محکمہ وائلڈ لائف حکومت پنجاب نے ٹیلی ویژن میزبان و گلوکارہ رابی پیرزادہ کیخلاف درخواست دائر کردی ، گلوکارہ رابی پیر زادہ کے خلاف وائلڈ لائف ایکٹ کے تحت کارروائی کی گئی۔ اژدھا اور مگر مچھ رکھنے کی کسی بھی شخص کو اجازت نہیں۔
دونوں رپٹائلز وائلڈ لائف ایکٹ کے شیڈول تھری میں شامل ہیں۔ رابی پیر زادہ کو محکمہ وائلڈ لائف کی کارروائی پر کوئی اعتراض ہے تو عدالت میں اپنا موقف پیش کریں۔ کوئی بھی شخص قانون سے بالا تر نہیں، اگر رپٹائلز ان کے نہیں تو انہیں بتانا ہو گا کہ وہ کہاں سے لائے گئے۔ محکمہ وائلڈ لائف پنجاب کا کہنا ہے کہ جب وائلڈ لائف ایکٹ کی خلاف ورزی ہوگی ذمہ داران کے خلاف بلا امتیاز کارروائی عمل میں لائی جائے گی۔
Tag: pakistan
-
محکمہ وائلڈ لائف کی گلوکارہ رابی پیرزادہ کیخلاف کاروائی
-
پی سی بی نے سال 2019-20 کیلئے ویمن کرکٹ کے ڈومیسٹک شیڈول کا اعلان کر دیا
پاکستان کرکٹ بورڈ نے ویمن کرکٹ کے ڈومسیٹک سیزن 2019-20 کا اعلان کردیا ، سیزن کا آغاز قومی ٹرائینگولر ایک روزہ خواتین کرکٹ چیمپئن شپ سے ہوگا، چیمپئن شپ 17 سے 26 ستمبر تک لاہور جمخانہ کرکٹ گراؤنڈ میں کھیلی جائے گی،ایونٹ کی فاتح ٹیم کو 5 لاکھ روپے کی انعامی رقم دی جائے گی،
پاکستان خواتین کرکٹ ٹیم کو آئندہ ماہ بنگلہ دیش کے خلاف ہوم سیریز کھیلنی ہے،پاکستان اے خواتین کرکٹ ٹیم آئندہ ماہ اے سی سی ایمرجنگ کپ میں شرکت کرے گی، قومی ٹرائینگولر ٹی ٹونٹی خواتین چیمپئن شپ آئندہ سال جنوری میں ہوگی -
بھارت کسی بھی وقت حملہ کرسکتا ہے، پاکستانی قوم کو خبردار کردیا گیا
اسلام آباد: وزیر خارجہ شاہ محمود قریشی نے کہا ہے کہ بھارت دنیا کی کشمیر سے توجہ ہٹانے کیلئے کسی بھی وقت مس ایڈونچر کرسکتا ہے.
تفصیلات کے مطابق نجی ٹی وی کے پروگرام میں گفتگو کرتے ہوئے شاہ محمود قریشی نے کہا کہ بھارت دنیا کی کشمیر سے توجہ ہٹانے کیلئے مس ایڈونچر کرسکتا ہے، جس کیلئے پاکستان کی فوج، حکومت اور عوام بالکل تیار ہے. انہوں نے عمران خان کے خطاب پر ردعمل دیتے ہوئے کہا کہ عمران خان نے پاکستان کا کشمیر پر دو ٹوک موقف دنیا کے سامنے رکھ دیا ہے.
واضح رہے کہ وزیراعظم نے قوم سے خطاب کیا جس میں انہوں نے کشمیر کا مسئلہ ایک بار پھر دنیا کے سامنے رکھا اور اعلان کیا کہ دنیا کشمیر کے ساتھ کھڑی ہو یا نہ ہو، ہم پاکستانی کشمیر کی آزادی تک کشمیر کے ساتھ کھڑے رہیں گے”.
-
برج خلیفہ کو آج پاکستانی جھنڈے سے سجایا جائے گا
دبئی: برج خلیفہ کو آج پاکستانی جھنڈے سے سجایا جائے گا، پاکستانی قونصل خانہ نے تصدیق کردی.
