبازکے وکیل کی جانب سے انکی حاضری کی درخواست دائر کی گئی، جس میں موقف اپنایا گیا کہ حمزہ شہباز کمر میں تکلیف ہونے کے باعث عدالت میں پیش نہیں ہوسکتے، انہیں ڈاکٹر نے مکمل آرام کا مشورہ دیا ہے، ان کی حاضری سے معافی کی درخواست قبول کی جائے۔ احتساب عدالت نے حمزہ شہبازکی درخواست منظور کرتے ہوئے کیس کی سماعت 21 اپریل تک ملتوی کردی۔
شہباز شریف کی عدالت میں پیشی#baaghitv #pakistan #lahore #court #nab #PMLN @pmln_org pic.twitter.com/Dn8h3oy8GN
— Baaghi TV باغی ٹی وی (@BaaghiTV) April 8, 2021
عدالت میں ن لیگ کے صدر شہباز شریف سے رکن قومی اسمبلی خواجہ آصف نے ملاقات کی ،خواجہ آصف کو بھی عدالت میں پیش کیا گیا تھا ، لاہور کی احتساب عدالت کے جج شیخ سجاد نے خواجہ آصف کے خلاف آمدن سے زائد اثاثوں سے متعلق کیس کی سماعت کی ،احتساب عدالت نے خواجہ آصف کے جوڈیشل ریمانڈ میں مزید توسیع کرتے ہوئے 22 اپریل تک سماعت ملتوی کر دی ہے ۔
قبل ازیں شہباز شریف کو عدالت پیش کیا گیا تو ن لیگی کارکنان کی بڑی تعداد عدالت کے باہر موجود تھی، شہباز شریف کی آمد پر انکی گاڑی پر پھولوں کی پتیاں برسائی گئیں اور انکے حق میں نعرے لگائے گئے، اس موقع پر پولیس کی بھاری نفری بھی موجود تھی
شہباز شریف بیٹی کے ہمراہ عدالت میں پیش، حمزہ شہباز جیل میں ہوئے بیمار
جج صاحب،میں آج عدالت میں یہ چیز لے کر آیا ہوں،عدالت نے شہباز شریف کو دیا کھرا جواب
شہباز شریف عدالت پہنچ گئے،نیب کی شہباز شریف کی ضمانت کی درخواست مسترد کرنے کی استدعا
شہباز شریف کی ممکنہ گرفتاری، سی سی پی او لاہور ہائیکورٹ پہنچ گئے، اہم حکم دے دیا
شہبازشریف خاندان کے خلاف منی لانڈرنگ ریفرنس،تحریری حکم نامہ جاری
شہباز شریف کو بکتر بند گاڑی میں عدالت پیش کرنے پر تحریری حکم جاری
شہباز شریف خاندان کے کتنے افراد اشتہاری قرار دے دیئے گئے؟
شہباز شریف کا عدالت پیشی کے موقع پر کس شخصیت سے ہوا ٹیلی فونک رابطہ؟
شہباز شریف عدالت میں کرسی پر بیٹھے تو جج نے کیا کہا؟
واضح رہے کہ شہباز شریف کو نیب نے گرفتار کر رکھا ہے اور وہ جیل میں ہیں، حمزہ شہباز بھی گرفتار تھے تا ہم چند روز قبل لاہور ہائیکورٹ نے حمزہ کو ضمانت پر رہا کیا ہے
سینیٹ الیکشن کے بعد لانگ مارچ ہوگا، عوام تیاری کریں،بلاول کا اعلان
سینیٹ الیکشن کے بعد لانگ مارچ ہوگا، عوام تیاری کریں،بلاول کا اعلان
باغی ٹی وی کی رپورٹ کے مطابق پیپلز پارٹی کے چیئرمین بلاول زرداری نے کہا ہے کہ سینیٹ الیکشن کے بعد لانگ مارچ ہوگا، عوام تیاری کریں،
کوہاٹ میں جلسے سے خطاب کرتے ہوئے بلاول زرداری کا کہنا تھا کہ ہم سب ملکر نالائق حکومت کےخلاف نکلیں گے،ہم نے حکومت کومجبورکیا اپنےارکان اسمبلی ،اتحادیوں سے بات کرے،اگرآپ حفیظ شیخ کوکامیاب کراتے ہیں تو آپ آئی ایم ایف کاساتھ دے رہے ہیں،اسلام آباد کی سیٹ سےیوسف رضاگیلانی کوبھی کامیاب کرائیں گے،ضمنی الیکشن میں حکومت کی شکست سے پتا چل گیاعوام ہمارے ساتھ ہیں ،
