Baaghi TV

Tag: pakistan

  • پاکستانیوں تیار رہو، کشمیر کی جانب مارچ کا اعلان کردیا گیا

    پاکستانیوں تیار رہو، کشمیر کی جانب مارچ کا اعلان کردیا گیا

    اسلام آباد: سابق وفاقی وزیر محمد علی درانی نے کہا ہے کہ اگر کشمیر اور کشمیریوں کی آواز نہ سنی گئی تو پاکستان کے 22 کروڑ عوام کشمیر کی جانب پیدل چلیں گے.

    تفصیلات کے مطابق سابق وفاقی وزیر محمد علی درانی نے اپنے حالیہ ویڈیو پیغام میں کہا ہے کہ افر اب بھی کشمیر اور کشمیریوں کی آواز نہ سنی گئی تو پاکستان کے 22 کروڑ عوام، جس میں مرد، بچے اور عورت شامل ہیں کشمیر کی جانب پیدل مارچ کریں گے. ساتھ ہی انہوں نے کہا کہ میں بھی دیکھتا ہوں کہ لاکھوں کشمیریوں کا خون بہانے والا بھارت 22 کروڑ عوام میں سے کتنے کا خون بہائے گا. انہوں نے اپنے ویڈیو پیغام میں بتایا کہ بھارت نے کیسے ہر دفعہ کشمیر کا مسلئہ حل کرنے سے راہ فرار اختیار کی. محمد علی درانی نے اقوام متحدہ سے مطالبہ کیا کہ کشمیر میں فوری طور پر ریفرنڈم کروایا جائے، بھارت کسی بھی صورت کشمیر پر زبردستی قبضہ نہیں کرسکتا.

    یاد رہے کہ بھارت نے آرٹیکل 370 اور 35 اے کو منسوخ کرکے کشمیر کی خود مختاری ختم کردی ہے جس پر سخت ترین ردعمل دیکھنے میں آرہا ہے.

  • پاکستان میں ٹیسٹ کرکٹ 10 سال بعد بحال، شائقین کو خوشخبری سنادی گئی

    پاکستان میں ٹیسٹ کرکٹ 10 سال بعد بحال، شائقین کو خوشخبری سنادی گئی

    لاہور: سری لنکن کرکٹ بورڈ نے نیشنل اسٹیڈیم کراچی اور قذافی اسٹیڈیم لاہور کا دورہ کرنے کے بعد انتظامات کو تسلی بخش قرار دیدیا.

    تفصیلات کے مطابق سری لنکن کرکٹ بورڈ کے سیکیورٹی وفد نے یشنل اسٹیڈیم کراچی اور قذافی اسٹیڈیم لاہور کا دورہ کیا جہاں انہوں نے انتظامات کا جائزہ لیا. انتظامات کو تسلی بخش قرار دیتے ہوئے سری لنکن وفد کے سیکرٹری موہن ڈی سلوا نے میڈیا سے گفتگو کرتے ہوئے کہا ہےکہ ہم نے کراچی اور لاہور میں سیکیورٹی کا جائزہ لیا ہے۔ پی سی بی نے وفد کو بہترین سہولیات فراہم کیں ۔ موہن ڈی سلوا واپس جاکر اپنی سفارشات اپنے بورڈ کو دیں گے. واضح رہے کہ سری لنکن ٹیم کو پاکستان بھیجنے کا حتمی فیصلہ سری لنکن بورڈ ہی کرے گا، تاہم اس بات کے قوی امکانات ہیں کہ سری لنکن ٹیم 2 ٹیسٹ میچز پاکستان کھیلنے ضرور آئے گی.

    دوسری جانب پی سی بی نے سری لنکن کرکٹ بورڈ کو ٹیسٹ سیریز کیلئے تاریخیں دیدی ہیں جس کے تحت پہلا ٹیسٹ کراچی میں یکم سے 5 اکتوبر تک کھیلنے جبکہ لاہور میں دوسرا ٹیسٹ 9 سے 13 اکتوبر تک قذافی اسٹیڈیم لاہور میں کھیلنے کی تجویز دی گئی ہے۔ ذرائع کا کہنا ہے کہ اس سلسلے میں سری لنکن ٹیم کراچی ٹیسٹ سے تین روز قبل پاکستان آئے گی.

  • بریکنگ نیوز: جنگ کا اعلان کردیا گیا، بارڈر پر کون لیڈ کرے گا؟ پوری دنیا میں کھلبلی مچ گئی

    بریکنگ نیوز: جنگ کا اعلان کردیا گیا، بارڈر پر کون لیڈ کرے گا؟ پوری دنیا میں کھلبلی مچ گئی

    اسلام آباد: وفاقی وزیر ریلوے شیخ رشید نے اعلان کیا ہے کہ اگر جنگ ہوتی ہے تو میں بارڈر پر سب سے آگے لڑتا نظر آؤں گا.