تفصیلات کے مطابق دنیا کی سب سے بڑی عمارت برج خلیفہ کو آج پاکستانی جھنڈے سے سجایا جائے گا. یہ پہلی بار نہیں کہ برج خلیفہ پاکستانی جھنڈے سے سج جائے گا بلکہ اس سے قبل بھی کئی بار 14 اگست اور 23 مارچ کو برج خلیفہ کو پاکستانی جھنڈے سے سجایا گیا. پاکستانی قونصل خانہ نے تصدیق کردی. برج خلیفہ کو مقامی وقت 8 بج کر 42 منٹ پر سجایا جائے گا.
دوسری جانب پاکستانیوں نے 14 اگست کو یوم آزادی منائی، ذرائع کا کہنا ہے کہ اسی وجہ سے برج خلیفہ کو پاکستانی جھنڈے میں سجایا جائے گا.
-
عمران خان جیت گیا، معیشت کے حوالے سے اچانک ایسی خبر آگئی کہ ہر طرف جشن شروع ہوگیا
اسلام آباد: چیئرمین ایف بی آر شبر زیدی نے کہا ہے کہ انکم ٹیکس جمع کرنے والوں کی تعداد 25 لاکھ ہوگئی ہے.
تفصیلات کے مطابق فیڈرل بورڈ آف ریونیو کےچیئرمین شبر زیدی نے اپنے حالیہ بیان میں کہا ہے کہ مزید 7 لاکھ 50 ہزار افراد ٹیکس سسٹم میں شامل ہوگئے ہیں، ان کی شمولیت سے سال 2018 میں انکم ٹیکس گوشوارے جمع کروانے والوں کی تعداد 25 لاکھ ہوگئی. اس حوالے سے تجزیہ نگاروں کا کہنا ہے کہ یہ پی ٹی آئی حکومت کی بڑی کامیابی ہے کہ انہوں نے مزید 7 لاکھ 50 ہزار افراد ٹیکس سسٹم میں شامل کردیئے ہیں. دوسری جانب گیس کمپنیوں کو ایکٹو ٹیکس پیئرلسٹ پر غیر موجود صارفین کو کنکشن نہ دینے کی ہدایت کردی گئی ہے.
-
بھارت بمقابلہ ویسٹ انڈیز: دوسرا میچ کب کھیلا جائے گا؟
کنگسٹن (اے پی پی) بھارت اور ویسٹ انڈیز کے درمیان دوسرا ون ڈے میچ اتوار کھیلا جائے گا.
تفصیلات کے مطابق ویسٹ انڈیز اور بھارت کی کرکٹ ٹیموں کے درمیان تین ایک روزہ بین الاقوامی میچوں پر مشتمل سیریز کا دوسرا میچ اتوار کو پورٹ آف سپین میں جائے گا۔ دونوں ٹیموں کے درمیان کھیلا گیا پہلا ایک روزہ میچ بارش کی نذر ہوگیا۔ اس سے قبل بھارتی کرکٹ ٹیم نے میزبان ٹیم کو تین ٹی ٹونٹی انٹرنیشنل میچوں کی سیریز میں وائٹ واش کیا تھا۔ بھارتی ٹیم نے پہلے ٹی ٹونٹی کرکٹ میچ میں ویسٹ انڈیز کی ٹیم کو 4 وکٹوں سے شکست دی، مہمان ٹیم نے دوسرے ٹی ٹونٹی کرکٹ میچ میں میزبان ٹیم کو 22 رنز سے مات دی جبکہ تیسرے اور آخری ٹی ٹونٹی کرکٹ میچ میں بھارتی ٹیم نے کالی آندھی کے خلاف 7 وکٹوں سے کامیابی حاصل کر کے سیریز کلین سویپ کرلی۔ ویسٹ انڈیز اور بھارت کی ٹیموں کے درمیان تین ون ڈے انٹرنیشنل میچوں کی سیریز کا دوسرا میچ 11 اگست کو کھیلا جائے گا جبکہ تیسرا اور آخری ون ڈے کرکٹ میچ 14 اگست کو کھیلا جائے گا۔ دو ٹیسٹ میچوں کی سیریز سے قبل بھارتی ٹیم 17 سے 19 اگست تک ایک ٹور میچ میں شرکت کریگی۔
دونوں ٹیموں کے درمیان دو ٹیسٹ میچوں کی سیریز کا پہلا میچ 22 سے 26 اگست تک کھیلا جائے گا۔ دونوں ٹیموں کے درمیان دوسرا اور آخری کرکٹ ٹیسٹ میچ 30 اگست سے شروع ہوگا۔
-
پاکستانیوں تیار رہو، کشمیر کی جانب مارچ کا اعلان کردیا گیا
اسلام آباد: سابق وفاقی وزیر محمد علی درانی نے کہا ہے کہ اگر کشمیر اور کشمیریوں کی آواز نہ سنی گئی تو پاکستان کے 22 کروڑ عوام کشمیر کی جانب پیدل چلیں گے.