بلاول زرداری کا مزید کہنا تھا کہ پاکستان میں آج منہگائی افغانستان اور بنگلا دیش سے بھی زیادہ ہے،عوام کے ساتھ ملکر عوامی حکومت بنائیں گے جو غریب کا خیال رکھے،سب کے لئے ایک قانون ہوگا تو پھرکرپشن ختم ہوسکتی ہے ،عمران خان اور پی ٹی آئی نے کرپشن کیخلاف نعرے لگائے ،کٹھ پتلی حکومت میں صلاحیت نہیں کہ حکومت چلا سکے،علیمہ باجی کی سلائی مشین میں بھی کرپشن ہے،بی آر ٹی ملک کا سب سے منہگا اور کرپشن سے بھرا پروجیکٹ ہے ٹرانسپرنسی کی رپورٹ کے مطابق پی ٹی آئی حکومت میں کرپشن بڑھی ہے،پاکستانی عوام جمہوریت اور پی ڈی ایم کےساتھ ہیں،پی ڈی ایم اس نالائق حکومت کا مقابلہ کر رہی ہے،
بلاول زرداری کا کہنا تھا کہ پختونخوا کے عوام کو نالائق و ناجائز حکومت سے بچائیں گے،پیپلزپارٹی نےخیبرپختونخوا کانام دے کر صوبے کوشناخت دلوائی،غریب عوام کو پی پی روزگار دلواتی تھی، لیکن موجودہ حکومت نے روزگار چھین لیا، پاکستان پیپلز پارٹی کے پچھلے دور میں صدر زرداری میں ملک بھر میں روزگار دیئے گئے، نہ صرف روزگار دیا گیا بلکہ تنخواہوں میں سو فیصد اضافہ کیا گیا،پنشن میں اضافہ کیا گیا، سرکاری ملازمین کوریلیف دیا ،سرحدوں پرلڑنےوالےجوانوں کی تنخواہوں میں اضافہ کیا،
بلاول زرداری کا مزید کہنا تھا کہ سابق صدرآصف زرداری نے سی پیک منصوبے کی بنیاد رکھی تھی، ہماری سوچ تھی گلگت سے بلوچستان تک چین کےساتھ معاشی ترقی کریں گے، نالائق حکومت سی پیک منصوبہ ختم کرنے کی کوشش کر رہی ہے، ہم نے سی پیک کی بنیاد عوام کی بھلائی کیلیے رکھی تھی ،پختونخوا کے عوام کو نالائق و ناجائز حکومت سے بچائیں گے،کوہاٹ کے عوام کے مسائل حل کریں گے، عوام کو نالائق اور نااہل حکمران سے چھٹکارا دلائیں گے، پیپلزپارٹی نے 73 کے آئین کو 18 ویں ترمیم کی صورت میں بحال کیا،نالائق حکومت نے بے نظیر انکم سپورٹ پروگرام ختم کرنے کی کوشش کی ،ہم مل کر روزگار میں اضافہ کریں گے
سینیٹ الیکشن سے قبل پاکستان پیپلز پارٹی کی جوڑ توڑ عروج پر پہنچ گئی، دو اہم ارکان نے پیپلز پارٹی میں شمولیت اختیار کرلی ہے
کوہاٹ سے تعلق رکھنے والے سینیٹر شمیم آفریدی نے پاکستان پیپلز پارٹی میں شمولیت اختیار کرلی۔ وہ 2018 کے الیکشن میں آزاد حیثیت میں منتخب ہو کر سینیٹ پہنچے تھے۔ ان کے علاوہ کوہاٹ سے ہی رکن خیبر پختونخوا اسمبلی امجد آفریدی بھی پیپلز پارٹی میں شامل ہوگئے ، وہ بھی آزاد حیثیت میں 2018 کا الیکشن جیتے تھے۔
پی ڈی ایم کو بڑا دھچکا،حکومت نے ایسا کام کر دیا کہ پی ڈی ایم کی ساری امیدوں پر پانی پھر گیا
نیب کی کارروائیاں ناقابل برداشت ہوتی جا رہی ہیں،اپوزیشن سینیٹ میں پھٹ پڑی
سینیٹ انتخابات اوپن بیلٹ کے ذریعے کرانے کا معاملہ،رضا ربانی بھی عدالت پہنچ گئے
سینیٹ انتخابات اوپن بیلٹ سے کروانے سے متعلق صدارتی ریفرنس،سپریم کورٹ میں سماعت،کس نے کی مہلت طلب؟
سیاسی پارٹیوں کے آپس کے معاملات ہوں توعدالت ان میں نہیں پڑتی،سپریم کورٹ
سینیٹ انتخابات، اوپن بیلٹ کے ذریعے ہو سکتے ہیں یا نہیں؟ الیکشن کمیشن نے جواب جمع کروا دیا
اک زرداری سب پر بھاری، سینیٹ الیکشن سے قبل بڑا سرپرائیز دے دیا
سینیٹ الیکشن سے قبل بلاول نے خیبر پختونخواہ میں دو وکٹیں گرا لیں