    تفصیلات کے مطابق نجی ٹی وی کے پروگرام میں گفتگو کرتے ہوئے شیخ رشید نے قوم کو اہم پیغام دیتے ہوئے کہا کہ "قوم میری یہ ریکارڈنگ یاد رکھے. میں ایسا کام دکھاؤں گا کہ شہادت کے بعد دنیائی تاریخ میں زندہ رہوں گا، میں بھارت کو نست و نابود کردوں گا” ایک سوال کے جواب میں شیخ رشید نے کہا کہ اگر جنگ ہوتی ہے تو میں بارڈر پر سب سے آگے لڑتا نظر آؤں گا. انہوں نے بھارتی میڈیا کو للکارتے ہوئے کہا کہ "پورا بھارتی میڈیا کان کھول کر سن لے! شیخ رشید کی آواز صرف سری نگر میں ہی نہیں بلکہ بھارت کے مسلمانوں تک بھی پہنچتی ہے، اور میں تمام انڈیا کے مسلمانوں کی آواز ہوں.”

    واضح رہے کہ مودی سرکار کی جانب سے آرٹیکل 370 اور 35 اے کی منسوخی کے بعد سے ہی دونوں ملکوں کے درمیان کشیدگی جاری ہے. تاہم اسی سلسلے میں اب وفاقی وزیر شیخ رشید نے بھی بیان دیا ہے.

  • پاکستانی ٹیم کے نئے کوچ کا نام سامنے آگیا

    پاکستانی ٹیم کے نئے کوچ کا نام سامنے آگیا

    لاہور: نیوزی لینڈ کے سابق ہیڈ کوچ مائیک ہیسن کا پاکستان کرکٹ بورڈ سے کوچنگ کیلئے رابطہ ہوا ہے.

    تفصیلات کے مطابق نیوزی لینڈ کرکٹ ٹیم کے سابق کوچ مائیک ہیسن نے پاکستان کرکٹ ٹیم کی کوچنگ پر نظریں جما لی ہیں اور اس مقصد کیلئے انہوں نے انڈین پریمیر لیگ کو بھی خیرآباد کہہ دیا ہے. مائیک ہیسن پی سی بی کو کوچنگ کیلئے درخواست دیں گے جبکہ ذرائع کا کہنا ہے کہ کوچنگ کیلئے جن غیر ملکی افراد کے نام زیر غور ہیں، ان میں مائیک ہیسن مضبوط ترین امیدوار ہیں۔ مائیک ہیسن نے 6 برس نیوزی لینڈ کرکٹ ٹیم کی کوچنگ کے بعد گزشتہ برس اپنے عہدے سے استعفیٰ دیا تھا اور ان کے دور میں نیوزی لینڈ کرکٹ ٹیم ناصرف ورلڈکپ 2015ءکے فائنل میں پہنچی بلکہ ٹی 20 ورلڈکپ 2016ءکے سیمی فائنل میں بھی کوالیفائی کیا۔

    واضح رہے کہ مکی آرتھر کے بعد پی سی بی کو پاکستانی کرکٹ ٹیم کے نئے ہیڈ کوچ کی تلاش ہے تاہم اب مائیک ہیسن کو پاکستانی ٹیم کی کوچنگ کیلئے مضبط امیدوار سمجھا جارہا ہے.

  • شعیب ملک اور محمد حفیظ کا کیرئر شدید خطرے میں، تازہ ترین خبر نے کھلبلی مچادی

    شعیب ملک اور محمد حفیظ کا کیرئر شدید خطرے میں، تازہ ترین خبر نے کھلبلی مچادی

    لاہور: پاکستان کرکٹ بورڈ نے نیا سنٹرل کنٹریکٹ جاری کردیا، شعیب ملک اور محمد حفیظ کو سینٹرل کنٹریکٹ جاری نہیں کیا گیا.