تفصیلات کے مطابق سابق وفاقی وزیر محمد علی درانی نے اپنے حالیہ ویڈیو پیغام میں کہا ہے کہ افر اب بھی کشمیر اور کشمیریوں کی آواز نہ سنی گئی تو پاکستان کے 22 کروڑ عوام، جس میں مرد، بچے اور عورت شامل ہیں کشمیر کی جانب پیدل مارچ کریں گے. ساتھ ہی انہوں نے کہا کہ میں بھی دیکھتا ہوں کہ لاکھوں کشمیریوں کا خون بہانے والا بھارت 22 کروڑ عوام میں سے کتنے کا خون بہائے گا. انہوں نے اپنے ویڈیو پیغام میں بتایا کہ بھارت نے کیسے ہر دفعہ کشمیر کا مسلئہ حل کرنے سے راہ فرار اختیار کی. محمد علی درانی نے اقوام متحدہ سے مطالبہ کیا کہ کشمیر میں فوری طور پر ریفرنڈم کروایا جائے، بھارت کسی بھی صورت کشمیر پر زبردستی قبضہ نہیں کرسکتا.
یاد رہے کہ بھارت نے آرٹیکل 370 اور 35 اے کو منسوخ کرکے کشمیر کی خود مختاری ختم کردی ہے جس پر سخت ترین ردعمل دیکھنے میں آرہا ہے.
-
پاکستان میں ٹیسٹ کرکٹ 10 سال بعد بحال، شائقین کو خوشخبری سنادی گئی
لاہور: سری لنکن کرکٹ بورڈ نے نیشنل اسٹیڈیم کراچی اور قذافی اسٹیڈیم لاہور کا دورہ کرنے کے بعد انتظامات کو تسلی بخش قرار دیدیا.
تفصیلات کے مطابق سری لنکن کرکٹ بورڈ کے سیکیورٹی وفد نے یشنل اسٹیڈیم کراچی اور قذافی اسٹیڈیم لاہور کا دورہ کیا جہاں انہوں نے انتظامات کا جائزہ لیا. انتظامات کو تسلی بخش قرار دیتے ہوئے سری لنکن وفد کے سیکرٹری موہن ڈی سلوا نے میڈیا سے گفتگو کرتے ہوئے کہا ہےکہ ہم نے کراچی اور لاہور میں سیکیورٹی کا جائزہ لیا ہے۔ پی سی بی نے وفد کو بہترین سہولیات فراہم کیں ۔ موہن ڈی سلوا واپس جاکر اپنی سفارشات اپنے بورڈ کو دیں گے. واضح رہے کہ سری لنکن ٹیم کو پاکستان بھیجنے کا حتمی فیصلہ سری لنکن بورڈ ہی کرے گا، تاہم اس بات کے قوی امکانات ہیں کہ سری لنکن ٹیم 2 ٹیسٹ میچز پاکستان کھیلنے ضرور آئے گی.
دوسری جانب پی سی بی نے سری لنکن کرکٹ بورڈ کو ٹیسٹ سیریز کیلئے تاریخیں دیدی ہیں جس کے تحت پہلا ٹیسٹ کراچی میں یکم سے 5 اکتوبر تک کھیلنے جبکہ لاہور میں دوسرا ٹیسٹ 9 سے 13 اکتوبر تک قذافی اسٹیڈیم لاہور میں کھیلنے کی تجویز دی گئی ہے۔ ذرائع کا کہنا ہے کہ اس سلسلے میں سری لنکن ٹیم کراچی ٹیسٹ سے تین روز قبل پاکستان آئے گی.
-
بریکنگ نیوز: جنگ کا اعلان کردیا گیا، بارڈر پر کون لیڈ کرے گا؟ پوری دنیا میں کھلبلی مچ گئی
اسلام آباد: وفاقی وزیر ریلوے شیخ رشید نے اعلان کیا ہے کہ اگر جنگ ہوتی ہے تو میں بارڈر پر سب سے آگے لڑتا نظر آؤں گا.
تفصیلات کے مطابق نجی ٹی وی کے پروگرام میں گفتگو کرتے ہوئے شیخ رشید نے قوم کو اہم پیغام دیتے ہوئے کہا کہ "قوم میری یہ ریکارڈنگ یاد رکھے. میں ایسا کام دکھاؤں گا کہ شہادت کے بعد دنیائی تاریخ میں زندہ رہوں گا، میں بھارت کو نست و نابود کردوں گا” ایک سوال کے جواب میں شیخ رشید نے کہا کہ اگر جنگ ہوتی ہے تو میں بارڈر پر سب سے آگے لڑتا نظر آؤں گا. انہوں نے بھارتی میڈیا کو للکارتے ہوئے کہا کہ "پورا بھارتی میڈیا کان کھول کر سن لے! شیخ رشید کی آواز صرف سری نگر میں ہی نہیں بلکہ بھارت کے مسلمانوں تک بھی پہنچتی ہے، اور میں تمام انڈیا کے مسلمانوں کی آواز ہوں.”
جب جہالت اور انٹ شنٹ کو مکمل سرپرستی سے فروغ دیا جاتا ھے تو نتیجے ایسے ھوتے ھیں۔ مگر قصور شیخ صاحب کا بھی نہیں ھے۔ آج کل یہاں یہی معیار ھے۔ pic.twitter.com/OIkK0J4wnF
— Syed Talat Hussain (@TalatHussain12) August 9, 2019
واضح رہے کہ مودی سرکار کی جانب سے آرٹیکل 370 اور 35 اے کی منسوخی کے بعد سے ہی دونوں ملکوں کے درمیان کشیدگی جاری ہے. تاہم اسی سلسلے میں اب وفاقی وزیر شیخ رشید نے بھی بیان دیا ہے.
-
پاکستانی ٹیم کے نئے کوچ کا نام سامنے آگیا
لاہور: نیوزی لینڈ کے سابق ہیڈ کوچ مائیک ہیسن کا پاکستان کرکٹ بورڈ سے کوچنگ کیلئے رابطہ ہوا ہے.
تفصیلات کے مطابق نیوزی لینڈ کرکٹ ٹیم کے سابق کوچ مائیک ہیسن نے پاکستان کرکٹ ٹیم کی کوچنگ پر نظریں جما لی ہیں اور اس مقصد کیلئے انہوں نے انڈین پریمیر لیگ کو بھی خیرآباد کہہ دیا ہے. مائیک ہیسن پی سی بی کو کوچنگ کیلئے درخواست دیں گے جبکہ ذرائع کا کہنا ہے کہ کوچنگ کیلئے جن غیر ملکی افراد کے نام زیر غور ہیں، ان میں مائیک ہیسن مضبوط ترین امیدوار ہیں۔ مائیک ہیسن نے 6 برس نیوزی لینڈ کرکٹ ٹیم کی کوچنگ کے بعد گزشتہ برس اپنے عہدے سے استعفیٰ دیا تھا اور ان کے دور میں نیوزی لینڈ کرکٹ ٹیم ناصرف ورلڈکپ 2015ءکے فائنل میں پہنچی بلکہ ٹی 20 ورلڈکپ 2016ءکے سیمی فائنل میں بھی کوالیفائی کیا۔
واضح رہے کہ مکی آرتھر کے بعد پی سی بی کو پاکستانی کرکٹ ٹیم کے نئے ہیڈ کوچ کی تلاش ہے تاہم اب مائیک ہیسن کو پاکستانی ٹیم کی کوچنگ کیلئے مضبط امیدوار سمجھا جارہا ہے.