    تفصیلات کے مطابق پاکستان کرکٹ بورڈ نے سال 20-2019 کے لیے 19 کھلاڑیوں کو سینٹرل کنٹریکٹ دیا ہے جس میں کپتان سرفرازاحمد، بابر اعظم اور یاسر شاہ کو اے کٹیگری میں رکھا گیا ہے۔ پی سی بی نے اظہر علی کو اے سے بی کٹیگری اور ٹیسٹ کرکٹ چھوڑنے والے محمد عامر کی تنزلی سی کیٹیگری میں کر دی ہے۔ جبکہ شعیب ملک اور محمد حفیظ کو سینٹرل کنٹریکٹ جاری نہیں کیا گیا جس سے ان دونوں کا کیرئر خطرے میں پڑ گیا ہے. اس حوالے سے پی سی بی کا کہنا ہے کہ دو سابق کپتانوں محمد حفیظ اور شعیب ملک کو سینٹرل کنٹریکٹ جاری نہیں کیا گیا تاہم دونوں کھلاڑی قومی کرکٹ ٹیم کی سلیکشن کے لیے دستیاب ہوں گے۔

    واضح رہے کہ پی سی بی نے گذشتہ سال 33 کھلاڑیوں کو سینٹرل کنٹریکٹ دیے تھے مگر اس سال ان کی تعداد میں نمایاں کمی کی گئی۔ نیا سینٹرل کنٹریکٹ یکم جولائی 2019 سے 30 جون 2020 تک نافذ العمل ہوگا۔

  • پاکستان بمقابلہ سری لنکا، میچز کب اور کہاں؟ فیصلہ ہوگیا

    پاکستان بمقابلہ سری لنکا، میچز کب اور کہاں؟ فیصلہ ہوگیا

    لاہور: پاکستان اور سری لنکا ٹیسٹ سیریز کی تاریخیں سامنے آگئیں.

    تفصیلات کے مطابق پی سی بی نے سری لنکن کرکٹ بورڈ کو ٹیسٹ سیریز کیلئے تاریخیں دے دیں۔ پاکستان کرکٹ بورڈ نے سری لنکا کو 2 ٹیسٹ میچز لاہور اور کراچی میں کھیلنے کی پیشکش کی ہے جس کے انتظامات کا جائزہ لینے کے لیے سری لنکا کا سیکیورٹی وفد بھی پاکستان میں موجود ہے۔ ذرائع کے مطابق پی سی بی نے دونوں ٹیسٹ میچز کی تاریخیں سری لنکا کرکٹ کو دی ہیں جس کے تحت پہلا ٹیسٹ کراچی میں یکم سے 5 اکتوبر تک کھیلنے جبکہ لاہور میں دوسرا ٹیسٹ 9 سے 13 اکتوبر تک قذافی اسٹیڈیم لاہور میں کھیلنے کی تجویز دی گئی ہے۔ ذرائع کا کہنا ہے کہ اس سلسلے میں سری لنکن ٹیم کراچی ٹیسٹ سے تین روز قبل پاکستان آئے گی.

    واضح رہے کہ سری لنکا کی کرکٹ ٹیم ایک ٹی ٹونٹی میچ کھیلنے 2 سال قبل لاہور آچکی ہے.

  • مودی نے اپنی بیوقوفی سے صرف پاکستان ہی نہیں بلکہ پوری دنیا کو ہلا کر رکھ دیا، مبشر لقمان

    مودی نے اپنی بیوقوفی سے صرف پاکستان ہی نہیں بلکہ پوری دنیا کو ہلا کر رکھ دیا، مبشر لقمان

    اسلام آباد: سینئر اینکرپرسن اور تجزیہ نگار مبشر لقمان نے کہا ہے کہ مودی نے نہ صرف پاکستان سے پنگا لیا ہے بلکہ دو ایٹمی طاقتوں کے درمیان مسئلہ کھڑا کرکے پوری دنیا کو چونکا کر رکھ دیا ہے.

    تفصیلات کے مطابق سینئر اینکرپرسن مبشر لقمان نے اپنے ٹویٹر پیغام میں کہا ہے کہ کچھ دیر پہلے وزیراعظم عمران خان سے اہم ملاقات ہوئی ہے، ساتھ ہی بہت زیادہ چیزیں کلیئر بھی ہوگئیں جیسا کہ مودی نے نہ صرف پاکستان سے پنگا لیا ہے بلکہ دو ایٹمی طاقتوں کے درمیان مسئلہ کھڑا کرکے پوری دنیا کو چونکا کر رکھ دیا ہے. دوسری جانب کچھ دیر قبل وزیراعظم عمران خان سے سینئر صحافیوں کی ملاقات ہوئی ہے جس میں مبشر لقمان بھی شامل تھے. تاہم اس ملاقات کے بعد مبشر لقمان نے اپنے ٹویٹر پیغام میں ملاقات کا مقصد بیان کیا.

    یاد رہے کہ مودی سرکار نے آرٹیکل 370 اور 35 اے منسوخ کرکے کشمیر کی خود مختاری ختم کردی ہے جس سے نیا تنازعہ کھڑا ہوگیا ہے.

  • امریکی ڈالر حیرت زدہ حد تک گر گیا، عمران خان کی پہلی بڑی فتح

    امریکی ڈالر حیرت زدہ حد تک گر گیا، عمران خان کی پہلی بڑی فتح

    اسلام آباد: پاکستانی روپے میں مسلسل آتھ روز سے بہتری دیکھنے میں آرہی ہے.

    تفصیلات کے مطابق پچھلے آٹھ روز سے مسلسل پاکستانی روپے میں بہتری دیکھنے میں آئی ہے جبکہ امریکی ڈالر میں کمی دیکھنے میں آرہی ہے. یہ خبر پاکستانی معیشت کی بہتری کیلئے بہت اچھی ہے، اس حوالے سے بزنس مین اور معیشت کے تجزیہ نگار کا کہنا ہے کہ آنے والے دنوں میں پاکستانی معیشت میں مزید بہتری آئے گی. روپے میں بہتری کی خبر کو عمران خان کی فتح قرار دیا جارہا ہے. جبکہ دوسری جانب سرحد کے دوسری پار بھارت میں آرٹیکل 35 اے اور 370 کی منسوخی کے بعد بھارتی معیشت ڈوب گئی ہے. بھارت میں ڈالر ڈیڈھ روپے مہنگا ہوا ہے اور وہاں کی اسٹاک مارکیٹ کے کروڑوں روپے ڈوب گئے ہیں.

  • نجم سیٹھی کو زندگی کا سب سے بڑا جھٹکہ

    نجم سیٹھی کو زندگی کا سب سے بڑا جھٹکہ

    لاہور: سینئر اینکر پرسن اور تجزیہ نگار نجم سیٹھی کا پروگرام بند کردیا گیا.

    تفصیلات کے مطابق سینئر تجزیہ نگار کا پروگرام بند کردیا گیا ہے. نجم سیٹھی 24 نیوز چینل پر پروگرام کرتے ہیں. آج ان کا پروگرام بند کردیا گیا تاہم اس حوالے سے کوئی وجہ نہیں بتائی گئی کہ نجم سیٹھی کا پروگرام کیوں‌ بند کیا گیا ہے. یہ پہلی بار نہیں ہوا کہ نجم سیٹھی کا پروگرام بند کیا گیا ہے بلکہ اس سے قبل بھی کئی بار ان کا پروگرام نشر ہونے سے قبل ہی بند کردیا جاتا ہے.

    یاد رہے کہ نجم سیٹھی پاکستان کے سینئر صحافی ہیں جو اس سے قبل جیو نیوز اور آپ نیوز کے ساتھ منسلک رہ چکے ہیں تاہم آجکل وہ 24 نیوز چینل پر پروگرام کرت ہیں جو اب بند کردیا گیا ہے.

  • پی ایس ایل کے کتنے میچز پاکستان میں ہوں گے؟ حتمی فیصلہ کرلیا گیا

    پی ایس ایل کے کتنے میچز پاکستان میں ہوں گے؟ حتمی فیصلہ کرلیا گیا

    کراچی: پاکستان سپر لیگ کے تمام میچز پاکستان میں‌ کروانے کا حتمی فیصلہ ہوگیا.

    تفصیلات کے مطابق پی سی بی نے تمام فرینچائز کو پوری پاکستان سپر لیگ پاکستان میں کروانے کیلئے رضامند کرلیا. تازہ ترین رپورٹ کے مطابق تمام فرینچائز راضی ہوگئی ہیں کہ پی ایس ایل کے تمام میچز پاکستان میں ہی کروائیں جائیں گے. پاکستان سپر لیگ 2020 کے 13 میچز لاہور، 9 میچز کراچی، 8 راولپنڈی جبکہ ملتان میں 4 میچز کھیلے جائیں گے. اس حوالے سے افتتاحی تقریب کراچی میں کروائی جائے گی جبکہ پلے آف سمیت فائنل لاہور میں کروانے کی تجویز زیر غور ہے. ذرائع کا کہنا ہے کہ ٹورنامنٹ کا افتتاحی میچ لاہور قلندرز اور کراچی کنگز کے درمیان کھیلا جائے لیکن ابھی حتمی فیصلہ ہونا باقی ہے.

    یاد رہے کہ تمام فرینچائز پہلے پوری پی ایس ایل کروانے کے حق میں نہیں تھی ان کا موقف تھا کہ پی ایس ایل کے پورے میچز نہیں بلکہ آدھی پی ایس ایل پاکستان میں کروائی جائے کیونکہ اگر پوری پی ایس ایل پاکستان میں کروائی جاتی ہے تو انٹرنیشنل پلیئرز پاکستان آنے سے انکار کردیں گے. تاہم اب تمام فرینچائز متفق ہیں کہ پورا پی ایس ایل پاکستان میں کروایا جائے.